VaSh ThE sTaMpEdE
18-11-2007, 09:09 PM
بسم الله الرحمن الرحيم
والصلاة والسلام على نبي الدين
أما بعد : السلام عليكم ورحمة الله وبركاته
يمكن حنا مصنفين من دول عالم الثالث ، بس هذا مب يعني خلاص ما يمدينا نتقدم ونصلح أوضاعنا ونتطور للأحسن. بالعكس هو يمدينا نصير أحسن من من العصر الذهبي بعد، بس الرغبة مفقودة. الله - سبحانه وتعالى - يقول (إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنفُسِهِمْ ). اذا حنا ما نوينا ولا كان فينا نية نتغير، محا يمدينا نغير هذي الكسالة والعجز الي فينا ونحولها إلى طموح وعزيمة. لما تكون الطموح والنية والعزيمة موجودة عندك ، صرت سلاح فتاك ويمديك تسوي الي تبيه. بس وين النية ؟
أنا قاعد أقول هالكلام لأني أشوف إهمال كبييير والأطفال الصغار هم الضحايا. ولد عمتي الحين عمره 9 سنوات ، بس بدا يدخن من يوم وهو 6 سنوات ، ولحد كان داري عنه. اللوم مب بس على الأهل ، اللوم على الوزارة بعد. بكت الدخان نفسه مكتوب عليه للراشدين فقط ، يعني فوق سن ال18. لو طبقتوا هذا القانون كان ما صارت هذي المشكلة من الأساس. الدخان انتشر بقوة هالأيام بس محد مهتم. الدخان عند طلاب الثاناوي صار عادة. عادة تجيب السرطان وتهلك الجسم، بس محد سوا شيء !
وش ذا الإهمال ؟ حنا دولة إٍسلامية المشكلة ، أي تصرف إسلامي هذا؟ في آباء يرسلون أطفالهم عشان يروحون يشترونلهم دخان، كأنه شيء عادي. أنا في المقاهي شايف مبزرة قدام عيني يدخنون. يمكنون ما يكنون السجارة ، بس يموشون عليها ، ومع مرور الأيام بيدمنون عليه ، زي ما أدمن عليه ولد عمتي الصغير الي توه ما وصل سن البلوغ. الواحد في حياته ينتظر إنه يبلغه ، بس شكله الطفل في السعودية ينتظر يجيه السرطان بسبب كمية التبغ و القطران الي حاطها في جسمه . محد قال شيء ولحد سوا شيء، لين متى هذا الإهمال ؟ !
العملية مهب صعبة يعني ، حطو قانون عالبقالات يمنع بيع الدخان للي أقل من السن الرشد وانتهينا. انشروا الوعي بين الناس والأهالي عشان يعرفون. واذا تقولون محد بيطبق هالقانون، أقولكم افرضوا عقوبة. لأن من أمن العقوبة أساء الأدب.
هذاني قاعد أشكي ولكن هل ندائي مسموع
لا حياة لمن تنادي ، لأن القلم عن الوزارة مرفوع
لين متى يا وزارة الصحة بتقعدين تزلبين
بنية أجسام الأطفال السعوديين صارت مادة النيكوتين
بسبب إهمال ناتج عن كسالة صار الطفل ضحية
لما يموت من السرطان في أحد بيدفع الدية
فك الخرمة يا خرمان وطلع بكت الدخان
بس لا تخلي ولدك يعشق مادة القطران
هذولي الأطفال بيصيرون شباب الأمة
وأنا أتهم وزارة الصحة بأكبر تهمة
والصلاة والسلام على نبي الدين
أما بعد : السلام عليكم ورحمة الله وبركاته
يمكن حنا مصنفين من دول عالم الثالث ، بس هذا مب يعني خلاص ما يمدينا نتقدم ونصلح أوضاعنا ونتطور للأحسن. بالعكس هو يمدينا نصير أحسن من من العصر الذهبي بعد، بس الرغبة مفقودة. الله - سبحانه وتعالى - يقول (إِنَّ اللَّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنفُسِهِمْ ). اذا حنا ما نوينا ولا كان فينا نية نتغير، محا يمدينا نغير هذي الكسالة والعجز الي فينا ونحولها إلى طموح وعزيمة. لما تكون الطموح والنية والعزيمة موجودة عندك ، صرت سلاح فتاك ويمديك تسوي الي تبيه. بس وين النية ؟
أنا قاعد أقول هالكلام لأني أشوف إهمال كبييير والأطفال الصغار هم الضحايا. ولد عمتي الحين عمره 9 سنوات ، بس بدا يدخن من يوم وهو 6 سنوات ، ولحد كان داري عنه. اللوم مب بس على الأهل ، اللوم على الوزارة بعد. بكت الدخان نفسه مكتوب عليه للراشدين فقط ، يعني فوق سن ال18. لو طبقتوا هذا القانون كان ما صارت هذي المشكلة من الأساس. الدخان انتشر بقوة هالأيام بس محد مهتم. الدخان عند طلاب الثاناوي صار عادة. عادة تجيب السرطان وتهلك الجسم، بس محد سوا شيء !
وش ذا الإهمال ؟ حنا دولة إٍسلامية المشكلة ، أي تصرف إسلامي هذا؟ في آباء يرسلون أطفالهم عشان يروحون يشترونلهم دخان، كأنه شيء عادي. أنا في المقاهي شايف مبزرة قدام عيني يدخنون. يمكنون ما يكنون السجارة ، بس يموشون عليها ، ومع مرور الأيام بيدمنون عليه ، زي ما أدمن عليه ولد عمتي الصغير الي توه ما وصل سن البلوغ. الواحد في حياته ينتظر إنه يبلغه ، بس شكله الطفل في السعودية ينتظر يجيه السرطان بسبب كمية التبغ و القطران الي حاطها في جسمه . محد قال شيء ولحد سوا شيء، لين متى هذا الإهمال ؟ !
العملية مهب صعبة يعني ، حطو قانون عالبقالات يمنع بيع الدخان للي أقل من السن الرشد وانتهينا. انشروا الوعي بين الناس والأهالي عشان يعرفون. واذا تقولون محد بيطبق هالقانون، أقولكم افرضوا عقوبة. لأن من أمن العقوبة أساء الأدب.
هذاني قاعد أشكي ولكن هل ندائي مسموع
لا حياة لمن تنادي ، لأن القلم عن الوزارة مرفوع
لين متى يا وزارة الصحة بتقعدين تزلبين
بنية أجسام الأطفال السعوديين صارت مادة النيكوتين
بسبب إهمال ناتج عن كسالة صار الطفل ضحية
لما يموت من السرطان في أحد بيدفع الدية
فك الخرمة يا خرمان وطلع بكت الدخان
بس لا تخلي ولدك يعشق مادة القطران
هذولي الأطفال بيصيرون شباب الأمة
وأنا أتهم وزارة الصحة بأكبر تهمة