المساعد الشخصي الرقمي

مشاهدة النسخة كاملة : معرض رسوم المانجا قصصي القديمة


shaheen
15-12-2001, 03:50 PM
انا كما يعرف البعض ارسم لمجلة الاطفال الكويتية .. سعد... لكن لم اجد المتنفس الحقيقي لقدراتي في مجلة الاطفال هذه:)

وقلت لأريكم بعض هذه القصص ... تفضلوا;)
Rewayah
15-12-2001, 07:13 PM
أويه !!
سامحني شاهين, ما أنتبهت لموضوعك !!
لأني قاعد أشارك من صفحة الملف الشخصي :) !!
والموضوع مو ظاهر عندي عشان ما شاركت فيه مسبقاً !!

شاهين أنا هالقصة شفتها في العدد السابق من سعد :) !!
وعجبتني كثير :) !!
بس ليش الأسود والأبيض دام في منها ملونة :p !!
بس تصدق, كذيه هم بعد أحلى -_^ !!
عاجبتني شخصياتك, ما عليها كلام :) !!
حط لنا زيادة ؟!

يعطيك العافية !!

:)
shaheen
15-12-2001, 07:34 PM
الله يسلمك يا رواية...
الرسومات اللي باحطها بتكون بالابيض والاسود....

تسألني ليش؟
اقوللك:

لاني لما ارسم حق مجلة سعد ارسم لهم القصة على ورق اي فور وبعدين اسوي لها سكان بحجم اكبر والونهه بدون كتابة.. وارسلها لهم بالايميل بالاضافة الى نسخة اصغر من نفس الرسمة وبدون الوان ومعها الكتابة.. لكي يصححوها ويكتبونها على الكبيرة الملونة التي ستنشر فيما بعد:)

لذا ارسل لكم الرسمة الثانية اللي بالابيض والاسود:)
orange road
15-12-2001, 07:35 PM
شاهين.. حلوة القصة ورسوماتك احلى..
سعد كنت اشتريها لما كنت صغيرة.. وخلاص وقفت عنها..
حاليا وقفت عن كل المجلات اللي بالعربي.. وما عدت اشتري الا المانجا المترجم بالانجليزي والجرافيك نوفيلز..
ما عندك قصص زيادة؟؟؟
ترى نبي
shaheen
15-12-2001, 07:36 PM
وهذه شخصيتي الاخرى
mayadah
19-12-2001, 08:10 PM
معقولة يا شاهين أنت اللي ترسم لمجلة سعد؟:واو:

تعرف أني لما كنت صغيرة ما أشتري المجلة إلا عشان رسومها
ما شاء الله عليك
shaheen
19-12-2001, 11:42 PM
اختي ميادة...
انا ارسم لمجلة سعد من سنة 94 او 95 حتى الان.... وقد كنت اتابعها لفترات منذ صغري ايضا:)

اورانج رود... اي قصص تقصدين (زيادة)؟
Rewayah
19-12-2001, 11:49 PM
أخي شاهين, والله ما أقص عليك, ورب الكعبة المشرفة...
أنت راسم أجمل شخصية جمل شفتها في حياتي في كل الكوميك العربي بالوطن العربي !!

والله ومن دون مبالغة :) !!

ما شاء الله عليك !! تف تف تف !! دخنوه دخنوه :D !!
shaheen
20-12-2001, 12:29 AM
شكرا حبيبي رواية:)
Rewayah
20-12-2001, 09:57 AM
أتصدق شاهين :) !!
أنت مبدع في رسم الآكشن !!
خاطري أشوف مغامرات مستقبلاً من صنعك وتتحفنا فيها بأسلوبك الفذ -_^ !!

:)
mayadah
21-12-2001, 12:58 PM
يا شاهين هذا رسمك صح؟
shaheen
21-12-2001, 01:16 PM
اخت ميادة...
من وين جبتي هالرسمة القديمة؟؟؟؟
ههههههههه انا من زمان ماشفتهه

صح هذا رسمي بس صرت ما اعترف فيه
لانه قديم... والحين ابي اسوي شئ احسن انشاء الله
بس مثل ما يقولون اللي ماله اول اكيد ماله تالي:D
الخطاف
21-12-2001, 03:04 PM
هذا رائع ...
شاهين هذه الرسومات (الأكشن كما قال رواية) رائعة كما إنها قديمة فهذا يدل على أن مستواك في الرسم أصبح خارقاً.
و أيضا إلى mayadah هذه الصورة القديمة تدل على إهتمامك بالرسم :D
fatoom
25-12-2001, 10:20 PM
اهااااااااااااا كان قلبي حاس ...
انا قلت مافي غير شاهين ...هاي أسلوبك ...
روعه ... انا كنت أشتري المجله عشان رسمك ...
و أنت مب عاجبك ...:غضب:
مشاء الله مبدع ...
Noobsaibt
26-12-2001, 08:07 AM
الصراحة
أنت مبدع في الرسم نقدر أنقول منذ الصغر فما بالك الحين
عجبوني قصصك وايد
وعلى ما أعتقد أن عبود والله نسيت أسمه بطل لجريدة الايام
الي كان لبراعم أهوه من رسمك أليس كذلك:cool:
Dark Blue Soul
26-12-2001, 12:11 PM
shaheen ;) well done man
shaheen
27-12-2001, 12:17 AM
شكرا شباب على ارائكم المشجعة:)

بالنسبة لاخي نوب سايبوت...
انت لأنك من البحرين فانت تعرف شخصية بسوم الشقي وهي اول شخصية ارسم لها قصص.. وهي احب الشخصيات التي افتخر بها بالفعل:) لانها شخصية طفولية شقية ومن مجتمع بحريني اصيل. وقد رسمت قصصها في ملحق للاطفال باسم براعم الأيام تصدره جريدة الايام في البحرين سنة 1993.

وهذه صورة للشخصية.. بسوم الشقي!
wildkitty
18-07-2002, 05:26 PM
ههههههههههههههههههههه
لقيت مواضيع فله



يعيني يعيني شاهين


طلعت فنان كبير :D
هـداف
18-07-2002, 05:54 PM
شكرا ياشاهين على هذه القصص الممتعه.....;-)
shaheen
19-07-2002, 04:27 PM
شكرا لكما

فعلا ذكريات

كنت ارسم لمجلة سعد الكويتية:)
orange road
20-07-2002, 12:05 AM
شاهين :)

ما عندك بعد رسوم من ذيكي المرحلة...

انشاءالله نجوف رسوم اليديدة في مجلتك هالمرة وفي القريب العاجل :)
Summer_Heat
23-07-2002, 04:04 AM
الله على الابداع يا شاهين

بس انا عندي شي ابي اقوله .. مادام معظم اعضاء المنتدى ماحصلو المتنفس الحقيقي لمواهبهم ليش ماتحاولوون تقنعون جهه تدعمكم لانشاء مجلة مانجا عربيه؟ ماشاء الله في النتدى العديد من الرسامين المبدعين
و يجب استغلال هذه المواهب لديكم ..
RSSAM
23-07-2002, 08:12 PM
مشالله شاهين رسمك حلو في رسومات القصص والاطفال :)

شي جميل تسوي جذي قصص وايد حلو

وخلنا انشوف اخر اعمالك

وبالتوفيق
Nobody
23-07-2002, 08:27 PM
[

أنا معاك في الكلام إلي قلته يا أخ Summer_Heat ....

و أنا أويد الفكرة بشكل قوي جدا جدا....

ياي... لو تكون عندنا مانجى عربيه فعلا... تكون بمستوى المانجات اليابانيه...
و تنافسها بعد..
أدري يمكن زودته شوي ...بس ليش لا... خلي يكون عندنا أمل...
أنا أشجعكم...
صراحة في عندنا مواهب كثيره ما شاء الله... وهي قادرة تحقق ها شيء
شيء رائع...
أتمنى يكون حقيقه في يوم من الأيام;)
shaheen
23-07-2002, 09:08 PM
الرسالة الأصلية كتبت بواسطة Summer_Heat
الله على الابداع يا شاهين

بس انا عندي شي ابي اقوله .. مادام معظم اعضاء المنتدى ماحصلو المتنفس الحقيقي لمواهبهم ليش ماتحاولوون تقنعون جهه تدعمكم لانشاء مجلة مانجا عربيه؟ ماشاء الله في النتدى العديد من الرسامين المبدعين
و يجب استغلال هذه المواهب لديكم ..


ان شاء الله المتنفس قادم قريبا.. مجلة جديدة:) لقد بدأ العد التنازلي الان:)
orange road
24-07-2002, 11:41 PM
انشاءالله...

:o
Rewayah
24-07-2002, 11:54 PM
إن شاء الله.
بكل تفاءل يا خلود لازم! :p

...
... ؟؟؟
أعتقد في موضوعين لازم أرفعهم؟!؟! :أفكر:
hesham
25-07-2002, 03:43 AM
:واو: ماشاءالله عليك ماشاءالله عليك يا شاهين :واو:

الله يوفقك والى الأمام:)