المساعد الشخصي الرقمي

مشاهدة النسخة كاملة : الريد لايت جاني شنو الحل


rare games
14-12-2007, 10:54 PM
شباب وانا قاعد احمل ترايلر لفابل 2 وبنفس الوقت لعبت شويه ماس ايفكت مادري اذا يؤثر بس حطيته للمعلومه وبعدين طفيت ماس وخليته يحمل وانصدمت لما جا الريد لايت طبعا طفيته على طووول وراها شغلته اشتغل بس ما جربت اشغل لعبه وللحين متوهق مادري شنو اسوي ممكن الحل (والله قلتلكم كم ساعه تحلمون في اليوم في احد المواضيع ما رديتوه علي الله يسامحكم اتغشمر ) المهم شنو اسوي وشنو الحل اشغله اجرب لعبه عليه ولا شنو بالضبط اها وجهازي بريموم دفعه2006 اخذته في يناير2007 وتوه يحوشني الريد لايت
rare games
15-12-2007, 01:11 AM
شباب شنو الحل تكفون اشغله ولا انطر ولا شنو
عاشق 360
15-12-2007, 02:15 AM
جم ليت يطلع لك 1-2-3-4 ؟
rare games
15-12-2007, 04:24 AM
والله اخوي عاشق يمكن2 او 3 مو متاكد لانه اول ما شفتها طفيت الجهاز على طول وشغلته وراها ما في شي بس ما جربت لعبه ولا شي وطفيته وللحين ما شغلته
ADEEEL
15-12-2007, 11:20 AM
دام انه اشتغل معناته كانت حرارة الجهاز عالية والحين تقدر تلعب عادي لكن انصح تركب مراوح مثل الي بالموضوع بتوقيعي
Mr.Xbox
15-12-2007, 01:37 PM
يمكن كانت حراره زايده .. نصيحه لاتحمل وتخلي الجهاز مفتوح .. يعني وانت قاعد تلعب حمل بس لاتخلي الجهاز يحمل لساعات وتتركه .. لأنه يمكن تزيد الحراره ويخرب جهازك ..

او يمكن الوايرات ماكانوا موصلين عدل .. فكهم وبعدين ركبهم عدل

وان شاء الله مايصير شي بجهازك :)
mk88
15-12-2007, 02:11 PM
اخوي انا مابدي اخبرك بهذا الشيئ بس لازم تعرف كل الذين اجاهم الرد لايت بدأ هكذا يطلعلك الرد لايت وبعدين تطفيه وتشغله يرجع يطلع بس احيانا يجيئ الرد لايت لمبتين او لمبة وحدة فهذا يعني مافي شيئ بجهازك وشغله وانت مطمن وخذ ينصيحة الشباب
وانشاء الله ماتشوفها بعمرك ابدا الرد لايت
rare games
15-12-2007, 03:29 PM
يعطيكم العافيه وما تقصرون وانا حاليا ابي اشغله بس التحميل جم ساعه احمل باليوم كاقصى حد عشان اتجاوز المشكله من جديد