غبيشة بنت عبقم
29-12-2007, 07:05 PM
:biggthump السلام عليكم و رحمة الله وبركاته :biggthump
شحالكم عساكم بخير وسهاله ... انشالله اجمعين :o
.اليوم يبتلكم قصة من تأليفي وتحت عنوان
:blackeye: @* مـــيــــنــــونـــــات الـــهـــبـــاب *@:09:
الكاتبة : غبيشة بنت عبقم
اللي ما يعرف الهباب .. منطقة ف دبي .. فيها مزارع و فيها بيوت شعبية .. منطقة هادية و حلوة و تييب راحة البال ..
.... طبعا بتعرفون الشخصيات عقب .... من خلال سردي للقصة ... << الزبدة يا حرمة :boggled:
انزين ... القصة كوميدية و اكشن بس بعيدة عن :dancing: < < الحب خخخ ...
فيها مصارعات لول:silly: وفيها .. رعب :D خخخ
وانشاءالله تعيبكم ..
الجزء الأول بيكون جزء عادي وتعريفي بحياة الشخصيات ...
وبنزل لكم بعد الرسمة عسبة ما تيلسون تتخيلون واايد هههه
:D
انزين
نبدأ اليوم بتعريف الشخصيات و بنزل لكم صورة الشعبية
فريج اليّدة : عـشـبـة
< عشبوه لول
اليده عشبة: عنلاتج زاد يالهرمة و ثرج تزقرينيه عشبوه امف عليج :12:
* ما عليكم بتتعودون عليها لول * :09:
ننتقل للشخصية الأكثر مرحة و اكثر اكشن < طااخ :scratchchin:
غبيشة بنت عبقم * غـبـّوووشـة * << خخخخ
اسمي غبيشة
عمري * محظور * :33:
خخخ * بتتعودون ما عليكم *
ننتقل لييرانهم
الوالدة * رملة * .. < مخرفة و ربي:02:
رملة: يا حرمة عيب عليج انا حرمة عودة جيه تقولين عنّي .. :28:
* صح صح . انتي اروحج تعترفين جدامنا *:bigeyes:
الابو * مصبح * .. << ريال"ن" طيب حق المصلحة يوم نروح الدكان خخخ
عياله
و
ربيعتي
ريموه * ربيعتي الروح بالروح * << توقعوا كل شي منها لنها شراتي :32::D
اخوها الصغيرون
عبدالله < عبود.. اندلعه وحليله الا قوم بو 7 سنوات خخخ << نتمصلح عليه ساعات:blackeye::D
.
.
.
.
عنا نحن هني ف فريجنا اعداء عفان الله منهم
اولهم الوغدة " ميروه " << خقااقة لأبعد حدود:flute: ..بس تقلدنا حركاتها كله fake خخخ :squint:
وثاني واحد .. ولد عمها " منصور " << نحس ..عنبوها من نحااسة .. وايد يلعوزنا بالبانشي ..ايي عدالنا و يرشنا عادة بذيج الرملة ..على عويناتنا .. لا نرمس عنا ..اخاف يظهرلنا الحين:bigeyes::( ..
وآخر عدوّة بشكارتهم .. سبحااان الله حتى بشكارتهم عدوّة . .اسمها ." جاندرا :12:" ..تزيغ عوذ بالله منها
بتشوفون شخصيتها ف القصة
.
.
.
الرمسة اللي رسمتها عالكمبيوتر مجرد شرح عن شعبيتهم
http://www.m5zn.com/showimage.php?imagename=6f3c7ff8b5.bmp
<<اذا ما فتح ها افتحوا ها
http://www.m5zn.com/uploads/6f3c7ff8b5.bmp (http://www.afra7.net/vb/)
وانشالله تقرون و تفهمون ههه
المهم نبدأ بالجزء الأول قلتلكم مجرد تعريف لحياتهم اليومية :31:
الـصـبح من الغبشة
الـسـاعـة 00 :5
منو عاد ينش هالحزة غير اليدّة عشبوه .. تزعج
الشعبية بصوتها يوم توعّي غبوش حق صلاة الفجر
ماشي ايتيكت << لول .. عفان الله .. فجّت الباب
دفاشة و حركت عصاتها و نشت غبّوش زايغة
من الصوت ع بالها جنّي
غـبـّوش بكل خوف وهي حاطة ايدها ع قلبها وفاجة
عينها بصدمة تطالع يدتها : عوذ بالله من الشيطان
الرجيم ..باسم الله الرحمن الرحيم ..يدّووه عشبة من
وين ظهرتي ثرج
اليدة عشبة وهي تحرك عصاتها بعصبية عسبة
غبوش دحرت الشيطان من شافتها : عوذ بالله من
ويهج..اعنبوه من لسان جانج قوم بو 14 سنة ..
نشي يلا صلي نشي ..
غبّوش كان ودها تظحك و فرّت اللحاف ونشت
بعصبية : ها قمت قمت .. محد مرتاح ف هالبيت
اليده عشبة وهي طالعة من الحجرة : اللي يسمعج
يقول البيت ممزور فروخ ..ماغيرج انتي الوحيدة
ومعورتلي راسي
غبّوش دشت الحمام " عزكم الله وهي مفولة " :
عفاان الله جان حد مرتاح هني مووولية محد مرتاح
.... خلنا نخلي الشيطونة تخلص من الحمام ونروح
عند اليدة ...
اليده طبعا حاطة دوبها من دوب البشاكير << كل يوم
ع هالموال .. ويالسة ف نص الحوي تهزبها
اليده عشبة تهزب البشكارة عسبة انها مب مسقية
الزرع : كم مرة اقولج انا تبيني اعطيج ع ظهرج
بالعصا المحناية الحين
البشكارة " فتون" : والله ماما انا يسوي ينسى والله
يسوي ينسى كيف انته سوي زرب انا والله انا مسكين
اليده عشبة << شكلها اشفقت ع حال البشكارة
وتحاول تهدي اعصابها لول : برايج انزين سيري
كملي شغلج و وطي الريوق حق بنيتي
البشكارة فتون: اوكي
اليده عشبة تعدل برقعها وهي داشة البيت : يالله
بالستر علييكن انتن هروم محد يروم الكن
بيت بو محمد
الـسـاعة .. 15 : 5 الفجر
الام رملة توعي ريموه عسبّة تصلي صلاة الفجر
والحبيبة ريموه امبارحة سه
رانة عالتلفزيون تطالع فلم هندي شو اللي بيوعويها
الحين .. اعنبو .. لو طبول ما تنش
الأم رملة : نشي عنلاتج زااد نشيي يا بنية نشي ..
بنات هالزمن محد يروملهن
ريموه بكل كسل : امييه ماارووم تعبانة احس بويع ف
راسي ماارووم ياالله < جذابة تبا تكمل رقادها
الأم رملة بخوف : وين يميه ويين يويعج .. اوديج
الدختور
ريموه بظحوة شيطانية ف قلبها : لا لا .. ما يحتاي
برقد كم من ساعة و بيخوز الويع
الأم رملة عصبّت وشلت اللحاف : نشي يلا اشوفج
جدامي قووومي
ريموه خافت من تصرف امها العصبي ونشت بهدوء
ودشت الحمام عزكم الله
عبّود : ماماااا خليني العب ليش تشلييين اللعبة
خلييها
الام رملة : عويناتك بطيح بطييح عنبو ما تحسون
انتوا ..سير ارقد يلا جداامي
عبّود نش وهو مفوّل : انزييين انا بسير برقد لكن انا
اليوم بقول حق
بابا يشتريلي لعبة يديدة و بتشوفين بلعبها كل يوم
الام رملة تظحك: ههههههه نزين برايك سير سير
.بعد مرور ساعتين ع هالأحداث
الـسـاعـة 00 :7
في هذا الوقت يبدا جنون غبوشة الشيطونة
طبعا تخطيطات مستقبلية ويومية .حق الشريرة ميرا
اللي حركاتها fake
ع قوله غبوشة ..طبعا غبوشة استغلت الفرصة دام
ان يدتها راقدة انها تتلاقى ويا ريم جدام باب بيتهم
ووتفق وياها انهم يسيرون يتمشون جدا بيت ميروه
عسبة يقهرونها
طلعت غبوشة وهي تعدل الشيلة البيضة .و لفت
براسها يمين ويسار تبا تطمن ان ماشي اي ريال
غريب و عطتها شرده لين بيت ريموه البواية اللي في
السكة .. وتمت تربع و تربع وهي تشاهق .. لين
ما اندبغت ع ويهها <<طططرررراااخ ouch !! * قلتلج يا حرمة لا تربعين *
غبيشة : اهىء اهىء وااايه اديه عورتي ..واايه
مااروووم ..اديه انيرحت. ..الله يغربلج يا ريموه ..
اهىء اهىء دوم انا اللي اطيح ف هالمصايب مب انتي
اهىء اهىء
وبكل جهد حاولت غبيشة تنش وهي تعري عسبة
ريولها عورتها من الطيحة القوية .. ودقت الجرس و
تمت تتريا لين ما يتها ام عبود .."رملة "
ابتسمت غبيشة ف ويهها وكان ودها تصيح و هي
تتصنع الفرح : سلامن عليج خالتية وين الريم ؟
رملة باستغراب من تصرفها : والله الريم داخل يالسة
جانج تبينها ..حياج دشي
غبيشة ما كانت تبا تكشف انها طايحة او متعورة : لا
لا خالتية خلها تيني بغيتها ف كلمة راس
رملة متعجبة : انزين الحين بزقرها لج تريي فديتج
ومن راحت رملة تزقر الريم .. غبيشة طيحت كل
دموعها .. << تبا تفضي ههههه
و تمت حاطة ايدها عاليرح عشان الريم ما تشوفه
وتمت ترفع و تنزل ريولها اللي تعورها << وحليلج
لين ما سمعت خطوات سريعة و بسرعة لحفت ايديها
و ابتسمت ابتسامة متصنعة
غبيشة : هلا ريموه دهر واقفة انا اترياج
الريم مبتسمة : ترى قالتلج اميه دشي جيه ما دشيتي
غبيشة بتوتر : لا لا بروّح " لفت براسها يمين ويسار
" اقولج وش رايج اليوم نروح نتمشى جدا بيت
ميروه نقهرها شوي
الريم حطت صبعها ف ثمها وهي تفكر : والله فكرة
جهنمية اوكي .. يلا انا بسير بجوف قوم اميه اذا
بيظهرن وبتصلبج وبنتفق
غبيشة بألم : اوكي يلا بااي
ريم تطالعها باستغاراب : بااي
و عادة هني توهقت غبوشة لنه شيلتها متخيسة دمّان
وحليلها و تمت تربع مرة ثانية وريولها خلاص
منتهية تعورها بس شو تسوي تخاف يدتها تشوفها
ظاهرة ..
وفجأة وهي تمشي في السكة سمعت صوت قوي
ووقفت ف مكانها وفي فاجة عينها من الصدمة ع
بالها موتر بو عبدالله ..
منصور بصوت عالي : غبّووووووش
غبيشة وهي تقول بصوت واطي : لعنه تلعن
هالصوت انشاءالله
وتمت غبوش تفكر اذا هو سمعهم ولا لا .. يا ربي
معقولة بيسمعنا وتمت تمشي
وسوتله طاف وهي تمشي وتعري تبا ترد البيت
بسرعة وتم هو يلحقها بالبانشي لين ما وصل حذاها
منصور وهو يتمصخر عليها : شبلاج .. ههه اندبغتي
غبوش بعصبية وصدت له : ما يخصك انته
وبسرعة ما كان باجي غير كم من خطوة وتوصل
البيت منصور بعده يمشي ع مستواها بالبانشي و
بسرعة فجت الباب ودشت و بندته وهي متساندة
عالباب تتنصخ بصعوبة
...
ظنكم شو بيستوي ف غبّووشة اذا يدتها شافتها ؟
وهل بيمشون جدا بيت ميروه ولا لا ؟
منصور بيعرف انها اندبغت .. وهل هو سمع الحوار اللي كان يدور بينها وبين ريموه ؟؟
تـابعوني
حقـ@وق الطبع محفوظة لدى غبوشة بنت عبقم
شحالكم عساكم بخير وسهاله ... انشالله اجمعين :o
.اليوم يبتلكم قصة من تأليفي وتحت عنوان
:blackeye: @* مـــيــــنــــونـــــات الـــهـــبـــاب *@:09:
الكاتبة : غبيشة بنت عبقم
اللي ما يعرف الهباب .. منطقة ف دبي .. فيها مزارع و فيها بيوت شعبية .. منطقة هادية و حلوة و تييب راحة البال ..
.... طبعا بتعرفون الشخصيات عقب .... من خلال سردي للقصة ... << الزبدة يا حرمة :boggled:
انزين ... القصة كوميدية و اكشن بس بعيدة عن :dancing: < < الحب خخخ ...
فيها مصارعات لول:silly: وفيها .. رعب :D خخخ
وانشاءالله تعيبكم ..
الجزء الأول بيكون جزء عادي وتعريفي بحياة الشخصيات ...
وبنزل لكم بعد الرسمة عسبة ما تيلسون تتخيلون واايد هههه
:D
انزين
نبدأ اليوم بتعريف الشخصيات و بنزل لكم صورة الشعبية
فريج اليّدة : عـشـبـة
< عشبوه لول
اليده عشبة: عنلاتج زاد يالهرمة و ثرج تزقرينيه عشبوه امف عليج :12:
* ما عليكم بتتعودون عليها لول * :09:
ننتقل للشخصية الأكثر مرحة و اكثر اكشن < طااخ :scratchchin:
غبيشة بنت عبقم * غـبـّوووشـة * << خخخخ
اسمي غبيشة
عمري * محظور * :33:
خخخ * بتتعودون ما عليكم *
ننتقل لييرانهم
الوالدة * رملة * .. < مخرفة و ربي:02:
رملة: يا حرمة عيب عليج انا حرمة عودة جيه تقولين عنّي .. :28:
* صح صح . انتي اروحج تعترفين جدامنا *:bigeyes:
الابو * مصبح * .. << ريال"ن" طيب حق المصلحة يوم نروح الدكان خخخ
عياله
و
ربيعتي
ريموه * ربيعتي الروح بالروح * << توقعوا كل شي منها لنها شراتي :32::D
اخوها الصغيرون
عبدالله < عبود.. اندلعه وحليله الا قوم بو 7 سنوات خخخ << نتمصلح عليه ساعات:blackeye::D
.
.
.
.
عنا نحن هني ف فريجنا اعداء عفان الله منهم
اولهم الوغدة " ميروه " << خقااقة لأبعد حدود:flute: ..بس تقلدنا حركاتها كله fake خخخ :squint:
وثاني واحد .. ولد عمها " منصور " << نحس ..عنبوها من نحااسة .. وايد يلعوزنا بالبانشي ..ايي عدالنا و يرشنا عادة بذيج الرملة ..على عويناتنا .. لا نرمس عنا ..اخاف يظهرلنا الحين:bigeyes::( ..
وآخر عدوّة بشكارتهم .. سبحااان الله حتى بشكارتهم عدوّة . .اسمها ." جاندرا :12:" ..تزيغ عوذ بالله منها
بتشوفون شخصيتها ف القصة
.
.
.
الرمسة اللي رسمتها عالكمبيوتر مجرد شرح عن شعبيتهم
http://www.m5zn.com/showimage.php?imagename=6f3c7ff8b5.bmp
<<اذا ما فتح ها افتحوا ها
http://www.m5zn.com/uploads/6f3c7ff8b5.bmp (http://www.afra7.net/vb/)
وانشالله تقرون و تفهمون ههه
المهم نبدأ بالجزء الأول قلتلكم مجرد تعريف لحياتهم اليومية :31:
الـصـبح من الغبشة
الـسـاعـة 00 :5
منو عاد ينش هالحزة غير اليدّة عشبوه .. تزعج
الشعبية بصوتها يوم توعّي غبوش حق صلاة الفجر
ماشي ايتيكت << لول .. عفان الله .. فجّت الباب
دفاشة و حركت عصاتها و نشت غبّوش زايغة
من الصوت ع بالها جنّي
غـبـّوش بكل خوف وهي حاطة ايدها ع قلبها وفاجة
عينها بصدمة تطالع يدتها : عوذ بالله من الشيطان
الرجيم ..باسم الله الرحمن الرحيم ..يدّووه عشبة من
وين ظهرتي ثرج
اليدة عشبة وهي تحرك عصاتها بعصبية عسبة
غبوش دحرت الشيطان من شافتها : عوذ بالله من
ويهج..اعنبوه من لسان جانج قوم بو 14 سنة ..
نشي يلا صلي نشي ..
غبّوش كان ودها تظحك و فرّت اللحاف ونشت
بعصبية : ها قمت قمت .. محد مرتاح ف هالبيت
اليده عشبة وهي طالعة من الحجرة : اللي يسمعج
يقول البيت ممزور فروخ ..ماغيرج انتي الوحيدة
ومعورتلي راسي
غبّوش دشت الحمام " عزكم الله وهي مفولة " :
عفاان الله جان حد مرتاح هني مووولية محد مرتاح
.... خلنا نخلي الشيطونة تخلص من الحمام ونروح
عند اليدة ...
اليده طبعا حاطة دوبها من دوب البشاكير << كل يوم
ع هالموال .. ويالسة ف نص الحوي تهزبها
اليده عشبة تهزب البشكارة عسبة انها مب مسقية
الزرع : كم مرة اقولج انا تبيني اعطيج ع ظهرج
بالعصا المحناية الحين
البشكارة " فتون" : والله ماما انا يسوي ينسى والله
يسوي ينسى كيف انته سوي زرب انا والله انا مسكين
اليده عشبة << شكلها اشفقت ع حال البشكارة
وتحاول تهدي اعصابها لول : برايج انزين سيري
كملي شغلج و وطي الريوق حق بنيتي
البشكارة فتون: اوكي
اليده عشبة تعدل برقعها وهي داشة البيت : يالله
بالستر علييكن انتن هروم محد يروم الكن
بيت بو محمد
الـسـاعة .. 15 : 5 الفجر
الام رملة توعي ريموه عسبّة تصلي صلاة الفجر
والحبيبة ريموه امبارحة سه
رانة عالتلفزيون تطالع فلم هندي شو اللي بيوعويها
الحين .. اعنبو .. لو طبول ما تنش
الأم رملة : نشي عنلاتج زااد نشيي يا بنية نشي ..
بنات هالزمن محد يروملهن
ريموه بكل كسل : امييه ماارووم تعبانة احس بويع ف
راسي ماارووم ياالله < جذابة تبا تكمل رقادها
الأم رملة بخوف : وين يميه ويين يويعج .. اوديج
الدختور
ريموه بظحوة شيطانية ف قلبها : لا لا .. ما يحتاي
برقد كم من ساعة و بيخوز الويع
الأم رملة عصبّت وشلت اللحاف : نشي يلا اشوفج
جدامي قووومي
ريموه خافت من تصرف امها العصبي ونشت بهدوء
ودشت الحمام عزكم الله
عبّود : ماماااا خليني العب ليش تشلييين اللعبة
خلييها
الام رملة : عويناتك بطيح بطييح عنبو ما تحسون
انتوا ..سير ارقد يلا جداامي
عبّود نش وهو مفوّل : انزييين انا بسير برقد لكن انا
اليوم بقول حق
بابا يشتريلي لعبة يديدة و بتشوفين بلعبها كل يوم
الام رملة تظحك: ههههههه نزين برايك سير سير
.بعد مرور ساعتين ع هالأحداث
الـسـاعـة 00 :7
في هذا الوقت يبدا جنون غبوشة الشيطونة
طبعا تخطيطات مستقبلية ويومية .حق الشريرة ميرا
اللي حركاتها fake
ع قوله غبوشة ..طبعا غبوشة استغلت الفرصة دام
ان يدتها راقدة انها تتلاقى ويا ريم جدام باب بيتهم
ووتفق وياها انهم يسيرون يتمشون جدا بيت ميروه
عسبة يقهرونها
طلعت غبوشة وهي تعدل الشيلة البيضة .و لفت
براسها يمين ويسار تبا تطمن ان ماشي اي ريال
غريب و عطتها شرده لين بيت ريموه البواية اللي في
السكة .. وتمت تربع و تربع وهي تشاهق .. لين
ما اندبغت ع ويهها <<طططرررراااخ ouch !! * قلتلج يا حرمة لا تربعين *
غبيشة : اهىء اهىء وااايه اديه عورتي ..واايه
مااروووم ..اديه انيرحت. ..الله يغربلج يا ريموه ..
اهىء اهىء دوم انا اللي اطيح ف هالمصايب مب انتي
اهىء اهىء
وبكل جهد حاولت غبيشة تنش وهي تعري عسبة
ريولها عورتها من الطيحة القوية .. ودقت الجرس و
تمت تتريا لين ما يتها ام عبود .."رملة "
ابتسمت غبيشة ف ويهها وكان ودها تصيح و هي
تتصنع الفرح : سلامن عليج خالتية وين الريم ؟
رملة باستغراب من تصرفها : والله الريم داخل يالسة
جانج تبينها ..حياج دشي
غبيشة ما كانت تبا تكشف انها طايحة او متعورة : لا
لا خالتية خلها تيني بغيتها ف كلمة راس
رملة متعجبة : انزين الحين بزقرها لج تريي فديتج
ومن راحت رملة تزقر الريم .. غبيشة طيحت كل
دموعها .. << تبا تفضي ههههه
و تمت حاطة ايدها عاليرح عشان الريم ما تشوفه
وتمت ترفع و تنزل ريولها اللي تعورها << وحليلج
لين ما سمعت خطوات سريعة و بسرعة لحفت ايديها
و ابتسمت ابتسامة متصنعة
غبيشة : هلا ريموه دهر واقفة انا اترياج
الريم مبتسمة : ترى قالتلج اميه دشي جيه ما دشيتي
غبيشة بتوتر : لا لا بروّح " لفت براسها يمين ويسار
" اقولج وش رايج اليوم نروح نتمشى جدا بيت
ميروه نقهرها شوي
الريم حطت صبعها ف ثمها وهي تفكر : والله فكرة
جهنمية اوكي .. يلا انا بسير بجوف قوم اميه اذا
بيظهرن وبتصلبج وبنتفق
غبيشة بألم : اوكي يلا بااي
ريم تطالعها باستغاراب : بااي
و عادة هني توهقت غبوشة لنه شيلتها متخيسة دمّان
وحليلها و تمت تربع مرة ثانية وريولها خلاص
منتهية تعورها بس شو تسوي تخاف يدتها تشوفها
ظاهرة ..
وفجأة وهي تمشي في السكة سمعت صوت قوي
ووقفت ف مكانها وفي فاجة عينها من الصدمة ع
بالها موتر بو عبدالله ..
منصور بصوت عالي : غبّووووووش
غبيشة وهي تقول بصوت واطي : لعنه تلعن
هالصوت انشاءالله
وتمت غبوش تفكر اذا هو سمعهم ولا لا .. يا ربي
معقولة بيسمعنا وتمت تمشي
وسوتله طاف وهي تمشي وتعري تبا ترد البيت
بسرعة وتم هو يلحقها بالبانشي لين ما وصل حذاها
منصور وهو يتمصخر عليها : شبلاج .. ههه اندبغتي
غبوش بعصبية وصدت له : ما يخصك انته
وبسرعة ما كان باجي غير كم من خطوة وتوصل
البيت منصور بعده يمشي ع مستواها بالبانشي و
بسرعة فجت الباب ودشت و بندته وهي متساندة
عالباب تتنصخ بصعوبة
...
ظنكم شو بيستوي ف غبّووشة اذا يدتها شافتها ؟
وهل بيمشون جدا بيت ميروه ولا لا ؟
منصور بيعرف انها اندبغت .. وهل هو سمع الحوار اللي كان يدور بينها وبين ريموه ؟؟
تـابعوني
حقـ@وق الطبع محفوظة لدى غبوشة بنت عبقم