ادكاوى
18-09-2007, 10:34 AM
:)حلمت الليلادى بأنى فى موقف رهيب
بأقول والكلام منى طالع نحيب
سيادى القضاه
دفاعى بسيط
كلامى ماهواش غويط وماهواش عبيط
بسيط
بساطة هدوم الغلابا الفقارى الحفاه
بسيط زى اسم صديق على شفة صديق
بسيط زى دمعة برىء
بسيط زى وحش جعان فى الفلاه
بسيط زى حفنة دقيق
سيادى القضاه
ياذمم ياهمم ياقمم ياعتاه
دفاعى قوى
قوى زى صرخة غريق
بينده لقارب نجاه
بينده بينده بآخر قواه للحياه
دفاعى قوى زى دقماق حديد
قوى زى نظرة وعيد
قوى زى تمثال اله
قوى زى بلطة رجال الحريق فوق بيبان الحريق
********
سيادى القضاه
سيادى الكرام العظام الفخام العلاه
دفاعى مؤيد
مؤيد بكل الكلام العظيم
بتوراه بأنجيل بمزامير داود
بقرآن كريم
دفاعى مؤيد بكل أنين الكمنجات فى كل الوجود
بكل حفيف النسيم
بتهنينة الامهات للعيال فى المهود
بقولة (باحبك) و (آه)
بصوت القبل
وكل ابتسامه بحق وحقيق
تؤيد دفاعى
وبارفع صباعى الضعيف وباقول كلمتى ..
********
سيادى القضاه
سيادى الحدادى اللى حايمه على رمتى
ح اقول كلمتى
لكين قبل ما انطق واقول كلمتى ..
قولولى انتو ..
ايه تهمتى ..؟؟
بأقول والكلام منى طالع نحيب
سيادى القضاه
دفاعى بسيط
كلامى ماهواش غويط وماهواش عبيط
بسيط
بساطة هدوم الغلابا الفقارى الحفاه
بسيط زى اسم صديق على شفة صديق
بسيط زى دمعة برىء
بسيط زى وحش جعان فى الفلاه
بسيط زى حفنة دقيق
سيادى القضاه
ياذمم ياهمم ياقمم ياعتاه
دفاعى قوى
قوى زى صرخة غريق
بينده لقارب نجاه
بينده بينده بآخر قواه للحياه
دفاعى قوى زى دقماق حديد
قوى زى نظرة وعيد
قوى زى تمثال اله
قوى زى بلطة رجال الحريق فوق بيبان الحريق
********
سيادى القضاه
سيادى الكرام العظام الفخام العلاه
دفاعى مؤيد
مؤيد بكل الكلام العظيم
بتوراه بأنجيل بمزامير داود
بقرآن كريم
دفاعى مؤيد بكل أنين الكمنجات فى كل الوجود
بكل حفيف النسيم
بتهنينة الامهات للعيال فى المهود
بقولة (باحبك) و (آه)
بصوت القبل
وكل ابتسامه بحق وحقيق
تؤيد دفاعى
وبارفع صباعى الضعيف وباقول كلمتى ..
********
سيادى القضاه
سيادى الحدادى اللى حايمه على رمتى
ح اقول كلمتى
لكين قبل ما انطق واقول كلمتى ..
قولولى انتو ..
ايه تهمتى ..؟؟