المساعد الشخصي الرقمي

مشاهدة النسخة كاملة : COD4 !؟


FARES360
03-11-2007, 07:55 PM
الحين الكل يعرف سالفة القرآن باللعبة من كثر ما انتشرت في المنتديات العربيه ..
والبعض يقول مافيها ايات مع انه الصوره تبين !؟ وواحد يقول انفينيتي مسحوا شالو الأيات من اللعبة
واللعبة نزلت الحين عندنا ..المهم! , حبيت اسوي تصويت منو فيكم بيشتريها؟ رغم الأنتقادات والأعتقادات والأشاعات والتحليل والتحريم ....
فوق المستحيل
03-11-2007, 08:06 PM
اللعبه جميله وفي ناس قالوا مافيها ايات كلش وفي ناس قالوا ايه وحده..واعتقد مافيها اساءه

بل هو نقل الواقع كما هو

بالتالي نسأل

هل الذين كتبوا الايات على الجدران بالعراق او غيرها من الدول العربيه..اساؤوا للقرءان وللاسلام ؟

لم يقل احد انهم اساؤوا

فلماذا تتجه الانظار على اللعبه فقط وتتهمها انها اساءه ؟
rare games
03-11-2007, 08:12 PM
ولله متردد للحين اولا بسبب الشبهه من حيث الايات وجودها من عدمها ثانيا لا افضل العاب الشوتر لكن اللعبه هذي شدت انتباهي بسبب وقوع الاحداث بالعالم العربي
GHOST 360
03-11-2007, 10:00 PM
السلام عليكم ..
فارس انت كاتب في الخيارات.. اكيد بس
ليس ما تتكتب اكيد ان شاء الله الواحد ما يعرف عمره ..

انا بالنسبال إن شاء الله بشتريها ..
وبعدين وجود الايات القرانيه ما اعتقد ان يكون فيها اسائه
محـ ss uae ـمد
03-11-2007, 11:28 PM
السلام عليكم ورحمة الله وبركاته

اخواني انا اشتريت Call Of Duty 4 على ال PS3 والصراحه اللعبه خياليه لأبعد الحدود

واقعية بشكل مو طبيعي وجرافيكس ماشفت اقوى منه فعلا لعبه متعوب عليها

بالنسبة للي شاك انه اللعبه تسيء للإسلام فأحب اقول انه اللعبه مافيها ولا شي يسيء للإسلام من جميع النواحي .. قصة اللعبه تتكلم عن تهريب اسلحه نوويه من روسيا الى العراق وهي صفقه تتم بين شخصيات هامه عراقيه وروسيه .. احداث القصه بالعراق وروسيا

اللعبه احداثها لا بالسعودية ولا بمصر ولكن مصممين اللعبه يستعينون بالكلام المكتوب فقط لأنه مجرد كلام عربي ويبون يضيفون الطابع العربي على اللعبه .. يعني في كلمات باللعبه مالها علاقه بشي مثل مغليّة صغيرة و كاتبين ( وحدانية ) لووووووووول

فممكن انه الكلام المكتوب جزء منه اختاروه المصممين عشوائي والنص الثاني مترجمين او استعانوا بالعرب المشاركين بتسجيل الاصوات ..

العرب كلامهم عربية فصحى والبعض منهم يتكلم بلهجة عراقيه

المهم مااطول عليكم .. اللي حبيت اوضحه بس انه احداث اللعبه بروسيا والعراق

وصج صج صج اقولها لكم اللي يبي يستمتع لا يطوف اللعبه هذي انا شريتها عال PS3 وراح اشتريها عال XBOX وبشتريها عال PC بعد

لعبه مثل هذي تستحق كل هذا واكثر .. والله يصبرني لين يبطلون الاون لاين :02:

واللي متردد يشتريها وخايف انه فيها شي يسيء للاسلام انا اقووله اني ختمت اللعبه 3 مرات وماشفت فيها ولا شي يسيء للاسلام اشترها وعلى مسؤوليتي :)

تحياتي لكم


Call Of Duty 4 أجمل لعبة بالعالم !! واللعبه خاليه من اي شي يسيء للإسلام (http://www.montada.com/showthread.php?p=5821596#post5821596)
azooz25
04-11-2007, 01:00 AM
وأنا أيضاً ختمت اللعبة مرتين على الـ PS3 لا توجد ولا آية قرآنية واحده وسوف اشتريها للـ XBOX ان شاءالله :D
MSF
04-11-2007, 12:18 PM
الصراحه أنا متردد ، لكني شكلي راح أخذها على الـ PC :)
خـفـ الضــل ـيف
04-11-2007, 12:48 PM
حتا انا متردد يمكن ما اشتريها لوسمعت عنها انهم يقاتلو عرب مسلمين اكيد مراح اشتريها
حمود جيرمني
04-11-2007, 12:51 PM
راح اشتريها بدون تفكير
هذي اللعبه راح تنافس جيرز اوف وور وهالو3 بالاون لاين
Mr.Xbox
04-11-2007, 04:50 PM
بشتريها ان شاء الله :)
الهـــــوى N الغايب
04-11-2007, 05:59 PM
إلى الآن ( لأ ) بس ننتظر تجربتكم للعبة !
q8pro
05-11-2007, 01:13 AM
توني ختمتها
مافيها ايات ماشفت شي
PremaFrost
09-11-2007, 07:13 AM
انا شريتها امس وخلصتها على النورمل طلعت 300 اشفيمنت واللعبه مافيها اساءه ولا شئ يعنى كلام عربى او آيه قرآنيه خلاص اساءه يمكن معجبين بخط الرقعه ككهكهكهك
الآيه شالوها ;)
شريتها كولكتر 23دينار:D انشالله هالاسبوع يركب عندى الدى اس ال والعب معاكم ارعع لللايف آخيرا كهكهكهكهكهك
الهـــــوى N الغايب
10-11-2007, 08:48 AM
اوكية طيب بخصوص عمر اللعبة ؟؟
DeadLy_
10-11-2007, 10:42 AM
اوكية طيب بخصوص عمر اللعبة ؟؟

ناس يقولون 7 ساعات و جيم سبوت تقول 5 ساعات, طبعاً على حسب مستوى الصعوبة اللي تلعب فيه
الهـــــوى N الغايب
10-11-2007, 01:54 PM
ناس يقولون 7 ساعات و جيم سبوت تقول 5 ساعات, طبعاً على حسب مستوى الصعوبة اللي تلعب فيه


7 ساعات بس ؟؟ يعني اختم اللعبة من وقتها !!!
that is toooooooooo bad
كنت عارف والله ان العمر قصير وعموماً الله يعطيك العافية حبيبي على الرد .
بالتوفيق .