المساعد الشخصي الرقمي

مشاهدة النسخة كاملة : عام اشتريت البلايستيشن 3 أخيراً :)


Ramza
20-09-2007, 06:07 AM
السلام عليكم ورحمة الله وبركاته

كيفكم يا أعضاء المنتدى ، شهر مبارك عليكم إن شاء الله و كل عام وأنتم بخير :)

أدري من زمان عنكم ، و أعتقد أن فيه كثير من الأعضاء القدامى ماراح أشوفهم هنا لأني مطول غيبتي :o

عموماً راح أخش في الموضوع على طول.

أمس و أنا داخل أدور على لعبة Guilty GearAccent Core بأحد المحلات عندنا بالرياض
طلبت من راعي المحل بما أني أعرفه أني ألقي نظرة عن قرب على جهاز البلايستيشن 3
الي عنده ، لكن لا شعورياً ما دريت عن نفسي إلا و أنا أشتري الجهاز :bigeyes: !!
بصراحة كأنه في psychic power في الجهاز خلتني أشتريه و كل الألعاب المتبقية الي كانت
في المحل في ذاك الوقت :p لأني خلاص أشوف أن الوقت مناسب أني أشتري الجهاز خصوصاً
في شهر رمضان مدري ليه متعود أن الحماس للعب يرجع لي في هالوقت من كل سنة :blackeye:

أريد نصيحتكم بأي لعبة ابدأ من هالقائمة المتواضعة :

The Elder Scrolls IV: Oblivion
Resistance: Fall of Man
The Darkness
F.E.A.R.<< أخذتها لأني احب العب بالجويستك حق البلايستيشن
Armored Core 4
Tom Clancy's Rainbow Six Vegas
Call of Duty 3
Blazing Angels

http://ramza.jeeran.com/ramzaps3game01.jpg

http://ramza.jeeran.com/ramzaps3game02.jpg

أكيد بعضكم راح يسأل و يقول ليش ما أخذت Heavenly Sword أو Ninja Gaiden Sigma
الألعاب مخلصة و إن شاء الله الأسبوع الجاي أمر المحل و آخذ قائمة الألعاب الثانية بس حالياً
متردد مع كثر الألعاب مدري بشو ابدأ :أفكر:

باركوا لي و عقبال لكم إن شاء الله :D
Soliden
20-09-2007, 06:35 AM
كل عام وانتا بخير, رامزا, والله يبارك لك في الجهاز. :D
أقترح ريزيستنس, وإذا حوّلت, فـ رينبو سيكس, ويفضّل تخلي أوبليفيون آخر شيء لو ناوي تدخل في الأونلاين, لأنه يمكن حتنسيك الألعاب الثانية.
DeaDLy PaTH
20-09-2007, 10:22 AM
Resistance: Fall of Man
أقوى لعبة في القائمة..الباقي مش ولا بد..
بالنسبة لي بأخذ NG و HS فقط ..
والله يهنيك بالجهاز
راؤول الأسطورة
20-09-2007, 10:41 AM
الف مبروك الجهاز بالبداية ^^
بالنسبة لي The Elder Scrolls IV: Oblivion هو الوحيد اللي أملكه من قائمتك بالاضافة الى اللعبة اللي أنصحك بشدة ما تفوتها...Ninja gaiden والله ما اتوقعت اني بدمن فيه لهالدرجة !! :biggthump
أما الأولى من شريتها وما لي نفس أبدأها لعدم توفر عامل الفضاوة :31:
NewGame
20-09-2007, 11:13 AM
الف مبروك على الجهاز ^_^

اقترح عليك :

The Darkness
R:Fall of Man
Heavenly Sword
ستيف...
20-09-2007, 01:44 PM
مبروك
وأنا أنصح The Darkness
سلام ستيف
Ramza
20-09-2007, 06:53 PM
Soliden

و أنت بألف خير ;) و الله يبارك فيك :o

من ناحية أوبليفيون أنا متفق معاك :D
بس من ألعاب الشوتنج صراحة خشت مزاجي ريسستنس أكثر شيء :)

ثانكس على مرورك و اقتراحك ;)


DeaDLy PaTH

مرحبتين ديدلي باث :)
أنت ثاني واحد يصوت للريسستنس :D

تسلم على مرورك الطيب ^_^


راؤول الأسطورة


الله يبارك فيك ^_^

نينجا جايدن من الألعاب الـ Must Have بالنسبة لي فلا تخاف ماراح أفوتها :D

لول ما عليك راح تلحق و تفضى تلعبها :)


NewGame


الله يبارك فيك ^_^

مشكور على اقتراحك و مرورك الطيب ;)


ستيف...

الله يبارك فيك

انت ثاني واحد يفضل دراكنس على ريسستنس :33:

شكراً على مرورك :)


بالنسبة للمترددين يشتروا الجهاز ، سووا مثل ما سويت ، القوا نظرة عن قرب و لا راح تترددوا أبداً :D

ثانكس للجميع على مرورهم ;)
ahmed316
21-09-2007, 01:39 AM
Ninja Gaiden Sigma افضل لعبة على الجهاز
DSL
21-09-2007, 01:50 AM
أبسط ياعم أفضل سلسله العاب في العالم ميتل جير 4 بتصدر حصريا على جهازك وبالتوفيق والله يعينك على الحساد
mgs7
21-09-2007, 02:47 AM
مبروك عليك الجهاز ويتربى في عزك هههههههه بس في لعبتين مالهم داعي في نظري بس ممكن تحبهم مادري وهم
blazing angels
armored core
اما الباقي تمااام
وانصحك تختمها بابلفيون لان اللعبه طويله وفيها سايد كوست كثيره
ولاتنسى ننجا جايدن تراها خطيره
وشكرا
FARES360
21-09-2007, 04:30 AM
في شهر رمضان مدري ليه متعود أن الحماس للعب يرجع لي في هالوقت من كل سنة
الله يهديك..المفروض تخلي هالشهر الكريم شهر عباده ..وتسحب على اي نوع من الوناسه..! <<<< طالع من يتكلم !

المهم إبدأ لعبك بoblivion...
على طاري..
blazing angels & armored core 4
xD ليش شاريهم...العاب تعبانه حيــــل , جربتها ديمو ..
العموم مبروك عليك الجهاز وخذلك heavnly sword ويا ninja gaidan ..
الا أقول..فلوسك زايده :tongue2:؟
kingx11
21-09-2007, 04:37 AM
الف مبروك عالجهاز

لاتتسرع في شراء الألعاب جرب الديمو اول بعدين اشترها ولا بتندم مثلي :(

عالعموم ننجا جايدن وهيفنلي سورد الأفضل حاليآ مالك غيرهم
Yamato
21-09-2007, 11:29 AM
مبروك الجهاز والالعاب يا رامزا :)

انصحك تروح وتشتري وار هوك اذا لك نفس بالاونلاين يا فتى..
واذا تحب السيارات.. فاشتريلك موتور ستورم.. توقع النذاله على يمينك ويسارك ومن خلفك.. واحتمال جدامك بعد (&)

اما اللي شريتهم فما عندي غير لعبة الطائرات.. وانا عاجبتني بالرغم من كلام الناس... خصوصا مع التحكم بالجويستيك


ووزع وقتك بين العبادة والوناسة :)

وصح.. الاكل والنوم لازمين كمان
Ramza
21-09-2007, 03:59 PM
ahmed316

مشكور عالنصيحة ما يحتاج تقول ، نينجا جايدن من أفضل الألعاب :)


DSL

والله اني انتظرها على أحر من الجمر ، اول ما تنزل بسحب على كل الألعاب :silly:
و الله يوفقنا و إياك ، ثانكس ;)


mgs7

الله يبارك فيك :D

بالنسبة لأرمورد كور جربتها و ماعليها ، بس الي طفشني كان الآليات سريعة و الأسلحة بطيئة جداً
بس ممكن مع تقدم المراحل يتحسن الوضع :)

ثانكس على النصيحة و مرورك الطيب ;)


FARES360


الله يهديك..المفروض تخلي هالشهر الكريم شهر عباده ..وتسحب على اي نوع من الوناسه..! <<<< طالع من يتكلم !

loooooool
لا الله يسامحك مو قصدي اني استغل هالشهر في اللعب بس الحماس يرجعلي لا شعورياً
والا الحمدلله وضعنا يعتبر أحسن من غيرنا الله يثبتنا و إياك ان شاء الله ^_^


على طاري..
blazing angels & armored core 4
xD ليش شاريهم...العاب تعبانه حيــــل , جربتها ديمو ..

يوم اشتريت كنت أبي أنوع أخذت من كل شيء :boggled:
بس لا تخاف كل شيء راح ينلعب و يتختم لا تخاف علي :D


العموم مبروك عليك الجهاز وخذلك heavnly sword ويا ninja gaidan ..

الله يبارك فيك :biggthump



الا أقول..فلوسك زايده ؟

هاه :blackeye: , ليش؟

عموماً مشكور على مرورك ;)


kingx11

أهلين أخوي كينج :)

ما عليك كل الألعاب راح العبها ان شاء الله :09:

و مشكور عالنصيحة ;)


Yamato

هلا و غلا سهيل ، وينك مختفي :33:؟ "اسأل نفسي والا اسألك :09:؟"

الله يبارك فيك :)

وار هوك قريت انها بتنافس halo3 بس مادامك تمدحها ليش لأ

أما بالنسبة للسيارات أنا بشكل عام ما اعشقها إلا الي فيها نوع من النذالة :09:

بليزنج انجلز للحين ما جربتها فما اقدر اعطي رأيي فيها ، بس بالنسبة للناس لا تلومهم
لأنهم يترقبون هالأجهزة لألعاب الأكشن فما راح يملا عينهم شيء غيرها خصوصاً مع القائمة
الكبيرة الي راح تنزل :)



ووزع وقتك بين العبادة والوناسة

أكيد إن شاء الله :)


وصح.. الاكل والنوم لازمين كمان

لووووول برضو أكيد ان شاء الله :D


مشكور على مرورك حبيبي ;)
SUPER HUNTER
23-09-2007, 06:25 PM
الصور عجيبة
ليت عندي سوني 3 والعاب :D
بس انشاء الله قريب :D
A.F.A
23-09-2007, 07:26 PM
مبروك البلاي3 بس التلفزيون مالك جم بوصه؟
black foo
23-09-2007, 07:38 PM
الف مبروك والله يهنيك فيها
وانا عن غريب راح اشتريها
طبعا طلبيه
تحياتي لك
Abdul-Rahman
23-09-2007, 09:29 PM
مبروك والله اخوي Ramza على الجهاز
وأنا بإذن الله بشتريه قريب عالعيد
وبالنسبة للالعاب اللي اخذتها بصراحة ما اعرف عنها أي شي
رغم إن بعضها مشهور إلا إني ما أحب هالنوع من الالعاب
وبما إني كتبت رد بالمرة :p بقول الالعاب اللي ناوي عليها إن شاء الله من ألعاب 2007
MotorStorm
Ninja Gaiden Sigma
Heavenly Sword
Ratchet & Clank Future: Tools of Destruction
Pro Evolution Soccer 08
Assassin's Creed
ها وش رايك بالقائمة؟؟
وبما إنك اخذت الجهاز قريب ومن السعودية
لدي سؤال هل الجهاز عليه العرض اللي قالت عليه سوني
PS3 ومعاه يدين ولعبتين وإذا كان العرض هذا موجود هل اللعبتين إختيارية
ولا محددة من سوني >> إذا كانت كذا ماهي الالعاب الله لايهينك
ويالله طولت عليك اعذرنا
والسلامــ عليكمــ