愕๛ோ๛مــــــلـــتقى العـــــــــــيد التـــــــــــرفيهــــــــــي๛ோ๛愕

[Al Bhed Girl]

||xXx..الســــلاآآمـ عليــكم ورحمـهـ اللهــ وبركأأتـــهــ..xXx||


مرحباآآآآآآنـــ اعضاااء شخبااركم شمسوين ؟؟
هذا هو رمضان قرب ينتهي والله يعوده علينا وعليكم
باليمن والبركه اميين ،،
قريب كلنا بنستقبل العيد ،،،،نرسم بسمتنا وناخذ عيديتنا
ونلبس كل ثوب جديد ،،،،وتكبر فرحتنا بجمعة اهلناا
يارب عيد علينا هالعيد السعيد،،،،وانشر بهجتنا بافراد عايلتنا
>> مـــاآشاااء اللهـ انا احجي واللآليئ تطلع :D

الهدف من موضوعـي للفرفشه وتبادل اطراف "الحديث"
بين اعضاء المنتدى القديرين ومشاركتهم اجواء العيد واحتفالاته
:D

صلاحيهـ هالموضوع مفتوحهـ من الحيـــن لين عقـب العيد !
يب يب نعم !! :bigeyes:
من خلالها راح نطرح اسئلة ونعرف شنهي مخططات الاعضاء
وشنو بيقضون فيه يوم عيدهم ،،تقديم التبريكات وارفاق بطايق
ونشر مسجــات المعايده ،، امر لابد منه لنعمل على بناء جسر
من المحبه بين "افراد المجتمع :hmmmm:"..

So .. !!

...................................................................................
ܔೋೋܔ
...................................................................................

سولفولنا عن العيد هذاا ،، وين رايحيـــن ؟؟وين جايين ؟؟

مساافريـــن ؟؟ راجعيـــن ؟

شنهي خططكم حقت يوم العيد مع الاهل ؟؟ شلون بتقضون العيد ؟؟ ..
...................................................................................
ܔೋೋܔ
...................................................................................


http://aycu01.webshots.com/image/29920/2006173061387505471_fs.jpg

^
^
Well 4 me..
بفتح عيوني الصبح ووجهي جذي :D+ تسريحه افرو :09:
واقول آآآهـ انهوو العيييد هيا لنجمع العيديه:D
طبعا عقب كل شي من لبس وحوسه وغيره ،، بدي انزل لحتا اسلم على
Papa وMaMa :31:

و وانتظر بلحظات مليئئة بالشغف وعدم الصبر لحصد العيادي :bigeyes:
وتعرفون زيادة الخير خيرين ،، عيديه من اماية وعيديه من بابايه :D
>> شوفو التناقض بالمسميات XD

عقبها ارجع غرفتي او احوس بالبيت انطط بالصاله والممرات واسوي ازعاج ويا اختي
الصغيرة ان شاءالله ويمكن اساعد احد بالشغل #.#
لين مايدق جرس اول ضيف بعدين فجاة البيت هـــــــــــدوء :bigeyes:
>> كل من توزا بغرفته -.- "
المهم بعدين عشان الضيوف وجذي ،،:D
البس لبسي الرسمي واكشخ بكامل كشختي وانزل اسلم :09:
وماما : صبي القهوة باليسار والفناجين باليمين
وانا : ان شااءلله :09:>> ومطبقه العكس الله يخلف علينا XD
::تخيلو اول يوم عيد تقدمون قهوة وتكبونها ع ثوب احد خخخخ:D::

النهـــــــار ،، يجون اهل ابوي عمامي وعماتي والليل يجون اهل امي
خالاتي وخوالي وساعات نجتمع ببيت خالتي وتشوفون البيت كله بزارين
وشغالات ماشااءلله ،،طبعا وتشوف مخلوقات جديده ماتعرفها بالاخير
اولاد خالتك -.- "

هذا اليوم الاول اليوم الثاني :
بامر مني ومشــــورة على أمـــي :D
ان هاليوم OFF to the MALL
يعني من الظهر ليــــــــــن العشا بنتمشى بالمجمعات
نفرفش ونلعب بالملاهي ونتعشى ونرجع:D

بس اشك انه بيتطبق لكن بيتطبق باذن واحد احد فرد صمد :09:

اليوم الثالــث ~

حق اللي مالحق يعيد اليوم الاول والثاني
>> اي ثاني وانتي قاطعه على خلق الله XD
وبنفس الوقت بيصير تعيّد حق القرايب من بعيد او خوال امي وجذي ،،

اخوي امس سافر ويا مرته للكويت بيعيدون هناك عند يدتي اهئ اهئ #.#"
تروح وترجـــع ساااالم + غاااانــــم ياخوي :D
>> اهم شي غانم :09:

وهــــــــــذا هــــــــــو عيـــــدي ،، :D
>> ولها فيس تسميه عيد :09:


What About your 3eed ?? :D

ೋ҉ೋೋ҉ೋೋ҉ೋ

ೀيمر عام ويهل عام وأنت شعاع ينير قلوب الأصدقاء وكل عام وأنت بخير
ೀفي قلبي حطيتك .. وبالتهاني خصيتك وعلى الناس أغليتك بعيد الفطر هنيتك
ೀأحلى ما فى العيد العيديه و الأحلى أنها تكون منك هديه عيدك مبارك
>> لبابا:D

ೀمتى أشوفك متى ألقاك..يمر العيد وانت بعيد وشوقي يزيد..وكل عام وانت سعيد
ೀاحلى ما فى العيد ثلاثه
كثره الخيرات,تبادل الزيارات وقارئ هذه العبارات
ليس العيد لمن لبس الجديد انما العيد لمن نجا يوم الوعيد

ೀعسى عيد الهنا عيدك
وربي يغفر ذنوبك
ويحقق كل امانيك
وينور لك دروبك

ೀ
When my arms can not reach people close to my heart. I
always hug them with my prayers.
May Allah peace be with you,
a very happy EID MUBARAK.
ೀ
Network busy number busy, No signal massage not sent,
that is what we will see on first day of EID,
So HAPPY EID DAY, before the rush start.
ೀ
Do you know the Meaning of EID,
I think it means ENJOY in DUNIYA,
So, in your life all moments bring EID for you,
Wish You, EID MUBARAK.
ೀ
No shadow to depress you, only joys to surround you,
god himself to bless you,
these are my wishes for you,
today, tomorrow, and everyday, EID MUBARAK
ೀ
May the angels protect you,
may the sadness forget you,
may goodness surround you and may Allah always bless you, EID MUBARAK.
ೀ
May the special joy of Eid be your throughout the year,
to fill your day with happiness and warm your heart with cheer.
Happy Eid Day
ೀ
The laughter, the smiles,
and the memories we have shared through the years,
a love on which I can depend,
my forever friend. Remembering you with love on this Eid.
ೀ
Will ever know how much you mean
and words could never say..
The happiness that is wished for you on Eid day.
ೀ
There will be flowers, gifts and fun,
as you celebrate your day with everyone,
a wish is on your way,
to enhance the beauty of the day.
Have a wonderful Eid Day.
ೀ
Looking into each other heart.
Dreaming dreams together,
and following those dreams through the years.
hand in hand, This is what it meant to love.
Happy EID.

ೋ҉ೋೋ҉ೋೋ҉ೋ

[iSRT8]

اهلاً اختي البيد :D
حسافهـ ما طرت على بالي قبلج <<< حسود :09:
ما شاء الله عليج فكرهـ جميلهـ ^^


||xXx..الســــلاآآمـ عليــكم ورحمـهـ اللهــ وبركأأتـــهــ..xXx||

عليكم السلام ورحمة الله وبركاتهـ






...................................................................................
ܔೋೋܔ
...................................................................................


سولفولنا عن العيد هذاا ،، وين رايحيـــن ؟؟وين جايين ؟؟


مساافريـــن ؟؟ راجعيـــن ؟


شنهي خططكم حقت يوم العيد مع الاهل ؟؟ شلون بتقضون العيد ؟؟ ..
...................................................................................
ܔೋೋܔ
...................................................................................

العيد عندي آنا من وقت صلاة العيد ليمن وقت الغدى وبس :09:
يعني ريحة او الإحساس بالعيد تكون بهالوقت عندي "^^








و وانتظر بلحظات مليئئة بالشغف وعدم الصبر لحصد العيادي :bigeyes:
وتعرفون زيادة الخير خيرين ،، عيديه من اماية وعيديه من بابايه :D
>> شوفو التناقض بالمسميات XD

عيدين امي وابوي ما يعطوني امبجر :blackeye:
آنا ولدهم بس مو مشكلهـ شي احسن من لا شي :09:




عقبها ارجع غرفتي او احوس بالبيت انطط بالصاله والممرات واسوي ازعاج ويا اختي
الصغيرة ان شاءالله ويمكن اساعد احد بالشغل #.#
لين مايدق جرس اول ضيف بعدين فجاة البيت هـــــــــــدوء :bigeyes:
>> كل من توزا بغرفته -.- "
المهم بعدين عشان الضيوف وجذي ،،:D
البس لبسي الرسمي واكشخ بكامل كشختي وانزل اسلم :09:
وماما : صبي القهوة باليسار والفناجين باليمين
وانا : ان شااءلله :09:>> ومطبقه العكس الله يخلف علينا XD

من 7 ونص ليمن 11 الظهر لازم مجابل الدوانيهـ :blackeye:
مشكلهـ مو بيتنا ... ولكن آنا اكون صغير القوم وآنا الي اصب ×_×



::تخيلو اول يوم عيد تقدمون قهوة وتكبونها ع ثوب احد خخخخ:D::

بسبب هالمشكلهـ صرت اروح العيد ودشداشتي الثانيهـ معلقها بسيارة اخوي :blackeye:
خوفاً من القهوهـ او الجاي :09:






هذا اليوم الاول اليوم الثاني :
بامر مني ومشــــورة على أمـــي :D
ان هاليوم OFF to the MALL
يعني من الظهر ليــــــــــن العشا بنتمشى بالمجمعات
نفرفش ونلعب بالملاهي ونتعشى ونرجع:D

بعد صلاة العصر خلاص ماكو زيارات :09:
نوم ليمن المغرب .. بعدين اقز :bigeyes:
بس اسلم على بيت يدي ويدتي وووووووووووبس ×_×
الباجين مسجات ^^"


اليوم الثالــث ~
ما شاء الله عليج XD
حللتي العيد عدل :09:
حتهـ اليوم الثالث :09:
ما شاء الله "^^



بتكلم عن نفسي بشكل سريع :09:
اول شي صلاة العيد بعدين اروح بيت يدتي .. واقعد ليمن 11 الظهر
وبعدين اروح بيت يدي واتغدى عندهم
بعدين ارد البيت واريح ليمن المغرب وبعدها اهيت :09:
اليوم الثاني والثالث .. ايام عاديهـ مثل ايام الويك اند :09:


مشكووورهـ اختي على الموضوع الجميل واتاحة الفرصهـ لقول ما لدينا :D << تأثرت بالفصيح ×_×
ولا تحرمينا من ابداعاتج ^^
الله يوفقج
سلام
^ـ^

[TURKi]

.:: كل عام وانتم بخير ::.


.:: تقبل الله منا ومنكم صالح الاعمال ::.


.:: جعلنا الله و إياكم من عتقائه بهذا الشهر الكريم ::.


أما من ناحية وين رايحين وين جايين


( يبدأ الدوام من الساعة 9 ص و حتى 4 م )
وبعدها نووووووم الين الفجر الثاني :D
هذولا الي يشتغلون للناس << يشتغل بالاتصالات ( ولازم نزين لكم الشكبة ) علشان تهذرون مع بعض :)


مشكورة البيد ع الموضوع النايس
:)



كان رقم المشاركات 2.666
مميز مع رقم المواضيع 111
بس بعد هذا الرد خربت الدعوة :09:

[another moon]

||xXx..الســــلاآآمـ عليــكم ورحمـهـ اللهــ وبركأأتـــهــ..xXx||

و عليكم السلام ورحمة الله وبركاته ^^

ما شاء الله عليك بيدو عيدك حافل بالنشاطات الانسانية والاجتماعية :09:


العيد عندي آنا من وقت صلاة العيد ليمن وقت الغدى وبس :09:
يعني ريحة او الإحساس بالعيد تكون بهالوقت عندي "^^

سبحان الله نفسي ..

هذا هو الوقت اللي أحس انه وقت العيد و الباقي ما فيه فرق كثير عن باقي الايام :أفكر:

و بالنسبة لبرنامجي : ابد ما فيه شي مميز ,, الصبح في بيتنا وبعدين الساعة ثنتين تقريبا نمشي لديرتنا وبس <<< ما قلتلكم عيدي ما فيه شي مميز :09:

و بصراحة كذا اريح من الدوشة :D

و كل عااام و انتم بخير <<< تو الناس :09:

Ciao

[shjoonal3in]

كل عام وانتوا بخير .... والله يتقبل مننا رمضان ... آمين


بالنسبة لي ... اممم أول شي نقوم من الصبح نفطر << أهم حاجة :D
و طبعاً نصلي العيد أو نشوفها بالتلفزيون ... و نجهز الحلويات والفوالة ...
نحطها بالمجلس وندخنه و نرتب كل حااجة...
يجون الرجال ... واحنا نقعد نشوف قناة المجد للأطفال ( اليوم يوم عيد وكلنا سعيد :D ) ... و شوي أمسك دليل التلفونات ونبدأ أنا وأمي من حرف الألف عشان تبارك للأهل ... ومن سبق لبق !
وبعدين أبدل لبس العيد ... وأدخل المطبخ ... !! خلصنا خلاص :blackeye:
وبس نجهز الأكل إلين وقت الغدا ... نحطه وناكل ونناااام ...
والعصر يتجهزون وبعد المغرب ...يروحون زيارة للأهل ونرجع في الليل و توتة توتة خلص العيد :D
ثاني يوم وثالث يوم ... هذا حق البروجكتس والأسايمنتس ...
و التجهيز لامتحانات المدتيرم ><'
أما العيادي حدث ولا حرج ><' ... كبرنا عليها ... محد قام يدز لنا فيس T_T

[نفيخه]

مرورا على كل الموضوع


انا اهلي اليوم العصر سافرو :09:


يعني بعيد مع نفسي


اروح اصلي واعطي عيديه حق نفسي :09:


واقوول لـ نفسي


كل عام وانتي بخير :silly:


وهذا العيد خلص :ponder:


بس شاري حق نافسي باونتي :09: عشان اوزعه على نفسي عشان نفسي تاكل حلاوة العيد


صراحه ما اتوقع جديد ايام العيد غير اني حزداد حماس عالانيمي والنت والعب واو :أفكر:

[Scare_shade]

وعليكم السلام ورحمة الله


والله حالي مثل حالكم :09:

أصلي صلاة العيد وأرجع وأبارك للأهل وبعدين أنتظر في المجلس
لما يجون الضيوف وأقهويهم لما يجي الظهر
ومن الظهر لما الساعة 2 الظهر تقريبا مجرد زيارات للأصدقاء والأقارب ^^
وباقي اليوم كله لي... أطلع وأتمشى لما آخر الليل
واليوم الثاني يكون كله لي بعد :09:
أما اليوم الثالث.... فأسافر للجبيل هناك عند جدي وجدتي
وأجلس لما آخر الليل أو الفجر أو الصبح
وآخر يومين... ما أحس أنهم عيد :09:




ونصيحة لكم جميعا
صلوا صلاة العيد.. لأنها تحسك أنك في العيد !!!
أما اللي ما صلاها والله ما يحس بالعيد أبدا


أسألوا مجرب ما صلى صلاة العيد مرة :09:

[Al Bhed Girl]

--> Emperor <--


اهلاً اختي البيد :D
حسافهـ ما طرت على بالي قبلج <<< حسود :09:
هلا والله شخبارك وشلون العيد وياك ؟؟ :D
>> تكتب الرد وكل شوي الجرس يدق >.> "
هعهعه بعدين هذي يسمونها منافسه مو حسد لوولز :09:

ما شاء الله عليج فكرهـ جميلهـ ^^
تسلم والله :D
كل شي عشان القسم والاعضاء:biggthump

العيد عندي آنا من وقت صلاة العيد ليمن وقت الغدى وبس :09:
يعني ريحة او الإحساس بالعيد تكون بهالوقت عندي "^^
أوه نفس الحاله والله #.#"
انا اليوم عيدي من الصبح لين الظهر بمعنى الكلمه ،، ماصار الظهر الا وانا نااايمه
شسوي مواصله من رمضان تخيل #.#"
ولا مقضبيني ياااهاااال XD !!
مو اي ياهال ،، شياطين شيبت رموشي منهم #.#"

نوم ليمن المغرب .. بعدين اقز :bigeyes:
بس اسلم على بيت يدي ويدتي وووووووووووبس ×_×
الباجين مسجات ^^"
نفـــــــس الحالة #.# والطلعات تبدا بعد شوي او بكرة كله ×.×"

عيدين امي وابوي ما يعطوني امبجر :blackeye:
آنا ولدهم بس مو مشكلهـ شي احسن من لا شي :09:
انا حتى السواق اخذ عيديته #.#"
وتوني قلت لبابا يعطيني عيديه ولا يدق الجرس عمي وينسى .. والله مشكل كتير ×.×"

مشكووورهـ اختي على الموضوع الجميل واتاحة الفرصهـ لقول ما لدينا :D << تأثرت بالفصيح ×_×
العـــفو اخي الكــريم ،،ومااجمل من مشاركه لحظاتك مع الاخرين :) >>ع الخط وياك ×.×

ولا تحرمينا من ابداعاتج ^^
الله يوفقج
سلام
^ـ^
تسلم ماتقصر والله ^^
مشكوور اخوي على هذا المرور العطر ،،
الله معاك ،،

[Al Bhed Girl]

ENG. TURKI

أنا ماادري ليش كل ماشفت اسمك اشتهيت العب فف #.#"



.:: كل عام وانتم بخير ::.


.:: تقبل الله منا ومنكم صالح الاعمال ::.


.:: جعلنا الله و إياكم من عتقائه بهذا الشهر الكريم ::.



اللـــــهم آآآميــــــــــــــن !!



أما من ناحية وين رايحين وين جايين


( يبدأ الدوام من الساعة 9 ص و حتى 4 م )
وبعدها نووووووم الين الفجر الثاني :D
هذولا الي يشتغلون للناس << يشتغل بالاتصالات ( ولازم نزين لكم الشكبة ) علشان تهذرون مع بعض :)



@.@
فلتحل البركه على شباب الوطن !! XD

ماشااءلله عليك اخوي يومك حافل ،،:D
صحيح انك بالدوام ،، بس شوفها من الناحيه الايجابية ..
بتكون مع اصدقاءك واصحابك جميع تعيدون على بعض
وتشاركون الفرحه فيما بينكم مو ؟؟ هعهع:sgrin: ،،
والله يبارك فيك ويوفقك في شغلك ويرزقك كل خير الدنيا والاخرة :eating::D
Keep up The Good things
:biggthump

مشكورة البيد ع الموضوع النايس
:)

العفــو اخوي :o
وحياااآك باي وقت :09:





اقتباس:
كان رقم المشاركات 2.666
مميز مع رقم المواضيع 111
بس بعد هذا الرد خربت الدعوة :09:

نو نو @.@
اصلا يقولك اذا كسرت سلسله من الارقام المميزة ،،راح يصير لك شي حلو ..بالعيــد >.>"

[Al Bhed Girl]

another moon

أنذر مـــوووونه !!
هلا هلا ومسهلا!! بشيخه البنات وشخباارج وشمسوية .؟
عساك بخيير يابنت العم :D



و عليكم السلام ورحمة الله وبركاته ^^

ما شاء الله عليك بيدو عيدك حافل بالنشاطات الانسانية والاجتماعية :09:

اي لا حده حافل ماشااءلله #.#
>> ثلاث ارباعه نووم
XD



سبحان الله نفسي ..

هذا هو الوقت اللي أحس انه وقت العيد و الباقي ما فيه فرق كثير عن باقي الايام :أفكر:



تصدقون ،، اغلب الاعضاء جذي #.#"
انا بعد ماتوقعت ،، لين الظهر بعدين خلاااص نمت لين 7 الليل >> سهرانه من رمضان XD
لا روحه يدتي ولا خالتي ولا عمتي @.@
كل شي راااح ،، بس مانقول الا الحمد لله



و بالنسبة لبرنامجي : ابد ما فيه شي مميز ,, الصبح في بيتنا وبعدين الساعة ثنتين تقريبا نمشي لديرتنا وبس <<< ما قلتلكم عيدي ما فيه شي مميز :09:



خخخخ لوووولز ،،
عاآآآدي خليج ايجااابية ،، سو وت اذا ماصار شي بالعيد ؟؟:D
وجودج مع عيالتج وكل من بخير وعافيه هذا اكبر عيييد ،،ولا شرايج ؟؟ :biggthump



و بصراحة كذا اريح من الدوشة :D

و كل عااام و انتم بخير <<< تو الناس :09:

Ciao

خخخ اي والله بس ساعات الواحد يفتقد هالدوشه ×.×

يحليلج خيتو والله استانست بردج ^^
تسلمين على هذا المرور الرائع
نورينا داايما اوكيه ؟؟:biggthump

[Al Bhed Girl]

hjoonal3sin

هــــلاآ والله بالطـــش والرش والبيـــض المفقش :D ،،
واللهـ نور الموضوع بشجونااا ،، شخباارج حبيبتي شلونج ؟؟ :biggthump



كل عام وانتوا بخير .... والله يتقبل مننا رمضان ... آمين

وأنتي بالف خيير وصحه وسلامه واللهـــــمم امييييين



بالنسبة لي ... اممم أول شي نقوم من الصبح نفطر << أهم حاجة :D
و طبعاً نصلي العيد أو نشوفها بالتلفزيون ... و نجهز الحلويات والفوالة ...
ماشااءلله :D
انا اليوم بغيت اصلي العيد ورحت سبحت ولبست بس نسوني :09: >> ساعتين عشان تجهز XD

نحطها بالمجلس وندخنه و نرتب كل حااجة...
يجون الرجال ... واحنا نقعد نشوف قناة المجد للأطفال ( اليوم يوم عيد وكلنا سعيد :D ) ...
#.# "
لا تخلينها تعلق براسي ×.×

و شوي أمسك دليل التلفونات ونبدأ أنا وأمي من حرف الألف عشان تبارك للأهل ... ومن سبق لبق !
وبعدين أبدل لبس العيد ... وأدخل المطبخ ... !! خلصنا خلاص :blackeye:
وبس نجهز الأكل إلين وقت الغدا ... نحطه وناكل ونناااام ...

يب يب !!
نفس الشي تقريباا :biggthump
الا ان امي بالمطبخ قالت قعدي طالعي تلفزيون ابرك >> حستهم :09:


والعصر يتجهزون وبعد المغرب ...يروحون زيارة للأهل ونرجع في الليل و توتة توتة خلص العيد :D
ثاني يوم وثالث يوم ... هذا حق البروجكتس والأسايمنتس ...
و التجهيز لامتحانات المدتيرم ><'
أما العيادي حدث ولا حرج ><' ... كبرنا عليها ... محد قام يدز لنا فيس T_T

لووووووووولز !!
XD
مشكله هالمداارس ملعوزينا حتى بالاعياد ندرس لهم ،، شيبون اكثر المفروض يعطونا عيديه كااش
غير اهالينا ،، هذا اذا عطونا #.#"
بس وانا اختج يقولون دموع التماسيح تفيد #.#

مشكووورة حبيبتي على هذا المرور اللطيف :D
والله اسعدني تواجدج ومشاركتج لنا بلحظاتج
وشنو ناوية تسوين ع في العيد :D
يسعدج ربي ويخليييج :biggthump

[TURKi]

ENG. TURKI

أنا ماادري ليش كل ماشفت اسمك اشتهيت العب فف #.#"


ههههههههههههههههههههههههههههههههههههههههههههه

[ناصر المحمدي]

||xXx..الســــلاآآمـ عليــكم ورحمـهـ اللهــ وبركأأتـــهــ..xXx||
وعليكم السلام ورحمة الله وبركاته


مرحباآآآآآآنـــ اعضاااء شخبااركم شمسوين ؟؟
هذا هو رمضان قرب ينتهي والله يعوده علينا وعليكم
باليمن والبركه اميين ،،

اللهم آمين
مرحبتين اختي البيد
بيني وبينك انا مسوي شاي عساس يطير النوم بس طلع مش محكور << بنقالي صلحه مش انا :D




سولفولنا عن العيد هذاا ،، وين رايحيـــن ؟؟وين جايين ؟؟

مساافريـــن ؟؟ راجعيـــن ؟

شنهي خططكم حقت يوم العيد مع الاهل ؟؟ شلون بتقضون العيد ؟؟


طايح فرك من الجمعات << محروووووووووووم
بس اهج :biggthump



::تخيلو اول يوم عيد تقدمون قهوة وتكبونها ع ثوب احد خخخخ:D::

يحليلك انا كنت لما اسلم على خوالي وابوس على روسهم عقالي يطيح عليهم .. احيان على وجههم واحياننا على الغترة وتخرب التشخيصة, ومرة طاح على خالي وكان ماسك فنجان قهوة والثوب تعدم <<< خخخخخخ طبعا كله صار قبل خمس سنين ... والحين حيل لجل يشوفوني




ೀعسى عيد الهنا عيدك
وربي يغفر ذنوبك
ويحقق كل امانيك
وينور لك دروبك
اللهم آميييين لي ولك ولسائر المسلمين

كل عام وانتي بخير اختي البيد
كل عام وانتم بخير اعضاء المنتدى
كل عام وانتم بخير مراقبين المنتدى
كل عام وانتم بخير حضرت الدايركتور :biggthump <<< ناوي على رقابة :D


في امان الله

[II..FOX DIE..II]

مرحبا ألبيد

كل عام وانتي بخير وعيدكم مبارك ومن العايدين والفازلين http://www.montada.com/images/x/icons/icon10.gif

ما شاء الله نفس عوايدنا ونفس الطبايع << من زين هالطبايع خخخ
لكن انا وعائلتي نختلف عن العالم العربي في هذه المناسبة :bigeyes:

تخبرين حنا عائلة كبيرة ما شاء الله 9 بنات و 12 ولد
والوالد إذا يبي يعايدنا لازم ياخذ قرض من البنك http://www.montada.com/images/x/icons/icon10.gif

وتعالي شوفي إذا سيرنا على بيت عمي الكبير .. ثلاث سوابر ورا بعض موكب الله لايعوق بـ شر :biggthump

وكل الدنيا ذي كوم والصباح على الحمام اجلكم الله كوم
تخبرين من الزحمه .. ندخل ثنين ثنين نتسبح http://www.montada.com/images/x/icons/icon10.gif خخخخخخخخ
<< دورة عسكرية مهوب بيت عرب :09:

لا والله جد حالة إستنفار أمي وخواتي .. اللي في المطبخ واللي ماسكة البزران واللي بلشانه بالإستشوار

وانا وسوات واخواني الكبار نجي ونعايد ابوي ونجلس معه في المجلس ونقهويه
وانا جالس اطالع ابوي وابتسم .. يعني قولت ما ودك تعايدني بمبلغ وقدرة http://www.montada.com/images/x/icons/icon10.gif

وشوي يجون عيال اختي الصغار يعايدون ابوي .. ويطلع الدراهم ويدهن سير البزران
والبزارين معيده ومستانسه وانا منقهر ما حصلت شي !
واطلع يعني بشوف الفطور .. وامسك البزران برا واخذا العيادي حقتهم بحجه اني بوديهم العصر لـ الملاهي http://www.montada.com/images/x/icons/icon10.gif

وليومك هذا ما شافوهن خخخخ


عز الله العيد فرحه و فله .. لكن انا ما شي على حكمة

(( العيد لـ العذار والبزارين ، اما ارجال ما دام راسه يشم الهواء تراه معيد :biggthump ))


يعطيك العافية الموضوع
وكل عام وانتي بخير ^^

[Al Bhed Girl]

II..FOX DIE..II


مرحبا ألبيد

كل عام وانتي بخير وعيدكم مبارك ومن العايدين والفازلين http://www.montada.com/images/x/icons/icon10.gif


مراااحب هلا والله ،،
وانت بخيير وصحه وسلاامه ،، >> فازلين ؟ >.>"


ما شاء الله نفس عوايدنا ونفس الطبايع << من زين هالطبايع خخخ
لكن انا وعائلتي نختلف عن العالم العربي في هذه المناسبة :bigeyes:


خخخخ بغيت اقول عالم واحد عائلة واحده
XD


تخبرين حنا عائلة كبيرة ما شاء الله 9 بنات و 12 ولد
والوالد إذا يبي يعايدنا لازم ياخذ قرض من البنك http://www.montada.com/images/x/icons/icon10.gif

وتعالي شوفي إذا سيرنا على بيت عمي الكبير .. ثلاث سوابر ورا بعض موكب الله لايعوق بـ شر :biggthump

ماااشاءالله تبارك الرحمن الله يخليهم لكم يااااربـــ :D ،،
بس اذا السالفه جذي عيل العيديه مقتصرة على البزران فقط ولا عجب ،،:09:
خمسه ريال وعطوك ظهرهم :D،، >> مدري شيسون فيها يشترون مصاصة غندور وبفك نسمه وبيبسي ~.~"



لا والله جد حالة إستنفار أمي وخواتي .. اللي في المطبخ واللي ماسكة البزران واللي بلشانه بالإستشوار


ماشااءلله ،، اي جذي عادة وعشان تجهيز العيد وحق الضيوف :D،،
طبعا بالبداية كل شي يوتر وسووه بسرعه بس اذا خلصتو تحس ..Aaah that was a relief:09:


وانا وسوات واخواني الكبار نجي ونعايد ابوي ونجلس معه في المجلس ونقهويه
وانا جالس اطالع ابوي وابتسم .. يعني قولت ما ودك تعايدني بمبلغ وقدرة http://www.montada.com/images/x/icons/icon10.gif

وشوي يجون عيال اختي الصغار يعايدون ابوي .. ويطلع الدراهم ويدهن سير البزران
والبزارين معيده ومستانسه وانا منقهر ما حصلت شي !


ياخوي كبرنا ع العيديه ،،خلها للاصغر منا:09:
بس تدري شي اذا كنت مدلع فالوضع غييييييير :D

واطلع يعني بشوف الفطور .. وامسك البزران برا واخذا العيادي حقتهم بحجه اني بوديهم العصر لـ الملاهي http://www.montada.com/images/x/icons/icon10.gif

وليومك هذا ما شافوهن خخخخ



خخخ لووولز اهم شي ×.× " ،،
تطلع حرة العيديه بفلوسهم :09:


عز الله العيد فرحه و فله .. لكن انا ما شي على حكمة

(( العيد لـ العذار والبزارين ، اما ارجال ما دام راسه يشم الهواء تراه معيد :biggthump ))



وشفيهم العذارا ؟ @.@"
عسل على عسل ×.×"
بعدين العيد فرحه لكل ...>> اوكيه Who cares XD

يعطيك العافية الموضوع
وكل عام وانتي بخير ^^
اللهـ يعاافيك ومشكور على المرور الطيب ^^
ومشاركتك لحظاتك بالعيد >> تقول حدث تاريخي XD

[Squall 9]

damn big topic eh

i'll read it all l8r

[الجزيرة العربيه]

السلام عليكم ورحمة الله وبركاته


مالحقت على العيد من بلاوي البزارين
ولاعيدوني ولاخرجت مع احد ولازرت احد
جالس منطوي على نفسي


ولكن اتمنى ان تكونوا قضيتوا احلى الاوقات
مع الاهل والاصدقاء , واتمنى ان العيد وافراحه
هونت عليكم فراق رمضان


اسف على الرد المتأخر


وكل عام وانتم بخير ( بعد الزحمة )