ما الحل مع (الكــــــــــرشة)

[رزدنت إيفل]

أبي حل كرشتي مبهذلتني ومفشلتني بين أصحابي

[الأسد الضاري]

إذا كنت زايد 10 إلى 12 كيلو فعليك بالرجيم المسمى آتكنز على الموقع التالي http://www.drdashti.com/

أما إذا كنت زايد أكثر فعليك بالتالي :
انا عندي الحل ومجرب ومفعوله مضمون 100%
ستخسر 95% من الوزن الزائد خلال سنه
هو عملية قص معده وأمعاء
وتكلفك العمليه 150 ... لا مو ألف 150 ريال فقط
فقط تكلفة فتح الملف في مستشفى الحرس بالخبر
ثم تتبع باقي الخطوات السهله اللتي لا تستحق أن أذكرها لك

مسوي العمليه لي شهرين ونزلت 25 كيلو بس طبعا فيه فتره
سيتوقف وزنك عن النزول وهذا ما امر به الآن
تأكل إلى أن يطلع مع خشمك كل ما تريد ومع ذلك ينزل وزنك ...

إذا كنت جادا بالعمليه راسلني على الإيميل اللي تحت وشكرا

[Crazy Nsx]

إذا كنت زايد 10 إلى 12 كيلو فعليك بالرجيم المسمى آتكنز على الموقع التالي http://www.drdashti.com/

أما إذا كنت زايد أكثر فعليك بالتالي :
انا عندي الحل ومجرب ومفعوله مضمون 100%
ستخسر 95% من الوزن الزائد خلال سنه
هو عملية قص معده وأمعاء
وتكلفك العمليه 150 ... لا مو ألف 150 ريال فقط
فقط تكلفة فتح الملف في مستشفى الحرس بالخبر
ثم تتبع باقي الخطوات السهله اللتي لا تستحق أن أذكرها لك

مسوي العمليه لي شهرين ونزلت 25 كيلو بس طبعا فيه فتره
سيتوقف وزنك عن النزول وهذا ما امر به الآن
تأكل إلى أن يطلع مع خشمك كل ما تريد ومع ذلك ينزل وزنك ...

إذا كنت جادا بالعمليه راسلني على الإيميل اللي تحت وشكرا

كلام اخوي صح...

[Slover]

بلا عمليات ولا عذاب وعوار راس .......... الحل عندي ..... اخوي اذا انت عندك عزيمه انك تشيل الكرش اجل اسمع كلامي زيين ..... كل يوم تسوي تمارين معده ...... تعرف تمارين المعده ..... تنام على ظهرك وتحط وتشبك اصابع ايدينك الثتنين مع بعض وتحطهم ورى راسك وتثبت رجولك عدل وترفع نفسك وتنزل اذا ما فهمت اسأل اي شخص من الي تعرفهم وراح يعلمونك ....... المهم تسوي كل يوم هلتمرين دون انقطاع ...... بالعربي ..... اليوم تبدأ ب15 مره ..... وتكمل على جذي اسبوع كامل وبعدها تخليها 20 مره وتكلم على جذي اسبوع وتزيدها على قدرتك وانت الي تحدد العدد بعدين ....... واضمنلك اذا كملت على هلتمرين ما راح يعدي شهر ونص الا وكرشتك اختفت ...... وبعدين في شي مهم جدا ...... انت لما تاكل اي اكل لا تحاول تشرب ماي وانت تاكل ...... لأن على حسب ما سمعت الماي اذا شربته وانت تاكل الغدى راح يطلع الكرشه ويزيدها :) واتمنى افدتك وشكرا :)

[q8harpoon]

السلام عليكم
اسمحولى اقول رايي
كلام اخوي الأسد صح ألف بالإمية
انا لي عم سوا هذه العملية بس ما سوله العملية الى لأن حالته كانت كبيرة كان زايد تقريبا 100 كيلو و حاول تنزيل وزنه بكل الطرق وما فاد الى بالعملية . فالعملية تكون كحل أخير
اما اذا كان وزنك زايد مثل ماقال الأخ الأسد 10-12 سو رجيم اتكنز و طبقه بحذافيره لمدة شهر لا غير لأنه اثبتت الدراسات ان اذا زادة مدة استخدام هذا الرجيم تسبب أمراض بالعضام و الجسم ككل و ان شهر لن يأثر ( هذا الكلام انا قرأته في الكثير من المتديات الصحية ومن مدربي بالنادي و لا أحط شي بذمتي ) الرجيم انا جربتة و عشت على لحم و ماي لمدة شهر و أكل بشكل ما تتصوره كنت أكل ماعون كباب كامل مع ماعون شيش طاوق مع ماي او دايت كولا على الغدا وعلى العشاء 2 برغر مشوي وماي وبعد التمرين عصير اناناس او كيوي نزلت تقريبا 10 كيلو في شهر واحد فقط

اما اذا كانت الزيادة 20 كيلو وما أكثر فأنصحك بالذهاب الى دكتور تغذية يعطيك نظام غذائي لمدة 3-6 أشهر و تلاقي نفسك غزال

و مع اي رجيم تختاره العب رياضه .. واذا بدأ ينزل وزنك حاول تشيل حديد اثقال خفيفه بتكرار كثير لكي لا يترهل الجلد

[الا متنبي]

السلام عليكم ورحمة الله وبركاته
أخي العزيز
أحسن طريقة ومجربه هي المشي
حدد ساعتين في اليوم تمشي فيه وبس

[cono]

شرب الماء لايزيد الوزن بالعكس يخفضه...الجواب على سؤالك معروف...لا تاكل دهون العب رياضه

[wasker]

بسم الله الرحمن الرحيم
اخوي حبيت اشكرك قبل ما اجاوبك علا الموضوع
علا طرحك الموضوع الي فيه فايده للجميع وهاذي مبادره طيبه منك


اول شي شيل من بالك فكرة عمليه واحط تحتها 200 خط


ثاني شي كل واحد له وزن مثالي لحسب طوله ومرات عرض جسمه
يعني حاول انك توصل لوزنك المثالي وراح تروح الكرشه بسرعه بس ادري
يمكن مالك خلق تنزل وزنك فراح اقولك افضل التمارين للكرشه

1- استرخ على ضهرك لين تحس براحه بكل جسمك
2- اشبك ايدك وحطها ورا راسك وتخيل انك نايم على مخده
3- ارتحت ؟؟؟؟
4- شوف كرشك وتذكر المواقف الي اذاك او زعلك او طفشك او فشلك فيها
5- اعرف ليش تبي تشيل كرشك وحط جدام عينك تخيلاتك لجسمك بدون كرشه
6- ارفع نفسك بقوه ورد انزل وقوم بسررعه (( لا ترد تنسدح وتنام :blackeye: ))
7- كرر التمرين 5 مرات واذ ياك شعور انك ما تقدر تذكر المواقف الي قتلك تذكره
وشوف شلون راح تصعد لا شعوريا
8- كرر لمدة 4 ايام لا تصير بطل وتكمل 6 او 7
9- اليوم الخامس كرر ست مرات
10- اليوم الثامن كرر 10 مرات و لمدة اسبوع وكل اسبوع زيد عشر تكرارات
11- اليوم 30افرح لأن كرشك صغر وخل هاذا التمرين من روتين حياتك وادعيلي
---------------------------------------------
انصحك تطبع هاذي الخطوات لانها مهمه وايد لانها تمرين نفسي ثم تمرين رياضي
وهاذا يخليك اتقوى زياده في هاذي الحركه

وتذكر اول خمس خطوات مهمه لاني كنت اقدر اقولك سو (اعمل ) تمرين معده وانت ساكت :boggled: بس هاذا مو مفيد للروتين اليومي
خخخخ اسمحلي عالإطاله
واي سؤال انا تحت امرك
سلاااامز :biggthump

[Scorpion KING-911]

الصراحة أنا ما أحبذ العمليات ..

في فترة سابقة وصل وزني إلى 112 كغ قبل يمكن سنه بالضبط


و صار برنامحي الغذائي اليومي كالتالي

الصباح تمر و قهوه 7 تمرات

الغداء آكل عادي بس مو بزود

العشاء شي خفيف تفاحة أو ما شابه و أحياناً بدون عشاء


وزني الآن 94 كغ ... مع العلم أن طولي 184 سم


ولاحظت تقلص الكرش و الدهون في كامل الجسم .. كل هذا بدون رياضة ..

و الآن أسعى أن يكون وزني 81 لأني أفكر أدخل نادي لياقة و تخسيس

[LATiNE]

السلام عليكم
اقوى حل للكرش
اول شي ابعد عن الدهون والسكريات نهائيا
واعمل لنفسك رجيم يستحسن يكون قاسي
المشي + تمارين المعدة + L-CArnitine
المشي يكون مشي سريع لا يقل عن الساعة
تمارين المعدة بانواعها لغاية اخرك
L-CArnitine دواء لازالة الشحوم عن الكرش بنسبة كبيرة جدا جدا وتتوزع على الجسم بنسبة قليلة
ويفضل اللكارنتين (سوري) الحيواني يكون اقوى من العادي او اللي للبشر
وتاخذة ابرة على الكرش من تحت السره
1 مل يمين
1 مل شمال
يكون على يوم وترك يعني يوم تاخذها ويوم لا
وبعدها تمارس تمارينك وانشالله خلال شهر تقول باي باي للكرش واذا الكرش كبيره جدا عندك شهرين
واللي عندة مشكلة الصدر ينفع معاهم واي مكان قريب للكرش يلاحظ النتيجة السريعة
شيل الكرش بعدها يروح الصدر
ملاحظة : في منه على حبوب بس مو قوية نفس الابر
وشكرا لكم
واسف على الاطاله

[LATiNE]

السلام عليكم
اقوى حل للكرش
المشي + تمارين المعدة + L-CArnitine
المشي يكون مشي سريع لا يقل عن الساعة
تمارين المعدة بانواعها لغاية اخرك
L-CArnitine دواء لازالة الشحوم عن الكرش بنسبة كبيرة جدا جدا وتتوزع على الجسم بنسبة قليلة
ويفضل اللكارنتين (سوري) الحيواني يكون اقوى من العادي او اللي للبشر
وتاخذة ابرة على الكرش من تحت السره
1 مل يمين
1 مل شمال
يكون على يوم وترك يعني يوم تاخذها ويوم لا
وبعدها تمارس تمارينك وانشالله خلال شهر تقول باي باي للكرش واذا الكرش كبيره جدا عندك شهرين
واللي عندة مشكلة الصدر ينفع معاهم واي مكان قريب للكرش يلاحظ النتيجة السريعة
شيل الكرش بعدها يروح الصدر
ملاحظة : في منه على حبوب بس مو قوية نفس الابر
وشكرا لكم
واسف على الاطاله