منو مسافر عمان (مسقط) سياحة ؟

[Half_Dead]

السلام عليكم ..
مفكرين انا والاهل نسافر سلطنة عمان ، حبيت اعرف من اللي سافروا هناك سياحة كم شغلة:
1- رأيكم بالفنادق واي فندق نروح ؟
2- هل نحتاج سيارة ؟
3- شنو الاماكن اللي نروح لها ؟

وابي اعرف غيرها امور مهمة نعرفها خصوصا بالنسبة لناس اول مرة يروحون

[omani 1]

وعليكم السلام اخي

حياك الله في سلطنة عمان

انا شخصيا بعيد من مسقط لكن ممكن لما توصلوا المطار تستفسروا من الاستعلامات عن الفنادق
ولكن شخصيا أفضل انكم تتكلموا مع أصحاب سيارات الاجرة ليأخذوكم للفدق بالمواصفات اللي تريدوها فهم أدرى بالمنطقة ، وبعدها ممكن أن ان تستأجروا سيارة لتاخذوا راحتكم.
أقترح زيارة سوق مطرح الشعبي
قلعتي الجلالي والميراني في مطرح
ممكن بعض المجمعات التجارية في مدينة السلطان قابوس
شاطىء القرم وشاطىء السيب
متحف الطفل للأطفال
للتسوق مثل الملابس النسائية أو الرجالية ممكن سوق السيب هذا إذا تفضلوا الأشياء الخليجية أو بالأحرى العمانية ، وغيرها الكثير من الأماكن
وإن شاء الله رحلة موفقة وتصلوا بالسلامة
وأنا جاهز لأي أستفسار

[wasmy]

مشكور اخوي على المعلومات القيمه
مع تحيات

وسمي

[ابتسامــــــه]

و الله عمااان حلللوه كل شي فيها حلو
أماكنها السياحيه أهلها وووو
تحس براحة البال فيها .. ما فيها ازدحام مروري و نظافه في شوارعها ومدنها

دايما نسافر لها .. لأنها قريبه من الإمارات
بس مره سافرت لـ مسقط بالتحديد و بفترة الصيف .. بصراحه رطووبه مب طبيعيه :02:

أنصحك تتجه لـ صلالة بفتره الصيف :biggthump


:)

[shjoonal3in]

حلوة مسقط ... لكن أنصحك تحجز بفندق قبل لا تروح ...
أذكر لما رحنا كنا واصلين المسا و تخيل ما أظن بقى فندق في مسقط ما دخلناه
و كلهم ما فيهم ولا شقة وحدة فاضية !
تورطنا لأنه ما توقعنا يكون فيه زحمة هالشكل !

تفضل هالرابط إن شاء الله يفيدك
http://www.omanet.om/arabic/regions/muscat1.asp?cat=reg

رحلة موفقة بإذن الله

[راؤول الأسطورة]

السلام عليكم .


مفكرين انا والاهل نسافر سلطنة عمان ، حبيت اعرف من اللي سافروا هناك سياحة كم شغلة:
1- رأيكم بالفنادق واي فندق نروح ؟
2- هل نحتاج سيارة ؟
3- شنو الاماكن اللي نروح لها ؟

وابي اعرف غيرها امور مهمة نعرفها خصوصا بالنسبة لناس اول مرة يروحون


وعليكم السلام..أهلا فيك أخي وحياك الله في امبراطوريتنا وان شاء الله ما يغير حرارة الصيف من نظرتك لعمان ومسقط بالتحديد..^^
بخصوص السؤال الأول أظن دائما السياح لهم خبرة أكبر من أهل البلد بالفنادق :blackeye:
بس في فندق المليونيرية اسمه "شنجريلا" ما شفت بحياتي طلع منه شخص غير أجنبي :D
التكاسي ما بيقصروا..:)
أما السيارة فالحاجة لها برأيي ما شديدة..طبعا أخلي نفسي من أي مسؤولية :D
أماكن تستحق الزيارة عديدة..أغلبها قالها أخونا omani1 لكن المراكز بمدينة السلطان قابوس أغلبها صارت كئيبة ومهجورة ، ربما الأفضل مركز العاصمة التجاري من حيث المحتوى ومن ثم المجمع العريمي "اذا ما عندك وقت" ، عموما أغلبها متجاورة ، طبعا لا تنسى المركز الأضخم الكارفور ومن ثم البهجة وكليهما بالسيب >> أول وأقرب مكان نروحه بعد الهروب من الجامعة :D ...
بالنسبة للتسوق السريع مركز اللولو موجود بالخوير والسيب ودارسيت "عند بيتنا" :biggthump
كمان سوق مطرح بيكفي ويوفي رغم انه يمكن بيسد نفسك من النظرة الأولى لكن عنده أشياء نادرة :09:
هذا غير المشي على الكورنيش بمطرح مقابل السوق تحت الهواء الطلق .. وأشدد على كلمة الهواء الطلق :D
كذلك حديقة الرم الطبيعية مناسبة جدا لتنزه العوائل..وياليتك جيتك كانت بأيام المهرجان حتى تشوفها بأبهى حلة :biggthump
>> في حديقة كمان اسمها النسيم صارت لي قرون ما شفتها مدري وش التغييرات فيها اذا شالوها بكبرها :ponder:
بخصوص المطاعم عالسريع:-
الطازج ، اسطنبولي ، الريف اللبناني "غمض عينك واطلب الفطائر" ، مطعم كرجين ، غير المطاعم التركية والايرانية ، شلة المطاعم المصطفة بكارفور ، وجرب تتغدا يوم بمطعم عمر الخيام :biggthump ، وفي غيرهم الكثير >> المطاعم أقل اهتماماتي من كذا ما أنصحك تاخذ بآرائي :09:
عالعموم اذا تدور عالجو الحلو وما اقتنعت بالتنزه بشاطيء القرم تقدر تجرب زيارة منتجع وشاطئ "السوادي" منطقة قريبا نوعا ما من مسقط...قبل لا أنسى في سينما اسمه "سينما الشاطيء" عند شاطيء القرم اذا عندكم ميول هوليوودية :09:
عالعموم بكتفي بهالقدر قبل لا تغير رأيك :D
تبي الجد..

أنصحك تتجه لـ صلالة بفتره الصيف :biggthump
:biggthump
نحن نهرب من مسقط لها بالصيف :biggthump
ان شاء الله تكون رحلة موفقة وزيارة ممتعة ، أي سؤال حاظرين للاجابة :)


و كلهم ما فيهم ولا شقة وحدة فاضية !
تورطنا لأنه ما توقعنا يكون فيه زحمة هالشكل !

شكله أيام المهرجان...؟! ، بس بجد شي جديد علي..:33:
على فكرة صارلنا نفس الشي لما جينا لكم بأيام كأس الخليج حتى النوم على ساحات المساجد كان حلنا الوحيد بآخر الليل :D >> جايين بـ150 درهم وش نتوقع أحسن من هالاستقبال :09:
هي كانت زيارة يوم لمباراة وعودة باليوم الثاني من كذا كانت عشوائية وانقلبت مأساوية بآخر الليل :D

[a_hinai]

حياك الله في عمان اخوي
شوف هذا الرابط مثل ما قال اخوي

http://www.omanet.om/arabic/regions/muscat1.asp?cat=reg

واي شي تريده احنا جاهزين

اذا ما لقيت فندق بيتنا موجود يفداك

[نونوه عمانيه]

السلام عليكم
انا بصراحه انصح انكم تزوروا الاماكن الاثريه الي بعمان لانه طبعا عندكم بالامارات مولات احلا بواايد :D
بعدين مركز العاصمه والعريمي مهجورين افضل انكم تزوروا سينما الشاطئ و جوهرة الشاطئ لانه في جميع المطاعم الحلوه و الراقيه بس ما انصح انك تجي ومعك 150 درهم هالمره لانه بيروح في العشا وبس من هذه المطاعم (سو لو ميو - ستاربكس - كوستا كوفي - دي كيو) او اذا تبو الخيار الاسهل ماكدونالدز دايما مفتوح لوول
اما بالنسبه للفنادق يعتمد على حسب الميزانيه و النوع الي تبوه بالضبط ان افضل كراون بلازا لانه راقي و اسعارهم معقوله ... و افضل انكم تزوروا المناطق الداخليه بعمان لانه السياحه فيها رووووووعه :biggthump
بالنسبه للتسوق سيتي سنتر هو الخيار الاول .... و مع السموحه كارفور محل داخل سيتي سنتر

خلوا المسقطيه تتكلم:silly:

[نونوه عمانيه]

السلام عليكم
انا بصراحه انصح انكم تزوروا الاماكن الاثريه الي بعمان لانه طبعا عندكم بالامارات مولات احلا بواايد :D
بعدين مركز العاصمه والعريمي مهجورين افضل انكم تزوروا سينما الشاطئ و جوهرة الشاطئ لانه في جميع المطاعم الحلوه و الراقيه بس ما انصح انك تجي ومعك 150 درهم هالمره لانه بيروح في العشا وبس من هذه المطاعم (سو لو ميو - ستاربكس - كوستا كوفي - دي كيو) او اذا تبو الخيار الاسهل ماكدونالدز دايما مفتوح لوول
اما بالنسبه للفنادق يعتمد على حسب الميزانيه و النوع الي تبوه بالضبط ان افضل كراون بلازا لانه راقي و اسعارهم معقوله ... و افضل انكم تزوروا المناطق الداخليه بعمان لانه السياحه فيها رووووووعه :biggthump
بالنسبه للتسوق سيتي سنتر هو الخيار الاول .... و مع السموحه كارفور محل داخل سيتي سنتر

خلوا المسقطيه تتكلم:silly:

[راؤول الأسطورة]

انا بصراحه انصح انكم تزوروا الاماكن الاثريه الي بعمان لانه طبعا عندكم بالامارات مولات احلا بواايد :D

أكيد بس أغلبها بداخل عمان مش بمسقط حسب رحلة صاحبنا..وما نبي صاحبنا يضيع سفرته بالفندق :D

بعدين مركز العاصمه والعريمي مهجورين
العريمي مات بس العاصمة بعده يحتضر :D
دام صاحب الموضوع دخل هنا أكيد عنده خبرة بالفيديو جيمز "اهتمام الموقع الاول" ومركز العاصمة هو الوحيد تقريبا اللي يوفر هالمتطلبات :09:
بعدين المراكز الجو اللي فيها مطلب أي سائح في عمان بهالفترة :D


افضل انكم تزوروا سينما الشاطئ و جوهرة الشاطئ لانه في جميع المطاعم الحلوه و الراقيه بس ما انصح انك تجي ومعك 150 درهم هالمره لانه بيروح في العشا وبس من هذه المطاعم (سو لو ميو - ستاربكس - كوستا كوفي - دي كيو) او اذا تبو الخيار الاسهل ماكدونالدز دايما مفتوح لوول

هذي أظن هاربين منها ببلدهم من كثرتها ، نبي نراويهم الجانب المميز بمنطقتنا الموقرة :biggthump


و افضل انكم تزوروا المناطق الداخليه بعمان لانه السياحه فيها رووووووعه :biggthump

مثل ما قلت الجو بيضيع حلاوة الزيارة..:(


بالنسبه للتسوق سيتي سنتر هو الخيار الاول .... و مع السموحه كارفور محل داخل سيتي سنتر

أهم شي لما يقولوها للتاكسي بيوصلهم نفس المكان :D



خلوا المسقطيه تتكلم:silly:

والمسقطي ماله حق :blackeye:

[نونوه عمانيه]

هي هي هي بس العاصمه مال اول