COD4 في الكويت

[q8pro]

السلام عليكم

نزلت امس في السوق لعبة cod4 في الفروانية والرحاب
انا شريتها سعرها 20 من الرحاب
جيم ستيشن ماجابها الى الان
باقي المحلات متوفره
مع اني شريتها في وقت متاخر قلت يمكن يستغلون الامر هذا وماتوقع انه بيقول لي 20


وماني عارف شنو السر انه الالعاب تنزل بسرعه في الكويت

وشكرا

[ABATCHy]

اخوي مافيها سر ولا شي الالعاب تنزل تقريبا لجميع المحلات الي عندهم رخصة محل في الكويت يروح امريكا واوربا قبلها بجم يوم من موعد النزول الرسمي علشان يمديهم يجهزون الكمية وفي اليوم المحدد ينزلونها كلهم في نفس الوقت بس بالكويت السالفة فوضا يروحلك واحد عنده رخصة محل العاب واييبلك كمية ويوعدهم انه ينشرها في الوقت المحدد واول ما اييبها الكويت ينزلها بالسوق ويبيعها على السعر الي يبيه علما بأنه السعر 20 يعتبر غالي لأنه تكلف عليهم اقل من هالمبلغ ولازم المحلات يبوعونها بسعر 18 دينار لأنه جملتها ب15دينار او اقل يعتمد على الكمية الي يشتريها واي شركة واللعبة شنو بس شنو نقول المحلات الي بالكويت حرامية واحنا الي ماكلينها الله يعوضنا

بذمتكم يا ناس اذا لعبة
Need For Speed Carbon (http://www.amazon.com/Electronic-Arts-15275-Speed-Carbon/dp/B000JHMJDA/ref=sr_1_31/002-9654211-7200065?ie=UTF8&s=videogames&qid=1194046061&sr=1-31)
تنباع على 18 بالكويت وبالنت قيمتها + التوصيل = 12ونص
لعبة Untold Legends: Dark Kingdom (http://www.amazon.com/Sony-15782981-Untold-Legends-Kingdom/dp/B000HCJD68/ref=sr_1_51/002-9654211-7200065?ie=UTF8&s=videogames&qid=1194046357&sr=1-51) سعرها مع التوصيل 10 وبالكويت ب18
لعبة The Godfather The Don's Edition (http://www.amazon.com/The-Godfather-Dons-Edition/dp/B000MF8AV4/ref=sr_1_53/002-9654211-7200065?ie=UTF8&s=videogames&qid=1194046357&sr=1-53) ب11ونص مع التوصيل بالكويت 18
لعبة NBA Street Homecourt (http://www.amazon.com/Electronic-Arts-NBA-Street-Homecourt/dp/B000MAFXRS/ref=sr_1_62/002-9654211-7200065?ie=UTF8&s=videogames&qid=1194046713&sr=1-62) ب11ونص مع التوصيل بالكويت 18
لعبة Harry Potter and the Order of the Phoenix (http://www.amazon.com/Electronic-Arts-15438-Potter-Phoenix/dp/B000O5NE3G/ref=sr_1_65/002-9654211-7200065?ie=UTF8&s=videogames&qid=1194046713&sr=1-65) ب11ونص مع التوصيل بالكويت 18
لعبة Spider-Man 3 (http://www.amazon.com/Activision-ACTI9-Spider-Man-3/dp/B000NJFMFQ/ref=sr_1_68/002-9654211-7200065?ie=UTF8&s=videogames&qid=1194046713&sr=1-68) ب11ونص مع التوصيل بالكويت 18
وصراحى اقواهم والي احسه حرامية صج هذا
لعبة Enchanted Arms (http://www.amazon.com/UBI-Soft-Enchanted-Arms/dp/B000ME07W0/ref=sr_1_70/002-9654211-7200065?ie=UTF8&s=videogames&qid=1194046713&sr=1-70) ب8ونص مع التوصيل وبالكوت 18 حرامية صج

طبعا حطو في بالكم شغلة اهي انه الالعاب توصيلها 2ونص فقط والالعاب اسعارها بالسوق جذي وتجار الجملة لهم سعر خاص شوفو شكثر احنا مظلومين وبايقينا والعاب وايد اسعار مع التوصيل ما يتعدى 12دينار واسعارهم بالكويت 18 دينار شوفو موقع امزون وبتعرفون

[commmaando]

20 دينار نوعا ما سعر عادل للألعاب الجديدة أنا أطلب من الأمازون وتطلع علي سعر اللعبة 17.5 بدون الشحن والشحن دينارين ونص مثل ما قلت يعني لو أشتريها من هني أسرع لأنه قاع ينزلونها قبل التاريخ الرسمي للأصدار وراح تطلع علي نفس التكلفة .

[q8pro]

السلام عليكم

الحين عرفت شنو السر
اي والله انهم نصايبين
بس مابيد حيلة

[No `AnGel]

نفس حالة PES08 ..
على حسب كلام سنيك .. يقولك ان PES08 نزلت في الكويت قبل اوروبا
وفي واحد من الأجانب كتب انه شاف اللعبة بالكويت قبل ما تنزل في اوروبا

anyway .. الحين إلي يسوا وإلي ما يسوى جالس ينصب على الناس ..
بس وش نسوي .. لا كانت حاجتك عنده ~.~ّ ..

[q8pro]

مو بس في اوربا
في كل دول العالم تقريبا
مواقع اجنبيه ذكرتها

[هنتر فور ايفر]

ليش دائما الالعاب TOP تنزل في الخليج قبل العالم كله .. والله اليوم عمل لفه في كل المحلات في مدينه ليدن و كلهم قالو لي انها راح تنزل يوم ... 9/11 ..كمان عمل بحث شامل في جميع مواقع التورنيت من شان انزلها من النت و ما حصلتها

طيب يا اخوان نسخه PC متئ تنزل وهل هناك موقع تورينت ممكن احصلها فيها ..

[حمود جيرمني]

شباب شدعوه لعبه بهذي القوه محد شراها على جهاز ps3 ??
نبي انطباعكم عن اللعبه وخصوصا الاون لاين ؟؟ !!

[FARES360]

حمود جيرمي لووول ..اسرع ناس في شراء الألعاب الأصليه بالمنتدى هم لاعبين ال360 في قسمنا
وحتى الأسرع في ألأنطباعات لوول .. المهم سويت تصويت حق اللعبة الي حاب يشارك ويانا يتفضل

http://www.montada.com/showthread.php?t=561358