ارجو دخول كل من حاشه الـ Red Light's ويقول شنو السبب هل اسئت استخدام جهازك ؟

[iNFaMY]

السلام عليكم ورحمه الله
ريد لايت ريد لايت ريد لايت
صرت اصمخ من كثر ما اسمع هالكلمه ..

من خلال هالموضوع ..
ابي كل الي حاشهم ريد لايت يكتبون سبب حدوث الريد لايت لهم
يعني هل كنت حاطه بمكان مكشوف ؟؟
هل كنت محافظ عليه ؟
شلون اخترب ؟؟
ابي كل واحد يذكرلي قصته بالتفصيل

[Devil..S]

وعليكم السلام ورحمه الله وبركاته
بسم الله نبدا قصه المريض حقي

بالنسبه لجهازي كنت ارضعه وادلعه والحفه واحطه على بشويش عشان مايصحى واحطله بودره عشان الحراره
كل هذا وخرب كيف مادري يعني باخصار

الجهاز عندي العب فيه يوميا 3 ساعات الى اربع اذا مره طولت ولا احركه ومحافظ عليه بس قفلت وجيت ثاني يوم اشغل يقلي ماقدر شفلي دكتور طيب اقله ايش فيك مايرد ........................الله يستر

انا اقول يمكن سبب خراب جهازي المراوح حقت نايكو لانو الفتره الاخيره كل ماشغل الجهاز تطلع اللمبات الين افصلها وانا وديت محل ان شاء الله واليوم اعرف من ايش يشتكي اذا من الحراره معناه انو الجهاز له عمر افتراضي لانو مو معقول اربع ساعات ومراوح وتجيه حراره
لاكن اذا من المراوح يكون من حقه يمرض واليوم ان شاء الله اعطيكم الخبر الاكيد

[عاشق 360]

صادني الريد لايت بسبب محول الكهرباء للاكس بوكس

اشتريت جهاز ثاني وجرب المحول للجهاز الجديد على القديم المصاب بالريد لايت واشتغل بدون ريد لايت

[FARES360]

:dead1: مراوح نايكو خربت جهازي ولطعت ال3 ريد لايت.. , يوم شلت المراح رجع الجهاز يشتغل بسلام :D

[Devil..S]

اي والله اخوي فارس من المراوح
لان المراوح اول كانت زي كذا اشغل الجهاز بالمراوح يطلع لمبات واشيلها يشتغل تمام بس انا استمريت على هذا الوضع الين امس وديته المستشفى

[Super Shadow]

أنا في مرة طلع لي الريد لايت فجأة

كنت مخلي الجهاز شغال أثناء ما أحمل الديمو :34:

بندته بسرعة و شغلته مرة ثانية اشتغل طبيعي

ما أظن أن المشكلة من السخونة

لأنه لو كانت من السخونة ما كان بيشتغل مرة ثانية و الله اعلم

[yameii Wii]

انا طلعلي بعد شرائي للجهاز بأسبووع ويمكن اقل ..ونسختي الاليت...
خليته طوول اليل شغال على وضع الستاند باي يعني نص شغال كنت انزل ديمو الغرفه طبعا بارده + اني امخلنا بوضع طولي عشان ما تحر ..الصبح سكرت الجهاز و رحت المدرسه ويووم رجعت شغلت الجهااز و اشووف ارد لايت
سكرت الجهاز و شغلته نفس الشي حاولت اظهر الكوود كله دوائر يعني كله 0000
سكرت الجهااز و ركبت كل شي واول واير الكهربا المحول , الألوان كل شي والحمد لله اشتغل ..
المشكله انه الواير كان راخي مب ثابت ...مثل ما قالي زيداان ...
والله اعلم..

[K-i-l-u-a]

انا اعرف واحد عطس على الجهاز جان يحوشه الريد لايت :09:

هالريد لايت يخرع لما كنت باخذ الجهاز سمعت صاحب المحل يقول نصايح حق واحد الزباين الي شرا الجهاز يقول حطه بمكان في تهويه ولازم تقعده على جام (زجاج) مو على خشب :31: جان انحاش من المحل قلت لما ينزل الايليت او الفالكون اخذ احسن لي :biggthump

بس اعتقد من السخونه :33:

سانك يو

[Ahmed360x]

إنا لله وإنا إليه راجعون

عظم الله أجركم

وأنا صارت لي كم مره بس عدت على خير عشاننا ساكنين جنب المستشفى http://smilies.sofrayt.com/^/aiw/biggrin.gif

[.oxo.]

انا جهزي اخترب من اهمالي لاني كنت حاطه في مكان مسكر بدون تهوية تم 4 شهور وبعدين عطاكم عمره

[gamecube master]

انا ولله الحمد المشكلة ما صارت عندي لكن صارت عن صاحبي

بس طبعا بما انه جاب الجهاز لي اقدر اقولك اني اعرف قصته , مجرد بعد استخدامه خلاه و شغله مرة ثانية الا ضربته ال 3 ريد لايت ...

[kllor]

أنا كان يصيرلي في كثيرا و لكن ليس و متتابعين
يعني تقريبا كل 3 أو 4 تيام
يظهر الريد لايت و أطفي الجهاز وأشغلا يشتغل تمام
و لكن صارلي الأن تقريبا 4 أو 5 شهور مو شايفه الحمد لله---(ولا ودي أشوفه)

[kick Mr.Chief]

صار لي من فترة طويلة والسبب يمكن من المكان ماكان مناسب

[فوق المستحيل]

ياجماعه ماكو داعي للمراوح انا قريت مراجعات بموقع امازون كلهم يذمون المراوح..عشان هالشي احذروا

[واوا أكس]

امممم اتذكر مره كنت العب bioshockالا اخووي الصغير يمر ويمجع واير البلك بريله طفت الاكس بوكس فجأه و اطلعت لي الثلاث لمبات :blackeye:

بس الحمدلله ماصار فيها شي :biggthump
مررسي

[xbox x360]

انا حاشني الرد لايت يوم اكون مشغل الجهاز ومطفي التكيف الجهاز يحتر حيل ويطلع اللمبات الحمر بس بعدها اشتغل الجهاز عادي وحرمت العب والتكيف طافي

[Super Shadow]

ياجماعه ماكو داعي للمراوح انا قريت مراجعات بموقع امازون كلهم يذمون المراوح..عشان هالشي احذروا

أنا سمعت أن المراوح الخارجية الي تركبها في الجهاز تخربه بسرعة

و السبب هو لأنها تدخل الغبار في المذر بورد للجهاز و الله أعلم

[سنسال]

السلام عليكم

اخي الله يعينك على اللمبات الحمر كثير اسمع عنها هاذي اكبر مشكله بالكس بوكس 360

وانا جبت لكم موقع اجنبي حاط حل للمبات الحمر وهذا الرابط

http://forums.xbox-scene.com/index.php?showtopic=484726

وفي اعضاء يسألون صاحب الموضوع بالموقع الجنبي وهو يجاوبهم

وان شاء الله تنحل المشكله :34:

[سنسال]

وهذا رابط حق كتاب انجليزي كامل لمشكله اللمبات الحمر

http://www.threeredlightsfix.com/Affiliates.html

[HO2]

يا شباب الرد لايت خراب مصنعي مثل حقي من انتاج 2005-10-24 و الحمدلله رسلته الى امريكا وراح مايكروسوفت اتصلحا مجانا . و اي واحد جهاز خربان وفي اي احد يقربله في امريكا يقدر يكلم ما يكروسوفت علشان يرسل لهم بس الله يعينكم على سعر الشحن dhl وغيرها يعني مو معقوله في ناس في مواقع اجنبية في اقل من شهر يخترب و اعلنة مايكروسوفت في الاخبار على قنات العربية قبل زمن عن عذي المشكلة في مايروسوفت

وهنا الي يبي يصلح الجهاز بس مثل ما قلت امريكا

https://service.xbox.com/servicehome.aspx

سلااام

[kingx11]

صار له سنه ونص عندي

مركب مراوح نيكو عليه
hd-dvd

وماعمره اشتكي من شي

مع ان مكانه داخل ومغلق ومافيه الا فتحه صغيره جدآ من ورا والفتحه الثانيه من قدام

يمكن السبب لاني العب ساعتين بالكثير

[SymphonyOfDeath]

الصراحه انا من حاشني الديث رنق حاشني احباط و عجز :(
تخيل جهازي من اول ما نزل لي قبل شهر
مدلعه اخر دلع
اغديه بفراي ديز
و اتمشى معاه ع البحر
و اشتريله هدوووم و اكسسوارات
و العاب لا تشوفه
كان الدلل بينهم
اخليه يشبك نت مع ان الباجين بالحسره
و له غرفته الخاصه و ال سي دي و اريحه يوم كامل اسبوعيا و اعطيه يومين مرات :(
و اخر شي حاشته جلطه الديث رنق عالجته بمستشفا خاص :(
و قعد بعدها معاي جم يوم ولا الحبيب يشب الليتات الحمر بعد مره
قلت هاذه قاعد يستعبط
جان اكفنه و اشب فيه الكهربا تمهيدا لدفنه :(
ولا الحبيب طلعت مزحته بايخه و رد يشتغل
وبعد ما اشتغل قام يستعبط اقين
وديته المستشفا الخاص اقين
جان يقول لي الحبيب فقد عقله :D
فخليته عندي اسبوع ليما اخذت الاليت
و بعدها حاشته اعصاب ليش الدلع راح للاليت
وبعد ما قهرته رحت بعته :D


شكرا