رعـــاية شــباب أم رعـــاية هلال !!!!؟؟؟؟؟

[Forlan]

الســلام عليــكم ورحمــة الله وبركــاته

وداعاً كرتــي السعــوديه

وداعا للتنــافس الشريــف . .

نعــم . .

هــذا هـو الواقـع طالمـا من يديــر دفـة الكرة في بــلادنـا إتــحـاد " فــاشـل "

بمعنى الكلمـه . . إتحــاد لا يرى سـوى بـ " عين واحدة " . .

تنـاسـوا مايحصــل لمنتخبــاتـهم التـي تُحـقق الفشـل تلو الآخر بـداية بالمنتخب الاولمبي

مرورا بالمنتخب الاول الذي لم يستطـع حتى المنافسة على بطـولة للأسـف لايشـارك بها

سوى منتخبـات أولمبيـة وأخرى لانكـاد نذكر اسمها في عـالم الكـرة . .

كـل هـذا حـاولوا ان يخفـوه وذلك بإظهـار مشكلـة طالمـا انتظروهـا . .

وجـاءت في توقيــت لصـالحهم . .

فهي فرصـة للتغطيـة على فشلـهم الذريـع . .وايضاً فرصـة للتخلــص من رجـل

طالما وقــف امـام مخططاتـهم التي تسير لصـالح مدللـهم وفريقهم المشهـور . .

هنيئــاً لكـم . . فقــد رحــل مرعبــكم . .


مثـل هـذه القضيـة تكررت كثيـرا . .

لكني لم أسمـع يوما انه تم تكوين لجنـة تحقيق ومسائلات اضافة الى " إقــالات " تحدث

رغما عن أنف من لايرضـى .!!!

فالشـواهـد كثيـرة . .

كلنـا يذكــر المـدرب البرتغالي الشهير " آرثـر جورج " الذي درب النصـر عـام 2002

فـبعد موسم مميز قاد النصر لتقديم مستويات مميزه اراد النـادي التجديد معه . .

وفعلا وصـل المدرب للرياض بتأشيــرة " نصراويه "

لكنـه عـاد هلاليا .!!!

طـالب النصر بحقوقه كم يدعي الهلال الآن . .

لكن للاسـف لم يقف مع النصـر أحـد . . على العكس تماما من الهلال

فقـد وقفــت معـه اعلى سلطـة رياضية في البلــد . .

كانت ردة فعـل الاتحـاد السعودي بأن طـالب الناديين بأن يحلوا الموضوع بشكـل ودي فيما

بينهم . . ولم نسمع عن تشكيل لجان وغيرهاا مما يحـدث الآن . .

وبعـدها المـدرب ذهـب ليـدرب الهلال . .

والنصـر لا حول له ولا قـوة . . !!!

والأمثـلة كثيـرة . .

جاسم الهويدي - بشــار عبدالله - محمد الدعيع . . الخ

الآن . .

الإتـحاد السعودي لم يسـره ان يرى ظـالم الامس مظلوما اليـوم . . (( مظلوم في نظـرهم فقط ))

فبمجــرد سمــاعه بما حـدث فقـد أصــدر القرارات وشكـل اللجـان كل هـذا قبـل ان يشتكي

الهلال نفسـه . . لكن لماذا يشتكي الهلال ؟؟؟!!!!

. .فالاتحاد السعودي هو أحرص بمصلحة الهلال اكثـر من غيــره . . حتى أكثر من الهلاليين أنفسـهم . . !!!

كـلامي هـذا قـد يغضــب الكثيــر . .

بل أجـزم أنـه سيغضبـهم . . لأنـهم لم يتعـودوا على الحقيقـه . فكـل مايعيـشونه

هو كـذب وخيــال . .و واقـع مزيــف صــور لهـم فصـدقـوه . . !!

http://g3g8.com/uploads/36cdef684a.jpg

الله يرحـم أيــامك يا فيـصل بن فهـد . .

وينـك تـشـوف اللي حاصـل الحيـن .؟

ريـاضة يعبــث بهـا المخربـون كيفمـا شـاؤوا وأرادوا ..

واذا استـمـر الحـال على مـاهو عليـه

فـ على ريــاضتـنـا الســلام

وهنـا يحــق لنـا التســاؤل . . هل الرئــاســة ::

رعـــاية شــباب أم رعـــاية هلال !!!!؟؟؟؟؟ (http://www.alnassr.com/vb/showthread.php?t=187044)

والله المــوفق والهـادي الى سـواء السبيــل . .

أخــوكم :

FORLAN

[Modi]

الله يرحم فيصل بن فهد لو كان موجود وقتها .. كان ماصار الي صار
خصوصا البلوي كان مطرود من سنة 2002 بعد ماخطف الجمعان
ليلة النهائي الاسيوي للانديه وخسره الهلال امام سامسونج

اخوي هناك 3 قضايا كان المفروض يحكم فيها وهي
ارثر جورج - حمادجي - كالون مع انها قويه

ارثر جورج مثل ماصار انحلت وديا
حمادجي نفس الشي انحلت وديا

سالفة كالون انه رئيس الفريقين مافيه ود بينهم غير كذا الهلال صبروا
على حركات البلوي وجتهم فرصه ذهبيه وماتتعوض خاصه انهم لقوا على
البلوي ممسك وانه خرق قانون بالاقامه والعمال .. ومنها تدخلة وزارة الداخليه

اما سالفة الهويدي وبشار والدعيع عرض وطلب والهلال قدم العرض الافضل وراحوا له
مالها دخل وكان وقتها واضح للجميع ان الهلال ناوي عليهم حتى لو كان النصر اعلن انه
يفاوضهم ودخلوا على الخط .. نفس طريقة جواد الزائري الي كانت بين الهلال والاتحاد

.
.

المهم السؤال هل بتنخفض حدة التشنج والتعصب ولا لأ ؟؟

[Forlan]

سالفة آرثـر جورج . .

النصر قـدم شكـوى للاتحـاد السعـودي . . ومـع الاسـف اعتبـره غبـاء من ادارة النصر في ذاك الوقــت . .

يعني بالعقـل تروح تشتكي على الهلال للاتحـاد السعودي .!!!!

عمـرك ماراح تكســب شكواك . .

طيب الحين سالفة كالون مباشرة تدخل الاتحاد السعودي فيها حتى من قبـل ان يشتكي الهلال . .

وسالفة ارثر جورج مافكروا فيها الا يوم اشتكى النصر . .ويوم اشتكى قالوا : حلوها بينـكم .!!!

يعني المشكله كـل شي واضـح . . ومايحتــاج تفسيــر . .

وش تبون تقنعـونـا فيـه ؟؟!!!!!

انـكم مظلوميــن يعنـي ؟؟

عمـر الهلال ما انظلـم من الاتحـاد السعـودي . .

عمــوما انتظــروا الطــامه الكبــرى قريبـاً . .

رفــع الايقــاف عن خــالد عزيــز . .

لكـن اصبـروا لين تهدأ امور السالفة اللي صايرة ومن بعـدها راح يعلن القــرار . .

ومن جرف لدحديـرة يا اتحـادنـا " الفاشل "

====

سـالفة الهويدي وبشـار على قولتـك

هـذي تم فيهاا توقيـع عقـود مبـدئيـه . .

وحتى كـان " طلال الرشيد " متواجد في الكويت وقتها . .

================

وعما اذا كـانت درجـة التعصب والتشنـج راح تقـل . .

ماظنيــت يالغلا . .

بالعكـس . مثل هـذي الخـطوة راح تزيــد من حـدة التعصــب . .

فكـل اتحــادي حاليا يكره كل ماهو ازرق وكـذا هو الحـال بالنسبـة للهلاليين . .

فالوضـع سيء . . وزاد سوءً من بعـد قرارات الاخيــرة . .

ولك جزيــل الشكــر على المــرور

[بليجرو]

forlan..وسع صدرك يارجال

لاجديد..هذا هو أتحاد الخطط المدروسة

البلوي الكل يعلم أنه أقيل ولم يستقل..

ومنها تدخلة وزارة الداخليه

أهلا modi

تدري لو أن كالون أشتكى للفيفا عن هذة النقطة..

أتوقع بتصير للهلال علوم...لأن أول مرة أشوف قضية رياضية

تتدخل فيها وزارة داخلية..

ناهيك عن منظرها غير الحضاري..

نفس طريقة جواد الزائري الي كانت بين الهلال والاتحاد

جريدة الرياضية أجرت لقاء مع الزايري

ذكر فيه أن أتفق مع الاتحاد على التوقيع..ثم أراد الهلال مفاوضته

لكنه أبلغهم بتوقيعه مع الاتحاد..

سألوه..أنه مذكور في موقعه الشخصي...أتفاقه مع الهلال للعب لهم..

قال..:أن موقعه تم أختراقه من قبل شخص..كتب هذه الجزئية الغير

صحيحة..

وهذا ينافي الشائع لدى الجماهير بأن الاتحاد خطف الزايري من الهلال

المهم السؤال هل بتنخفض حدة التشنج والتعصب ولا لأ ؟؟

هذا هو الاهم بالفعل....أتمنى ذلك



على العموم شكرا للاخforlan لكتابته هذا الموضوع..

وأتمنى من الاخ modi أن يتسع صدره لمشاركتي..

شكرا لكم مرة أخرى...,

[Forlan]

نـورت الموضوع اخــوي

[ســSaKeــاكي]

اقول مايصح إلا الصحيح ويلك يامعاند الزعيم ,,, والهلال قوي قوي طير راسك يابلوي المفروض البلوي مطير من زمان بس رعاية الشباب صبروا عليه لعل وعسى يترك العبث بالرياضه لكن جنت على نفسها براقش

[Forlan]

^

طيب دام البـلوي عبـث بالريـاضه والمفـروض انه يتطيـر ورعاية الشباب لقوا الفرصـه وطيـروه

طيب وينـهم عن رئيــس النــادي اللي اعتــرف بنفسـه عن الفســاد اللي صــاير وذكر بأن فريقه هو أحـد الاطراف .!!

يا حبيبي في ايـطـاليا الكل يذكر سالفة الرشاوي والتلاعب . .

بمجرد انهم شكوا في الموضوع . .قااامت الدنيا وماقعدت لين اصدروا قرارات بهبوط انديه وخصم نقاط من انديه . .

وعندنا هنـا يتــم الاعتــراف بصريــح العبـاره بالفسـاد الموجود . . لكن ماعنـدك أحـد . .

مع اني اجـزم لو احد غيره قالها وصرح بها كان صارت سوالف . .

بس للأســف مايطـالعـون الا بـ " عين وحدة " بس ..

قـال ريـاضة قـال .!!!

[sooseef]

والله ملك و أهنييييك على هدا الموضوع أحلى موضوع في المنتدى و صراحة الإتحاد و كل الفرق السعودية دايما مظلومة إذا كان فريق الهلال في السالفة عشان كلهم هلالية وهذا أكبر غلط و أهنييييييك على الموضوع .

[Dr.GaMes]

بس للأســف مايطـالعـون الا بـ " عين وحدة " بس ..

قـال ريـاضة قـال .!!!

للاسف نفس الشي معك لاتنظر الا بعين واحد!!

[H.A.M.M.O.D.I]

والله شي معروف ان الأتحاد السعودي (( الهلالي )) متعصب للهلال منزمان ,,

انا ما اظلم الهلال كنادي .. ولاكن الكل يعرف مين اعضاء الشرف في نادي الهلال مايحتاج اقول اسامي ..

192 عضو في شرف الهلال صاحب سمو ملكي :ponder:

والله مكالمه وحده اي قرار بيتنفذ :D

ارجع واقول هذي رياضه حلوه بالتنافس مو بالسلطه ..

وبالنسبه لمنصور البلوي .. (( ابرز شخصيه رياضيه سعوديه ))

كم صرف عشان المنتخب وكم صرف عشان يدعم الأنديه السعويه غير الأتحاد ؟؟

كم خدم هذا الرجل الرياضه السعوديه ؟؟؟

وانا ما انسى تصريح بندر بن محمد عن البلوي :dead:

والله يقهر :ponder:

وبالنسه لرؤساء الأأنديه ..

البلوي اول رئيس اشوفه محترم ويجلس بالمنصه ويراقب المباراه واذا خسر فريقه يبارك للفريق الثاني ..

مو مثل رئيس ماني ذاكر اسمه .. مايجلس الى جنب المدرب واذا انتهت المباراه نزل الملعب يتهاوش مع الاعبين :ponder:
واذا خسر يقول للفريق المنافس انتوا ماتستاهلون الفوز :ponder:

كم عمرك انت :أفكر:

[Forlan]

مشكوورين جميعا على المرور

بس اخوي حمودي ..

وش قصدك بالعمــر ؟

:D

[Exodia]

السلام عليكم

بصراحة ما أدري أيش مشكلة النصراويين في كل مشكلة للهلال ؟؟!!!
يعني حتى المشاكل اللي بين الهلال والأندية الثانية أول من يكتب أو يعلق عليها لازم يكون نصراوي !!
حتى القناة الرياضية السعودية أول ما صارت إقالة البلوي كان من بين المتصلين ممدوح بن عبدالرحمن !!
أخوي Forlan
اتركوا النظريات اللي عايشين فيها وحاولوا تشوف حل لناديكم ولمشاكله ..
النصر من 95 ما حقق بطولة محلية وحده ، يعني 12 سنة بدون أي بطولات وكل حججكم الهلال والتحكيم ..
والغريب إن خلال 12 السنة الاتحاد والأهلي والشباب والاتفاق وأندية سعودية كثيره حققت للبطولات ومو الهلال لحاله اللي حقق بس ..
الاداره النصراوية من زمان أقنعت الجمهور النصراوي إن المشكلة هو الهلال والجمهور صدق الكذبه وعايش إلى اليوم تحت هذا الوهم ولا تحلموا بتحقيق أي بطولة ما دام هذي الأفكار مستمرة في بالكم لأن السبب الرئيسي هي في ادارة ناديكم ..
الفرق الثانيه تشتغل وتجتهد وحصلت على بطولات ومن أكبر الأمثله الاتحاد لما حقق أربع بطولات في سنه وحده والأهلي حقق بطولتين العام الماضي والسبب إن ما عندهم أعذار الفشل النصرواي وأجتهدوا وعرفوا وين مشاكلهم وحلوها ..
طلعت عن الموضوع شوي بس عشان تكون الصورة واضحه لبعض اللي تكلموا عن اقالة البلوي وهم من خارج البيت الاتحادي ..
أما مشجعين الاتحاد ما ألومهم على الزعل ، رئيس نادي أعتقد ما مر على أي نادي في السعودية من حيث الدعم والاهتمام ومساعدة اللاعبين وكثير من الأمور اللي خدمت نادي الاتحاد وساهمت في تحقيقة البطولات بشكل واضح ..
ولكن هناك أخطاء تسببت في اقالته والسبب تصرفات البلوي نفسه ..
قبل ما أتكلم عن قضية كالون بتكلم عن أرثر جورج والدعيع وبشار والبقية ..
النصر تفاوض معهم والهلال تدخل وفاوضهم وهذي الطريقة موجوده حتى في أوروبا ومن يدفع أكثر أكيد اللاعب بينتقل له وهذا اللي صار وكان الهلال الكاسب دائماً ، ممكن نعرف وين المشكلة ؟؟!!
لكن موضوع كالون يختلف تماماااا ..
الاتحاد عنده 3 لاعبين مسجل في كشوفاتهم يعني ما يقدر يتعاقد مع أي لاعب رابع ..
الهلال استقدم كالون وفي نفس الليله اللاعب يكون في جدة بطائرة خاصة من البلوي !!!
اللي بيجي يقول إنه راح يزور أصحابه ووو ، فالجميع عارف إن الكلام هذا ما يدخل العقل ولا يمكن أحد يصدقه ..
والتحقيقات أثبتت إن البلوي كان يبغى يتعاقد مع اللاعب ويعيره لنادي قطري المهم إن الهلال ما يتعاقد مع اللاعب وهذا اللي تسبب في اقالة البلوي ..
أعتقد إن الاقاله صار لها فترة لكن البلوي إلى اليوم ما دافع عن نفسه وكل اللي قاله إنه قدر يرجع للرئاسة في فترة الترشيحات القادمة لأنه يدري إن الأمر واضح جداً ويكفي إن أعمدة الصحف كانت تكتب عن هذا الموضوع وتشكر الاتحاد السعودي لأنه أوقف هذي الممارسات ولكن اللي معترضين إلى الان هم الجمهور الاتحادي وما ألومهم مثل ما قلت هذا غير اعتراض النصراويين اللي ما أدري ويش فائدتهم من الموضوع ..
الموضوع انتهى والبلوي أقيل وادارة الاتحاد كلها وافقت وبدأت تعين رئيس جديد ولو كان في ربع اعتراض كان انسحب الكل من ادارة الاتحاد كنوع من الاعتراض على القرار ..
بالتوفيق للاتحاد والهلال في البطولات القادمة والناديين عينيين في رأس وحدة وإن شاء الله نشوف مباراة قوية بين الطرفين يوم السبت ..

ويعطيكم العافية

[boo boo]

وصلنا للعالمية بجهد هذا الرئيس ( الشيخ منصور البلوي )
وهم .. عفواً و هن يبونها هدية من الرئاسة العامة لرعاية الهلال

والظاهر ان صدمة نادي الوحده الاماراتي ونادي الاتفاق مأثرة عليهم بقوه

[H.A.M.M.O.D.I]

وش قصدك بالعمــر ؟

:D

يوم قارنت البلوي مع رؤساء الأنديه الثانيه ,,

وكيف بعض الرؤساء ((بدون ذكر اسامي )) وتصريحهم الاخير بعد المباراه مع الأتفاق ,,

بدال مايقول الف مبروك ,, يقول ماتستاهلون الفوز:dead:

وانتوا ماعندكم اخلاق :dead:

عشان كذا انا سألت كم عمر رئيس النادي هذا .. :ponder: