هل صحيح أن الاكس بوكس 360 يخترب بنسبة 30% [الأرشيف]

hamadino

25-10-2007, 09:32 PM

السلام عليكم و روحمة الله
شباب يعطيكم العافيه بس انا ودي اشتري الاكس بوكس بس متردد يقولون انه يتعطل و يخترب و ماله تصليح و انا قريت هالشي بالجريدة الرسمية ؟
احد صار معاه هالشي ؟
ياليت تفيدوني رجاءن !!!

I KHALID X360 I

25-10-2007, 10:05 PM

الجهاز عليها ضمان 3 سنوات

ماعليك من كلامهم روح اشترها وانت مغمض

لانه نازل جهاز يديد اسمه فالكون والاليت

عاشق يوشي

25-10-2007, 11:42 PM

شوف اخوي انا جهازي ماكمل شهرين واخترب لوووول

بس شوف الاصدارات الجديدة او الاليت معني اتوقع تصيدهم الريد لايت للأسف الاكس بوكس 360 جهاز سريع التعطل لووول

عاشق 360

25-10-2007, 11:55 PM

لا مو صحيح

مع الاجهزه الجديده انسى الخراب وخصوصا عليه ضمان 3 سنوات يعني ماراح يخترب عليك لو شنو

GHOST 360

26-10-2007, 02:02 AM

لا مو صحيح

مع الاجهزه الجديده انسى الخراب وخصوصا عليه ضمان 3 سنوات يعني ماراح يخترب عليك لو شنو

كلام صحيح 100%

عاشق يوشي

26-10-2007, 02:22 AM

لا مو صحيح

مع الاجهزه الجديده انسى الخراب وخصوصا عليه ضمان 3 سنوات يعني ماراح يخترب عليك لو شنو

ما يمدح السوق إلا من ربح فيه:28:

hamadino

26-10-2007, 03:09 AM

والله الكلام يخرع بس اخووي يووشي شفيييك :)

البيكهام هام

26-10-2007, 04:10 AM

اخوي امس خرب علي الجهاز طلع ليت احمر تحت عاليمين:(بصلحه بس ماني فاضي له هاليومين;)

HMK_2002

26-10-2007, 04:13 AM

اخوي دعك من كلام عشاق الـ 360 لانهم ما بيقولوا الحقيقه .. كأن شرائك للجهاز تطلعلهم عموله

شف هذا الرابط

http://74.86.23.12/showthread.php?t=559236

وجب اخبارك الحقيقه والخيار الاخير لك

أرنوب قطر

26-10-2007, 04:21 AM

والله ياخوي ماقدر أقولك إنه إذا تقدر تكون واثق

تشتري جهاز ثاني اذا إخترب الأول آنا أقول اشتره لانه العابه كثيره

لكن ماضمنلك صراحه إنه الجهاز مايخرب آنا القديم خرب معاي والحين عندي نسخة

الإيلايت ومن فتره طلعو ناس يقولوون الإيلايت أيضا يخترب بس اللي عندي للحد الحين ماخترب

بس أرجو إنك تحافظ عليه إن خذيته عشان ماتطلعلك المبات الحمر الملغه

DARK PAST

26-10-2007, 06:20 AM

أسمع من مجرب...^^

اذا جاك الريد لايت مرة وحدة فبعد كل مرة تصلحة بيرجع يخرب عليك بعد فترة قصيرة...

والايليت نفس الشيء... مين يقول الايليت غير...؟

النسخة الي قلت فيها نسبة الخرابات هي الفالكون نسخة جديدة بمذر بورد مطور ومعالج ذو 65 نانو ذو حرارة اقل وكفائة افضل...

تيك كير...^^

أرنوب قطر

26-10-2007, 04:35 PM

واوا أكس

26-10-2007, 04:42 PM

طمن بالك الالييت مافي مشاكل
والنسخ الجديده من النسخ العاديه نفس الشي

مشاكل الريد لايت مثل مشاكل اي جهاز ثاني نزل في بدايته
مايكروسوفت قدرت تحل المشاكل بالاصدارات الجديده
واهم شي ركز على تاريخ التصنيع

مررسي

وتطمن ان شاء الله

حمود جيرمني

26-10-2007, 05:07 PM

ليلحين مافيه اي شي او موقع رسمي ذكر انه الاليت فيه ريد لايت

Tyler

26-10-2007, 05:31 PM

في ناس هنا أزعجتنا بمدة ضمان الجهاز .. عارفين انها 3 سنوات!!
بس 3 سنوات لأي نظام؟ الأوروبي ولا الأمريكي يا شطّار؟
الأوروبي "النظام المنبوذ عندكم".. واحتمال ما تحصّل بدول الخليج ضمان 3 سنوات للجهاز الأوروبي حتى لو رحت الوكالة بعد .

أحد فيكم جرّب الضمان "عاشق 360 و خالد" علشان تتفلسفون على الرجال انت وياه؟
الإكس بوكس لا يدعم جميع أنظمة الألعاب .. يعني مو Free Region
وأغلب الألعاب اللي بالسوق كلها NTSC وما تحصل ألعاب نظامها أوروبي "PAL" إلا بعد عناء طويل .. وأنا اعرف ناس يضطرون يطلبون ألعابهم من الخارج لتتوافق مع نظام الجهاز .

ويا صاحب الموضوع، اللي يقولك الجهاز ضمان 3 سنوات هذا ما همه يعجبك وترتاح فيه وبنظامه ولا لأ .. أهم شي عنده ان بيل قيتس يعطيه كم مليون ويرفع من أسهمه في مايكروسوفت. Bussines, you know!!

غير كذل أغلبية اللي نصحوك بالإليت في الموضوع -إذا ما كانوا كلهم- نظام أجهزتهم NTSC أمريكي. وكذلك الـElite نازل حتى الآن بنظام NTSC فقط. من سابع المستحيلات تحصل إليت ضمانه 3 سنوات.

!!END OF STORY

Mr.Chief

26-10-2007, 07:16 PM

غير كذل أغلبية اللي نصحوك بالإليت في الموضوع -إذا ما كانوا كلهم- نظام أجهزتهم NTSC أمريكي. وكذلك الـElite نازل حتى الآن بنظام NTSC فقط. من سابع المستحيلات تحصل إليت ضمانه 3 سنوات.

الاليت نزل بنظام بال عدنا في الخليج وفي دبي " معرض جايتكس " وباع 7000 جهاز في اول يوم بالمعرض

وقبله ب11 يوم " 25/8 " نزل في بريطانيا و تصدر الاكس 360 المبيعات لمدة شهر بسبب الاليت

الأوروبي "النظام المنبوذ عندكم".. واحتمال ما تحصّل بدول الخليج ضمان 3 سنوات للجهاز الأوروبي حتى لو رحت الوكالة بعد

اتصل بالرقم المجاني وبيأكد لك ان الضمان 3 سنوات

عاشق 360

26-10-2007, 07:37 PM

أحد فيكم جرّب الضمان "عاشق 360 و خالد" علشان تتفلسفون على الرجال انت وياه؟

;) ماجربناه بس في ناس غيرنا جربوه

لان بكل بساطه اجهزتنا ماخربت

الايليت والفالكون نادر جدا جدا الخراب لهم

يعني معظم الاجهزه سليمه وماراح تخترب

والضمان على الاكس بوكس 360 بكل نظاماته

ويا صاحب الموضوع، اللي يقولك الجهاز ضمان 3 سنوات هذا ما همه يعجبك وترتاح فيه وبنظامه ولا لأ .. أهم شي عنده ان بيل قيتس يعطيه كم مليون ويرفع من أسهمه في مايكروسوفت. Bussines, you know!!

خخخ اعرف ان االخدمه خيالييه لانها من مايكروسوفت

اوكي اتصل على الرقم المجاني واسئلهم بنفسك

او روح على www.xbox.com (http://www.xbox.com)

او www.microsoft.com (http://www.microsoft.com)

وتواصل معاهم وقولهم جهازك خربان راح يرسلون لك صندوق لي حد بتكم تحط جهازك فيه ويصلحونه بالمجاااان

عاشق يوشي

26-10-2007, 08:05 PM

والله الكلام يخرع بس اخووي يووشي شفيييك :)

مافيني شيء وانا اخوك :D

انا عن نفسي ماراح اصدق اي كلام احد من الاعضاء لأن الكل يمدح الجهاز بسب التعصب انا مااقول هالكلام من كرهي للأكس بوكس لا بالعكس انا من اشد المعجبين بالجهاز وناوي اشتري جهاز قريب ;)

عاشق 360

26-10-2007, 08:12 PM

انا عن نفسي ماراح اصدق اي كلام احد من الاعضاء لأن الكل يمدح الجهاز بسب التعصب انا مااقول هالكلام من كرهي للأكس بوكس لا بالعكس انا من اشد المعجبين بالجهاز وناوي اشتري جهاز قريب ;)

وانا معاك في هاي الشي مو لازم تصدقنا

بس موجوده المواقع فوق تقدر تتأكد منها وهي مواقع رسميه

واوا أكس

26-10-2007, 08:14 PM

عاشق يوشي
نفس مافي ناس متعصبين للاكس بوكس ومايقولون الصج في بعد ناس متعصبين لأجهزه ثانيه تلقاهم يطلعون اشاعات :ponder:

SUPER HUNTER

26-10-2007, 08:18 PM

صديقي لديه اكس بوكس 360 وتعبان مع الجهاز خراااابته كثييررة
الله يعيينه ويعيين جميع المسلمين انشاء الله :)

Tyler

26-10-2007, 09:25 PM

Mr.Chief

إذا كذا اجل شي طيب .. نقدر نقول في تطور .. الإكس بوكس نازل بنظام PAL عندكم في الإمــــــــــــــارات.
لا تظن أن كل الوكلاء في دول الخليج مثل الوكيل اللي عندكم في الإمارات .. دبي على وجه الخصوص، إرفع راسك انت إماراتي. والله صحيح اتكلم جد.

حنا عندنا نصب × نصب ، وأكرر : مــســتـحيـل تلقى الجهاز بضمان ثلاث سنوات عند كل الوكلاء الرسميين، تضطر تطلبه من الخارج، واسئلوا فارس.

إلى FARES360: يالغالي، الغانم عندنا بكم يبيع الإليت؟ وكفالته؟ "هذا إذا كان عندهم إليت أساساً".

عاشق 360

ههههههههههههه. ياخي انت مريض.
بالله انا اقعد اتواصل مع مايكروسوفت امريكا كل ما خرب جهازي يرسلون لي صندوق احط فيه الجهاز وانتظر متى يصلحونه؟؟ وبعدين لا تسوي نفسك فهيم .. إنصح الرجال بشيء يستفيد منه، وإذا مثل ما تقول جميع الأنظمة عليها ضمان 3 سنوات فتكلم عن دولتك وأمريكا فقط. أما هنا بـــح .. ما في ضمان أكثر من سنة!!

Gentleman

26-10-2007, 09:33 PM

وعليكم السلام ورحمة الله وبركاته ..

بصراحة ما املك الجهاز ..

لكن أعتقد أنه لو وضعت الجهاز في مكان مرتفع عن الأرض عشان ما يوصله الغبار ..

وحافظت عليه من الحرارة ولي سببها اللعب لعدة ساعات متواصلة في الجهاز .. ان شاء الله ما راح تكون هناك أي مشكلة ..

وشكرا ..

عاشق 360

26-10-2007, 10:30 PM

حنا عندنا نصب × نصب ، وأكرر : مــســتـحيـل تلقى الجهاز بضمان ثلاث سنوات عند كل الوكلاء الرسميين، تضطر تطلبه من الخارج، واسئلوا فارس.

ليش مستحيل ممكن افهم ؟؟

ههههههههههههه. ياخي انت مريض.
بالله انا اقعد اتواصل مع مايكروسوفت امريكا كل ما خرب جهازي يرسلون لي صندوق احط فيه الجهاز وانتظر متى يصلحونه؟؟ وبعدين لا تسوي نفسك فهيم .. إنصح الرجال بشيء يستفيد منه، وإذا مثل ما تقول جميع الأنظمة عليها ضمان 3 سنوات فتكلم عن دولتك وأمريكا فقط. أما هنا بـــح .. ما في ضمان أكثر من سنة!!

انا مو فهيم انا اقول الي اعرفه

هاي الخدمه الي مايكروسوفت قالت عنها مو انا جبتها من عندي !!! وهي شامله الدول الي فيها وكالة لمايكروسوفت مثل السعوديه والامارات

واعتقد انها لكل العالم بس مو متأكد

بعدين ترى عادي الضمان 3 سنوات وومو معقوله كل شهر جهازك بيخترب هذا لو فرضنا انه قديم

لان النسخ الجديده انمسحت معاها المشكله ......

Tyler

26-10-2007, 10:46 PM

^
^
أنت رحت بعييييد ، الظاهر كلامي انفهم غلط .
عموماً .. حصل خير ،

ولمعلوماتك يا عاشق، لو أقعد مني للسنة الجاية أفهمك منطق: "كيف توازن حبك لشيء بحيث لا يطغى حبّه عليك" ما راح تفهم الظاهر، ولائك للجهاز اللي تملكه أعمى بصيرتك ...

ولا تنسوا تقارونوا جرافيكس Gears of War بـ Heavenly Sword أنت و Mr.Chief بكل موضوع .. ما اوصيكم تحاربوا التعصب أوكي؟!

!!I don't know why am i even bothering myself and posting right here, HELL I'm LEAVING this place for good

فل اوبشن

26-10-2007, 10:50 PM

انا عن نفسي لازم اكرف الجهاز ولا اخترب على بس من ناحيت اشرطة البال متوافره عندنا

عاشق 360

26-10-2007, 10:59 PM

Tyler

26-10-2007, 11:02 PM

يعني انت الحين مو ومتعصب !!!

لاتعليق ........:)

http://img146.imageshack.us/img146/8026/25r30wigm0.gif

عاشق 360

26-10-2007, 11:08 PM

^^

اخاف ارد ويصير خلاف كبير

خلنا على ما احنا عليه احسن

Tyler

26-10-2007, 11:14 PM

^
^
أهم شي لا تزعل ولا تاخذ بخاطرك رجاءاً ..

عاشق 360

26-10-2007, 11:17 PM

أهم شي لا تزعل ولا تاخذ بخاطرك رجاءاً ..

لا طبعا راحت ولا يات كلها اجهزه

hamadino

26-10-2007, 11:42 PM

والله مادري شقول خرعتوني انا لو بيدي اخذه لان صراحة الاشرطة اللي عليه مو طبيعية و جميلة جدا بس خوفك من الريد لايت يوهقني والله مادري شسوي ؟
احد عنده خبر جم سعر الاكس بوكس بالكويت ؟

أرنوب قطر

27-10-2007, 04:35 AM

إذا كذا اجل شي طيب .. نقدر نقول في تطور .. الإكس بوكس نازل بنظام PAL عندكم في الإمــــــــــــــارات.
لا تظن أن كل الوكلاء في دول الخليج مثل الوكيل اللي عندكم في الإمارات .. دبي على وجه الخصوص، إرفع راسك انت إماراتي. والله صحيح اتكلم جد.

حنا عندنا نصب × نصب ، وأكرر : مــســتـحيـل تلقى الجهاز بضمان ثلاث سنوات عند كل الوكلاء الرسميين، تضطر تطلبه من الخارج، واسئلوا فارس.

مش لازم تسأل فارس إحنا عندنا في قطر

مافي ضمان بس تعال وخذ ولا سعره 2700 آنا شاريه من فتره بسيطه من شهرين تقريبا او اقل

وسعره كان 2850 ريال ماعليه هذا الضمان اللي يتكلمون عنه

والله إني خايف بس لايصيده شي الإيلايت اللي عندي عاد إنتو ياكثر كلامكم عنه والله تخوفون الواحد

hamadino

27-10-2007, 05:58 AM

بالكويت العادي جم سعره ؟

عاشق 360

27-10-2007, 08:31 AM

مش لازم تسأل فارس إحنا عندنا في قطر

مافي ضمان بس تعال وخذ ولا سعره 2700 آنا شاريه من فتره بسيطه من شهرين تقريبا او اقل

وسعره كان 2850 ريال ماعليه هذا الضمان اللي يتكلمون عنه

والله إني خايف بس لايصيده شي الإيلايت اللي عندي عاد إنتو ياكثر كلامكم عنه والله تخوفون الواحد

شلوون مافيه ضماااااااااااااااان !!

يا اخي الضمان من شركة مايكروسوت نفسها !

اذا كان الجهاز معدل (( يشغل كوبي )) الضمان يروح من الشركه ويبقى ضمان المحل هذا اذا عليه

اما اذا كان غير معدل ويشغل اصلي فقط فله ضمان من شركة مايكروسوفت 3 سنوات

واوا أكس

27-10-2007, 09:36 AM

أرنوب في ضمان عندنا روح مكتبة جرير ولا فيرجن ميجا ستور وهالاماكن بتلقى الضمان 3 سنوات
وبعد بكارفور رفيجي شاف وحده مكتوب عليها ضمان سنه كامله بالعربي

يعني الشغله مضمونه 100 %

ولصاحب الموضوع توكل على الله وخذ الجهاز اذا بتسمع كلام الاعضاء عمرك ماراح تشتري الاكس بوكس صدقني الجهاز مايتطوف وحاليا هو الاقضل
.. اذا بتاخذ الاليت ماراح يصيده شي ان شاء الله
اما النسخ العاديه اهم شي بس تأكد من تاريخ التصنيع من ورا الجهاز يعني خذ 2007 وطالع

وبس

حمود جيرمني

27-10-2007, 11:42 AM

سعر الاكس بوكس بكارفور ممتاز
120 دينار مع لعبة فورزا وضمان مده سنه

ERGO PROXY

27-10-2007, 11:45 AM

انا بصراحه احب شي اسمه 360 بس راح اتكلم بصراحه
انا املك جهاز 360 والحمدلله انه لي الحين ماصار فيه اي شي والجهاز بصراحه روعه
والعابه كل وحده احله من الثانيه وانصحك انك تلقي نظره عليه
بس المشكله انه 5 من الي اعرفهم حاشهم الديث رينق
وبصراحه عشان ما اجذب عليك مارحمهم
حته انه التصليح مافادهم بشي بالعكس ضر الجهاز اكثر
واذا كلش كلش تصلح الجهاز واخترب باليوم الثاني
بس من ناحيت الايليت لي الحين مافي اي واحد حاشه الديث رينق
فانا انصحك اذا تبي تاخذ اخذ الايليت او انك تاخذ من الدفعه الجديده
لانه كل الي اخترب جهازهم ماخذينه اول ما نزل تقريبا
ومعروف انه الاجهزه في اول ايامها ماتكون جودتها عاليه
مو بس ال360 حته الوي والبلاي ستيشن 3
الوي حاشتهه فتره انه اذا سويتله اب ديت من النت يحترق الجهاز ويخترب عليك
والبلاي ستيشن 3 واحد من ربعي اول ماشره الجهاز
كان يطفي بروحه فضطر يبدله لانه صارت فيه باول يوم
افضل شي انك تنتظر الدفعه الثانيه من الاجهزه

مشكورين
وسوري عله كثرت الكلام

Xbox 360 hd

27-10-2007, 02:23 PM

ياعمي خذه وانتا متطمن بس اهم شي لاتحط الجهاز على الارض وخليه بعيد عن الغبار وحط له مروحة

واللحين الحمد لله في الامارات والسعودي اجهزة مضمونة 100 % وعليها 3 سنوات ضمان للايليت والعادي

والاشرطة على ما اعتقد متوفرة مثل الامريكي الحمد لله

وسيبك من كلام الشباب اللي يخوفونك من الجهاز

الحمد لله انشاء الله في نهاية ذي الحجة رح يكمل الجهاز سنة بدون اي مشكلة ما عادا انه تبند من الكوبي <<< قولوا مشاء الله

هذا ايميلي لو تبي اي استفسار

Hanoode-100@hotmail.com

لك تحياتي

hamadino

27-10-2007, 04:02 PM

والله كلامكم طييب :)
شكلي باخذه من فيرجن

انزين اي نسخة اخذ لانه مو فري ريجين اوروبي ولا امريكي

Xbox 360 hd

27-10-2007, 04:13 PM

والله كلامكم طييب :)
شكلي باخذه من فيرجن

انزين اي نسخة اخذ لانه مو فري ريجين اوروبي ولا امريكي

الاوربي عليه ضمان 3 سنوات ويشغل اغلب الالعاب الامريكية بس كم لعبة تنزل اوربي يمدك تشتريهم
اشرطته كثير نفس الامريكية

الامريكي للاسف ععندنا باسعار فلكية وكمان بدون ضمان

الاشرطة متوفرة بكثرة عند المحلات بس ما اضمن مستقبلا انهم رح يتخلون عن الامريكي ويجيبون اوربي

بالعربي الاوربي انا اقول احسن لانه بضمان ويشغل العاب كثير

الحمد لله نزل برنامج يحول الريجون من امريكي لاوربي والعكس

hamadino

27-10-2007, 07:06 PM

اي والله هالبرنامج راح يفيد واييد
يعطيييك العافيه ولد عمي :)

graphics style

27-10-2007, 10:45 PM

لأ مو 30 % ,, نسبة الخراب 95%

محترف حب 1

27-10-2007, 11:12 PM

الحمد لله نزل برنامج يحول الريجون من امريكي لاوربي والعكس

أنت متأكد من كلامك
إذا كان صحيح البرنامج لو أمكن

يعني أقدر أحول PES 2008 الى أمريكي

عاشق 360

27-10-2007, 11:15 PM

يعني أقدر أحول PES 2008 الى أمريكي

لا مو تحول اللعبه

تحول نضام الاكس بوكس بكبره اعتقد

عاشق يوشي

28-10-2007, 12:34 AM

لأ مو 30 % ,, نسبة الخراب 95%

هههههههههه

بس غريبة عضو مميز في منتدى الاكس بوكس 360 يقول هالكلام :33:

شكلك متعقد من الاكس بوكس 360 نفسي :D

hamadino

28-10-2007, 02:28 AM

لأ مو 30 % ,, نسبة الخراب 95%
اووووووووووووووووووووووووووووووووووووووله يعني الموت المحتم تعددت الاسباب و الريد لايت واحد !!!!!!
الله يكون بالعون عااد انا بشتريه بفلووسي الخاصة محد من خواني بيساعدني :02:

محترف حب 1

28-10-2007, 04:13 AM

هههههههههه

بس غريبة عضو مميز في منتدى الاكس بوكس 360 يقول هالكلام :33:

شكلك متعقد من الاكس بوكس 360 نفسي :D

وأنت صدقت على طول

الرجال واضح أنه قالها من باب المزح

ايوب الحسن

28-10-2007, 09:33 AM

والله انه بقولك شي ومختصر ::

خراب الجهاز يعتمد على اللاعب نفسه ... اذا اهو دثوي الجهاز يخترب عنده بسرعة .... واذا كان الشخص يحافظ عليه ماراح يخترب....

ومع الاسف بعض الاعضاء يلعب بالجهاز 24 ساعة من غير رحمة وهالشي خطأ طبعا .... ومعروف لكل جهاز بالعالم لازم يرتاح شوي ....

وانه شريت الجهاز من اول ماطلع بعده 6 اشهر تقريبا ويمكن اكثر بشوي .... وليلحين ماخترب ماشاء الله عليه ....
ليش لانني احافظ عليه وما احمله فوق طاقته ....

ليش .. مستعجل انك تنهي اللعبة بسرعة ؟؟ تبي اتدش اللايف ؟؟ مو مشكلة لكن مو معناته تقعد 8 ساعات متواصلة ومشغل الجهاز ....

ارجو اني وضحت لك هالنقطة .... وبالنهاية القرار قرارك ....

وارجو من الاخوان انهم مايطلعون بره الموضوع ... لان صاحب الموضوع سئل سؤال والحبايب قلبوها هوشة ... مادري ليش !!!!

عاشق يوشي

28-10-2007, 03:01 PM

وأنت صدقت على طول

الرجال واضح أنه قالها من باب المزح

وانت شدراك انه يمزح :33:

hamadino

28-10-2007, 06:10 PM

والله يا شباب شكلي حولت سوني 3 وايد احسنلي لا ريجون ولا ريد لايت
و كفاية الدوري الياباني و جراند توريسمو و ميتل غير

hamadino

29-10-2007, 07:58 PM

شباب بس شريت سوني 3 وداعا اكس بوكس و الديث ريد لايت !!!!
الموضوه مغلق :)

NGC

29-10-2007, 08:21 PM

شباب بس شريت سوني 3 وداعا اكس بوكس و الديث ريد لايت !!!!
الموضوه مغلق :)

مبروك :)

أي موديل شريت ؟ ومن أي محل ؟ وبكم شريته ؟

hamadino

30-10-2007, 12:14 AM

شريت 60 ياباني من جيم سنتر ب 165
بس كرتون و دوري ياباني :) شاريه عشانه

GHOST 360

31-10-2007, 02:56 PM

شباب بس شريت سوني 3 وداعا اكس بوكس و الديث ريد لايت !!!!
الموضوه مغلق :)

مراقب يديد مبرووووك
:party::party:
:marchmellow::marchmellow::marchmellow::marchmellow:
:AR15firing::AR15firing::AR15firing::AR15firing::AR15firing: