انا بطلع من الدراسة وابي رايكم

[أبواب السلام]

انا قررت اني اطلع من الدراسة انا في ثاني ثانوي علمي لقيت ان الدراس وجع راس وقلت خلني اطلع واتوضف في احد المقاهي ب 800 ريال في الشهر + اصمم منتديات بفلوس فراح اقل شي احصل على 3000 في الشهر ابي رايكم وش الافضل المقهى + 3000 او الدراسة ووجع الراس
؟؟؟؟؟؟؟


ارجو الرد في اسرع وقت

[NeDVeD]

لالا هذا و لا هذا

الافضل تقشر بطاطا !!

اي مقهى و اي تصميم منتديات يا الحبيب

الثانويه الحين ما تسوى شي ... و تقول لي اعداديه

اقول اترك عنك هالخرابيط ... لكن انا احس انك تستهبل و انت تكتب هذا الموضوع

[سامي.خ]

الافضل تقشر بطاطا !!
لا، يقطع سلطة أفضل


الثانويه الحين ما تسوى شي ... و تقول لي اعداديه
حتى الدبلوم يالله يالله تلاقي لك شيء محترم

إلي أعرفه وسوى مثلك آخرتها دخل العسكرية أيام كانت العسكرية تقبل الإعدادية

إسمحلي اقولك ان هذا مو طموح، ما ادري من غسل مخك بالطريقة هذي
انت تقدر تمارس شغلة المنتديات في ايام إجازة الأسبوع، إذا بتقولي ما يمديني ويبغالها تفرغ، انا اقولك نظم وقتك وتشوف، راح تلاقي وقت ضايع
حاول انك تسيطر على الروح الشريرة إلي خلتك تفكر كذا
مهما كانت الدراسة صعبة، تراها مهمة، وإذا كبرت راح تتذكر كلامي زين

[باز يطير]

ما شاء الله تبارك الله

سؤال وجيه

الشغلة بالمزاج هي والا ايه؟


لو عندك وراعين بتأكلهم بـ800 ريال

وش الي يضمنك تجيب 3000 ريال في الشهر؟

كمان مستشيرنا وش الافضل

سلام

[Dr.GaMes]

اقول انتبة لنفسك وخلك بدراستك احسن

800ريال وش تسوي؟!!!!!!!

حتى تصميم المواقع من يضمن 3000 الاف طول العمر!!!

اترك عنك وكمل تعليمك مابقى عليك شي

[DeadLy_]

فكر في عيالك و مستقبلك, 3000 ريال ما تسوي شيء هالايام اذا كنت متزوج.. فما بالك في المستقبل؟ بتعيش طول حياتك على هالخط الأحمر.. لدرجة إنك بتكون مفلس و تقرض ديون من الأخرين صدقني.
الله يهيدنا أجمعين

[سامي.خ]

صحيح فيه نقطة مهمة ذكروها الإخوان
انت تشوف ان 800 تكفيك لأنك بتحسب انك بتعيش مع ابوك طول عمرك
إسأل واحد عزوبي يدرس في جامعة ولا كلية ويستلم 990 ريال شهرياً هل تكفيه ولا لا
غير كذا زي ما قالو الإخوان إذا تزوجت وصار عندك عيال كيف بتعيشهم؟
وكمان إحتمال أبوك يمر بأزمة مالية لا قدر الله كيف بتتصرف؟

إلى الآن محد موافقك الرأي، هذا يعني انك غلطان

[.AJ.]

اوكي انت تتكلم عن 800 ريال مضمونه
و 300 ريال غير مضمون
أجمالي المبلغ 3800 مبلغ صراحه حلو لو كانت عايش لوحدك

لكن اذا نويت للحظه انك تكون عائله راح يكلفك ديون كثيره خلي يف بالك تصميم المواقع والمنتديات لا يحتاج سنين طويله لتعلمها
يعني احتمال ان احد يطلب منك تصميم منتدى ضيئل لكثره المصممين

اخوي نصيحه وحده خلك في الدراسه افضل لمستقبلك اذا همك فلوسك اليوم الى الثلاث او اربع سنوات الجايه
فتوقع معناتك خلال 30 سنه تتلوها

[هاوي الليالي]

يارجال حتى 3000 ريال ماتسوي شي
أنت تدري كم كيس الرز الحين ؟؟؟ >>>> وش دخل هذا ؟؟

والله جد شوف مستقبلك على الاقل الشهادة سلاح

وبكيفك

[eob717]

انا قررت اني اطلع من الدراسة

خطأ راح تندم عليه طول حياتك .. أي يعني نقطة " سوداء " :)

[C O N A N]

اترك الافكار العبيطه هذي
مقهى و وتصميم منتديات هذي كلها ما تأكل عيش
3000 ريال وش تسوي !؟
إذا تبي وظيفه محترمه و راتب قوي , كمل دراستك

[XORO]

انا مع بقية الاخوة

كمل دراستك والله يوفقك

صدقني انك بتندم بعد ما تتخرج على انك فكرت انك تترك الدراسة

[أبواب السلام]

اها فعلا معاكم حق مادري ويش الي خلاني افكر كذا اعوذ بالله من الشيطان 3من الفصل طلعوا وانا كنت باسوي زيهم

لا لا فعلا الدراسة اهم ماراح اطلع منها

ومشكورين اخواني على النصايح

الله يرحم والديكم

الف شكر ^^

[سامي.خ]

الحمد لله انك رجعت لعقلك وتعوذت من الشيطان
وهذا درس لك ولكل من يفكر بهذا الشيء

سلام

[Son_OF_Liberty]

متذمر من الدراسه وانت بالثانويه؟
اجل كيف اذا دخلت الجامعه؟

[NeDVeD]

يا سلام عليك

ايوه هذا الكلام الصح

و الحمد الله انك رجعت للصواب

و كمل جميلك و انصح اصحابك الـ 3 اللي طلعوا

الله يهديهم

[احـبــه حـيــل]

شكلك تستهبل

زين انك رجعت عن كلامك

[سامي.خ]

الحمد لله
الظاهر تأثير الحشيش راح ورجعت لصوابك
أما الثلاثة الباقين الله يخلف عليهم، مصيرهم سكيوريتي براتب 1000