وين البيض ..؟؟

[ejabe]

بسم الله الرحمن الرحيم

السلام عليكم كيف حالكم إن شاء الله طيبين :biggthump

ما أدري من وين أبدأ لكن في شي صاير في قطر غريب :(

قبل كم أسبوع قل البيض:32: المجود عندنا و زاد سعره أضاعف ما كان عليه :wow:

كان الكرتون بـ 10 :flute: ريالات لكن الان تجد البيض في بعض المحال بهذي الأسعار

في الجمعيات 14 طبعا هذي يخلص عنده بسرعة تحصل طابور على باب الجمعية

البقالات بين 30و50 ريال وسمعت أن البعض قام يبيع الكرتون بـ 80 ريال :bigeyes:

بس لحد الأن أنا مااعرف ليش كل هذا؟؟ :33: سمعت أن هذي الظاهره في الخليج

بغيت أتأكد منك لو حد منكم يفيدنا ويوقلنا شنو السر؟؟ :scratchchin:

[Amir Imam]

بسم الله
مش لازم تاكل بيض .. كل سود :D
انا عن نفسي من مصر يعني مش من الخليج خالص .. وكمان مش باكل البيض

[Al Bhed Girl]

صحيح كلامك ،،

انا شفت هالخبر بالتلفزيون وكان بالكويت ،، اسعار البيض حيل ارتفعت بشكل
مبالغ فيه جدا ،،

اما السبب فما اتذكره بالضبط بس متعلق بالانتاج البيض والاقتصاد ×.× ،،
>>مو متوقع حتى XD

[ejabe]

امير إمام

مشكور على الرد
*********************************
al bheg girl

شكرا على التوضيح

[HUMAED]

بسبب انتشار أنفلونزا الطيور في الأماكن اللي يستورد منها البيض..
<< هذا اللي سمعته
..

[FinalFantasy9]

السلام عليكم ورحمة الله وبركاته ..


لووول .. صحيح وصل وزاد عن ال 80 ريال للكرتون الواحد .. صار البيض وجبة الملوووك عندنا خخخ :09: !! .


ولد خالي امس كان جاي من الامارات وجاب لنا 6 كراتين بيض بسعر لم يتجاوز الـ 20 للكرتون الواحد xD << صرنا نهرب البيض على الحدود السعودية×القطرية xD ..


اتوقع ان السعر وصل لهالارتفاع بسبب ضعف حماية المستهلك والرقابة عندنا , فبعد ماحدث بالايام الاخيرة في احد الدول الخليجيه من نفوق للطيور الداجنة واعدام الملايين منها بسبب انتشار الامراض ..


صارت هذي فرصة للتجار للتلاعب بالسوق وتخفيض نشر البيض بالاسواق لكي ترتفع الاسعار .. والا يعني ليش قطر الوحيدة الي تضاعف فيها السعر لهذا المستوى الخيالي .. فالكالعاده , التجار في قطر لاعبين فينا لعب !! .


المعاشات تزيد 40% .. تلاقي بعدها بإسبوع الاسعار تزيد بنسبة 100% لوول .. وكل شهرين يطلعلنا مسلسل جديد XD .. الله يعين @_@ .


بس ان شاء الله ياخذون هالمسألة كدرس علشان يبدون يعتمدون على انفسهم بعمل مزارع للدواجن ورفع انتاجها لكي نصل للاكتفاء الذاتي منها بدل من جلبها من دول الخليج ودول جنوب شرق اسيا >_> .


وشـــــــــــ:yup::yup::yup::yup:ــــــــــكراً

[Black Box]

هي مسكت على البيض بس.. كل شيء هالأيام طالع سعره فوق..


تأتي زيادة للرواتب من الدولة بمقدار 15% , وترتفع اسعار المنتجات الإستهلاكية 30% , يعني لو مخلينا على الرواتب القديمة احسن لنا <_<"..


والمحلات والتجار ما عليهم رقابة أبداً.. كل واحد يلعب بالأسعار على كيفه..


في عيد الأضحى وصل سعر (الخروف) الواحد إلى 1400 - 2000 ريال في المملكة.. وقبل عدة سنوات كان سعره لا يتجاوز الـ600 ريال بالكثير..


اييه.. الله يصلح الحال (&)..

[Son_OF_Liberty]

ياراجل قول خير ترا فطوري كل يوم بيض مقلي

[Black Box]

^
قلتلك حوّل عالجبن والزعتر..


ولا أقولك.. حوّل عالفول خخخ (&)

[DeadLy_]

ههههه ذكرتني بعيد الأضحى اللي فات, كل أعمامي و جدي كانوا عندنا في البيت معزومين أحد عيال عمي يقولهم

في أحد الصواني كنا حاطين برياني مع دجاج و بيض عاد هو الله يهديه أول ما شاف البيض و الدجاج في صينية وحدة قال

"إكلوا البيض تراه غالي هالأيام سعره أغلى من الدجاجة نفسها" :p

[اٍحساس حقيقي]

عندنا في الامارات بعد ..

كرتون بيض بو 30 حبة .. اول كان ب10 او 11 درهم .. الحين صار 25 درهم !!!!!!!!!!!

يا اخوان .. لاتصدقون كلام التجار !! يقولون بسبب ان اسعار النفط مرتفع ولا انخفاض الدولار ولا ارتفاع سعر الموز في بلاد الواق واق !!! هذا كله على بعضه كلام فاضي !

الله يحمينا من شر ارتفاع الاسعار !

[XORO]

ما اقول الا الله يعين الجميع

حتى البيض غلى سعره والمشكلة ان عندنا دجاج ما عاد يبيض مثل الاول تصدقون ؟؟؟؟
( شكله يبي ياكل شعير رقم 1 والا يبي تأمين صحي ) ^^

المهم يا شباب الغلا هذا غلا عالمي لكن نحن في دول الخليج عندنا الشي الحصري عن العالم وهو
نصب التجار في كل شي

وشكــــــــــــــــــــــــــــــــــــــــــــرا

[Soliden]

Speaking of بيض, في الظهر تلقا الدجاج على الأسياخ, أو بقدرة قادر خلوه مسطّح وعلى الفحم, شوربة دجاج, سندويتش دجاج, سلطة دجاج, وعيال الدجاج يطيحون في الصاج قبل لا يطلعوا للحياة, يلعن أبو الرعب, الحمد لله ماني دجاجة.

على كل حال, طالما الإندومي بريال, فنحن بخير. (&)

[اٍحساس حقيقي]

على كل حال, طالما الإندومي بريال, فنحن بخير


يا حظك !! عندنا ب3 دراهم !!