ஐ˚◦ الألعاب وفيرجن 3.90 ◦˚ஐ

[MaRaYaM]

http://www.21za.com/pic/salam_kalam007_files/75.gif



اختكم مبتدئة في مجال البي اس بي يعني خبرة اسبوع بس


نزلت لي كم لعبة من النت بعد جهد جهيد وحاولت اشغلهم وما فلحت


يا ليت احد من الخبراء يتفرغ لي ويشرح لي بالتفصيل شلون اشغل الالعاب


لان صج صج خاطري فيهم :02: وانا مستعده اتعلم لو شهر كامل..


أختكم/ مرايم



http://www.21za.com/pic/salam_kalam007_files/76.gif

[ألتيمي]

للأسف لا يوجد اي العاب تركب على الفيرجن 3.9

[MaRaYaM]

ماشالله عليك اختصرت لي الطريق

انزين ما عليك امر انا غشيمة في هالسوالف

اسمع عن الدوانجريد والكاستم وحجي ثاني ما اعرف شمعناه

يعني شي من ذيلا ما ينفع في حالتي ولا بـأي طريقه ثانيه؟؟ :02:

ويزاك الله خير

[Mr.Xbox]

اذا جهازك 3.90M33 ينفع , اما اذا كان 3.90 فقط ماينفع ..

اذا كان 3.90 فقط الحل انك يا اما تستخدمين الباندورا باتري وموجود لها اكثر من شرح في المنتدى , او انك تنتظرين الداون جريد لهذا الفيرجن

[MaRaYaM]

شكرا على ردك الشيخ..

جهازي 3.90 بس، مسألة الباندورا :33: ما اعرف شمعناها لكن ان شاء الله باشوفها


اما عن الدوانجريد فـ يا ليت تشرح لي معنى هالكلمة؟؟ وشلون ممكن تصير.. وهل راح اقدر اشغل الالعاب على جهازي بعد ما اسوي هالشي؟؟

واسمحوا لي على كثر الاسئلة لكن منكم نستفيد

ويزاكم ربي كل خير ما تقصرون والله

[Mr.Xbox]

عادي مافي تعب ولا شي .. كلنا كنا مانعرف شي في البدايه ..

طريقه الباندورا موجوده في قسم المواضيع المميزه للبلاي ستيشن المحمول

اما الداون جريد فهو عكس الابديت , الابديت يطور جهازك ويزيد عليه اشياء , اما الداون جريد فهو ينزل من الفيرجن

بعد ماتنزلين الداون جريد للـ1.50 بعدها تحطين الكاستم وبعدها تقدرين تشغلين الالعاب

طبعاً الداون جريد للفيرجن مالك مانزل للحين , فأنصحك انك تسوي طريقه الباندورا باتري

لمعلومات عامه عن الجهاز والداون جريد والابديت والكاستم ..الخ اتمنى زياره هذا الموضوع الرائع اللي من كتابه المراقب ذا شادو , فيه تقدرين تلاقين اغلب الاسئله اللي ممكن تطرحينها وايضاً تعطيك معلومات مهمه عن الجهاز ^^"

موسوعة الـPsp الشاملة ( Psp Wiki ) معظم الاستفسارات اجابتها هنا (http://www.montada.com/showthread.php?t=549477)

[Mr.Xbox]

عادي مافي تعب ولا شي .. كلنا كنا مانعرف شي في البدايه ..

طريقه الباندورا موجوده في قسم المواضيع المميزه للبلاي ستيشن المحمول

اما الداون جريد فهو عكس الابديت , الابديت يطور جهازك ويزيد عليه اشياء , اما الداون جريد فهو ينزل من الفيرجن

بعد ماتنزلين الداون جريد للـ1.50 بعدها تحطين الكاستم وبعدها تقدرين تشغلين الالعاب

طبعاً الداون جريد للفيرجن مالك مانزل للحين , فأنصحك انك تسوي طريقه الباندورا باتري

لمعلومات عامه عن الجهاز والداون جريد والابديت والكاستم ..الخ اتمنى زياره هذا الموضوع الرائع اللي من كتابه المراقب ذا شادو , فيه تقدرين تلاقين اغلب الاسئله اللي ممكن تطرحينها وايضاً تعطيك معلومات مهمه عن الجهاز ^^"

موسوعة الـPsp الشاملة ( Psp Wiki ) معظم الاستفسارات اجابتها هنا (http://www.montada.com/showthread.php?t=549477)

[MaRaYaM]

صراحه يعجز لساني عن شكرك.. يكفي انك متابع الموضوع وترد على اسئلتي

والموضوع الي عطيتني اياه وايد روعه وضفته في المفضله عندي

بس اذا ما عليك امر ممكن تنصحني الحين شاسوي؟؟

طريقة الباندورا الي ذكرتها تنفع 100% ولا انتظر لين الداونجريد.. :33:

صج عمري 22 لكن الاستيعاب في مثل هالسوالف .. بطيء

http://dl4.glitter-graphics.net/pub/117/117684ygkpzfr3jr.gif

[Mr.Xbox]

^
مايحتاج شكر .. كلنا هني نساعد بعض ^^"

طريقه الباندورا مضمونه وفي كثير ناس جربوها ونفعت معاهم , انا انصحك تسوين طريقه الباندورا لأنها مضمونه وموجوده .. لأنه الداون جريد يمكن يطول كثير على ماينزل

[KasiH]

اختي افضل انك تودين الجهاز لاي محل يعملك كاستم للجهاز ويصير 3.90 m33 لانه عملية الباندورا
قد تكون صعبة واي خطا قد تؤدي الى عواقب عميقة XD

الا اذا فيكي تخاطري او انه احد الاعضاء يقلك العملية خطوة خطوة والله يوفقك ومبروك عليك الجهاز

[MaRaYaM]

Mr.Xbox

مشكور على ردك المفيد وان شاء الله ناويه اجربها

.~.~.~.~.~.~.~.~.

KasiH

بصراحه عكست ردي السابق،، يعني صج يمكن اخربها؟؟

وين اوديها بالدوحة ما اخبر مكان يسوي لي

[AL ADMIRAL]

بدام تبي تسوي البندوره

((خربانه خربانه)) عادي سويها من الحين

أشان حتى لو أنخرب الجهاز حيتصلح بـ طريقة البندوره عند الرجال ^_^

أهم شي جهازك xp مو فيستا

[MaRaYaM]

:33: الله يسلمك على الملاحظة المهمة

لان الي عندي فيستا.. لكن بندبر اكس بي والله يعين

وان شاء الله بس اتفرغ من دوامي باجرب والعوض على الله :09:

[AL ADMIRAL]

:33: الله يسلمك على الملاحظة المهمة

لان الي عندي فيستا.. لكن بندبر اكس بي والله يعين

وان شاء الله بس اتفرغ من دوامي باجرب والعوض على الله :09:


ماشالله عليكي شايفك شاطره في هالأشياء (في موضوع البندوره حاطه الرابط ^_^)

طيب بدامك تحبي هشغلات أنا أقلك طريقه حلوه كانت معقدتني والحين الحمد الله
وهي البرامج الي ما تشتغل على الفيستا ومافي منها أصدارات للفيستا

الي حنسويه
حنشغل نضام داخل نضام ~_^

البرنامج الي حنستخدمو Microsoft Virtual PC 2007
حميليه من الموقع الرسمي (مجاني) من هنا (http://www.microsoft.com/windows/products/winfamily/virtualpc/default.mspx) حجمو تقريبا 30 ميقا

وبعد ماتشغلي البرنامج وتسوي الأعدادات الي أنتي تبيها
قومي بتثبيت الـ xp من نفس البرنامج

وهذي صوره من جهازي وأنا مشغل الـ xp من الفيستا ~_^
http://static3.filefront.com/images/personal/a/ALADMIRAL1/109599/zoefaieyag.jpg

[MaRaYaM]

:bigeyes: ماشالله عليك تبارك الرحمن..

وين انت ووين انا،، الله يحفظك ويتمم عليك

خبرتي بسيطة ومتواضعة بالنسبة لشخصك الكريم

الحين الي افهمه اني اشتغل على البي اس بي من نظام الاكس بي الي داخل الفيستا؟؟ (احسه لغز) :33:

معليه فديتك استحملني شوي بس على الاقل استوعب شالمفروض اني اسويه

ويزاك ربي كل خير يالطيب والله انك ما قصرت

[om1406]

اسمح لي أخوي الأدميرال بجاوب عنك ^_^

ايه اختي البرنامج ألي حطه أخوي الأدميرال هو عبارة عن برنامج يتيح لك تشغيل الأكس ببي داخل الفيستا

عشان يغنيك عن البحث عن جهاز أخر فيه أكس بي

[AL ADMIRAL]

اسمح لي أخوي الأدميرال بجاوب عنك ^_^

خذ رااااحتك <<< وفي أي موضوع بعد حتى لو كنت أنا الي كاتبه ~_^

بس أهم شي تجاوب صح ^_^

[MaRaYaM]

الله يجزيكم كل خير

عقب ما ثبته توهقت ما عرفت شلون افتحه :02:

ممكن بس الخطوات على السريع؟؟

[AL ADMIRAL]

قبل ما نبدأ تعرفي تثبتي وندز xp (تثبيت عادي) ؟

[MaRaYaM]

ااحم.. الصراحه كنت اعرف ونسيت :ponder:

[AL ADMIRAL]

مافي مشكله بدامك مره ثبتي الـxp أنشالله حتفتكري الخطوات


السؤال الثاني :
عندك أسطوانت وندوز xp (التثبيت/الفورمات)

[MaRaYaM]

ما اعتقد .. اخوي الادمرال انا ما ابي اتعبك معاي

اذا في رابط لشرح البرنامج انا راح اتبعه وامشي عليه

فلحت فلحت.. ما فلحت.. انت كفيت ووفيت ورايتك بيضه

[AL ADMIRAL]

رابط للبرنامج !!! مادري أنا حملته وطقطقت عليه وشغلته ~_^


شوفي محركات البحث أنشالله تلاقي

[MaRaYaM]

انت ماشالله عليك مهندس وانا حدي ثانوية ما في وجه مقارنة

بس وصلنا خير، اهم شي نثبت الاكس بي وبعدين يبدا الشغل مع البي اس بي

واي خطوة اشير فيها على طول بارجع لك :09: وربي يعينك علي..

[AL ADMIRAL]

انت ماشالله عليك مهندس

خخخخ أجل دخلتي ملفي الشخصي

ولا طيريني في السما , تراني أشوف نفسي عادي


واي خطوة اشير فيها على طول بارجع لك :09: وربي يعينك علي..

^_^

[AL ADMIRAL]

لقيت طريقه للبندوره تسوي الفورمات الميمري من الـ PSP يعني حتى لو كان الجهاز MAC أو لينكس حتضبط

من هنا (http://forums.qj.net/f-psp-development-forum-11/t-release-pandora-installer-for-3xx-kernels-122449.html)

أو هنا (http://www.planetepsp.fr/installateur-pandora-v3a-pour-kernel-380/3525)(شرح ثاني)

أو سوي الطريقه العاديه بوندز XP

[MaRaYaM]

اشكرك اخوي AL ADMIRAL على مساعدتك الطيبه

وان شاء الله تضبط معاي وابشرك بالخير..

[MaRaYaM]

بس فديتك انا عربي ويالله امشي

الروابط الي عطيتني اياها ما في امل افهمها :31:

[AL ADMIRAL]

طيب أنا حخترع طريقه جديده

حنفرمت الميمري بس من هذي الطريقه

وباقي الخطوات من الطريقه الثانيه OK

خليني أجهز الملفات
وجيبلك كم صوره

[AL ADMIRAL]

طيب عملية فورمات الميمري وأضافت ملف Msipl.bin
حنسويها من هذا البرنامج
لتحميل من هنا (http://files.filefront.com/pan3xxzip/;9595304;/fileinfo.html)


ألصقي الملف هذا (pan3xx) في GAME (طبعا في الـ PSP المعدل)
شغلي الـ PSP
http://www.psp-ground.net/upload/Sections/pandinst.jpg


وشغلي البرنامج



http://ut3.hellcat.net/pictures/img-71227_pan3xxr3shot_g-r-full.gif
وفرمتي الميمري بضغط على R+X
وحطلع صفحه ثانيه أضغطي (L+R+X) للموافقه
وأذا طلب منك أن تضغطي X للخروج أضغطي X بعد أنهاء العمليه


وفي خطوة أضافة Msipl.bin قوبي بوضع البرنامج مره ثانيه في الميمري وأضغطي (L+X)


وكملي الخطوات عادي

[MaRaYaM]

رايتك بيضة يالغالي تعبت وانا اجرب بكل الطرق :02:

يزاك ربي كل خير وعساك ذخر ان شاء الله

[AL ADMIRAL]

أهم شي تسوي الطريقه

وتأكدي أنو الكيرنل نفس الكاستم قبل ما تسوي فورمات للميمري وأضافة Msipl.bin
((هذا الكلام طبعا في الجهاز المعدل))


أطفي الجهاز وشغليه وأنتي ضاغطه على R ودخلي على configuration
http://maximesimon.free.fr/371M33/Kernel.png

يعني لو كان كاستمك 3.90M33 خليه (3.90)
ولازم يكون من فرقة M33 يعني من 3.52 ونت طالع

.

[MaRaYaM]

باقولك شغله يا ليت ترتب الافكار في راسي

انا عندي psp مالت اخوي الصغير وفيرجنها 3.11

حاولت امشي على كل خطواتك بس للاسف ما طاوعتني

هل لازم اسوي لها ابجريد ولا شالسالفه؟؟ ولا من اي خطوة ابدا؟؟ :boggled:

اهون علي اطرشها لك السعودية ولا اتعبث فيها العمر كله

[om1406]

أل PSP حق أخوك ما ينفع لأان فيه فيرجن رسمي من سوني يعني مو كاستم

بس تأكدي من فيرجن اخوك هو 3.11 بس بدون ما يكون بعدها شي والا 3.11OE-A

سوري الأدميرال جاوبت بدالك

[om1406]

بالنسبة أذا كانت الطريقة صعبة وألا ما تقدرين عليها

كان في موضوع قبل مدة واحد من الأعضاء يسئأل عن الملحلات ألي تسوي داونجريد بقطر

راجع الموضوع راح يفيدك

لأان أخر حل أن تودينه محل وتريحين راسك

[MaRaYaM]

والله يالشيخ مكتوب 3.11 بس بدون شي

من ناحية صعبة هي مو صعبة بس يبليها واحد عنده خلفية شاملة عن هالسوالف

والظاهر اخر حل باوديها لاي محل،، ويزاك الله خير على شورك..

واخوي الادميرال ما قصر معاي والله

[om1406]

مدام ما مكتوب بعد شي يعني ما يصلح لطريقة

لازم الجهاز الثاني يكون فيه كاستم وافضل شي يكون 3.52M33 وما فوق

[MaRaYaM]

مشكور اخوي ما لي الا ادور احد من شباب قطر يسويها لي

واذا تعرف حد تكسب فيني اجر والله

وشكراً مره ثانيه

[AL ADMIRAL]

أقول


بعد هذا كله طلع ماعندك جهاز معدل ×_×
وأنا أقول أنتي الفاهمه وجايبه رابط للبندوره بتري ×_×

الله يصلحك

وما زعلت ولاشي
أنشالله يكون هذا الموضوع مرجع للي عنده نفس السؤال ^_^

[AL ADMIRAL]

انا عندي psp مالت اخوي الصغير وفيرجنها 3.11

في حل آخر

شوفي موضوعي هذا
الان شرح Downgrade v3.50 +مقطع فيديو توضيحي (http://www.montada2.com/showthread.php?t=543441).

[MaRaYaM]

أقول




بعد هذا كله طلع ماعندك جهاز معدل ×_×
وأنا أقول أنتي الفاهمه وجايبه رابط للبندوره بتري ×_×


الله يصلحك ×_×


وما زعلت ولاشي

أنشالله يكون هذا الموضوع مرجع للي عنده نفس السؤال ^_^



السموحة فديتك والله حقك علي.. انا قلت لك اني غشيمة في هالسوالف ما صدقتني

وبيني وبينك صادني صداع ماسكني من يومين والسبه قعدت النت والبي اس بي :09:

الله يزيك خير ما قصرت طال عمرك،، ومشكور على متابعتك الطيبة