المساعد الشخصي الرقمي

مشاهدة النسخة كاملة : ممكن مساعدة ((بخصوص الكرش))


Man msn
23-10-2007, 03:27 AM
السلام عليكم ورحمة الله وبركاته

عندي مشكلة صغيرة انا ضعيف بس عندي كرش صغير:D

اشلون اتخلص منه، ناس وايد يقولون سوي ضغط معدة

زين اذا بسوي ضغط معدة جم مرة اسوي؟ وكل يوم ولا يوم وترك؟

واذا عندكم صورة لعمل ضغط المعدة بصورة صحيحة ممكن تحطونها بالموضوع

ومشكورين والله يوفقكم:)
FinalFantasy9
23-10-2007, 04:25 AM
وعليكم السلام ورحمة الله وبركاته ..

نعم تمارين البطن بتساعد :] .. مثل ضغط المعدة مثل ماتفضلت .. والطريقة هي انك تستلقي على الارض وتثني رجلك , وتأكد ان يكون باطن القدم مستقيم مع الارض ومن ثم تضع يدينك خلف رأسك (او بالامام كعلامة X حيث يكون كل يد قريبه من الكتف , ولكن افضل انك تبدء بخلف الرأس بالوقت الحالي) .. ومن ثم ابدء بالضغط الى الاعلى ^ وليس الى الرجل :] .. وقم بالتركيز على البطن ولاتحرك الرقبة لانها ليست جزئاً من التمرين وقد تأثر على درجة اتقانك للتمرين ! .

وهذا فيديو ممكن يساعدك بالطريقة وانا شخصياً اتبعها لما اكون بالبيت ومو في الجيم ^__^ :-

TKg_cdwq9l4

الفرق بالجيم هو وجود الكراسي المريحه لمثل هذا التمرين والي تساعدك على الحصول على افضل وضعيه للحصول على اكثر افضل النتائج :] ..

عدد مرات التمرين حاول تخليها 20 لكل مجموعه .. واعمل 3 مجموعات .. يعني 3×20 ... وتقدر تبدء بشكل بسيط وترفع الى الـ 20 .. يعني تبدء 10×2 ثم 15×3 الى ان تصل للياقه الي تقدر فيها تعمل 3×20 باليوم .

++++++++

والتمرين الثاني (او الاول بالنسبة لي انا) هو كالتالي ..

تستلقي على الارض وتمسك بشيء ثقيل بالخلف وتقوم برفع الرجل بالكامل الى الاعلى قليلاً .. ومن ثم تقوم بتحريك الرجل الى الاعلى بسرعه , ومن ثم تقوم بإخفاضها وهكذا ... وايضاً تقوم بهذا التمرين لثلاثة جولات .. 20 لكل جولة .. 20×3 !! .

كما بهذا الفيديو !! ..

IOri5Tlm23c

ومع الوقت ماراح بس تحرق الكرش بل راح عضلات البطن (6 packs) بوضوح لمجرد تنفسك الهواء :] .

الحمد لله حصلت نفس التمارين الي تعلمتها من المدرب موجود في يوتيوب وهذا بيسهل الاستيعاب ان شاء الله ^_^ .. طبعاً هناك تمارين اخرى اقوم بها ولكنها تحتاج لادوات التمرين .. ولو تركز جهدك على هالتمرينين لمدة بسيطه راح تلاحظ الفرق بوضوح .

وشــــــــــ:yup::yup::yup::yup:ـــــــــــكراً
Man msn
23-10-2007, 06:25 AM
ماشاء الله عليك اخوي^^
مشكور كفيت ووفيت ماقصرت والله يعطيك العافية :)

كنت ابي اقيمك بس ما اعرف من وين :)

الله يوفقك اخوي بما يحبه ويرضاه^^
Man msn
12-11-2007, 10:28 PM
السلام عليكم
بعيد عنكم صرت مريض وقطعت الرياضة اسبوع للاسف :(

المهم بالنسبة لضغط المعدة سمعت انه مو كل يوم اسويه صج ولا لا؟ اذا صج كل جم يوم اسويه؟

وشكراً لكم :)
FinalFantasy9
13-11-2007, 02:48 PM
وعليكم السلام ورحمة الله وبركاته ..

الحمد لله على السلامه اخ ام اس ان .. وبالنسبة لعدد الايام فماتفرق .. اذا انت تحس بجهد عالي ممكن تريح العضله يوم وتبدء اليوم الي بعده ..

تمارينك هذي بسيطه وما اعتقد تحتاج راحه كبيرة لان مافيها جهد كبير على الجسم ... انا اعملها 5 ايام بالاسبوع وهي الايام الي اتمرن فيها .. سبت احد ثلاثاء اربعاء خميس .. ولكن ماتفرق معاي اذا زودت لاني في رمضان مثلاً كنت اعملها كل يوم تقريباً وماكانت عندي مشاكل كالاجهاد وغيرها .

وشــــــــــ:yup::yup::yup::yup:ـــــــــــكراً
Man msn
13-11-2007, 06:24 PM
الله يسلمك اخوي^^
شكراً لك اخوي على الرد بارك الله فيك :)
Man msn
14-11-2007, 06:18 AM
صح تذكرت شي بعد اذنك<<<<زودها :D

التزم باكل معين ولا لا، يعني ما اكل دهون ولا عادي اكل

لاني ضعيف يمكن اذا ما اكلت اختفي:09:

وشكرا لك:)
FinalFantasy9
14-11-2007, 12:44 PM
التزم باكل معين ولا لا، يعني ما اكل دهون ولا عادي اكل
لاني ضعيف يمكن اذا ما اكلت اختفي:09:ماعندي خبرة كبيرة عن النوعيات الي ممكن تأثر لاني مثلك ضعيف واكل كثر ما اقدر xD .. اقترح عليك تشوف مواضيع اخرى بالقسم عن الاطعمه ونوعياتها ..

انت لو تركز على تمارين البطن + تزود عليها المشي\جري , ماراح يضرك الاكل اذا انت مثلي من النوع الي يسمن بصعوبة ..

بس حاول تركز على الاكلات الجيدة البعيدة عن الدهون .. انا زودت وزني مع الحديد + التركيز على اكل الدجاج بشكل يومي والحمد لله النتائج راضي عنها وانا في طريقي لوزن 70 الي ابغيه ولا اعرف ما معنى كلمة "كرشـــة" :] << يعني ماعنده مو تفهم ان مايدري :09:.

وشــــــــــ:yup::yup::yup::yup:ـــــــــــكراً
Man msn
15-11-2007, 03:41 AM
اخوي صح انا مثلك اسمن بصعوبة :D
شكراً لك اخوي على النصائح تعبتك، الله يعطيك العافية :)
FinalFantasy9
15-11-2007, 06:13 PM
انا اعاني من مسألة الوزن مثلك xD .

بالتدريب احاول اوازن نسبة الدهون بالجسم لاني محتاجها في لرفع مستواي بشكل اسرع ولكني اخسرها بسهوله !! .. حالياً الدهون عندي نسبتها وصلت بين 8 و 10 وانا كان ودي اني اوقفها على 12 لين ما يرتفع وزني ومن ثم افقدها xD ..

العفو اخوي وانا بالخدمه بأي شي اقدر اقدمه :] .

وشــــــــــ:yup::yup::yup::yup:ـــــــــــكراً
Man msn
16-11-2007, 01:27 AM
شكراً لك اخوي على الرد :)

بخصوص اقيس نسبة الدهون اشلون؟ ((ماعليك ترى غشيم بهذه السوالف xD )) :)
FinalFantasy9
16-11-2007, 01:56 AM
بخصوص اقيس نسبة الدهون اشلون؟ ((ماعليك ترى غشيم بهذه السوالف xD ))ما اعرف اسم الجهاز صراحه ولكنه موجود في الاندية الرياضية وهو يقيس نسبة الدهون بالمقارنه مع وزن الجسم .

يعني ماراح تقدر تعرف بدونه xD .. لكن بشكل عام ترى الجهاز مايهمك كثير لانك ماتفرق معاك نسبة الدهون كثير لانك ماتتدرب حديد ^^ .

وشــــــــــ:yup::yup::yup::yup:ـــــــــــكراً
Man msn
16-11-2007, 09:53 PM
اوكي اخوي مشكور الله يعطيك العافية تعبتك معاي :)