التلفاز يدعم 1080 بي عن طريق الكومبوننت فماهي مشكلة الاكس بوكس

[فوق المستحيل]

السلام عليكم ورحمه الله

اخواني لاحظت امر غريب جدا..جهاز الاكس بوكس حين اضع الوضوح على 1080 بي

بعد نصف ساعه او ساعه يطفي التلفزيون ويرد يشتغل من نفسه

لكن لما احطه على وضوح 1080 اي..مايحصل اي شي والامور طبيعيه

جربت السوني 3 على وضوح 1080 بي..ايضا ماحصل شي والامور طبيعيه

انا شكيت في الوصلات مال الاكس بوكس..وانه ماتتحمل هالوضوح لفترات طويله

يعني بالعربي هل الحل بال HDMI

ومن لديه المعرفه ياريت يبلغنا

ومشكورين مقدما

[NikoBellic]

رفيجي عنده تلفزيون سوني برافيا X مشغله على 1080p عن طريق الكمبوننت
رفيجي الثاني مشغله عن طريق شاشة سمسونج بوصلة VGA Cable .. وراح يتشري الاكس بوكس نفس مالي بو HDMI على شان يرتاح ..

[فوق المستحيل]

مااعتقد ان السوني اكس يدعم 1080 بي عن طريق الكومبوننت

والي عندك النسخه المعدله مااعتقد تدعم 1080 بي..حسب ماقريته في امازون

[فوق المستحيل]

اسف ذهبت لامازون ووجدت انه يدعم 1080 بي..والله غريبه انا قريتها قبل 1080 اي

[Bu Faisal]

غريبة والله

[NikoBellic]

الله بالخير .. Xbox 360 كله يدعم 1080p الحين.
جهازي Xbox 360 HDMI دايركت احطه بالشاشة و 1080p على طول .. بس للأسف ما عندي شاشة HD .. ان شاء الله احصلها آخر السنة او السنة الجاية

[فوق المستحيل]

نيكو اعتقد اني وضحت كلامي ...



الله بالخير .. Xbox 360 كله يدعم 1080p الحين.


معلش العتب على النظر اخي..ارجع لكلامي واقرأ سؤالي جيدا وسوف تعرف اين انا واين انت ؟

اخوي بو فيصل

فعلا امر غريب ومحير..يعني ليش فقط على ال1080 بي يسبب هالمشكله

اتوقع من الوصلات مالت الاكس بوكس

[NikoBellic]

جرب VGA لو native resolution مال شاشتك 1920x1080

[فوق المستحيل]

عذرا اخي..مااعرف الفي جي ايه..هل تقصد الوصله المشابه لكرت الشاشه للبي سي

ان كان هذا قصدك فاانا اذكر اني قرات انه لا تدعم 1080 بي

انا وضوح شاشتي full hd

سامسونج m81

[عليك نور]

مع احتر امي لك اخوي مافي كمبونت يدعم صيغة 1080 P

وانت قلتها بالعربي ما ينفع الا اللي خبرك HDMI

سلامات

[Xbox 360 hd]

مع احتر امي لك اخوي مافي كمبونت يدعم صيغة 1080 P

وانت قلتها بالعربي ما ينفع الا اللي خبرك HDMI

هذا البلايستيشن 3 الكمبونت حقه اللي مايدعم غير 470 بي

كن الاكس يجي معه كمبونت 1080 بي

الاكس بوكس يدعم 1080 بي من الكمبونت ويمديك تشغلها عادي بدون مشاكل امكن المشكلة من نفس الكمبونت

او الاسلاك مش مشبوكة تمام في التلفزيون او نفس الهاردوير حق الاكس عندك فيه مشكلة لما تشبك 1080 بي

[عليك نور]

هذا البلايستيشن 3 الكمبونت حقه اللي مايدعم غير 470 بي

كن الاكس يجي معه كمبونت 1080 بي

الاكس بوكس يدعم 1080 بي من الكمبونت ويمديك تشغلها عادي بدون مشاكل امكن المشكلة من نفس الكمبونت

او الاسلاك مش مشبوكة تمام في التلفزيون او نفس الهاردوير حق الاكس عندك فيه مشكلة لما تشبك 1080 بي



عفواً اخوي ممكن توضح لي اكثر شلون الكمبونت يدعم صيغة 1080 بي


واكون شاكر لك

[فوق المستحيل]

مشكورين على الاضافات

لكن اخوي اكس بوكس..السالفه مو معاي انا بروحي..في عضو ايضا حصلت معاه السالفه نفسها

اخوي عليك نور..الكومبوننت يدعم ال 1080 بي لان فيه خيارين..خيار av وخيار hdtv..لكن بحاله الاكس بوكس الله يعلم يمكن يدعم لكن مايخلو من مشاكل

لان ال 1080 بي..جاي من ابديت ...يعني الاكس بوكس مو مصمم لل 1080 بي هارديوريا طبعا اتكلم عن نسخه البريميوم

[Xbox 360 hd]

من خيارات دقة العرض في كل نسخ الاكس بوكس يمديك تحط 1080بي وينقل الصورة عن طريق الكمبونت
لانك يمديك تغير وضعية الكمبونت من زر ي نفس الكمبيونت من tv الى hdtv والعكس

بس افضل شي عشان ينعرض 1080بي لا بد من hdmi ولكن الاكس بوكس يدعم خاصية 1080 بي عن طريق الكمبونت و Vga

[solid619]

انا شاشتي تدعم 1080 بي وشابك الجهاز بالكمبوننت والحمد لله شغال تمام العب عليه 4 او 5 ساعات ما يسير شي

[فوق المستحيل]

شرايكم ياجماعه اشتري جهاز فيه hdmi والا اخاف ماتنحل المشكله بعد !

[q8pro]

يبا
الكمبونت مايدعم 1080p
انا عندي برافيا x
شغال على 1080i
اذا تبي 1080p
عليك بالاكس بوكس الاليت hdmi
هو الي يدعم

وشكرا

[فوق المستحيل]

اخوي زنت تلفزيوني سامسونج وليس برافيا اكس

شكرا على المساعده

[SNIPER GAMES]

شباب أرجو المساعدة

أنا عندي الإكس بوكس العادي ( القديم ) اللي قبل الإليت وناوي أشتري شاشة سوني برافيا ( U model )
1080p مع فتحة HDMI في التلفزيون

فهل الإكس بوكس 360 يدعم هذا التلفاز أم أنه لا فائدة من شرائه .... وهل سيكون هناك فرق كبير في درجة وضوح ونقاوة الصورة عن التلفزيونات العادية ؟!!

أرجو الإجابة بسرعة عن هذا التسائل لأني ناوي أشتريها في هاليومين قبل ما أشتري هالو 3

[فوق المستحيل]

شوف اخوي..انا صارت لي مشكله مع وضوح 1080 بي بخصوص الاكس بوكس العادي

والي اعرفه ان السوني مايدعم هالوضوح الا عن طريق hdmi

يعني حلك بالاكس بوكس الاسود

والفرق بين تلفزيونات الhd والعاديه .كبير جدا ولا يستهان به

[q8pro]

فوق المستحيل انت تقصد انه السوني مايدعم الفل اج دي على الكمبونت فقط
انا على بالي انه كل التلفزيونات ماتدعم مو بس السوني

[فوق المستحيل]

قناعة شخصيه

تبي فل اج دي..اخذ وصلة hdmi ..الكومبوننت مايخلو من مشاكل

والسبب ان مايكروسوفت نزلت الاليت عشان يعرض 1080 بي..بدون مشاكل

وانا الحين شريت الاليت وشغال ميه بالميه والحمد لله