المساعد الشخصي الرقمي

مشاهدة النسخة كاملة : قبـــل العيــد بيوميــن . . . تأليفي .. دخلو ترا اللي يرد يدخل السحب على علوك .


THE M A S K
11-10-2007, 07:48 AM
قبل العيــــــد بيوميــــــــــن


طبعا هذا يمكن اول موضوع لي بالترفيهي تقبلوه على كيفكم بصدر رحب بضيقة خلق خذو راحتكم بس اللي معصب لا يدخل

اخاف يحط كل قهره في موضوعي هههههه

المهم في شي قبل ما أبــدأ

:)
هاذي العلامه : ( <<< ) تعني انا اتحدث اللي هي الراوي



الشخصيات : الاب - الام - الولد و الولد - والبنتين



الاب : اقووول سمعووو عندكم 3 ساعات بس تشترون وتخلصوني انا وراي مباره مو فاااااضي لكم <<< معصصب باين من صوته ) ههه


الام : طيب طيب لا تصارخ وبعدين من قال احنا ناخذ 3 ساعات كلها نص ساعه وجايين <<< الله واكبر

<<< قبل سنه العيد اللي راح


الاب : يلا يامره تعبت والله تعبت خلصينااا الساعه صارت 3 الفجر


السيكيورتيه: ياخي طلع مرتك المفروض المحل يسكر من 3 ساعااات ومرتك تحوس من الساعه 6 المغرب لين اللحين


<<< الام سمعت كلام السيكيورتي

الام : هااااااااااااااااااااااااااااااااااااااااااااااااااااااااااااا :12::12:


<<<<وتحذف الشنـــــــــطه بأقوى ما أوتيت من قوووه ومسكين السكيورتي شكله بيعيد مع أهله في مستشفى الصحه والحياه ( هههه)


السيكيورتي الثاني يوم شاف خويه انسدح قال : يارجال خل المره تاخذ اغراضها واحنا
عشان ترتاحون بنخلي لكم المكان ونطلع


الاب : لا لا لا لاتخليني لحالي وياها ولي يرحم والديك

<<<موسيقى حزينه + موال حزين من غناء نجم الشباب الاول شعبان عبد الرحيم :Dهههه

وبعد مرور زمن طويل وعند افتتاح المحل في صباح اليوم التالي


الام : خلـــــــــــــــــــــــــــصــــــــــت


الاب : الله مبروك مبروك


السيكيورتي : الله يبارك فييك والله فرحت لك من قلب << حتى انا


الاب : الحمدلله الازمـه عدت على خير يلا نستأذن


السيكيورتي : وين وين تو النااس تقهوه عندنا ولي يرحم والديك


الاب : ( بنظره غاضبه ويقول في نفسه : قهوه انا شكلي بروح البيت بطياره وهو يقولي قهوه انا السرير قاعد يصارخ علي وهو يقولي قهوه )


الاب : لا معليه العيد الجاي بأذن الله



اما الان نعود للوقت الحالي


الاب : لالالالا صح سمعي يامره اللي حصل العيد اللي راح مابيه يتكرر هي ثلاث ساعات ماشريتي شي ببلغ عنك الشرطه
<< هذا متبري من مرته ما ينلام مسكيين:أفكر:


الام : ( بنظره حاقده اوكـ:ouch: )


الولد (1 ) : يبا يبا يبا اقول احنا هينا ليه


الولد ( 2 ) : :oياأهبل احد مايعرف احنا هينا ليه انت غبي ماتغهم احنا هينا عشان نشتري خروف العييد


البنت ( 1 ) : يما اخواني رجعو لحالتهم

البنت (2) : لا اله الا الله مادري متى يصيرون طبيعين من نطحهم الخروف وهم كذا


العيــــد اللي راح قبل سنه


الصبح الساعه 8 :-


الولد (1) : خروفي خروفي اقول شرايك انقز عليه << خروف ولا سرير هو


الولد(2) : نقز خذ راحتك يقول ابوي:o هذا شارينه بفلووس يعني عادي عادي
<<< مشالله

الولد (1) : اهاااا أجل انا بسويه حصاان وانت طالعني وانا راكبه شرايك

<< طيب بسرعه عشان انا بركب وراك ههه << انت الراوي مايصير


خروف : يتكلم في قلبه ( أقول وراه ماتنزل انت وياه لأمردغكم والعن الطيب مافي أهلكم يا **** (طووط) يابن الـ **** ( طوووط )


<<<لاحول ولا قوة الا بالله حتى الخرفان قامو يسبووون


الولد (1) : الله حصان حصان حصان


الولد (2) : يأهبل كيف يكون حصان وهو صغيير كذا


الولد (1) : ايه صح أجل شرايك نسميه حمااار


<<<الخروف هينا عصب هينا وبس قلتو له خروف سكت لكم قلتو له حصان سكت لكم اما تسبونه وتقولون حماار قويه بحق قبيلته الخرفاان ( ههه) << الخروف ترى بدوي مولود بالصحرا مو زي خرفان اللحين تشوفه حاط مناكير ايه تربيت مزارع ههههه مو تربيت بر وحوش وتشوف راعيه كسوول لو انباقو كلهم مايدري عنهم

المهم


<<ويجي الخروف ويطير الولد (1) وينطح رقم (2) << مو عيال ذيلن فريق كوره 1 و 2 ههههه

<<ويطيحوون على راسهم وهذا ماسبب لهم غباء في المخ وارتجاج في الرجل وزكام في الصبع الايسر من اليد اليسرى


نعود للوقت الحالي


الام : يابنت كل وحده منكم لها 6 بدلات مو كل ماتشوف شي تاخذه ركزو 6 لان يابناتي المجمع مو مجمع ابوكم


قبل سنه العيد اللي راح


البنت (1) : اقول شرايك في ذي البدله


البنت (2) : امممم مادري بس تدرين اشتريها وخذي وحده لي بعد بشوف اذا حلوه ولا لا


البنت ( 1) : طيب انا اقول ناخذ لنا الوان لان انتي شدراك يمكن يكون لون الجو مايناسب لون البدله


البنت (2) : فعلا انا قاريه في التلفزيون ان يوم العيد لون السما راح يكون احمـر على بني

<< شدعوه ايس كريم باسكن روبنز ركزو تقول قرت في التلفزيون :boggled:

البنت ( 1) : اممم اجل اقولك ناخذ ثلاثه بثلاث الوان مختلفه


البنت (2) : الله تعالي شوفي فيه البدله اللي معلقه فوق ذيك


البنت (1) :ايييييه تهبل يا بيااا << الهندي طبعاا


بيااا : نئم ماما


البنت (2) : جيب هاذي فووق بدله


<< طبعا الرفيق اللي هو بيا اللي هو بجا اللي هو الهندي جاب السلم


بيا : هاادي


البنات : لا يمين


<<< صديقنا بيا اللي هو بجا اللي هو رفيق اللي هو الهندي فيه لكه شوي بخصوص اليمين واليسار فا لما تقولون له يسار يروح يمين والعكس صحيح


بيا : هينااا

البناات : اقولك يمييييييين


بياا :هيناااااااا

البنات : !!!!!!!!!!


بياا : ما ما ايس فيه سااكت تكلم هينا ولا لا


بنت (1) : اقول هذا شكله يستعبط وشافنا لسا بعمر الشباب قال بيغازلنا ويا وجهه


بنت (2) :ايه صح انا اقول ندفه من على السلم


بنت (1) : اوكـــ


بياااا: ماما تكلم هينا ولا لا


<< جاو البنات ودفو الرفيق اللي هو بيا اللي هو بجا اللي هو الهندي هههه وطااح


بيا : ااااااااااااااااخ اااااااااااااااااخ راس مالنا فيه دوخه سيم سيم مروهه < يعني راسه فيه دوخه زي المروحه


السيكيورتيه : هذولا بناااتك

الاب : ايه وش مسووين


السكيورتيه : قاطين الهندي من فوق السلم


الاب : هاااا


<<<<<خذ ابوهم السله اللي فيهاا ثيابهم وراح للكونتر قبل مايصير في الهندي شي +انه بيدفع دون ان يدرك انهم شرو الدنيااا هههههه


<< طبعا الاب يبي يطلع قبل مايموت الهندي اللي هو بيا اللي هو بجا اللي هو رفيق > ويتوهق وهو يحاسب ماركز بالمبلغ اللي بيدفعه :yuck:


راعي الكونتر : المبلغ 27 ألف ريال


<< كان يتلفت مو مركز بالمبلغ طلع الكرت وسحب 27 ألف وهو يتلفت يمين يسار ودفعها وخذ الاكياس وهو ينطلق بالسياره ضررررررررب بررررررررريك قووووووووي وقال 27 أللللللللللللللللللللللللللللللللللللللف :boggled::boggled:<<< هههههه


توه بيرجع شاف سيارة الاسعااف واقفه قال : يوووه اخاف ادخل ياخذوني وياهم سياحه في مركز الشرطه . . . يلا اروح احسن لي . .

<< بيدلعونه في مركز الشرطه هههه


نعوود للوقت الحالي



>> طبعا العائله بعد ماتذكرت هذا كله اللي صار العيد اللي راح قعدو ساكتين < 9 ساعات لا كأن 9 ساعات كثير بخليها 10 ساعات احسن هههه

<< المهم قعدو ساكتين 8 دقائق يتفاجئون انهم جابو العيد العيد اللي راح طبعا الا الولديين اللي هم للحين يفكرون هذا مجمع ولا سوق خرفااان


الاب : انا اقول نرجع البيت وبلا سوق بلا عوار راس


الام : ايييه صراحه انا مادري شلون ادخل بعد كل اللي صار العيد اللي راح


البنااات : نرجع البييييت أحســـن


الولديين : يبا اللحين ليه يسمون الخروف خروف العيد يمكن مو اسمه عيد يمكن سعيد ولا سليم


شغل السياره الاب ورجع


اليوم التالـــــي . . . . .. .


الام :لالالالالالالالالالالالالالالالالا بكره العييييييييييييييييييييييييييييييد وماشرينا شي

<<< الحريم لازم يتغير تفكيرهم امس اقتنعو انهم مايبون شي


ههههههههههههه



THE END

تأليف : انا

اخراج : انا

سيناريو وحوار : انا

مادري ايش : انا

بطولة :
الاب والام ولد (1 ) ولد (2 ) وولد(3) << لا ثلاثه مابعد في الجزء الثاني ان شالله و بنت (1 ) وبنت ( 2 )


ان شاءالله عجبتكم القصه . . . .

تحياتي THE M A S K
silentdarkness
11-10-2007, 11:15 AM
مشكورررررررررر
أبومعاذ السلفي
11-10-2007, 11:22 AM
السلام عليكم
شكراً أخوي فيصل على هالقصة الـ ........ <<< خايف أقول مملة تقوم تزعل XD
بصراحة القصة مش ولا بد ، ويطلع منك أحسن من هيك
وبالتوفيق لك وإلا الأمام
THE M A S K
11-10-2007, 06:14 PM
مشكورررررررررر

العفـو < شكلك راد على موضوعي زيادة مشاركات صح :biggthump







السلام عليكم

شكراً أخوي فيصل على هالقصة الـ ........ <<< خايف أقول مملة تقوم تزعل XD
بصراحة القصة مش ولا بد ، ويطلع منك أحسن من هيك

وبالتوفيق لك وإلا الأمام



وعليكم السلام :D

كنت عارف انها بتكون ممله :ponder:

بس شاسوي قلت أتفلسف وألف لاحظ الساعه كانت 7 الصبح يعني يوم أكتب الموضوعي ماكنت في وعيي :boggled:

انا تفاجأت انها كذا يوم قريتــها اليوم أصبــت بصـدمه :ponder:

بس يلا زيادة مشاركات :biggthump

<<< عاد انت يابومعاذ كان مدحت شوي كالعاده :ponder: قلت القصه من كثر ماضحكت
صدت نفسي عن الضحك :ponder:
Misho0o
11-10-2007, 07:18 PM
ما اقول لك قصه حلوة صراحه اكذب عليك لو اقول لك حلوة :09:
لكن هذي كانت كاتجربه لك
شوف اسلوب غيرك زي مثلا كريس فاندام ولا سوات ولا مواضيع ساندر القديمه
ومع الايام يتطور اسلوبك ونشوفك مميز في الصرقعه :D
نفيخه
11-10-2007, 08:51 PM
:bigeyes:

تف تف تف تف بسم الله عليك ياوليدي

اشفيكم حطمتو الولد :09:

وجعااااه .. بكرا عيد :D

:31: عالاقل اسلوب ون ون تو مو كذا

:biggthump لا صراحه القصه ما يحتاج كلام تتكلم عن نفسها و تصرخ : انااااااااااا حلووووووووووووووووووه
ستيف...
12-10-2007, 12:40 AM
بكرة العيد
بس القصة شوي سخيفة
سلام ستيف
نفيخه
12-10-2007, 01:11 AM
شباب :bigeyes: !!

هدو اللعب لا بالباونتي اللي جمبي << مشتري لنفسه حلاوة العيد :09:


لحد يرد اذا مو عاجبه :silly:


الى صاحب الموضوع (فقط) : كل عام وانت بخير حبيبي :) طبعا شايفني شادد حيلي معاك .. في انتظار العيديه :09: << مو لله :09:
THE M A S K
12-10-2007, 02:39 AM
مشكوووووورين على الردود التحفيزيه والغير محطمه


مشكور على المسانده نفيخه



وياشباب نسيت اقول شي ترا الموضوع منقوووول:ponder: << كذاااب


او اني كتبته وكنت سكران او محشش لانه كارثه في حياتي المنتديه


وكارثه في الامم العربيه لا وانا فرحان كاتبه قبل العيييد المفروض اكتبه في نص رمضان عشان الاعضاء يكون مالهم خلق مايدخلونه


بس يلا اللي حصل حصل وخلاص لا حد يرد كفااايه

:biggthump:biggthump
المفنوووووده
12-10-2007, 04:14 AM
لا بالله جنيتوا عنبو شوي شوي على الريال اسمع وانا اختك وعمتك وجدتك ماعلييييييك كلام بسسسسسس حاول شوي وبيني وبينك لاتكتب قصص كل القصص الي بالترفيهي فيها شي من السخافه (احترامي للحرامي ااقصصد للجميع )




شباب :bigeyes: !!

هدو اللعب لا بالباونتي اللي جمبي << مشتري لنفسه حلاوة العيد :09:

لحد يرد اذا مو عاجبه :silly:

الى صاحب الموضوع (فقط) : كل عام وانت بخير حبيبي :) طبعا شايفني شادد حيلي معاك .. في انتظار العيديه :09: << مو لله :09:


تعجبنييييييييييي نفييييييييييخه كفوووووووووو معاك لولو خخ
Fly_Batman
12-10-2007, 08:16 AM
وعليكم السلام ورحمة الله وبركاته
صراحة قصة لا باس بها اذا كانت بأول قصة لك..:)..ولكن يعيبها بعض الاشياء منها:-
1- ترتيب فكرة القصة وطريقة سردها.
حيث القصة في بدايتها..كفكرة رائعة..ولكن لم تسردها بأسلوب فكاهي جدا يناسب الفكرة ثم توالت الافكار في التلخبط العشوائي والى كثرة بعض الجمل التي تطيل القصة بدون ان تضيف الفكاهة وبعض الجمل تفتقر إلى الفكاهة في اسلوبها.
2- ولد1 ولد 2...بنت1..بنت 2.
غالباً في القصص لا نعمد الى استخدام الأارقام الى الشخصيات لأن ذلك يضيف الملل والخمول الى القارئ, فحاول أن تجعل شخصياتك بأسماء مميزة وفكاهية تجذب القارئ.


واذا حبيت تتناقش حياك...انا موجود..وفي خدمة الأعضاء العسل مثلكم:D.

بكرة العيد
بس القصة شوي سخيفة
سلام ستيف
إذا كانت سخيفة في نظرك....لا تكتفي..بإنتقاد الأخرين....بل اضف اليهم بعض الملاحظات التي تفيدهم في تطوير اسلوبهم الفكاهي....:)...ولا رأيك اذا لم تضف اليه هذه الملاحظات لا يسمن ولا يغني من جوع ووجوده من عدمه:31:

ووفق الله الجميع..^^
II..FOX DIE..II
12-10-2007, 08:46 PM
السلام

لو بحلف كل اللي قالوا القصة سخيفة ومش ولا بد

ما قروها أصلا ً !!!

عندكم أنا .. قريت روس أقلام بس http://www.montada.com/images/x/icons/icon10.gif
ومع هذا مقبوله والله .. وأفضل من أربع مواضيع توني مار عليهم
والمشكلة اصحابها أعضاء معروفين و قديرين !

( ذا ماسك ) امسحها بوجي يا سنايدي
تخبر ربعنا ما يعرفون الإتيكيت والمجاملات .. بهم ( جمع ماشية http://www.montada.com/images/x/icons/icon10.gif ) ما يجمعون
كلك حلا انت وموضوع

يكفي جيتك عندنا في القسم ;)


تحياتي