حرب الأشواق

[Proud wolf]

السلام عليكم
والله من زمان ما شاركت في المنتدى..
يايبلكم قصيدة اتمنى تحوز على رضاكم...واتقبل جميع الانتقاد البناء;)
واتمنى كذلك تقبلوني بينكم :)





في خاطري كم قول ويا ليت تصححيني

أحس امدادات حبج اختفت من هالوجود

أصارع في الليالي أشواقي وحلف حنيني

وأقاتل ما يعيبج وعن ذاك الحــــــب أذود

قلت عزيزة وحبيبة ومستحيل هي تخوني

قالت أشواقي حبيبتك خلاص سادها البرود

عقبها سمعت أشواقي بكاي ويا أنيــني

قالت:

هذا لحن طلبناه من كبر حبكم وصار عــــود

وش باقي يوم الأشواق تشمت فيــــني

وتستفز أنفاسي وتقول لها يلا صعــــــــــود

والقلب يطلبــها لو تكرمتـي احرقيني

يكفيني ما ذقت وما سقتني هالعــــــنود

وصاحت أفكاري وعقلي يقولون انج ما تبيني

وفوقهم عيني تقول شو هذا كله صدود!

"أحبك" ما سمعتها عبالج لعبة وتلعبيني!

يا بنت أنا كلي إحساس وربي منتي بزود!

هذا قلبي طالبنها ويا ليتج تسمعيني

كل حبج وكل شوقج والغرام وذيج العهود

إلا على طاري إحساسج لو انولد خبريني

ولو بيطول إجهضيه و وعد مني ما أعود



وسلامتكم

[UDK]

و عليكم السلام
اخوي Proud wolf



في خاطري كم قول ويا ليت تصححيني
أحس امدادات حبج اختفت من هالوجود


بصراحة مسكينة اللي اختفت امدادات حبها عنك
على كل هذا الابداع وشلون تختفي امدادات المحبة ؟؟




والقلب يطلبــها لو تكرمتـي احرقيني
يكفيني ما ذقت وما سقتني هالعــــــنود



البيت هذا اعجبني خصوصا الشطر الأول




إلا على طاري إحساسج لو انولد خبريني
ولو بيطول إجهضيه و وعد مني ما أعود



هذا اكثر بيت اعجبني في القصيدة و ما أقول باقي القصيدة سيئة
لكن في البيت هذا اعجبني التشبيه خصوصا انه تشبيه جديد او بمعنى اصح ما تكرر في القصايد كثير
القصيدة حلوة مرة انت ابدعت في هذي القصيدة

من متى تكتب الشعر ؟؟؟

واصل ابداعك معنا لا تحرمنا منه
و بالتوفيق لك يا رب



تحياتي

[Proud wolf]

السلام عليكم
تسلم اخوي UDK :)



والقلب يطلبــها لو تكرمتـي احرقيني
يكفيني ما ذقت وما سقتني هالعــــــنود


مثلك انا عجبني الشطر الاول وايد...




إلا على طاري إحساسج لو انولد خبريني
ولو بيطول إجهضيه و وعد مني ما أعود


كلامك صحيح التشبيه جدا رائع
واللي خلاه جذه انه صدق وليد احساس
هذا البيت كان تعقيب على بيت اخر في قصيدة اخرى كتبتها واللي بدت بـ:
(لو يموت فيك الشعور ...ببقى ارقب له ولادة)
طالت المدة فانكتب هالبيت

انا صارلي سنتين مع الشعر....

بس اخوي بغيتك تعلق على القافية والوزن وما الى ذلك لانه صج يهمني
واشكرك اخوي ع الرد :)

[UDK]

اخوي Proud wolf



بس اخوي بغيتك تعلق على القافية والوزن وما الى ذلك لانه صج يهمني

بصراحة القافية ما اقدر اقول فيها شيء القافية ممتازة

مشكلة هذي القصيدة في الوزن و حلو انك مهتم بالوزن
و مثل ما قلت لي انت تكتب من سنتين يعني ان شاء الله الوزن ما راح يكون صعب عليك
الوزن يخلي للقصيدة لحن واحد و ثابت على كل الابيات
يعني اسهل طريقة عشان تكتب قصيدة موزونة انك تلحنها بلحن ثابت
يعني حن الشطر الأول مثل لحن الشطر الثاني مثل لحن البيت الثاني إلى آخر القصيدة
و فيه طريقة ثانية للوزن لكن الطريقة الثانية اصعب و شحرها اطول لكن ميزتها انها ادق من طريقة التلحين
و اذا كتبت قصيدة موزونة بتلاحظ فرق بينها و بين قصايدك اللي قبلها
و بالتوفيق لك يا رب


تحياتي

[Exodia]

السلام عليكم

صح لسانك أخوي
ولا تعليق على القافيه فهي متميزة ..
ولكن الوزن بحاجه لبعض التركيز ..
ومثل ما قال أخوي UDK البعض يضبط الوزن باللحن وهذي أسهل طريقة لضبط الوزن ..
والطريقة الثانيه بعدد الحروف وهذي صعبه بعض الشيء ..
تابع هذا الموضوع يمكن أن تجد فيه ما يرضيك ^_^
كيف تعرف القصيدة الموزونه والمكسوره؟؟؟ (http://www.montada2.com/showthread.php?t=538337)

تستحق الترشيح وبانتظار جديدك ^_^

أطيب تحية

[Proud wolf]

تسلم يالاخو:)
تدري انا لما اقري شعري احس انه مضبوط وتقدر تلحنه ...
بس لما اجي أكتبه يطلع الوزن مب ضابط معايه