عيوب في جميع اجزاء جران تريزمو

[zidane.10]

بسم الله الرحمن الرحيم

السلام عليكم شلووونكم
موضوعي يتكلم عن بعض العيوووب اللعبه ومارح اذكر ايجابياتها لانه اللعبه لا يختلف عليها اثنين بانها افضل لعبه وانا من الاشخاص المتعصبين للبعه بصراحه لكن كلمة الحق تنقال انه فيها عيوب وانا لا افرض رايي واعتبروها وجهة نظر والعيوب كلاتي


عدم الواقعيه في سرعت السيارات ولغمات بمعنى الاحظ من صانع الشريط التحيز لسيارات اليابانيه وانها اسرع من الامريكي وهذا كلام مرفوض لانه في نظري انه الامريكي اقوى والعقل يقول اذا لغمت السياره يعني زدت في سرعتها يتساون نوعا ما في السرعه مثال للعيب في السرعه الواقع يقول انه كمارو اس اس اسرع من كمارو ال تي لكن في جران تريزمو العكس وهذا شي غلط وثانيا لغمة (الكام) مفتوحه لكمارو ال تي ومغلقه لكمارو اس اس وبصراحه هذا تصرف لا يصدر من انسان عاقل :boggled: شلون الكام ينحط على القديم واليديد لأ وعندكم كورفت callaway هذا امن اسرع السيارات في العالم بقوة 12 سلندر و 650 حصان يعني طياره تمشي على الارض شنو يعن الجي تي والفايبر والخ اقوى منها هذا ظلم وبعدين عندك التيربو حصري للياباني والامريكي ممنوع مع انه فالواقع تقدر تحط تيربو على سياره امريكيه او حتى اي سياره فالعالم ولي يقول انه التيربو فعلا للياباني فانه الغاز امريكي يعني اذا كان حقاني يصير الغاز والسوبر حصري للامريكي وخل التيربو للياباني عليه بالعافيه عشان تصير الحسبه متعادله او انه يفتح اللغمات ولي يبي يلغم يلغم

وبصراحه اللي اثبتلي انه صانع الشريط انسان تافه وانتم كرامه انه حاطلي حنطور وسيارة كنتاكي لتوصيل الخدمات الخ من السيارات اللي لاتعد من المنافسين ونسى السيارات اللي فعلا قويا ولها سمعتها مثل مرشلاجو وفيراري والشفر مثل لومينا اس اس او كابرس اس اس والموستنج مثل الاسرائيلي او ال اكس او الروش او ماتش وان او مثلا عندك اليوكن بنظري احسن من غير او اسكاليد يعني احصنتهم احسن من بعض السيارات في الشريط يعني انا بعرف بالعقل السيارات اللي ذكرتها انا او سيارات كنتاكي والسيارات اللي مادري الاخ من وين يايبها؟؟:33:

النقطه الثالثه نوعا ما اهي مو عيب لكن مع مرور السنوات راح يكون عيب الا وهو التكرار يعني من النسخه الاولى وهو نفس الاسطوانه ماكو شي يديد حلبه وفتر فيها صحيح في تغيرات لكن طفيفه مثل سيارات يديده وسمعت انه اليديد في سياكل الصوره افضل لكن انا اقصد على روتين اللعبه يعني لو يسوي دراق 400 ميل 1000 ميل مع سياراه يمكن تصير منافسه مثل نيد فور سبيد اليديد وانا ذكرت هنقطه في احد مواضيعي

واسمحولي على الاطاله واذكر انا عندي هالعبه افضل لعبه لكن من حبي لها حبيت تدراك هذي الاخطاء واذا ذكرت كلمه مني مناك فما كنت اقصد يمكن خذتني العصبيه الي شي من كنت اقصده واتمنى بردود الكلام العاقل وعدم الخروج عن الموضوع او الكلمات اللي مالها داعي لكن ممكن الاختصار تقول كلامك صح او غلط مع السبب لا اكثر ولا اقل ويعطيكم الف عافيه ان شاء الله :09:

[التانغو7]

اظنك نسيت عيب هو عدم تحطم السياره

[zidane.10]

تسلم اخوي تانغو لكن اللي انت ذكرته راح يكون بالجزء اليديد موجود عشان جذي ما ذكرته لكن اللي ذكرتهم اتوقع اغلبهم ماراح يتعدلون وتسلم على مرورك:D

[الجام العربي]

ويجود عيب قاتل وهو من الجزء الأول إلى آخر جزء
الدخان وصوت التفحيط فهو سيء جدا جدا جدا
الدخان يبقى لثانية واحدة ثم يختفي! ليست بواقعية
أرجو إصلاحها في الجزء القادم

[PS Player]

اختلف معاك بالنقطة الاولى

المصمم مو بكيفة خلا التيربو حصري للسيارات اليابانية لان الواقع يقول جذي

لانه فعلا بالواقع مايصير تركب جهاز تيربو على سيارة امريكية

عمرك شفت موستنج او كمارو او كورفت عليه جهاز تيربو ؟ مستحيل اصلا

لكن سالفة الغاز هذي اي سيارة ممكن يركب عليها وشي جدا واقعي اللي موجود باللعبة من هالناحية
اي سيارة يابانية او امريكية ممكن تقبل الغاز يركب عليها

لكن التيربو ما اعتقد

________

بالنسبة للنقطة الثانية صحيح في سيارات شكثر مالهم داعي باللعبة لوووووول اهم شي سيارة كنتاكي :D

والنقطة الثالثة صدقت فيها نبي Drag Racing ربع ميل نبي نشوف تعبنا باللغمات يطلع بربع ميل :D

حشى كله نفتر بالحلبات والرالي

يالله نقعد ونتمنى

ومشكور حجي على الموضوع

[zidane.10]

يسلمو على الردود اخوي بلاير انت من صجك ماكو تيربو على الامريكي بعطيك معلومه دش اي موقع وحط كورفت callaway القديم راعي تلقه على لغمه من الوكاله تون تيربو مو واحد اثنين عندنا بالكويت في كورفيت عليه تيربو وشوف رابطات امريكا اغلبهم عليهم تيربو اتمنى انك ادش يو تويب وحط موستنج تريبو او اي سياره امريكيه راح تلقى عليها تيربو واذا كنت بالكويت اسال عن كمار العماني اذا ماخاب ظني لونه احمر عليه تيربو حتى داس وي كورفت اليديد وطافه :)

[ساحر القلوب7]

صرااحة كلام سليم
.....

وانا عندي بعد عيب اللي اهو صعوبتها في الوصيل هذا من وجهة نظري

[The Shadow]

امممم يمكن ما افهم في الامور الميكانيكيه من ناحية هالشي يركب او مايركب ، لكن ما اظن ان راح يفضل شي على شي تعصبا لدولته ! يمكن درسوا الامر وشافوا انه مايصير في الواقع ، يمكن انا ما ادري لذلك ماراح اعلق على هالنقطة طويلا


ونسى السيارات اللي فعلا قويا ولها سمعتها مثل مرشلاجو وفيراري والشفر مثل لومينا اس اس او كابرس اس اس والموستنج مثل الاسرائيلي او ال اكس او الروش او ماتش وان او مثلا عندك اليوكن بنظري احسن من غير او اسكاليد يعني احصنتهم احسن من بعض السيارات في الشريط يعني انا بعرف بالعقل السيارات اللي ذكرتها انا او سيارات كنتاكي والسيارات اللي مادري الاخ من وين يايبها؟؟

بولفوني ديجيتل يوم تضع سيارة معينه في لعبتها يجب ان تاخذ اذن من الشركة الام للسيارة لوضعها في اللعبة ، قد يكون السبب عدم السماح الشركات بوضع سياراتها في اللعبة


All manufacturers, cars, names, brands and associated imagery featured in this game are trademarks and/or copyrighted materials of their respective owners. All rights reserved.

، او قد يكون لم يكن امام الممصمين وقت لبناء السيارة ووضعها في اللعبة وحنا نعرف ان مصممي جران توريزمو يقضون وقت طويل في تصميم سيارة واحدة ، لكن ايضا ليس عذرا للشركة بوضع هذه السيارات التافهه مثل السيارات اللي ذكرتوها


اظنك نسيت عيب هو عدم تحطم السياره

واخيرا في الجزء الخامس سيتم الاعتناء بهذا الشي ، زين فكروا XD


الدخان وصوت التفحيط فهو سيء جدا جدا جدا
الدخان يبقى لثانية واحدة ثم يختفي! ليست بواقعية
أرجو إصلاحها في الجزء القادم

برأيي يمكن ان المطورين صرفوا نظرهم لاشياء اخرى وتركوا عوامل ( الدخان الواقعي \ التفحيط او الانحراف الجدا واقعي ) بسبب ان اللعبة لعبة سباقات وليس تفحيط ، لكن ومرة ثانيه اقولها حنا نطالب بلعبة واقعية في كل شي


وانا عندي بعد عيب اللي اهو صعوبتها في الوصيل

خخخخخخ ، اللعبة جدا جدا جدا صعبة ! لدرجة اني قرات في احد المواقع ان كتيب التعليمات " الياباني " الخاص باللعبة يعد الاكبر في الفيديو جيمز ! اكثر من 200 صفحة ...في الموقع لقيت ملف PDF كا جايد للعبة وحجمة 3.5 ميجا ، لم اطلع عليه الى الان .

[zidane.10]

ساحر يمكن انت ماتعلب الليسن اللي اول شي فتحس بصعوبه بالتوصيل وانا بنظري من روعة اللعبه مادوك انها تخلص بس لو يداركون هذ الاخطاء بلاجزاء القادمه ومشكورين على المرور

[(A)GT3(A)]

اشكرك على الموضوع وانا من محبي جران توريزمو
.. كلامك كله صح .. دخل راسي ههه
واللعبه لما تكون صعبه تحلى.. بس لما تكون عندك الرخص راح تكون اسهل شوي..

[MSF]

لومينا اس اس او كابرس اس اس
راح تحصلهم في شركة هولدن ( إستراليا ) الومينا إسمها كوموندر والكابرس ما أذكر أسمها.

PS : الأسم الأصلي للومينا هو الكوموندر ، لكنها تسوق في الخليج بهالأسم.

[zidane.10]

msf اخاف تقصد البونتك لانه شكلها نسخه من الومينا اس اس ومشكورين على الردود

[The Shadow]

لا بل لومينا SS نفسها تجدها في وكالة الـهولدين مثل ماقال اخي MSF ...الوكالة تجدها تحت عاليسار اذا كنت تلعب اركيد

[zidane.10]

تسلم شادو على التوضيح اظاهر ماخذيت بالي لوجودها :09:

[(A)GT3(A)]

تذكرت عيب باللعبة وحبيت اذكره لكم..

شو رايكم بصوت المحركات؟؟ هل هي ممتازة ومثل الحقيقة؟

شكرا

[zidane.10]

هلا gt3 والله شوف يمكن يكونون ضابطينه لكن لصوت مو عالي وايد يعني بالنسبه للكام والهدرز لو تحطهم على اي سياره تصير مزعجه وصوت عالي لكن باللعبه ما توقع تحس انه السياره مو ضايف عليها شي وبعدين في عندك الاكزوز (دبات) فلوماستر وبورلا ماجنا فمادري اذا موجوده اولا خذيت بالي وان كان مو موجودين فهذا عيب اخر قاتل في عيب اخر لو كنتم ملاحظينه لا بدلت التواير وحطيت اغلى شي تلقى السياه سرعتها لكن لو تلاحظون بلفات تصير ثقيله وصعب التحكم فيها مع انه المفروض العكس تكون اكثر ثبات وسهوله

[zidane.10]

تذكرت شغله اهو مو عيب لكن فكره لو يصير باللعبه تقدر تحط اضافات على السياره عن يصير تميز فسيارات وانا اقصد الزوايد يعني فيها تغير حلو مثل نيد فور سبيد وشكرا

[(A)GT3(A)]

اكبر حاجه مو حلوه باللعبه هي انك ماتقدر تغير في شكل السيارة..
سواءً من صوت اكزوز أو زوايد.. بمعنى آخر "مافيه امسسوارات للسيارة" مثل الحقيقة عندنا..

معقوله المصممين نسوا يحطوا هالاشياء الحلوه؟؟! مو معقولة! طيب ليش مايحطونها؟! مادري!

عموما اشكرك اخي العزيز "زيدان" على موضوعك الحلو

[zidane.10]

عزيز وغالي جي تي 3 هذا مو ذوق طال عمرك :33: انا اتوقع وعند الله العلم ان صانع لعبة جران تريزمو خجلان انه ياخذ الفكره من لعبة نيد فور سبيد يعني لعبته افضل من نيد فور سبيد فأتوقع يقول فشله انا المركز الاول اخذ من المنافس للعبتي مميزاته يمكن تفكير واحد جاهل لكن انا اشوف انه السبب والوحيد والله اعلم :D

[Untitled]

السلام عليكم

بالنسبة لي اتمنى انهم يطورون شوية بصوت المحركات والدخان :scratchchin:
The Shadow صحيح انها لعبة سباقات لكن مثل ماقلت نبي الواقعية
في كل شي :biggthump

[(A)GT3(A)]

ههههههه.. مافيه غير كذا.. بس هالعيوب مزعجه بصراحه بالنسبه لي..
دايما اتمنى يصير فيها حاجات مثل نيد فور سبيد.. والله حالة

[ToUaReG]

العيب الوحيد اللي بنظري انه السيارات ما تتحطم !!

[Untitled]

العيب الوحيد اللي بنظري انه السيارات ما تتحطم !!



في Gran Turismo 5 راح تتحطم السيارات :shysmile:

[zidane.10]

خبر مفرح جران تريزمو الخامس الاصلي اقصد راح ينزل بعد شهر ان شاء الله والله اعلم وسمعت من واحد مادري صاج او كاذب يقول انه وكالة لمبرغيني وفيراري كانوا معارضين فكرة وجود كلا السيارتين في اللعبه ولكن بعد النجاح يقول انه شكرة فيراري دفعت فلوس لصاحب اللعبه عشان ينزل الفيراري فثي لعبة الديمو

[Untitled]

خبر مفرح جران تريزمو الخامس الاصلي اقصد راح ينزل بعد شهر ان شاء الله والله اعلم وسمعت من واحد مادري صاج او كاذب يقول انه وكالة لمبرغيني وفيراري كانوا معارضين فكرة وجود كلا السيارتين في اللعبه ولكن بعد النجاح يقول انه شكرة فيراري دفعت فلوس لصاحب اللعبه عشان ينزل الفيراري فثي لعبة الديمو

GT5 للاسف راح تنزل في الربع الاخير :boggled: من 2008 ‘‘ النسخة الأمريكية ’’
اما عن باقي النسخ فالتواريخ لحد الان مو معروفة :33:

[The Shadow]

فكرة تغير شكل السيارة لو كانت موجودة ..............ياسلاااااااااااااام !!!!! اتمنى وبشدة اضافه هذه الميزة في GT5 ( علما باني شاك بهالشي )

[zidane.10]

والله اتوقع بعد شهر اخوي لانه تنزيل كان تجربه عشان يسمع اراء الاعبين لكن يوم شاف انه ماكو شكاوي فما في سبب لتأخير نزول اللعبه وبالعلم انه اللعبه منتهيه من نهاية بداية 2007 تنزيل الديمو معناتها انه اللعبه خالصه فاتوقع يتأخر شادو احنا نتمنى لكن لو تفكر فيها شوي لو انه اللعبه جمعت كل الصفات والمميزات للي نبيها ففي المستقبل مارح يكون شي جديد انا اتوقع انه كل سنه يسوي شي جديد لكن ان سواهم كلهم مره وحده ما راح تكون هناك افكار جديده :D

[zidane.10]

يعني مثلا اليديد سوه دعمات ونزل الفيراري وسواقه داخل السياره مع السكان وانا سمعت انه في سياكل فمادري مدى صحت هالخبر ان كان احد عنده خبر يا ريت ينورنا والسنه اليايه يمكن يسوي تغير شكل السياره و ووجود الدراق وانا سمعت بعد انه تقدر تبيع سيارتك في الاون لاين هم اتمنى احد يأكد هذي الاخبار وتسلمون على المرور

[SSR]

العيب في الجزء ال 4 ان السيارات في طور الاعبين اتفحط علي طول اذا كانت ملغومه عيب خرب اللعبه كلها

[GT4 SKYLINE]

والله ياخي اتمنى ان المطورين يفتحون عقولهم شوي مش يلهفون فلوس ويخلونا نتحسر على بعض الاشياء
والضرر مرفوض

[Sparta Ghost]

والله ياخي اتمنى ان المطورين يفتحون عقولهم شوي مش يلهفون فلوس ويخلونا نتحسر على بعض الاشياء
والضرر مرفوض

كل لعبه كبيره لازم وراها عيوبها .

جران توريزمو غير عن كل العاب السيارات و ما يبغوا يخسروك فلوسك على الفاضي .

اكثر لعبه سيارات في العالم ينتعب عليها سواء في تصميم السياره او تجرب السيارات على الواقع علشان يعرفوا عزم كل سياره .

[GT4 SKYLINE]

:biggthump
كل لعبه كبيره لازم وراها عيوبها .

جران توريزمو غير عن كل العاب السيارات و ما يبغوا يخسروك فلوسك على الفاضي .

اكثر لعبه سيارات في العالم ينتعب عليها سواء في تصميم السياره او تجرب السيارات على الواقع علشان يعرفوا عزم كل سياره .

وراك زعلت انا اقول انها الافضل بدون منازع
بس ينتبهو لبعض الحاجات لان العالم كلها تحاول تبحث عن عيوب اللعبة وتتفاداها
ماودي يجي يوم تخسر اللعبة مكانتها وتقارن بالعاب مثل burnout او فورزا لان في الالعاب هذي ميزات بسيطة بس ترفع من تقييمها
وبالنسبة لجران توريزمو مسوين لها شركة بوليفونك ديجيتال
وهي مملوكة لسوني ويعرفون كل شي عن الجهاز البلاي ستيشن مايصير يكون فيها عيوب مثل دخان الكفرات وصوتهن والكفر مايطبع على الطريق هذا شي بسيط بس لو انه موجود لرفعها في نظر المعجبين اكثر
وهي لعبتي المفضلة بلا منازع
وكلامي كلام محب للعبة ومبرمجينها

[BU_MUHANNAD]

كلامك صحيح

وانا متفق معاك 100% بالنقطه الاولى

[nmbr]

من ناحيت السيارات مأشوف الكامري ومثل أخوي ZIDANE.10 والكابرس ss

وشكرا

أخوكم العزيز : nmbr

[nmbr]

من ناحيت السيارات مافيه كامري ولا كابرسss
وشكرا

أخوكم العزيز : nmbr

[][-][Mr.ZeNoN][-][]

ياحبيبي هذا هو الواقع فبعض السيارات اليابانية تهزم الأمريكي مثلا عندك المتسوبيشي لانسر إيفلوشن تجيب الـ100 في 4.5 ثانية وسرعة أقصى 270 كيلومتر بالساعة بينما البونتياك GTO تجيب الـ100 في 6 ثواني والسرعة القصوة 260 وهذا كلام حقيقة ويمديك تبحث باليوتيوب..
وأنت على بالك التيربو مايسوي شغلة؟؟ ألا تسوي شغلتين ويمكن (أربع شغلات+هبل) مو شغلة وحدة بس..بعدين حكاية التيربو مايركب على السيارات الأمريكية هذا كلام 100% صحيح..يعني بسألك أنت تبي تحط تيربو في سيارة 8 سلندر على شكل V ببساطة ماراح يمديك بسبب عائقين..أولا هالمحركات ماتكفيها تيربو واحد والتيربو ماراح يقدر يشغل كل السلندرات وإن قدر يشغل فلازم توصيلات وتوليفات ممكن تكون غير عملية بالمرة والنتيجة ممكن تكون تحت المتوقع!!!!!!!!!!! فلازم إثنين تيربو كل واحد يشتغل على 4 سلندر يمين و4 سلندر يسار..العائق الثاني إن ركبت توين تيربو فين بتركبها أصلا؟؟؟ تحت الكبوت مافيه حير إنك تركب تيربوهات خصوصا إنك بتركب إثنين مش واحد..لهذا السبب التيربو دائما موجه للـ6 والـ4 سلندرات لانها تشتغل عليه بدون مشاكل..أتمنى إني ماطولت عليك وشكرا

[][-][Mr.ZeNoN][-][]

من ناحيت السيارات مافيه كامري ولا كابرسss
وشكرا

أخوكم العزيز : nmbr


مافيه كامري لانها أصلا مش سيارة رياضية كما أنها غير معروفة باليابان

والكابريس إس إس موجه للخليج فقط..وبدلها هولدن كومودر إٍس إس وبونتياك GTO

[CLS forever]

مشكور علئ الموضوع
وبصراحه الياباني اسرع في الحقيقه بس الحصنات اقل شويه
اما الكمارو القديم مكينته غير عن الجديد يعني الفرق موجود في الحقيقه
وكذا يكون ما عيب يكون نقطه ايجابيه
لانه الفرق في الواقع موجود
و الكورفت 8 سلندر ما 12
اما الجيتي و الفايبر منمنا فساته يعني مايصير يدعو سياره سريعه لانه الناس تحب السياره
يعني السرعه محسوبه(انا احب الفايبر)ا
التوربو موجود للامريكي و الاوروبي بس الي ما فيه توربو فيه سوبر تشارج

النقطه الثانيه صحيحه بنسبه لي لكن السيارات ال_____________علشان تجذب بعض الناس
ويكون هناك تنوع
وسمحلي

[Tony Almeida]

اولا مشكور على موضوعك

[Tony Almeida]

وثاني شي حبيت اقوله لك يالغالي
احترم رايك والنقاط الي ذكرتها .. وعندي لك سؤال صغيييييييير
شفت افلام the fast and the furious ... ؟؟
ما اعتقد انك ماشفتهم !!
بكل الاجزاء لو لاحظت .. ماهي السيارات الي كانت مسيطره على السباقات ؟؟؟
نيسان سكاي لاين .. ميتسوبيشي لانسر ايفوو .. سوبارو امبريزا
كلها سيارات يابانيه ومايختلف عليها اثنين انها من اقوى سيارات العالم
السيارات الامريكيه فقط في الخليج عندنا نشوفها اقوى السيارات واسرعها و و و و
لكن لو تشووف الواقع .. حتى مثال على كلامي برنامج Top Gear ماعتقد ماتعرفه
شوف المقارنات الي يعملونها والقومااات
سيارات يابانيه .. وكل وحده اقوى من الثانيه
هذا غير الجاغوار .. والـ BMW وموديلات الـ Mercedes و اللامبورغيني والفيراري وغيرهم
لعبة Gran Turismo من أول اجزاءها واهي احلى واغلى الالعاب عندي
لعبه واقعيه جدا جدا
انا قريت تقارير عن صناعة كل جزء من الاجزاء وكيف بدو البرمجه والتصميم
والله ان فريق البرمجه في GT هو من اقوى المبرمجين واكثرهم تعبا
يتعبون على كل التفاصيل من شكل وقوة وديناميكية السيارات
ولما ينزل أي جزء للعبه نشوفها روعه
وفي الفتره الحاليه اغلب العاب السيارات في العالم تعتمد تقريبا على نفس النمط
تلغيم وتعديل وتزيين السيارات .. وتحطم السيارات مو مشكله بالنسبه لي
هذا الشيء اساسا محافظ على قوة السيارات وجمالية اللعبه
وفي الجزء الخامس قرر الفريق وضع خيار تحطم السيارات .. شيء جميل
والحمدلله انهم ماوضعوا هذه الخيارات في الاجزاء السابقه .. تلغيم وتزيين و غيره
لان كثير من الالعاب الموجوده في السوق بها هذه الميزات
need For speed -- midnight club -- Burnout -- Forza -- Grid
لو تلاحظ هذه الالعاب لو ماتوافرت فيها كل الميزات هذه على الاقل ميزه واحده او اثنتين
اما GT لها مميزاتها .. وماتشوفها في غيرها من الالعاب
و أولها الرخص .. والسباقات الكبيره الي تتكون من 30 - 50 - وبعضهم حتى 90 لفه واكثر

وترقب الجزء الخامس وراح تعرف انها اقوى الالعاب واكثرها واقعيه
سامحني على الاطاله اخووي
سلااااااام

[mmm_1981]

^^
انت تعرف فورزا 2 او 3 >> طيب جربها مو شوفها باليوتيوب لا قصدي جربها وشوف

ترى انا مو متعصب انا واحد من عشاق gran turismo كنت العبها مايقارب 10 ساعات يوميا

وعلى فكرة gran turismo فيها تلغيم من الجزء الاول

[ps3 player]

أخوي أتوقع في الجزء الجديد راح يكون فيه مارشلاجو وفيراري وغيرها من السيارات

[city95]

اممم فيها وايد عيوب الصراحه
السياره لما تدعم مايصير فيها شي .. وسنه عشان تصير سريععه ..
والاخس احس السياره تطير يعني جنه الشارع عادي بس الحواف تبطئ
والنص عادي مادري شلوون.. يبي لها تعديل..

[GT4 SKYLINE]

الوضع تغير اخوب الان لن تصدق ماحصل
الضرر موجود الان يعني راح تتكسر السيارات اذا صدمت
اضافو سباقات ناسكار والرالي موجود مثل السابق اشياء كثيرة بعد

[kabbaz]

قران توريزمو لعبه كبيره لكن كباقي الالعاب اليابانيه بطيئه بالتطور
وبالنهايه تيي العاب ثانيه تصير احسن منها لو جربتو كان الدوري الياباني
اقوى لعبه كره قدم الحين ما ايي شعره جدام فيفا لان الشركه كل جزء تغير باللعبه بشكل كبير
نفس الموضوع قران توريزمو اقوى لعبه (( محاكاه )) سيارات ما تغيرت وايد عن الجزء الاول

صار في اكس بوكس ما فيه قران توريزمو قالو نسوي لعبه (( محاكاه )) سيارات بجهازنا بعيد عن منافسه قران توريزمو
مسكت اللعبه شركه تيرن تن ومع دعم كبير من خبراء من مايكروسوفت نفس الشركه الي عندها لعبه فلايت سيميوليتر الي اهي (( محاكاه )) حق جميع انواع الطيارات والي الحين ماكو طيار بالعالم الا ويتعلم ويتدرب عليه
اذا كانت مايكروسوفت عندها افضل لعبه (( محاكاه )) طيارات شنو السيارات بالنسبه لها

انتجت فورزا حق جهازها الاكس بوكس والحين فورزا اقوى لعبه (( محاكاه )) سيارات دمجت بين القياده الواقعيه و التلغيم بقطع بماركات صحيحه و بالقوه الي تعطيها للسياره وكل سياره القطع الموجوده تركب ولا لا يعني في امريكي يركب عليه تيربو وفي لا وفي ياباني يركب سوبر وفي لا على حسب السياره بالواقع و زوايد حقيقيه وتصميم ماله حدود للالوان والاستكرات و حلبات قومات و جمع السيارات المرغوبه عند اللاعبين مثال : كل قصات الكورفت وكل قصات الكمارو كل المواستنق حتى الال اكس و هذا غير ان كل شهر ينزلون عشر سيارات يديده على اللعبه كل هذا بلعبه (( محاكاه )) قياده

المقصد من الموضوع ان الالعاب اليابانيه بدت قويه وتاخذ سمعه قويه لكن ما تهتم بالتطور مع السنين وتبقى اللعبه مثل ما اهي مع تغيير بسيط وبالنهايه اصلا مافي منافسه بين اللعبتين مثل ما قال رئيس شركه تيرن تن لان بالنهايه محد راح يشتري قران توريزمو ويشغله غصب على الاكس بوكس لكن المطلوب تقديم الافضل على الاكس بوكس نفسها

بصراحه العيوب الي بقران توريزمو وايد ونادر ما تتصلح صلحوا مشكله ان السياره تتكسر ما صلحو حركه السياره وقت الحادث بس السياره توقف مكانها او تتحرك جم سانتي التصوير قوي واعترف اقوى من فورزا بدرجات و اللعبه ما تحسسك بالسرعه والفيزيائيات مثل الوزن وتعامل السياره مع الهوا مو مضبوطه في تكنولوجيا علشان تضبط كل هذا اهم من اني احط سيارات وايد واغلبها سيارات مالها فايده وسياره وحده مكرره على اساس منها انواع وايد وهالشي طبعا ما نشوفه على شفر او فورد او دودج كله نيسان وتويوتا شنو بلعب بتكاسي ولا بوصل اليهال المدرسه
بصراحه اللعبه قويه كلنا نلعبها بس لازم نعترف ان صار في الاقوى والي فيها الي نبي من اداء و سيارات