المساعد الشخصي الرقمي

مشاهدة النسخة كاملة : استفتاء للكويتين فقط


zidane.10
31-12-2007, 04:50 AM
بسم الله الرحمن الرحيم

السلام عليكم ورحمة الله وبركاته شلونكم شخباركم

موضوعي اليوم للكويتين فقط طبعا كلنا نعرف هيئة المعروف الامر بالمعروف والنهي عن المنكر الله يحفظهم اللي موجودين فالمملكه العربيه السعوديه الشقيقه استفتائي هو ما رأيك لو اصبح في الكويت هيئة الامر بالمعروف والنهي عن المنكر هل تؤيد ام لا مع ذكر الاسباب والرجاء عدم استخدام الغير لائقه بحق الهيئه او السخريه منهم وشكرا بإنتظار ردودكم
zidane.10
31-12-2007, 05:22 AM
قال رسول الله صلى الله عليه وسلم ((من كان يؤمن بالله واليوم الاخر فليقل خيرا او ليصمت)) وشكرا
اٍحساس حقيقي
31-12-2007, 11:11 AM
سؤال وجيه .. بانتظار اجاباتهم .. ^_^

للرفع
iSRT8
31-12-2007, 11:17 AM
سلامو عليكم

آنا مو موافق
وما راح اذكر الأسباب لهذا الإقتباس



والرجاء عدم استخدام الغير لائقه بحق الهيئه او السخريه منهم وشكرا بإنتظار ردودكم
DREAMCATCHER
31-12-2007, 11:22 AM
وعليكم السلام ورحمه الله وبركاته

أنا موافق لأن في بعض الاشكال الغريبة الي بدت تظهر في مجتمعنا ... وفي ناس لازم تتوقف عند حدها ومحد قادر
يقولهم شي .. وشكرا

سلام
ShinGundam
31-12-2007, 12:30 PM
السلام عليكم

الأمر بمعروف موجود لكن النهي مفقود هذا الي يبدو لي صراحة شخصياً غير موافق فكر فيها
أعضاء الحركة السلفية هم من سيقوم و هم ((بدو)) و أنا من شفت إسلوبهم في تهجمهم على
الوزيرة و أنا غاسل إيدي من سلفيتهم و لحيتهم و دشايشهم و إذا كانت هي وزارة الأوقاف فأنا
غاسل إيدي منها أيضاً بعد ما دششوا المتصوفة أيام المعتوق شخصياً أنا أشوف أن الأفضل
هم إدخال شرطة الآداب في أشياء لا المواطن العادي و لا سلفي مع دشداشته القصيرة يقدر على
عصابة بالمنطقة عاشرة مثلاً ثانياً المواطن نفسه لازم يسير غيور على أهله الي أشوفه ناس
المو زينة قلوبهم ميتة عموما هذا الي عندي الحين
zidane.10
31-12-2007, 07:57 PM
احساس اتمنى تشارك بالموضوع
امبرور غريبه لازم يكون الاستهزاء هو جواب كل نقاش لكن بقولك اصابعك مو سوى وشعوب تختلف في المعامله مو شرط تكون الهيئه في كل دوله فنس المعامله
اخ جاندام انت جرحت البدو بكلامك وانا مارح ارد عليك بنفس اسلوبك لك بقولك شي لو كنا نحن همج لما كان الرسول صلى الله عليه وسلم تربى عند البدو وصار راعي غنم الامر لا يخص السلف الهدف هو الفكره هل ستكون هناك ايجابيات ام سلبيات وعلى ضربك المثل انه الاعضاء يمثلون الشعب فتفكيرك خاطئ عمر مجلس الخمه ما كان يمثلنا هؤلاء اشخاص يمثلون نفسهم اتمنى عدم الخروج عن الموضوع وانا حبيت اوضحلك لا اكثر وشكر على الردود
iSRT8
31-12-2007, 08:21 PM
امبرور غريبه لازم يكون الاستهزاء هو جواب كل نقاش لكن بقولك اصابعك مو سوى وشعوب تختلف في المعامله مو شرط تكون الهيئه في كل دوله فنس المعامله



لأ اخوي بس انا ماحب المشاكل وخاصتاً بهذا المنتدى ...!

يعني هناكـ بالسعوديه الهيئه ماتقدر على مناطق معينه
ومثل هالشي راح يصير عندنا لو حطوا الهيئه
يعني ماكو عدل ..!
وفي اشياء ماحب اذكرها بالموضوع عشان ما ادخل بمشاكل مع اعضاء..
وفي اشياء لازم تتعدل اذا فكروا يحطون الهيئه..!
مثل عل اقل الحجاب

وآنا مثل ما قلت مو موافق على الهيئه




الأمر بمعروف موجود لكن النهي مفقود
ثانياً المواطن نفسه لازم يسير غيور على أهله الي أشوفه ناس
المو زينة قلوبهم ميتة عموما هذا الي عندي الحين


وهالكلام الي قاله اخوي ShinGundam عين الصواب ^^
ناصر المحمدي
31-12-2007, 08:44 PM
السلام عليكم ورحمة الله وبركاته

اسف على المداخلة << سعودي ..
بس حبيت اوضح لأخوي امبرور امر ..

يعني هناكـ بالسعوديه الهيئه ماتقدر على مناطق معينه
ومثل هالشي راح يصير عندنا لو حطوا الهيئه
يعني ماكو عدل ..!
صح عليك اخوي امبرور..
لكن لو تمعنت فيه لوجدت ان هناك من يمنعهم واحياناَ بالتهديد<< من اللي فوقهم بالمراكز , طبعا
بسبب ماسمعت وليس باليقين والعلم ..
واللحين اسمحولي بتدخل ..
بيني وبينكم يا هل الكويت .. ليس لزوم عليكم بان تخصصو رجال للأمر بالمعروف والنهي عن المنكر ..
انتم فيكم الخير والبركة .. كل واحد يشيل مسؤليته << هذا على الاقل
مثلا اخوك الصغير ماصلى .. تقوله قم صلي .. واذا كان معاند على الاقل تخليه يبعد عن الترفيه
سواء كان بالتلفزيون او على ارض الواقع ..او مثلا شفته يؤذي بسة ( قطو ) هرو بالفصحى .. تمنعه
وتفهم انه غلطان وانه لابد من ان يرحم بهائم الانعام اللتي لاحول لها ولا قوة ..وغيرها الكثير
وايضا لم تشوف واحد من الاهل زهقان او متضايق اجلس جنبه وقول حسبي الله لا إله الا هو عليه توكلت وهو رب العرش العظيم .. او هلل وكبر عنده لجل يتفاعل معاك ويسبح باسم ربه ..
وايضا هناك ناس سمحة تحب من ينصحها تلاقيهم كلهم آذان صاغية لك << شي يفرح
المقصد لاتعتمد على من حملوا المسؤولية في الامر بالمعروف والنهي عن المنكر ..
اقل شي بكلمة .. الله يهديكم ياشباب .. الصلاة ورح للمسجد .. اذا مب قادر عليهم .


اسف على المداخلة اخواني لكن حبيت اوضح وجه نظر .

في أمان الله ..
iSRT8
31-12-2007, 09:09 PM
قبل لا ارد عليك اخوي ناصر
انا اقرى ردودك بالمواضيع
وبصراحه تجبر على الي يكلمك الإحترام ^^
ما شاء الله عليكـ



صح عليك اخوي امبرور..
لكن لو تمعنت فيه لوجدت ان هناك من يمنعهم واحياناَ بالتهديد<< من اللي فوقهم بالمراكز , طبعا
بسبب ماسمعت وليس باليقين والعلم ..


إي اخوي انا هذا الي اقصده ...
ان بعض المناطق فيها كباريه وناس واصله والهيئه ما راح تقدر عليها





واللحين اسمحولي بتدخل ..
بيني وبينكم يا هل الكويت .. ليس لزوم عليكم بان تخصصو رجال للأمر بالمعروف والنهي عن المنكر ..
انتم فيكم الخير والبركة .. كل واحد يشيل مسؤليته << هذا على الاقل
مثلا اخوك الصغير ماصلى .. تقوله قم صلي .. واذا كان معاند على الاقل تخليه يبعد عن الترفيه
سواء كان بالتلفزيون او على ارض الواقع ..او مثلا شفته يؤذي بسة ( قطو ) هرو بالفصحى .. تمنعه
وتفهم انه غلطان وانه لابد من ان يرحم بهائم الانعام اللتي لاحول لها ولا قوة ..وغيرها الكثير
وايضا لم تشوف واحد من الاهل زهقان او متضايق اجلس جنبه وقول حسبي الله لا إله الا هو عليه توكلت وهو رب العرش العظيم .. او هلل وكبر عنده لجل يتفاعل معاك ويسبح باسم ربه ..
وايضا هناك ناس سمحة تحب من ينصحها تلاقيهم كلهم آذان صاغية لك << شي يفرح
المقصد لاتعتمد على من حملوا المسؤولية في الامر بالمعروف والنهي عن المنكر ..
اقل شي بكلمة .. الله يهديكم ياشباب .. الصلاة ورح للمسجد .. اذا مب قادر عليهم .


الحمدلله ان لنا سمعه طيبه
ولابد من وجود الصالح والطالح
يوجد بالكويت من ذكرت صفاتهم انت
ويوجد كذلك من يخرب سمعة بلد

يعني مثل ما قال اخوي جاندام ... ان كل واحد يصير غيور على اهله





اسف على المداخلة اخواني لكن حبيت اوضح وجه نظر .

في أمان الله ..


شكراً لكـ
وفي امان الكريم ^^
zidane.10
01-01-2008, 07:17 AM
فمثل يقول عط الخباز خبزه لو كله نصه المقصد احنا ندري انه الكباريه ماراح اييهم شي لكن بنظري راح تقل السلوكيات اللي بنشوفها وكل واحد بيحسب حساب على اي خطووة بقوم فيها مو نفس الوضع حاليا لا راقبه ولا م يحزنون ديره لا حسيب ولا رقيب واذا بترجعون لنظريه كل واحد رقيب نفسه اذا انتم مع الديمقراطيه وحرية الراي وبدينا ما في شي اسمه ديمقراطيه زين ولي ماعندهم غيره على عيالهم شلحل معاهم شذمب ديرتنا اذا اهم ما يحسون على دمهم واخ ناصر ردودك نورت الموضوع حنا اخوان وعيال عم والظفر مايطلع عن اللحم وتسلمووون
ballamco
01-01-2008, 07:43 AM
انا كويتي وتبي رايي انا مو موافق وبشده الصراحه الحدالله الكويت ما هي بحاجه الى لجنه نفس هذي , عشان نتكلم ان الكويت محتاجه ولا ا الحمدالله شعبها احلى ما يكون صج انا معاك في اشكال مثل الجنس الثالث والصبيك وكثير بس ما وصلنا الى الفساد حبيبي علشان تيي لجنه مثل هذي الله يعز الكويت , اصلا لجنه مثل هذي ترجع امم كل شي تحرم شف السعوديه عندها شباب مثل الورد والله بس يعطونهم الخيطخل ينفسون عن نفسهم حرام مساكين , كل شي حرام , مبدا هالجنه مبدا ايام ابو جهل وربعه انا ما ني مستعد احط بدولتي ناس يفتون ويتمصخرون على الشعب , الحمدالله عندنا ناس تامر بالمعروف والدين يسر مو عسر و سيادت الكويت تحترم كل الطوائف والديانات فجذي الله ناعم عليها وبسيادتها الحكيمه من قبل شيوخنا , فالهل شي يجبرنا نكون زينين احنا الشعب , واذا يعني تقول عن بناتنا الفري مثلا يبا هذي داشه بالتربيه مو داشه بالدين الحمدالله وايد ناس بالكويت ملتزمين تلقى فئه صغيره من الشعب يعني مسوي نفسه متحظر , وبعدين الكويت ما هي كويتيين بس في لبنانيين وسوريين ومصريين ومغاربه وجنسيات وايد , فتلقاهم متعددي الجنسيات اخوي ومتعددي الديانات , فالكويت الله يحفظها دولة حريات وتعطي الكل حقه حبيبي فما تشوف نزاعات وحزازيات عندنا والله يحفضنا منها لقيادتنا الحكيمه , دخول لجنه مثل هذي مالها داعي الكل عارف الصح والخطا والاسلام ما هو غصب (وايد انذكر بالقرآن :) ) العمل الي يبي يسويه الانسان الله يحاسبه , مو شله ماسكه عصي , تبي تربي ربي اعيالك على الاسلام صدقني لو شنو ما ينخرط يالعادات السيئه ما دامت تربيته عادله وحكيمه وذات اصل ... وهذا رايي وراي اكثر الكويتيين :) الكويت باخير وما زالت بخير وراح تضل بخير .

والسلام ختام

اخوكم بلامكو
EAGLE 2000
01-01-2008, 08:09 AM
السلام عليكم

ShinGundam

اشفيهم البدو ؟ مو تارسين عينك يعني ؟

---------------------------

اما عن الموضوع هيئة الأمر بالمعروف .. الصراحة اتمنى تكون بالكويت وبشدة بسبب التصرفات الغريبة الي تظهر بالمجتمع.

---------------------------

في امان الله.
ShinGundam
01-01-2008, 10:00 AM
السلام عليكم


اخ جاندام انت جرحت البدو بكلامك وانا مارح ارد عليك بنفس اسلوبك لك بقولك شي لو كنا نحن همج لما كان الرسول صلى الله عليه وسلم تربى عند البدو وصار راعي غنم الامر لا يخص السلف الهدف هو الفكره هل ستكون هناك ايجابيات ام سلبيات وعلى ضربك المثل انه الاعضاء يمثلون الشعب فتفكيرك خاطئ عمر مجلس الخمه ما كان يمثلنا هؤلاء اشخاص يمثلون نفسهم اتمنى عدم الخروج عن الموضوع وانا حبيت اوضحلك لا اكثر وشكر على الردود
أنا ما وصفت أحد بالهمج :) و كلامي موجه لأعضاء الحركة السلفية أعضاء
القطب الواحد ونوابهم و يايبينهم كل واحد إلسانه أوصخ من ثاني و ين سلفيتك
تكفة جاوبني شنو متوقع تكون نظرتي و مو مرة وحدة حتى فقضية إسقاط القروض
يطلع واحد و يقولي راح أنزل الشارع الكويتي إذا لم تسقط القروض أقوله فيك
خير نزلهم كلهم :32:

على أية حال الحمدلله أن تفكيري كان خاطأ و أن النواب يمثلون نفسهم فقط :28:
و إذا كان في هيئة ما تكون تحت إيد الحركة السلفية أو النواب
A v r i l
01-01-2008, 03:19 PM
لا ما اتمنى انها تكون موجودة
اٍحساس حقيقي
01-01-2008, 07:58 PM
والله نفسي اتخيل دولة الكويت فيها هيئة الامر بالمعروف والنهي عن المنكر .. بس ما قدرت ^_^

انا اعرف ناس بالكويت ومن تعاملي معهم شفتهم ناس محترمين ومتحضرين .. وخلفياتهم محترمة .. وجود الهيئة ماله داعي ..

مشكورين
zidane.10
02-01-2008, 02:51 AM
تسلمون على الردود مع انه انا مع وجود هالهيئه لانه الحمدلله ماعندي شي اخاف منه فوجود الهيئه او لا مارح ياثر في نفسي لكن ممكن يأثر على المجتمع ولو كانت النسبه واحد بالميه والاختلاف بالراي لا يفسد للود قضيه :)
zidane.10
02-01-2008, 02:53 AM
avril اتمنى يكون هناك سبب ترى احنا ودنا نستفيد يمكن انتو تشوفين شي احنا مو شايفينه او العكس
DREAMCATCHER
03-01-2008, 08:07 AM
ShinGundam



عصابة بالمنطقة عاشرة


الظاهر عندك لبس بين المنطقه العاشره و نيويورك .. لا ما عندنا عصابات بالمنطقه العاشره ( :
شفت نظرتك لنا اخذ خمس ثواني واعرف ان هذي هي نظره "العالم الاول" بشكل عام لك انت يالعربي أو ايا كان عرقك



*الحين شرايك بالتعميم حلو ولا مزعج و ظالم بنفس الوقت


آسف بس بصراحه تغيرت نظرتي لك يا gundam اذا كانت تهمك طبعا.




تسلمون على الردود مع انه انا مع وجود هالهيئه لانه الحمدلله ماعندي شي اخاف منه فوجود الهيئه او لا مارح ياثر في نفسي لكن ممكن يأثر على المجتمع ولو كانت النسبه واحد بالميه والاختلاف بالراي لا يفسد للود قضيه :)


بالضبط .. أنا مستغرب بصراحه من الي رافضينها لانهم يعتقدون انها مراح تفيد... انزين اذا مراح تفيد يعني مراح تضر والا عاجبينكم حثاله المجتمع مع دعايات النخل
الي يتمشون فيها بالمجمعات :09:



سلام
المطخطخ
05-01-2008, 02:02 AM
رغم اني لست بكويتي ولكني من اكثر الناس المؤيده لتواجد الهيئه بالكويت ، على الاقل بنشوف مسلسلات كويتيه اكثر حشمه وبعيده عن العلاقات المحرمه التي يجاهر بها في كل مسلسل ( تقريبا ).
zidane.10
06-01-2008, 01:52 AM
هلا المطخطخ تسلم على المرور انا اختلف معاك بهذي النقطه لو كان صحيحا لكن الهيئه اوقفت مسلسل طاش ما طاش في عند اخواننا السعوديين لكن دور وقف المسلسلات هو دور الرقابه الفنيه وليس دور الهيئه وشكرا مره ثانيه على المرور
المطخطخ
07-01-2008, 06:12 AM
هلا المطخطخ تسلم على المرور انا اختلف معاك بهذي النقطه لو كان صحيحا لكن الهيئه اوقفت مسلسل طاش ما طاش في عند اخواننا السعوديين لكن دور وقف المسلسلات هو دور الرقابه الفنيه وليس دور الهيئه وشكرا مره ثانيه على المرور


يسلم غاليك اخوي

قصدت بجملتي مجازيا وليس حرفيا بارك الله فيك
zidane.10
07-01-2008, 07:01 AM
والله المطخطخ انا ما فهمت شتقصد كلامك اكبر من مستوى استيعابي :09:
wasker
08-01-2008, 01:17 AM
هههههههههه
ما يقدون يسوون شي
احنا عندنا بالكويت المشايخ 3 من اقوى القراء بالخليج ومعروفين فيه (ش العفاسي .ش فهد الكندري . ش ياسر الفلجاوي)) واهم شغالين دعوه (( وشهرتهم ليس لانهم اامت الحرم مع احترامي لهم ))
ش نبيل العوضي واهو يهدي ناس من بره الكويت وكل يوم سفره إلا دوله للدعوه
د محمد العوضي ما اقدر اوصفه من كثر ما الرجل ماشاء الله عليه
د عبد الرحمن السميط و ملايين مهتدين على ايده
وو مشايخ واجد لكن الكويت فيها الحرام تقولي اخوي لجنه
وبعضهم شيخ كرسي فقط وراتب راح يسوون شي (( مع احترامي الشديد لك ولوجهت نضرك )) انسه
وبعدين احنا النصيحه ما نتقبلها من واحد ملتزم او مو من الأهل وخاصه اذا ملتزم
لانه هاذي الفئه الطيبه المحترمه صورتها صارت سيئه وانه اهم متشددين
هاذا كلام مو مطلعه من خشمي انا 14 سنه مع شباب المساجد وكنت اواجه نقد
كبير والحين مع الأسف صار لي موقف مع كم واحد وخرجت والحين اعرف
اوصخ الناس واعرف شلون يسبون المتلزمين يعني خبره بالملزم والغير ملتزم
ما ابي اطول اشكرك علا طرحك الموضوع
سلامز
Snake-87
12-01-2008, 01:13 PM
موافق
.. يفكونا من العقد إلي تارسين السوق .. إلي باط جبدي مرة بالكلية عندنا .. وحدة داخلة مبنى البنين تبي تكلم دكتور .. وبالممر اعترض لها (عقيدي وصخ) وقعد يقول كلام ما ينقال .. شتقول له بالله ؟
hod hod
12-01-2008, 01:27 PM
^^^^
وشو عقد ؟

بالنسبه للهيئة فهي حلوه وشينه بنفس الوقت
يعني حظك ونصيبك بمين قابلت
صح اني سعوديه وقاطه وجهي بهالموضوع بس حبيت اوضح شيء الهيئة الي داخلين بهذا المجال رغبه فيهم فهم محترمين والله ينصح البنت ولا الشاب بصوت واطي واسلوب محترم

اما خريجين السجون والأصلاحات للأسف 90 بالمية منهم مغصوبين على هالشغله علشان كذا تعاملهم زفت الله يصلحهم وفوق كذا مفروض يحطون كبار مو شباب يعني ثلاثين وفوق يطلع راكز

عموما كلكم راع وكلكم مسؤل عن رعيته لو كل واحد ماسك اهله ومربيهم ماكان احتجنا هيئة ولا غيرها بس بعضهم لاشفتهم بالأسواق اقول شكلهم homeless ولا معقول تطلع /يطلع قدام اهله بهالمنظر ومحد يغسل شراعه ؟
zidane.10
12-01-2008, 01:32 PM
تسلمون على الردود اخوي انت مسكت العقد على قولة ونسيت جماعة الفنكي والبنات بالمرينا مول والخ ماله داعي اذكر الباجي اللي ذكرته اهون من الاشكال الباجي هدهد تسلمين واحنا اخوان وعيال عم ومرورج يشرفنا وشكرا
A v r i l
13-01-2008, 01:30 AM
سنيك 87
لو يفكونه من هالعقد احنا بخيير و الله !!:12: والله ديرتنا حلوة بس هالعقد مخربينها !!

زيدان

ما اتمنى وجودها لاسباب واايد افضل احتفظ فيها لنفسي لاني لو بتكلم بتصييير مشاكل هني و مراح نخلص :)


وشو عقد ؟

الله يسلمح يعني " هيلق "

"هيلق " هم فئة همجية من الناس !!

شرابكم بترجمتي الغلط ..؟!:D