انتقد ان استطعت!!!

[يوسف الفلكي]

عذرا على المقدمه الوقحه.. ولكن اردت ان اقول باني رايت الكثير من الخنوع لدى شعراء !! يكتبون بهذا الموقع فاردت ان اشجعهم . هذه القصيده لي من كنزي الشعري الذي قد نضب ..وهي طويلة . لكني اجريت لها عملية جراحيه استاصلت منها بعض المواضيع الخاصه .

عيشي في هالدنيا مثل ما تريدين
يعل فالك في حياتجك سعاده

انا مهاجر بس مدري على وين
يمكن اعود ..ويمكن ابعد زياده

مليت من دنياك ياقرة العين
ما دام تعذيبي بحبك عباده

كم ارتجيت وقلت يمكن تحنين
وقلبك مع الايام نكسب وداده

لكن اشوفك حيل هاليوم تقسين
واثر القسا عندك من الصغر عاده

كافي دموعن فوق خدك تهلين
ماتنفع الدمعه ولافيه فاده

حكم القدر.. معروف بين الملايين
اما سعاده ..ولا حياتن نكاده

هلم بالنقد الي , فان صدري وسيع .

[سيف الكلمة]

السلام عليكم ورحمة الله وبركاته
الصراحة تشجيع جميل منك (أخ يوسف ) وفي وقته
وكلمات وأسلوب جميل في سرد الشعر القصصي الواقعي
وأنا من المعجبين بهذا النوع من الشعر ومن كتّابه
لكن أتمنى منك هدوءالأعصاب في مقدماتك
والشباب الصراحة مو مقصرين من شعراء أو من القائمين على المنتدى
في تقديم مشاركات جميلة مثل مشاركتك
وتقديم الردود الطيبة والمشجعة
أتمنى لك التوفيق .......وصح لسانك
ويعطيك العافية

[أنــفــاسـ]

السلااام عليكم اخوي يوسف ^^

صراحه ترددت ارد او لا ... لان لست عالم في الانتقاد ^^ .. وما كان لها لازمه ^^ "
لان الابيات هي اللي تجذب القارى

وابيات مشاء الله عليها من ناحيتي اشوفها جميله
خصوصا هذا البيت

انا مهاجر بس مدري على وين
يمكن اعود ..ويمكن ابعد زياده
يسلم احساسك


من كنزي الشعري الذي قد نضب
مدام احساسك ينبض ... راح تنتر الكلمات على اوراقك
بس لا تحكم عليه انه انضب .. لان بحكمك عليه راح ينضب
انت امسك قلمك ... وحساسك هو اللي راح يكتب


في انتظار مشاركات زي هذي او اروع


في انتظار جديدك


بالتوفيق



تحياااااااااااااااااااااااااااتي

[UDK]

يوسف الفلكي
يا هلا بك بينا اخو و شاعر .... آسف شاعر مبدع
بصراحة الأبيات حلوة كلماتها حلوة معانيها حلوة القافية فيها صعبة لكن انت اجدتها
و الخاتمة عندك ممتازة جدا
لكن لاحظت عليك شيء و هو ان الوزن في هذي الأبيات مكسور
ما أدري انت تحاول توزن الأبيات او ما تحاول ؟؟
و بالتوفيق لك يا رب


تحياتي

[يوسف الفلكي]

السلام عليكم ورحة الله وبركاته وبعد ,,,,,
بداية عذرا على التاخر بالرد ... وشكرا على تعطيركم الصفحه بالمرور...
الاخ hot7ob صح بدنك ولاهنت طال عمرك ..

الاخ انفاسي
مدام احساسك ينبض ... راح تنتر الكلمات على اوراقك
بس لا تحكم عليه انه انضب .. لان بحكمك عليه راح ينضب
انت امسك قلمك ... وحساسك هو اللي راح يكتب

شكرا على حرصك اخي الكريم , لكني اؤكد لك بانه قد نضب . وهذه القصيده لاتعدوا ذكرى . اتمنى ان لاتعيشها انت او من يعز عليك.. وشكرا على مرورك مرة اخرى .

يوسف الفلكي
يا هلا بك بينا اخو و شاعر .... آسف شاعر مبدع
بصراحة الأبيات حلوة كلماتها حلوة معانيها حلوة القافية فيها صعبة لكن انت اجدتها
و الخاتمة عندك ممتازة جدا
لكن لاحظت عليك شيء و هو ان الوزن في هذي الأبيات مكسور
ما أدري انت تحاول توزن الأبيات او ما تحاول ؟؟
و بالتوفيق لك يا رب

اخي udk اشكر لك تواجدك ... لكني تاكد من الوزن واذا كانت هناك ابيات غير موزونه ارجو ان توضحها لي . وشكرا...

[UDK]

لكني تاكد من الوزن واذا كانت هناك ابيات غير موزونه ارجو ان توضحها لي .

شكرا لاتحاتك الفرصة لي لأثبت أن هناك بيت او بيتين غير موزونة
البيت الأول


انا مهاجر بس مدري على وين
يمكن اعود ..ويمكن ابعد زياده

هذا البيت أنا متأكد من الكسر و هو في كلمة < أنا > في بداية البيت
البيت الثاني


كم ارتجيت وقلت يمكن تحنين
وقلبك مع الايام نكسب وداده

في الشطر الأول < كم ارتجيت > اذا نطقت بشكل عادي بيصير فيه ثقل في الألف < كم ارتجيت > لكن الوزن بيصير عادي و اذا حذفت الألف لازم تصير الميم في < كم > متحركة و هنا الخلل في الوزن و تنطق < كمَ رْتجيت >
و في بداية الشطر الثاني < و قلبك > أيضا فيها خلل في الوزن
أتمنى اني المعلومة وصلت بشكل واضح
بالتوفيق لك يا رب


تحياتي

[bnt alislam]

السلام عليكم و رحمة الله و بركاته

شعر جدا جدا جميل ,نابض بالاحساس ,,
ما اجيد فن النقد , كله اعجبني ;)






مليت من دنياك ياقرة العين
ما دام تعذيبي بحبك عباده

كم ارتجيت وقلت يمكن تحنين
وقلبك مع الايام نكسب وداده



اما الابيات دي (لوول) عجبتني , ,:)

سلاام

[Mr.FMZ]

حياك آخوي وصح لسانك ولاهنت وان شاءالله تكون مكسب لنا في تواجدك.
شعرك رائع وان شاءالله ان مايكون فيه ذاك الخنوع اللي تقول عنه موجوة بينا :).

انت تقول انتقة وصراحة مع قرائتي للآبيات ومع جمعي هالشي مع التساؤل .. حاس انك متعمد تكسر الوزن في بعض ماكتبت لآن واضح ماشاءالله تمكنك منه.

- يعل فالك في حياتج ( اتوقع خظآ مطبعي لآنك مرة كتبتها بالكاف ومرة بالجيم .. فاستخدمت لهجتين .. ونظرًا انك من الكويت فراح اروح مع فالج وحياتج :) )
- وقلبك مع الآيام .. ( الواو كاسرة الوزن على حسب ماآرى ولو من غيرها يضبط)
- اما سعادة ولا حياتن نكادة ( ولا كاسرة الوزن بشكل واضح .. اتوقع انها بالآصل "آو" والله آعلم )

شكرًا لك اخوي على هالآبيات الطيبة الجميلة وان شاءالله نشوف منك كل جميل
يعطيك العافية وبالتوفيق
بدر

[يوسف الفلكي]

حياك آخوي وصح لسانك ولاهنت وان شاءالله تكون مكسب لنا في تواجدك.
شعرك رائع وان شاءالله ان مايكون فيه ذاك الخنوع اللي تقول عنه موجوة بينا :).

انت تقول انتقة وصراحة مع قرائتي للآبيات ومع جمعي هالشي مع التساؤل .. حاس انك متعمد تكسر الوزن في بعض ماكتبت لآن واضح ماشاءالله تمكنك منه.

- يعل فالك في حياتج ( اتوقع خظآ مطبعي لآنك مرة كتبتها بالكاف ومرة بالجيم .. فاستخدمت لهجتين .. ونظرًا انك من الكويت فراح اروح مع فالج وحياتج :) )
- وقلبك مع الآيام .. ( الواو كاسرة الوزن على حسب ماآرى ولو من غيرها يضبط)
- اما سعادة ولا حياتن نكادة ( ولا كاسرة الوزن بشكل واضح .. اتوقع انها بالآصل "آو" والله آعلم )

شكرًا لك اخوي على هالآبيات الطيبة الجميلة وان شاءالله نشوف منك كل جميل
يعطيك العافية وبالتوفيق
بدر
صح بدنك . طال عمرك . وشكرا لتعطيرك الصفحه بالمرور....