المساعد الشخصي الرقمي

مشاهدة النسخة كاملة : جوالي انزرف ، أي طريقة أرجعه أو أعرف وين موقع السارق ؟


VaSh ThE sTaMpEdE
29-11-2007, 10:21 PM
السلام عليكم :)


أمس جوالي أنا واثنين من العيال انزرفوا ، فأبي أعرف هل في طريقة إني أحدد وين أقدر ألاقي مكان الجوال المزروف أو على الأقل أعطل عمل الجوال ؟
لأن سمعت إنه في رقم تعطيه الشركة يخلي الجوال ما يشتغل أو شيء زي كذا

عموما اذا في أي طريقة تدلني على السارق تكفون قوليلي لأن الي زرف الجوال ناويه أنا نية شينة

في امان الله :)
مستر حريقة
29-11-2007, 11:04 PM
السلام عليكم :)


أمس جوالي أنا واثنين من العيال انزرفوا ، فأبي أعرف هل في طريقة إني أحدد وين أقدر ألاقي مكان الجوال المزروف أو على الأقل أعطل عمل الجوال ؟
لأن سمعت إنه في رقم تعطيه الشركة يخلي الجوال ما يشتغل أو شيء زي كذا

عموما اذا في أي طريقة تدلني على السارق تكفون قوليلي لأن الي زرف الجوال ناويه أنا نية شينة


في امان الله :)



وعليكم السلام ورحمة الله وبركاته
بالراحة اخوي بس .... قلبك ابيض :D

بالنسبة للكود الي تعطيه للشركة فهو رقم كود الجوال يكون مكتوب في الجوال من ورا عند ......Made In
اما لو تبي تعرف مكان السارق فيبيلك تكون حاطط جهاز مراقبة او تصنت داخل الجهاز :D

اني وي إن شاء الله اكون ساعدت بشي وتكون مسجل رقم الكود عندك من قبل ^^

يعطيك العافية.... ؛؛
VaSh ThE sTaMpEdE
30-11-2007, 12:02 AM
اذا كان قصدك الرقم التسلسلي ( IMEI ) ، الحمدلله كان موجود على الكرتون يوم شريت الجوال
دقيت على الاتصالات قبل ساعة وقلت لهم وش صار ، قاموا فصلوا الشريحة والجوال ، يعني الي سرق جوالي محا يستفيد. بس مشكلة جوالات أخوياي الاثنين.

بس الحين أنا في شيء مب فاهمه ، ال IMEI وش يسوي بالضبط ؟

وبصراحة ، أنا ما همني مرة ، خل الجوال ينفعهم ، بس مافي أي طريقة أجيبهم وألعن شكلهم ؟
TURKi
30-11-2007, 12:35 AM
International Mobile Equipment Identity (http://en.wikipedia.org/wiki/International_Mobile_Equipment_Identity)

رقم تسلسلي يستخدم بشبكات الجوال ليتم تعرفه عليها

The IMEI number is used by the GSM network to identify valid devices
No `AnGel
30-11-2007, 12:59 AM
بتاخذ حقك من السارق في يوم غير هاليوم ..
انت فقط أدعي عليه .. ودعوه المضلوم مستجابه (=
VaSh ThE sTaMpEdE
30-11-2007, 02:36 AM
مشكورين إخواني على المساعدة ، والله ما قصرتوا :)

بس يا ENG. TURKI ، أنا أول شيء سويته إنه فتحت جوجل ودورت عن فايدة ال IMEI ، فهمت إنه يقدر يترصد الجوال ويقدر يقفل الجوال.

أنا كلمت الاتصالات ، قاموا فصلوا الشريحة ، ويوم عطيتهم الIMEI قالوا بنقفل الجوال بعد 24 ساعة . سألتهم اذا يمديهم يعرفون موقع الجوال ، قالو لا :31: ، صدق ولا يستهبلون ؟

في أمان الله :)
TURKi
30-11-2007, 02:05 PM
قالو لا :31: ، صدق ولا يستهبلون ؟
هم صادقين ... اللي لهم الحق بمعرفة مكان الجوال ( قسم خاص ) بالاتصالات السعودية = الاستخبارات
و كذلك قسم من اقسام المباحث فقط.

والجوال اذا كان مغلق لا احد يستطيع تحديد المكان .

اما اذا بلغت عن الرقم التسلسي ( يتم ايقاف فائدة الجهاز في شبكة الجوال فقط ) يعني موبايلي يشتغل بكل يسر وسهوله :)

بالتوفيق
VaSh ThE sTaMpEdE
30-11-2007, 02:28 PM
مشكور تركي وأدري إني غيثتك

بس مافي أي طريقة أفصله عن موبايلي بعد ؟

شكرا لك مقدما :)
TURKi
30-11-2007, 03:27 PM
:) اتصل على موبايلي ... و أسالهم ( هل توجد عندكم خدمة ) حماية جوالي من السرقة ؟

... انا و الله ما عندي اي خلفية عن موبايلي ...

والا ابشر من عيوني @@
VaSh ThE sTaMpEdE
30-11-2007, 05:39 PM
مشكوور أبو فيصل والله ما قصرت :D
ومشكورين على أعضاء على التفاعل

الي صار كان مكتوب من الله ، بس لو لقيت الحرامية يا ويلهم يا سواد ليلهم

في أمان الله :)