نقاش : ايهما افضل ...سياره فل ابشن من الوكاله ام سياره تعدلها على كيفك؟

[ألتيمي]

السلام عليكم ورحمـــه الله وبركاته


سؤال موجهه لمحبي السيارات


ماأفضل برأيك تشتري سياره من الوكاله كامله المزايا ,.,.,ام تشتريها ستاندر وانت تعدلها على كيفك!!


دائما ألاحظ ان الفرق بين السياره كامله المزايا والافتراضيــه ...(10ألاف ريال أو اكثر


هل برأيك ان من الممكن تعدل السياره لتصبح مثل كامله المزايا مثل بـ10ألاف وتصير مثل مواصفات الوكاله ؟؟


طيب خلينا نذكر مع بعض, بعض الاشياء لازم تعدلها عشان تصير كامله المزايا


خلينا على الالتـتيما
أقل الشغلات رح اتكلم عنــها :-


1-الجلد على الكراسي: تحتاج ل3.000ريال على الاقل عشان تركب جلد اصلي على الكراسي
2-تركيب مشغل اسطوانات سداسي الاقراص(cd chenger) :
ممكن تركب بايونير +نظام سمعي متكامل ب2500ريال
3-مثبت السرعه: (لاتستطيع)
4-الازرار التي على الستيرنج ويل (السيكان): ,,,مارح تحتاجلها مادام عندك نظام كامل
5-البلوتوث:ممكن تركبه وسعره 700ريال
6-فتحه السقف: (لاتستطيع)
7-الكراسي المتحركه(لاتستطيع)
8-جنوط مقاس 17 (تستطيع) ....ممكن تركب مقاس 18 بــ4000ريال
9-ستاب لايت(اضواء ضبابيه):( تستطيع) ... يكلفك 1.000ريال على الاقل
10-التيك (الخشب على الطبلون والأبواب): تكلفته 1.000ريال
11-حساسات خلفيه تستطيع: يكلفك =800ريال


يعني المجموع الكلي=13.000ريال ,,,من الممكن تسوي سيارتك
احسن من مواصفات الوكاله (البلوتوث-نظام سمعي -جنوط)


ولكنك بهذه الحاله تخليت عن اهـــم ميزتين
(فتحه السقف-ومثبت السرعــه)


,,,الشغله صارت معاي
رحت أبشتري اكورد 2008
لقيت فرق السعر بين الكامله المواصفات والستاندر 12الف ريال !


قلت لا آخذها مواصفات عاديه
بعدين قلت ,,:bigeyes: وفتحه السقف من وين وبيبها والمثبت .؟.؟


فقلت لا خلني على الفل ابشن وأرتــاح
احسن من كل يوم افتر محلات الزينه وأعدل فيها
مثل شباب الفلبين :D:D


طيب الحين
:biggthumpعطوني آرائكم :biggthump


ملحوظه: يعني لا تستانس على روحك وتظبط على كيفك لان حلى لو ظبطت ودفع ال12الف ...مارح تظبط وكل يوم وأنت بمشكله خصوصا الجلد على الكراسي-- إسأل مجرب

[king of chaos]

اعدل السيارة ولا اخذ فل ابشن مشكور اخوي

تقبل مروري

[Crazy Nsx]

ههه


هلا والله احمد انا فل ابشن واعدل عليها * ـ ^


مشكور على الموضوع الرائع

[KING OF DANGER]

السلام عليكم..

أول شيء..اذا كنت شريت السيارهـ فـ ألف مبروووووووووووكـ.. واللهـ يعطيك خيرها ويكفيك شرها..

ونبي منك معلومات بعد التجربهـ ^.^

وعن الموضوع..

الصراحه حتى لو راح تكلفني أقل من الوكالهـ

راح آخذها من الوكالهـ فل كامل..أحسن لي وأضمن بنفس الوقت..وأريح بعد ^.^

ومشكور على الموضوع الرائع يابطل..

تحياتي...

[ألتيمي]

أول شيء..اذا كنت شريت السيارهـ فـ ألف مبروووووووووووكـ.. واللهـ يعطيك خيرها ويكفيك شرها


لا والله للحين ماشريت ...



راح آخذها من الوكالهـ فل كامل..أحسن لي وأضمن بنفس الوقت..وأريح بعد ^.^


وهذا عين الصواب

:)شكرا على مرورك :)

[ألتيمي]

اعدل السيارة ولا اخذ فل ابشن


اشكرك على رأيك اخي وعلى تفاعلك مع الموضوع
بس كلامك يبيله واحد تحته بنك! عشان يقعد يعدل ويدفع .....شكلك عاشق التعديل :) بس التعديل بالكمبيوتر ببلاش!
ههه

[ألتيمي]

انا فل ابشن واعدل عليها * ـ ^


والله احسن شي ,,
يسلمو على مرورك اخي

[BreaKawaY]

اول شي حبيت اشكرك اخوي احمد على مبادرتك الطيبة



وفيه ملاحظة اخوي ::


انت قلت الفرق بين الفل اوبشن والاستاندر 10,000 ريال


ومجموع الاظافات طلع اكثر من 10 الاف وبدون فتحة سقف ومثبت سرعة



بالنسبة لي .. افضل اخذ فل اوبشن


واعدل فيه مثل ابدل الرنجات وومكن اركب Body Cut بيطلع شكل السيارة احلى من شكل الوكالة القديم



اذا كنت هاوي تزويد وتعديل السيارات مثلي فعليك بالاتي ::-


ازود شوي .. هدرز وفلتر ولا توربو صغير


او حتى كمييوتر صغير ( Uni Chep ) عشان ينظم ظغط البترول ويزيد شوي الاحصنة



هذا رايي فالموضوع .. وارد واقول توكل وخذ فل اوشن


يمكن مكلف شوي بس اضمن وكله شغل وكالة مو معارض زينة


اشكرك مرة ثانية على الموضوع .. اللي عطيتونا الفرصة انني اقول رايي


تقبل تحياتي والسموحة ع الاطالة

[ألتيمي]

اشكرك اخي على مرورك الطيب
وانا حبيت اطرح رأي بشكل موضوع

وفعلا انا مفكر اشتري اكورد 2008 ال4سلندر ومفكر آخذها فل ابشن لان الفرق ب9.000ريال !

وانا معاك ان من الممكن الواحد ياخذ الفل ابشن بس عشان فتحه السقف والمثبت ويعدل عليها على كيفه

الله يحفظك

[Mercedes-Benz]

أنا أعرف محل في الرياض
يركب مثبت ويركب فتحة سقف وعليها ضمان

ويركب كراسي كهرباء

[D.D.S]

وعليكم السلام و رحمة الله و بركاته ..


احد الشبابـــ >> في السابق طبعا


تحير بين الفل و العاديه ..


خاصتا فيـــ طوارق


مع ان سعرها العاديه .. كانت مناسبه جدا ..


و مع الفل .. هم مناسبه ..


ماعنده مانع


--


عن رايي ..


اشوف الفل وايد أفضل ..


على قولتكم ..


اريح ..


و فك نفسك و انت امغمض ..


تعال عدل تعال مادري ايش ولو ارخص .. !!!


اشتر الفل و المواصفات تمام ..


عندك شركة الغانــــم و اخوانه


تمام التمام الصراحه ..


التعامل وياهم تمام ..


و تاخذ راحتك ..


كلها فرق ماعندي مانع اني ادفعها


واخذلي سيارة فل و مرتاح فيها ..


بالاخير ..


يعطيك ألف عافيه اخويــ أحمد ع الموضوع النقاشي ..



اخوكــــ :)


==

[ألتيمي]

يسلمووو اخي دي دي اس على مرورك
واشكرك على رأيك بس انا مو بالكويت عشان اشتري من الغانم! ^^
لا بشتري من الساير fj croser ابركلي ^.^

[آخـــــرحبيــب]

الســـلام عليكمـــ
والله افضـــل
اشتــري السياره فل ابشن

احسن من الدواره من محل الى محل
ومو كل الشغل بيضبط
ولا يضبط شوي واذا رحت بيتكم وطلعت مره ثانيه تلاقيه خربان

يعني تجيك السياره جاهزه
بجميع مواصفاتها
من الوكاله
شي رائع جدا جدا
واذا بغيت اعدل فيها عدلت

شكرا لك اخوي على طرحك للموضوع الجميل

[iSRT8]

هلا اخوي
مبروكـ السيارهـ والله يعطيكـ خيرها ويكافيكـ شرها ^^

آنا افضل اشتري سيارهـ فل اوبشن واضيف عليها
مثل رينغات حجم 20 , كريستال , هد , .... إلخ

مشكور عالموضوع
الله يوفقكـ ... فمان الله ^^