مشاهدة النسخة كاملة : Devil May Cry 4 :: الموضوع الرسمي
اسم اللعبة: Devil May Cry 4
المطور: Capcom
الناشر : Capcom
تاريخ الاصدار : النسخة اليابانية 30\1\2008
الامريكية والاوربية : 4\2\2008
http://img337.imageshack.us/img337/9139/003630051rg8.jpg
طبعا الكل يعرف هذه اللعبة والتي ابهرت الكثير منا بأسلوب لعبها وكيف لا ومخرج اللعبة هو نفسه الذي أخرج لنا أسطورة الرعب Resident Evil
اللعبة حصلت عليها وأنطباعي للعبة دمار يعني اعطيها 10 من 10 على المستريح
الجرافكيس
الجرافكيس رووووعة جدا لعبته على تلفزيون عادي وطلع روعة وبعدين وصلته على hd وطلع أروع فتصورا الجرافكيس
الماء فعلا تنظر عليه وكأنه حقيقي جدا اللعبة متعوب عليها من ناحية الرسوم
والشخصيات واجمل مافي الشخصيات الشعر افضل لعبة رأيتها في الجيل الجديد من ناحية رسم الشعر
الجيم بلاي
اللعبة مالعبت فيها غير ساعة لحد الان وبس اخلصها اضع انطباعاتي الكاملة على الجيم بلاي لكن لحد الان الشي الجديد الذي لاحظته هو
فيها نظام جديد في القتال يعني انت تقاتل في السيف أحيانا يغيرون الكاميرا وتشوفهم يتقاتلون لون لوحدهم مثل في المقاطع السنمائية
عمر اللعبة
طول اللعبة 15 خمسة عشر ساعة حسب كلام المواقع
ساعتين من المقاطع السنمائية المثيرة جدا جدا
القصة
ما كملت اللعبة ومابدي احرقها عليكم
لكن المهم بداية اللعبة تتقاتل مع Dante وأنت تلعب في Nero
وفي النهاية ارجو ان اكون انلت اعجابكم في هذا الاستعراض البسيط للعبة رائعة جدا
أرجو لكل من يلعب اللعبة يضع انطباعاته على اللعبة في هذا الموضوع وتقيمه لها
وأذا يكون هذا الموضوع الرسمي يكون احسن طبعا اذا مافي مانع من المشرفين
من اجل الصور والفديو زوروا صفحة اللعبة على Gamespot او ignالانترنت عندي بطئ ومو راضي يفتح حتى احط لكم الرابط
SN!PER WOLF
04-02-2008, 12:49 PM
اللعبه لين الحين ما شريتها
والصراحه متحمس عليها
بس في ناس يقولون قصيره وايد وهذا عيبها
واحد من الشباب انهاء اللعبه في 7 ساعات و 49 دقيقه
بس مع هذا تستاهل اللعبه
شكرا ع تقييم اللعبه
meshale
04-02-2008, 03:17 PM
انزين اخوي بسألك منو الاحسن نسخة البلايستيشن ولا الاكس بوكس لأنه انا كنت ناوي اشتريها على الاكس بوكس او مره سمعت واحد بالمنتدى اقول انه نسخة السوني احسن فا اي وحده اشتري ؟
meshofesho
04-02-2008, 03:58 PM
مشكور حبيبي على الانطباع واللعبة ماعليها غبار
انزين اخوي بسألك منو الاحسن نسخة البلايستيشن ولا الاكس بوكس لأنه انا كنت ناوي اشتريها على الاكس بوكس او مره سمعت واحد بالمنتدى اقول انه نسخة السوني احسن فا اي وحده اشتري ؟
تبى نصيحتي خذ اللعبة على الجهاز اللي ترتاحلو
لان الاكس فانز يقولولك نسختنا احسن والبلاي فانز يقولون نسختنا احسن
وانا اشوف انك تاخذها على الجهاز اللي تحبو
واعتقد النسختين زي بعض يعني ماراح تحس بفرق
واسف على تدخلي
obie trice
04-02-2008, 04:20 PM
انزين اخوي بسألك منو الاحسن نسخة البلايستيشن ولا الاكس بوكس لأنه انا كنت ناوي اشتريها على الاكس بوكس او مره سمعت واحد بالمنتدى اقول انه نسخة السوني احسن فا اي وحده اشتري ؟ نسخة
تقييم ign للعبة كان :
8.8 نسخة الأكس بوكس
8.8 نسخة البلاي ستيشن 3
يعني ماكو فرق بين النسختين
و من عيوب اللعبة انها قصيرة جدا بالنسبة للعبة مغامرات :(
Mr.Xbox
04-02-2008, 05:05 PM
يعطيك العافيه على المراجعه الحلوه .. عطيتنا فكره ممتازه عن اللعبه
ان شاء الله قريباً بشتري اللعبه هي ولوست اوديسي .. انا بصراحه ماكنت متحمس للعبه الا لما جربت الديمو وكان فعلاً روعه خصوصاً العروض اللي باللعبه والجرافيكس الحلو
الموضوع هذا بيكون الموضوع الرسمي اللعبه بناءً على طلبك :)
ايوب الحسن
04-02-2008, 05:18 PM
جميل جدا ....
والله الحين في جم لعبة راح اشتريها ...
PremaFrost
04-02-2008, 06:06 PM
االعبه حلوه بس انا خلصتها بطور devil hunter ب 7 ساعات و50 دقيقه
ايوب الحسن
04-02-2008, 06:45 PM
االعبه حلوه بس انا خلصتها بطور devil hunter ب 7 ساعات و50 دقيقه
ماشاء الله .... 8 ساعات الا .. خلصتها !
بس ليش خلصتها بسرعة ......
انه عندي .. اي لعبة افضل اني اخلصها في اسبوعين او اكثر احسن ... علشان تدوم معاي .... واستمتع فيها اكثر
PremaFrost
04-02-2008, 06:56 PM
ماشاء الله .... 8 ساعات الا .. خلصتها !
بس ليش خلصتها بسرعة ......
انه عندي .. اي لعبة افضل اني اخلصها في اسبوعين او اكثر احسن ... علشان تدوم معاي .... واستمتع فيها اكثر
والله مادري انا كنت متحمس وموقادر اصبر اكثر اول ماشريتها لعبت ووصلت ليما المرحله 13 واليوم الي عقبه خلصتها
مشكورين ياشباب على ردودكم الطيبة
مشكور يامشرفنا العزيز على جعل الموضوع رسمي mr.xbox
اما بشأن النسختين فهما نفس الشي بالنسبة للاكس بوكس والبلايستيشن 3 حسب مراجعة اغلب المواقع
Devil..S
04-02-2008, 08:53 PM
لالالالالا
خيبتوا املي 8 ساعات
شي يقهر والله هذا العيب الابدي لهذي اللعبه
meshale
05-02-2008, 07:42 AM
مشكورين او يعطيكم العافيه شباب :)
واوا أكس
08-02-2008, 11:55 AM
:bigeyes:
شباب صج نسخة الاكس بوكس تشتغل على 30 اطار ؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
PremaFrost
08-02-2008, 05:04 PM
:bigeyes:
شباب صج نسخة الاكس بوكس تشتغل على 30 اطار ؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
اى على 30 اطار
لانه جرافيك الاكس بوكس اقوى من البلاى من ناحيه تنعيم الحواف فهاذا يعمل لاق موطبيعى عشان جذى مخلينها 30
عكس البلاى 60 اطار بس جرافيك من غير تنعيم الحواف;)
خطأ اخوي لاني حطيته على تلفزيون 50 اطار واللعبة ما طلعت الصورة بس لما رجعتها على ال 60 إطار اشتغلت نظامي ارجو الانتباه لكل معلومة تضعوها هنا اللعبة على الاكس بوكس والبلاي لا تختلف أي شيئ وهذا حسب كل المواقع المشهورة شوفوا مراجعاتها
ومشكورين
واوا أكس
09-02-2008, 10:42 AM
اى على 30 اطار
لانه جرافيك الاكس بوكس اقوى من البلاى من ناحيه تنعيم الحواف فهاذا يعمل لاق موطبيعى عشان جذى مخلينها 30
عكس البلاى 60 اطار بس جرافيك من غير تنعيم الحواف;)
احب الجرافيكس :biggthump
بس اذا 30 اطار يعني نسخة ال 360 اللعب يكون فيها بطييئ ؟!! :wow:
وانت عندك اي نسخه ؟؟
وتنصحني بأي نسخه ؟!! >>> مانعطى وجه :D
ومشكور مقدما
ShinGundam
09-02-2008, 10:51 AM
^
^
وتنصحني بأي نسخه ؟!! >>> مانعطى وجه :D
بالجهاز الي ترتاح له لكن لا طوف اللعبة
من مميزات نسخة الـ PS3 :
1- يطلب منك تحميل عند تشغيل اللعبه حجمه 5 جيجا ,, بعد ما ينتهي ما راح تواجه أي لودينج باللعبة إلا بشكل خفيييف بعكس نسخة الـ 360 ..
2- اللعبه تدعم نظام الصوت الرقمي الدولبي 7.0 بعكس الـ 360 تدعم الدولبي 5.0
3- سيكون هناك إضافات حصرية قابله للتحميل من الـ PSN من ملابس ومراحل إضافية .
4- يوجد بها أشيفمنت عند إنهائك لكل مرحلة .
5- يوجد أيضاً إمكانية ان ترى ترتيبك ومستواك على العالم بحسب مهارتك في المرحلة والتي انت تقيم بها من خلال ,, الوقت في إنهائك للمرحلة ,, تجميع الأوربز حتى نسبة 100% من كل مرحلة ,, وغيرها ..
6- اللعبة تشتغل على 60 إطار ,, بعكس نسخة الـ 360 تشتغل على 30 إطار ويمكن ملاحظة التعليق بشكل واضح في منطقة الغابة عند وجود اكثر من عدو بالشاشة..
7- عند شرائك للنسخة سواءً الأمريكية أو ألأوربية أو اليابانية للعبة فإن الأصوات والترجمة كلها بالإنجليزي .
انا بعد ما انهيت اللعبة طلع ترتيبي 8424
بعد كل هذه المميزات أي نسخة ستختار .. ^^
واوا أكس
10-02-2008, 04:42 PM
ShinGundam & Mr.X
يعطيكم العافيه ع الردود والمعلومات
و جاري شراء نسخة ال ps3 :biggthump
شكرا
اخووي مستر اكس ممكن جبلي مصدر على انو نسخة الاكس بوكس تشتغل على 30 اطار
ويعطيك العافية
اخوي مستر اكس انت الميزات التي ذكرتها كلها موجودة في الاكس
إلا الصوت الرقمي 7 على البلاي و5 على الاكس
bader686
13-02-2008, 02:22 PM
اخوي mr.x مييييييييييييين قالك هل كلام؟
تدري انة نسخت الاكس بوكس اسرع من نسخة البلاي ستيشن3
و الاضافات الحصرية بتكون موجودة بعد علة الاكس بوكس
العبة تعمل علة 60 اطار!!!!!!!! والي يقولك 30 ااطار هاي مشلخ معندة
و زيادة الاكس بوكس فية اتشيفمنت والي بلابلاستيشن3 هاي مو اشيفمنت اخوي هاي ترتيبك
و الترجمة بعد نقس الشي بالاكس بوكس
اتمنى اخوي اذا انت تعرف صج عن نسخت الاكس بوكس 360 تقول .. مو تطلع كلام من عندك تخلي ناس منتظرينة مايخذونها و كذا خربت عليهم
و اخواااااااااااااااااااااااااني النسختين نفس الشي بكلشي ماعد الاكس بوكس يتمتع بالاشيفمنت
و الاضافات علة الجهازين بتكون
و اخوي لا تخرب علة الناس انة جربت النسختين و نفس الشي
و ترة التحكم بالاكس بوكس سههههههههههههل جذا هاي الكلام للي قالو صعب ..طبعا اهم قالو صعب تعصبا للعنكبوت الاخضر
و اخوي mr.x ملاحظت في ردك فية ظلم و تعصب للاكس بوكس
Ice Moon
13-02-2008, 06:02 PM
لا للتعصب نحن هنا لنلعب ولسنا شركاء بسوني ومايكروسوفت
theb0ss
13-02-2008, 10:43 PM
النسختين نفس الشي . المهم اتكوون انت مرتااح و انت قاعد تلعب و تعجبك اللعبه .. لا اتكبروون الموضووع
MR.FIRE
14-02-2008, 12:23 AM
السلام عليكم ورحمه
انا شفتها في الاكس بوكس هي ممتازه في كل النواحي الصور وطريقه التحكم وحي جميله جدا جدا في الحركات وانا النعجبت اكثر في ان حركاتها تكون الحركات الناس يحبونها مثل المسدس يدوره هذي الركه تقدر تقول مشهوره وانا احبها^^
تقبلو تحياتي : اسير النار
PremaFrost
14-02-2008, 06:09 AM
اخوي mr.x مييييييييييييين قالك هل كلام؟
تدري انة نسخت الاكس بوكس اسرع من نسخة البلاي ستيشن3
و الاضافات الحصرية بتكون موجودة بعد علة الاكس بوكس
العبة تعمل علة 60 اطار!!!!!!!! والي يقولك 30 ااطار هاي مشلخ معندة
و زيادة الاكس بوكس فية اتشيفمنت والي بلابلاستيشن3 هاي مو اشيفمنت اخوي هاي ترتيبك
و الترجمة بعد نقس الشي بالاكس بوكس
اتمنى اخوي اذا انت تعرف صج عن نسخت الاكس بوكس 360 تقول .. مو تطلع كلام من عندك تخلي ناس منتظرينة مايخذونها و كذا خربت عليهم
و اخواااااااااااااااااااااااااني النسختين نفس الشي بكلشي ماعد الاكس بوكس يتمتع بالاشيفمنت
و الاضافات علة الجهازين بتكون
و اخوي لا تخرب علة الناس انة جربت النسختين و نفس الشي
و ترة التحكم بالاكس بوكس سههههههههههههل جذا هاي الكلام للي قالو صعب ..طبعا اهم قالو صعب تعصبا للعنكبوت الاخضر
و اخوي mr.x ملاحظت في ردك فية ظلم و تعصب للاكس بوكس
بدون تأليف لو سمحت
مافى شئ اسمه اسرع
اصلا نسخه البلاى اسرع باللودنج والسبب تحميل الملفات
وبعدين شلون انت اسرع وبدون Hdd تحمله هذا اول تأليف
للحين ماكو تأكيد رسمى انه فيه حزمه اضافيه
نسخه البلاى وانت تلعب 60 اطار وبالمقاطع 60
نسخه الاكس بوكس وانت تلعب 60 وبالمقاطع 30
البلاى 3 عنده اشفيمنت بعد وطلعت كذا وحده
اذا تبى صوره اصورلك ماكو مشكله واسمه اكاملشمنت نفس الى بالاكس بوكس
ماكو فرق يذكر بس جرافيك اللعبه على الاكس بوكس افضل عشان جذى المقاطع صايره ب 30 اطار
والتحكم على الاكسبوكس مافيه مشاكل
ماتبيى تصدق ولا تقول هذا متحيز لجهاز معين روح غوغل ودور على كيفك
theb0ss
14-02-2008, 11:24 AM
بدون تأليف لو سمحت
مافى شئ اسمه اسرع
اصلا نسخه البلاى اسرع باللودنج والسبب تحميل الملفات
وبعدين شلون انت اسرع وبدون Hdd تحمله هذا اول تأليف
للحين ماكو تأكيد رسمى انه فيه حزمه اضافيه
نسخه البلاى وانت تلعب 60 اطار وبالمقاطع 60
نسخه الاكس بوكس وانت تلعب 60 وبالمقاطع 30
البلاى 3 عنده اشفيمنت بعد وطلعت كذا وحده
اذا تبى صوره اصورلك ماكو مشكله واسمه اكاملشمنت نفس الى بالاكس بوكس
ماكو فرق يذكر بس جرافيك اللعبه على الاكس بوكس افضل عشان جذى المقاطع صايره ب 30 اطار
والتحكم على الاكسبوكس مافيه مشاكل
ماتبيى تصدق ولا تقول هذا متحيز لجهاز معين روح غوغل ودور على كيفك
انا اؤيد كلامك .. و كلامك صح 100% .. شكراً على التوضيح :)
bader686
14-02-2008, 01:57 PM
=
بدون تأليف لو سمحت
مافى شئ اسمه اسرع
اصلا نسخه البلاى اسرع باللودنج والسبب تحميل الملفات
وبعدين شلون انت اسرع وبدون Hdd تحمله هذا اول تأليف
للحين ماكو تأكيد رسمى انه فيه حزمه اضافيه
نسخه البلاى وانت تلعب 60 اطار وبالمقاطع 60
نسخه الاكس بوكس وانت تلعب 60 وبالمقاطع 30
البلاى 3 عنده اشفيمنت بعد وطلعت كذا وحده
اذا تبى صوره اصورلك ماكو مشكله واسمه اكاملشمنت نفس الى بالاكس بوكس
ماكو فرق يذكر بس جرافيك اللعبه على الاكس بوكس افضل عشان جذى المقاطع صايره ب 30 اطار
والتحكم على الاكسبوكس مافيه مشاكل
ماتبيى تصدق ولا تقول هذا متحيز لجهاز معين روح غوغل ودور على كيفك
لا تعال اضربني بعد!!!!!!
اخوي شفيك الاجهزة كامل نفس الشي بس الاخو كان يقول كلام من عندة و انة عندي العبة علة ال360 و ولد خالتي علة البلاستيشن3 و لاحظت انة الودنج اسربع علة الاكس بوكس حتى ولد خالتي قال نفس الكلام
و تقدر اتييب مصدر انة 30 اطار و اتحداك
اوكي صورلي انة ابي اشوف الانة متأكد 100% انة مافي اي100% ..999% حبيبي هاي مو اشيفمت الموجود و لا تقعد تخربط علينة و باين عليكم من متعصبين الاكس بوكس
ليش ماتفتح لك موضوع في قسم السوني و تفكنة من هني
و لا للتعصب اخوي و اذا عندك دليل واحد علة كل حوف قلتة ابيع الاكس بوكس مالي علة طول:lmao:
bader686
14-02-2008, 02:00 PM
و اصلا اخوي مين قالك انة علة الاكس بوكس الجرافكس اقوى الجهازين نفس الشي و كابكوم اكدت
meshale
14-02-2008, 02:39 PM
يا جماعه شنو يعني 60 اطار او 30 اطار او بعدين انا عندي نسخة السوني او ما فيها اشيفمنت اشلون اخوي مستر اكس اقول انه فيها الظاهر انه الاخو فاهم غلط احنا قصدنا الاشيفمنت مال الاكس بوكس مو اشيفمنت اللعبه لأنه هذا اتوقع موجد على اللعتين والاشيفمنت عباره عن ال gamescore هذي نقاط بالجهاز مالك او تزيد على كثر توصيلك بالالعاب
Mr.Xbox
14-02-2008, 03:09 PM
شباب وخروا عن المقارنات اللي ماتودي ولاتجيب , النسختين كلهم ممتعين وما اعتقد في فرق , حتى لو في فرق راح يكون فرق بسيط وماتلاحظه الا لما تدقق ..
فاللي عنده نسخه البي اس 3 يستمتع فيها واللي عنده نسخه الـ360 يستمتع فيها
فأتمنى انكم ماتقارنون بينهم مره ثانيه .. لانه هالمقارنات ماتجيب الا المشكلات ونهايتها الاغلاق وفي كثير من الاحيان التوقيف
King James
14-02-2008, 05:11 PM
حلو الخصام هذا عشان لعبه ^^ ....
المهم اللعبه لعبتها على الاكسبوكس وكانت جدا قويه ..
انهيت هيومان وديفل هانتر ..
وباقي ولد سباردا ^^ ...
Mr.Xbox
14-02-2008, 09:23 PM
لعبت اللعبه اليوم .. اللعبه حلوه كثير وممتعه والحركات فيها حلوه .. قاعد العبها على الـDevil Hunter وخلصت المرحله الثالثه ومن اللي لعبته استمتعت كثير فيها
اللي عجبني العروض الكثيره والحلوه .. بالنسبه لي استمتع بمشاهده العروض .. وتعجبني اللعبه اللي تكون فيها عروض كثيره
المعركه اللي بالبدايه كانت ممتعه وافتتاحيه حلوه للعبه .. وهواشهم حلو لوول :09: كل واحد يستعبط على الثاني
اتمنى تستمر متعه اللعبه معاي للنهايه ...
شبااب
الوحش الاخير في طور الهيومن ماله طاقه ولا شي
وعلى الله نخبط فيه نص ساعه ما فيه فايده
:smashfreakB: فيدوني تكفوون
اخوي سهلة دي لما يحط يده على الارض اخبطة بحرف البي اللون الاحمر
يعني بيد نيرو السحرية
وبعدين يضرب هو بيده الثانية وفورا انت اضربه بيد نيرو مرة اخرى
وبعدين ينزل راسه لعندك وضربة مرة ثالثة بيد نيرو السحرية وانتهت اللعبة
مبروك
ارجو ان اكون افدتك
theb0ss
16-02-2008, 05:31 PM
بااركوولي :) .. نهيت اللعبه ابـ طور devil hunter ابـ 17 ساعه .. بس اشلوون اطلع نهايه ثانيه لأن انا سمعت انه فيه نهايتين
PremaFrost
16-02-2008, 09:38 PM
احمى كرياا من خلال عرض مصممين اللعبه لمده دقيقه ونص
انا الحين المرحله الثالثه dante must die واسمحلى وحش bitz الى يكهرب مانى قادرله بط جبدى
theb0ss
16-02-2008, 09:46 PM
ابـ طور dante must die .. تلعب ابـ dante بس و لا شنو ؟ .. لأن انت ابـ مرحله الثالثه و طالعلك الوحش اللي يكهرب .. اشلوون
PremaFrost
16-02-2008, 10:01 PM
طور son of sparde
مع dan te must die
الوحوش يتغيرون مو مثل اول يطلعون منبجر مو مثل طور هيومن
theb0ss
16-02-2008, 10:17 PM
اهاا .. شكرا على المعلومه ... صج اللعبه قويه ..
الا اقوول .. شلوون اتزيد المربعات اللي تحت الـ قوه مالتك .. المربعات = فترة المده اللي اتكون متحول فيها :)
PremaFrost
16-02-2008, 10:30 PM
تروح عند item
وتشترى pruble orb الكوره البنفسجيه :)
جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .