أتنين صباحا .... صوره رمضانيه مصريه قديمه ....صلاح جاهين

[ادكاوى]

:)النور ملو الشارع
ومليون راديو والع
الساعه أتنين صباحا
لكن ايه الموانع
الخلق رايحه جايه
والدنيا لسه حيه
مليانه بالهأوأو
وزعيق القهوجيه
واحد يقول لواحد
خليك ياعم قاعد
والتانى يقوله شكرا
دانا م المغرب مواعد
فى سهره لسه عندى
ف بيت فلان أفندى
حاناكل حاجه حلوه
ونشرب تمر هندى
واللى تروح دالقه جردل
فوق حضرة المبجل
طبعا صاحبنا يزعل
وينفجر شتايم
والحى كله يوصل
مابين مصلح ولايم
اللى يقول ياجماعه
واللى يقول يابهايم
ومطرب الاذاعه
يصرخ وف وجده هايم
***********
ولو طرطقت ودنك
وسط دى العظايم
تسمع مسحراتى
بطبله صوتها واطى
بيقول
أصحى يانايم

[شويعر]

أخي ادكاوى الغالي


أرحب بك في بيتك وملتقاك


أخبرني .. أتعرف لمن هي هذه الكلمات ؟؟

لصلاح جاهين كما ذكرت

أتعرف من هو جاهين ؟؟

إنه أحب شعراء العامية إلى قلبي :D

ماذا لديك أيضاً لجاهين ؟؟

بانتظااااااااااار الإجابة :)


شويعر

[ادكاوى]

:)اخى العزيز شويعر
صلاح جاهين .... مدرسه .... كتب كلاما .... وترك
أثرا بارزا فى كل القلوب
عندى كل ماكتب
سأهديك قطعه
كلما كانت الفرصه سانحه:)

[شويعر]

أتمنى هذا يا عزيزي

سأنتظر كل حرف يكتبه

هناك قصيدة كتبها عن جمال عبد الناصر

ألديك هي ؟؟

سأنتظر :( وسامحني أحب هذا الرجل

شويعر