اصنع مراوح للأكس360 وودع الحراره للأبد

[ADEEEL]

السلام عليكم

مقدمه:
لعل الكثير يعاني من مشاكل الاكس بوكس360 مع الحراره الزائده وميكروسوفت لم تفعل شيئا ونحن بصفتنا نمتك اجهزه من الدفعات القديمه 2005 او 2006 سنواجه الكثير من مشاكل الحراره وربما يتعطل الجهاز والسبب الحراره وظهور اللمبات الحمر ويجب علينا التحرك قبل فوات الاوان .

بداية اكتشاف تأثير الحراره الزائده:
عندما تقوم بالعب لمده طويل او قصيره وأنطفاء الجهاز بشكل مفاجيء فهذا دليل على وجود الحراره الزائده التي لايمكن للجهاز تحملها لذالك يقوم الجهاز بالاطفاء واظهار لمبات حمر بشكل مؤقت وربما يشتغل الجهاز عادي لكن ان لم تسارع بصنع مراوح فأن نهاية جهازك قريبه, ولماذا تنتظر ظهور اللمبات الحمر لكي تحاول انقاذه حاول ان تتحرك الان واصنع مراوح بنفسك لاتكن كسول .

طرق متعددة لصنع مراوح كفيله بحماية الجهاز:
الطريقه الاولى هي تحويل مروحه نيكو من سحب الكهرباء من الاكس بوكس وجعلها تسحب الكهرباء من محول كهرباء خارجي لتجنب مشاكل المروحه الكثيره منها حرق جهازك الاكس بوكس و زيادة حرارة 200% عن المعدل الطبيعي.

الطريقه الثانيه هي استخدام مراوح كمبيوتر وتحويلها الى وسيلة فعاله لتبريد الاكس بوكس360.

والان بسم الله نبدأ

الطـــــريـــــــقه الاولـــــــــى

http://www.members.lycos.co.uk/adel474/adelx360.jpg



1 نجيب مروحه نيكو .. اسمها بالانجليزي nyko intercooler ونفك براغي القاعده ونشيل جميع الاسلاك ونخلي فقط اسلاك المراوح الاحمر والاسود واضحات بالصوره رقم 3 .. الحين يجب قطع جزء من المروحه بسكين حار ويتم قطع المروحه انظر الصوره 3 والصوره 4 ...
2 نجيب محول كهربا قوته 12 فولت ونقص الفيش ونخليه فقط سلكين مثل ماهو واضح بالصوره ..
3 نشبك سلك واحد من المحول مع المروحه ونضع عليه شريط لاصق وبعدين نشبك السلك الثاني للمحول مع الواير الثاني مال المروحه ونجمع الاسلاك كلها مع بعض ونلفها بالشريط الاصق
4 شوفو الصوره عدل تلاحظون وجود دقمة تشغيل واطفاء المروحه هذي اذا اتبعتم الشرح بشكل صحيح راح تقدرون تطفون المروحه وتشغلونها عن طريق هذا الزر
5 هذا الشكل النهائي وراح تحصل على وسيلة تبريد امنه وفعاله ...

المميزات : اداء فعال وتبريد لجميع محتويات الجهاز الداخليه وعدم ظهور مشاكل اللمبات الحمر نهائيا
العيوب: صوت المراوح مزعج لكن اثناء اللعب ستنساه - اذ لم تثبت المروحه بشكل جيد ستظهر صوت اهتزاز
التقيم النهائي: 6

الطـــــريـــــــقه الــــــثانيـــــــــــه

http://www.members.lycos.co.uk/adel474/ADEL360.jpg



1 الادوات المطلوبه واضحه بالصوره
- محول كهربا 12 فولت
- عدد 2 مروحه ملوت كمبيوتر سعره الوحده نص دينار
-شريط لاصق
-سكين حاده لسلخ الوايرات
2 نقطع فيش المحول كما هو واضح بالصوره
3 نقطع كونكتر الطاقه ملوت المراوح الثنتين ونشبك اسلاك المروحتين مع بعض بنفس الالوان
4 نشبك وايرات محول الكهربا مع وايرات المراوح
5 نلف الطرف الاول بشريط لاصق عشان لايصير تماس كهربائي
6 نلف الوايرات مع بعض بشريط لاصق بشكل جيد
7 يجب تقليل طول الوايرات ولف الجزء الزائد بالشريط الاصق
8 هذا الشكل النهائي بس لازم تكون مركب المراوح بهذا الاتجاه وتأكد ان المراوح تطرد الهواء للخارج .حاول تثبت المراوح بشريط لاصق واحد طويل لكل مروحه ممتد من اسفل كفر الجهاز الى اعلى الكفر ولا تقلق قاعدة المروحه لن تحتك بالاكس بوكس
المميزات: تبريد قوي جدا جدا ومن اقوى وسائل التبريد على الاطلاق بحيث ينعدم وجود الحراره بشكل نهائي وليس لها صوت بالرغم من قوة دفع الهواء
العيوب: -
التقيم :10

ملاحظه: تلاحظون بالصورتين جهاز اكس بوكس ابيض والثاني اسود هو بالاصل جهاز واحد بس انا صابغه باللون الاسود يعني elite هههههههههه عاجبني اللون الأسود :)

ملاحظه2 : اول ماشريت الاكس بوكس عانيت من مشاكل الحراره لكن يوم ركبت مراوح انتهت المشاكل والحمدالله :)

تم والحمدالله

يجوز نقل الموضوع بدون مسح الحقوق مع تحيااااتي للجميع اخوكم عادل

[محمد15315]

مشكور اخوي على الخبر الجديد بس
عندي سؤال انت سويتها المروحه ولا لا

وشكرا

[ابو<خالد>]

-_-

مشكور والعمليه تحت التجربه ......

[ADEEEL]

العفو اخواني وهذي الطرق انا الي مسويها ومصورها بنفسي :)

[محمد15315]

اخوي ماتحس انها صعبه شويء انا ما عرفت اشلون اسويها ارجو المساعده وشكرا

[VII]

من الجمعية فيه بطاريات انرجايزر اعتقد مجموعة ام 8 بطاريات,
يعطونك معاه مروحية...
ركبها و تنحل مشكلة الحرارة... وايد الطريقة أقل تكليفاا ههههه

عالعموم, تسلم و انشالله تفيد اللي تحوشه هالمشكلة

[The Great Lord]

ايه هاذي المواضيع المفيده مشكوووووووور اخوي



:biggthump:biggthump

[kllor]

مشكور أخوي
الموضوع مفيد جدا
و لكن لا أستطيع المجازفة

[ZiDaNe 5]

مشكور أخوي
الموضوع مفيد جدا
و لكن لا أستطيع المجازفة
طريقة الاخ مافيه مجازفه ابدا الطريقه مضمونه 100%

انا افضل الطريقة الاولى الي اهي استعمال مراوح نيكو لأنها اسهل طريقه لكن صوتها مزعج مثل ما قال الاخ لكن الطريقه الثانية يبيلها شويت شغل و اهي الأحسن

ترى الاخ فاهم شنو قاعد يسوي و على فكرة اهو الي مسوي اشرح حتى شوفوا الصورة رقم 5 فيها ستكر مال جيم ستيشن :09:

شرايك تفتح لك محل تبيع مراوح حق الـ360 :silly: << صدقني تربح لوول :09:

مشكور على الشرح :D

[kllor]

هل تعلم من أين أستطيع الحصول على الحول مال الصورة رقم 2 التابعة لطريقة 1
و أسفين على الزعاج
أنا من الكويت
إذا كان أي واحد يعرف محل أو من اللوازم العائلة فل يقل لي و أكون شأكر

[محمد15315]

اخوي ممكن توظحلي كيف اسوي المروحه ارجو الرد

[ADEEEL]

هل تعلم من أين أستطيع الحصول على الحول مال الصورة رقم 2 التابعة لطريقة 1
و أسفين على الزعاج
أنا من الكويت
إذا كان أي واحد يعرف محل أو من اللوازم العائلة فل يقل لي و أكون شأكر روح لأي محل للأجهزة الكهربائية وقوله ابي محول 12 فولت ترا اي محول يصلح بس لازم 12 فولت مو مهم مثل الي بالصوره .. لوازم العائله تحصل عندهم :)

[ADEEEL]

اخوي ممكن توظحلي كيف اسوي المروحه ارجو الرد شوف اخوي الطريقه الاولى صعبه شوي لكن الطريقه الثانيه اسهل وافضل بالتبريد وانا الحين استخدم الطريقه الثانيه :) والعمليه سهله بس جيب مروحتين مثل الي بالصوره من اي محل كمبيوتر وجيب محول 12 فولت وقص وايرات المروحتين واشبك اسلاكم مع بعض بنفس اللون واخر شي اشبكهم بالمحول وبس مافيها اي صعوبه

[ADEEEL]

طريقة الاخ مافيه مجازفه ابدا الطريقه مضمونه 100%

انا افضل الطريقة الاولى الي اهي استعمال مراوح نيكو لأنها اسهل طريقه لكن صوتها مزعج مثل ما قال الاخ لكن الطريقه الثانية يبيلها شويت شغل و اهي الأحسن

ترى الاخ فاهم شنو قاعد يسوي و على فكرة اهو الي مسوي اشرح حتى شوفوا الصورة رقم 5 فيها ستكر مال جيم ستيشن :09:

شرايك تفتح لك محل تبيع مراوح حق الـ360 :silly: << صدقني تربح لوول :09:

مشكور على الشرح :D

صحيح كلامك الطريقه مافيها اي مجازفه او خطوره ولا يمكن ان تضر بالجهاز .. وكلامك صحيح جهازي من جيم نيشن , وبخصوص بيع مراوح هذي شلون طافتني :biggthump

[محمد15315]

اخوي يعني المتطلبات لصنع مروحه تقريبا بكم ريال سعودي وكم يتطلب صنع المرلوح من يوم

وشكلرا

[DArrrrrK]

يعطيك العافيه اخوي وبجربها انشاءالله

[kllor]

مشكور أخوي على المساعدة

إنشاء الله اليوم أجربها

[panzers]

شكرا اخى ADEEEL على الطريقتين على فكرة انا عامل الطريقة الثانية بقالى شهر والله طريقة كويسة جدا وتخفى الحرارة نهائيا.على فكرة اخى الطريقة الثانية من الافضل ان توصل المروحتين فى كابل باور الكمبيوتر لانك عندما توصلهم فى المحول بيسحبوا كهرباء من بعض يعنى جرب توصل مروحة واحدةفى المحول 12 فولت وهى شغالة وصل المروحة الثانية سوف تلاحظ ان سرعة المروحة الاولى انخفضت والثانية ايضا جرب فصل المروحة الثانية سوف تلاحظ ان سرعة الاولى زادت يعنى لما توصل الاثنين مع بعض سوف يسحبوا من بعض الكهرباء وسرعتهم سوف تقلز
جرب بان تفعل نفس الطريقة ولكن وصل المراوح بكابل باور الكمبيوتر مثل الذى يشبك فى الهارد والcd سوف تلاحظ ان السرعة ثابتة ولن تتغير بمروحة او مروحتين وهذا يرجع الى الباور العالى والثابت الذى يخرجه الpower supply الخاص بالكمبيوتر
وللزيادة ضع 4 مراوح كل اثنين خلف بعض سوف يزيدوا معدل الهواء المتدفق الى الخارج

[ADEEEL]

شكرا اخى ADEEEL على الطريقتين على فكرة انا عامل الطريقة الثانية بقالى شهر والله طريقة كويسة جدا وتخفى الحرارة نهائيا.على فكرة اخى الطريقة الثانية من الافضل ان توصل المروحتين فى كابل باور الكمبيوتر لانك عندما توصلهم فى المحول بيسحبوا كهرباء من بعض يعنى جرب توصل مروحة واحدةفى المحول 12 فولت وهى شغالة وصل المروحة الثانية سوف تلاحظ ان سرعة المروحة الاولى انخفضت والثانية ايضا جرب فصل المروحة الثانية سوف تلاحظ ان سرعة الاولى زادت يعنى لما توصل الاثنين مع بعض سوف يسحبوا من بعض الكهرباء وسرعتهم سوف تقلز
جرب بان تفعل نفس الطريقة ولكن وصل المراوح بكابل باور الكمبيوتر مثل الذى يشبك فى الهارد والcd سوف تلاحظ ان السرعة ثابتة ولن تتغير بمروحة او مروحتين وهذا يرجع الى الباور العالى والثابت الذى يخرجه الpower supply الخاص بالكمبيوتر
وللزيادة ضع 4 مراوح كل اثنين خلف بعض سوف يزيدوا معدل الهواء المتدفق الى الخارج
كلامك صحيح اخوي وانا عندي علم بهذا وانا وضعت محول واحد لمروحتين لسبب مهم وهوا تخفيف سرعة دوران المروحه لكي يخف الازعاج :) وطريقتي والحمدالله كافيه جدا طالما ان الاكس بوكس بارد من جميع الاتجاهات حتى من الاسفل :) وشكرا لك عزيزي

[ADEEEL]

العفو اخواني .. وياليت الي يسوي احدى الطرق ان يتكرم ويخبرنا عن رأيه :)

[panzers]

كلامك صحيح اخوي وانا عندي علم بهذا وانا وضعت محول واحد لمروحتين لسبب مهم وهوا تخفيف سرعة دوران المروحه لكي يخف الازعاج :) وطريقتي والحمدالله كافيه جدا طالما ان الاكس بوكس بارد من جميع الاتجاهات حتى من الاسفل :) وشكرا لك عزيزي
شكرا اخى عادل ولكن اعتقد ان مشكلة الازعاج الذى يصدر من المراوح واهو ملحوظ الان الواحد بيعلى صوت التيليفزيون فلا يلاحظ صوت المراوح

[ADEEEL]

شكرا اخى عادل ولكن اعتقد ان مشكلة الازعاج الذى يصدر من المراوح واهو ملحوظ الان الواحد بيعلى صوت التيليفزيون فلا يلاحظ صوت المراوح فعلا هذا حل جميل , لكن من الممكن ان الواحد يجيب مروحه وحده مقاس اكبر بمرتين عن المروحه العاديه .. واستخدامها بدل المروحتين الصغار .. لذالك سوف تشتغل المروحه بكامل قوتها . . . وكامل هدوئها :) والعفو اخوي

[SN!PER WOLF]

شكررااااااااااا

[زد الشيله]

طبعا لابد من من المراوح حتي نتجنب المشكال الحراره

وشكر اخوي الكريم علي شرح الوافي

ماقصرت

[Artistic-Mind]

انا مسوي دولاب ومركب فيه 16 مروحة موزعة بدراسة والمراوح مبروطة بباور سبلاي ممتاز والمراوح والباور من شركة thermeltake ماني متأكد من الspelling المهم انه ما عدني اي مشاكل والجهاز مافيه حرارة البتة :D

[ADEEEL]

انا مسوي دولاب ومركب فيه 16 مروحة موزعة بدراسة والمراوح مبروطة بباور سبلاي ممتاز والمراوح والباور من شركة thermeltake ماني متأكد من الspelling المهم انه ما عدني اي مشاكل والجهاز مافيه حرارة البتة :D
من زمان كنت مفكر اسوي كيس خاص للأكس بوكس بس تراجعت عن الفكره عشان يبيلها شغل كثير والحين مقتنع بالمراوح وقايمات بالواجب وزود ... بس ياليت تحطلي صورة دولابك العجيب :) وشكرا لك .


اخواني الكرام اشكركم جزيل الشكر على الرد ...

[Quad Canon]

هلا أخوي

أشكرك على الموضوع الرائع

و بعد التجريب الصراحه ألحين ألعب و أنا مرتاح
و في الصوره تشوفون أن المراوح مزودات بمتحكم للسرعة :biggthump
http://img214.imageshack.us/img214/41/07092007205sq5.th.jpg (http://img214.imageshack.us/my.php?image=07092007205sq5.jpg)

[kllor]

سؤالي ي متأخر و أسفين
و لكن أستطيع استخدام التيب بدلا من اللاصق في الطريقة الثانية ؟

[kllor]

نجحت العملية
مشكور أخوي و يعطيك الله ألف عافية

[ADEEEL]

هلا أخوي

أشكرك على الموضوع الرائع

و بعد التجريب الصراحه ألحين ألعب و أنا مرتاح
و في الصوره تشوفون أن المراوح مزودات بمتحكم للسرعة :biggthump
http://img214.imageshack.us/img214/41/07092007205sq5.th.jpg (http://img214.imageshack.us/my.php?image=07092007205sq5.jpg)
ماشاالله نوعية طيبه من المراوح وفكرة تحكم بالسرعه مضبوطه وشكرا لك لوضع صور :biggthump

[ADEEEL]

نجحت العملية
مشكور أخوي و يعطيك الله ألف عافية مبروك اخوي والله يعافيك :)