عصابة جديدة ترى النور قريبا !! ( بروت ميرل !! )

[The Broken Legend]

السلام عليكم ورحمة الله وبركاته
هاااااااااااااااااع

تم وتحت التشاور في السجن في زنزانه وحده بيني انا وسويت ميو و جي جيرل .. قررنا ان ننشأ عصابة جديده ^ ^ و راح تكون الاقوى طبعا ^ ^ هااااااااااع لأن عندنا اهداف و افكار ..

تعريف العصابه ^ ^
هي عصابة ترفيهيه ( خاصه لأعضاء الترفيهي ) مسلية اطيب الأشرار ..
و اسمها بروت ميرل تكون من
بروكين ليجند
سويت ميو
جي جيرل

اهداف العصابه
- الشهره اولا و آخرا ^ ^ << هاااااااااااع
- تكسير راس شريدر و اتباعه المصارعين ^ ^
- ما عندنا اهداف << اهم هدف بالنسبة لي ^ ^

اعضاء العصابه
- بروكين .. رئيس العصابة
- سويت ميو .. نائب الرئيس 1
- جي جيرل .. نائب الرئيس 2

طريقة الأنضمام ^ ^
طبعا طريقة الانضمام سهله جدا ^ ^ وهي انك فقط تقولنا انك تبي تنضم في موضوعنا النقابي هذا ^ ^ و انك تشارك معانا في الأعمال اللي بنسويها كلنا كعصابة ^ ^ و ان تتعهد بعدم الخيانه بتاتا مهما كانت الأسباب و الدوافع ^ ^

و طبعا راح يكون هناك تصميم خاص للعصابه .. قيد الإنشاء مع اقوى مصممي العصر الحالي ^ ^ AY

هااااااااااع
^ ^ سلام

[T.I.G]

انا معكم في العصابة ويشرفني اني اكون اولمن ينضم لكم ^^

[metal Z]

شف شف شف .. @.@

انواااع الخياانه ><" ..
ما أشوف اسم ..ميتل كورفت ..في العصابه ><"
الحين مسوين عصابه ضد المصارعه وما تحطوني @.@
ولا مستهيني بقوة الخفافيش <<< تذكرت اندرتيكر يوم شاف الخفاش ... خخخخخخ
وبصراحه .. عصابه كذا
افضل ثلاثي عندي بالترفيه مسوين عصابه ... والله شي
المهم ...
حطوني معكم (وجه معصب) <<< شحاذ ويتشرط <_<"

[The Broken Legend]

هااااااااااااااع ^ ^ حياكم الله
لالالالالاع ميزة عصابتنا اننا نعطي لكل عضو لقب ^ ^
لا تخافون راح نوافيكم بآخر الأخبار .. و نعطيكم القابكم ^ ^
تم قبولكم انتوا الأثنين ^ ^ هااااااااع

[Al Bhed Girl]

مرحبـــــــــــااااا !!

حرب الترفيهي ..وكيف لا أشارك ؟؟ @.@
بانضمامي معاكم ان شااءلله بنقدر نكون قوة جبارة ودرع قوي يحمي كيان قسمنا الترفيهي @.@

بروكـن جهز القاب كشخـهـ تليق بالاعضاء وقدراتهم @.@"
We are all ONE on ONE !

واقول للمصارعه ،، Run for your lives @.@"

[The Broken Legend]

خخخخخخخخخخخخخخخخخخخخخخخخخخخخ
اخس يابنت لا يسمعج ميشو يقول حرب بعد !!
لاع مو حرب .. هذه عصابة مستقله .. راح تكون لنا اعمال خاصه ^ ^ هااااااااع .. نصها شريره و نصها خيريه ^ ^ بس طبعا تعود بالفائدة لقسمنا العزيز الترفيهي ^ ^ و من دون إساءه لأحد ^ ^
هاااااع تبين تنضمين لنا ؟

[Al Bhed Girl]

انزين شنو يعني نصها شريرة نصها خيرية #.# " ..

يعني النص الاول يهجم ع المصارعه والنص الثاني يعالج الجرحى #.# ؟
>> لا داشة حرب ذي XD

أوكيـــــــهـ اكيد انضــــم لكم ،،اذا اقدر اسمي نفسي فخلوني Rikku the trickster

×.× اذا لا خلاص الراي رايكم P :

[The Broken Legend]

هااااااااع .. خخخخخ لالا لا حرب ولا شي .. مو ناقصين ميشو يطب علينا وينكد علينا خخخخخخخخ ( والله ميشو مسبب قلق للأعضاء هالكمن يوم ^ ^ )

ممممممممم مادري احنا بنسوي بطاقات لأعضاء العصابه مكتوب فيها الأسم و الرتبه ..
تبين تحطين ريكو مادري شنو بأحد هاتين مو مشكلة ؟

[Al Bhed Girl]

ترا احنا عصابة Punk اي اييي ،، مو يروح بالكم بعيد دول وحروب #.#"


فيري نايس ايديا والله ..اوكيــهـ حطوني ببطاقة وتحتها ريكو ذا تريكستر : D

يسلمو بروكن @.@ ،، وان شااءلله نسحقهم
مواهاهاهعهعهع @.@ >>يادافع البلا~.~"

اوكيه نا بفصل الحين ضروري عندي اشغال شكثر @.@"
سي ياااا بالليل اذا قدرت ،،
-------------
فلتبــــــــــدأ العصابـــات
Let`s Rock XD !!

[Freaky Angel]

هرجة الألعاب .. تبقى بالالعاب (&) ..

امحق محافظ خخخ (&)

سيتم نقل موضوع ابليس ذا الا مكانه المهوّي ..

[The Broken Legend]

مو هرجة العاب !!
احنا بنكتب مواضيع في منتدى الصرقعه !!
و بعدين هذا اسلوب مراقب ؟ تكلم مع الأعضاء عدل !! ماراح تخسر شي لو حسنت اسلوبك !!
استغفر الله بس .. ناس ماهمها إلا تنكيد العالم !!

[Freaky Angel]

بالله (&) ؟!

مو توك تقول ترفيهي والمفروض ناخذ كل شي بروح رياضيه (&) !

ثانيا يا روح أمك الموضوع خاص بعصابات السجن ... و السجن من نطاق الألعاب ..

الموضوع ذا للتسجيل في العصابة .. إش الداعي له انه يكون هنا ؟؟ اصلا اش الداعي انك تفتح موضوع .. ؟

ماكنت تقدر تعلن هذا في موضوع السجن نفسه مثل مانسوي أول (&) ؟!

[The Broken Legend]

من قالك انه خاص لعصابات السجن شكوووووووو !!
ليش ما تستفسر قبل ما تتكلم كفاهم !!
لا مو عصابة للسجن !! عصابة لمنتدى الترفيهي .. راح نكتب مواضيع و نسوي شغلات للقسم !! يعني فريق باختصار ..
و ياريت تعدل اسلوبك .. يامراقب ياقدوه ..
الله يهديك .. " و أخذته العزة بالإثم "

[Freaky Angel]

اهداف العصابه
- الشهره اولا و آخرا ^ ^ << هاااااااااااع
- تكسير راس شريدر و اتباعه المصارعين ^ ^
- ما عندنا اهداف << اهم هدف بالنسبة لي ^ ^

انت احلف بس .. (&)

اجل الاهداف ذي من اعمال العصابة بالقسم (&) ؟!

ياخي ان ليش ماتعرف ترقع ..

ثانيا لو عصابة عمل .. من أذن لك تبدأ اعمال عصابات

أخذت موافقة من احد مراقبي القسم ..


ثالثا ياحبيبي ويا عمري هذا الترفيهي .. طنش تعش تنتعش (&)

ومافي تفرقة بيني وبينك ولا بين احد .. مراقب عضو موقوف .. وثانيا أي عزة تتكلم عنها .. ماتشوفني اهرج عادي (&) ؟!

[The Broken Legend]

خخخخخخخخخخخخخخخخ
الموضوع انطرح بطريقة مو جديه !!
و بعدين خلاص .. احترم على الأقل مراقبين القسم و خلهم يسوون واجبهم ..
و توكل الله يستر عليك .. روح لقسمك .. و بسك غيره وحقد وحسد وهالأمراض النفسيه ..

استغفر الله تطلعون الواحد من طوره !!

اي رد ثاني منك على الموضوع راح اهمشه .. و رد على كيفك .. ^ ^
لان ردودك مو ردود مراقب يبي يبني القسم .. او ينظم المنتدى ..

[Freaky Angel]

اروح لقسمي .. وأنا وين (&) ؟؟!

وبعدين اي امراض واي خرابط تخربط عنها (&)

ثانيا حط منصبي كمراقب على جنب وكلمني كعضو بالترفيهي لعضو بالترفيهي .. هذا اذا كنت !

انت اللي تسويه دوم غلط .. ومخالف للقوانين .. وتجي تقول انك محافظ بلا بلا بلا وان سفير الترفيهي .. وهذا قسمنا .. هرج مالهوش قيمه ..

ويوم تشوفني ارد عليك واسكتك وما يبقى لك قوة ترد .. تجي تقول هطنش بعد الرد الفلاني .. وترد ببروودة خارج نطاق النقاش ..


بالضبط نفس ماكنت تنتقد بالنتندو ونوقفك عند حدك اذا كنت تذكر ..

لو سمحت غير اسلوبك الزفت كإنسان .. مو كعضو !ّ

[The Broken Legend]

خخخخخخخخخخخخخخخ الله يسامحك و يهديك ^ ^
ترى سهل الانسان يشتم و يغلط على الناس بالنت مثل ما انت تسوي الحين ..
لكن صعب انه يحافظ على اخلاقه و قيمه و تربية اهله له و يسكت و يحترم الاخر حتى لو كان يغلط عليه ..

[Freaky Angel]

انا وين شتمتك (&) ؟!

بالله سبيتك انا .. ؟ ياخي انت مريض .. ماتعرف تنااقش

نقاشك عقييييييييييم ، واكلمك بموضوع تنطلي بموضوع ثاني !

ياخيس رد عليى اللي اقوله اول .. ولا ماتقدر . ؟

[The Broken Legend]

مشكلة إذا السبه و الشتيمه صارت عند الواحد كالعاده !! مايحس فيها ولايشعر فيها ^ ^

المهم الحين خير آمر ؟ خربت الموضوع .. استانست ؟ اوامر ثانيه بعد ؟ تغلط علي ؟ غلطت علي .. أوامر ثالثه ؟
الله يهديك بس ^ ^ روح توضى و صل العصر .. مابقى عليها شي ..

توكل الله يستر عليك .. خلاص مانبي هواش ^ ^ ..

علعموم العصابه مكملة إن شاء الله ^ ^ و راح نوافيكم بالأخبار برسائل خاصه ..

[Freaky Angel]

عندكم مثل بالكويت يقول " ذيل الجلب عمره مايتعدل "

وانت خلك ع أسلوبك الزفت هذا .. لا تعرف تناقش ولا ولا تتكلم .. !!

ثانيا لا تقول خربنا الموضوع لان الموضوع مو بمكانه اصلا -__-

[The Broken Legend]

الله يسامحك و يهديك ^ ^
بس شدراك عن المثل ؟ اكيد احد قايله لك من قبل ههههههههههههههههههههههههههه

حياك الله كريس ^ ^ عزيز وغالي .. نورتنا بأي وقت ..
مع السلامه

[Freaky Angel]

لا .. المثل مكتوب على جبهة اللي زيك (&)

احترام لطلب احد الاشخاص .. فما بكمل ردود .. لأنه جالس يكتب رد الحين .. (&)

[The Broken Legend]

الحمدلله .. زين احد تدخل .. ولو انه تأخر ..
والله يسامحك

[Al Bhed Girl]

السلام عليكم ورحمة الله ..


جا دور المُصلحة الاجتماعية ..

أنا لاحظت تجاوزات بالردود وسوء تفاهم على شي مايذكر ،،وجاية اوضح هنا شوي نقاط واكلمكم بهداوة وان شاءالله تتقبلون اللي بقوله ،،

أولا : يابـروكن ..
بيني وبينك انا اللي قريته وفهمته من هالموضوع بكبره انه حق لعبة السجن وللتسجيل بالعصابة مو اكثر ولا اقل ،، اهدافها منافسة قسم المصارعه للفوز مثل ماذكرت فوق ،،
توني ادري من ردودك مع كريس اننا بنكتب مواضيع ونعدل بالقسم ونسوي فريق بكبره ،، هالشي انت ماذكرته باول رد ،، ومن حقي اعترض واي عضو اخر يتضح له ان هذي اعمال ادارية تخص تطوير القسم والمراقبين ..
اقدر وجهة نظرك بانك تبي تحسن من نشاط القسم لكن مراقبينه سبق لهم وافتحو قسم فريق الترفيهي حق المجموعات الخاصه يتناقشون فيه بمصلحة الترفيهي،، يعني موضوع عصابة السجن هذا ،، للتسجيل مو اكثر .


ثانيا : ياكــريس ..
أحترم رايك واتفهم عملك كمراقب للقسم،،واللي سويته كمراقب انك بتنقل الموضوع لقسمه المناسب كان راي سديد ،، لأني ماانتبهت ان هالموضوع بالصرقعه ،، توقعت انه بالالعاب لان شي بديهي لعبة سجن ..وموضوع تسجيل عصابات السجن ..بيكونون بنفس القسم !!.
واعتقد ان الكل بيوافق انه ينتقل الموضوع للألعاب .


اما بالنسبة للاسلوب اللي تستخدمونه بالكلام ،، كل واحد ينتقد الثاني ويرد عليه ..فبقولكم انثنيكم قدوة ،،المميز والمراقب كل افعالكم واقوالكم مسلط عليها الضوء لا تحسبون ان المسالة شخصية بين اثنين ،،
اللي عندهـ اقتراح او فكرة ،، يبينها بشكل واضح ومختصر ،،واللي عنده مشكلة بتقبل النقد ،، فاقوله افتح قلبك وفكر بشكل سليم يليق فيك هالنقد ماجا الا لمصلحتك ،،وهذي سنة الحياة مهما كان النقد لاذع مهما كان لك من شخص غريب ,,اخذ فترة قصيرة وفكر شبيصير اذا شفت الموضوع من منظور اخر ؟؟
دايما اشوفها من منظوري شنو اسوأ شي بيصير اذا جربت ؟؟؟
خللك انسان متفهم وعامل الناس باسلوب تفضل انه يعاملونك فيه
مهما اخطا احد بحقك مهما تشوف نفسك انك صح ،، عشان تحافظ على انطباعك وهدوء الجو .
كـــونوا ايجاابيــــــن ،، لاتكونون سلبيــــــــــن
ومثل ماتقول يجيك ،،مثل ماتعطي تاخذ ،،وبالصياغة الصحيحة
"كمـا تُديـن تـــــدان"..


ومقدر انتظر ع اللعبة أكثر لاني متحمسة لها من زمان
-.- "
>> اخاف يسجنوني صج XD

[The Broken Legend]

يعطيج العافيه البيد ^ ^ اقدر لج ردج المتحرم اللي يدل على تربيتج و اخلاقج ^ ^
و يمكن المفروض اني اوضح الفكرة اكثر ..
بس ما قلتي الحقيقه كامله !! ..
و طلعتيني كأني سابه غالط عليه !! مع ان اهو اللي كان يسوي هالأشياء وانا ردودي عاديه جدا ومحافظ على اعصابي ..

علعموم مثل ما قلتي ^ ^ هذا منظورج .. و لكل شخص منظوره العام ^ ^

ارجوا ان محد يرد على الموضوع بعد !! ( خصوصا كريس .. إذا عندك شي ارسل بالخاص ×_× )
إلى ان تصل الدوريه ..

[HeRo]

خخخخخ ^^ ..

فكرة جميلة انك تسوي العصابة ,,

بس تكون احلى اذا كانت اهدافها كتابة المواضيع ,, للأعضاء


الله يوفقكم ,,

[The Broken Legend]

خخخخخخ هذا كان هدفها .. بالأصل ..
لكن شنقول ^ ^ ..
تنشيط القسم هالأيام اصبح جريمة يحاسب عليها القانون .. او لازم نستأذن قبلها علشان ننشط القسم ..
علعموم يعطيك العافيه ^ ^

[HeRo]

لا لا خطتك حلوه ^^


كلها بس تضيف 5 وتصير الشلة فلة ,,


واذا تعبتون في انشاء قصة

الناس بتتابعكم ^^

^_*