المساعد الشخصي الرقمي

مشاهدة النسخة كاملة : عام الموضوع الرسمي : لـ الغير رسمي !


Al-7ussaini
03-12-2007, 09:23 AM
السلام عليكم و رحمه الله و بركاته

شخباركم وشعلومكم ؟ صباح و مساء الخير و النوير ..

حبيت أعرف اخواني

فيه مواضيع تنكتب على انها "الموضوع الرسمي لـ " أي لعبة توها نازله أو لعبة راح تنزل

و حسب معرفتي .. كلمه الرسميه " Official " ما تطلق على شي إلا إذا كان هذا مصدره الشركة

الأم أو انه صاحب النشر اخذ حقوق الطبع لنشر هذا العنوان تحت أي نوع من ألعاب او افلام او مجلات

على انه يكون متفق مع راعي حقوق الطبع على الرسمية ..

فالغريب الحين مواضيع المنتدى "الرسمية" منتشرة مع انها تخلوا من اي رسميات ..

لأنه لو هالشي صار بالولايات المتحدة ترى ممكن الشركة الأم تقاضي كاتب الموضوع بملايين الدولارات ..

فخلونا يا شباب و اخوان و حبايب نوخر عن كلمه "رسمية" و نطلع بكلمه يديده ممكن تعتبر

بطريقه او بأخرى عن فحوى الموضوع من غير " التفخيم " بالموضوع نفسه .. خاصه و حتى موضه

الألعاب " الاسطورية " و " الاغريقية " و الفرعونية" منتشرة كل من طق براسه يسمي اللعبة " اسطوريه " من كيفه

او انه منو حب يلفت نظر القرآء كتب "رسمية"

فشنو رايكم بالفكرة هذي ؟

والسلام عليكم :blackeye:
cantona222
03-12-2007, 09:52 AM
السلام عليكم

أنا ما أشوف ان كلمة رسمية فيها شي :أفكر:
الهدف من الموضوع الرسمي أهو تجميع كل المعلومات و الصور و الأخبار للعبة بموضوع واحد لأجتناب المواضيع الفرعية اللي مالها داعي.


لأنه لو هالشي صار بالولايات المتحدة ترى ممكن الشركة الأم تقاضي كاتب الموضوع بملايين الدولارات ..
و الكلمة مالها شغل بحقوق الطبع و هالسوالف......... مو لهالدرجة :D
دش المنتديات الأجنبية مثل IGN و شوف عدد عناوين المواضيع اللي فيها كلمة Official :)....... ما قاضوهم بملايين الدولارات و لا شي.
http://boards.ign.com/xbox_360_general_board/b8266/p2 (http://boards.ign.com/xbox_360_general_board/b8266/p2)
mgs7
03-12-2007, 11:49 AM
المقصود بالرسميه اي بهذا المنتدى يعني في اكثر من موضوع بالمنتدى لنفس اللعبه بس الرسمي يرتب هالشي
وشكرا
msm
03-12-2007, 02:10 PM
(الموضوع الرسمي - Official Thread) مصطلح متعارف به بين المنتديات ..مثل ماشرحوا الاخوان ..
H.e.a.T.e.R
03-12-2007, 02:20 PM
اصلا حتى الاخبار اللي تسرب من تحت الطاولة...احيانا نفس الشركة تسووق لها.

بحيث انها تسوي دعاية لمنتجها...بس بطريقة غير رسمية.

وهالشي يعطي مساحة لحرية التضخيم ( مثل ما هو حاصل مع اكثر الالعاب )
ستيف...
03-12-2007, 06:26 PM
يعني
مناقشات عن العبة
سلام ستيف
kingx11
03-12-2007, 07:33 PM
المنتدى يدفع راتب للشباب اللي يكتبون مواضيع فيها كلمة (رسمـي) او official

انشالله يوم من الايام تصير كاتب محترف مثلهم
فوق المستحيل
03-12-2007, 08:38 PM
رسمي بالمنتدى فقط وليس رسمي على الكل

مثلا موضوع لعبه ميتل جير

لما نكتب الموضوع الرسمي لميتل جير..فاننا نعني..الموضوع الرسمي لميتل جير في منتدى المنتدى
The Shadow
03-12-2007, 10:22 PM
المنتدى يدفع راتب للشباب اللي يكتبون مواضيع فيها كلمة (رسمـي) او official

Huh ??

---------

على فكرة ، حلاوة المنتديات بمواضيعها الرسمية XD ياخي اعشق المواضيع الرسمية ما ادري ليه
و ازالة كلمة " رسمية " اظنه شي خاطئ تماما
The Last Game
04-12-2007, 11:24 AM
المنتدى يدفع راتب للشباب اللي يكتبون مواضيع فيها كلمة (رسمـي) او official

وين فلوسي ؟:D