المساعد الشخصي الرقمي

مشاهدة النسخة كاملة : .:::: 2008 وقت الجد و التحدي الحقيقي للأجهزه (توقعاتك) ::::.


iNFaMY
22-11-2007, 04:21 AM
السلام عليكم ورحمة الله وبركاته
شلون حبايب قلبي اعضاء المنتدى :)
انشالله بخير ؟
(( بخير )) دوم انشالله :D


طبعا كلنا او ثلاث ارباع المنتدى يملك احد الاجهزه التاليه : PS3 , XBOX 360 , Wii


ولعبنا العاب ولا اروع في السنه الحاليه 2007 ودخلنا في جزء صغير جدا في تحدي اجهزه الجيل الجديد Next Gen


انا بتكلم بواقعيه وبدون عنصريه وبدون تعصب شباب خنكون كبار على هالسوالف


السنه هذي تشهد تفوق الاكس بوكس بشكل كبير على البلايستيشن 3
من حيث الاونلاين
ومن حيث الالعاب
ومن حيث التقاييم
ومن حيث المبيعات (( الا بالفتره بالاخيره ))
ومن حيث الحصريات
(( ياشعب البلايستيشن 3 لاتبحلقون عيونكم نطرو خل اكمل لحد يعصب نطرو لول ))


سبب تفوق الاكس بوكس هذي السنه ناتج عن اهتمام الشركه المبالغ فيه بالجهاز كالدعم الاعلامي القوي لبعض الالعاب مثل هالو 3 مايحتاي اتكلم عن دعايات هاللعبه
وهذي طبعا نقطه ايجابيه لصالح الاكس بوكس ..
لكن ابي اقولكم شغله ياشعب الاكس بوكس (( شعبي العزيز ))
تره هذا كله الي تشوفونه عباره عن 20 % من التحدي الحقيقي للجهازين ..


2008 راح تحكم بأعدام احد الاجهزه ...


البلايستيشن 3 ... ناوي نيته ...
خدمة الـ Home (( ياويلنا ويلاه ))
الالعاب الحصريه ...
ميتال جير 4 (( اهني انا اطق تحيه ))
استخدام قوه الجهاز بالكامل ...
خوفك يصير فينا مثل ماصار بالدريم كاست ..؟!



ياجماعه لانستهين بالبلايستيشن 3
تره قوته جبااااااااااره بمعنى الكلمه ...
يعني انا اقول لو نحكها معاهم ونستغل الفرصه ونشتري بلايستيشن 3 يكون احسن يعني ... :D


وفوق هذا الاكس بوكس 360 يعاني من عده مشاكل ممكن تخلي جهازنا يطيح
وهذي النقطه راح تستغلها سوني
1- ماعندنا بلو راي
2- ريد لايت
3- الجهاز لازم تدلعه احلى دلع علشان يتم معاك 5 شهور على الاقل
4- اكسسوارات الجهاز الغاليه ..


المهم من خلال هالموضوع
ابيك تتوقع (( قلت تتوقع مو تتهاوش ))
هل راح يقلب البلايستيشن 3 علينا الموازين ؟
(( وقتها بكون شاري البلايستيشن 3 طبعا :D))
+
شنو اهم لعبه عندك في 2008 ؟؟
بالنسبه لي Resident Evil 5


المهم عطونا أرائكم



الله يستر :D
المهم مثل ماقلت ..
انا اقول لو نحكها معاهم يعني ولا شرايكم ؟ :D
ميتل جير 4 بعد .. احم احم
GHOST 360
22-11-2007, 06:50 AM
الله يستر ..
بتستوي حريقه من التحدي واخاف احنا نحترق ^^
انا متوقع من ps3 الكثير 360 الكثير ايضا من الاعاب ..
ننتضر ونشوف
DeadLy_
22-11-2007, 07:12 AM
السنة الجاية بتكون قوية للps3

جران توريزمو 5 \ فاينل فانتسي \ ميتال جير... هالثلاث عناوين كفاية :p
عاشق 360
22-11-2007, 08:12 AM
انفامي بخصوص مشاكل الجهاز انساها شيي من الماضي وانتهى وخصوصا الريد لايت

بخصوص كلامك صحيح انا اتوقع ان البلاي ستينش بيتحسن وضعه في 2008 اكثر من 2007

وخصوصا بوجود العاب قويه

لاكن لاتنسى الاكس بوكس نفس الشي باقي له العاب قويه

منها نينجا جايدن 2 وفيبل والن ويك والعاب رير وغيرها من الالعاب القويه

بس انسى ان الجهاز يصير مثل الدريم كاست

الاكس بوكس اعتقد انه تخطى حاجز ال 15 مليون جهاز
FARES360
22-11-2007, 08:24 AM
انا اقول البلاي3 راح يرتفع بشكل لافت وراح يمسك حبل " التنافس " على عكس وضعه حاليا ..
بينما ال360 هم راح يصعد لكن بشكل متواضع وعالخفيف ..اعتمادا على الألعاب الي راح تنزل!؟
اما بخصوص المبيعات النهائيه اتوقع انها بتكون متساويه بين بعض بفرق كم الف وما الى ذلك ..
بالنسبه للألعاب المهمه لي في 2008 .. فيه وايد بس بذكر وحده وهي FABLE || :)
اما نقاط الضعف الي ذكرتها.. شيل الرد لايت منها :p لأنه ما عاد احد يشتكي منها بالElite وانت صاعد " falcon قريبا "

:tongue2: شدعوه الwii ما تعترف فيه ؟ ما أشوفك مدحته بشي !
RE Forever
22-11-2007, 08:39 AM
أنا أتوقع إنه 2008 راح يكون البداية الفعلية للـ PS 3 ، وإنه راح ينزل بقوة معوضاً ما فاته في 2007 ، مع الأخذ في الاعتبار عدم انخفاض مبيعات الـ 360 بشكل كبير ، يعني ما راح ينقرض مثل الدريم كاست ، والله أعلم.

أما عن أهم لعبة في 2008 هي MGS 4 ، لأن أكثر لعبة أنتظرها وأتوقع إني راح أشتري الـ PS 3 عشانها وهي Resident Evil 5 أغلب التوقعات إنها راح تنزل في 2009 وليس 2008 ، وشكراً لك أخي العزيز على الموضوع.
joker_zambrotta
22-11-2007, 10:14 AM
مع خفض السعر 400 دولار
ووجود اغلب اوراق سوني باليد وعدم طرحها عل طاولة مثل
free online
خدمة home
mgs4
FF XII
littlebigplanet انا مراهن على هل لعبة
killzone
GT5
واقدر اقول devil 4 باليابان ناطرينها عل سوني3
يعني الالعاب اللي فاتت كلها تعتبر system sellers
ناهيك انه ارخص مشغل بلوري موجود حالياً
مع افلام مثل
die hard 1,2,3,4
pirates 1,2,3
spiderman 1,2,3
افلام دزني
و جم فلم انيمي مثل Paprika (http://www.blu-ray.com/movies/movies.php?id=588)
ولو ينزلون افلام ميازكي شي جميل يصير

يعني مع هل قائمة من الايجابيات المفروض ترتفع مبيعات الجهاز احسن من هل سنة بوااااايد

وهم ال360 عنده العاب حده مو هينة
fable2
cry on
GOW2
ninja gaiden 2
فوق المستحيل
22-11-2007, 10:22 AM
اعتقد انه عام البلايستيشن 3

والسبب منطقي

لان البلايستيشن 3 في هذا العام ماقدمت شي.

وكل العابه الحصريه والقويه راح تنزل العام المقبل...فااتوقع ان وضعها ماراح يكون اسوء من وضعها الحالي
واوا أكس
22-11-2007, 10:52 AM
شباب صج مايكرسوفت عندها خدمه تشبه ال home وبيعلنون عنها في بداية السنه :boggled: ؟

عموما المنافسه بتكون قويه واايد ووضع سوني بيكون أقوى وأحلى من اال2007 و مايكرسوفت تحت راسها شي :biggthump
فوق المستحيل
22-11-2007, 12:21 PM
من احد اقوى اسباب نجاح xbox360 هو التوقيت الممتاز الذي قامت به مايكروسوفت بطرح جهازها بالسوق.
kllor
22-11-2007, 12:44 PM
أنا الأن أفكر إني أشتري ps3 لأن خوفك يصعدون السعر بعدين بعد ما تنزل mgs4 & FF

شكلها راح تصك السنه القادمه و الله يستر
DeadLy_
22-11-2007, 12:48 PM
أنا الأن أفكر إني أشتري ps3 لأن خوفك يصعدون السعر بعدين بعد ما تنزل mgs4 & FF

شكلها راح تصك السنه القادمه و الله يستر



أما يغلون السعر؟ ما توقع المفروض أسعار الأجهزة تقل كلما زاد عمرها بس كل شي جايز!
Dark_SS
22-11-2007, 12:49 PM
في نظري ان ال PS3 قآآآدم بقوة في 2008 لأنه هو وقت الي ينزل فيه الالعاب الحصرية ..
بس لاحظت انه بينزل اكثرها دفعة وحدة ((( شيء جيد للمستهلكين بس ليس جيد للشركة في نظري )))

وعن الاكس بوكس سيكون متحدي مع البلاي 3 بنسبة 40% الى 50% للبلاي3 في الربع الثالث مع 2008 ..

ونصيحتـــــــــي حق 2008 اجمعوا لكم كم قرش وخذوا بلاستيشن 3 لما يصير ينزل مع الDualshock Bundle..
وسلامتكم ^^
Mr.X
22-11-2007, 12:56 PM
اتوقع الإهتمام بالـ PS3 بالمنطقة العربية عموماً راح يكون كبير خصوصاً ان سوني حالياً قاعده تبرمج الجهاز على ان يظيفون اللغه العربية له.. بالإضافه إلى
ان اللغه العربية هي من بين اللغات الأساسية بالهوم بالنسخه النهائية مو البيتا ..فأتوقع ان الشركات المطورة مثل ما قالت سوني راح تصير مهتمه بالمنطقه
العربية وإحتمال كبير انهم يظيفون اللغه العربية من بين اللغات الـ 5 الأساسية الموجوده بأغلب الألعاب

ثانياً سوني إلى الآن ما نزّلت اوراقها القوية من الألعاب و أولها MGS4 وفيه العاب كثيره مثل وايت نايت ستوري,ليتل بق بلانت , درايفر 5 , هيز ,UT3 وغيرها..
بالإضافة إلى انه فيه احد البودكاسات الخاصة بميتل جير جا سؤال بالبريد لراين بيتون يقول له ,, هل سوني خايفه من وضع المنافسه مع باقي الأجهزة خصوصاً
مع وضع سوني المتردي ؟؟ فجاوب : نحن لسنا خائفين منها وسنة 2008 هي سنتنا <<< كلامه يخوف اتوقع ان سوني مجهزة اشياء كبيرة بهالسنة إلى الآن
ما اعلنت عنها !!
Modi
22-11-2007, 01:06 PM
الحمدالله انا مروق والجهازين موجودين عندي .. وانتظر اي لعبه تسوى .. اشيلها بدون تعصب ^_^
اللعبه الوحيده الي بهالسنه ممكن تكون الاقوى هي GTA4 "من حيث المبيعات مع اني اكره اللعبه كره"

هالسنه لي العاب كثيره حلوه على الجهازين
ميتل جير .. سبلنتر سيل .. لاست اودسي .. نينجا قايدن
ان شاءالله تتواجد توستد ميتل "حاسس انهم بيعلنوا عنها"
ShinGundam
22-11-2007, 01:13 PM
تصحيح صراع الجبابرة ليس في 2008 بل 2009 هي سنة PS3 من وجهة نظري لأن FF راح الطول وايد
و لا ننسى ألعاب Cellius و GoW3 و Yakuza و ZOE3 و SRW لذا لا أجد أن 2008 سيختلف
كثيراً عن 2007 من وجهة نظري
HMK_2002
22-11-2007, 01:42 PM
انا اتوقع العالم كلهم بيتجهون للـ PS3 لأن العالم لا زالت ترغب به وسعره جيد وكثرة الالعاب القوية الي بتنزل

وآخر خبر ان سوني خفضت من سعر البرمجه للـ PS3 الى النصف يعني الشركات مالهم عذر انهم يسوون العاب ( اول عذرهم التكلفه غاليه)

ومحرك الانريل اصبح يعمل على الـ ps3 وبتنزل 16 لعبه للـ PS3 على محرك الانريل

باختصار 2008 سنة الـ PS3

لكن ما بتنتهي المنافسه في 2008
بل اتوقع آخر 2009 سيعلن من هو الفائز في حرب الجيل الثالث
Mr.X
22-11-2007, 01:55 PM
وبتنزل 16 لعبه للـ PS3 على محرك الانريل
لا هنت ممكن تقولي اساميها ؟
HMK_2002
22-11-2007, 02:03 PM
^^^

ما اعرفها
فل اوبشن
24-11-2007, 08:59 AM
بس لا تنسى ان برمجة الاكس بوكس اسهل واحسن من السوني 3
ShinGundam
24-11-2007, 10:26 AM
^
^
ليش مجرب ؟ البرمجة مالها دخل في رايي في نوع الكونسل بل في نوع اللعبة و الشركة نفسها إذا كانت تقدر

تقدم شي يستحقه جهاز بقدرات PS3 أو XBox لكن إذا الشركة ماتقدر خله تسوي لها لعبة DS أو PC

أحسن
hola007
24-11-2007, 11:11 AM
كيفكم شباب:
انا بالنسبة لي حالياً وبدون تعصب استخدم الجهازين XBOX 360 & PS3
ولكن حالياً أفضل XBOX 360 على PS3 في اعتبارات كثيرة والكل يعلمها وذكره بعض الاخوان، وأفضل شيء حالياً في xbox 360 هو LIVE و الألعاب متوفرة بكثرة وحصريتها.
ولكن عام 2008 في مفاجآت ننتظرها من SONY والأهم منها HOME وبعض الالعاب الحصرية منها. يعني وبالأختصار المفيد عام 2008 المستفيد الأكبر هو GAMERS نعم احنا المستفيدين الشركتين MICROSOFT & SONY راح يتنافسون بشكل رهيب في 2008 الكل واحد يظهر قوته ويمحو سلبياته السابقة. وانا مع الافضل طبعاً.
وأفضل لعبة انتظرها بفارق الصبر RESIDENT EVIL:bigeyes:
وفي الختام السلام :bigok:

GAMERTAJ: HOLA 007
PSE NETWORK: HOLA007
kingx11
24-11-2007, 12:06 PM
السنه الجديده بتكون بداية ارتفاع مبيعات الجهاز لكن مب بشرط يكون الفايز , الps3 صار له اسبوعين يغلب الووي فالمبيعات بالسوق الياباني , وينتظره العاب كثيره جدآ للسوق الياباني بغض النظر عن السوق العالمي , والألعاب حصريه او ملتي مب مهم , الأهم هو ان مبيعات الملتي بتصب في صالح الPs3 بالتأكيد لكثرة مبيعاته ورخص سعره مقارنه بمميزاته اللي يقدمها كجهاز ألعاب ومشغل افلام بلو-راي , لان 2008 بتكون سنه جباره لأفلام البلو-راي والأنمي خاصة ان شركة bandai مخططه لاصدار اكثر من 50 فلم/مسلسل انمي في 2008 عالبلوراي حصريآ والآسيوين مايحتاج كلهم عشاق للأنمي , وطبعآ مانسى mgs4 بتكون ضربه قويه لخصوم الجهاز خاصة ان الجهازين ماعندهم العاب AAA في فترة صدور ميتل جير , الجهاز في 2008 بيضاعف ارباحه لانه في 2007 كانت 80% منها معتمده عالأفلام و20% ألعاب وبتصير 50% افلام والعاب , واستبعد اي شخص يحاول يجيب طاري دعم العاب الps2 في 2008 لأزدحام الجهاز بالألعاب والأفلام بغض النظر عن جودتها وقووتها , هي فالنهايه بداية لنجاح الجهاز لكن مايندرى اذا بيزيد نجاحه او يوقف عند حد معين مثل بعض الأجهزه المنافسه