"الوان القلب" الجزء الثالث ( الحب و الحقيقه ) [الأرشيف]

MALER

17-10-2007, 05:54 PM

الفصل الأول

بعد اللي صار كل شي اتغير
بعد داك اليوم
اليوم اللي اختفى فيلو سوار وعمار
كل اللي اتذكرو اني كنت رايحه مع البنات فاتن ولينا ووعود و يارا
وبعدين احد ضربني على راسي واغمى عليا
لمن صحيت كنت متربطه على كرسي
وقدامي كان في دم
بس دم
صرخت وصرخت اللين ما جو عمو سمير وابله ساره فكوني
بعد داك اليوم محد شاف سوار ولا عمار
الشرطه اكتشفت انو الدم اللي كان في الأرض كان دم سوار
ويقولو من كمية الدم اللي في الأرض الأغلب انو ميت
لمن سمعنا دا الخبر انا وابله ساره قعدنا نبكي
اما عمو سمير قعد صامد ويقول انو سوار ما مات

ولسه نحن مؤمنين بأن ممكن يوم نتقابل تاني
ممكن يكون سوار عايش في مكان تاني

في نفس اليوم اللي اختفو فيلو
صارت حادثة المستشفى
الحادثه الكبيره اللي هزت الدتيا كلها
100 شخص ماتو
الشرطه اكتشفت انو عمار كان في المستشفى وقت وقوع الحادث
والكميرات صورتو وهو بيحاول يهرب ورجال الأمن مسكوه
بس كل الكاميرات انطفت لمن انطفت الكهربا
وبعد ثواني لمن رجعت الكهربا واشتغلت الكميرات
كان كل اللي في المستشفى ميت
بس شخص واحد كان واقف
عمار

والشرطه الحين اتأكدت من انو عمار الفاعل
مع انو اللي صار ما ممكن احد يسويه
بس هادي مو اول مره ينجو عمار من حادثه مماثله
ومو معقوله تكون المرتين مجرد صدفه

كل الشرطه الحين بتدور على عمار
لكن ما قدرو يوصلولو

بعد ما اختفى سواروعمار
البيت صار كئيب
واتحول البيت اللي كان مليان فرح إلى بيت كلو احزان
حالة ابله ساره وعمو سمير مره تحزن
ولدهم اختفى واحتمال كبير يكون ميت
وعمار اللي صارو يعتبرو واحد منهم برضو اختفى

حتى الأرانب ماتت
لأنو ما صار في احد يهتم فيهم زي ماكان سوار يسوي
مر سنه على اللي صار
انا كنت رجعت امريكا من اول
ودحين لمن بدات الأجازه الصيفيه جيت هنا تاني
عمو وابله ساره اتحسنت حالتهم شويه
بس لسه متأثرين بلي صار

انا بحاول اطلعهم من الجو الكئيب
وبحاول اسعدهم شويه
لكن مني قادره

اليوم قررت اني انزل السوق اشتريلهم شوية اشياء
اشتريت لأبله ساره الوان جديده وفرش رسم
واشتريت لعمو سمير كرفته حلوه
ومريت على محل الورود واخدتلهم باقه
وانا طالعه من محل الورود لقيت قدامي رجالين شكلهم يخوف
طلو فيا وقال واحد منهم " لمين الورد يا حلوه "
انا طنشتو وما رديت عليه وكملت طريقي
قام قال التاني " اشبو الحلو ما يدينا وجه "
انا طليت فيهم وقلت بعصبيه " بلا قلة ادب , استحو على طولكم "
قامو قال واحد منهم " لا وعصبيه كمان "
مدا يدو كان بيمسكني
بس فجأه جا ولد وضرب بكس طيرو 10 متر
والتاني هرب
انا طليت قدامي وشفت الولد اللي انقذني من ورا
شكلو من ورا شبه .....
معقوله يكون

هايلد

17-10-2007, 06:32 PM

بدايه حلوه !
ومحمسسسسسسسه
ابي اعرف من هاي الولد
ممم ممكن عمار؟ لا لا سوار؟
يمكن تعرف كنان وطلع هو!
ممم مادري ...ننتظر التكمله ^^

MALER

18-10-2007, 07:15 AM

لمست كتفو وقلت " عمار ؟ " بنبره متردده
طل فيا وقال " مين ؟ "
طلع مو عمار مع انو شكلو من ورا مره يشبهو
انا قلت " لا اسفه حسبتك واحد تاني "
ضحك ضحكه غريبه وقلي " ما بقي احد ماشبهني على احد "
وجهو ما يشبه عمار بس شعرو شويه
ملامحو رجوليه وعيونو بنيه ولابس نظاره اطارها احمر
وشعرو بني طويل شويه
كان لابس بلوزه صفره وبنطلون جنز
انا قعدت مبلمه اطل في وجهو
بعدين انتبهت اني مبلمه فانكسفت وقلت " شكرا , شكرا لمساعدتك ليا "
حط الولد على النظاره وقال " لاشكر على واجب , اصلا دي الأشكال يبغالها مين يربيها "
انا قلت " لا بس انتا ما قصرت اديتلو بكس حيحرم بعدو يسوي شي " وضحكت
قعد ساكت شويه وبعدين قال " ايوه صح ما عرفتك بنفسي , انا شادي "
انا ابتسمت ورديت " وانا لارا "
" ومين عمار ؟ اكيد هوا سعيد الحظ اللي جايبتيلو باقة الورد هادي " قال شادي
انا رديت " لا , في الحقيقه دي الباقه لعمي وزوجتو "
قام قال " انا ملقوف زياده عن اللزوم , المهم اتشرفنا بمعرفتك "
انا رديت " وانا كمان "
شادي " تبغي توصيله للبيت ؟ "
رديت " لا السواق بيستناني هنا قريب "
شادي " طيب اجل يلا مع السلامه "
انا قلتلو " مع السلامه .... شكؤرا مره تانيه "
طل فيا وه بيمشي وشاورلي باي باي
وانا رحت وركبت السياره

الفصل الثاني

رجعت البيت اخيرا
دخلت عند عمو وابله ساره في الصاله ومعايا كيس الهدايا وباقة الورود
اعطيت الباقه لأبله ساره وقلتلها " ورد ابيض , نوعك المفضل "
فرحت ابله ساره بالباقه مره وشكرتني عليها
وبعدها جا وقت تسليم الهدايا
طلعت هدية ابله ساره واعطيتها هيا
قلتلها " يلا جبتلك عده جديده علشان ما يصير عندك حجه وترجعي للرسم "
ابتسمت ابله ساره وقالت " شكرا مره يابنتي , كلفتي على نفسك مره "
انا قلت " لا كلفه ولا شي , انا ادفع فلوس الدنيا كلها بس عشان اشوف ابتسامتك الحلوه دي "
طل فيا عمو سمير طلت المسكنه ( يبغى هديه )
انا طلعت هديتو من الكيس واعطيتلو هيا وقلت " لا تحسبني نسيتك , دي هديه صغيره انشاء الله تعجبك "
فتح عمو الهديه وشافها وقال " كرفته تركواز , لوني المفضل " ابتسملي وكمل " شكرا مررررره "
انا ابتسمتلو وقلت " عفوا مرررررره "

بعد ما خلصت توزيع الهدايا طلعت فوق
كنت رايحه غرفتي عشان استريح
وانا في الممر شفت لوحات العيله معلقه على الجدار
ابله ساره رسمت عنو ونفسها وسوار وانا كل واحد في لوحه وعلقتهم على الجدار
وسمت الجدار " جدار العيله "
وكمان معلقين لوحة عمار اللي صار واحد من العيله
انا وقفت عند الصور وقعدت على الأرض
وحشني سوار مره
وعمار كمان
وحشتني الأيام اللي كنا نقعد فيها مع بعض
الألعاب اللي كنا نلعبها مع بعض
المقالب اللي كنا نسويها في بعض
دمعت عيوني وانا بتذكر
اتمنى لو كل شي يرجع زي ما كان اول
نرجع كلنا مع بعض

هايلد

18-10-2007, 05:47 PM

تكمله حلوه ^^
ممم.. عجبتني شخصية شادي
بس ماضنها شخصيه مهمه او انه ماراح يطلع مره ثانيه
المهم ننتظر التكمله

MALER

18-10-2007, 05:55 PM

اهلا هايلد
بس حبيت اقلك انو شخصية شادي مهمه جدا ومن الشخصيات الرئيسيه في الجزء التالت
الحمد لله انو شخصيتو عجبتك
يلا انتظري التكمله اليوم انشاء الله

MALER

19-10-2007, 04:20 PM

دخلت غرفتي وقعدت فوق السرير

نعست فقلت اخدلي غفوه
غمضت عيوني وبعد دقايق غطست في النوم

صحيت من النوم على صوت ابله ساره
كانت بتصرخ بس من الفرح
تقولي قومي بسرعه رجعو
انا قمت من السرير من الفجعه وقلت " مين ؟ "
مسكتني من يدي وسحبتني معاها وقالت " تعالي شوفي بنفسك "
نزلتني معاها تحت ودخلتني الصاله
كانو بيستنوني هناك
عمو سمير كان معاهم
مع سوار وعمار

انا من الفرحه بكيت
سوار ضحك وقال " قد كده وحشناكي "
انا مسحت دموعي وضحكت

عمار كان مبتسم امبتسامه عريضه
اول مره اشوف ابتسامتو

قرب مني عمار وقال " وحشتيني مره "
انا انكسفت وقلت " انتا اكتر "
عندها طلعت من ورايا فاتن
كانت معصبه مره
مسكتني من يدي وربطتني
وكانت بتضربني بالعصايه على راسي
سوار حاول يمنعها
لكن يارا طلعت مدري من فين ومعاها مسدس
طلقت على سوار
ودمو طار في كل مكان
انا صرخت بكل صوتي
فجئه المكان اتغير وانقلبت الصاله لغرفه في القصر القديم
عمار كان ماسك سوار اللي كان طايح على الأرض
عمار كان بيكلم سوار بس سوار ما كان بيرد عليه
كان بيقلو " انا اسف ما قدرت احميك "

انا طليت ورايا لقيت فاتن شايله العصايا في يدها
طلت فيا نظره شريره وقالت " موتي "
وضربتني على راسي
....
صحيت من النوم بصرخ ومفجوعه
طليت حواليا لقيت نفسي في غرفتي
الظاهر انو اللي شفتو كان مجرد حلم
او بالأحرى كابوس
كانت في جنبي مويه على الكوميدينا
شربت منها شويه وقمت من السرير
رحت للحمام وغسلت وجهي
طليت في الساعه
اوبس الساعه صارت تلاته الليل
كل دي غفوه
الحين ايش يجبلي النوم
وخاصة بعد ما شفت داك الكابوس

نزلت الصاله قلت اتفرجلي تلفزيون احسن
قعدت اتفرج تلفزيون اللين الفجر
ونمت على نفسي على الكنبه

الفصل الثالث

صحيت من الأزعاج
الشغالات كانو بينضفو البيت
وبيكنسو الصاله كأنهم مو شافين احد نايم على الكنبه
اه رقبتي اتلوحت من النومه على الكنبه
بروح افطر مع عمو وابله ساره
اكيد الحين حيكونو في غرفت الطعام بيفطرو

الحمد لله لحقتهم , لسه ما خلصو فطور
قعدت فطرت معاهم
كنت بحكيهم عن الحلم اللي شفتو
بس بعدين قلت لا
احسن ما اقوله لأحد
لأنو الأحلام الوحشه لازم ما نحكيها
ولا بعدين ممكن تصير حقيقه

المهم
بعد ما خلصنا الفطور عمو راح لشغلو
وابله ساره راحت ترسم
وانا طلعت غرفتي وقعدت على النت شويه

في العصر نادتني وحده من الشغالات تقول جاني ضيوف
انا استغربت , مين دولا اللي جوني

نزلت تحت بعد ما لبست ملابس شياكه طبعا
ودخلت مجلس الضيوف
كان بتستناني وحده بنت اول مره اشوفها
شعرها اسود قصير مره
ولابسه نظاره حمره
وحزرو ايش لون ملابسها
جنز ازرق وبلوزه صفره
يا محاسن الصدف

سلمت عليها
واتفشلت شويه
عشان هيا مدت يدها وانا قعدت مبلمه شويه
بعدين مديتلها يدي

بعد ما قعدنا سألتها " ممكن اعرف انتي مين ؟ "
ضحك ضحكه حلوه عجبتني وقالت " اوبس نسيت اقولك اسمي , انا ورود "
اول مره اسمع باسمها مين دي انشاء الله
قالتلي " لارا انا عارفه انك بتقولي في نفسك مين دي البنت , وعارفه انك بتتسائلي من فين عرفت اسمك وعنوانك "
انا رديت " منجد , كشفتيني "
صلحت نضارتها وقالت " انا حدخل في الموضوع بدون مقدمات "
انا " اوكي "
قالت ورود " انا عضوه في فريق تحريات او بالأحرى رئيسة فريق تحريات "
انا " ايوه "
كملت ورود " وانا وفريقي اجمعنا على انو نحل قضيتك "
انا " قضيتي!!!! ايت قضيه ؟ "
رفعت نبرة صوتها شويه وقالت " قضية عمار وسوار , وأختفائهم الغامض "
انا ما عرفت ايش اقول
كملت ورود كلامها " انا وفريقي درسنا القضيه واكتشفنا بعض الأشياء , وحابين انك تساعدينا في بعض المعلومات اللي حتخلينا نوصل لحل هذه القضيه الصعبه "
انا رفعت يدي وقلت " انا موافقه "
قالتلي " استني شويه "
طلعت جوالها واتصلت بأحد وقالت " الو ....ايوا ..... وافقت ها هاي " وقعدت تصرخ من الفرح
انا قعدت مبلمه
قفلت جوالها ودخلتو في الشنطه
وطلعت ورقه وقالتلي اوقع عليها
انا وقعدت حتى بدون ما اقرى
بعدين اخدت رقم جوالي وخزنتو في جوالها
وقالتلي انو ممكن اروح معاها لمقر الفرقه عشان اتعرف على الفريق واشوف ايش الأكتشافات اللي اكتشفوها في القضيه
انا قلتلها طيب يلا نروح

اخدتني معاها في سياره حمره
وقالت للسواق يروح للمقر
واحنا في السياره قالتلي انو هادي السياره مخصصه للفريق
انا قلت في نفسي شكلها دي الفرقه مو اي كلام
مع انو عمرها يجي قدي

وصلنا للمقر بعد ربع ساعه تقريبا
كان المقر شقه في وحده من العماير الطويله والفخمه
دخلتني معاها المقر
انا انذهلت بالي شفتو
كان المكان منظم مره
مكاتب وكمبيوترات
ودواليب مليانه ملفات
وكان في لوحه كبيره على الجدار معلقين فيها صور واوراق

نادت على افراد الفريق
لمن شفتهم استغربت
كلهم كان في عمري تقريبا
معقوله يكون كل دا مسوينو لفريق مكون من مجموعة شباب
المهم
عرفتني على الفريق واحد واحد

اولا

سالي
شعرها اشقر طويل ولابسه نظاره نظر حمره برضو
وبنطلون جنز ازرق وبلوزه صفره كمان
قالتلي ورود انو سالي هيا المموله للفريق
يعني هيا اللي تدفعلهم كل شي
ابوها غني مره وصاحب منصب كبير
يعني عندها المال والنفوذ

ثانيا

تامر
شعرو اسود طويل شويه وبرضو لابس نفس الشي
ونفس النظاره
قالتلي ورود انو تامر مجنون كمبيوتر
وهو يعمل كل شي يحتاجو الفريق بالكمبيوتر
شكلو خجول مره لمن سلمت عليه استحى

ثالثا

عرفتني بنفسها الفالحه
تقول انو هيا العقل المدبر في هادي الفرقه
وانها مره ذكيه
وتحل اصعب القضايا
فرحانه بنفسها

وهيا بتعرفني بنفسها دخل واحد تاني للمقر
محا تصدقو مين
شادي بنفسو
لمن شافني قال " هوا انتي "
وانا قلت " انتا هنا معاهم "
وقعدنا نضحك
قامت عرفتني ورود بيلو

رابعا

شادي
سبق ان وصفت شكلو
تقول ورود انو هوا يمثل العضلات في الفريق
وانو مفيد لمن يدخلو في مضاربات ولا لمن يحتاجو قوه جسديه
واضاف هوا من عندو انو ذكي شويه ووسيم
الله يخليك لنفسك

انا شاورت على ولد صغير كان قاعد نايم فوق كنبه لونها بنك
شكلو مره لزوز
قلت لورود " دا اخو مين مره كيوت "

قالتلي ورود " دا مو اخو احد , دا خامسا قصدي العضو الخامس "

خامسا

رامي
شعرو بني مشقر وملفلف شويه
ملامحو طفوليه مررره وقصير شويه
انفجعت لمن عرفت انو عمرو 16 سنه
برضو لابس نفس الأشياء ونفس النظاره
سألت ورود " ايش شغلت رامي في الفريق "
قالتلي " رامي جالب الحظ , دا الولد محظوظ جدا , ونحنا نستفيد من حظو في اكتر القضايا "
انا قلت " والله غريبه "
كملتلي ورود " لا مو بس جالب الحظ , كمان جالب القهوه , نحن هنا في الفريق نعشق القهوه , ورامي يعمل قهوه جنان مررره "
انا قلت " يبغالي ادوقها بعدين "

بعد ما خلصتل التعريف
وقفت ورود في النص وقالت " احنا الباحثون عن الحقيقه "
كمل شادي " المدافعون عن الأبرياء "
كملت سالي " الماحون للجريمه "
كمل تامر " الفريدون من نوعنا "
رامي " خخخخخخخخخ " بيشخر
وبعدين كلهم مسكو نظاراتهم وقالو مع بعض

" نحن فريق النظارات الحمر "

هايلد

19-10-2007, 07:33 PM

التكمله حلوه ^ـــ^
ممم وين بحفظهم "-.- هالخمس XD <<<< بس خمس وماتقدر تحفضهم -.-
المهم
ننتظر التكمله

MALER

20-10-2007, 09:30 PM

انا اتحمست وقعدت اصفقلهم
شكلهم يجنن
كأنه عصابة الرداء الأبيض
ههههههه

مسكت ورود يدي وقالت
"انشاء الله قضيتك محلوله
احنا من يوم ما انشئنا الفرقه دي عمرنا ما فشلنا في اي قضيه "
انا صدقت كلامها وقلت
وقلتلها " انا مستعده اقدم اي مساعده حتوصلنا لسوار وعمار "
قالتلي " شكرا مررررره , بس ..... انت تعرفي انو ..... عمار من كبار المطلوبين من الشرطه "
انا نزلت عيني لتحت وقلت " عارفه .... بس انا متأكده انو بريء .... لو شوفتي عمار وعشتي معاه , واكتشفتي حنيتو وطيبتو , حتعرفي انا ليش بقول كده "
ردت عليا ورود " لاتخافي نحن ما نشتغل مع الشرطه , واذا كان بريء فعلا حنبذل كل جهدنا لإثبات برائتو "
انا بكيت وحضنتها وقلت " شكرا مره , انتي اعطيتيني امل بأنو سوار وعمار ممكن يرجعو "
ابتسمت ورود وقالت " لا شكر على واجب "
ضحك شادي وقال " وانا ما تحضنيني ؟ ههه "
قامت سالي ضربتو بكس على راسو وقالت " استحي ياولد "
شكلها مطوعه , او ممكن تحبو وغيرانه ههه

صحي رامي من النوم
وسلم عليا
مره يناسو عليه زي النونات
قلي " هااي ..... ايش اسمك ؟؟" بصوت طفولي
انا ماقدرت استحمل قرصتلو خدودو وقلت " اسمي لارا "
ابتسملي وقال " انا اسمي رامي , تشربي قهوه "
انا رديت " ايوه اشرب , يقولو قهوتك مره لزيزه "
قام انكسف وخدودو حمرت وقال " ايون "
ايون = ايوا
وبعدين قعدنا نشرب قهوة رامي الزيزه مررره
واتفقنا على انو نجتمع بكره لمناقشة القضيه
لأنو كنت لازم ارجع البيت
وصلني السواق بالسياره الحمره للبيت

الفصل الرابع

لمن رجعت البيت حكيت عمو وابله ساره على اللي صرلي
هما فرحو مره وانبسطو وقالولي هما مستعدين يقدمولهم اي مساعده عشان يحلو القضيه

قبل ما انام قعدت مع نفسي افكر
هل ترى حتقدر هادي الفرقه انها تجمعني بسوار وعمار
بس دا الحل الوحيد
الشرطه من سنه ما احرزت اي تقدم
انا عندي احساس انو الفرقه محا تخيبلي ظني
وانشاء الله يكون احساسي صحيح

اليوم التاني
صحيت بدري ونزلت فطرت مع عمو وابله ساره
بعدين طلعت مع ابله ساره للحديقه
اتمشينا شويه واكتشفنا مكان مليان ورود من كل الألوان
انا قعدت بين الورود وقعدت اقطف منها علشان اعمل باقه
ابله ساره حطت عدت الرسم وقالتلي انها تبى ترسمني
انا كملت تقطيف ورود وابله ساره بدأت ترسم
لمن خلصت من الباقه جيت بأقوم
قامت ابله ساره قالتلي " على فين يابنت , لسه ما خلصت الرسمه . اقعدي مكانك "
انا قلت " افففففففففففف ومتى حتخلصي انشاء الله ؟ "
قالت " خمس دقايق بس "

الخمسه دقايق صارت ساعه ونص
جسمي اتكسر من القعده على الأرض
بس الحمد لله بعد كل دا العناء الرسمه طلعت مره حلوه

جاني اتصال من ورود

انا : الو
ورود : الو , ايوا لارا كيفك ؟
انا : انا طيبه , انتو كيفكم ؟
ورود : احنا كلنا طيبين .
انا : موعدنا لسه في وقتو صح ؟
ورود : ايوا بخصوص الموعد , ممكن نخلي الموعد في بيتكم يكون احسن
انا : طيب عادي ما في مشكله , اصلا عمي وزوجتو متشوقين لرؤيتكم
ورود : انا قلت في بيتكم احسن عشان ندرس الأماكن المهمه في القضيه .
انا : طيب خلاص , متى حتشرفونا ؟
ورود : امكن كده بعد ساعتين نكون عندم
انا : اوكي , خلاص مستنينكم

انتهت المكالمه
وانا رحت غرفتي عشان اغير ملابسي اللي اتوسخت من القعده في الحديقه
وانا بطلع الدرج قابلت عمو سمير
قلتلو " اشبك ما رحت الشغل اليوم ؟"
رد عليا " ما ليا نفس "
انا " حزر مين حيجي عندنا ؟ "
رد عليا " مين؟ "
انا " فرقة النظارات الحمر "
فرح عمو وقال " كويس "

انا طلعت وغيرت ملابسي
وبعدين نزلت تحت
وقعدت استنى مع عمو سميره وابله ساره
نستنى وصول الفريق

هايلد

21-10-2007, 04:59 PM

اسفه ردي يا متأخر
بس يمكن كل مره اتأخر عليك بسبب الدراسه
المهم التكمله حلوه كعادتها
وهالفرقه موووت حبيتهم
ييننووون مثل ماقلت ^.^
....فنتظار التكمله

MALER

25-10-2007, 12:29 PM

اخيرا وصل فريق النظارات الحمر

عرفتهم على عمو وابله ساره

وقعدنا في مجلس الضيوف شربنا الشاهي وقعدنا نتكلم شويه

ورود قعدت تسألنا اسئله عن سوار وعمار

كانت مركزه في اسئلتها على عمار وعلى خلفيتو الغامضه

هيا كانت عارفه طبعا بالحادثه اللي صارت لأهلو

ورود : عمار قلكم اي شي عن حادثة موت اهلو ؟
انا : لا , كل اللي قالو انهم ماتو بلا سبب .
ورود : طيب ما شفتو اي شي غريب في عمار ؟
انا وعمو وابله ساره : لا
انا : عمار كان انسان عادي .
شادي : ايش هوايات عمار ؟
ورود : بالله سكتنا انتا وأسئلتك البلها .
سالي : مين احلى عمار ولا سوار ؟
ورود : يلا شوف التانيه ايش تسأل .
انا وعمو سمير وابله ساره : ههههههههههه
رامي : انا عندي سؤال , ممكن اسأل ؟
انا وعمو وابله ساره : طبعا .
رامي : ايش حيوانك الأليف المفضل يا لارا ؟
ورود : اخخخخخخ منكم اخخخ
انا : انا احب الأرانب , زي سوار . كان عندنا ارانب كتيره بس كلخم ماتو بعد اختفاء سوار .
رامي : يا حرام مساكين .
تامر : انا ابا اطلب منكم طلب , ممكن تعطونا صوره لعمار وسوار ؟
ابله ساره : طبعا ممكن , بس ما عندنا صور لعمار , بس في رسمه .
تامر : طيب عادي مدام توصف شكلو .
ورود : سمعت انو في اربع بنات من جهة عمار متورطين في القضيه , هل دا الكلام صحيح ؟
انا : ايوا , فاتن ويارا ولينا ووعود , البنات الغامضات .
ورود : حكيني اكتر عنهم .
انا : طلعولنا فجئه لمن كنا بره البيت بنتسوق , وطلعم يعرفو عمار , بس عمار يقول انو عمرو ما شافهم .
ابله ساره : انا متأكده انو كل المشاكل من ورا راس دولا البنات .
ورود : حكيني يا لارا عن اللي صار يوم اختفاء عمار وسوار .
انا : طيب , جونا النات الأربعه وكانو يبغوني اروح معاهم نتمشى , بس بعدين اخدوني على القصر القديم .
ورود : ايت قصر قديم ؟
انا :القصر القديم موجود بره في اخر الحديقه , وهو المكان اللي صارت فيلو الحادثه .
ابله ساره : بس في شي تاني صار يوم الحادثه , ابو عمار اللي كان مختفي جا بيتنا واخد عمار معاه .
شادي : واو حماس .
ورود : بالله اسكت يا شادي , ايوا كملي يا ابله ساره .
ابله ساره : بعدين سوار راح يعطيلو اغراضو , بس لقاه مضروب من ابوه , بعدين رجعو معاه البيت .
تامر : ما قلكم ليش ابوه ضربو ؟
عمو سمير : قال عمار انو ابوه قلو انو هوا السبب في موت عيلتو , وكمان قلو انو هوا مو ابوه .
ورود : واو دي معلومه مهمه .
رامي : مسكين عمار .
سالي : يا حرام مسكين .
شادي : لو انا صارتلي الأشياء اللي صارت لعمار امكن كنت انتحرت .
انا وعمو وابله ساره : ..........................................
انا : لا , لا عمار محا يفكر بالإنتحار , لأنو عارف انو مهما صارلو فنحن موجودين عشان ناخد بيدو ونساعدو
شادي : انا ما كان قصدي كده .
ورود : لارا ممكن تكمليلي ايش صرلك بعد ما اخدوكي البنات الأربعه للقصر القديم .
انا : طيب , لمن وصلنا هناك , ضربوني على راسي وأغمى عليا , ولمن صحيت كانو خلاص اختفو
وكان في قدامي بركة دم قالت الشرطه انها من دم سوار .
ورود : وبعدها صارت حادثة المستشفي الكبيره .
تامر : 100 شخص ماتو في ثواني , شي ما يتصدق , الشي الوحيد اللي نفسي اعرفو كيف قدر عمار يعملها
انا : عمار ما قتل احد , عمار بريء.
تامر : ههه ضحكتيني , طيب كيف تفسري انو هوا الوحيد اللي نجا من الحادثه الأولى لمن ماتو كل اهلو ,
وكيف هوا الوحيد اللي نجي من حادثة المستشفى كمان .
ورود : تامر يكفي .

بعدها انا بكيت وطلعت بره الغرفه

لحقني شادي

وقف جنبي وقلي " لا تهتمي باللي قالو تامر , هوا دايما كده يقول اللي عندو بدون ما يهتم بمشاعر الأخرين"

انا قلت وانا ببكي " انا عارفه انو كل الأدله تشير لعمار بس ...... بس انا ابغى اكدب على نفسي واصدق اني مؤمنه بأنو عمار بريء , اللين ما يجي اليوم اللي اقابلو فيلو واعرف منو الحقيقه "

شادي اعطاني منديل وابتسم وقال " وانا معاكي للنهايه , وأوعدك اني حلاقيلك عمار "

انا اخدت المنديل ومسحت دموعي وقلت " شكرا "

اخدني شادي ورجعني للمجلس تاني

لمن وصلت تامر اعتذر مني وانا قبلت اعتذارو

ورامي طلع من جيبو حلاوه واعطاني ايها , يقول هادي الهديه عشان ما ابكي تاني

هايلد

25-10-2007, 04:23 PM

التكمله حلوه كعادتها
وهاي رامي وايد يهبببل
احسه مسبه وبريييء
وكيوت بعد "^^
المهم انتظر التكمله وانتظر ظهور عمار وسوار

minako

26-10-2007, 09:59 PM

Wo0o0o0o0o0o0o0o0o0o0o0oo0o0oW
كل عادة إبداع وتألق في القصة ننتظر التكملة
يسلمووووووووووووو..^^

MALER

28-10-2007, 09:08 PM

بعدين رحنا للقصر القديم ووريتهم المكان اللي صارت فيلو الحادثه

قعد الفريق يفحص المكان ويبحث عن الأدله

بس ما اكتشفو اي شي مهم

قبل ما يروحو قالتلي ورود انو بكره لازم اجي عندهم المقر عشان نشتغل على القضيه

وبعدها ركبو كلهم في السياره الحمره وراحو

قلت لعم وابله ساره " ايش رأيكم في الفرقه ؟ "

قالت ابله ساره " مع انهم صغار بس ماشاء الله شكلهم كده كأنهم فرقه محترفه "

اما عمو سمير قال " لا والله فرقه عجيبه , كلهم مطقمين نفس اللبس ونفس النظاره , لا واخطر واحد فيهم رامي , تحسوه داخل غلط كلأنو لسه ابتدائي "

انا ضحكت وقلت لعمو " لا تستخف بيلو , يقولو عندو حظ يفلق الصخر "

ابله ساره " ايوا صح يا لارا , هما حيشتغلولنا في القضيه ببلاش ؟ "

انا " اظن ببلاش .... اصلا هما عندهم فلوس تكفي بلد ههه "

عمو سمير " لا بس ما يصير زي كده , على الأقل جيبي لكل واحد هديه "

انا " طيب انا بكره حروح عندهم وحجبلهم معايا هدايا "

قبل ما انام قعدت افكر

يا ترى ايش اجيب لكل واحد منهم

الفصل الخامس

اليوم رحت السوق من بدري عشان اشتري هدايا لفرقة التحري

وبعد ما خلصت تسوق رحت طوالي على مقر الفرقه

لمن شاف شادي الأكياس اللي معايا حسبني جبت معايا غدا

المسكين جيعان

قلتلو " هادي هدايا بسيطه جبتلكم اياها "

ابتسم شادي وقال " يا سلام هادي اول مره يجبلنا فيها احد هدايا "

بعدين نادا على بقية الفريق وقلهم " تعالو بسرررعه لارا جابتلنا هدايا "

جو كلهم متحمسين بيشوفو ايش جبتلهم

طلعت اول شي هدية ورود واعطيتها اياها

ورود فتحتها ومره انبسطت

جبتلها مجموعة روايات بوليسيه

جات حضنتني وقالت " مره حلوه الهديه مررره شكرا "

بعدها اعطيت تامر هديتو

فتحها وقال " شكرا " بكل برود

انا جبتلو علاقة مفاتيح على شكل كمبيوتر

قلتلو " شكلها الهديه ما عجبتك "

طل فيا وانكسف وقال " لا عجبتني "

بعدو اعطيت سالي هديتها

فتحتها وفرحت وقالت "لوني المفضل , مررررره شكرا "

انا جبتلها بلوزه لونها بنكي

بعدها اعطيت شادي هديتو

فتحها ولبسها في يدو وقال " هادي احله هديه اخدتها في حياتي , شكرا مره "

انا جبتلو اسوره جلد حمره ومكتوب عليها " Friendship " يعني صداقه

واخيرا , اعطيت رامي هديتو

انا جبتلو دبدوب مره كيوت

لمن شافو مره انبسط وقعد يحضن في الدبدوب

قلي حيسميه "لولي" على حرفي

بعد ما خلصنا تسليم الهدايا بدأ وقت الجد

قعدنا نتناقش في القضيه

تقول ورود انها دورت على سجلات القضيه في الشرطه وحصلت على بعض المعلومات

انا استغربت كيف قدرت توصل لسجلات الشرطه

بس قالتلي انو ابو سالي عندو معارف كتير في الشرطه , ويقدر يحصلو على اي معلومات يبغوها

تقول ورود انو مافي معلومات مهمه بس تقول انها اكتشفت شي غريب

اكتشفت اشياء غامضه عن المحقق اللي حقق في قضيه عمار

اسمو انس وهو متزوج وعندو ولد واحد

حصلت في بيتهم حادثة انتحار

شغالتهم انتحرت

وبعدها اختفى ولدهم في ظروف غامضه

وبعدها زوجتو دخلت في غيبوبه

وبعد اسبوع بعد ما صحيت اختفت هيا التانيه

انس بعدها قرر انو يبحث عن زوجتو وابنو بنفسو

خرج يدور عليهم وما رجع

ومحد يعرف فين هوا الحين

كلنا استغربنا من الكلام اللي قالتو

معقوله تكون في صله بين القضيتين

انا قلت " طيب ما في احد من عيلت انس ممكن يساعدنا ؟ "

ورود " في امو وابوه واختو واخوه , اتصلت بأختو اليوم وعملت معاها موعد بعد يومين "

انا " كويس "

شادي " اتخيلو يطلع منجد في علاقه بين اختفاء عمار وسوار واختفاء زوجت وولد انس "

سالي " كده القضيه حتتعقد اكتر من ما هيا معقده "

رامي " طيب امكن زوجت انس سافرت سويسرا تشتري شوكولاته "

كلهم طلو في رامي بنظرات غاضبه وقالو " رامي قوم سوي قهوه احسن "

قتم هوا فرح وقال " طيب الحين اسويلكم قهوه "

تامر عدل نظارتو وقال " انا عملت بحث عن والد عمار "

ورود" ايوا صح ايش صار معاك "

تامر " طلع كلام والد عمار صحيح , هوا مو ابوه الحقيقي "

انا انصدمت من كلامو وقلت " منجدك تتكلم؟ "

قال تامر " ايوا , سألت بعض الناس اللي يعرفوهم وقالولي انو هما اتبنو عمار "

شادي " طيب مين ابوه وامو الحقيقين ؟ "

تامر " يقولو انو في يوم قبل 14 سنه جات امرأه مجهوله عندهم وكان معاها عمار وكان عمرو 3 سنين تقريبا , اتوسلت ليهم عشان ياخدو عمار ويربو عندهم واعطتهم فلوس, ووعدتهم انو لمن يصير عمرو 16 حتجي تاخدو وتعطيهم فلوس كتيره , بعضهم قالو 10 مليون "

حسيت عندها انو القضيه دي حتتعق اكتر واكتر

معقوله يكون دا الكلام صحيح

طب ليش امو استغنت عنو ؟

وليش حتجي تاخدو لمن يصير عمرو 16 ؟

امكن لو وصلنا لأهلو الحقيقين كل شي حيتحل ؟

امكن هوا الحين عند اهلو الحقيقين , وامكن سوار معاه

كل دي الأفكار كانت بتدور في راسي

عمار ..... ياترى انتا فين ؟

minako

29-10-2007, 05:38 PM

إبداع × إبداع= تميز من جد الفصل الخامس كان مرة مشوق
ننتظر جديدك مودتي..

MALER

31-10-2007, 12:07 AM

بعد شويه رجع رامي ومعاه القهوه
وهو بيمشي اتعنقل برباط جزمتو
كان حيطيح ويطير القهوه كلها عليا
انا صرخت " لااااااااااااا "
بس رامي استعاد توازنو وما طاح
وانا الحمد لله ما جاني شي
قلي " اسف خوفتك "
قلتلو " لا عادي "
قدملنا القهوه ببتسامه
قهوتو مرررره لزيزه زي المره اللي فاتت
انا قلت " رامي ممكن اعرف وصفتك السريه اللي تستخدمها عشان تحضر دي القهوه اللزيزه "
قام قلي " انا ما عندي وصفه , كل مره تزبط معايا بالحظ "
انا " معقوله !! "
قالتلي سالي " لا تستغربي , رامي عندو حظ ماشاء الله . اتذكر في الأختبارات الأخيره راح اختبار رياضيات وهوا يحسبو اختبار كيمياء , جاب 100 من 100 بالحظ , كلها كانت اختيارات وهوا حطها اي شي وجات معاه صح "
انا " لا شكلك يا رامي منجد محظوظ "
قال رامي " اوبس نسيت حيجي الحين كرتون مره احبو في التلفزيون "
قام راح رامي جهة التلفزيون واخد الرموت وشغل التلفزيون
بالغلط حط رقم قناه تانيه مو قناة الكرتون
كانو قاعدين يعلنو عن اسماء الفايزين في سحوبات على سياره
وطلع اسم رامي
احنا خلاص قعدنا مبلمين
ورامي فرح وقعد ينطنط مع دبدوبو اللي جبتلو اياه ويقول " انا فزت .... انا فزت "
سألنا رامي انتا متى شاركت في المسابقه يقول ما اعرف
يعني فاز وهو اصلا مهو داري انو مشارك
سكت رامي شويه بعدين قال " اه اتذكرت , في مره كنت قاعد اللعب في الجوال , دقيت ارقام بس كده من عندي , بعدين قلت خليني اتصل امكن يطلع رقم من جد , ولمن اتصلت طلع دا رقم برنامج مسابقات سألوني سؤال وفي تلاته اختيارات انا جاوبت الخيار التاني بس المذيع سمعني غلط وحسبني اخترت الخيار التالت وطلع صح . ههههه مره ما كان في بالي اني افوز "
لمن قال كده انا خلاص انبلهت
معقوله يكون في انسان في دي الدنيا بالحظ دا
شادي قال " ماشاء الله على حظك يا رامي , اما انا منحوس ما عمري فززت بشي بس مره فزت بي كرتون عصير برتقال والمشكله طلع مدتو مخلصه "
انا فطست من الضحك عليه
قام هوا ابتسم وقال " ضحكتك مره حلوه زيك "
انا انكسفت ووقفت ضحك وخدودي حمرت وقلت " شكرا "
فجئه سالي قعدت تضحك
وبعدين طلت في شادي وقعدت ساكته ( مسكينه تستنا يقولها ضحكتك حلوه )
طل فيها شادي وقلها " ايش في ؟ "
قامت هيا عصبت وقالت " ولا شي " وبعدها خرجت من الغرفه وفوقها سحابه سوده من الغضب
شادي قال " انا ايش قلت عشان زعلت كده ؟ "
قامت ردت ورود " المشكله مو في ايش قلت , المشكله في ايش ما قلت "
شادي قعد شويه بيحاول يفهم كلام ورود بعدين قال " ايش يعني ؟ ما فهمت ؟ "
ورود " ولا حتفهم "
قام رامي رفع يدو كأنو بيشارك في الفصل وقال " انا عرفت ليش عصبت , عشان لمن قالتلك لارا شكرا ...انت ما قلتلها عفوا "
ورود خلاص اتحطمت
كمل رامي " مره تانيه لازم تقول عفوا ولا بعدين انا كمان حزعل منك "
شادي " طيب انشاء الله محا انسى "
ورود طلعت من الغرفه وهيا بتقول " ايش الغباء اللي عايشه فيلو انا "

انا فهمت ليش سالي عصبت من شادي
شكلها تحبو منجد
وشكلها غارت لمن شادي مدح ضحكتي
بس شادي شكلو ما هو داري انو هيا تحبو
مع انو واضح مره
انا ما صرلي إلا كم يوم اعرفهم ولاحظت دا الشي

بس انشاء الله ما تكون سالي زعلانه مني

minako

31-10-2007, 01:32 PM

مستنين التكملة
مودتي...^_^

MALER

02-11-2007, 01:39 AM

انتهى يومنا كده
كل واحد رجع بيتو
وانا وصلني شادي لبيتي
لمن دخلت البيت حكيت عمو سمير وابله ساره عن كل اللي صار

في الليل قبل ما انام
طلعت على البلكونه وقعدت على الكرسي اتأمل النجوم
كان الجو حلو والسما مليانه نجوم
فجئه وانا قاعده اطل
شفت شهاب اخضر بيمر في السما
لمن شفتو قلت لازم اتمنى امنيه بسرعه
اتمنيت انو كل شي يرجع زي زمان
وترجع السعاده لدا البيت

الفصل السادس

اليوم كان يوم مميز
كان في مهرجان في المدينه
وهادي اول مره يسو
سموه مهرجان الألوان
كل الناس لبسو بلايز ملونه ولونو وجوههم وشعرهم
والشوارع اتملت بالألوان
انا رحت المهرجان مع الفرقه
ورود وسالي كانو لابسين فساتين حمر
وانا طقمت معاهم
اما الأولاد كل واحد شكل
شادي لبس احمر زينا ( قلودي )
ورامي لبس بنكي
اما تامر كان لابس اسود
انا قلتلو " يعني جات على دا اليوم تلبس اسود "
قام قلي " انا البس اللي ابغى , وبعدين انا اصلا ما كنت ابا اجي هنا بس شادي اصر "
شادي ضحك وحط يدو على كتف تامر وقال " دا صديقي , اي شي اقولو يسويه "
قام رامي سوا تعبير كوااي ( كوايي = كيوت ) وقال " وانا يا تامر ما تسوي اللي ابغاه ؟ "
قال تامر " إلا وانتا كمان "
فرح رامي وقالو " طيب اجل يلا نروح نخلي المهرج يرسملنا على وجهنا اسد "
قام تامر عصب و اعطالو بكس على راسو
رامي قال " ايييييي , ليش ضربتني , لو ضربتني مره تاني محا اعطيلك حلاوه "
خلاص تامر وصلت معاه مسك رامي من حلقو وقعد يخنق فيلو ( خدوها من منظور كوميدي مو جدي )

واحنا قاعدين كده
بدأت الفعاليات
كان في ناس بيرمو علينا اوراق صغيره ملونه من سطوح وشبابيك بيوتهم
والمهرجين فلتو بللالين كتيره ملونه في الهوا

بين الناس

والألوان

والبلونات اللي بتطير من الأرض للسما

على الأرض اللي انتلت بالألوان

شفتو

هوا ..... هوا نفسو

انا متأكده

كان بيطل في السما بعينو البريئه

انا قلبي بدأ يدق بسرعه

والأصوات من حوليا بدأت تختفي

صرت اسمع صوت دقات قلبي وبس

دخلت بين الناس بحاول اوصلو

وصلت عندو

رفعت يدي ولمست كتفو من ورا

وقفت ثانيه وقلت " عمار "

التفت عليا

وعينو جات في عيني

عنها نزلت من السما الأوراق الصغيره الملونه

ورجعت كل الأصوات

كانت كميتها كبيره وطاخت فوقنا

غطت بيني وبينو

كلها ثواني اللين ما وصلت الأوراق للأرض

طليت قدامي

عمار اختفى

انا قعدت واقفه في مكاني ما اتحركت
رافعه يدي وعيوني بتدمع
جات ورود عندي وقالت " ايشبك ؟ "
انا دموعي بدأت تنزل " شفتو "
ورود " مين ؟ "
انا " عمار كان هنا قبل ثانيه بس اختفى "
ورود " شكلك بتتخيلي "
انا " لا انا شفتو ..... ولمستو .... وهوا التفتلي "
مسكت يدي بيدي التانيه وقلت " ما ادري ليش ..... بس دي المره حسيت بيلو .... حسيت انو حقيقه "
تحط على ركبي وقعدت ابكي واقول " كان قدامي , اخيرا لقيتو .... والحين اختفى تاني "

ورود نادت على الفريق وقالتلهم " عمار كان هنا قبل شويه , واكيد ما بعد من هنا كتير , كل واحد يروح من طريق ويدور عليه "
شادي قومني من الأرض ومسحلي دموعي بمنديل وقال " لاتخافي , انا حلاقيه .... اوعدك "

سابني شادي وراح يدور عن عمار
وبقيت الفريق راحو كمان
كل واحد فيهم راح من طريق
وانا كمان رحت ادور عليه
عمار هنا
انا متأكده

sooseef

02-11-2007, 04:19 PM

صراحة القصة جميييييلة جدا و مرررررة حلوة ولازم تسييير كاتب مشهوووور و نستتى التكملة

MALER

02-11-2007, 10:13 PM

شكرا مره سوسيف
وشكرا مره minako على ردودك المشجعه
ولاحظت اختفاء ردود هايلد
هايلد انتي فين ؟
بتقري القصه ؟

sooseef

03-11-2007, 03:16 PM

صراحة إنت فنان مبدع كلو و القصة مرررررررة حمااااااس كمل عشان ابا إعرف إيش حا يصير

MALER

04-11-2007, 10:47 PM

في ديك اللحظه خطرت في بالي فكره

مادام رامي عندو حظ قوي , أكيد الطريق اللي حيختارو حيكون الطريق الصحيح

قررت اني اروح مع رامي في نفس طريقو

قعدنا انا واياه ندور في كل مكان

دخلنا وسط الزحمه بين الناس

عندها ضعت عن رامي

طليت حوليا ما لقيتو

قلت احسن ابعد شويه عن الزحمه

طلعت بره الزحمه

سمعت صوت جاي من ورايا

طليت ورا,كان في طريق بيتين يودي للشارع التاني

مشيت في دا الطريق

حسيت انو في شي بيراقبني

انا خفت ومشيت بسرعه

وانا بمشي سمعت صوت مخيف

وعندها طاح شي غريب من فوق قدامي

كان اغرب مخلوق شفتو في حياتي

مخلوق ضخم جسمو مغطى بريش اسود

انا لمن شفتو اتصنمت في مكاني من الخوف

الوحش قرب مني اكتر واكتر

بس انا ماكنت قادره اتحرك

وفجئه هجم الوحش عليا

انا صرخت بأعلى صوتي

لمن احتجت ليه .... انقذني

طلع عمار مدري من فين

وضرب الوحش وطيرو بعيد

وبعدين حط يدو على سلسله في رقبتو , عندها جا احد سريع مره ضرب الوحش وخلاه يتلاشى

لمن وقف طلعت وعود

طل عليا عمار

قرب مني ومسك يدي

اعطاني سلسله فيها تعليقه على شكل قلب

قلي بصوت هادي " لارا ... وحشتيني انت وعمو سمير وابله ساره "

حاولت اقولو وانا كمان بس ما قدرت اتكلم

كمل كلامو " كان نفسي اقابلكم من زمان , بس ما قدرت ....... انا اسف على كل المشاكل اللي سببتها ليكم , من اليوم ورايح انا حأكون عندك لمن تحتاجيني .... انا المسؤول عن حمايتك ....يكفي الألام اللي جاتكم بسببي ....اذا حسيت انك في خطر , واذا هاجمك اي واحد زي دي الوحوش , امسكي دي القلاده في يدك وناديني بقلبك وانا حأكون عندك "

انا قلتلو " عمار ليش ما ترجع تعيش معانا ؟ "

نزل عينو في الأرض وقال " ما اقدر , انا اسف "

انا قلتلو " طيب سوار فين , كيف حالو ؟ "

عندها وجه عمار اتغير طل فيا وقال " انا اسف "

عندها ما قدرت احبس دموعي

حتى عمار قعد يبكي ويقول " ما قدرت انقذو ..... انا اسف ....... انا السبب "

قلتلو " طيب قولي انت فين عايش ؟ "

قلي " ما اقدر ....... لازم امشي الحين "

قلي وعود " يلا نروح بسرعه لازم نلحق على فاتن ويارا ولينا "

قالت وعود " يلا "

طل فيا عمار وقال " خلي القلاده دايما معاكي ...... حنتقابل تاني قريب .... انتبي على نفسك وعلى عمو سمير وابه ساره "

عندها اختفت وعود بسرعه البرق وبعدها عمار

وبقيت انا لوحدي ابكي

اللين ما لقاني رامي

وبعدها نادا على الفريق وجو عندي

واخدوني ووصلوني البيت

انا كنت منهاره من كتر البكى

دخلت على عمو وابله ساره ميته من البكى

لمن سألوني ايش في

قلتلهم " قابلت عمار "

سألني عمو " متى قابلتي ؟ وفين ؟ وايش صار ؟ "

انا " اليوم في المهرجان .... قابلتو واتكلمت معاه ... بس بعدين اختفى "

سألتني ابله ساره " وسوار ...... سوار ما كان معاه ؟ "

انا عندها انفجرت من البكى وقلت " سوار مات "

عندها ابله ساره طاحت على الأرض وقعدت تبكي وتقول " لا ... لا سوار عايش ... سوار ما مات "

وعمو سمير قعد واقف وعينو في الأرض

انا رحت عند ابله ساره وحضنتها

وقعدنا انا وهيا نبكي

نبكي على سوار

هايلد

05-11-2007, 10:48 PM

اسفه عن جد عالتأخر
بس كان عندي اختبار واليوم خلصتهم ^ـــ^
وطول اختباراتي وانا افكر فالكمبيوتر والنت والتكمله -.-"
المهم ^^ التكمله روعه رووووعه كالعاده
مبدع×مبدع
ننتظر التكمله ^^ بفارغ الصبر

MALER

12-11-2007, 11:40 PM

مرررره اسف محا اقدر احط تكمله إلا بعد اسبوع
بدأت اختبارات من دا الأسبوع ولسه باقيلي الأسبوع الجاي
انشاء الله بعد ما اخلص اختبارات ارجع احط تكمله طويله
ادعولي ربي يوفقني

HamoOoOoOz

16-11-2007, 06:16 PM

منتظرين التكملة بفارغ الصبر ...
أحلى قصة إلى الآن قريتها وراح تبقى الأفضل ...
^ ^

7amoOod2007

17-11-2007, 05:26 PM

السلام عليكم ورحمة الله وبركاته

القصة واااااااااااااااااايد حلوة @_@
ما شاء الله علبك مبدع

ننتظر التكملة بفاااااااارغ الصبر

تحياتي ^^

MALER

24-11-2007, 08:36 PM

اسف على التأخير
خلاص خلصت اختبارات ورجعت اكتب
دي التكمله انشاء الله تعجبكم
وانتظرو التكمله بكره

الفصل السابع

بعد يومين

اليومين اللي فاتو كانت ايام حزينه
الأمل بأنو سوار عايش خلاص راح
سوار مات زي ما قال عمار
ابله ساره حالتها مره سيئه
ماتاكل ولا تتكلم
انا حاولت اكلم معاها كم مره بس ما نفع الكلام
الحزن اللي في قلبها اكبر من انو ينمحي بدي السرعه

ورود من اول تبغاني اجي عندهم المقر
بس قلتلها دي اليومين ما اقدر
بس اليوم جات عندي البيت
مدام جات شكلو في شي مهم جدا

قعدنا في الصاله
قالت ورود " عندي معلومات خطيره , ما قدرت استنى جيتك بسرعه عشان اقلك اياها "
انا " ايش هيا ؟ قوليلي بسرعه "
ورود " مو قلتلك اول اني سويت موعد مع سمر اخت انس المحقق في قضية عمار "
انا " ايوا صح قابلتيها ؟ "
ورود " ايوا قابلتها اليوم , محا تصدقي ايش قالتلي "
انا " ايش قالتلك ؟ "
ورود " انا سألتها عن اخوها وزوجتو ولدهم , قامت قالتلي انها لو قالتلي الحقيقه محا اصدقها , انا قلتلها لا حصدق "
انا " ايوا ايش صار بعدين ؟ حمستيني "
ورود " قالت سمر انو هيا السبب في اختفاء لما زوجت انس وكنان ولدها , تقول انو هيا كتبت قصه عنهم وبعد سنوات بدأت دي القصه تصير حقيقه "
انا " وي بسم الله , منجد بتتكلم دي "
ورود " تقول في القصه كنان عندو قوه خارقه وهو قادر على خلق عالم خاص بيلو ويكون تحت تصرفو ومقيد بأحكامو وقوانينو , المهم تقول انو دا كلو صار في الحقيقه وانو كنان الحين في عالمو الخاص "
انا " منجد كلام ما يتصدق , طيب فين لما زوجت انس ؟ "
ورود " تقول سمر انو في قصتها سمر تروح مكان مجهول وتنتحر فيلو "
انا " يعني ماتت ياحرااام , طيب انس ما تعرف عنو اي شي ؟ "
ورود " تقول انها ما شافتو من سنه , كم مره اتصل بيها وقلها انو طيب , وانو بيدور على كنان ولما , بس تقول ما قلها هوا فين ولا متى حيرجع "
انا "والله انس مسكين "
ورود " وانتي ايش صار معاكي , ما عندك اي اخبار جديده عن عمار ؟ "
انا " لا للأسف , بعد داك اليوم ما سمعت عنو شي "
ورود " ايوا صح افتكرت , الوحش اللي هاجمك كيف كان شكلو ؟ "
انا " والله كان شكلو يخوف مررره جسمو كلو مغطى بريش اسود وعينو حمره "
قالت ورود " غريبه اول مره اسمع بشي زي كده , المهم بكره حنروح انا والفريق لبيت سالي اللي على الشاطئ نقضي يوم هناك , احنا كل صيف نروح دا البيت ننام هناك يوم , سالي قالتلي اعزمك على هناك "
انا " قوليلها مره شكرا "
ورود " بكره الظهر تكوني جاهزه واحنا الساعه واحده حنجي نعدي عليكي وناخدك معانا "
انا " بس انا ...... "
ورود " لا لا تقولي شي , لازم نروحي معانا عشان تطلعي من جو الحزن اللي عايشتو "
انا " طيب خلاص انشاء الله اجي معاكم "
ورود " طيب يلا انا امشي , بكره نتقابل "
بعدها راحت ورود وانا رحت عند عمو سمير وقلتلو على العزيمه
قلي " روحي يابنتي انبسطي شويه "
قلتلو " طيب انا حروح بس , كيف اسيب ابله ساره في حالتها دي ؟ "
قلي عمو " سيبها يا بنتي انا معاها محا يصير شي "
انا " طيب "

اليوم اللي بعدو

جهزت اغراضي من بدري
وقعدت استناهم يجو ياخدوني
لمن صارت الساعه وحده جو بباص كبير لونو اصفر واحمر ومكتوب عليه((خاص بفريق النظارات الحمر))
طلعو كلهم سلمو عليا وبعدين ركبنا الباص وانطلقنا
واحنا في الباص انا والبنات قعدنا نتكلم
اما شادي ورامي كانو قاعدين يلعبو زي الصغار في الباص
وتامر قاعد يشتغل على لابتوبو
الرحله كانت ممتعه وقصيره
ولمن وصلنا ونزلنا من الباص
انا انبهرت بجمال البيت
وانسحرت بمنظر البحر الخلاب
كان البيت كبير مره
وفي شاطئ خاص بالبيت
شكلو ابو سالي مره غني ما شاء الله
اول شي قعدنا انا والبنات في الصاله
والأولاد لبسو شورتاتهم وراحو يسبحو في البحر طوالي
جات الخدامه وقدمتلنا العصير
شربنا العصير وقعدنا نتكلم
سالي " كيف يا لارا انشاء الله عجبك البيت "
انا " لا والله مره حلو ما شاء الله "
ورود " ترى البيت دا كل ديكوراتو من اختيار سالي , ابوها اعطاها البيت هدية عيد ميلادها , وخلاها تزبطو على كيفها "
انا ما قدرت اعلق إلا بي " وااااو "

MALER

25-11-2007, 11:51 PM

بعد ساعه تقريبا طلعنا على الشاطئ

الأولاد كانو من اول في البحر
رامي قاعد يلعب بالرمل
وتامر قاعد يتشمس وحاط سماعات وبيسمع اغاني
اما شادي مدري فينو
رحت عند رامي وقلتلو " ايش بتسوي ؟ "
طل عليا وابتسم وقال " بعمل بيت بالرمل .... تساعديني ؟ "
انا قعدت جنبو وقلت " يلا انا مستعده للمساعده "
ضحك وقلي " ترى انتي قعدتي فوق البيت "
انا قمت وطليت تحتي
اوبس قعدت فوق بيت الرمل وخربتو يا فشيلتي
" اسفه ما شفتو .... حسبتك لسه ما عملت شي " قلت بكل كسوف
فجئه وجه رامي اتغير وصارت ملامحو مخيفه وقال بصوت مرعب " انتي قصدك يعني اني ما اعرف اسوي بيت بالرمل .... عشان كده قعدت عليه , اكيد حسبتيه مجرد كومة رمل "
انا خفت ورفعت يدي زي اللي بيستسلم وقلت " لا والله ما كان قصدي كده "
فطس رامي من الضحك وقال " امزح معاكي ههههههه , منجد صدقتي اني عصبت هههههه "
انا اخدت نفسي وقلت " والله فجعتني , حسبتك منجد زعلت "
قال " انا ما ازعل منك ابدا " ومدلي حفارت الرمل وقلي " يلا نبدأ في البيت الرملي الجديد "
واحنا بنشتغل سألت رامي " فين شادي ؟ "
قلي " شادي اهو هناك " وشاورلي على نص البحر
انا طليت كويس وشفت شي بيتحرك من بعيد
انا قلت " ماشاء الله كيف وصل ألين هناك ... انا لو قطعت نص المسافه دي اتعب "
رامي " حتى انا ما اقدر اقطع نص الطريق , بس شادي يحب المنافسه والتحدي , تامر اتحداه انو يوصل الين الطوافه البعيده اللي هناك , قام شادي اتحمس وقبل التحدي "
انا " ماشاء الله عليه , انسان متحدي "
قال رامي " تعرفي اصلا ليش تامر اتحداه دا التحدي .... عشان يبغى يخلص منو ويقعد يتشمس برواقه , قام ضحك عليه وخلاه يقطع كل دي المسافه "
انا قلت " والله دا تامر يحب الشر "
قال رامي " ايوه بس قلبي من جوه ابيض "
انا " منجد ؟! "
رامي " انشاء الله مع الأيام حتكتشفي بنفسك دا الشي "

جات ورود ومعاها سالي وشاركونا في بناء البيت
خليناه قلعه كبيره
طلع تحفه فنيه
قعدت انا ورامي وورود وسالي قدامو وخلينا تامر يصورنا

بعدها وصل شادي اخيرا
كان تعبان مرررره
راح طوالي عند تامر وقلو " شفت سويتها , تاني مره لا تتحداني "
تامر طنشو وما رد عليه

كن الوقت خلاص مغرب
والشمس بتغرب واحنا قاعدين على الشاطئ نتفرج عليها ةهيا بتغيب
لون السما البرتقالي والبحر اللي انعكست عليه الوان السما حركو مشاعري
الغروب بلونه الساحر يحرك فينا مشاعر كانت مكبوته داخلنا
مشاعر دافئه , مشاعر حلوه , مشاعر حزينه او مفرحه, مشاعر حب واشتياق, مشاعر تلمس قلبنا من الداخل
تخلينا اقرب من قلبنا.... أقرب من نفسنا.... وأقرب لغيرنا

بعدها دخلنا البيت وكل واحد راح غرفتو وغير ملابسو
وبعدها نزلنا تحت واكلنا مع بعض بيتزا
و قعدنا نلعب مونوبولي انا وورود وسالي ورامي
اما تامر قال مالي نفس يلعب
وشادي من التعب نام على نفسو فوق الكنبه
اللعبه طولت مره
وورود كانت فايزه ومسيطره على اللعبه
رامي استسلم وانا كمان
سالي ما قدرت تكمل كمان
وكده سبنا الفوز لورود
قالت ورود " ما عمري خسرت في المونوبولي , طبعا ذكائي خارق ماشاء الله عليا "
قال رامي " المره الجايا انا حفوز "
ضحكت ورود وقالت " للأسف حظك محا يفيدك معايا "
انا قلت " ايوا صح ليش حظك ما اشتغل في اللعبه يا رامي ؟ "
قال رامي " ما ادري , المونوبولي هو الشي الوحيد الي حظي ما يشتغل فيه "

مر الوقت بسرعه وجا وقت النوم
انا لبست البجامه وطلعت البلكونه اتفرج على البحر
جات سالي وقعدت جنبي
البحر كان هادي
ونور القمر عكس لمعه خياليه على سطح البحر
الجو كان حلو وهادئ
مسكت سالي يدي وقالت " تعرفي .... قد ما حاولت اكرهك ما قدرت "
انا استغربت من كلامها وقلت " تكرهيني ؟! ليش؟! "
ابتسمت وقالت " انتي انسانه طيبه وتدخلي القلب بسرعه , ومحد يقدر يكرهك "
انا انكسفت وقلت " شكرا "
طلت سالي على البحر وقالت " تعرفي ليش ابا اكرهك ؟ ... عشان شادي يحبك اكتر مني "
انا طليت فيها وقلت " شادي يحبني !! "
قالت " ما ادري ... بس انا حاسه من طريقت تعاملو معاكي انو يحبك "
انا ضحكت وقلت " العلاقه بيننا مجرد صداقه ... وانا متأكده انو شادي ما يفكر بيا إلا كصديقه "
سالي " ايش دراكي .... على قد ما عشت مع شادي ما قدرت افهمو للأن "
انا " ليش من متى تعرفي شادي ؟ "
سالي " انا وشادي نعرف بعض من لمن كنا صغار مره , امي كانت مره صحبت امو وكنا دايما يجي بيتنا مع امو وانا اروح بيتهم مع امي "
انا " عارفه اني ملقوفه بس ممكن اسألك سؤال ؟ "
قالت سالي " اتفضلي اسألي "
انا " باين عليكي انك تحبي شادي مره .... صح ؟ "

قالت سالي " انا وشادي كبرنا سوا ..... كل ما كبرنا حبي ليه زاد ... وكل ما كبرنا بدأ هوا يبعد عني اكتر , في يوم من الأيام جاني شادي وقلي انو يبغاني اشترك معاهم في فريق التحري ..... عندها انا قلت في نفسي هيا دي الفرصه ولازم ما افوتها .... هيا دي الفرصه اللي حتخليني اقعد مع شادي اكتر .... واقرب ليه اكتر .....ممكن يوم يكتشف اني احبو ... وممكن يوم يقلي كلمت احبك ...... بس شكلو دا اليوم عمرو محا يجي "

انا حطيت يدي على كتفها وقلت " ليش يا سالي لا تقولي كده , ممكن هوا يحبك كمان بس مو عارف يعبر ... لو كنت مكانك كنت اعترفتلو بحبي وبعدين يصير اللي يصير ... المهم يعرف حقيقة مشاعري ... المهم يعرف انو في احد في دي الحياه يهتم بي ودايما يفكر فيه ....... لأنو الندم على شي سويتو اهون بكتير من الندم على شي ما سويتو "

قالت سالي " انتي ما عمرك حبيتي "
انا قلت " انا هههه لا للأسف .... في مره انحبيت بس ما حبيت , كان في ولد في امريكا مره يحبني بس انا كنت دايما طنشو , وفي يوم حفلت المدرسه دعاني اني اروح معاه , بس انا اعتذرت وما رحت معاه ... السنه اللي بعدها انا رحت مدرسه غير مدرستو , وقصت حبو انتهت "

قالت سالي " طيب وعمار ؟ "
انا انكسفت مره وقلت " ايش فيلو عمار ... عمار صديق عزيز عليا فقط "
ضحكت سالي وقالت " ايوا صح عشان كده وجهك صار طماطم لمن جبتلك سيرتو "
هيا قعدت تضحك وانا انكسفت مررره

بعدين جاتني ورود وقالت " قومو نامو كلام الحب محا ينفعكم "
انا وسالي قلنالها " روحي نامي انتي "
قالتلنا " مو جايها نوم
في دي اللحظه سمعنا صوت غريب جاي من تحت
الصوت كأنو صوت اشياء بتتكسر
انا والبنات خفنا مررره
كل وحده طلت في التانيه وقالت " شكلو حرامي دخل البيت "
رحنا بسرعه صحينا الأولاد وقلنالهم في حرامي في البيت
قلنا شادي " اقعدو في دي الغرفه وسكرو الباب ولا تفتحو لأحد , انا و تامر ورامي حننزل نشزف ايش في "
خرج الأولاد من الغرفه ونحن قفلنا الباب
بعد ربع ساعه تقريبا رجعو الأولاد
قالو ما في شي
بس في صحون طاحت في المطبخ
بس يقولو فتشو كل البيت ما لقو احد

انا والبنات برضو قلبنا ما اطمئن
اتجمعنا انا وسالي وورود في غرفه وحده
سالي وورود حطو راسهم ونامو
وانا طلعت من الغرفه ورحت الحمام
طلعت من الحمام ومشيت للغرفه
وانا في الطريق حسيت انو في شي بيتحرك من بره الشباك
انا خفت وجريت بسرعه ناحيت الغرفه
لكن الشباك انكسر ودخل منو رجال غريب لابس اسود وحاطط على وجهو قناع اسود
انا انفجعت وصرخت بأعلى صوتي
قام مسكني الرجال من يديني وسحبني معاه
سحبني للشباك ونط من هناك
واخدني معاه للشاطئ
انا قازمتو ضربتو ورفزتو الين ما قلت بس
قام طلع مسدس من جيبو وحطو عل راسي وقال " لا تتحركي ولا حركه .. فاهمه "
انا خفت وقعدت ابكي واصرخ
صرخ عليا وقال " اسكتي ولا كلمه "
جا شادي يجيري يبغا يساعدني
كان ماسك عصايا في يدو وجاي معصب وقال " سيبها بسرعه لا اقتلك "
ضحك الرجال وقال " هه تقتولني " ووجه المسمدس نحو شادي وكمل " حاول ما تموت اول "
انا مسكت يد الرجال وحاولت اخد المسدس
بس هوا ضربني وطيحني على الأرض
عندها ما جا في بالي إلا شي واحد
عمار
السلسله اللي اعطاني هيا في حلقي
الرجال خلاص كان حيطلق بالمسدس على شادي
لكن
سالي جات بسرعه ووقفت قدام شادي عشان تحميه
الرجال خلاص حط اصباعو على زناد المسدس
لا سالي كده حتموت
عمار انتا فين
عمار ساعدني
صرخت بأعلى صوت "عمااااااااااااااااااااااااااااار "

sooseef

26-11-2007, 05:24 PM

واااااااااااااااااااااو صراحة أحلى تكملة بس مين هوا دا الرجال ؟؟؟ وحييجي عمار ولا لأ ؟؟؟

صراحة قصة روعة

MALER

26-11-2007, 11:32 PM

لو لاحظتو الرجال اللي لابس قناع اسود طلع في القصه قبل كده
طلع في الجزء التاني في عالم كنان لو تتذكرو
التكمله بكره انشاء الله , لو لقيت وقت لأنو عندي اختبار

MALER

29-11-2007, 11:45 PM

صوت الطلقه كان عالي مره
اخترقت الرصاصه جسم سالي
وطاحت على الأرض بتنزف دم

انا ماصدقت اللي صار
كلهم اتلمو حوالين سالي
الرجال شدني من شعري وجرني معاه
عندها سمعت صوت عمار من ورايا يقول " اتركها بسرعه "
انا طليت ورايا وشفت عمار واقف ومعاه يارا ولينا
يارا كانت ماسكه في يدها مسدس
الرجال وجه المسدس ناحيت عمار
وكان حيطلق عليه
بس يارا كانت اسرع منو
طلقت عليه تلاته طلقات خلتو يطيح على الأرض
عمار صرخ على يارا " كيف تسوي كده , افرض جات الطلقه على لارا "
ردت عليه يارا " لا تخاف انا ما اخطئ ابدا "
جا عمار بسرعه ومسك يدي وقال " صرلك شي ؟ "
انا قلت " لا انا كويسه بس سالي "
عمار " لا تخافي لينا هنا "
لينا راحت عند سالي
ورود كانت بتبكي ورامي كمان
لينا قالتلهم " اذا تبغوها تعيش افسحولي شويه "
حطت لينا يدها مكان الطلقه
سالي كانت لسه عايشه بس كانت بترتجف بقوه وتفقد دم كتير
قالت لينا " حستخدم اغلب طاقتي لعلاجها , عمار شكلي حتعبك اليوم "
بدأ يطلع نور غريب من يد لينا
خرجت الرصاصه من سالي
والجرح التأم
بعدها صحيت سالي
اما لينا اغمى عليها
بدأت الدنيا تمطر
عمار شال لينا من الأرض
طل عليا وقال " يلا انا لازم امشي , وزي ما قلتلك لمن تحتاجيني حكون عندك "
وبعدها مشي ولحقتو يارا واختفو هما الأتنين في المطر الكثيف

سالي قامت من مكانها طيبه ولا كأنو صار فيها شي
كلنا كنا مصدومين فديك اللحظه وما عرفنا ايش نسوي
قعدنا في مكاننا
قعدنا تحت المطر

الفصل الثامن

بعد ساعتين
بعد ما استحمينا كلنا وغيرنا ملابسنا
قعدنا كلنا في الصاله ومحد فينا اتكلم
قعدنا ساكتين لدقائق
وفجئه انفجر شادي " ما كان لازم تسوي كده "
قال كده لسالي بصوت عالي
وكمل " كان ممكن تموتي "
ردت عليه سالي " يعني كنت تبغاني اسيبك تموت "
قال شادي " طب ليش سويتي نفسك شجاعه وانقظتيني؟ "
قالت سالي " عشان انا .....احبك "

شادي وقف كلامو
وسالي بكيت وقالت " ما ادري ايش صرلي في ديك اللحظه.... بس .... كنت لازم اسوي كده ... ما كنت ابغى افقدك "
شادي قال " سالي ... انا ... اسف "
سالي تركت الصاله وطلعت

هايلد

30-11-2007, 11:03 AM

التكمله مرررره حللوووه
بس ماذكر ان الرجال الي لابس اسود طلع من قبل؟!؟!
ووو.. لحظه سالي شخصيه جديده ولا طلعت من قبل؟
ماني فاكره
المهم ننتظر التكمله..

MALER

30-11-2007, 08:19 PM

حرام عليكي هايلد
نسيتي الرجال الأسود مشينالك اياها
بس تنسي سالي
سالي وحده من فريق النظارات الحمر
وهيا البنت الغنيه اللي تصرف على الفرقه
شكرا على ردك واتمنى انك تكملي معايا القصه وانشاء الله تعجبك

7amoOod2007

01-12-2007, 02:36 PM

التكملة مررررررة خطيرة
مبدع مبدع
وننتظر التكملة ...

MALER

01-12-2007, 11:25 PM

لمن رجعت بيتي قعدت مع عمو سمير وحكيتلو اللي صار

ملامح عمو اتغيرت وقال بنبره غاضبه " انا ما ابغاكي تعرضي حياتك للخطر , احنا محنا ناقصين نخسر احد تاني , خلاص من اليوم ما ابغاكي تخرجي من البيت مع دي الفرقه "

انا حاولت افهمو وأهدئو بس هو ما سمعلي وطلع غرفتو

انا طلعت غرفتي ورتبت اشيائي ولبست بجامتي

قعدت على السرير افكر

ليش كان الرجال المقنع يبغاني ؟

وكيف قدرت لينا تعالج سالي ؟

معقوله عمو محا يخليني اخرج من البيت تاني ؟

الأسئله امتلت في راسي وما لقيتلها اي جواب

حطيت راسي على المخده ونمت

صحيت الصباح بدري

نزلت تحت ما لقيت احد

شكلهم لسه نايمين

بعد ما فطرت طلعت بره اشملي هوا

اتمشيت حوالين الحديقه شويه وبعدين رجعت البيت

حالتي النفسيه كانت مره سيئه

ما كنت عارفه ايش اسوي

في بالي اسئله كتيره ومحتاجه اي احد يجاوبني عليها

طلعت غرفتي وقعدت ابكي

ابكي على ضعفي

حسيت اني مخنوقه

انا محتاجه لعمار الحين اكتر من اي وقت تاني

طلعت السلسله واتمنيت من كل قلبي انو يجي

وقعت استناه يجي

بعد مرور نص ساعه فقدت الأمل

شكلو عمار محا يجي

طلعت من الغرفه وقعدت في الممر اللي فيلو رسمات ابله ساره

كل الجدار مليان لوح رسمتها ابله ساره للعيله

وكان في رسمه لعمار

وانا بطل فيها سمعت صوت من ورايا

طليت لقيت عمار واقف على الشباك

دخل من الشباك وقلي " ايش في ليش طلبتيني ؟ "

انا انكسفت وقلت " لا بس كنت ابغى اشوفك .... واتكلم معاك "

ضحك عمار وقلي " اها عشان كدا "

انا انكسفت مره ووجهي صار طماطم

طل عمار في اللوحه حقتو ووقف مكانو

بدأت دموع تنزل من عينو

انا قلتلو " عمار ايش فيك "

قلي وهوا بيبكي " معقوله بعد كل اللي سويتو فيهم .... لسه حاطين صورتي "

انا اعطيتو منديل وقلتلو " مسح دموعك ... انتا رجال لازم ما تبكي "

اخد من المنديل ومسح دموعو

انا " عندي اسئله كتير ابغى اسئلك اياها "

قلي " اسئلي طيب "

انا قلت " ليش ما ترجع تعيش معانا , اذا كان على موضوع سوار لا يهمك , محد معتبر اللي صار غلطتك "

سكت عمار شويه وبعدها قال " انا سببتلكم مشاكل كفايه , ومن الصعب اني ارجع ليكم , انا من كبار المطلوبين من قبل الشرطه ..... ووجودي هنا خطر عليا وعليكم ......لاتخافي انا عايش في مكان امن ...انا عايش في بيتي الحقيقي مع اهلي الحقيقين "

انا ما صدقت اللي قالو , معقوله يكون لقى اهلو الحقيقيين ... والحين هوا عايش معاهم

انا " ايش رأيك تجلس عندنا اللين ما يصحى عمو سمير وتصحى ابله ساره , هما مره نفسهم يشوفوك "

عمار " لا ما اقدر "

انا " ليش ؟ "

عمار " خايف لو شفتهم حضعف "

انا " تضعف ليه "

عمار " في اشياء كتيره بتصير يا لارا وانا مسؤول عنها ... العالم كلو بيتأثر "

انا " طيب قلي ..... قلي ايش بيصير .... قلي الحقيقه "

عمار سكت شويه وبعدها قال " الحقيقه مو من السهل انك تعرفيها .... اذا تبغي تعرفي الحقيقه , لازم تعرفي انك حتضحي بأشياء كتيره , وممكن الحقيقه تكون قاسيه عليكي "

انا خفت شويه بس بعدين اتماكلت نفسي وقلت " انا مستعده لكل شي .... قلي الحقيقه "

مسك عما يدي وقال " دا اختيارك وانا محا امنعك , عشان تعرفي الحقيقه لازم تجي معايا , لبيت عيلتي "

انا " طيب يلا خدني معالك "

7amoOod2007

02-12-2007, 12:23 PM

اووو انا الحين متحمس ياله حط تكملة
واتنمى تكون اطول ^_^

MALER

03-12-2007, 12:03 AM

شالني عمار بين يدو ونط من الشباك وهوا شايلني

انا صرخت وخفت وعمار ضحك عليا

بس الحمدلله نزلنا على الأرض بسلام

نزلني عمار على الأرض ومشينا انا وهوا الين ما وصلنا للبوابه حقت البيت

انا وفي الطريق سألتو " كيف دايما تجيني بسرعه وتختفي بسرعه ؟ نفسي اعرف كيف "

عمار ضحك وقال " دي معلومات سريه ما اقدر اقولك عليها هههه "

انا " لا قولي لازم اعرف "

عمار " طيب , انا مو مو زي اي انسان عادي , في بعض الأشياء تميزني عن باقي الناس ...ووحده من هادي الميزات سرعتي في الحركه "

انا " يا ويلي يا مميز انت "

عمار " يعني منتي مصدقتيني " اعطاني ظهرو وقال " اركبي وامسكي كويس انا مني مسؤول لو طحتي "

انا طلعت على ظهرو ومسكتو من رقبتو بقوه

ما مرت ثانيه إلا انطلق بكل قوه

مشينا مره بسرعه

من كتر السرعه شعري طار وفمي مو راضي يتسكر

شكلي كان تحفه

بس في ديك اللحظه وانا مع عمار , حسيت بالأمان

كنت مره مبسوطه اني الحين معاه , وهوا معايا

اتمنيت انو نفضل سوا على طول

قطعنا مسافه كبيره وبسرعه فائقه

امكن في عشر دقايق قطعنا نفس اللي نقطعو بالسياره في نص ساعه

انا قلت لعمار " ما تعبت "

بس شكلو ما سمعني من قوة صوت الهوا

بعد ربع ساعه من بدايت الرحله وصلنا

وقف عمار في مكان غريب اول مره اشوفه

اظن اننا بره المدينه

كأننا في قريه من القرى

كان في باب للقريه دخل منو عمار وقلي الحقو

شكل القريه كان مخيف شويه

المباني طرازها قديم شويه

ومافي ولا احد في الشوارع

كأنها قريه مهجوره

واحنا بنمشي سمعت احد بيتكلم يقول " شخص غريب دخل القريه "

كان الصوت طالع من شباك واحد من البيوت

وبعدها اندق جرس من داك البيت

صوت الجرس كان مره عالي

بعد ما اندق الجرس , جرس تاني دق وتالت ورابع

وطلعت اصوت ناس كتيره من داخل البيوت

انا خفت ومسكت يد عمار

طل فيا عمار وقال " لا تخافي محا يصير شي , دا تنبيه من اهل القريه انو احد غريب دخل "

طلع من احد البيوت رجال كبير في السن قرب من عمار وقلو " مين دي ؟ وكيف دخلتها هنا ؟ "

عمار قلو " لا تدخل "

الرجال عصب ومشي وقال هوا بيمشي " انا حبلغ الرئيس وهوا حيتفاهم معاك "

انا حسيت نفسي داخله غلط

قلت لعمار " شكلي بسببلك مشاكل كبيره "

عمار " لا لا ما في مشاكل ولا شي "

كملنا طريقنا في القريه

طول الطريق واحنا بنمشي كان في ناس طالعه من بيوتها تطل فيا نظره شريره

كأنهم ما يبغوني في قريتهم

مشينا اللين ما وصلنا لمكان كبير محاط بسور كبير ومره عالي

قلي عمار " دا بيتي "

من بره مهو باين شي عشان السور مره طويل

كان عليه من بره نقشات غريبه

كأني شفت هادي النقشات في مكان قبل كده

عند الباب كان في حارسين واقفين

قلهم عمار " افتحوا الباب "

الحارسين اترددو اول وقالو " بس يا سيدي ....."

عمار قلهم " لا تخافو انا حكلم الرئيس "

الحارسان " طيب اتفضل سيدي " وفتحولنا الباب

لمن دخلنا انا اتفاجئت

المكان مره كبير

وفي مباني كتيره في كل مكان

وفي الوسط في بيت كبير

وفي ناس كتير وكلهم لابسين نفس اللبس

كلهم لابسين وشاح بني فيلو غطى للراس

اما لبس عمار كان وشاح اسود وفيلو طبعه حمره من ورا شكلها شبه القلب وليه غطى راس بس عمار مو حاطو على راسو

انا سألتو " عمار ليش لابس دا اللبس الغريب ؟ وليش كل الناس اللي هنا لابسين نفس الشي "

عمار " كده النظام هنا , لبسك على حسب رتبتك , الخدم يلبسو بني والحراس رمادي وفي كمان اسود وابيض"

انا " اها فهمتك "

مشيت انا وعمار الين ما وصلنا لواحد من المباني

قلي عمار " دا المبنى اللي اقعد فيلو "

فتحلي الباب وقال " اتفضلي "

لمن دخلت لقيت لينا جوا

سلمت عليا وقالت " اهلا اهلا , ايش الزياره الغير متوقعه هادي "

انا قلت " والله انا حتى مني مصدقه اني هنا "

لينا " اتفضلي اقعدي "

انا قعدت على الكنبه جنب لينا

انا " كيف صحتك الحين كويسه , اخر مره شفتك فيها كان مغمى عليكي "

لينا " لا الحمد لله انا صحتي تمام , بس اول عشان استخدمت كل طاقتي , شويت راحه ورجعتلي تاني "

انا " كيف قدرتي تسوي كده ؟ مره اذهلتيني داك اليوم "

لينا " ليش عمار ما حكاكي عني ؟ "

عمار " لسه ما قلتلها شي , قلت اخد رأي الرئيس اول "

لينا " اها .. احسن برضو "

فجأه دخلت علينا فاتن

لمن دخلت انا خفت مدري ليش

طلت فيا بنظرات غاضبه

بعدين طلت على عمار وقالت بصوت عالي " عمار مين سمحلت تدخل دي البنت هنا , تعرف لو عرف الرئيس ايش حيسوي , اشبك مخك طار ولا ايه "

عمار قام من مكانو وقال " وفيها ايش لو دخلتها "

فاتن " انت عارف انو لازم محد يعرف اي شي عن دا المكان , وعارف انو ممنوع احد ما لو دخل فينا يعرف اي شي عننا "

عمار " فاتن , انتي اكتر وحده عارفه قد ايش لارا ليها علاقه بينا , وعشان كده لازم تعرف كل شي "

فاتن " دا الشي ممنوع وانا محا اسمحلها انها تبقى هنا ولا دقيقه تانيه "

مسكتني فاتن من يدي بقوه وسحبتني بره البيت

عمار " فاتن , سيبي لارا بسرعه "

فاتن " لا ايش حتسويلي يعني , تشتكي الرئيس , روح قلو بسرعه خليه يعرف انك دخلت غريبه القريه "

" فاتن سيبيها " قالت وحده بنت اول مره اشوفها

لمن قالت كده فاتن سابتني على طول

وكلهم سكتو ونزلو رؤوسهم على تحت

البنت تقريبا قدي , شعرها لوني اشقر ابيض , ولابسه وشاح ابيض طويل

على جانبيها واقف حارسين لابسين رمادي

باين عليها انها رئيسه او شي زي كده

قالت البنت لفاتن " فاتن كم مره قلتلك سيطري على اعصابك "

فاتن " انا اسفه سيدتي "

بعدين طلت البنت في عمار وقالت " اما انت يا عمار تعال معايا , الرئيس يبغى يشوفك "

انا حسيت انني عملت مشكله كبيره لعمار

الله يستر

7amoOod2007

03-12-2007, 04:52 AM

التكملة يعني مادري احس ان كل الي فهاذي القرية عندهم قوات غريبة
المهم ننتظر التكملة

هايلد

03-12-2007, 05:24 PM

التكمله راائعه كالعاده
وهالجزء وايد يحمسني ودي اعرف كل شي
ووش بسير
ننتظر التكمله على احر من الجمر..

MALER

05-12-2007, 12:05 AM

الفصل التاسع

اخدتنا البنت انا وعمار معاها للبيت الكبير في الوسط

شكلو هنا المكان اللي فيلو الرئيس

لمن كنا بنمشي ورا البنت انا قلت لعمار بصوت واطي عشان ما تسمعنا " مين دي ؟ "

قلي بصوت واطي " هادي نور , رتبتها تحت الرئيس على طول , واللي زيها يلبسو ابيض "

انا " اها " قلتها بصوت عادي

نور طلت فيا هيا والحارسين اللي معاها

" اها اها اها يا حبيبي اها اها اها , اغنيه جديده ما سمعتوها " قلت كده عشان اصرف الموضوع

عمار خلاص بغى يفطس من الضحك بس حط يدو على فمو وكتم الضحكه

انا شكلي صار غلط

نور طلت قدامها وكملت مشي

اول ما درات وجهها ضربت عمار على ظهرو

قام طلع صوت الضربه مره عالي

طلت نور عليا مره تاني

قمت عشان اصرف قعدت اصفق يعني كأنو الصوت اللي طلع صوت التصفيق

وقعدت اصفق وارقص واغني الأغنيه اللي مدري من فين خرفتها " اها اها اها يا حبيبي اها "

عمار طاح على الأرض من كتر الضحك

ونور ابتسمت وبعدين كملت مشي وقالت " يلا خلاص باقي خطوتين ونوصل "

وصلنا هناك والحراس فتحولنا البا ودخلونا

لمن دخلنا جوا كان في جسر يوصل للباب التاني

وتحت الجسر بحيره فيها اسماك

والسقف كان مفتوح في دي الغرفه

مره تصميم الجسر مره حلو

قلت لعمار " يوه ياريت جبت كميرا عسان اصور المناظر الحلوه دي "

قام قلي " ليش تبغي تموتي , كل شي هنا غايه في السريه , وممنوع اي معلومات تتسرب للخارج "

انا " اوبس .... انا اسفه "

دخلنا من الباب التاني وطلعنا درج عالي مره

لمن وصلنا لأخر الدرج دخلنا من باب ابيض كبير

وجوا كان في واحد رجال عجوز لابس وشاح احمر كبير وعلى وجنبو واقف ولد مره وسيم , شعرو اشقر رمادي وطويل يوصل اللين كتفو بس مدرج وعندو قصه , شعرو مره زي البنات , والولد دا لابس ابيض زي نور "

لمن دخلنا نور قالت للعجورز " سيدي جبتلك عمار والدخيله "

انا وعمار قربني من الرئيس شويه

عمار " سيدي الرئيس اسمحلي اشرحلك "

الرئيس رفع يدو عشان عمار يوقف كلامو وقال " ما في داعي للشرح ,انا عارف كل شي "

شاور عليا وقال " انتي لارا صح ؟ "

انا كنت مرتبكه مره " ايوا انا لارا " قلت بصوت مرتجف

قلي " مرحبا بك في قريتنا المتواضعه , القريه السريه "

7amoOod2007

05-12-2007, 12:26 PM

التكملة حلوة لاكن وانا اقرة فجا خلص البارت
لو المرة الجاية اطول يكون احسن عشان
تخلينا نندمج مع القصة ^___^

ننتظر التكملة بفااااااااارغ الصبر

سلاااام

هايلد

05-12-2007, 01:43 PM

التكمله حلوه كعادتها
مبدع...تخلي الواحد يندمج هو يقره
مشاء الله عليك
المهم ننتظر التكمله بفاررغ الصبرر

MALER

05-12-2007, 09:52 PM

شكرا مررررره على الردود الحلوه
وانتظرو التكمله
اخيرا حتنكشف كل الأسرار

sooseef

05-12-2007, 11:58 PM

صراحة القصة مررررررررررررة جييييييييدة و أنتظر التكملة على أحر من الجمر أهنييييييييييك على القصة

HamoOoOoOz

06-12-2007, 01:13 AM

والله وبكل صراحة قصة مشوقة إلى أبعد الحدود ...
منتظر التكملة بفارغ الصبر وعلى أحر من الجمر ...
prince hamoOoOoOz

رحّال بأشعاري

06-12-2007, 01:39 AM

السلام عليكم ورحمة الله
أخي العزيز / MALER
أنا جديد في هذا المنتدى وفي الحقيقة أرى الردود محمسة جدا لقراء العمل
ولكن أين أجد الأجزاء الأولى ؟؟
مشكوووور أخي

MALER

06-12-2007, 11:53 PM

اخي رحال الأجزاء الأولى موجوده في المنتدى وهذي الروابط
الجزء الأول
http://www.montada2.com/showthread.php?t=534681
الجزء الثاني
http://www.montada2.com/showthread.php?t=553874
انشاء الله تعجبك

MALER

07-12-2007, 01:40 AM

قلت في نفسي ( ايش دا الأسم الغريب )

العجوز قلي " عارف انو الأسم غريب شويه , بس هيا اسمها كده عشانها قريه تحمل الكثير من الأسرار , احنا طول عمرنا محافظين على سرية دي القريه , واي واحد يعرف عنها اي شي نمحي ذاكرتو "

انا مره استغربت من كلامو

كمل كلامو وقال " يا لارا انا حكشفلك اسرار القريه دي كلها "

كل اللي في الغرفه اتغيرت ملامحهم , كأنهم انصدمو

كمل العجوز كلامو " دي القريه هي المكان اللي يعيش فيلو الناس المميزين , اللي عندهم اشياء ما عند البشر العاديين واللي هربو قبل مئات السنين من الناس العاديين اللي ما كانو يخافو منهم ويكرهوهم , الناس اللي عايشين هنا هما العائلات اللي فيهم هادي الصفات الخاصه , وعيلتي انا هي العيله الحاكمه في دي القريه , عمار واحد مننا ... واحد من عيلتنا الحاكمه , في دي القريه في قوانين محدده . القانون الأول في دي القريه ...... انك لو كنت فرد منها لازم ما تسيبها ابدا . القانون التاني .... ممنوع اي شي عن دي القريه يطلع بره دي القريه . وفي قوانين كتيره تانيه بس مو لازم تعرفيها "

انا قلت في نفسي ( ايش دي القريه العجيبه , انا ايش ورطني فيها )

كمل العجوز كلامو " لارا تعرفي ليش انا سمحتلك تدخلي القريه وتعرفي كل شي عنها "

انا " لا ليش ؟ "

قال " للأسف يالارا انتي تلعبي دور كبير في شي كبير بيصير , انتي مستهدفه من قبل واحد شرير , دا الشرير يبغاكي عشان يضغط على عمار "

انا خفت وما عرفت ايش اقول

كمل " اكيد هاجمك اكتر من مره , بس عمار والباقين ساعدوكي , بس مو كل مره حتسلم الجره ..... لو الشير دا اتحصل عليكي , العالم كلو حيكون في خطر ...... انا ابغاكي تسمعيني كويس "

انا بلعت ريقي وقلت " طيب انا سامعه "

قال " عشان نمنع اي شي من انو يحصل انا ابغاكي تعيشي في دي القريه ألين ما نخلص من دي المشكله "

انا انفجعت وقلت " لا ما اقدر انا " قطع كلامي وقال " قلتلك العالم في خطر , الموضوع ما فيلو نقاش . لا تخليني احبسك هنا بالقوه "

عمار " لكن سيدي , ما يصير تسوي كده "

عصب العجوز وقال " مين انتى عشين تقولي ايش اسوي وايش ما اسوي , انا قلت حتقعد هنا يعني حتقعد هنا "

عمار " اللين متى تبغاها تقعد هنا , انتا عارف انو مو بسهوله حنلاقي كنان مدام هوا في عالمو الخاص مو في عالمنا "

لمن قال عمار كدا انا افتكرت شي

اتذكرت كلام ورود معايا

معقوله يكون كنان دا هوا نفسو الولد الي حكتني عنو ورود

العجوز قال " ما في حل تاني , يا حراس خدوها لغرفة الضيوف "

انا " لا قلتلك ما اقدر اقعد هنا ..... عمي وزوجتو حيقلقو عليا "

العجوز " وانا ايش دخني بعمك وزوجتو "

الحراس جو ومسكوني من يدي

عمار قال " سيدي ارجوك "

بس السيد قال " خدوها على غرفة الضيوف واقفلو الباب بالمفتاح "

انا صرخت " سيبوني , بعدو عني "

عمار طل فيا وقال " لارا انا اسف "

انا مني مصدقه اللي بيصير

حاولت اقاوم الحراس بس ما قدرت

اخدوني على غرفت الضيوف ورموني فيها وقفلو الباب بالمفتاح

انا قعدت جوا ابكي واصرخ " افتحو الباب .... افتحو البااااااااااااااااااااب "

قعدت ساعات في الغرفه قدام الباب ما اتحركت

مني عارفه ايش اسوي

يا ترى ايش صار لعمو وابله ساره الحين

سمعت صوت احد يدق عليا الباب

طلع عمار من ورا الباب

قلي " لارا سامعتيني "

انا قلت " عمار ... ايوا سامعتك "

عمار " انا اسف , ما كان لازم اجيبك هنا , كل الغلط عليا "

انا " مو وقت الأعتذار الحين , طلعني من هنا بسرعه "

عمار " ما اقدر , المفاتيح مو معايا "

انا " يوووووه "

عمار " اسف "

انا " طيب ممكن تروح تكلم عمو وابله ساره وتقولهم اني عندكم "

عمار " انا رحت البيت عندكم وسبت رساله في غرفتك كتبت فيها انك انتي معايا , وكتبتلهم ما يخافو عليكي "

انا " الحمد لله ريحتني "

عمار " لارا كرهتيني بعد اللي صار صح "

انا " لا ما كرهتك ولا شي , بس ايش قريتك وعيلتك العجيبه دي "

عمار " تصدقي انا اللين الحين احسهم غرباء عني , مع اني عشت عندهم اكتر من عنكم في البيت , بس في بيتكم حسيت اني من جد فرد من العيله "

انا " طيب نفسي اعرف ايش اللي صار , مدام دولي عيلتك ليش ما ربوك "

عمار " قصتي طويله "

انا " طيب كويس حكيلي عشان نضيع وقت "

عمر " طيب ........ انا اتولدت في هادي القريه في يوم ممطر . اتولدت وفي يدي علامه ..... علامه تدل على اني واحد من السبعه "

انا " سبعه !! ايت سبعه ؟! "

عمار " في عيلتنا الحاكمه الكبيره كل كم سنه يتولد 7 اطفال مميزين . دولا السبعه يتمتعو بصفات قويه وكلهم عندهم علامه في يدهم تدل عليهم , السبعه دول يتحملو مسؤوليه كبيره , وعشان كده لازم يتربو على اسس معينه وقوانين صارمه عشان يكونو قد المسؤوليه "

وقف عمار كلامو ودق الباب وقال " لارا انتي لسه صاحيه "

انا " لايا شيخ طبعا , قصتك حماسيه , كمل كمل "

عمار " طيب .......انا وفاتن ويارا ووعود ولينا ونور و رافي , نحن السبعه المميزين "

انا " رافي ! مين رافي ؟!"

عمار " رافي الولد اللي لابس ابيض اللي كان جنب الرئيس "

انا " اها "

عمار " اها اها اها يا حبيبي اها , ههههههههه عليكي تصريفه "

انا " لو ما كان في باب يفص بيني وبينك , لكنت ضربتك ضرب "

عمار " الحمد لله انو في الباب ...... المهم اكملك .... والدتي لمن عرفت اني واحد من السبعه خافت عليا , كانت خايفه اني اعيش حياه صعبه ...ولمن صار عمري تلاته سنين امي قررت .... قررت انها تخرجني خارج القريه , كانت عارفه انو عملها دا حيسبب قتلها لأنها خانت قوانين القريه ... بس اهم شي عندها كان انو ولدها يعيش حياه سعيده "

انا " واه مسكينه امك , طيب كمل ايش صار بعدين "

عمار " امي هربتني من القريه وراحت للمدينه , ولمن وصلت هناك اختارت احد البيت ودقت الباب , فتحلها واحد رجال ... عملت معاه صفقه , اعطتو فلوس عشان يخليني عندو ويربيني , ووعدتو انو لمن يصير عمري 16 سنه حتجي تاخدني وتعطي مبلغ كبير جدا , ودا اليوم بعد 13 سنه من دا اليوم بالزبط "

انا " قصتك فلم هندي "

عمار " اهل القريه لقو امي بعد ساعه واخدوها القريه , حاولو بكل انواع التعذيب انهم يخلوها تعترف فين مكاني بس ما قدرو ياخدو منها اي شي ..... جسم امي ما قدر يستحمل العذاب ... وماتت "

انا " مسكينه امك "

عمار " هيا كانت عارفه انو دا اللي حيصير ليها بس برضو خانت القريه "

انا " يعني يا عمار انت مو زعلان على امك "

عمار " لو امي ما عملت اللي عملتو ما كنت حعيش لحظات حلوه في حياتي , مع انو حياتي مع اهلي اللي ربوني كانت جحيم , بس يكفيني الأيام اللي عشتها مع سوار وابتسامتو , وعمو سمير وطيبتو , وابله ساره وحنيتها , وانت كمان "

انا حزنت على عمار وما عرفت ايش اقول

عمار " المهم نكمل القصه .... لمن صار عمري 16 سنه , ابويا اللي رباني جمع كل العيله عشان يقلهم على خبر المبلغ الكبير اللي حياخدو من امي , وفي نفس اليوم الشر الكبير بدأ وخلا قدراتي الخاصه تصحى , وصارت الحادثه المعروفه "

انا " ايش هيا قدراتك الخاصه دي ؟ "

عمار " انا يسموني الظلام , بأمكاني قتل اي احد في الظلام ...... في البدايه ما كنت اقدر اتحكم في دي الطاقه , بس الحين صرت احسن "

انا " طيب مين هوا كنان ؟ "

عمار " كنان هوا الشر اللي بنحاربو , كنان يحمل روح شريره تظهر كل 100 سنه وتحاول انها تبني عالمها الخاص , بس عيلتي كانت دايما مسؤوله عن تدمير هادي الروح الشريره ....... الروح الشريره كانت في شابه مجنونه اسمها غروب , غروب كانت تقتل الناس تاكل لحمهم عشان تقوي روجها الشريره .... غروب انقتلت على يد المحقق انس .. غروب ماتت , بس الروحه الشريه انتقلت للقاتل ... انتقلت لأنس .... وانس نقل الروح لأبنو .... كنان ..... كنان بدأ ينشئ عالم خاص بي .....وبيحاول يدمجو مع عالمنا الحقيقي عشان يصيطر عليه .... ما في احد يقدر يوقف كنان إلا احنا .... احنا السبعه "

7amoOod2007

07-12-2007, 05:55 AM

التكملة مرررررررررة خطيرة
ياله كمل انا متحمس
يالمبدع

ننتظر التكملةبفااااارغ الصبر
وعلى احر من الجمر

سلاااااام

هايلد

07-12-2007, 12:17 PM

التكمله حمااااااااسيه واااايد
عجييييييييبه
ننتظر التكمله
على احر احر من الجمر

HamoOoOoOz

08-12-2007, 09:28 PM

والله القصة دي كلها تشويق وياريت نشوف التكملة بأسرع وقت ...
prince hamoOoOoOz

HamoOoOoOz

08-12-2007, 09:30 PM

والله القصة دي مشوقة ومثيرة وياريت تكتب التكملة بأسرع وقت ممكن ...
prince hamoOoOoOz

HamoOoOoOz

08-12-2007, 09:32 PM

والله صراحة القصة مشوقة ومثيرة وياريت تكتب التكملة ...
prince hamoOoOoOz

MALER

08-12-2007, 11:51 PM

يا prince hamooz شكرا على اهتمامك
بس تلاته ردود زياده ههههه
انا عارف انك سويتها بالغلط عشان كده مسامحك

MALER

08-12-2007, 11:55 PM

التكمله بكره انشاء الله
اليوم كان عندي واجبات كتير ما قدرت اكتب
انشاء الله ألحق اخلص القصه كامله قبل العيد

MALER

09-12-2007, 11:48 PM

انا " بسألك سؤال غبي ... يعني انتو اسمكم السبعه ؟ ولا ما عندكم اسم محدد "

عمار " هههه ... الناس اتعودو انو ينادونا السبعه , بس في اسم كانو يستخدمو القدماء "

انا " وايش دا الأسم ؟ "

عمار " ألوان القلب "

انا " الوان القلب !!!! اسم غريب , بس حلو "

عمار " عشان مو احنا سبعه زي ألوان الطيف ههههه , بس اظن انو سبب التسميه لي علاقه بقدراتنا ... يعني الوان القلب هيا المشاعر اللي في القلب . اسطورة القدماء هيا , انو كل فتره يطلع سبعه من عيلتنا يحملو المشاعر السيئه عشان يخلصو باقي الناس منها , ودا اللي يخليهم يكتسبو قدرات خارقه للطبيعه . مثلا انا قدرتي الظلام ومن المشاعر انا رمز الخوف , فاتن قدرتها الأنفجار ومن المشاعر هي رمز الغضب "

انا " استنى انا احزر .... لينا قدرتها العلاج ومن المشاعر هي ال.... ااااا "

عمار " لينا رمز الألم , يعني هيا تعالج الناس عشان تاخد الألم اللي داخلهم "

انا " يا ويلي ايش التعقيد دا "

عمار " دي بس خرافات القدماء ما أظن ليها معنى , بس ممكن تكون صح "

انا " ايوا صح "

سكتنا شويه

انا كان فيا النوم واتثاوبت

عمار سمعني اتثاوب فقال " شكلك تبي تنامي "

انا " ايوا والله فيا النوم , بس شايله هم عمو وابله ساره "

عمار " لا تخافي بكره الصباح انا حكلم الرئيس وأقنعو انو يوافق على انو نرجعك بيتك "

انا " ايوا الله يخليك كلمو "

عمار " انا حاولت اليوم افهمو انو بيتك مكان امن وعالم كنان ما يقدر يدخلو بس ما رضي يسمعلي "

انا " منجد بيتنا ما يقدر يدخلو كنان "

عمار " مو كنان نفسو , ما يقدر يدخلو عالم كنان او اي شي من صنع عالم كنان "

انا " طب ليش يعني بيتنا بالزبط ؟ "

عمار " المكانين الوحيدين اللي امنين من عالم كنان هي القريه دي وبيتكم , والسبب هي الغرفه الحارسه "

انا " الغرفه الحارسه !!!!! "

عمار " شفتي النقوش اللي على الأسوار بره ؟ "

انا " ايوا شفتها وكمان كأني شفتها قبل كده في مكان تاني "

عمار " ما تتذكر المخبئ السري حقك انتي وسوار اللي تحت الأرض في حديقة البيت "

انا " ايوا صح , كيف نسيت دا المكان ... النقوش نفسها اللي في داك المكان نفسها هنا "

عمار " المخبئ السري اللي في بيتكم هو الغرفه الحارسه , في قريتنا في نفس ديك الغرفه تحت الأرض برضو "

انا " واو "

عمار " الغرفه صمموها اجدادنا لحماية القريه من اي شر يهددها ..... بس اللين الحين مني عارف ايش العلاقه بين بيتكم وقريتنا "

انا " ايوا من جد شي يحير ....اووووه " اتثاوبت

عمار " خلاص روحي نامي "

انا " طيب "

عمار " بكره انشاء الله حجيكي "

انا " طيب "

عمار " تصبحي على خير "

انا " وانتا من اهلو "

راح عمار وسابني

انا من كتر ما كنت نعسانه

بس حطيت راسي على المخده نمت

HamoOoOoOz

10-12-2007, 05:27 PM

صراحة صراحة ما اقدر استحمل ... كمل القصة بأسرع وقت ممكن ...
بس ترى الإعادة ثلاثة مرات مو غلط !! هذه من الإثارة والحماس وشكرا على كل حال مع تحياتي :

sooseef و maler والجميع .
prince hamoOoOoOz

7amoOod2007

10-12-2007, 06:12 PM

التكملة عجيييييبة ...
انا متحمس ياله كمل
وننتظر التكملة بفارغ الصبر

سلااااام

هايلد

10-12-2007, 07:46 PM

التكمله عجييييييييبه ومازلت اتحمس لمعرفة البقيه
..انتظرالتكمله بفاااااااااارغ الصبررر

HamoOoOoOz

10-12-2007, 09:10 PM

واشكر كمان هايلد وحمود 2007 و maler و sooseef و الجميع على احلى الردود في المنتدى وسلامي لكم كلكم ...
prince hamoOoOoOz

MALER

11-12-2007, 12:03 AM

شكرا شكرا يا Hamoz
منجد انت و soseef و هايلد و حمود 2007 تستاهلو كل الشكر
تشجيعكم ليا هو اللي يخليني استمر واقدم الأفضل دائما
انتظرو التكمله بكره انشاء الله
خلاص باقي 4 فصول من الحماس

MALER

12-12-2007, 12:00 AM

اسف مره ما قدرت اكتب شي اليوم كان عندي واجبات كتيره
بكره انشاء الله اكمل

HamoOoOoOz

13-12-2007, 01:13 PM

متى راح تكتب التكملة شوقتنا مرة مرة يلا خلصنا واكتبها ...
مع تحياتي ... prince hamoOoOoOz

MALER

16-12-2007, 07:25 PM

مررره اسف على التأخير كان عندي اختبارات وواجبات بالهبل
خلاص اجزت اخيرا بس اليوم مسافر سويسرا بكلمكم من المطار
بكره انشاء الله حنزل تكمله اذا كتبت

7amoOod2007

20-12-2007, 06:18 PM

وين التكملة T_T خلاص ماقدر اصبر
كل مرة بتأجل التكملة

MALER

27-12-2007, 03:09 AM

اخيرا جيتكم ومعايا التكمله:09:
اسف مره على التأخير الطويل سامحوني
انشاء الله ما يتكرر هادا التأخير :D
واتمنى انو تعجبكم التكمله :biggthump

الفصل العاشر

اول ما صحيت من النوم كننت ناسيه اني مني في البيت
طليت حواليا وقلت " فين انا ؟ "
بعدين اتذكرت " ايوا صح انا في قرية عمار "
دايما كده اول ما اصحى من النوم اكون دايخه
حاولت افتح الباب بس طلع لسه مقفل بالمفتاح
كان في باب تاني في الغرفه , فتحتو طلع حمام
دخلت غسلت وجهي
بعدين قعدت اتفرج على الناس اللي بره من الشباك
شفت لينا قاعده تمشي وجايه ناحيت المبنى اللي انا فيه
وبعد دقايق جات عندي ودقت الباب وقالت " لارا انتي صاحيه "
انا " ايوه صاحيه "
لينا " طيب عادي ادخل "
انا " ليش معاكي المفتاح ؟ "
لينا " ايوا "
انا " ايوا ادخلي طبعا "
فتحت لينا الباب بالمفتاح اللي معاها
انا قلت " اخيرا الحريه "
لينا " ههه عمار كلم الرئيس والرئيس وافق على انك تقعدي في بيتك "
انا " الحمد لله "
لينا " تعالي الحين معانا افطري وبعدين عمار حيوصلك للبيت "
انا " اوكي "

اخدتني لينا معاها ورحنا لغرفة طعام كبيره
هناك لقينا يارا ووعود وفاتن
وجه فاتن اتغير لمن انا قعدت على الطاوله , كأنها مو طايقتني
يارا " لارا كيف حالك ؟ "
انا " طيبه "
وعود " نمتي كويس ولا لأ ؟ "
انا " لا والله نمت كويس , عشان كنت تعبانه ما حسيت بنفسي "
يارا " لارا انا عارفه انو الموضوع قديم بس لازم اعتذرلك ... انا اسفه على داك اليوم لمن ضربناكي على راسك وربطناكي "
انا " ييه زمان "
يارا " ديك الفتره كنا خايفين من كل شي حوليننا وما كنا عارفين ايش لازم نسوي , هدفنا كان انو ناخد عمار معانا , لو ما اخدنا عمار معانا كان ممكن نموت كلنا "
انا " تموتو !!! ليش؟"
يارا " لأننا كنا ضعاف من غيرو , وعشان كدا كان الرئيس يبغى يضحي بينا عشان يتولد جيل جديد اقوى مننا "
انا " مع اني مني فاهمه ايش بتقولي بس مسامحتك على كل شي "
يارا " لارا انا اللي قتلت سوار "
لمن قالت كده انا انفجعت
مره ما كنت متصوره انو يارا هيا اللي قتلتو
يارا " انا اسفه انتي عارفه السبب "
انا ما عرفت ايش ارد عليها كنت مصدومه
فاتن طلت فيا وقالت " يارا خلاص مو وقتو "
ولينا قالت " ايوا غيرو الموضوع "
بعد ثواني دخل علينا عمار
قلي " خلصتي فطور "
انا " لا اصلا ما ليا نفس "
عمار " طيب مستعده ترجعي للبيت "
انا " ايوا طبعا مستعده "

لينا وفاتن جو معانا تحسبا لو هاجمنا كنان
مشينا من القريه واتجهنا نحو المدينه
طبعا انا ما مشيت شي , عمار طول الطريق شايلني وطاير بيا
مره سريع في الجري هو وافاتن ولينا كمان , كأنهم ننجا
في نص الطريق وقفنا نستريح , قصدي يعني هما يستريحو
وقفنا عند اعلى مبنى في المدينه , اسمو المبنى الأسود عشان لونو اسود
تحت المبنى كان الشارع زحمه
انا كنت لابسه جكيت وكان الجو حر مره
انا اتخنقت من الحر قمت فسخت الجكيت ومسكتو في يدي
لمن شلت الجكيت بانت السلسله اللي اعطاني هيا عمار
لمن شافتها فاتن شكلها اتغير
طلت في عمار بنظره غاضبه وقالت " كيف اعطيها دي القلاده "
شكلها مره معصبه
كملت كلامها بصوت عالي " المفروض تعطيني اياها انا مو هيا "
عمار حاول يهديا ويقولها " بس انا اعطيتها اياها عشان ...."
قطعت كلامو وقعدت تصرخ و تبكي " ليش .... انا كنت مستنياك تعطيني اياها ....انا اللي استحق اني اكون شريكة مشاعرك مو دي البنت الغريبه ..... انا حبيتك من كل قلبي وضحيت بكل شي على شانك ... ليش ما اعطيتنى القلاده .... ليش اخترتها هيا ما اخترتني انا "
لينا مسكتها من كتفها وقالت " فاتن اتمالكي اعصابك احنا محنا ناقصين مشاكل "
انا ما عرفت ايش اسوي قعدت واقفه وما اتحركت
عمار قال " فاتن انتي منتي فاهمه انا اعطيتها القلاده عشان تناديني لمن تكون في خطر "
فاتن قالت وهيا بتبكي " انا طول عمري بفكر فيك .... بس .... انت عمرك ما فكرت بيا "
بعدها عينها صارت بيضه وبدأت ترتجف
لينا قاعده تهزها وتقول " فاتن لا ... ارجوكي لا تسويها .... فاتن "
بدأ وجه فاتن يتشقق ويطلع منو نور ابيض
عمار قال " خلاص فات الأوان .. لازم نهرب بسرعه "
لينا " بس الناس "
عمار " ما نقدر نسوي شي ... لو قعدنا هنا اكتر حنموت "
شالني عمار على كتفو وقلي " امسكيني كويس ولا تفلتي انا حمشي بأسرع سرعتي "
جسم فاتن كلو اتشقق وصارت كلها نور ابيض قوي
الناس كلهم بيطلو فيها وخايفين
انا مسكت في ظهر عمار بكل قوتي
جري عمار بكل سرعتو ولحقت ورانا لينا
بعد ثواني قليله انفجرت فاتن
صوت الأنفجار كان مره قوي شبابيك المباني كلها اتكسرت
حاولنا نبعد قد ما نقدر
بس قوت الأنفجار وصلت اللين عندنا
لينا طارت بعيد عننا
وانا يدي فلتت من عمار وطرت في مكان وهوا طار في مكان
طحت على الأرض بقوه واتعورت في رجولي
ماكنت قاده اسمع شي فقدت حاسة السمع مؤقتا من قوة صوت الأنفجار
قمت من الأرض وطليت ورايا
وشفت شي ما يتصدق
المبنى الأسود اتنسف , وكل المباني اللي حوالي اتدمرت
الدنيا كلها بتنحرق والدخان عبا الجو
انا وقفت في مكاني مذهوله
معقوله فاتن عملت كل دا

حسيت انو في شي ورايا
طليت ورايا لقيت كلب لونو ابيض شكلو يخوف وعندو ديول كتيره
وجنب الكلب كان واقف ولد صغير قعد يطل عليا بنظرات شريره
ما جا في بالي الا شي واحد " اكيد هادا كنان "
حاولت اهرب بس رجولي مره كانت بتوجعني
ناديت على عمار بس شكلو الأنفجار طيرو بعيد عني
قرب مني الولد ومسك يدي وقال " اخيرا اتقابلنا يا لارا ..... انا ادعوكي لزيارة عالمي الخاص ها ها ها ها "
انا سبت يدو وقلت " اياك تقب مني ... عمار هنا الحين يجي ويوريك شغلك "
ضحك كنان ضحكة شريره وقال " للأسف عمار محا يقدر ينقذك دي المره "
رفع كنان يدو في الجو وطلع منها نور قوي مره
انا ما قدرت استحمل النور وقفلت عيوني
ولم ضعف النور فتحت عيوني
ولقيت نفسي في مكان غريب
لقيت نفسي في غرفه فاضيه ما فيها شي بس باب
حاولت افتح الباب بس ما قدرت
خبط على الباب وقعدت اصرخ " افتحو الباب افتحو الباب "
عندها سمعت صوت كنان من بره يقول " اهلا بيكي في عالمي المتواضع "
معقوله اكون وسط عالم كنان
كمل كنان كلامو " خلاص بعد ما اخدتك خطتي اكتملت ... عمار حيضحي بنفسو عشان ينقذك .... واذا انتهى عمار خلاص حينفتحلي الطريق .... وححكم العالم كلو ها ها ها "

معقوله اكون انا السبب
لو عمار فعلا ضحى بحياتو علشاني
حينتهي كل شي ؟

HamoOoOoOz

28-12-2007, 07:52 PM

كالعادة ...
التكملة رائعة جدا جدا جدا ...
بليز اكتب التكملة بأسرع وقت ممكن ...
وترى انا مستغرب !! انت فينك ؟ غير موجود ؟
prince hamoOoOoOz ^_^

MALER

29-12-2007, 11:12 PM

التكمله ممكن بكره
انشاء الله اقدر اكتب

MALER

02-01-2008, 12:10 AM

أسف مره عل التأخير بس دي الفتره عندي اختبارات كتير
انشاء الله حكمل القصه للنهايه في اقرب فرصه

هايلد

03-01-2008, 01:33 PM

التكمله رووووعه كالعاده ^ـــ^ ومحمسه
ولا بأس ان تاخرت خذ راحتك
^^ننتظر التكمله بفااارغ الصبررر

7amoOod2007

03-01-2008, 07:52 PM

التكملة رووووووووعة كالعادة ...
وننتظر التكملة بفاااارغ الصبر ...

.......... سلااام ..........

7amoOod2007

03-01-2008, 07:59 PM

التكملة رووووووووعة كالعادة ...
وننتظر التكملة بفاااارغ الصبر ...

.......... سلااام ..........

MALER

06-01-2008, 11:26 PM

جبتلكم التكمله
انتبهو انو اللي بيحكي القصه دحين لينا مو لارا
لأنو لارا محبوسه في عالم كنان والقصه كلها بتكمل بره عام كنان
بس لاتخافو لارا حترجع تحكي بعد فصلين
اتمنى تعجبكم التكمله مع انها قصيره

الفصل الحادي عشر

اسمي لينا

من لمن كنت صغيره عرفت اني مميزه

كنت احس اني محبوسه في عالم ما اقدر اطلع منو

لمن صار عمري 6 سنين بدأت اتعلم كيف اتحكم بقدراتي العلاجيه

كان عندي معلمين يعلموني

كنو دايما يقولولي انتي من السبعه

السبعه , اسم لاحقني طول حياتي

اشياء كتيره فقدتها بس عشان انا من السبعه

لمن بدأت اتدرب على قدراتي

بدأت اتدرب على نباتات مريضه

وبعدين على الحيوانات

ولمن صار عمري 8 سنين اصبحت قادره على علاج الناس

كل ما كبرت بعدت اكتر عن اسرتي

صرت نادرا اشوف امي وابويا واخواتي

ولمن اقابلهم صرت احس نفسي غريبه عنهم

كانو ينظرولي نظرات غريبه تحسسني انهم ما يبغوني معاهم

صرت احس بالوحده طول الوقت

الين ما قابلت باقي السبعه

كانو ناقصين واحد

بس الخمسه دولا صارو اقرب اصدقائي

هما اللي كانو حاسين بيا وبالألام اللي احسها

رغم الظروف الصعبه اللي عشنا فيها قدرنا نساند بعضنا ... نحب بعضنا .... نكون جنب بعضنا

بعد الأنفجار الكبير

ضاعت عننا لارا

انا وعمار دورنا عليها في كل مكان بس ما لقيناها

خوفنا الكبير هو انو يكون كنان خطفها

بين الحطام الهائل اللي سببو الأنفجار وقفت فاتن تطل في السما

انا رحت عندها وضربتها كف وقلت وانا ببكي " ليش سويتي كده "

حضنتها وقعدت ابكي

بس هيا قعدت تطل في السما وما قالت شي

بدأت سيارات المطافي والأسعاف والناس والصحفيين يوصلو لمكان الأنفجار

قلت لفاتن " لازم نمشي من هنا بسرعه "

بس فاتن ما ردت عليا

غمضت عيونها وطاحت على الأرض

الضاهر انها استنفذت كل طاقتها في الأنفجار

ناديت على عمار عشان يشيلها

بعدها مشينا بسرعه

واحنا في الطريق وقف عمار

نزل فاتن على الأرض بشويش وقعد على الأرض يبكي

انا وقفت وقعدت جنبو وقلت " عمار لا تبكي "

عمار " ايش حقول للرئيس .... كل اللي صار بسببي "

انا " اذا قصدك على الأنفجار فهو مو غلطك , غلط فاتن "

عمار " لا غلطي انا السبب , وبسببي كمان ضاعت لارا "

انا " لا تخاف انشاء الله هيا بخير , وأيش دراك ممكن ما خطفها كنان "

عمار " لا انا مني حاسس بيها , مع انها معاها القلاده .... ما في غير تفسير واحد لدا الشي ... لارا في عالم تاني غير العالم اللي نحن فيلو "

7amoOod2007

07-01-2008, 12:16 PM

التكملة حلوة مع انها قصيرة
وننتظر التكملة بفرارغ الصبر...

هايلد

07-01-2008, 07:13 PM

السلام عليكم ورحمة الله
التكمله كعادتها رائعه صج انها قصيره بس كانت حلوه
ننتظر التكمله بفارغ الصبر

MALER

19-01-2008, 11:56 PM

اسف مره على التأخير بس كان عندي اختبارات :D
يلا هادي الكمله انشاء الله تعجبكم

التكمله

كل اللي كان في بالي شي واحد

احنا في ورطه كبيره

مره كبيره

وصلنا القريه السريه

كنا خايفين مره من اللي بنتظارنا

لمن حيعرف الرئيس بالي صار حنروح فيها

انا وعمار اخدنا فاتن اللي لسه فاقده الوعي للمقر حقنا

حطاها عمار فوق سريرها وقلي " حتستخدمي طاقتك لعلاجها ؟ "

انا " لا ما يحتاج , طاقتي محا تنفعها بشي . كل اللي تحتاجو انها ترتاح وتستعيد قوتها"

طلعنا من غرفة فاتن وقعدنا في غرفة الجلوس

جاتنا يارا ووجهها مقلوب

انا قلت خلاص شكلها عرفت

قعدت معانا وقالت " الله يخليكم قولولي انو مو انتو السبب في الأنفجار "

انا " كيف عرفتي ؟ "

يارا " كل الناس بيتكلمو عن الأنفجار , مافي قناه في التلفزيون ما بثت الخبر "

عمار " اكيد الرئيس عرف , خلاص رحنا فيها "

يارا " لا قولولو انكم ما لكم دخل في الموضوع , يعني مافي حاجه تفجر في العالم غير فاتن "

عمار " المشكله مو هنا , المشكله انو بعد الأنفجار لارا اختفت , وأغلب التوقعات تقول انو كنان خطفها "

يارا " لا تقول . الرئيس حيخلي سحر تمسح ذاكرتك "

انا " لا انشاء الله محا يصير كده "

للتوضيح سحر هي بنت في القريه من سلالة الماسحين , عندها قدره اناه تمسح جزء معين من ذاكرت الأنسان

لارا " عشان لو سحر مسحت لارا من ذاكرتك محا تفكر في انقاذها وكنان محا يقدر يطلب مقايضه "

عمار " لو كنان طلب اي شي مقابل انو يسيب لارا انا مستعد اعطيلو اياه , لارا ما ليها دخل في الموضوع ولازم انقذها "

يارا " شفت عشان كده الرئيس حيخلي سحر تمسح ذاكرتك "

وقتها دق احد الباب

رحت فتحت لقيتو حارس من حراس الرئيس

قلي انو الرئيس طالب يقابلني انا وعمار وفاتن ضروري والأن

انا وعمار رحنا عند الرئيس وقلبنا بيدق طول الطريق من الخوف

لمن وصلنا هناك كان شكل الرئيس مره معصب

وقف الرئيس من كرسيه وقال " مدام فاتن مهي معاكم , اكيد انتو السبب في الأنفجار "

عمار وطا راسو وقال " انا اسف انا السبب , انا خليت فاتن تعصب وصار اللي صار "

الرئيس جا عند عمار ووقف قدامو

وضربو كف على وجهو

من قوت الكف انا حسيت نفسي بنضرب

صرخ الرئيس في عمار " ليش ..... ليش ما منعتها من انها تسوي كده , انتا عارف لو انكشف الموضوع ايش حيصير , حينكشف سر القريه وحيدمر كل تعب السنين اللي حاولنا نخفي فيه القريه من الناس "

عمار " انا اسف "

الرئيس قال " انهيتو المهمه حقتكم ووصلتو لارا لبيتها ؟ "

انا " احنا ولارا اتفرقنا بعد الأنفجار , وبعدها ما لقيناها "

الرئيس " كمان حتى المهمه فشلتو فيها "

عمار " سيدي , انا اعتقد انو لارا رجعت بيتها . ارجوك اسمحلي اروح اتأكد "

الرئيس " ولو كان كنان اخدها , انا عارف انك تبى تروح عشان ترجعها حتى لو كانت مع كنان , وانا محا اسمحلك تعرض حياتنا كلنا للخطر بسبب وحده بنت , عمار الأفضل ليك انو تنسى .... انسى لارا "

انا قلت في نفسي خلاص الرئيس حينادي سحر

الرئيس شاور لواحد من حراسو وقال " جبلي سحر هنا بسرعه "

عمار حس بالتهديد اللي موجهلو

طل عمار على الباب وشاف انو في حراس مقفلينو ومحا يسمحولو بالخروج

شاف انو ما قدامو غير الشباك

مع انو احنا على ارتفاع مره عالي عن الأرض

بس عمار جري ونط وكسر الشباك وطاح منو

انا رحت طليت من الشباك بشوف فين عمار

لقيتو واقف على الأرض وما صرلو شي

ما ادري كيف قدر يسوي كده

كان في ريش اسود طاير في الجو

اول مره اشوف دا المنظر

الرئيس شاور للحراس عشان يروحو يمسكوه

وبقعد يتفرج معايا من الشباك على عمار وهوا بيهرب

قال الرئيس " عمار قدر يطور طاقتو في وقت قصير , ووصل لمستوى عالي . حرام نضيع من يدنا واحد زيو , عشين كده لازم امحي دي البنت من ذاكرتو "

انا كنت متأكده انو الحراس حيمسكو عمار

لأنو عمار استخدم قدر كبير من طاقتو اليوم

واكيد حيطيح من التعب بعد شويه ومحا يقدر يهرب من الحراس

بعد ربع ساعه رجع الحراس ومعاهم عمار

في نفس الوقت وصلت سحر

كانت هادي اول مره اشوفها فيها

كانت لابسه فستان طويل اسود

وشعرها اسود طويل مره, وعيونها سوده وكبيره

الحراس كانو مكتفين عمار

والرئيس امر سحر بأنها تمحي ذاكرت عمار

قالت سحر " ايش تبغاني امسح بالتحديد "

الرئيس قال " امسحيلي كل شي يتعلق بلارا وعيلتها "

قربت سحر من عمار وحطت يدها على عينو

عمار حاول يقاوم بس الحارسين كنو مكتفينو كويس

سحر قالت لعمار بصوت واطي عشان الرئيس ما يسمع " حمسح ذاكرتك, بس هادا ما يعني انك محا تقدر تتذكرها للأبد . مكان البنت دي في ذاكرتك حيفضى , بس المكان نفسو لسه باقي , وممكن يرجع يتعبى تاني "

بعدها طلع نور من يد سحر

وبدأت لارا تنمحي من ذاكرت عمار

بعد ثواني انطفى النور اللي في يد سحر

وطاح عمار على الأرض مغمى عليه

7amoOod2007

20-01-2008, 07:43 PM

التكملة روووووووووعة
وننتظر التكملة بفااااااااااااااااااااااااااااااااااااااااااااااااااااااااارغ الصبر

هايلد

24-01-2008, 06:53 PM

التكمله روووووووووعه أنا بحس ان عمار راح يتذكرها وبروح عالم كنان عشان يساعدها ^ــ^
وانتظر التكمله الجايه بفاااااارغ الصبررررر

MALER

12-02-2008, 10:19 PM

مرررررره اسف على التأخير
انشغلت مره الفتره اللي فاتت
هادا افصل الأخير انشاء الله يعجبكم
( حتلحظو انو لارا رجعت تحكي القصه)

الفصل الثاني عشر

مر وقت طويل وانا محبوسه هنا

قاعده على الأرض في غرفه فاضيه مافيها شي

ايش حيصرلي لو ما جا عمار عشاني

هل حاقعد هنا طول حياتي

كم الساعه الحين

كم يوم مر عليا هنا

غريبه اني ما احس بالجوع

ممكن في عالم كنان ما في جوع

بدأ شريط حياتي يرجع لورا

ذكريات قديمه بترجعلي

اشوف نفسي في بيتي في امريكا وامي وابويا حواليني

اشوف نفسي في مدرستي مع صحباتي واصحابي

اشوف نفسي في الحديقه اللي جنب بيتنا اتمرجح في المرجيحه

وفجئه ينقطع حبل الذكريات والاقي نفسي محبوسه في عالم غريب في غرفه فاضيه

يا ترى كم واحد مات في الأنفجار اللي صار بسببي انا

انا السبب في كل شي

لو ما اتدخلت في حياة عمار ما كان صار كل دا

طول عمري بحس نفسي انسانه ما ليها معنى في الحياه

ديما اسبب للناس المشاكل

ودحين مشاكل كبيره صارت بسببي

الين متى حقعد محبوسه هنا

لو ما جا احد ينقذني ايش حيصير ؟

هل ممكن يقتلني كنان؟

ولا حيبقيني محبوسه في عالمو ألين ما اموت؟

وانا غارقه في افكاري سمعت صوت جاي من ورا الباب

كان في احد بيمشي بره

انا قمت ورحت عند الباب وقعدت ادقدق واصرخ " افتحولي الباب , طلعوني من هنا "

فتحلي ولد الباب

كان الولد لابس وشاح رمادي طويل وحاطط غطى على راسو

الغطى مغطي على اغلب وجهو ومو باين غير فمو

انا خفت ورجعت كم خطوه لورا

قرب مني ومسك يدي

انا صرخت " سيب يدي "

حط يدو على فمي عشان يسكتني وقال " اسسسس انتبي الحين احد يسمعنا "

نزل يدو من فمي وكمل كلامو " انا هنا عشان اساعدك "

عندها ارتاح قلبي وقلت " الحمد لله , كنت احسب اني حقعد هنا طول حياتي "

" اسسسسس " سكتني وقال " وطي صوتك "

انا قلت بصوت واطي " طيب "

جرني من يدي واخدني معاه بره الغرفه

مشينا في ممر طويل الين ما وصلنا لنهاية الممر

طلع الولد مفتاح من جيبو وشاور بي على الجدار

وعندها اتكون باب من لاشيء

وفتحو ودخلنا منو

لمن دخلنا انا انفجعت

وصلنا لساحه كبيره مره

وفيها كلاب كبيره بيضه ليها ذيول كتيره نايمه على الأرض

وفي نص الساحه في درج طويل يوصل لباب معلق في السما

قلي الولد بصوت مره واطي " لازم نوصل للباب اللي فوق الدرج بدون ما نصحي الكلاب , اي لمسه من ذيول الكلاب حتصري تراب "

انا مره خفت وبديت ارتجف

سحبني معاه الولد بشويش وقعدنا نمشي خطوه خطوه

قلبي يدق مع كل خطوه

خطوه بخطوه وصلنا لنص الطريق

خطوه بخطوه وصلنا للدرج

ولمن طلعنا اول درجه , طلع صوت الخطوه قوي شويه

التفت ورايا ولقيت كل الكلاب صحيت

احنا وقفنا في مكاننا

والكلاب قعدت تطل فينا وهيا مستعده للهجوم في اي لحظه

طل فيا الود وقال " اجري "

عندها كل الكلاب جريت نحونا

واحنا بنجري ونجري ونطلع الدرجات بأسرع سرعه

ولمن وصلنا لأخر الدرج طلع الولد مفتاح وفتح الباب

طلع نور قوي مره يوجع العين

اعطاني الولد صندوق خشبي صغير وقلي " خديه معاكي واعطي لعمار , دي الوسيله الوحيده عشان تغلبو كنان "

وبعدها شال الغطى اللي على راسو

لمن شفت وجهو ..... ما ادري ايش صار فيا

بدأت دموعي تنزل من عيني

قلي بصوتو الحنون " وحشتيني مره , كلكم وحشتوني "

انا ما كنت قادره اتكلم من المفاجئه

الكلاب شويه وتوصلنا

قلي " يلا بسرعه ادخلي "

مسكني ودفني قدام الباب وقال " ابغاكي تعرفي شي واحد قبل ما تروحي ..... انا احبك "

دخلت في النور

ورجعت للعالم الحقيقي

لقيت نفسي وصت الشارع وحوليا ناس متلمين

كلهم بيتفرجو على مجموعة مباني مدمره

كان في رجال شايل كميرا وبيصور المشهد

ومذيعه واقفه قدام الكاميرا وقاعده تقول " احنا هنا قدام المكان اللي صار فيلو حادث الأنفجار الكبير قبل تلاته ايام , الحادث اللي راح ضيحيتو اكثر من 500 شخص , والسبب لا يزال مجهول "

ان لسه ما كنت مصدقه اللي صار

طحت على الأرض وقعدت ابكي

الولد اللي خلرجني من عالم كنان

هو.......هو.....

سوار

سوار ... لسه عايش

يتبع في الجزء القادم