مشاهدة النسخة كاملة : الـ xbox 360 جهاز ضعيف تقنياً
محامي الفيلسوف
28-12-2007, 01:37 AM
خراب + مشاكل = xbox 360
لا اخفيكم بأن هذا الجهاز هو الاكثر متعه في اللعب وبشبكته المميزه اللايف..
حيث ان يوجد لدي جهازي الـps3 و الـ wii
وانا اجد بأن متعتي في الـ 360 اكثر
لـكن الان وبعد ماحصل لي من هذا الجهاز من مشاكل وخرابات ... بديت اكرهه..!!
هذي قصتي مع هذا الجهاز الفاشل تقنياً بمعنى الكلمه
قمت بشراء جهاز اكس بوكس 360 هارديسك سعته 20 قيقا نظام امريكي... هذا الجهاز جلس لدي الى 5 اشهر ومن بعدها اتت مشكلة معينه وقمت باصلاحها ولم يمر شهر بعدها الا واتتني اللمبات الحمرا...
عندما فكرت بشراء جهاز اخر... كثير من الناس قالوا بان الاكس بوكس الاليت الاسود افضل بكثير وتمت حل هذه المشاكل..
وقمت بشراء اليت نظام امريكي و كنت اريد شراء النظام الاوربي لان يوجد فيه ضمان.. لكن المشكله ان لدي اشرطه كثيره امريكيه ولا يمكنني تشغيلها على النظام الاوربي..!!
والان بعد مرور 3 شهور من شراءه ظهرت اللمبات الحمرا لدي...
في هذا اليوم بالتحديد... نفس يوم كتابتي للموضوع..
واكتبه بكل حسرره
وبنفس الوقت انصح فيه غيري
لا تقوم بشراء هذا الجهاز الفاشل تقنياً الا ومعه ضمان...
انا لن اقوم بشراء جهاز اخر من الاكس بوكس
يوجد لدي الـ wii والـ ps3
كفايه وجع راس من الخرابات
SkaveN
28-12-2007, 02:09 AM
الحمدلله الجهاز له اكثر من سنة عندي و شغال تمام ..
eob717
28-12-2007, 02:13 AM
ياخي شلون تتجرأ تحكم على أن ال360 جهاز فاشل تقنياً !!
ياخي قالولك جهاز بو 7 أرواح ! أبداً ما يخترب ؟!
كل شيء يخترب
اذا كان أستعمالك أنت دفش وغشيم هاذي مشكلتك مو مشكلة مايكروسوفت يا حبيبي :)
ثلاث ترباع الشباب اللي خذوا الأكس بوكس في هالسنة ما تحلطموا مثلك , واذا كان فيه شباب متحلطمين مثلك .. فهذول أستعمالهم معدوم
الله يعين الجهاز عليك
سلام
kick Mr.Chief
28-12-2007, 02:33 AM
مشكلة اشارات المرور http://i122.photobucket.com/albums/o274/kingfire11/GIF/360dead.gif
hamad_007
28-12-2007, 03:31 AM
الله يعين الجهاز عليك
لووووووووووول
حلوة هاي .
BoJasem
28-12-2007, 03:56 AM
ياخي شلون تتجرأ تحكم على أن ال360 جهاز فاشل تقنياً !!
ياخي قالولك جهاز بو 7 أرواح ! أبداً ما يخترب ؟!
كل شيء يخترب
اذا كان أستعمالك أنت دفش وغشيم هاذي مشكلتك مو مشكلة مايكروسوفت يا حبيبي :)
ثلاث ترباع الشباب اللي خذوا الأكس بوكس في هالسنة ما تحلطموا مثلك , واذا كان فيه شباب متحلطمين مثلك .. فهذول أستعمالهم معدوم
الله يعين الجهاز عليك
سلام
بعد فيه اسلوب اوقح من جذي :squint:
الرجل عنده وجه نظر وقالها
وكلامه مو غلط الجهاز خراباته وايدة وصراحة مو بحوش بيتهم بير بترول عشان يشتري جهاز كل يوم
عموما اتوقع اسلوبك بالكلام يدل على شخصيتك " دفش وغشيم " بالكلام وماكو اسلوب حوار
0% معدوم
75% من الشباب ماكو مشاكل 25 % اكو
خل نقول العدد الكلي مليون اذا عندنا 250 الف واحد عنده مشكلة بجهازه
اتوقع مو كل ال250 الف " دفش وغشيم واستعمال معدوم " اتوقع المشكلة مشكلة " مايكرسوف "
ويا ليت المرة الياية لو بغيت ترد مثل هذة الردود تكتبها بعدين تمسحها لأنها مو بصالحك ابد :flute:
بخصوص صاحب الموضوع ... @@ الله يعينك
أرنوب قطر
28-12-2007, 05:07 AM
وآنا أرد على اللي ردو على الرجال ونعتوه بالغشيم
آنا أقول إنت أغشم منه
آنا مثلا يوم كان عندي البريميوم كنت مدلعه آخر دلع
حتى الغبار كنت أحاسب عليه منه وأخاف عليه حتى يدخل فيه الغبار
ومع ذلك جاته اللمبات الحمر بسبة لعبه خذيتها جديده من المحل عشان ماتقول اللعبه آنا مشمخها او حاجه
وخذيتلي إيلايت والحمدالله الإيلايت ماشي تمام
لكن ردي عليك لانك ماعرفت شلون ترد على الرجال والرجال صادق في كلامه وماجاب شي من عنده
eob717
28-12-2007, 06:30 AM
بعد فيه اسلوب اوقح من جذي :squint:
عموما اتوقع اسلوبك بالكلام يدل على شخصيتك " دفش وغشيم " بالكلام وماكو اسلوب حوار
0% معدوم
ويا ليت المرة الياية لو بغيت ترد مثل هذة الردود تكتبها بعدين تمسحها لأنها مو بصالحك ابد إلى قائمة التجاهل
:)
______________
تعال يا أرنوب قطر
آنا أقول إنت أغشم منه
وآنا أقول إنت أغشم مني .. شرايك؟
آنا مثلا يوم كان عندي البريميوم كنت مدلعه آخر دلع
زين منك
حتى الغبار كنت أحاسب عليه منه وأخاف عليه حتى يدخل فيه الغبار
ويا سبحان الله ؟
ومع ذلك جاته اللمبات الحمر بسبة لعبه خذيتها جديده من المحل عشان ماتقول اللعبه آنا مشمخها او حاجه
وأنتم بمجرد أن جهازكم تصيبه لمبات حمر , خلاص يعني أنتهت الأمور ؟!
لا تنسون أن السوني 3 أيضاً فيها هالمشكلة .. فلا داعي للترويج
صراحة من غير زعل .. مايكروسوفت أبتلشت فيكم :)
لكن ردي عليك لانك ماعرفت شلون ترد على الرجال والرجال صادق في كلامه وماجاب شي من عنده
ومع الخيل يا شقرا
75% من الشباب ماكو مشاكل 25 % اكو
أحد يترجم هالعبارة ؟
____________
عموماً يا صاحب الموضوع , أنت بالغت بكلامك .. حيل بالغت بالجهاز وهذا خطأ فادح أرتكبته أنت
حبيبي .. معروف الدفعة الأولى من الجهاز , فيها مشاكل ( سواء أن كان سوني او ناينتندو او أكس بوكس )
فا من فضلك قولي دفعة جهازك الأخير "اللي أخترب" .. عشان أفهم وضعك
وملاحظة صغيرة : انا مو متعصب للجهاز , لكن قاعد أقول الحق :)
ماله داعي يا شباب الكلام هذا
وفعلا جهاز Xbox 360 تقنيا فاشل وهذا الكلام مو بس صاحب الموضوع الي قاله....... والي مو مقتنع يبحث بالقوقل عن سبب RROD ويشوف إيش سببها
وإلى الان المشكلة لم تحل ولكن يقال أنهم قللو من حدوثها
وعلى فكرة أنا ماعندي PS3 عشان لا تقولو أني متعصب لل PS3
والله كل جهاز و له تقنيته
بس احلى شي عندي الوي بعدها الاكس بوكس
الكس بوكس رائعه جدا
وكلامي مثل ماقال اخوي eob717
devil cober
28-12-2007, 08:10 AM
عزيزي
eob 717 قد يكون صاحب الموضوع قد بالغ قليلا
ولكن لو قرأت الموضوع جيدا لوجدت أنه قد كتب موضوعه في نفس اليوم الذي تعطل فيه أخر جهاز له من الطبيعي أن يكون منفعلا
يعني من حقه أن يغضب على الجهاز وعلى الشركة
ألم يكن من المفروض أن تتحدث معه بأسلوب ألطف من ردك السابق
يعني ماذا ستستفيد من الدفاع عن شركة أمريكية وتتهجم على أخيك المسلم الذي ضاعت أمواله بسبب مشكلة في الجهاز وهو ماله دخل فيها أصلا ؟؟؟؟؟؟؟؟؟؟؟؟؟
يعني الشركة هي المسؤولة عن الخطأ
أرنوب قطر
28-12-2007, 10:04 AM
عزيزي
eob 717 قد يكون صاحب الموضوع قد بالغ قليلا
ولكن لو قرأت الموضوع جيدا لوجدت أنه قد كتب موضوعه في نفس اليوم الذي تعطل فيه أخر جهاز له من الطبيعي أن يكون منفعلا
يعني من حقه أن يغضب على الجهاز وعلى الشركة
ألم يكن من المفروض أن تتحدث معه بأسلوب ألطف من ردك السابق
يعني ماذا ستستفيد من الدفاع عن شركة أمريكية وتتهجم على أخيك المسلم الذي ضاعت أمواله بسبب مشكلة في الجهاز وهو ماله دخل فيها أصلا ؟؟؟؟؟؟؟؟؟؟؟؟؟
يعني الشركة هي المسؤولة عن الخطأ
كلامك عين الصواب
لكن شنقول يلا نسلم أمرنا لله ويقول نروج للشركه ماقول اللا حمدالله والشكر
كلام صاحب الموضوع صحيح.. يعني جهاز مايعيش اكثر من سنه شو اتسميه.. والله نص ربعي صابهم الRROD لين ماجا اليوم وصابت جهازي لعنة الRROD وانا من اكثر الناس الي يحافظون على اجهزتهم.. ليش اتدافعون عن الجهاز .. الجهاز فاشل وكلمة الحق تنقال والاقام تبين.. حتى الايليت تصيبه الRROD .. متحسف على ال12 لعبه الي عندي شو اسويبهم
FARES360
28-12-2007, 12:18 PM
هممم..الله يعينك اخوى على حالتك النفسيه والخساره الماديه خاصه لو شاري الجهاز في البدايه ومن دولنا بأسعارها الساحقه.. ما ودي اكون في نفس موقفك .. :(
ياله تأكل وتعيش :D , خلاص خليك عالps3 أحسن :) لأنه دامك عطيته محاولة ثانيه
وما نفع وياك حرام تشتريه مره ثالثه ..!
عموما انا شخصيا اعرف كذا واحد كمل معاه الجهاز من بدايته ليومك :)
الله يبعدهم عن العين :squint: ويحفظ جهازهم .. واجهزتنا بعد الي ماشيه تمام ليومك
FARES360
28-12-2007, 12:31 PM
eob717
بما انك عضو يديد عندنا ..راح نطوفها عليك هالمره..
"طبعا" اول مره واخر مره .. بعدها توقيف جم يوم ..
بس ياريت تحترم الناس شوي وتعدل طريقة ردك ..
rare games
28-12-2007, 12:38 PM
هممم..الله يعينك اخوى على حالتك النفسيه والخساره الماديه خاصه لو شاري الجهاز في البدايه ومن دولنا بأسعارها الساحقه.. ما ودي اكون في نفس موقفك .. :(
ياله تأكل وتعيش :D , خلاص خليك عالps3 أحسن :) لأنه دامك عطيته محاولة ثانيه
وما نفع وياك حرام تشتريه مره ثالثه ..!
عموما انا شخصيا اعرف كذا واحد كمل معاه الجهاز من بدايته ليومك :)
الله يبعدهم عن العين :squint: ويحفظ جهازهم .. واجهزتنا بعد الي ماشيه تمام ليومك
ليومك اهم كلمه انشالله دوم والاحتماليه تحوش الريد لايت يا ليت تكون ضعيفه وانا حاشني واحد وشهر يناير ابي اخذ فالكون واذا خرب قدر الله ماشاء فعل والحمدالله على كل حال وماراح اخذ غيره
DARK PAST
28-12-2007, 12:55 PM
هذا شيء معروف والغريب ان XBOX الأول كان معدوم من المشاكل التقنية بينما الـ360 ضعيف جداً من هذه الناحية...
الـPS3 أقوى جهاز من هذه الناحية لكنه يعاكس الـXBOX 360 بحيث ان جهازه السابق PS2 كان أقل كفائة منه...
على العموم معروف ان الـXBOX لديه الكثير من المشاكل ولا أحدينكر هذا وانا احد من واجهته مشكلة الريد لايت أكثر من مرة
الجام العربي
28-12-2007, 01:09 PM
الجهاز لايوجد به شيء وأنت من قام بتخريبه وكل العرب لماذا؟
بسبب الدسكات المنسوخة
ديسكات منسوخة + توفير أموال = خرابات تليها خرابات
ShinGundam
28-12-2007, 01:13 PM
^
^ آداء الـPS2 البوتمبة ممتاز مع الأصلي لكن مع إضافة التطويرات و العدسات التجارية كثرة الخرابات
لكن أداء الـSlim أقوى
الجام العربي
28-12-2007, 01:19 PM
بالعربي الفصيح خلي الديسكات المنسوخة تنفعكم
فل اوبشن
28-12-2007, 01:22 PM
xbox فاشل تقنيا ومب شرط يخترب بالرد ليت في اشياء غيرها
فل اوبشن
28-12-2007, 01:23 PM
وانا العب اصلي واخترب علي
عاشق 360
28-12-2007, 01:35 PM
محد قالك لاتشتري الايليت
المشاكل وقفت عند الايليت
kingx11
28-12-2007, 01:50 PM
ماتدرون ليش مسمينه 360؟؟
لان مايكروسوفت تبيعه عليك وانت تشريه ويخرب عليك وترجعه لمايكروسوفت ومايكروسوفت ترجعه لك وبعدين يخرب عليك وترجعه لمايكروسوفت مره ثانيه
:)
فل اوبشن
28-12-2007, 01:52 PM
ليش يبعون البريميوم اذا هو خربان
عاشق 360
28-12-2007, 01:55 PM
اتدرون ليش مسمينه 360؟؟
لان مايكروسوفت تبيعه عليك وانت تشريه ويخرب عليك وترجعه لمايكروسوفت ومايكروسوفت ترجعه لك وبعدين يخرب عليك وترجعه لمايكروسوفت مره ثانيه
لوووول ..حلوه
CoLD FiRe
28-12-2007, 02:12 PM
ماتدرون ليش مسمينه 360؟؟
لان مايكروسوفت تبيعه عليك وانت تشريه ويخرب عليك وترجعه لمايكروسوفت ومايكروسوفت ترجعه لك وبعدين يخرب عليك وترجعه لمايكروسوفت مره ثانيه
:)
هههههه ههههه هههه ههه هه هـ :silly::ponder::silly:
على العموم اهم شي انه الشباب اللي كانوا يتكلموا عن الغشامة اعترفوا بانها احد صفاتهم
و على فكرة الجهاز فيه مشاكل والمستخدمين فيهم مشاكل ولكن مايكروسوفت اقرت بجانبها من المشكلة وخلت الضمان 3 سنوات والحين اللي يخرب جهازه يرسله على الضمان ويرتاح بدال لا يجي هنا ويبكي ويطلب تعازي
اما اذا الجهاز ما عليه ضمان هذي مشكلتك مو مشكلتنا او مشكلة مايكروسوفت
النسر الأسود
28-12-2007, 02:37 PM
كلام صاحب الموضوع صحيح بنسبة كبيرة فالجهاز يعاني من مشاكل تقنية فعلا والغريب أن يدَّعي بعض الأشخاص بأن أعطال الجهاز سببها " الغشمنة " ويأتي آخر ويقول " ديسكات منسوخة " !!!!!
أتمنى أن يقرأ الجميع ما كُتب في المنتديات الأجنبية والعربية عن أعطال الإكس بوكس والتي استمرت لفترة طويلة وليس كما ادعى أحدهم بأنها الدفعة الأولى فقط !
على كل الأحوال المشكلة تم حلها في الإصدارات الجديدة من الجهاز وبالأخص في جهاز الفالكون ولم يعد هناك داعٍ لمثل هذه المواضيع
music king
28-12-2007, 02:50 PM
ياخي شلون تتجرأ تحكم على أن ال360 جهاز فاشل تقنياً !!
ياخي قالولك جهاز بو 7 أرواح ! أبداً ما يخترب ؟!
كل شيء يخترب
اذا كان أستعمالك أنت دفش وغشيم هاذي مشكلتك مو مشكلة مايكروسوفت يا حبيبي :)
ثلاث ترباع الشباب اللي خذوا الأكس بوكس في هالسنة ما تحلطموا مثلك , واذا كان فيه شباب متحلطمين مثلك .. فهذول أستعمالهم معدوم
الله يعين الجهاز عليك
سلام
اولا : احنا بمنتدى راقي وفيه حريه للتعبير
فخل عندك عندك اسلوب في الكلام وحسنه
ثانيا: انا اعرف واحد عنده الجهاز
معرفه شخصيه واستعماله نظيف وجيد
ولكن الجهاز اخترب وراح فيها يعني من الشركه مش من الاستعمال
Black Rash
28-12-2007, 03:05 PM
والله أأيد كلام صاحب الموضوع....خربت علي ثلاث اجهزة...الجهازين الاولى كانوا اصلي...الجهاز الثالث منسوخ....
وبلا عبط ياللي تدافعون عن مايكروسوفت....الشركة رأس مالية بشكل بشع...لدرجة تعدت المعقول...
اخر موضاتهم (( باند من الايف للي يربكون مراوح اضافيه للجهاز )) مصادر الخبر : هنا (http://www.maxconsole.net/?mode=news&newsid=23808)و هنا (http://www.n4g.com/xbox360/News-95274.aspx)
يعني مايكفي فشل جهازهم بمسألة الحرارة الحين صار ممنوع انك تحاول تبرد جهازك...
وعلى سالفة الضمان والاليت الخالي من الريد لايت.....ادخلوا على Youtube وابحثوا عن الاكس 360 وشوفوا الفضائح...
من الفضائح :
اجهزة اليت فيها ريد لايت...المراوغة وتاخير اصلاح الاجهزة المرسله اللي وصلت بحالة لشهرين...
يعني كفاية كلام فاضي وان الشركة مالها دخل وتدافعون لشركة ما احترمت نفسها وعشاقها....
ممكن صاحب الموضوع يكون متأثر شوي خصوصا انه بنفس يوم كتابة للموضوع اصابه الريد لايت...بس ماينلام...حاجة تقهر...
وانا بالنسبه لي بانتقل للبلاي 3 وارتاح من مسألة الريد لايت والحساسية الزائدة....
وفيه العاب كثيرة مشتركة بين الاكس بوكس والبي سي....انا بالنسبه لي بلعبها على البي سي...
على الاقل اقدر العبها وانا مو خايف من الحرارة...
PC+PS3 FTW....
عاشق يوشي
28-12-2007, 03:08 PM
والله صدقت اخوي من ناحية فاشل تقنيا لكن الباقي كل شيء فيه حلو من العاب واللايف وغيره ;)
انا كان عندي جهاز قبل وكنت مدلعه اخر دلع كل يوم انظفه من الغبار وماكمل شهرين واختربت العدسة وعقب طلعتلي الريد لايت والحين خذتلي الاليت من شهرين تقريبا والحمد الله مااشتكيت منه حاليا بس مايندرى شنو مخبي الزمن خخخخخخخ :p
http://i122.photobucket.com/albums/o274/kingfire11/GIF/360dead.gif
هههههههههه ضحكتني الصورة :biggthump
HMK_2002
28-12-2007, 03:09 PM
محد قالك لاتشتري الايليت
المشاكل وقفت عند الايليت
عندما فكرت بشراء جهاز اخر... كثير من الناس قالوا بان الاكس بوكس الاليت الاسود افضل بكثير وتمت حل هذه المشاكل..
وقمت بشراء اليت نظام امريكي و كنت اريد شراء النظام الاوربي لان يوجد فيه ضمان.. لكن المشكله ان لدي اشرطه كثيره امريكيه ولا يمكنني تشغيلها على النظام الاوربي..!!
والان بعد مرور 3 شهور من شراءه ظهرت اللمبات الحمرا لدي..
يوريك أنك راد ولا قريت الموضوع
antero_4u
28-12-2007, 03:37 PM
يااخوي انا ما قريت الردود ولاكن قريت الي كتبتوا
انا اخي اتلعم بالمانيا , ياخي هون العالم مالها دخل بالخراباتتتتتتتتتتتت يعني تعطل الجهاز يروح المحل ويوخد واحد ثاني يعني قليلا ما اشوف واحد من الشباب هون عندو الجهاز خربان
ما اكذب عليك , صاحبي شاري البريميوم مع ضمان 3 سنوات كالعاده , صاير مغير الجهاز 3 مرات ومبسوط اخر حلاوه كل فتره جهاز , يعني بعد 3 سنين اكيد راح يفحم ويخرب ............
انا مابعرف كيف تتصرف هيك , حتى لو اي جهاز بالعالم ويقولولي ماعليه ضمان مابشتريه
يعني اخوي هنا باوروبا خرب او ما خرب ماتفرق معهن , اجار تكسي على الوكيل ويوخدو جهاز جديد بكرتونه جديده كمان
يعني بالاخر هادي الغلطه غلطت ما تشتري جهاز بدون ضمان.......
أخوي صاحب الموضوع لاتكل هم ادخل على الموضوع وصلح الجهازين بإذن الله الحين الشباب الي دخلت كلها صلحت اجهزتها دام انك مافي ضمان مع الجهاز مالك غير تصلحه اخي هذا الموضوع اتمنى ان تدخل عليه وتقرأه بتمعن لانه انا رح اضمن لك انك رح تستفيد
http://www.montada.com/showthread.php?t=560711
اما بشأن الاليت ماحلوا المشكلة بس الأجهزة الجديدة كلها يعني تاريخها بعد 7\2007 حلوا المشكلة لاني فكيت الجهاز وشفته من الداخل وسبب المشكلة حلوها
BU_MUHANNAD
28-12-2007, 11:35 PM
اخوي صاحب الموضوع
انا مثلك بالضبط , اجد متعتي الاكبر مع جهاز الاكس بوكس , وال PS3 وال WII ما العب فيهم كثير
بالنسبة للاكس بوكس كان عندي جهاز ابيض تشتغل عليه العاب كوبي , بس بعد فتره صارلي باند من اللايف
قمت اشتريت جهاز إليت نوع بال مع ضمان علشان اللايف وخليت القديم للالعاب الكوبي , بصراحه احسه بطيء نوعا ما خاصه في القائمه الرئيسيه (يمكن بسبب سعة التخزين الكبيره)
اليوم وانا العب حسيت الجهاز مايدخل على اللايف بشكل صحيح , يعني يدخل بس ما اقدر العب لايف , ولما اطلع من اللعبه ورجع للقائمه الرئيسية يطلع المؤشر انه الجهاز في وضع التحميل ويستمر هكذا الى ما شاء الله , قلت بخليه يومين وبشوف إذا استمرت المشكله بصلحه على الضمان..
بالنسبه للبلايسيشن 3 ,, كان عندي جهاز ياباني , فجأه وانا العب اون لان علق , شغلته لكن صار ما يقدر يقرأ اي ديسك , يعني يوم احط لعبه ولا كأني حاط اي شي ,, المهم وديته المحل لانه بدون ضمان وبعد فتره اتصلي وقالي الجهاز مافيه اي شي بس كان لازم له شوية تضبيط (setting ) المهم اخذت الجهاز وبعته واشتريت واحد ثاني نظام بال مع الضمان ,, وصار لي العب فيه حوالي خمس شهور ,, تخيل اليوم صارتلي نفس المشكله ....
يعني معقوله الاكس بوكس والبلايستشن يختربو بنفس اليوم ..!!!!! والله اني خايف اشغل ال WII تقوم تطلعلي فيه مشكله , ما أدري شو هاالحظ اليوم .. لاحول ولا قوة إلا بالله
kingx11
29-12-2007, 12:10 AM
هههههه ههههه هههه ههه هه هـ :silly::ponder::silly:
على العموم اهم شي انه الشباب اللي كانوا يتكلموا عن الغشامة اعترفوا بانها احد صفاتهم
و على فكرة الجهاز فيه مشاكل والمستخدمين فيهم مشاكل ولكن مايكروسوفت اقرت بجانبها من المشكلة وخلت الضمان 3 سنوات والحين اللي يخرب جهازه يرسله على الضمان ويرتاح بدال لا يجي هنا ويبكي ويطلب تعازي
اما اذا الجهاز ما عليه ضمان هذي مشكلتك مو مشكلتنا او مشكلة مايكروسوفت
اسمحلي والله توني ادري انهم كانو يتكلمون عن هالموضوع
احسبهم يحشون فالاكس بوكس لا اكثر
عمود ارتكاز
29-12-2007, 03:45 AM
إلى قائمة التجاهل
:)
______________
تعال يا أرنوب قطر
وآنا أقول إنت أغشم مني .. شرايك؟
زين منك
ويا سبحان الله ؟
وأنتم بمجرد أن جهازكم تصيبه لمبات حمر , خلاص يعني أنتهت الأمور ؟!
لا تنسون أن السوني 3 أيضاً فيها هالمشكلة .. فلا داعي للترويج
صراحة من غير زعل .. مايكروسوفت أبتلشت فيكم :)
ومع الخيل يا شقرا
أحد يترجم هالعبارة ؟
____________
عموماً يا صاحب الموضوع , أنت بالغت بكلامك .. حيل بالغت بالجهاز وهذا خطأ فادح أرتكبته أنت
حبيبي .. معروف الدفعة الأولى من الجهاز , فيها مشاكل ( سواء أن كان سوني او ناينتندو او أكس بوكس )
فا من فضلك قولي دفعة جهازك الأخير "اللي أخترب" .. عشان أفهم وضعك
وملاحظة صغيرة : انا مو متعصب للجهاز , لكن قاعد أقول الحق :)
حسستني ما يكروسوفت حقت أبوك
والله ما في راسك ، رح لاخوانك قبل لا تتأخر عليهم
devil cober
29-12-2007, 05:17 AM
والله أأيد كلام صاحب الموضوع....خربت علي ثلاث اجهزة...الجهازين الاولى كانوا اصلي...الجهاز الثالث منسوخ....
PC+PS3 FTW....
تقلي جهازين أصلي وانخربوا ؟؟؟؟؟
هذا يدعم ويؤكد كلامي بأن الكوبي ليس له دخل في الريدلايت لعلمكم حتى في الدول الغربية الي مافيها كوبي فيها ريدلايت حتى شوفوا الصورة الموجودة في الصفحة الأولى
الله يعينك أخوي بلاك راش انت والجميع الي عانوا من هذه المشكلة
eob717
29-12-2007, 07:24 AM
حسستني ما يكروسوفت حقت أبوك
اي نعم حقت أبوي .. شاللي حارقك ؟
والله ما في راسك ، رح لاخوانك قبل لا تتأخر عليهم
أوكي تعال كل يوم :)
your8
29-12-2007, 07:50 AM
الله يعينك ولله ياخوي ولله حاس فيك
الجهاز كان عندي بس بعته من بعد الخرابات والالعاب كلها نفس الموال مافي تنويع او شي ( واااو ) يعني
جهاز السوني والوي أفضل
مشكله الاكس بوكس انها شركه تجارية بحته وليست اصلية مثل السوني والنيتندو يعني هذه الشركة همتها فقط جني الاموال وزيادة المبيعات فقط بعكس السوني والنيتندو اللي الجميع حاولي يشترونها من الشركات ولكن رفضوا بسبب اسمها
DARK PAST
29-12-2007, 08:35 AM
والله توني ادري ان في ناس تقول الـريد لايت سببه الكوبي !
الحمدلله والشكر XD
أنا جهازي جاه الريد لايت .. ولا مو مرة 3 مرات واغلب الي اعرفهم جتهم الريد لايت والجهاز اصلي...
ياناس هذي مشكلة في الهاردوير .. ومافي جهاز شبه زين غير الفالكون هو الي معدل بمعالج 65 نانو ومذر بورد معدلة ...
على العموم هذا سبب تضاعف ارباح مايكروسوفت لأن كل شخص في العالم يشتري الجهاز مرتين خخخخخ والا مبيعاتها 6 ملايين <<< just joke
devil cober
29-12-2007, 08:58 AM
^^^^^^^^^^
هذا هو قصدي........... الكوبي برئ من الريد لايت ومستحيل يتسبب بها :flute:
مشكور دارك باست لأنك متفق معي على هذه النقطة
وتعليقك الأخير مضحك ولاأستبعد يكون حقيقي :dancing:
DARK PAST
29-12-2007, 09:07 AM
^^^^
ياخي هذا شيء معروف ..
أضرار الكوبي =
عدسة منتهية + باند أليم .. وغيره مافي
فل اوبشن
29-12-2007, 01:22 PM
والمشكله الاكبر ان سعر تصليح الجهاز في الخليج غالي :bigeyes::bigeyes::bigeyes::wow:
PremaFrost
29-12-2007, 02:41 PM
:wow:والله انا الظاهر الجهاز راح يخترب عندى
سنه التصنيع من 2005/11
ماكو مشاكل كلش من قبل يومين بدت المشاكل بالجهاز :squint::squint:ماكو بيزات الحين حدى على الحديده
كل مااحط جيرز والعب خصوصا هالعبه لما اخلص ابى اروح الداش بورد يطلع صوت تشفيط وتقحص هالشريط بالذات وعلق معاى مرتين والحين مو قادر يحصل هوست بجيرز الا وحده او ثنتين انا بطنر الى بشهر اربعه او ثلاثه واشتريلى واحد:31:
XBOX 360
Soon
محامي دفاع في المحكمة والمتهم لم يصل بعد أو غير موجود أصلا لوول !
.oxo.
29-12-2007, 05:41 PM
اعتقد ان المسالة حظ
انا اول جهاز اشتريته جاته رد لايت ولكن بسبب خطا مني لاني حاطه في مكان مسكر بدون تهوية كنت احسبه زقرت نفس الاكس بوكس 1 ولاني تعودت على الايف والعاب ال360 مثل مايقولون (دخول الحمام مش زي خروجو)
شريت جهازين واحد للكوبي والثاني للاصلي طبعا غيرت المكان وسوتلهم ستاند قريب من المكيف والحمد الله لحد الان مافي مشاكل
ولكن كلام صاحب الموضوع صحيح الاخطاء التصنيعية كثيرة
عاشق 360
29-12-2007, 07:55 PM
^^^^
لوول مساكين الي يقولون مايكروسوفت شركة تسرق ومادري شنو
شكلهم نسو جودة تصنيع الاكس بوكس الاول .....
من اقوى الاجهزه الالكترونيه الي شريتها
فل اوبشن
29-12-2007, 08:41 PM
صج غريبه xbox القديم مايخترب :D
xbox 360 كله خرابات والله غريبه:12::squint::squint:
ايوب الحسن
29-12-2007, 09:59 PM
سبب الرد لايت عرفته
هذا هو
http://kecute.files.wordpress.com/2007/06/kittyxbox2.jpg
هذا هو سبب الريد لايت والخرابات ..... :D
حبيت الطف الجو شوي الصراحة
iNFaMY
29-12-2007, 11:14 PM
لحظه طيش هونها وتهون حبيب قلبي
لكن حط في بالك هالشغله ..
تصنيعه فاشل
لكنه حتى الآن افضل جهاز من حيث الالعاب والخدمات الترفيهيه ...
فل اوبشن
30-12-2007, 03:59 PM
في الالعاب قمة الروعه وابداع:party:
في التصنيع:Flush::Flush::Flush: بس يبقى احلى جهاز:bigok:
boss liquid
31-12-2007, 02:30 AM
ياخي شلون تتجرأ تحكم على أن ال360 جهاز فاشل تقنياً !!
ياخي قالولك جهاز بو 7 أرواح ! أبداً ما يخترب ؟!
كل شيء يخترب
اذا كان أستعمالك أنت دفش وغشيم هاذي مشكلتك مو مشكلة مايكروسوفت يا حبيبي :)
ثلاث ترباع الشباب اللي خذوا الأكس بوكس في هالسنة ما تحلطموا مثلك , واذا كان فيه شباب متحلطمين مثلك .. فهذول أستعمالهم معدوم
الله يعين الجهاز عليك
سلام
هلا أخوي
لو سمحت أخوي حسن اسلوبك في رد على الأخرين و تحترم وجهه صاحب الموضوع أكلت الرجال بقشورة و تعلم شلون ترد على الأعضاء بأسلوب راقي
تحياتي
Oh by the way PS3 and 360 can be friends but PS3 still rock
The Great Lord
31-12-2007, 03:05 PM
سلام عليكم ^^ الله يعينك اخوي.
تعال انت eob717 خل اسلوبك في الكلام احسن ^^ و لو جهازك خرب بتكتب زي الي كتباه اخوي و اكثر ,,,,,,,
محامي الفيلسوف
31-12-2007, 06:46 PM
اولاً اشكر كل من شارك في الموضوع
وانا فقط اليوم فتحت الموضوع من بعد كتابتي له
وهناك من هاجمني بالبدايه ووصف استعمالي للجهاز
( بالدفش ) والذي فهمته من هذا الكلام بأني شخص مهمل....
احب ارد على هذا الانتقاد
اذا كنت انا شخص ( دفش ) فلماذا لـم يتعطل الـ wii او الـ ps3 وظهرت خرابات في هذه الاجهزه..!!
اذا كنت انا ( دفش ) فلمـاذا عندما قمت بشراء جهاز ps2 و xbox 1 قبل 5 اعوام والى يومك هذا الجهازين شغالين زي العسل...!! ولم تظهر هناك اي خرابات
لم اذكر جهاز تعطل لدي.. الا نادرا جدا ،
فلماذا الـ xbox 360 تعطل لدي اكثر من مره..!
لا اظن بان المشكله من استعمالي...!!
وهناك من قال
( خل السي ديات المنسوخه تنفعك )
اولاً انا لا استعمل المنسوخ ودخولي باللايف نظامي 100% كل اشرطتي اصليه ولا توجد هناك قطعة كوبي مركبه بالجهاز ابدا...
اذا كنت مركز معاي في كتابتي للموضوع كتبت اني كنت اريد ان اشتري الجهاز الاوربي لان يوجد فيه ضمان ... لكن لم استطيع بسبب ان يوجد لدي هناك عدد كبير من اشرطه امريكيه اصليه... يعني هل لو اني استعمل منسوخ وكوبي سأهتم بأمر الاشرطه ؟ ولا اغير الجهاز بسبب الاشرطه ..!؟
وكلمه اخيره
انا من اشد المعجبين بمتعة الـ xbox 360 وخصوصاً شبكته اللايف الرائعه ...
لكن عندما تحدثت بمشاكل الاكس بوكس فانا اتحدث عن واقع حصل معي ... بعيدا عن امور العاطفه بـحبي لهذا الجهاز ..
والزين مايكمل حلاهـ....!!
joker_zambrotta
01-01-2008, 11:32 PM
ال360 عيبه الوحيد انه low budjet يعني قطعه المصنعه رخيصه وتخترب بسرعه لانه الجهاز نزلو بسرعه
مايكروسوفت خسرت فوق المليار دولار بسبب خرابات الجهاز اما الالعاب والانلاين فما عليه غبار يمكن شوي بس قوي :)
تبي مصدر ادري
www.google.com (http://www.google.com)
دور هني ماراح تظيع
solid ss
02-01-2008, 03:11 AM
الا صادق اخوي الفيلسوف
انا جهازي لي شهر شارية جلس معي اسبوعين وخرب
مع العلم كل دسكاتي نظيفة ومافي اي طفل في البيت يعني الجهاز خرابات
بعكس ps3 استغربت خويي كان يلعب pes 2008 بالغلط شات الجهاز وانقلب تصدقون انه ماقطع او علق
حاى ال ps2 اذا انقلب يقطع
فوق المستحيل
02-01-2008, 04:25 AM
مايكروسوفت كان هدفها اصدار جهاز بوقت لا يكون لها منافس..بالعربي قبل اصدار ps3
وقامت بهذه الفكره لكن على حساب جهازها.....الجهاز مانقول فاشل تقنيا..لكن نقول لم يعد اعداد جيد
لولا تضحية مايكروسوفت بجودة الجهاز..لما كان ال 360 في الريادة والصدارة الان
cantona222
02-01-2008, 07:43 AM
معاك حق أخوي محامي الفيلسوف.
أنا نفس حالتك بالضبط. أملك الـ360 و الـWii و الـPS3، بس عندي أمتع جهاز أهو الـ360. بس هذا مو معناته اني مرتاح من تصنيعه الفاشل. أنا حاليا أستخدم الـ360 الثالثة و صارلي 11 شهر فقط من شريت الجهاز :أفكر:.
و للأعضاء الـclosed minded اللي مو عاجبهم الموضوع: أقول سنعوا وزاراتكم (و أسلوبكم) أحسن لكم :p.
Still.......... I love my 360 :D
Ninja Gaiden 2
02-01-2008, 11:09 AM
الموضوع يذكرني بالبلاي ستيشن2 كل ثلاث او يومين يخرب :P
حاليا املك 6 بلاي ستيشن2 بسبب الخرابات >_< الله يخلي تقنية سوني:o
أرنوب قطر
03-01-2008, 12:06 AM
الموضوع يذكرني بالبلاي ستيشن2 كل ثلاث او يومين يخرب :P
حاليا املك 6 بلاي ستيشن2 بسبب الخرابات >_< الله يخلي تقنية سوني:o
والله عندي بلاي ستيشن 2 من أول إصدار له والله سنة 2002 مادري أواخر 2001
وربي إنه عايش معاي للحد الحين فديته
Ninja Gaiden 2
03-01-2008, 12:13 PM
والله عندي بلاي ستيشن 2 من أول إصدار له والله سنة 2002 مادري أواخر 2001
وربي إنه عايش معاي للحد الحين فديته
وأنا بعد عندي أكس بوكس 1 من أول إصدار في اواخر2001 وصاحي كأنه جديد
:)
والأكس بوكس 360 اللي عندي عليها ضمان 3 سنوات وماشوف فيها أي عيوب ماشاءالله
وشكرا
zoro1412
03-01-2008, 06:31 PM
السلام عليكم
اخواني اسمحولي على المداخله الصغيره
بالنسبه لك يا الاخو صاحب الموضوع الله يكون بعونك وغعلا هذي مشكله لحد الحين مالها حل حتي مع الى قاعد تصرح فيه الشركه من ان النسخ الجديده فيها الحل هذا من وجهت نظري
اما بالنسبه للخراب ففعلا انا عندي اكس بوكس وعند اخوي واحد بعد بمضي سنه بالضبط يعني شيء غريب فعلا بدأ عوارض الرد لايت والى اخره من المشاكل التعليق كانه شيء متعمد !!! نقدر نقول عيوب مصنعيه خل نلطف كلمة العيوب التقنيه بكلمة العيوب المصنعيه
اما لو بتجي وتسألني وتقول هل وقفت عند حد الخراب الاكس بوكس ولم تشتري غيره انا اقولك لا قمت وشريت واحد ثاني وطلبته من بره لانه من الغلط انك تشتري دفعه قديمه لانه بيخرب عليك بسرعة الي اخترب عليك القديم
على العموم الى يبي الدح ما يقول اح : ) اذا دخل براسك الاكس بوكس راح تشوف انك تشتري اثنين وثلاثه مادام فيه ادمان : ) وجهت نطر لا اكثر
والسلام مسك الختام
shakira
03-01-2008, 07:52 PM
لازم تخلون الجهاز دائما واقف ..........عشان مايسخن
لان لو سدحته من تحت بيسخن بشكل مش طبيعي فنصيحه خلووه واقف و بتنحل كل مشاكلكم مثل ما انحلت مشاكلي
Ninja Gaiden 2
03-01-2008, 08:42 PM
أصلا كل الأجهزة في اول الاصدار يكون فيها خرابات و مشاكل والأكس بوكس 360 مش اول جهاز في العالم يخرب
لكن الحمدلله مايكروسوفت اصدرت اجهزة جديدة يسمى بالفالكون ومافيها عيوب ولا مشاكل
الجام العربي
03-01-2008, 09:12 PM
يبدو انه من المستحيل التمتع بألعاب الجيل الثالث بدسكات منسوخة!!
وجهاز الـ 360 له أعطال باستخدام الأصلي!!
الحمد لله عشان ماحد يستخدم كوبي ويبعد عن الـ 360
والرجاء بدون تعصب الي يسمعكم يقول دفعتوا أموال لمايكروسوفت وخايفين من الخسارة
وجزى الله خيرا صاحب الموضوع فهو أراد تنبيهكم من فشل الجهاز !!
Sparkster
03-01-2008, 09:24 PM
^^^^
لوول مساكين الي يقولون مايكروسوفت شركة تسرق ومادري شنو
شكلهم نسو جودة تصنيع الاكس بوكس الاول .....
من اقوى الاجهزه الالكترونيه الي شريتها
ما أذكر من و متى بالضبط، لكن قبل سنين عدة بأحد الـE3's قال واحد من مسؤولين مايكروسوفت أن شركتهم صنعت الإكس بوكس الأول بالمرتبة الأولى صنعته لكسب ثقة اللاعبين و المطورين بجهازهم و ثم كسب الأموال في المرتبة الثانية عكس المنافسين. الظاهر كان يقصد أن الناس تاخذ فكرة أن جهازهم ما يجيه خرابات في الجيل السابق و تخسر الملايين عليه، و هذا الجيل تبدأ بزيادة الأرباح :flute: .. لول طبعاً أمزح. البلايستيشن2 خرب علي مرة وحدة بحياتي و السبب أن ولد أخوي كسره بالغلط لول، و بعدين شريت سلم و ليومك عايش و قاعد ألعب فيه راتشيت آند كلانك. إن شاء الله باخذ لي الإكس بوكس 360 بريميوم الـفالكون قريباً، و إن شاء الله ما يجيني الرد لايت .. و إن جاني باكون مخلص الألعاب اللي أبيها إن شاء الله و بعدين أنتقل للبلاي سيتشن 3. هذا إن جاني :dancing:
Testment
03-01-2008, 09:31 PM
يبدو انه من المستحيل التمتع بألعاب الجيل الثالث بدسكات منسوخة!!
وجهاز الـ 360 له أعطال باستخدام الأصلي!!
الحمد لله عشان ماحد يستخدم كوبي ويبعد عن الـ 360
والرجاء بدون تعصب الي يسمعكم يقول دفعتوا أموال لمايكروسوفت وخايفين من الخسارة
وجزى الله خيرا صاحب الموضوع فهو أراد تنبيهكم من فشل الجهاز !! أول شي الجيل هذا الجيل السابع مب الثالث
الا اذا انت ما بديت اللعب الا على الـPS
و انت تتكلم اتعصب و الدفاع عن الجهاز و انا اشوفك كاره 360 كأن مايكرسوف ماخذة منك فلوس و تريد خسارتها
واذا تكلمنا عن خراب الجهاز الجهاز عليه ضمان 3 سنين اذا كان عندك الضمان فر عليهم خلهم يصلحونه
و اذا ما خذيت الجهاز الي عليه ضمان فهاي مشكلتك
Sparkster
03-01-2008, 09:33 PM
يبدو انه من المستحيل التمتع بألعاب الجيل الثالث بدسكات منسوخة!!
وجهاز الـ 360 له أعطال باستخدام الأصلي!!
الحمد لله عشان ماحد يستخدم كوبي ويبعد عن الـ 360
والرجاء بدون تعصب الي يسمعكم يقول دفعتوا أموال لمايكروسوفت وخايفين من الخسارة
وجزى الله خيرا صاحب الموضوع فهو أراد تنبيهكم من فشل الجهاز !!
موضوعه ينبه من فشل الجهاز؟ .. لول هذي جملة أليمة. موضوعه يشتكي بأن جهازه فاشل تقنياً، لأن من بين ملايين المستخدمين حظه النحس طلع أن جهازه واحد من بعض الأجهزة الفاشلة.
ShinGundam
03-01-2008, 11:36 PM
موضوعه ينبه من فشل الجهاز؟ .. لول هذي جملة أليمة. موضوعه يشتكي بأن جهازه فاشل تقنياً، لأن من بين ملايين المستخدمين حظه النحس طلع أن جهازه واحد من بعض الأجهزة الفاشلة.
يا أخي كيفهم ماحد طق على إيدهم قالهم أخذوا الجهاز بس تكفون :boggled:
shakira
05-01-2008, 01:23 AM
هل احد ضربكم على ايدكم و تاخذون الجهاز بدون ضمان و انتو عارفين انه فيه مصيبه
فوق المستحيل
05-01-2008, 02:19 AM
كيف اشوف افلام ان اخذت الي فيه ضمان..انا ابي امريكي عشان الافلام !
لان الافلام الكوبي عندنا بالكويت كلها نظام امريكي..ماني مستعد اقط 6 دنانير على فلم اصلي دام الكوبي موجود وسعره دينار
البيكهام هام
05-01-2008, 01:02 PM
كيف اشوف افلام ان اخذت الي فيه ضمان..انا ابي امريكي عشان الافلام !
لان الافلام الكوبي عندنا بالكويت كلها نظام امريكي..ماني مستعد اقط 6 دنانير على فلم اصلي دام الكوبي موجود وسعره دينار
بدون ولا دينار بعد تنزله من النت مع الترجمه بساعتين:Dكل يوم انا واخواني نسهر على فيلم نلعب ساعتين دوره بالدوري الياباني واذا خلصت يكون اكتمل الفيلم:biggthump
بالنسبه لصاحب الموضوع والله معاك حق انا عندي جهازين واحد خلاص عطاك عمره والثاني لحقت عليه قبل لا ينفض انفاسه الاخيره:Dعالاقل يقزر علي للصيف مع الكوبي وبعدين اذا خرب او ماخرب مايهمني:p
فوق المستحيل
05-01-2008, 02:35 PM
والي مايقدر ينزله من النت..ولا عنده برامج ولا يستخدم دي ال اس..ولا يشبك اساسا..شنو يسوي :)
البيكهام هام
05-01-2008, 08:07 PM
والي مايقدر ينزله من النت..ولا عنده برامج ولا يستخدم دي ال اس..ولا يشبك اساسا..شنو يسوي :)
اللي مايستخدم الدي اس ال يشتري:)بس انت تستخدم الدي اس ال وبالنسبه للبرامج لتشغيل الافلام ماتاخذ خمس دقايق اذا نزلتها وثبتها:biggthumpالمهم استمتع ببلاش:D
فوق المستحيل
05-01-2008, 08:19 PM
يعني الامريكي انفع للي عنده نت والي ماعنده نت :)
SUPER HUNTER
06-01-2008, 07:54 AM
مايكروسوفت كان هدفها اصدار جهاز بوقت لا يكون لها منافس..بالعربي قبل اصدار ps3
وقامت بهذه الفكره لكن على حساب جهازها.....الجهاز مانقول فاشل تقنيا..لكن نقول لم يعد اعداد جيد
لولا تضحية مايكروسوفت بجودة الجهاز..لما كان ال 360 في الريادة والصدارة الان
ريادة وصدارة واضحه وضوح الماء مع الخرابات هذه
Testment
06-01-2008, 07:58 AM
ريادة وصدارة واضحه وضوح الماء مع الخرابات هذه المشكلة ان المبيعات تبين ان الجهاز في الريادة و الصدارة لو ما حسبنا الـWii
Ninja Gaiden 2
06-01-2008, 11:09 AM
أعتقد المشكلة انحلت بالاجهزة الاصدار 2007 من بعد شهر 7 و مع ذالك يوجود ضمان 3 سنوات
يعني مافي داعي اطولونها وهي قصيرة:أفكر:
واللي عنده كلامي يبغي يناقش عن الخرابات!!
يروح يسوله موضوع رسمي حق البلاي ستيشن 2 لانه خراباته لحد الحين مانتهت:33:
وشكرا
devil cober
06-01-2008, 12:04 PM
^^^^^^^^^^^^
تقصد العدسة هذه من الكوبي ياذكي !!
لعلمكم انتوا جنيتوا على نفسكم لما سخرتم من السوني 2 بس عشان العدسة !!!
والأن جا دورنا نسخر من جهازكم يعني لاحد منكم يزعل لو فكرناكم باللمبات الحمرا (البادئ أظلم)
Ninja Gaiden 2
06-01-2008, 12:29 PM
^
^
الحمدلله وشكر :blackeye:
أخوي شو نسخر ومانسخر ياخي هاي السوالف حق الاطفال
ولا عبالك انا داخلين حلبة مصارعة :P (امزح حبيبي)
-Gunners-
12-01-2008, 05:01 AM
يا جماعة اللي يسمعكم يقوم بيل غيتس عمكم و Microsoft شركة ابوه !! يا يبة الجهاز مو بس فاشل في صناعتة اله فوق الفشل كلة !! الواد المستخدمة في تصنيعه ولا تسوى فلس ومشاكل الجهاز ما مرت على اي جهاز من قبل و منها :-
- صورت مرتفع و مزعج عند التشغيل و اللعب.
- مشاكل بالهارد دسك متكررة للتخزين.
- مشكلة التعليق اثناء اللعب حتى لو كانت اللعبة اصلية (( Clean the Disk ))
و المصيبة الكبرى اللمبات الحمر و الـ Freeze
وهذي المصيبة و الطامة الكبرى يعني جهاز بمواصفات الجيل الجديد و ما تدري بأي لحظة يخرب مصيبة !!
انا خرب عندي جهازين و قلت توبة !! خلاص سوني 3 و اقطع والله 12 ساعة العب فيه كرة و كارفة كراف ماكو مشاكل معني احب ال360 للكوبي بس خلاص 2008 بشفط الوحش حق الفاشل بالتصنيع
sony 007
12-01-2008, 05:40 AM
^
^
ياخوي كل كلمة قلتها صحيحة :)
واتمنى من مشرفين ومراقبين قسم الاكس بوكس
ان يغلقون هذا الموضوع لانه اصبح موضوع تعصبي والمشكلة واضحة
ودمتم سالمين
جميع حقوق برمجة vBulletin محفوظة ©2026 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .