المساعد الشخصي الرقمي

مشاهدة النسخة كاملة : الله لايوفقكم ,,, طمع في طمع


.dark man.
25-08-2007, 09:42 AM
بسم الله الرحمن الرحيم

طبعا في كل مكان بعد زياده الرواتب طلعوا الطماعين ورفعوا الأسعار


المهم انا ساكن في مبنى الراجحي بمدينه الرياض بجوار اذاعه الرياض

-كان مطبخ الشقه لايمتليء بالصراصير كرمكم الله , نادر جدا انك تجد واحد

بعد سنه بدات تظهر وانتشرت بشكل غير طبيعي, توجهت الى إداره المبنى

ووجدت احد ابناء الراجحي ( ان لم اكن مخطئا ) وبجواره احد كبار السن

فاخبرته عن الموضوع وكان رده مثل وجهه

فقال : فيه في البقاله بودره ممتازه جدا , خذها ووزعها في المطبخ

:12: فقلت لنفسي انا ابو 10 سنوات عشان تعلمني

قلت له انتشارها غير طبيعي . ممكن يكون فيه شيء منكسر

قال : واعاد كلامه ,

والله العظيم احتراما للكبير السن اللي معه والاعرفت شغلي معه

طلعت من المبنى وانا ماصرت افكر , واقابل حارس العماره , فسئلني
قلت الله يلعن البخل كلها 10 ريال انا مستعد ادفعها بس يطلع العامل

مايريد ان يدفع للهندي لما يطلع للشقه ويشوف وين المشكله

فقال الحارس : تدري ان العمال ماعندهم اي شغله


-قضيه ثانيه : في المبنى مصعدين , الله واكبر لاحد يحسدني

فيه تنافس بينهم في الأعطـــــــال . مايمر شهرين او اقل الا واحد يتعطل , والله يوقف

ويالله استدعى الشركه , ويالله مره ثانيه , وفي احد المرات تعطل كلا المصعدين

وشاهدوا حاله الناس. كبار السن , الاطفال , ولما تكون معك اغراض البيت وش تسوي

تعرفون شكل القميص لما ترقعه كل دقيقه

هذا هو نفس الباب , ادخل المصعد واللي مايشتري يتفرج انواع التلحيم اللي على اصولها


-مواقف السيارات : ماعندي اي اعتراض عليها سوى الاملاح اللي تسقط من اسفل المبنى وتعدم لك

سيارتي. البويه بتدمر بسببها , بتشوفها واضحه على سيارتك ولما تقول من اللي بيدفع قيمه غسيل


مايردون عليك , عشان كذا اخذ سيارتي واضعها امام المبنى وتمتليء خلال يومين بفضلات الحمام-الله

يكرمكم جميعا - ماتفرق معي , طالما ان البويه ماتروح



اقسم بالله العظيم لو لا الله ثم حارس العماره المصري - دسوقي - ويمين بالله ان الكل بيتركهم


10/10 هذا الشخص , يقوم بعمله دائما ويغسل العماره . والله حتى لما اكون مسافر مع اخواني

يقوم بواجباته تجاه سكان العماره , يحضر لنا الغازات . الماء ,

والان هو مسافر والعماره اوصخ مايكون ياناس, الراجحي مافكروا يجضرون عامل على الاقل لمده 5


ساعات في اليوم , الهندي اللي احضرون يشرف على مبنى اخر بجانبنا وقام يشتكي لي همه

يقول : كل العماره يتصلون علي ويشتكون من المصعد له 4 ايام وهو متعطل ( 4 ايام سبحان الله )


كل هذه المقدمه من القهر اللي حصل امس


وصلنا امس ورقه من إداره المبني تقول فيها بانه قامت بزياده قيمه السكن من 22 الى 24 الف ريال

ليه وش الاسباب ؟
بتعملون لنا مسبح فوق العماره او جلسات شعبيه للرجال . ويمكن نقول مقهى انترنت لاسلكي ببلاش


امس دعيت عليهم واحد واحد, الله لايوفقهم لادنيا ولا اخره

الله لايوفق اللي كان السبب , 2000 ريال , يمين بالله نصفها يكفيني بانزين , ملابس . كتب

اي شيء


ويرفعون الأسعار . على ايش

الله لايوفقكم كل واحد يرفع السعر الله لايوفقكم

وش بيسوي اللي عنده اكثر من 4 اولاد



ماقول الا صدق الرسول صلى الله عليه وسلم .فيما معناه
لما قال ابن ادم لو عنده جبل من الذهب لتمنى جبل اخر

واحلى تحيه للنائمين في وازره السرقه

سلام عليكم
menalbi
25-08-2007, 11:22 AM
هذا الحاله من سنوات وهي نفس الشي

لا أحد مهتم ولا أحد يفكر يهتم

الإهمال من الجميع ومن كل جهه

مدري هي مسأله فلوس ولا (مااالي خلق)

لو تبغى تكتب معاناه كل واحد بهالبلد محا تخلص

الله يصلح حال الجميع.
SN!PER WOLF
25-08-2007, 11:40 AM
قول
لا حول ولا قوه الا بالله

الله يعينك

وادعي لهم لا تدعي عليهم

===

واذا المشكله مسأله فلوس ,, تراه كلنا نبغي وهم اكيد يبغون ,, لكن خل يراعون مشاعر المستأجرين

واذا المشكله زيادة الاسعار ,, اخوي فكر فيها كل الناس تبغي تزيد الاسعار لكن خل نقول زياده معقوله مش نفس الي صاير الحين يزيدون المعاش 30% زادو الاسعار 100%



والله يعطيهم ويعطيك ان شاء الله

الله يعينك
صقر المغرب الأقصى
25-08-2007, 03:23 PM
الله يعينكم أخي
inter virus
25-08-2007, 03:26 PM
الله يعينك .. وشكرا..
Naruto
25-08-2007, 05:05 PM
اول شي الله يعينكم جميعا على الاداره النايمه والوزارات الي موظفيها كرشو من قله الشغل
وهالشي صاير في معظم البلدان

وثاني شي هدي شوي وما يستاهل تعصب كال هالتعصيب

واخيرا وينك ما نشوفك بالرابطه معانا زي زمااان؟؟
أنــفــاسـ
25-08-2007, 09:03 PM
السلام عليكم ورحمه الله وبركاته



طبعا في كل مكان بعد زياده الرواتب طلعوا الطماعين ورفعوا الأسعار

هذي السالفه من زمااان زياده الرواتب ... وترا الزياده مو لهدرجه
بس الي لاحظته من كلامك المشكله في السكن
والسبب ان مواد البناء مرتف سعرها ... وهذي سالفه قديمه كمان .. وطبعا سمعت الخبر من الراديو ..ام بي سي اف ام



المهم انا ساكن في مبنى الراجحي بمدينه الرياض بجوار اذاعه الرياض

-كان مطبخ الشقه لايمتليء بالصراصير كرمكم الله , نادر جدا انك تجد واحد

بعد سنه بدات تظهر وانتشرت بشكل غير طبيعي, توجهت الى إداره المبنى

ووجدت احد ابناء الراجحي ( ان لم اكن مخطئا ) وبجواره احد كبار السن

فاخبرته عن الموضوع وكان رده مثل وجهه

فقال : فيه في البقاله بودره ممتازه جدا , خذها ووزعها في المطبخ

:12: فقلت لنفسي انا ابو 10 سنوات عشان تعلمني

قلت له انتشارها غير طبيعي . ممكن يكون فيه شيء منكسر

قال : واعاد كلامه ,

والله العظيم احتراما للكبير السن اللي معه والاعرفت شغلي معه

طلعت من المبنى وانا ماصرت افكر , واقابل حارس العماره , فسئلني
قلت الله يلعن البخل كلها 10 ريال انا مستعد ادفعها بس يطلع العامل

مايريد ان يدفع للهندي لما يطلع للشقه ويشوف وين المشكله

فقال الحارس : تدري ان العمال ماعندهم اي شغله

من كلامك لاحظت ان سكنت بنفس الشقه
ولو كنت مكانك مافي امل اسكن فيها
لا الشقق في الرياض كثيرررررر وانضف من كذا
ولو كنت مكانك كان كلمت البلديه


-قضيه ثانيه : في المبنى مصعدين , الله واكبر لاحد يحسدني

فيه تنافس بينهم في الأعطـــــــال . مايمر شهرين او اقل الا واحد يتعطل , والله يوقف

ويالله استدعى الشركه , ويالله مره ثانيه , وفي احد المرات تعطل كلا المصعدين

وشاهدوا حاله الناس. كبار السن , الاطفال , ولما تكون معك اغراض البيت وش تسوي

تعرفون شكل القميص لما ترقعه كل دقيقه

هذا هو نفس الباب , ادخل المصعد واللي مايشتري يتفرج انواع التلحيم اللي على اصولها

ياخي انت مواطن اذا ما قدر يسمع منك صاحب الشقه
تقدر تشتكي عليه انت واصحاب العماره على البلديه
وراح يخلونه يصلح كل شيء غصبا عن خشمه
بس للاسف واضح من كلامك انك ما بلغت البلديه

-
مواقف السيارات : ماعندي اي اعتراض عليها سوى الاملاح اللي تسقط من اسفل المبنى وتعدم لك

سيارتي. البويه بتدمر بسببها , بتشوفها واضحه على سيارتك ولما تقول من اللي بيدفع قيمه غسيل مايردون عليك , عشان كذا اخذ سيارتي واضعها امام المبنى وتمتليء خلال يومين بفضلات الحمام-الله يكرمكم جميعا - ماتفرق معي , طالما ان البويه ماتروح

املاح ؟؟ ومن اسف المبنى .... صراحه ما فهمت
اما سالفه الحمام ... ياخي ترا مو بيديهم يعني تبغاهم يكلمون الحمام ويقولون له لا ترمي فضلاتك على السياره ؟؟؟
و بعدين اخوي لا توقف تحت عشه حمام وريح راسك


اقسم بالله العظيم لو لا الله ثم حارس العماره المصري - دسوقي - ويمين بالله ان الكل بيتركهم هذا الشخص , يقوم بعمله دائما ويغسل العماره . والله حتى لما اكون مسافر مع اخواني

يعني بعد الصراصير والحمام والمصاعد الخربانه
يعشان المصري تجلس فيها :31:
واتوقع هذي شغلته وياخذ عليها راتب


والان هو مسافر والعماره اوصخ مايكون ياناس, الراجحي مافكروا يجضرون عامل على الاقل لمده 5
ساعات في اليوم , الهندي اللي احضرون يشرف على مبنى اخر بجانبنا وقام يشتكي لي همه
يقول : كل العماره يتصلون علي ويشتكون من المصعد له 4 ايام وهو متعطل ( 4 ايام سبحان الله )

الراجحي اكيد ما يدري عن الي يسوونه ولا كان قلب الدنيا عليهم
ومعروف جزاه الله خير بطيبه وكرمه
بس اكيد ما يدري عنهم
وزي ما قلت لك اشتك للبلديه وراح يساعدوك

وصلنا امس ورقه من إداره المبني تقول فيها بانه قامت بزياده قيمه السكن من 22 الى 24 الف ريال
الله لايوفق اللي كان السبب , 2000 ريال , يمين بالله نصفها يكفيني بانزين , ملابس . كتب

اولا هم ما يقدرون يزيدون الايجار ألا اذا انتهى عقدك
واضح اخوي ان راتبك ضعيف .... واشوف ان الشقه غاليه 22 الف
ياخي ليه ما تروح حي عادي وم الاحياء القديمه
وصدقني راح تلقى ارخص كثير ويمكن تلقاه ب 10 الاف في السنه ويمكن اقل
بس انت دور
مو تدور في الاحياء الراقيه او المتوسطه لانها راح تكون غاليه عليك
وصدقني لو دورت مضبوط راح تلقى ... طبعا اذا كنت عايله
اما عزاب ممكن يكون صعبه عليك تلقى


ويرفعون الأسعار . على ايش
الله لايوفقكم كل واحد يرفع السعر الله لايوفقكم

بصراحه انا مالاحظت هذا الشيء وانه لهدرجه زي ما تقول
وطبعا انا من سكان الرياض .. بس يمكن انت اخوي جديد في الرياض
عشان كذا تحس انها غاليه
بس جميع العواصم في العالم اسعارهم تختلف عن القرى والمدن الصغيره

وش بيسوي اللي عنده اكثر من 4 اولاد
تقدر اخوي تزور جمعيه البر في الرياض ولها فرع جنب برج التلفزيون
راح يساعدونك كثير ... ويمكن يسددون عنك الاجار بعد
بس صدقني راح يساعدونك كثير وما راح يقصرون


واحلى تحيه للنائمين في وازره السرقه
وما فهمت كلامك :ponder:

سلام عليكم
وعليكم السلام


وبالتوفيق اخوي
أنــفــاسـ
25-08-2007, 09:09 PM
اول شي الله يعينكم جميعا على الاداره النايمه والوزارات الي موظفيها كرشو من قله الشغل
وهالشي صاير في معظم البلدان
ما ادري اذا كان هذا الشي يصير في البلد الي انت فيه :ponder:..
بس للمعلوميه السعوديه ما فيها هذا الشيء ولا قد كرشت موظفيها لانها الحمدلله في خير ونعمه... ولا قد سمعت في حياتي انه تم كرش موظف من منصبه إلا اذا كان لسبب اخلاقي او اشياء من هذا النوع وهي نادره ولله الحمد....ويكفي شيء واحد ان السعوديه اكبر دوله مصدره للنفط ..
يعني معقوله راح تكرش موضفينها ؟؟؟ بالعقل اخوي ...



تحيااااااااااااااااااااااااتي
Naruto
25-08-2007, 09:40 PM
ما ادري اذا كان هذا الشي يصير في البلد الي انت فيه :ponder:..
بس للمعلوميه السعوديه ما فيها هذا الشيء ولا قد كرشت موظفيها لانها الحمدلله في خير ونعمه... ولا قد سمعت في حياتي انه تم كرش موظف من منصبه إلا اذا كان لسبب اخلاقي او اشياء من هذا النوع وهي نادره ولله الحمد....ويكفي شيء واحد ان السعوديه اكبر دوله مصدره للنفط ..
يعني معقوله راح تكرش موضفينها ؟؟؟ بالعقل اخوي ...



تحيااااااااااااااااااااااااتي




اول حاجه هالشي يصير بكل البلدان العربيه ولله الحمد
ثاني شي اعطيك معلومه انه بالرياض كلها ما كان في الا مفتشين صحيين فقط
في احد السنوات والاروعه انه هالشي اصلا كمان كانه له حلقه كامله من مسلسل طاش ما طاش الشهير

وبعدين حبيبي انا قصدت بكلمه كرشت يعني صارت عندهم كروووش من قله الشغل وعدم اللف والبحث عن المخالفين وما قصدك كرشت ( بفتح الراء) اي طردت :33:

ارجو انك فهمت قصدي وانا افهم من ردك انك فهمتني خطا وردك جا بناء على فهمك الخاطئ للكلمه


وبالنهايه لك شخص رايه :biggthump
أنــفــاسـ
25-08-2007, 10:00 PM
اول حاجه هالشي يصير بكل البلدان العربيه ولله الحمد
ثاني شي اعطيك معلومه انه بالرياض كلها ما كان في الا مفتشين صحيين فقط
في احد السنوات والاروعه انه هالشي اصلا كمان كانه له حلقه كامله من مسلسل طاش ما طاش الشهير
ممكن يصير في البلدان العربيه بس بنسبه اقل في السعوديه من غيرها
وما اتوقع بس شخصين في الرياض :31:
لاني كنت شغال في شركه عملاقه معروفه في الرياض
وراح اذكر اسمها لاني طلعت منها من زماااااان
اسمها ايكيا IKEA وكانو المفتشين الصحيين
كل بعد مده طابين عليهم ... وهذا يدل على اهتمامهم
بس احيان ما يقدرو يلحقون على كل شيء
واخوي مو معنى شيء صار في طاش مطاش
يعني خلاص هذا شيء خطاء فينها او يصير عندا
بس طاش تكبر الموضوع اكثر من الازم
والمفروض انت كسعودي ومن سكان العاصمه تعرف هذا الشيء
لانك راح تشوفه وتلاحضه في الي حولك

وبعدين حبيبي انا قصدت بكلمه كرشت يعني صارت عندهم كروووش من قله الشغل وعدم اللف والبحث عن المخالفين وما قصدك كرشت ( بفتح الراء) اي طردت :33:

ارجو انك فهمت قصدي وانا افهم من ردك انك فهمتني خطا وردك جا بناء على فهمك الخاطئ للكلمه
كلامك صحيح
واعتذر اخوي عن فهمي الخطاء للكلمه
واعتذر منك( اسف :) )

وبالنهايه لك شخص رايه :biggthump
اكيد :D


تحياااااااااااااااااااااااتي
B@dr
26-08-2007, 02:08 AM
الله يعينك أخي الكريم ..
.dark man.
26-08-2007, 03:40 PM
هذي السالفه من زمااان زياده الرواتب ... وترا الزياده مو لهدرجه


غيرك في عينه وانا اخوك مليون ريال





من كلامك لاحظت ان سكنت بنفس الشقه
ولو كنت مكانك مافي امل اسكن فيها
لا الشقق في الرياض كثيرررررر وانضف من كذا
ولو كنت مكانك كان كلمت البلديه



انا ساكن مع الوالد الان , الى الان ماتخرجت




املاح ؟؟ ومن اسف المبنى .... صراحه ما فهمت
اما سالفه الحمام ... ياخي ترا مو بيديهم يعني تبغاهم يكلمون الحمام ويقولون له لا ترمي فضلاتك على السياره ؟؟؟
و بعدين اخوي لا توقف تحت عشه حمام وريح راسك


المبنى اللي ساكن فيه , تحته مواقف مباشره , فتنزل قطرات من الماء تعدم لك البويه , ولا فيه حل الا

اني اوقفها خارج المبنى ( لكل شقه موقف وباقي المواقف لمن يسبق ويوقف قبل الأخر )

وباقي المواقف اللهم لاحسد , مثل ماقلت لك تنزل على السياره وتعدم لك بويتك

فمادري لو والدك ماخذ موقف , والمواقف الثاني اللي اي واحد يقدر يوقفه , وانت تعلم انها بتعدم لك

البويه ياترى بتوقف فيها سيارتك ؟


وانا ماقلت لهم انتم السبب في ان الحمام يرمي فضلاته على سيارتي


انا قلت انه يطالبون بفلوس وخدماتهم مثل وجهم




يعني بعد الصراصير والحمام والمصاعد الخربانه
يعشان المصري تجلس فيها :31:
واتوقع هذي شغلته وياخذ عليها راتبو


انا قلت غير كذا , انا تكلمت عن ان المصري بعد رحيله , الإداره ماتعبت نفسه واحضرت عامل

يقوم بعمل الحارس اللي اخذ اجازه , نريده بس 5 ساعات في اليوم بس , واحب اقولك

العماره الان من بدايه الاجازه الى الان ماتم غسلها . وياسلام على منظر المبنى

- والصراصير : من مسؤوليه اداره المبنى وليس الحارس نفسه , اكلم واحد مسؤول ويرد علي

برد مايسوى ريال واحد . كانه يقول يالله يالله اخلص علينا بس





الراجحي اكيد ما يدري عن الي يسوونه ولا كان قلب الدنيا عليهم
ومعروف جزاه الله خير بطيبه وكرمه
بس اكيد ما يدري عنهم

وكلامي موجه للمسؤولين عن المبنى اللي انا فيه واصحاب القرارات اللي اتفقوا على زياده رفع

الراتب



اولا هم ما يقدرون يزيدون الايجار ألا اذا انتهى عقدك
واضح اخوي ان راتبك ضعيف .... واشوف ان الشقه غاليه 22 الف
ياخي ليه ما تروح حي عادي وم الاحياء القديمه
وصدقني راح تلقى ارخص كثير ويمكن تلقاه ب 10 الاف في السنه ويمكن اقل

سكني مع الوالد الله يحفظه ,





بصراحه انا مالاحظت هذا الشيء وانه لهدرجه زي ما تقول
وطبعا انا من سكان الرياض .. بس يمكن انت اخوي جديد في الرياض
عشان كذا تحس انها غاليه
بس جميع العواصم في العالم اسعارهم تختلف عن القرى والمدن الصغيره

انا ساكن في الرياض من يوم كنت صغير , غاليه ,



تقدر اخوي تزور جمعيه البر في الرياض ولها فرع جنب برج التلفزيون
راح يساعدونك كثير ... ويمكن يسددون عنك الاجار بعد
بس صدقني راح يساعدونك كثير وما راح يقصرون



الله يجزاك خير , الحمدلله حالتنا ميسوره ,
.dark man.
29-08-2007, 09:34 PM
السلام عليكم ورحمه الله وبركاته


اوكي شباب تفضلوا صورتين من جوالي

الاولى : فيها صوره للمصعد وهو متعطل ,

الثانيه : التلحيم للباب , ماراح يغيرونه الا لما تصير مصيبه فوقه راسهم