عام للكويتيين>>لنتعاون لتوفير المال [الأرشيف]

البيكهام هام

13-11-2007, 01:40 PM

السلام عليكم
جتني فكره جهنميه وبقولها لكم وان شاءالله تعجبكم وراح نضرب فيها اكثر من عصفور بحجر واحد منها نوفر على انفسنا فلوس ومنها نكسر سوق الرحاب عشان مايستقلونه ويرفعون الاسعار على كيفهم وللاسف حماية المستهلك عندنا نقولها لا حياة لمن ننادي:argue:

الفكره الاولى:
انه نشكل مجموعات وكل مجموعه يكون فيها 4 او 5 اشخاص كل واحد منهم يشتري لعبه اصليه وحده واللي يخلص اللعبه يبادلها مع الثاني يعني مثلا
المجموعه الاولى شروا:

1-اسيسنتس غرييد
2-انشارتد
3-راتشيك اند كلانك
4-هيفنلي سوورد
5-هالف لايف 2
الاول يكون عنده اسيسنتس غرييد اذا خلصها ينطر احد من اللي بمجموعته يخلص اللعبه اللي عنده واول مايخلصها قول مثلا الخامس خلص هالف لايف 2 يبادل معاه واذا خلص الثاني انشارتد ينطر احد من مجموعته يخلص اللعبه عشان يبادل معاه يعني بالعربي يلعب كل الالعاب اللي مع مجموعته واذا لعبته كل اللي بمجموعته خلصوها تردله عاد هو كيفه يسوي اللي يسوي فيها يبيعها او يشوفلها صرفه:biggthump

الفكره الثانيه:
اذا احد شرا لعبه مافيها اونلاين بس توصيل اذا خلصها يأجرها حق 3 اشخاص يكونون بمجموعته بشكل دائم ب5 دنانير يخلصون اللعبه ويردونها له يعني 3اشخاص =15دينار كأنه خسران 5 دنانير عاللعبه الوحده بس:wink:

والله لو تتعاونون راح توفرون على انفسكم فلوس وفوق هذا تكسرون سوق الرحاب النصابين:28:

انطر رايكم تجاه الفكره;)

joker_zambrotta

13-11-2007, 01:46 PM

والله الفكرة مو زينة:p يعني فيها عيوب بس اشوف الشباب الباقين :)

HELAS

13-11-2007, 01:52 PM

على راااسي والله على هالافكار الحلوه

ويسقط الرحااااب الله لا يوفجهم ويبدل ربحهم بخسارتهم انشالله

tobaid

13-11-2007, 03:03 PM

انا الصراحه مفكر اني ااجر الالعاب اللي عندي بعد لأن تقريبا عندي 12 لعبه فقلت أأجر اللعبه تقريبا اسبوعيا قلت على 2.500 اللعبه بس الفكره تحت الانشاء ليلحين لأن اذا جذي لازم العاب مافيهم اونلاين

Snake-87

13-11-2007, 08:07 PM

bad . منو يبي يعطي واحد ما يعرفه لعبه ؟
أشوف سالفة المستعمل أفضل بوايد

dely10

13-11-2007, 08:13 PM

بصراحه فكرة فيها سلبيات كثيرة
يمكن صعوبة التواصل واذا واحد مشتهي يلعب لعبه يلقاها عند الثاني

أنا أفضل ان نروح نكلم صاحب المحل ونفهمه اللي يسونه استقلاليه
ونتفق مع بعض او نشتكي عن خدمه المواطن
ابصراحه محل بوابة الكويت يبيع الشريط بسعر معقول كل الاشرطه ب20
لا اكثر ولاا اقل
انصحكم فيه
اما جيم سنتر وجيم تتيشن وطوكيو نصابين
هشوم ويعقوبو وشعبانو بو شعاب نصابين شكله الباقي بالمخبه ويتقاسمونه مع الهنادوة
والا شرايكم نزح عند خدمة الموطن ونشتكي ونسوي موضوع ونعد عدد الشباب اللي راحو يشتكون؟

ROSWELL

13-11-2007, 10:08 PM

حلاتها يسووون محل تأجيير

قريت اعلان بمجلى بي اس ام بأمريكاااا عن اشتراكات حق تأجير ألعاب بلي شتيشن 3........ياخي والله ناس تفكر

خلوووووونا احنا على الرحاب طايح بوووق فينا :/

Bierhoff

13-11-2007, 10:38 PM

تخيل نسخه MGS4 جم حبه يبي يأجر لووول او غيرها من الالعاب الحلوه يبا اهني دام شايفينا احنا نشتري وموقاعد انحرك ساكن زلا قاع انسوي شي هذي لعبتهم اهما الحين الي اتحكمون بالسوق هذا يرفع والثاني يجبـس

ERGO PROXY

13-11-2007, 11:56 PM

والله الفكره قويه الصراحه بس مثل قال احد الاعضاء منو راح يعطي اللعبه حق واحد ما يعرفه
وفي شغله ثانيه بعد
تخيل انه متل قير 4 انزلت وراحو خمسه يحبون اللعبة
وبعدين شروها من اي محل
تعتقد من الاول الي راح ياخذها اعتقد انه راح ايصير اختلاف :ponder:
وراح يشترونها كلهم لووول

بس من ناحيت النصب بالرحاب بصراحه ما ينسكت عنه :ponder:

FARES360

14-11-2007, 12:23 AM

rofl :tongue2:

rare games

14-11-2007, 12:57 AM

اقول لو تروحون خمسه لمحل واحد وتقولون نبي نشتري منك 5 نسخ من نفس اللعبه بس سولنا تخفيض وسعر معقوول واذا ما رضي راح يتحسف وتشوفه يقولك دقيقه بس يشاور نفسه واذا رفض تماما حرقوه دمه واشتروه من محل ثاني خمس نسخ100 دينار دفعه واحده قول يطيحلك 10 دنانير سعر معقووولوتصير90دينار احسن من125دينار شووف الفرق هذا اذا ضبطت

ROSWELL

14-11-2007, 01:43 AM

^^^^^^^^^^^^^

خوش اقتراح بس يبيله اساسه نتفاهم بالأول

مثلا اذا نبي ناخذ انشارتد ناخذه على عشرين بحزته!!

يعني مثلا نتفق قدام المحل و يدش واحد و يقول عطنا خمسه انتشارتد جدا بيوفر علينا المكاسر و التعب :/

بس اللي راح يصير بالواقع انه الكل راح يتسابقون و ماكو اتفاق :/
بعدين كل واحد و ظروفه.....موشي:/

البيكهام هام

14-11-2007, 06:00 AM

Snake-87
انت لما تعطيه بنفس الوقت تاخذ منه اللعبه الثانيه يعني ماتروح منه وايدك فاضيه واللي يسحب عالمجموعه خلوه بلاك لست لا تتبادلون معاه الالعاب;)

ERGO PROXY
ميتل غير وريزدنت ايفل والالعاب الاساطير هذه كل واحد يشتريها اما الالعاب الثانيه نفس ماقلت لكم

وترى انا اقصد كل مجموعه يضيف الثاني بالماسنجر يعني يتفاهمون بالماسنجر على كل شي وحتى الالعاب اللي يشترونها والله يخلي المحادثه الجماعيه بالماسنجر:biggthump

ترى بالنهايه انا بس ابي افيدكم لاني ماراح ادش معاكم لانه تعرفون اكثر الالعاب العبها كوبي على360;)

ومشكورين عالمرور

Snake-87

14-11-2007, 06:20 AM

انت لما تعطيه بنفس الوقت تاخذ منه اللعبه الثانيه يعني ماتروح منه وايدك فاضيه واللي يسحب عالمجموعه خلوه بلاك لست لا تتبادلون معاه الالعاب
مثال :
لعبتي : MGS4 .. اللعبة للمبادلة : كونان .
لي سحب علي شسوي فيه ؟ اقنله xD

خلوه بلاك لست لا تتبادلون معاه الالعاب
ومنو يعوضني عن إلي راح؟
أو إفرض ردها لي والقوطي مكسر او السيدي مشلخ بس يبتسم ويقول لك أهم شي شغال :) .

يعني مثلا نتفق قدام المحل و يدش واحد و يقول عطنا خمسه انتشارتد جدا بيوفر علينا المكاسر و التعب :/

سويناها مرة : عطنا 5 العاب .. كم تحسبها لنا ؟ قال نفس السعر (&)

مشكور على إقتراحك على اي حال

البيكهام هام

14-11-2007, 06:34 AM

888
انا قلت لكم الالعاب الاساطير لاتبادلون فيها

وبالنسبه لكلامك انه مايحافظ هاللعبه ايه حتى هذه اذا ماحافظ عاللعبه خلوه بلاك ليست ترى مايحتاج شرح انتوا لو تقتنعون بس والله راح تكسرون سوق النصب اللي بالرحاب:)

وواحد يقول شلون لو يبي لعبه متحمس لها وهي عند واحد؟الجواب سهل مثل الحين فيه اسيسنتس غرييد و و و ماتقدر تشتريهم بوقت واحد فبدال ماتجمعلهم فلوس وتشتريهم يبيلك وقت اطول من انهاء صاحبك للعبه واذا جمعت لهم الفلوس اتوقع 100 دينار لووووووول

ترى هذه فكره مؤقته لحد ماينزلون كوبي للبلاي3 وبالنهايه الراي رايكم اي 4 او5 يوافقون عالفكره الحين على طول كل واحد يضيف الثاني بالماسنجر ويتفاهمون هناك ومكان التجمع هو الرحاب بارضهم وبين جماهيرهم النصابين نكون دفناهم بمقبرتهم هههههههههههه

Dukefleed

14-11-2007, 06:43 AM

سنيك هو ماظن يتكلم عن الألعاب الي مثل متل جير وقال هالشي في رده.. الألعاب الي مثل ميتل جير وفاينل فانتسي كل واحد ياخذ له وحدة.. اما الألعاب الثانية فما اشوف الفكرة فيها عيب

أو إفرض ردها لي والقوطي مكسر او السيدي مشلخ بس يبتسم ويقول لك أهم شي شغال:).

1) عطه اياها بدون قوطي :D
2) جان السيدي "مشلخ" عيل لا تردله لعبته.. لانه المفروض العابكم العاب "عادية" ومو من مستوى ميتل جير مثلاً.

انا عن نفسي لو كنت في الكويت 100% موافق على الفكرة.. لانه بصراحة فيه وايد العاب حلوة وخصوصاً في هالشهر والي بعده، لكن مو كلهم يستاهلون لانه بعضهم اوفلاين بس وقصار فما اظن بعد ما تخلص اللعبة بتلعبها مرة ثانية :28:

Snake-87

14-11-2007, 07:24 AM

) عطه اياها بدون قوطي :D
وشلون يحافظ عليها ^^"؟

جان السيدي "مشلخ" عيل لا تردله لعبته.. لانه المفروض العابكم العاب "عادية" ومو من مستوى ميتل جير مثلاً.
لعبته العادية زبالة ولعبتي العادية حلوة ..
مثال : انا اموت على التنس ولكن الناس يشوفونها عادية . بالله راحت علي ومعطيني لعبة ثانية وانا اشوفها عادية وهي قوية .. مثلا ريسستنس .
ماا ادري اشوفها صعبة .. إلا لو مبادلة كلية شيئ ثاني .. اما تبديل مؤقت صعبة شوي

فوق المستحيل

14-11-2007, 10:22 AM

اصلا احنا الي نرفع الاسعار لان في ناس تشتري مايهمها السعر..ولو ان الناس تفهم وتعقل وماتشتري اللعبه بااكثر من 20..جان مالقيت الاسعار مرتفعه

على العموم انا مضبط روحي..لي معرفه خاصه بالرحاب..والالعاب ماتتعدى 20 :)

اقول العوض ولا القطيعه..لو تشتكون باجر ماتشوفون العاب بالرحاب..واحمدوا ربكم الالعاب اول بااول تجي الكويت وقبل موعد الاصدار بعد

q8pro

14-11-2007, 01:37 PM

السلام عليكم

انا فكرة التبادل مو داشه راسي
لاني احب اللعبه تكون عندي العب فيها على راحتي
المهم
بالنسبه لشراء
بما اننا وايد والحمدالله
نشوف لنا محل من المحلات
ونقول له احنا مثلا 25 شخص او اكثر راح نأخذ منك كل لعبه تنزل 25 نسخه منها
ونمشيك على المحلات كلها بس السعر 20 دينار لو يزيد نص دينار نغيرك
والله بعدها راح تشوف المحلات كلها يقولك تعال يا معود ابيعك 19 دينار والثاني تشوفه ينزل اكثر
ونخلي واحد فيها يتكلم عنا

اذا اتقفنا واحد فينا يروح المحلات ويفتر ويشوف احسن سعر ويقول لنا عن اسم المحل واحنا نتعامل معاه بسعر الي احنا نبيه
وياريت لو نشوف من المحلات الي طايح حظها علشان نقوم سوقه شوي ويحس بعدين اننا مهمين عنده

مجرد فكرة

البيكهام هام

14-11-2007, 04:02 PM

ERGO PROXY

14-11-2007, 11:19 PM

اذا كنتو تبون حل زين وينفعنه وتقدرون اتبردون جبدكم عله هذي المحلات يا انكم تطلبون من بره معه اني احس انه راح اتطول السالف ويمكن يكون غالي

او انكم اتحولون المركز الكويتي مثلي بصراحه صاحب المحل محترم وما عنده شغل النصب هذا والريال ايخاف الله انصح الجميع يحول
بلا قيم سنتر بلا خبز

b.f.a.n.s

15-11-2007, 01:09 AM

والله شباب في حلول حلوة من الاعضاء لكن انا اشوف شغلة الشراء من النت احلى يعني واحد من الشباب اللي يقدر يشتري من النت يشتري مجموعة و يبيعها على الشباب براس مالها منها يكسب اجر و حب الشباب له و غير هذا يكسر راس النصابين اللي بالرحاب
أو نكون رابطة لبيع الالعاب المستعملة و تكون بيننا و نسميها رابطة لاعبين الـ PS3 الكويتية و اللي يشتري اللعبة اللي ما فيها اونلاين يلعبها و بعد ما يمل منها يبادلها مع واحد من الشباب او يبيعها
اخي البيكهام هام شكرا على البادرة الطيبة منك و الله يوفقك و يوفقنا و نساعد بعض
مشكورين شباب و اسف على الاطاله

Snake-87

15-11-2007, 06:02 AM

او انكم اتحولون المركز الكويتي مثلي بصراحه صاحب المحل محترم وما عنده شغل النصب هذا والريال ايخاف الله انصح الجميع يحول
بلا قيم سنتر بلا خبزانا معاك بس أسعاره نار ..
شوف مثلا اليوم ياب ماريو جلكسي 3 حبات بس .. بجم باع الحبة ؟ 20 بس
مو إستغلالي .. بس تعال إشتر منه جهاز .. غالي سعره

DSL

15-11-2007, 06:28 AM

قل ليش المحلات الفديو والقيمز في الخليج ما يأجرون العاب !!

عندنا يؤجرون الألعاب الألكترونية زي السوني 3... بس غاليه شوي سعر التأجير 8 دولار في الأسبوع ... يعني يبيلك اول ماتاخذ اللعبه تحاول تختمها في أسبوع واحد ..!!
والأفضل يتم تأجير العاب حلوه ومافيها اون لاين يعني زي Uncharted... اذا نزلت باخذها منهم بـ 8 دولار وبحاول اخلصها في أقل من اسبوع ... في العاب ماودك تدفع عليها حتى ولو انها حلوه لأن بعد ما تختمها في العاده ماتلعبها مره ثانيه !!

لأن مافيها لا اون لاين ولا تحدي ...الخ فقط مغامره

والمحل اسمه ... blockbuster لتأجير الأفلام والألعاب ...
http://www.blockbuster.com/stores/gamesRentInStore

سنسال

15-11-2007, 07:29 AM

السلام عليكم ورحمة الله وبركاته

فكره جيده ياخوان فيكم حيل تتكلمون عشان اخلي اخي الكبير ينزل نصب المحلات بالمجله لانه هو صحفي ويشتغل بمجلة الجريمه هل اخليه ينزل موضوع عن نصب المحلات العاب

ابيك توافقون وانا شاء الله اذا وافق هو اخليه ينزله

:biggthump

البيكهام هام

15-11-2007, 01:10 PM

8888
ايه اكيد عجل شناطر خلهم يتأدبون عشان مايرفعون الاسعار مره ثانيه:o

HELAS

15-11-2007, 03:48 PM

اكيد كلم اخوووك يااا خوي وخلهم يخفضون الاسعار ...مو كل واحد يحط سعر على كيفه

ومشكووووورين كلكم على هالارااااء والاقتراحات

سنسال

15-11-2007, 04:18 PM

اخواني بس اخي يروح يشوف الاسعار نصب المحلات بعدين يواعدكم عشان تتكلمون

وهو وافق :biggthump

b.f.a.n.s

15-11-2007, 09:42 PM

و انا مستعد بس بشرط صورتي بالجريدة :32:

سنسال

16-11-2007, 02:06 AM

و انا مستعد بس بشرط صورتي بالجريدة :32:

اخي بالمجله بس استشير اهلك خاف مايرضون

ERGO PROXY

16-11-2007, 02:39 AM

طبعا اذا حطوك اخوي b.f.a.n.s بالمجله
ماراح اوصيك عليهم
طلع الي ما يطلع :D

b.f.a.n.s

16-11-2007, 07:33 AM

كلمتهم و رفضوا خايفين من الحسد

ROSWELL

17-11-2007, 03:44 AM

لووووووووووووووووول كل هالنقاش و ماكو فايده

يامعودين سكرووو الموضوع أحسن ماكو فايده ترى

سويناها مرة : عطنا 5 العاب .. كم تحسبها لنا ؟ قال نفس السعر (&)

مشكور على إقتراحك على اي حال

لوووووووووووووول

شكلك ما تعرفني مع جيم سنتر

مابي افضح روحي بالمنتدى بس ......

أنا للحين ما أخذت منه دسك سوني 3 أكثر من 20 :silly:

أصلا قاعد ادزله الناس على اسمي:biggthump

كل ما ادش عليهم يتضايقون :D

eob717

17-11-2007, 04:25 AM

شباب الله بالخير؟
أكو شي أسمه " www.amazon.com "

كل واحد فيكم يدش ويلقي نظرة على أسعار الألعاب , وخاصةً الألعاب المستعملة بما أنكم تبونها
أرخص بوايد , بلا رحاب بلا 20 دينار
أسعار الألعاب متفاوتة ما بين الـ6 والـ14
أفتح لك فيزا و توكل على الله

q8pro

17-11-2007, 07:00 PM

شباب الله بالخير؟

أكو شي أسمه " www.amazon.com (http://www.amazon.com) "

كل واحد فيكم يدش ويلقي نظرة على أسعار الألعاب , وخاصةً الألعاب المستعملة بما أنكم تبونها
أرخص بوايد , بلا رحاب بلا 20 دينار
أسعار الألعاب متفاوتة ما بين الـ6 والـ14
أفتح لك فيزا و توكل على الله

السلام عليكم

شلون الطريقة ماني عارف اشتري منهم
ممكن توضحنا لنا