MSF إلى الـ360 .. P: ( إستفسار ،الإخوة الإماراتيين أتمنى الدخول )

[MSF]

وأخيراً رأيت النور .. :D
على العموم ناوي أشتري الـ360 في الايام أو الأسابيع الجايه .. وعندي سؤال ياليت تجاوبون عليه :
أنا ناوي أخذ الأركيد ويكون الجهاز مصنع بعد 7 - 2007 ( بمعنى يكون فالكون ) ويكون معدل لتشغيل الكوبي .. ويكون PAL ( أوروبي ) فهل هو متوفر في الأسواق ؟ ( أسواق الإمارات تحديداً ) :)

[MSF]

أتمنى من المراقبين حذف الموضوعين المكررين .. مشكلة من المنتدى :)

[SUPER HUNTER]

نفس السؤال بالضبط وياليت بعد اعرف كم سعره :) ؟

[MSF]

نفس السؤال بالضبط وياليت بعد اعرف كم سعره :) ؟
سعره الرسمي 280 دولار ، راح يكون أغلى طبعاً في الأسواق :أفكر:

+ سؤال إضافي : كم سعر الألعاب الكوبي ؟

[XORO]

انا شاري الجهاز ياباني يشغل كوبي بـ 1000 درهم


اما حاليا فسعره زاد في الاونة الاخيرة فوصل الى 1500 تقريبا
بسبب اضافة السماعات وجهاز لاسلكي وهارد ديسك


بالنسبة للكوبي فسعره حاليا 15 درهم لكن في بعض المحلات بتبيع
اللعبة كوبي بـ 30-50 درهم لانها انتاج محلي قصدي واحد من
الشباب بيحمل من النت ويبيعها للمحلات بتلاحظون ان ما في له غلاف
وحتى الدسك نفسه ما فيه صورة بس مكتوب عليه اسم اللعبة

[MSF]

انا شاري الجهاز ياباني يشغل كوبي بـ 1000 درهم
الياباني رخيص لكن مايشغل غير الألعاب اليابانيه -_- ، بالمناسبه من وين شريته ؟ دبي ؟


اما حاليا فسعره زاد في الاونة الاخيرة فوصل الى 1500 تقريبا
بسبب اضافة السماعات وجهاز لاسلكي وهارد ديسك
هذا الـPremium لذالك سعره أغلى .


بالنسبة للكوبي فسعره حاليا 15 درهم لكن في بعض المحلات بتبيع
اللعبة كوبي بـ 30-50 درهم لانها انتاج محلي قصدي واحد من
الشباب بيحمل من النت ويبيعها للمحلات بتلاحظون ان ما في له غلاف
وحتى الدسك نفسه ما فيه صورة بس مكتوب عليه اسم اللعبة
شكراً على المعلومه :)

[XORO]

بالمناسبه من وين شريته ؟ دبي ؟

ايه شارنه من دبي


الياباني رخيص لكن مايشغل غير الألعاب اليابانيه -_- ، بالمناسبه من وين شريته ؟ دبي ؟

اذا الشريط اصلي ما بيشغل غير الياباني
واذا الشريط كوبي عادي بيشغل اي اصدار

هذا الـPremium لذالك سعره أغلى .
شكرا على التوضيح ^^

[MSF]

اذا الشريط اصلي ما بيشغل غير الياباني
واذا الشريط كوبي عادي بيشغل اي اصدار
متأكد من كلامك ؟ ، أنت جربت ؟ ، حسب ما أعرف أن الريغن لوك لحين ما أخترق ! :أفكر:

[ZiDaNe 5]

اذا الشريط اصلي ما بيشغل غير الياباني
واذا الشريط كوبي عادي بيشغل اي اصدار


لأ كلامك غلط اصلي ولا كوبي كله نفس الشي
تلعب العاب يابانية + اي العاب تشتغل على الجهاز الياباني (مثل العاب تكون ريجون فري)

عموما اغلب الالعاب ريجون فري ماعدى العاب EA لكل جهاز نسخة

[solid619]

الجهاز الياباني يشغل اغلب الالعاب اكثر من الامريكي
وقليل من الالعاب الامريكيه ما تشتغل على الياباني

[محـ ss uae ـمد]

السلام عليكم ..,

هلا والله .. MSF

بالنسبه للجهاز PAL و يشعل كوبي ..صعبه تلاقيها ..,

خذلك ياباني احسن بوايد .. ولد خالي عنده جهاز ياباني كوبي ..

يشغل كل الالعاب اللي تنزل السوق ..,

العاب الكوبي في ابوظبي متوفره في مركز مدينة زايد و سعر اللعبه 15 درهم ..,

و من تنزل اللعبه .. تلاقيها عندهم ..

اي استفسار انا حاضر ..

ابوظبي - الشارقه - عجمان

[MSF]

لأ كلامك غلط اصلي ولا كوبي كله نفس الشي
تلعب العاب يابانية + اي العاب تشتغل على الجهاز الياباني (مثل العاب تكون ريجون فري)

عموما اغلب الالعاب ريجون فري ماعدى العاب EA لكل جهاز نسخة
هذا الي أعرفه أنا بعد ..


الجهاز الياباني يشغل اغلب الالعاب اكثر من الامريكي
وقليل من الالعاب الامريكيه ما تشتغل على الياباني
يشغل الفري ريغن .. :أفكر:


بالنسبه للجهاز PAL و يشعل كوبي ..صعبه تلاقيها ..,
والـNTSC صعب تحصله مثل الـPAL ؟


خذلك ياباني احسن بوايد .. ولد خالي عنده جهاز ياباني كوبي ..
يشغل كل الالعاب اللي تنزل السوق ..,
جهازه معدل فاموير او مود شب ؟ ، واحد من الأخوان ( أسمه Heavy أعتقد ) كتب رد هنا وبعدين حذفه -_- ، على العموم كتب أن التعديل بالمود شب يخلي الجهاز يشغل كل الألعاب ! ، هالكلام صحيح ؟


شكراً على ردودكم جميعاً ;)

[Heavy]

أوكي ماكنت متأكد إذا جهاز الXbox360 Core NTSC/J بعد المود-شوب يشغل ألعاب الNTSC ولا لأ، و ما أبي أعطيك معلومة مو متأكد منها.

لكن حط X أحمر كبير على أنك تلعب ألعاب مقرصنة بدون ماتجيك خرابات .. لو أنك قدرت تحصل على جهاز فالكون مقرصنة (و هالشيء شبه مستحيل) ما بتسلم من خرابات الDriver و العدسة و شلتهم، خذ لك جهاز من الإصدارات الجديدة مع ضمان و ألعب أصلي و أنت مرتاح الضمير.

[MSF]

خذ لك جهاز من الإصدارات الجديدة مع ضمان و ألعب أصلي و أنت مرتاح الضمير.عندي كم سبب تمنعني عن الأصلي :)

[MSF]

شباب الـNTSC ( الأمريكي ) معدل لتشغيل الكوبي متوفر في الأسواق ؟ أو متوفر بس الياباني ؟

[Heavy]

نسيبي عنده جهاز بريميوم معدل لتشغيل الكوبي .. و القوائم أنجليزية، و يشغل ألعاب NTSC. هو واحد من إثنين .. يا أن جهازه NTSC و معدل، و جهازه NTSC/J و يشغل NTSC مع أني أستبعد ذا لأن القوائم أنجليزية.
و على فكرة .. إذا بتلعب كوبي الله يعينك، نسيبي صابه 3red lights و أخترب الدرايفر حقه، يعني 100% بودعه جهازه.

[SN!PER WOLF]

نسيبي صابه 3red lights و أخترب الدرايفر حقه، يعني 100% بودعه جهازه.

نفس حالتي الحين الرد لايت صابتني قبل ما اركب قطعت الكوبي والحين الدرايف ياني من عقب الكوبي

عشان جذيه ابغي اشتري يابااني يشغل كوبي

يقوولون ما تييه الرد لايت والله اعلم

[ramizak]

السلام عليكم

arcade Pal الاصدار الجديد ثمنه 1199 درهم موجود في الامارات فقط. بينزل باقي دول الخليج خلال الايام القادمة بنفس السعر. ويتضمن وايرلس كونترولر.

معظم الالعاب locked ما تشتغل على كل الاجهزة. العاب مايكروسوفت (ما عد فورزا2) تشتغل على كل الاجهزة.

[MSF]

و على فكرة .. إذا بتلعب كوبي الله يعينك، نسيبي صابه 3red lights و أخترب الدرايفر حقه، يعني 100% بودعه جهازه.
الـRRoD حسب ما أعرف سببه الحراره ، والـDrive راح يتأثر إذا كانت نوعية الـDVDs المستخدمة رديئة إضافة إلى وجود Scratches فيها :)


arcade Pal الاصدار الجديد ثمنه 1199 درهم موجود في الامارات فقط. بينزل باقي دول الخليج خلال الايام القادمة بنفس السعر. ويتضمن وايرلس كونترولر.
يتوفر معدل ؟

[Heavy]

أكيد لأ، هذا السعر اللي بيكون عند وكيل مايكروسوفت على ما أعتقد. بس أنت تقدر تشتريه و توديه لمحل يعدله لك. بس مثل ما قلت لك أول شيء أتفق مع محل يعدل لك أجهزة الآركيد بعدين أشتريه. ممم .. 1200 ريال توقعت يكون أرخص ( البريويوم بـ1300 ريال و معاه لعبتين !! ) بس يللا ناخذه دامه ما يجيه ثري رد لايتز.