المساعد الشخصي الرقمي

مشاهدة النسخة كاملة : شعر تأكد غيبتي هذي عشانك إنت ... صدّقني !


أنــفــاسـ
10-10-2007, 04:43 AM
السلااام عليكم

قصيده قريتها اكثر من من خمس مرات الين الحين ...
وراح اقرها اكثر ... لانها تأثري علي ... كيف ... مدري ؟



اترككم مع القصيده





شِرَق هذا الفراق اللي كِسَرني حزَّة غروبك
________ بغيتك وإستحَت عيني من الغلطات صدقني !


كتبتك من قبل لا تجرح الكلمات مكتوبك ..
________ إذا عندك عذر باقي على التقصير إعذرني !!


كثير الهَم متعوِّد علي .. وإنت يا دوبك
________ وكافي الحزن لو عنَّه أغيب أيَّام " يفقدني " !


حبيبي ليه متضايق وعلي متغيِّر إسلوبك ..؟
________ يبيِّن لو سِكت قلبك .., بأنْهَا ضيقتك مني


غيابي كان مو بيدي خذاني الحظ من صوبك !
________ وقلبي هذا هو حظه غريبٍ , من صغر سني ..


أبيك وما أبي غيرك .. وتأكد قلب محبوبك
________ جبره الوقت يتناسى لأجل بالخير تذكرني


إذا ردَّت علي أبقى معاك وثوبي من ثوبك
________ ولكن [ الزمن ] .. لمَّا أقرِّب يبعدك عني !


غصب رايح ولا برجع لأني أبرز عيوبك
________ حرام إنَّه يجي واحد يلومك من كثر " حزني " !


ترى ما رحت من كيفي عشان أتحمَّل ذنوبك
________ أنا شفت الزمن ناوي علينا وقلت له : خذني ...!


واذا قالوا : رَحَل عنِّك حبيبك ، فتِّش جيوبك
________ تطمَّن قلبي بـ جيبك حبيبي لا تدوِّرني !


لذلك قلت في نفسي أبي أبعد عن دروبك ..
________ تأكد غيبتي هذي عشانك إنت ... صدّقني !





الرائع احمد الصانع



تحيااااااااااااااااااتي
shjoonal3in
11-10-2007, 02:27 AM
روعة يا أنفاسـ .... جميلة وراقية جداً .... بكل أبياتها ....
اختياراتك دائماً مميزة وحلوة ....
شكراً


لذلك قلت في نفسي أبي أبعد عن دروبك ..
________ تأكد غيبتي هذي عشانك إنت ... صدّقني !

معقولة ؟!
........... ليش لأ !
.... ولا كذبة جديدة !
كذبة؟! ...ليش لأ !
أنــفــاسـ
11-10-2007, 03:58 AM
روعة يا أنفاسـ .... جميلة وراقية جداً .... بكل أبياتها ....
اختياراتك دائماً مميزة وحلوة ....
شكراً

العفوو اخت شجون
يسعدني ان ما نقلت يرتقي لذوقك

فقد حاز على اعجابي ... وبالاصح .. احساسي
فاحببت نقله لكم



لذلك قلت في نفسي أبي أبعد عن دروبك ..
________ تأكد غيبتي هذي عشانك إنت ... صدّقني !
معقولة ؟!
........... ليش لأ !


صح ليش لا ...

مدامه يشوف ان قربه مو في مصلحه الي يحبه ...
وانه يخاف عليه في قربه منهه ....
ويشوف ان افضل حل انه يبتعد ...
لان فيه راحة إلي يحبه ....
رغم انه راح يتعذب في الغياب ...
بس كله عشان محبوبه يهون
....


ولا كذبة جديدة !
كذبة؟! ...ليش لأ !

وممكن تكون كذبه

لان مافي احد مثل كذا ..... !!
خصوصا في هذا الوقت
الي انتشر فيه الكذب ....... وانعدم فيه الوفاء ....
رغم انهم كلهم يقولن انهم صادقين وافياء ... هه

كل شيء ممكن ..... وممكن مو ممكن ... !!
Andalus
14-10-2007, 09:35 PM
السلام عليكم
أنفاسـ
قصيدة تهز المشاعر
ومع حق إن قرأتها أكثر من مرة
فهي تستحق ذلك
أشكرك والله
أنــفــاسـ
15-10-2007, 12:51 AM
السلام عليكم
أنفاسـ

وعليكم السلااام ورحمه الله ^^

قصيدة تهز المشاعر
ومع حق إن قرأتها أكثر من مرة
فهي تستحق ذلك

تستحق بقوه ... وقبل لا ارد عليك قريتها بعد ^^

واقرب بيت لي فيها .... هذا
كثير الهَم متعوِّد علي .. وإنت يا دوبك
________ وكافي الحزن لو عنَّه أغيب أيَّام " يفقدني " !




أشكرك والله



حياك الله اختي ... وشكر على مرورك الجميل


تحيااااااااااااااااااتي
وحيده كالقمر
17-10-2007, 01:57 AM
مرحبااا..
روووعة الكلمات عجبتني حيل بذات هالمقطع كله إحساس..



غصب رايح ولا برجع لأني أبرز عيوبك
________ حرام إنَّه يجي واحد يلومك من كثر " حزني " !


ترى ما رحت من كيفي عشان أتحمَّل ذنوبك
________ أنا شفت الزمن ناوي علينا وقلت له : خذني ...!


واذا قالوا : رَحَل عنِّك حبيبك ، فتِّش جيوبك
________ تطمَّن قلبي بـ جيبك حبيبي لا تدوِّرني !


لذلك قلت في نفسي أبي أبعد عن دروبك ..
________ تأكد غيبتي هذي عشانك إنت ... صدّقني !




آه من هالظروف أحيان تفرق بين قلوب وتجمع بين قلوب..!!
صحيح يمكن يترك حبيبته لانه يشوف قربه منها راح يزيد همها ..
ومافكر في همه لي بيزيد بغيابها..!!
بس ياترى هي راح تتخلى عنه بسهوله..!؟
ويرضيها البعد..!!


مشكور انفاسـ على النقل الذوق..
أنــفــاسـ
18-10-2007, 11:47 AM
مرحبااا..
هلابك وحيده ^^

روووعة الكلمات عجبتني حيل بذات هالمقطع كله إحساس..
روعه لانك تحسين ان فيها تضحيه :(


آه من هالظروف أحيان تفرق بين قلوب وتجمع بين قلوب..!!
صحيح يمكن يترك حبيبته لانه يشوف قربه منها راح يزيد همها ..
ومافكر في همه لي بيزيد بغيابها..!!

اذا فكرنا في في غيرنا تعتبر هذي انانيه
واذا ما فكرنا في اقرب القلوب لنا .... تعتبرهذي قمه الانانيه

بس ياترى هي راح تتخلى عنه بسهوله..!؟
ويرضيها البعد..!!

يمكن ترا اذا شافت ان كلامه صحيح
وتشوف البعد حل .... ممكن .....وممكن لا



مشكور انفاسـ على النقل الذوق..


العفو اخت وحيده


وشكر على مرورك الحلوووو




تحيااااااااااااااااااااتي
شذى 1988
18-10-2007, 04:33 PM
حلو جدا
شكرا
أنــفــاسـ
19-10-2007, 05:40 PM
حلو جدا
شكرا

ما كان تعبتي نفسك في كتابة الرد :ponder:




تحياااااااااااااااتي
بهجة الأنظار
19-10-2007, 11:01 PM
السلام عليكم...الصراحه كلمات القصيده رائعه ومؤثره...والانسان الوفي صار عمله نادره هالاياااااااااام...مشكور أخوي
أنــفــاسـ
26-10-2007, 06:33 AM
السلام عليكم...
وعليكم السلااام ورحمه الله


الصراحه كلمات القصيده رائعه ومؤثره...والانسان الوفي صار عمله نادره هالاياااااااااام...


صدقتي نادر جدا .... واحيان ... وفيه ناس كثيره ئؤمن بعدم وجوده
بس انا اؤمن انه موجود


مشكور أخوي


اهلين بهجة الأنظار


شكرا لمرورك


تحياااااااااااااااااتي