تسجيل الدخول

مشاهدة النسخة كاملة : الجهاز و القطع مشكله في بلايستيشن 3 ...


Dark Leon
13-09-2007, 04:41 PM
السلام عليكم

رمضان كريم :D

المهم نخش في الموضوع

انا اشتريت بلايستيشن 3 قبل شهر تقريبا

ماقعد اسبوع الا وخرب الين ذحين وهو خربان

المشكله اني مشتريه من دبي وانا في السعوديه :argh:

المشكله هي : االجهاز شغال لكن لما احط شريط مايطلع في القائمه :28:

ما ادري ايش المشكه جربت كل الاشرطه ولا شريط يطلع

المهم انشاء الله تساعدوني

فيه ناس قالوا وديه الوكاله انا ابغا حل اخر اذا فيه اذا مافي قولولي مافي الا الوكاله
وفيه ناس قالوا سوي ري ستارت سستم :boggled:

كيف اسويها ؟؟


وشكراا
Dark Leon
26-09-2007, 02:01 AM
81 زوار :bigeyes:

ولا رد :33:

:(
نينجا كبامارو
27-09-2007, 06:29 PM
شنو نوعهااااااااااا

الله يعينك
m7boob
28-09-2007, 01:49 PM
دارك ابشرك انا عندي نفس المشكله توني شاري الجهاز من السعودديه بعد الرياض ومن محل معروف بعد اسمه العاب طوكيو الي في السلمانيه برضو احط السيدي ولاتتطلع العلامه حقت السيدي عشان يمديني العب بالله اذا عندك الحل ولقيته لاتبخلي علي وانا اخوك واي احد ثاني ويعطيكم الف عافيه
عبودي
16-10-2007, 01:34 PM
أخوي يمكن الجهاز يبي ابديت . و إذا كان عليه ضمان . ترا الضمان يكون على الشركه يعني وين ما كنت في العالم يصلحونه .
كوكب الارض
06-12-2007, 10:43 PM
وانا عندي نفس المشكله

اتمني من الاعضاء المساعده

وهل الخلل من السيستم او من الجهاز
كوكب الارض
09-12-2007, 09:41 AM
تم اخذ الجهاز الى محل التصليح وقالو لي ان المشكله تقريبا في الليزير وان تصليحه يكلف 500 ريال
عبودي
17-12-2007, 10:51 AM
مهم
مهم
مهم .
أ×وي البلاي ستشن 3 . معقد . المحلات العاديه ما تعرف له . نحن نوديه لسوني نفسها الي في منطقتنا وما تعرف له . . يودونه لدبي . . مصنع سوني هناك تصلحونه
BU_MUHANNAD
29-12-2007, 05:14 PM
ياجماعه انا كان عندي جهاز ياباني ,, اخذته من محل بدون ضمان وصارتلي نفس المشكله بالضبط ... المهم رجعت الجهاز للمحل وعاتبته لان الجهاز ما كمل عندي اسبوعين

المهم اخذ الجهاز وارسله الي الموزع في دبي وفي اقل من اسبوع اتصلي وقال تعال خذ جهازك , رحت اخذته وسألته عن المشكله قال لي ما فيه اي مشكله , اللهم كان يحتاج تعديل في SETTING وبس ,,,, حتى انه ما اخذ مني فلوس...


المهم انا كرهت الجهاز وبعته واشتريت نظام اوروبي مع ضمان , وصار لي العب فيه حوالي 5 شهور , والحين صارتلي نفس المشكله بالضبط اتصلت في المحل القديم قالي ان الرجال اللي كان يعرف يصلح هالمشكله مسافر ,, وقالي دام انه عندك ضمان ليش تصلحه برع ,, قلت له ياخي انت على اساس خبرتني انها تحتاج تعديل في تضبيطات الجهاز لا اكثر ,,,, وبدال ما اروح للوكيل , بصلحه بالبيت...


عالعموم شكلي بوديه الوكيل , لكن نفسي اعرف شو سبب هالمشكله علشان اتجنبها من البدية...

قرأت في موقع اجنبي واحد صار معاه نفس اللي صار معاي بالضبط حيث انه (كان يلعب اون لاين وفجأه علق الجهاز) ولما رجع للقائمه الرئسيه ماحصل اللعبه موجوده ... وهكذا تبدأ المشكله


في واحد نصحني بموقع اجنبي اني اشتري قرص تنظيف العدسه ,,, على كلامه ان عدسة البلو راي حساسه جدا وتتأثر من الغبار بسرعه

عالعموم انا بنظف العدسه وبشوف وإذا ما نفع بصلحه على الضمان
_MOHAMMED_
29-12-2007, 09:54 PM
السلام عليكم

فعلا مشكله

ان شاء الله ماتصادفمنا في المستقبل
طيب جربتو الفورمات ؟

وجربت تشوف الأعدادات

او تروح للأعدادات و ترجعه مثل ماجه من المصنع

او يمكن يكون خلل بالأبديت خربته العبه و الله اعلم

على العموم

اان شاء الله تطلع المشكله بسيطه و تنحل

بالتوفيق
Only 1 Punch
30-12-2007, 04:42 PM
اذا في احد جرب الاعدادات وضبطت معاه ما يبخل علينا بالخطوات ويعطيكم العافية
f.c.a7medo0o
30-12-2007, 05:24 PM
اخواني انا بشتري ps3 بس اي نوع ياباني امريكي اوربي
وياريت تقولولي باسرع وقت عشان بشتريها وانا من الكويت
اي محل اشتري منة معا ظمان او كفالة
BU_MUHANNAD
31-12-2007, 05:00 PM
ياجماعه انا اذكر ان بجهازي القديم عملت فورمات للجهاز بس ما ضبطت المشكله بعدين وديتها للمحل ,,

الحين انا مب خايف لان عندي ضمان على الجهاز الحالي بس لازم نعرف الحل علشان مانتبهدل لما يخلص الضمان

انا اللي قاهرني ان جهازي القديم اتصلح بسهوله وبعته لاحد الاصدقاء ولحد الان ماشي معاه 100% والحمد لله

بنبذل جهدنا كلنا واللي يحصل الحل ياريت يشرحه هنا علشان الجميع يستفيد
Only 1 Punch
31-12-2007, 05:24 PM
ما اعتقد ان المشكلة فالاعدادات ولا كان سمعنا بعض الحلول نظرا لسهولة الضبط ولكن المشكلة في رايي تقنية بحتة ( فالعدسة او الليزر) اكثر من كونها سوفتوير بحاجة لفورمات..طبعا درت بعض المنتديات الاجنبية ووجدت بعض الشباب الي عندهم نفس المشكلة وعملوا فورمات ولكن بدون فايدة..عن نفسي سحبت نفسي للوكيل وسلمتهم الجهاز وراح يجيني الرد خلال اسبوع ان شاء الله..
المهم بشرونا اذا في جديد فالموضوع مافينا على نفس المشكلة فالمستقبل..والسموحه
_MOHAMMED_
31-12-2007, 08:05 PM
السلام عليكم

انا مو عامل ضمان
لاكن هو في ضمان الشركه اعتقد سنه هل اذا لا سامح الله صار عندي مشكله مثل هاذي يصلحوها لي ولا لازم يكون عندي ضمان كامل؟
emyabdel
04-01-2008, 04:08 PM
هل نزلت اخر ابديت للجهاز اخي واخر ابديت للعبة ايضا
kokebobaa
17-01-2008, 01:05 PM
حبيت اسأل سؤال
هل كنتم تلعبون call of duty 4 اونلين؟ في معظم المنت\يات الاجنبيه المشكله ببتدي اول ما تلعب هاي اللعبه
Madridy4ever
17-01-2008, 09:21 PM
نفس المشكلة صارتلي امس !! ..
اشووه الجهاز معااه كفالة ..

شي غريب والله .. !

اخوي حاط call of duty 4 و طلع من اللعبة جان تعلق الـ ps3

كــل ما احط لعبة ما تشتغل و لا كـأني حااط شي بالسوني !!!

الله كريم ..
kokebobaa
18-01-2008, 12:50 AM
نفس المشكلة صارتلي امس !! ..
اشووه الجهاز معااه كفالة ..

شي غريب والله .. !

اخوي حاط call of duty 4 و طلع من اللعبة جان تعلق الـ ps3

كــل ما احط لعبة ما تشتغل و لا كـأني حااط شي بالسوني !!!

الله كريم ..

ياليت تقول لنا نوعية الجهاز و كم جيجا؟ هل هي 40 جيجا؟
w4life
18-01-2008, 01:22 AM
لمشكلة من العدسة وصارت معا رفيجي

ولازم تبدل العدسة او تخلية ترتاح
Madridy4ever
18-01-2008, 02:37 AM
ياليت تقول لنا نوعية الجهاز و كم جيجا؟ هل هي 40 جيجا؟

اوروبية 60 جيجـا
الي يجيبها الوكيل ..
Madridy4ever
18-01-2008, 09:56 PM
غريبة والله .. المشكلة صايرة بوايد ناس

شباب في احد عررف شنو سبب هالمشكلة ؟؟ "لما تحط لعبة كانك مو حاط شي" !!

اللي يعرف لا يبخل علينا ..

عموماً انا باجـر بودي جهازي اصلحه عالكفالة ..
واذا عرفت السبب ان شاءالله اقولكم
kokebobaa
19-01-2008, 02:36 PM
والله انا كمان خايف من المشكله هذي و المصيبه ما عندي وصل ولا كفاله ولا شي و الجهاز لو خرب ما راح اقدر ابلدله من شركة سوني مثل إلي في امريكا و اوروبا :(
Madridy4ever
19-01-2008, 05:14 PM
شباب اليوم رحت اصلح الجهاز ع الكفالة
أوول ما حطيت الجهاز جداام الهندي قالي لما تحط لعبة السووني ما تقرااا صح؟؟ قلت له ايه صح
مادري شلون على طوول عررف المشكلة :p

الله كريم يقوول بعد يومين نتصــل عليكـ ..
OldOldSnake
21-01-2008, 06:27 AM
المشكلة فعلاً غريبة ..

أنا الجهاز صار له عندي شهر وساعات ألعب ASSASSINS CREED أكثر من عشر ساعات متواصلة بدون ما يشير علي أكثر من مرتين أو ثلاث بالكثير وأطلع من اللعبة وأدخل عادي وأواصل ومن خذيته واسمع عن هالمشكلة وقلت ما راح اسوي الأبديت حق اللعبة وألعب بدون أبديت بس اليوم الشيطان وزني وسويت أبديت للعبة وبعد الأبديت لعبت أقل من خمس دقايق وصارت لي نفس المشكلة !! على العموم بكرة أوديها للوكيل وأشوف شنو يقول :02:
kokebobaa
21-01-2008, 06:57 AM
المشكلة فعلاً غريبة ..

أنا الجهاز صار له عندي شهر وساعات ألعب ASSASSINS CREED أكثر من عشر ساعات متواصلة بدون ما يشير علي أكثر من مرتين أو ثلاث بالكثير وأطلع من اللعبة وأدخل عادي وأواصل ومن خذيته واسمع عن هالمشكلة وقلت ما راح اسوي الأبديت حق اللعبة وألعب بدون أبديت بس اليوم الشيطان وزني وسويت أبديت للعبة وبعد الأبديت لعبت أقل من خمس دقايق وصارت لي نفس المشكلة !! على العموم بكرة أوديها للوكيل وأشوف شنو يقول :02:

معقوله يعني المشكله من الابديت؟؟؟؟؟؟؟ ممكن اعرف نوع جهازك و بعدين
في ناس جتلهم نفس المشكله و عندهم فيرشن 1.92
Madridy4ever
21-01-2008, 06:45 PM
شباب مابي احبطكم ..


اليووم اتصلوا علي وقالوا لي بنودي الجهاز عند الوكيل بدبي علشان يصلحونه ..
واذا ما تصلح خلال اسبوعين بنبدل لك الجهاز بواحد ثاني ..


الله يعين اللي تصير فيه هالمشكلة و ما يكون عنده كفالة !


المشكلة تصير من نفسها .. فجأة السووني ما تقراا الالعااب خيير شر ولا كانك حااط لعبة داخلها !!
kokebobaa
22-01-2008, 05:59 AM
شباب مابي احبطكم ..



اليووم اتصلوا علي وقالوا لي بنودي الجهاز عند الوكيل بدبي علشان يصلحونه ..
واذا ما تصلح خلال اسبوعين بنبدل لك الجهاز بواحد ثاني ..


الله يعين اللي تصير فيه هالمشكلة و ما يكون عنده كفالة !



المشكلة تصير من نفسها .. فجأة السووني ما تقراا الالعااب خيير شر ولا كانك حااط لعبة داخلها !!


هذا عشان المتور مال البلوراي ما بيشتغل , و بعدين هو مافي وكيل لسوني في الكويت؟؟
كوكب الارض
22-01-2008, 10:12 PM
انا استمرت معاي نفس المشكله ولما وديته حق التصليح قالو لي لازم تبديل العدسه و500 ريال التصليح ومافي عليها ضمان خفت اصلحها وتخترب بعد كم سبوع افكر اشتري لي سوني جديد مع ضمان
OldOldSnake
23-01-2008, 12:19 PM
معقوله يعني المشكله من الابديت؟؟؟؟؟؟؟ ممكن اعرف نوع جهازك و بعدين
في ناس جتلهم نفس المشكله و عندهم فيرشن 1.92

أنا من أول ما أخذت الجهاز سويت له أبديت وظل عندي ألعب على الفيرجن الجديد 2.0 أو 2.1 مو متذكر بالضبط الصراحة بس أنا قصدي إني سويت أبديت للعبة نفسها Assassins creed الأبديت حق اللعبة اللي حجمع 25 ميجا مع إني كنت ألعب ساعات طويلة على الجهاز قبل يظل جديد (تاريخ الشراء 23\12) وما صارت المشكلة إلا بعد أبديت اللعبة لعبة أقل من خمس دقايق وشير الجهاز وسويت ريستارت وبعدين ما في شي !
OldOldSnake
27-01-2008, 10:37 AM
إحم إحم

آخر الأخبار latest update طبعا أنا توني وديت الجهاز للوكيل منذ ربع ساعة وهذا طبعا لأني للأسف أشتغل نوبات يعني ما عندي وقت وما كنت بوديه حتى عقب سنة بس إشاعة الديمو MGS4 في الستور الشهر الجاي تخليني غصب أسوي وقت خخخخخخخخخ :p

المهم طبعا إني مو جاي أكتب بس عشان أعور راسكم بهالموضوع بقولكم الصاروخ الجو أرض القوي اللي عطوني اياه عند الوكيل .....

طبعا الستاف كله ما شفت فيه أحد مثقف أو يدري شالسالفة بس قلت يالله مدام وصلت أسأل يمكن أفيد الجماعة اللي هني ولو بكلمة ....

فتقول لكم موظفة الإستقبال الكريمة إنه المشكلة purely و مئة بالمئة مشكلة software وهذا الكلام اللي يقول انه المشكلة لها علاقة بالعدسة ماله أساس من الصحة و مجرد إشاعات على الجهاز.......


ولكن وبما أن سوني شركة عالمية و مشهورة و etc وللحفاظ على سمعتها بين العوائل قصدي الزبائن فقد قررت أنها تبدل الأجهزة اللي فيها هالمشكلة بأجهزة جديدة بدل أنها تصلحها بس عشان تكسب ثقة الزبائن أكثر وأكثر وتراويهم أنها تهتم فيهم أكثر من كل شي ....

طبعا هني أنا صرت زي كده :bigeyes:

وسألتها وهذي الأجهزة اللي ما فيها أكثر من مشكلة سوفتير شنو يصير فيها ؟؟؟؟


قالت لي يودونها برة يستخدمونها سكراب

وقلت بسألها ليش يبون سكراب دام ما يصلحون شي كله تبديل بس استحيت صراحة :D

وقالت لي خلال اسبوع بالكثير توصل الأجهزة الجديدة ونتصل لك تجي تاخذ جهازك وهذا كل اللي صار و أنا طبعا ما صدقت ولا كلمة وأنطر أي واحد منكم يروح لمركز متخصص أو شيء من هذا القبيل ويجيب لنا الخبر اليقين
kokebobaa
28-01-2008, 09:55 AM
كل الاجهز المستبدله عباره عن REFURB يعني مش جديده جهزه ثانيه متصلحه من سوني
OldOldSnake
07-02-2008, 08:40 AM
بغيت أقولكم اني استلمت الجهاز المستبدل وحتى الآن كل شيء يبدو تمام بس ما راح اسوي ابديت للعبة مرة ثانية عشان ما تخرب ولا راح اشتري COD4 لاني ما احب FPS أولا وعشان لا يخرب لي الجهاز ثانياً وننتظر نسمع من اي احد صارت له قصة شبيهة :)
BU_MUHANNAD
07-02-2008, 05:39 PM
انا وديت جهاري امس الى شركه جمبو في الشارقه , وقالو بنوديها دبي وبنرسلها الى شركة سوني اللي بدورها بترسلك جهاز جديد .

طبعا محد يعرف شو سبب المشكله المهم قالو لازم تنتظر حوالي 20 يوم وبنعطيك الجهاز جديد

وانا الحين منتظر وان شاء الله خير

وشكرا اخوي OldOldSnake

والف مبروك على استلام الجهاز الجديد
momen magic
13-02-2008, 04:57 AM
انا اخوكم مؤمن مهندس صيانة متخصص في البلاي ستيشن بأنواعه العطل ده جالي اكثر من مرة والتوكيل ماوصلش لحل بس انا ربنا اكرمني ولقيت السبب من اول جهاز قابلت المشكلة دي فيه وهو ان العدسة بتكون قطعت البلو راي(ليزر التحميل الاساسي)وده بيمنع العدسة من التحميل نهائيا لدرجة ان الاسطوانة لا تدور اطلاقا وده طبعا شوفته بعيني المهم ان الحل الوحيد هو تغيير العدسة بالكامل والمشكلة دي ان شاء الله بتتحل وسعرها هنا في مصر في حدود 600 جنيه مصري تقريبا
بس المهم تلاقي مهندس كويس يركبهالك لأن تركبها اول مرة صعب شوية
ومع تحياتي
momen magic
13-02-2008, 04:58 AM
وده ايميلي لو حد عاوز مساعدة انا في الخدمة
magiccenter2@yahoo.com
aymen2008
23-03-2008, 06:35 PM
المشكله في العدسه>>> انا مهندس مختص في هذا المجال ومرت علي هذه المشكله عدة مرات>>> اغير العدسه الجهاز يصلح
Nado Ps3
23-03-2008, 11:29 PM
والله بالفعل مشكلة صار والحد يخاف يشتري بلاي ستايشن3 شو الحل برأيكم يضل عال2 يعني وانا كمان صار معي نفس المشكلة بعد اسبوع ماعاد يقرأ اي سيدي انضربت العدسة وكلفني تقريب 500 ريال
Portillo^18
25-04-2008, 03:16 AM
مو معقوله من العدسه انا قبل امس صارتلي نفس المشكله فوديتها للمحل اللي انا شريتها منه قبل شهرين وللعلم انا ما االعب فيها وايد يعني مرتين بالاسبوع لاني كله مشغوول فيوم وديتها قالولي المشكله بالعدسه قلت اوكي قالي التصليح ٢٥ دينار سويتها واستلمتها امس وجربتها قبل لا استلمها فيوم ييت العب فيها اليوم صارت المشكله مره ثانيه هذا واهمه حاطيلي عدسه يديده فانا بصراحه حدي تنرفزت يعني عدسه يديده وهم ما اشتغلت شسالفه والجهاز توه يديد يعني مو اللي ضاغط عليه باللعب
m.m.alsaadi
13-05-2008, 01:00 PM
رأي انكم تسويون فورمات للجهاز
ويارب انكم تتخلصوا من المشكلة ولو سمحتوا اي نوع عندكم من الps3
الله يوفقكم وان شاء الله تتصلح ببساطة و الحمدلله انه الى الاحين ماصارت لي هالمشكلة
m.m.alsaadi
13-05-2008, 01:06 PM
امعقوله انه شركة sony ما قادره تجد حل لهذي المشكلة يعني ما واحد ولا اثنين جاتهم هالمشكلة!! !!000؟؟؟؟