السماح للمرأة التي تحمل بطاقة الهوية بالسكن في الفنادق السعودية

[أنــفــاسـ]

السلااام عليكم جميعااا

فيه خبر اليوم شدني وانا اقراء جريدة الرياض .. وحبيت انقله لكم
وراح اعلق عليه شوياات والتعليق باللون الاخضر

اتركم مع الخبر :


في خطاب لسمو وزير الداخلية :

هيئة حقوق الإنسان تثمن قرار السماح للمرأة بالسكن في الفنادق بدون محرم


http://www.alriyadh.com/2008/02/07/img/082620.jpg


رفع مجلس هيئة حقوق الإنسان تقديره إلى صاحب السمو
الملكي الأمير نايف بن عبد العزيز وزير الداخلية بمناسبة
صدور القرار الذي سُمح بموجبه للمرأة التي تحمل بطاقة
الهوية بالسكن في الفنادق السعودية
( اليوم السكن .. بكره قياده السياره .. مو بعد هذي حقوق !! )
والذي جاء بعد الأخذ بمرئيات اللجنة المجتمعة بهيئة الخبراء إثر الدراسة التي قامت بها العديد من الجهات وفي مقدمتها وزارة
الداخلية وبمشاركة كل من الهيئة العليا للسياحة
والرئاسة العامة لهيئات الأمر بالمعروف والنهي عن
المنكر ووزارة التجارة والصناعة
( سبحان الله ... الحين يسوون دراساات وموافقات عن الدين !!... لا وكمان هيئة الامر بالمعروف والنهي عن المنكر معهم !!
الحين مو لازم الحرمه لازم تسافر مع محرم ؟
مو لازم ما تسكن لحالها في فندق بدون محرم ؟
بس شلون توافق الهيئه !! )

/

جاء ذلك في خطاب بعث به معالي رئيس الهيئة باسم
مجلس الهيئة لسموه الكريم مشيداً بهذه الخطوة التي
سيكون لها أثرها في الحد من المصاعب التي كانت
تعترض المرأة نتيجة رفض الفنادق إسكانها عندما
تضطرها الظروف للسفر والنزول في أحد الفنادق ، مؤكداً على أنها خطوة تتماشى مع القوانين والمواثيق الدولية
التي التزمت بها المملكة بشأن حقوق المرأة .
( هي تتماشى مع المواثيق الدوليه بقوووووووه
بس هل تتماشى مع ديناا ؟! )
كما ثمن المجلس في الخطاب الدور الذي قامت به الجهات
المشاركة مع وزارة الداخلية في الدراسة التي انبثق عنها
القرار؛ والممثلة في الهيئة العليا للسياحة والرئاسة
العامة لهيئات الأمر بالمعروف والنهي عن المنكر ووزارة
التجارة والصناعة.



/



يعني بكره لو جات وحده ساكنه في الرياض مثلاً ... بتسكن في فندق راح يكون مسموح لها
طبعا لازم بطاقه الاحوال
طيب اشلون يعرفون انها هي نفس الحرمه ؟!
وهي متغطيه !!
او راح تكشف يعني عشان يتأكدون !!
وذا ما راح تكشف وجها !! ... وش الفايده .... شلون يدخلونها ؟!

الشيء الثاني ...... شلون الهيئه تسمح بهذا الشيء ؟! ... والله مستغرب !!



الشيء الاخير .... وش رايكم ؟
وهل تتوقعون هذا تمهيد لقرارات ثانيه ؟




المصدر :http://www.alriyadh.com/2008/02/07/article315455.html



تحيااااااااااااااااااااااااااااااااتي

[moneeeb]

السلام عليكم...
صراحة موضوع ما بيكون كبير...لكن عاداتنا و تقاليدنا بتخلى من الحبة قبة..:biggthump
اغلب النساء اللى بيستخدمو هذا التصريح اما تجار او بدون محرم, يعنى نسبة جداً صغيرة سوف تستغل هذا التسهيل... و الشعب " الخرفان" فقط بيصيح و يهلل و هو اصلاً فى قبضة الحكومة "الراعى" وعصاته " العلماء" يهشها يمين و شمال على كيفة يحرك بيها الشعب او الخرفان ;)

و ايش دخل غطاء الوجه فى الموضوع اصلاً, اللى بيكون عندها هوية بتكون محجبة ايضاً حجاب اسلامى اصيل لكن وجهها مكشوف, و هذا حجاب
و اللى تغطى وجهها لا تطلع هوية اصلاً ايش فايدتها

انا شخصياً ما ارضى على اهلى يسكنو وحدهم غير فى الطوارئ...صدقنى تحدث طوارئ, و هناك نساء ما عندهم محرم مقطوعين من شجرة و يحتاجو يسترزقو او يخلصو معاملات

و فى النهايه العلماء وافقو, و من عاداتنا و تقاليدنا ان نكون خرفان فلا اعتراض:biggthump

فى امان الله

[N0FA]

و وصلت اول مرآه اقصد بنت :09::09::09::D:biggthump

اهلين وسهلين والله موضوع قاية الاهميه و بخصوص المرآه تسكن بدون محرم هذا محرم بشريعة الاسلاميه كيف يروضون فيها :ponder:



( اليوم السكن .. بكره قياده السياره .. مو بعد هذي حقوق !! )


لا اخوي السيارة شي عادي بس حق المرآه المتزوجه لانه يمكن يكون نقص بالعائله او ماعندهم عامل للسياره:31:

[ابتسامــــــه]

إن شاء الله يُستغل هذا القرار بما يرضي الله تعالى

:)

[Q8.LAWYER]

( اليوم السكن .. بكره قياده السياره .. مو بعد هذي حقوق !! )




قيادة السيارة حق مشروع لها :)




إن شاء الله يُستغل هذا القرار بما يرضي الله تعالى


إن شاء الله

[Son_OF_Liberty]

عدد النسوة اللاتي يحملن بطاقات الهوية لايتجاوز 15% من عدد السعوديات حسب إحصائيه قد قرأتها من قبل

فلا أرى فائدة من هذا القرار أصلا

[alamid]

قرار جيِّد ،أعتقِد أنَّهُ سيخدم فئات هي بحاجة إلى هذا الأمر .

كما ذكرت الأخت إبتسامة ،نرجو أن يُستغل هذا القرار بما يُرضي الله عزَّ وجل .

شُكرًا .

[أنــفــاسـ]

السلام عليكم...
وعليكم السلااام ورحمة الله

صراحة موضوع ما بيكون كبير...لكن عاداتنا و تقاليدنا بتخلى من الحبة قبة..:biggthump
هي من ناحية هذي انا معك .... بس اللي لكثر شي شدني .... هو موافقه الهيئه على القرار !!

اغلب النساء اللى بيستخدمو هذا التصريح اما تجار او بدون محرم, يعنى نسبة جداً صغيرة سوف تستغل هذا التسهيل...
يمكن نسبه صغيره في البدايه .... بس بعدها بيكون عادي الحرمه تسكن بروحها في اي فندق
ومو بلازم تكون مسافره.... يعني راح يحق لها تسكن في فندق في نفس المدينه اللي عايشه فيها

و الشعب " الخرفان" فقط بيصيح و يهلل و هو اصلاً فى قبضة الحكومة "الراعى" وعصاته " العلماء" يهشها يمين و شمال على كيفة يحرك بيها الشعب او الخرفان ;)
والله الشعب مافي يده شي ... اكثر شي يقدر يسويه ..انه يتكلم بلسانه ... ولا تستغرب ممكن ينقطع ><

و ايش دخل غطاء الوجه فى الموضوع اصلاً, اللى بيكون عندها هوية بتكون محجبة ايضاً حجاب اسلامى اصيل لكن وجهها مكشوف, و هذا حجاب

انا حصرت الموضوع في اغلب السعوديات ... ومعروف ان غالبية السعودياات ماتكشف وجهها
واللي يدخلها في الموضع انها لو راحت لفندق ... ومعروف ان الاستقبال رجال .. والموظفين رجال ... حتى الخدمه رجال .... يعني ... لو جات تبي غرفه ... وتعطيه البطاقه ... بذمتك كيف يعرف انها نفس الحرمه وهي طبعا متغطيه
او اشلون يعرف انها حرمه اصلااا ... يمكن رجال لابس عبايه !!.

و اللى تغطى وجهها لا تطلع هوية اصلاً ايش فايدتها /QUOTE]
شلون يعني .... هل اي وحده عندها بطاقه لازم تكشف وجهها !!
هي احس للحين البطاقه مالها فايده ... إلا اذا كان المكان خاص للحريم
[QUOTE]انا شخصياً ما ارضى على اهلى يسكنو وحدهم غير فى الطوارئ...صدقنى تحدث طوارئ, و هناك نساء ما عندهم محرم مقطوعين من شجرة و يحتاجو يسترزقو او يخلصو معاملات

اكيد الكل ما يرضى .. وانا معك اذا كانت الحاله خاصه.. بس انا احس هالقرار تمهيد لقرارت جايه

خرفان فلا اعتراض:biggthump
حشا فتحنا زريبه هنا !!

فى امان الله

حياااك اخووي


بالتوفيق


تحياااااااااااااااااااااااتي

[أنــفــاسـ]

و وصلت اول مرآه اقصد بنت :09::09::09::D:biggthump
حيااك خيتوو

لا اخوي السيارة شي عادي بس حق المرآه المتزوجه لانه يمكن يكون نقص بالعائله او ماعندهم عامل للسياره:31:
صدقيني ما تفرق متزوجه او لا .... الحكم واحد ... الغير متزوجه عليها جامعه ...
ويمكن تكون وحيده اهل ... ويمكن تكون اكبر اخوانها والباقي اطفال ....
ولا ابغى اخوض هالمجال لان الاخ فاش ما قصر في هالموضوع ^^
بس انا ربطته بالسماح بالسكن في الفنادق .... لاني حسيته تدرج بقرارات جايه بالطريق .. مثل قيادة المراه


بالتوفيق


تحيااااااااااااااااااااتي

[أنــفــاسـ]

إن شاء الله يُستغل هذا القرار بما يرضي الله تعالى





:)



ان شاء الله
وان شاء الله قياده المراه لسياره تستغل بما يرضي الله
وفيه قرارات كثيره نتمنى تستغل في ما يرضى الله :ponder:



حياااك ابتسامه



تحيااااااااااااااااااتي

[أنــفــاسـ]

قيادة السيارة حق مشروع لها :)



هو انا قلت حاقه .... اي حقها وانا ما عندي اشكال في انها تسوق ... بس ليش الزحمة هذي كلها
بس هم ما يقدرون يقولون ايه هذا حقها ... ويله من اليوم كل وحده تسوق !
بس فيه حاجات اسمها تدرج ... عشان يتعود عليها الشعب ... ممكن يكون كذا



حياااك خيووو




بالتوفيق


تحياااااااااااااااااتي

[OctoBot]

الحين إحنا في السعودية جالسين على فلوسنا و نلعب بالحريم كيفنا لأن ما عندهم شغل و لا مشغلة معظمهم.

لمن يجينا الفقر, و يروحون السواقين و الشغالات, و يكتشف الناس إن نص البلد هم الحريم اللي ما يخلونهم يسوقون و يطاردون رزقهم اللي الله كاتبه لهم.. بيكتشفون إنهم كانوا ظالمين.
لأن اللي اعترض على قيادة المرأة عنده سواق, و 90% أكثر من سواق, و شغالة, و ما يبغى مرته تطلع من البيت لأنها بتطلع من فراغ و بتروح تقضي وقت و يمكن تفسق.
لكن لمن وحدة مسكينة ما لعيالها إلا الله ثم هي, و نفسها يكون عندها سيارة تدبر عمرها فيها, لكن لازم تجيب سواق و راتبه و سكنه, الوضع يختلف.

و صدقوني, لو أصابنا فقر لا قدر الله.. الناس بيتغيرون.

[أنــفــاسـ]

عدد النسوة اللاتي يحملن بطاقات الهوية لايتجاوز 15% من عدد السعوديات حسب إحصائيه قد قرأتها من قبل

مدري عن هالاحصائيه بس ممكن..

فلا أرى فائدة من هذا القرار أصلا
ممكن مالها فايده في الوقت الحالي .. ومو اي قرار ينزل عشان الفتره اللي نزل فيها القرار
لانه من المفروض الدوله تكون نظرتها داايم مستقبليه
واليوم 15% بكره 50% ... بعده إلزامي ... يعني 100 %


حيااك اخ son

بالتوفيق


تحيااااااااااااااااتي

[أنــفــاسـ]

قرار جيِّد ،أعتقِد أنَّهُ سيخدم فئات هي بحاجة إلى هذا الأمر .

ممكن

كما ذكرت الأخت إبتسامة ،نرجو أن يُستغل هذا القرار بما يُرضي الله عزَّ وجل .
نتمنى كل شيء يستغل في ما يرضي الله ^^


شُكرًا .
العفووو العميد


تحيااااااااااااااااااتي

[ابتسامــــــه]

ما أدري شنو يعني عندكم الهويه بالضبط


لكنا خلنا ننظر للقرار بشكل إيجابي
إذا عن السلبيات كل شي بالعالم له سلبيات العيب فينا نحن إذا عرفنا نستغل صح أو لا ..


مثال .. إذا نظرنا للأنترنت مثلا من منظور السلبيه ما كان دخلناه في بيوتنا



نرجع للقرار الصادر من الدولة ..
بذكر لك موقف و انا متاكده هناك آلاف العوائل تمر بنفس الظرف


و ممكن أقول لك صديقتي عشان لا تقول ابتسامه ألفت قصه من الخيال


يتيمه و عندها 3 أخوات و أمها أساسا أجنبيه .. يعني الأم ما عندها محارم بالإمارات


الجده " أم الأب متوفي " عايشه عندهم بالبيت .. مرضت الجده أخذوها لـ أقرب مستشفى و المستشفى نقلوها لـ مستشفى تبعد عن البيت 400 كيلو
طبعا هم سافروا مع جدتهمـ .. وحده من البنات نامت مع الجده
و الأم و الاخوات لازم بيحتاجون لـ سكن .. يا إما فندق أو شقه مفروشه


إذا بالإمارات مب مسموح للحرمه تسكن بفندق من غير محرم وش بتسوي هالحرمه مع بناتها ؟؟؟!!!


مع العلم إن صديقتي ما عندها أخوان ولا أعمام و حتى إذا تواجد العم أكيد بيكون غير محرم على الأم


و بنفس القصه لازم وحده من هالبنات تسوق سياره و إلا من بيقضي أشغالهم و مشاويرهم؟؟!!!!!



بالنهايه .. العيب مب بالقرار أو الوسيله
العيب فينا نحن إذا ما أحسنا الاستغلال ^_~


آسفه على الإطاله

[بليجرو]

من نفس الجريدة..قرأت تقرير يتكلم عن ان القرار

كان مسموح به من أكثر من 30سنة...

ولم يظهر على السطح أو لم يطبق على أرض الواقع

إلا في هذه الفترة....


بالنسبة لي قرار لابأس به...

وإن شاء الله يكون ذو فائدة...للمحتاجين له


شكراً لك على الخبر...,

[أنــفــاسـ]

الحين إحنا في السعودية جالسين على فلوسنا و نلعب بالحريم كيفنا لأن ما عندهم شغل و لا مشغلة معظمهم.
اكيد قصدك في القرارات اللي تصدر ^^"

لمن يجينا الفقر, و يروحون السواقين و الشغالات, و يكتشف الناس إن نص البلد هم الحريم اللي ما يخلونهم يسوقون و يطاردون رزقهم اللي الله كاتبه لهم.. بيكتشفون إنهم كانوا ظالمين.

كلامك صحيح .... والله يستر لما يخلص النفط .. او تكتشف مصادر اخرا ... بعدها .. من وين راح يكون لدوله ميزانيه !!

لأن اللي اعترض على قيادة المرأة عنده سواق, و 90% أكثر من سواق, و شغالة, و ما يبغى مرته تطلع من البيت لأنها بتطلع من فراغ و بتروح تقضي وقت و يمكن تفسق.

تفسق .. استغفر الله ...... يعني الرجال على راسه ريشه ما يفسق !!
واصلاا كل هذا معتمد على التربيه ... يعني ساقت الحرمه او لا ... اللي يبي الحرام وجود
بس ما يردع الشخص إلادينه وتربيته

لكن لمن وحدة مسكينة ما لعيالها إلا الله ثم هي, و نفسها يكون عندها سيارة تدبر عمرها فيها, لكن لازم تجيب سواق و راتبه و سكنه, الوضع يختلف.

اي والله ... ياما حريم زي كذا ... وبعضهم ما يقدرون يدبرون راتب السواق
وتلقاها متلحطه تدفع فلوس التكاسي رايحه جيه
عشان كذا انا ربطت بين سواقه الحرمه وبين السماح بالسكن بالفنادق
يعني المسأله مترابطه وفيها تشابه


و صدقوني, لو أصابنا فقر لا قدر الله.. الناس بيتغيرون.
لا ان شاء الله ... بس اكيد كل شيء راح يتغير ويمكن تغير جذري ...



حيااك اخطبوط


تحيااااااااااااااااتي

[أنــفــاسـ]

ما أدري شنو يعني عندكم الهويه بالضبط


بطاقه الهويه ... تكون فيها صورة المرأه واسمها وتاريخ ميلادها وتارخ انتهاء البطاقه
هذا اللي تعنيه عندنا ..... عاد ما ادري اذا لها معنى ثاني عندكم !!


لكنا خلنا ننظر للقرار بشكل إيجابي
الاغلبيه دايم ينظرون لسلبيات .... حتى لو كانت الايجابيات اكثر من السلبيات

إذا عن السلبيات كل شي بالعالم له سلبيات العيب فينا نحن إذا عرفنا نستغل صح أو لا ..
صح كلامك ... وانا اؤمن بهذا الكلام


مثال .. إذا نظرنا للأنترنت مثلا من منظور السلبيه ما كان دخلناه في بيوتنا
حتى التلفزيون .... حتى الحاسب .... الفديو ....ووو
حتى المويه اللي نشربها .. فيها سلبيات... لانها تدخل في تصنيع اشياء محرمه كثيييييره
يعني كل شيء له سلبيات ...



نرجع للقرار الصادر من الدولة ..
بذكر لك موقف و انا متاكده هناك آلاف العوائل تمر بنفس الظرف

و ممكن أقول لك صديقتي عشان لا تقول ابتسامه ألفت قصه من الخيال

يتيمه و عندها 3 أخوات و أمها أساسا أجنبيه .. يعني الأم ما عندها محارم بالإمارات

الجده " أم الأب متوفي " عايشه عندهم بالبيت .. مرضت الجده أخذوها لـ أقرب مستشفى و المستشفى نقلوها لـ مستشفى تبعد عن البيت 400 كيلو
طبعا هم سافروا مع جدتهمـ .. وحده من البنات نامت مع الجده
و الأم و الاخوات لازم بيحتاجون لـ سكن .. يا إما فندق أو شقه مفروشه

إذا بالإمارات مب مسموح للحرمه تسكن بفندق من غير محرم وش بتسوي هالحرمه مع بناتها ؟؟؟!!!

مع العلم إن صديقتي ما عندها أخوان ولا أعمام و حتى إذا تواجد العم أكيد بيكون غير محرم على الأم

و بنفس القصه لازم وحده من هالبنات تسوق سياره و إلا من بيقضي أشغالهم و مشاويرهم؟؟!!!!!


الله يعين خويتك والله... من قلب الله يعينها ويوفقها في حياتها
ترا مو معنى كلامي اني ضد القرار ...بلعكس
بس شلون توافق الهيئه على كذا !! ..... وربي مستغرب
يعني الحرمه تكون بلحالها في فندق .... وتسافر لحالها..
وليش مسوين زحمه على قياده المراه !!


بالنهايه .. العيب مب بالقرار أو الوسيله
العيب فينا نحن إذا ما أحسنا الاستغلال ^_~
كلامك سليم 100 % ... وكل واحد وتربيته واخلاقه ودينه

بس اللي يقهر ان اشخاص تلقينهم على الحرمه اللي ما بيدها حيل وقوه
ويشوفون انها هي اللي بتخرب الكون .. وفيها وفيها .... وما يشوفون انفسهم
الحرمه روح وانسان ... مثلنا .... بس الفرق ان الله خلقها انثى .... وانت خلقك الله ذكر ( ما راح اقول رجال لان كل رجل ذكر بس مو كل ذكر رجال )



آسفه على الإطاله


اسفك غير مقبول ... لانك تستحقين الشكر

طلتك حلوه اخت ابتسامه



بالتوفيق


تحيااااااااااااااااتي

[أنــفــاسـ]

من نفس الجريدة..قرأت تقرير يتكلم عن ان القرار
كان مسموح به من أكثر من 30سنة...
ولم يظهر على السطح أو لم يطبق على أرض الواقع
إلا في هذه الفترة....

مافهمت قصدك ... يعني هذا القرار اصلاا موجود من 30 سنه ؟
او انه كان مطروح من 30 سنه و تمت الموافقه الحين ؟

بس اتوقع كنت تقصد السؤال الثاني .... بس توني ادري ان له 30 سنه !!
يعني صعبه جدا يحطون هذا القرار او يطبقونه قبل 30 سنه


بالنسبة لي قرار لابأس به...
وإن شاء الله يكون ذو فائدة...للمحتاجين له
ان شاء الله ... مع اني عارف انه راح يستغله غير المحتاجين D:


شكراً لك على الخبر...,
حياااك بليجرو

بالتوفيق


تحيااااااااااااااااتي

[بليجرو]

للأسف...نص الخبر بحثت عنه في النسخ الموجودة عندي

وفي الموقع الالكتروني للجريدة....ومالقيته..



مافهمت قصدك ... يعني هذا القرار اصلاا موجود من 30 سنه ؟
او انه كان مطروح من 30 سنه و تمت الموافقه الحين ؟


والله على ماأظن...أن القرار صادر من30 سنة...,

[أنــفــاسـ]

للأسف...نص الخبر بحثت عنه في النسخ الموجودة عندي

وفي الموقع الالكتروني للجريدة....ومالقيته..

ولا يهمك خيوو ... انا مصدقك بدون ما تجيب اثباتات ^^


والله على ماأظن...أن القرار صادر من30 سنة...,

ما اتوقع !! ... لان قبل 30 سنه الوضع مختلف كثيييييييييييييييير وما اتوقع يوافقون عليه ذيك الفتره



شكرا على طلتك الثانيه ^^


تحياااااااااااااااااااتي

[ابتسامــــــه]

بطاقه الهويه ... تكون فيها صورة المرأه واسمها وتاريخ ميلادها وتارخ انتهاء البطاقه
هذا اللي تعنيه عندنا ..... عاد ما ادري اذا لها معنى ثاني عندكم !!

عندنا نفسكم ^^"
استغربت لانه بالموضوع انذكر 15 % إلي يحملون بطاقة الهويه
قلت يمكن لـ فئة معينه من النساء مثلا موظفات أو غير ذلك





الله يعين خويتك والله... من قلب الله يعينها ويوفقها في حياتها
ترا مو معنى كلامي اني ضد القرار ...بلعكس
بس شلون توافق الهيئه على كذا !! ..... وربي مستغرب
يعني الحرمه تكون بلحالها في فندق .... وتسافر لحالها..
وليش مسوين زحمه على قياده المراه !!


ألاحظ بـ كلامك غيرتك الشديده على النساء السعوديات
الحرص واجب و الخوف مطلوب .. >> نفس أخواني إذا شافوا بالـ tv حرمه و قاعده بوسط رياييل
يقولون
هذي إماراتيه ؟!!!! :12:
و قاعده بين الرياييل !!!! :12:
:D

و مثل ما قلت بالبداية إن شاء الله يستغل هالقرار بما يرضي الله تعالى


<<< محد يعطيها ويه ^^"


النقاش معاك شيق لانك متفهم
و مب متعصب لـ فكره أو رأي ^_^

[ناصر المحمدي]

السلام عليكم ورحمة الله وبركاته

الله يعين .. ^___^
اتوقع انه اول من يستغل هذا القرار هم الفاجرات من النساء .. << خخ شرير ..

بصراحة حتى لو المرأة اخذت لحالها فندق صدقووووووني .. في جراثيم كثار ماراح يتركوها بحالها ..
اقلها سمعتها بتروح وطي ..
لان مافي حرمة يلاحقوها شباب الا لأنها بدون محرم .. معروفين الجبناء لأيأذون الا الضعاف ..

صحيح ان القرار راح يفك ازمات .. لان بعض المرات تحصل ظروف طارئة وقد تضطر المرأة لان تسكن وحدها دون محرم ..
ولكن هذا لايمنع من انها مدعاه للفساد .. هو الفساد موجود موجود .. والبعض جهر به ..
ولكن هذا القرار راح يضر الناس اللي ماتدري عن الدنيا ..
الله يعين ..

مشكور أخوي انفاس على الخبر ..

في أمان الله ..

[ناصر المحمدي]

الى ألأخ اخطبوت ..


, و يكتشف الناس إن نص البلد هم الحريم اللي ما يخلونهم يسوقون و يطاردون رزقهم اللي الله كاتبه لهم.. بيكتشفون إنهم كانوا ظالمين.
اولا اذا الله كتب رزق لعبد مافي احد يقدر يمنع هذا الرزق ..
ثانيا لاتحكم على الناس بأنهم ظالمين ..ليس كل الناس عندهم شغالة وسواق فيه ناس مسخرة نفسها لأهلها ..


لأن اللي اعترض على قيادة المرأة عنده سواق,
انا معترض على قيادة المرأة .. وماعندي سواق .. لو سمحت لاترمي الكلام بدون حسبة ..


لكن لمن وحدة مسكينة ما لعيالها إلا الله ثم هي, و نفسها يكون عندها سيارة تدبر عمرها فيها, لكن لازم تجيب سواق و راتبه و سكنه, الوضع يختلف.
مو شرط تكون مسكينة .. في كثار نساء ماعندهم شي ومتوكلين على الله .. والله سبحانه وتعالى مسخر لهم أهل الخير

و صدقوني, لو أصابنا فقر لا قدر الله.. الناس بيتغيرون.تقصد لو أغتنوا الناس بيتغيروا ..


في أمان الله ..

[أنــفــاسـ]

عندنا نفسكم ^^"
ايه اشواا D:

استغربت لانه بالموضوع انذكر 15 % إلي يحملون بطاقة الهويه
قلت يمكن لـ فئة معينه من النساء مثلا موظفات أو غير ذلك
اي سعوديه من حقها الحصول على بطاقه احوال ... بس هو يقصد ان 15% من السعوديات طلعن بطاقه احوال
اما البقيه مضافات مع الوالد او الزوج في كرت العايله

ألاحظ بـ كلامك غيرتك الشديده على النساء السعوديات
الحرص واجب و الخوف مطلوب .. >>
أحلفي ...... P:


نفس أخواني إذا شافوا بالـ tv حرمه و قاعده بوسط رياييل
يقولون
هذي إماراتيه ؟!!!! :12:
و قاعده بين الرياييل !!!! :12:
:D


الله لا يلومهم .... والله يستر من الجاي

و مثل ما قلت بالبداية إن شاء الله يستغل هالقرار بما يرضي الله تعالى
<<< محد يعطيها ويه ^^"
خلاص عرفنا ان شاء الله يستغل في ما يرضي الله ..... من جد ما تنعطين وجه ..
P:


النقاش معاك شيق لانك متفهم
و مب متعصب لـ فكره أو رأي ^_^
شكراا خيتوو ابتسامه .. احرجتي تواضعي

كل يوم تعالي ^^



تحيااااااااااااااااااتي

[أنــفــاسـ]

السلام عليكم ورحمة الله وبركاته ا
وعليكم السلاام ورحمة الله وبركااته
يالله حيووه

لله يعين .. ^___^
الجميع ^^

اتوقع انه اول من يستغل هذا القرار هم الفاجرات من النساء .. << خخ شرير ..

استغفر الله .. ياخي انا ما احب كلمة فاجرات وفاسقات ... لانها كلمه قويه
وان شاء الله يكون كلامك مزح ^^

بصراحة حتى لو المرأة اخذت لحالها فندق صدقووووووني .. في جراثيم كثار ماراح يتركوها بحالها ..
ممكن تصير .... وكمان ....ممكن ما تصير

اقلها سمعتها بتروح وطي ..
مو لهدرجه ناصر .. عشانها مثلا سافرت وسكنت بفندق راح تروح سمعتها وطي
طبعا يختلف إذا كانت الحرمه يوميا في ديره ويوميا في فندق ... كذا يختلف الوضع
بس تراك مبالغ شووو ^^

لان مافي حرمة يلاحقوها شباب الا لأنها بدون محرم .. معروفين الجبناء لأيأذون الا الضعاف ..

الحين خلاص ناصر يختلف الوضع شوي .... حتى لو مع ابوها ... حتى لو مع زوجها كمان
فيه اختراع اسمه بلوتوث !!
يعني اللي بايعتها ما فرقت عندها .. حتى لو مع ابوها او زوجها

واكيد لو كان المحرم موجود راح تكون نسبه عدم التعرض لها جسديا كبيره

صحيح ان القرار راح يفك ازمات .. لان بعض المرات تحصل ظروف طارئة وقد تضطر المرأة لان تسكن وحدها دون محرم ..
احياان

ولكن هذا لايمنع من انها مدعاه للفساد .. هو الفساد موجود موجود .. والبعض جهر به ..

اف مدعاه للفساد مره وحده !! .... ولا عشان الحرمه موجوده في الموضوع ..صار مدعاه للفساد

ولكن هذا القرار راح يضر الناس اللي ماتدري عن الدنيا ..
شلون يعني... صراحه ما فهمت وش تقصد

الله يعين ..
الجميع ^^

مشكور أخوي انفاس على الخبر ..

حيااك اخ ناصر

في أمان الله ..

بالتوفيق


تحيااااااااااااااااتي

[A.N.G.E.L]

موضوع جيد انفاسـ للأسف توني ملاحظه!

عاد تصدق هذا احسن قرار سمعته..والله يا خوي لو تسمع القصص عن جد بتتمنى زي كذا وأكثر..انا ماهمني عن الأشياء السيئة الي بتصير!

زي ماقالت اختي ابتسامة لو بنشوف الجانب السيئ لكل حاجة...كان الله بعونا صدق!


العيب فينا نحن إذا ما أحسنا الاستغلال ^_~

"أنفاسـ مواضيعك رهيبة ودايم اتابعها..والصراحة تعجبني بكل مرة ^^.."

[أنــفــاسـ]

موضوع جيد انفاسـ للأسف توني ملاحظه!
اللي يهمني اكثر تواجدك ^^

عاد تصدق هذا احسن قرار سمعته..والله يا خوي لو تسمع القصص عن جد بتتمنى زي كذا وأكثر..انا ماهمني عن الأشياء السيئة الي بتصير!

هو القرار حلو .. بس اللي مستغربه انا شلون الهيئه وافقت عليه.. غريبه والله !!
صدقني انجل لو بناظر للاشياء السلبيه كان محد طلع من بيتهم

زي ماقالت اختي ابتسامة لو بنشوف الجانب السيئ لكل حاجة...كان الله بعونا صدق!

وهي صادقه


"أنفاسـ مواضيعك رهيبة ودايم اتابعها..والصراحة تعجبني بكل مرة ^^.."


يالبه قلبك ... احرجتني
وربي يشرفني كلامك


لا تقطع ^^



بالتوفيق


تحيااااااااااااااااااااااااااتي

[G Girl]

مساء الخير..

هالموضوع اللحين حديث مجتمعنا مابين التأيد والرفض والقبول والإعترآض..

بس بحكم مجتمعنا وعاداتنا مآفي مره تطلع إلا مع رجلها ولكل قاعده شواذ..

وفي كل دول العالم مسموح وعادي من عرفنا الدنيا ..بس إحنا مجتمع مغلق للمرأه

وكل شي لين حدها يجيها برأي زي الاميره ماتروح وين ماتروح إلا ومعها رجل يحميها

بس هالقرار الجديد حلو وفي نفس الوقت شين ..

بطاقه الاحوال بحد ذاتها غربيه لان إحنا غير كل الدول..

وشلون اتغطى ومعي بطاقه فيها وجهي كاشف وشعرفهم انه انا مثل ماقال انفاس في البدايه..

وراح يستغلونها الصغار والمراهقات بذات بأمور يندمون عليها بعدين..

انا ضد هالقرار صراحه ..

ويسلموو اخوي على الموضوع..

[أنــفــاسـ]

مساء الخير..
مساء النور والسرور

هالموضوع اللحين حديث مجتمعنا مابين التأيد والرفض والقبول والإعترآض..
بس خيتوو الموضوع تم الموافقه عليه وانتهى ^^

بس بحكم مجتمعنا وعاداتنا مآفي مره تطلع إلا مع رجلها ولكل قاعده شواذ..
انا معك بالسفر ... بس في نفس المنطقه ممكن الوضع يختلف

وفي كل دول العالم مسموح وعادي من عرفنا الدنيا ..بس إحنا مجتمع مغلق للمرأه

صدقيني احيان مغلق على غير سنع

وكل شي لين حدها يجيها برأي زي الاميره ماتروح وين ماتروح إلا ومعها رجل يحميها

ممكن تكون كذا ... بس مو كل النساء اميرات عندنا بالسعوديه.... خصوصا اللي مالها اخوان
واتمنى تكوني من ضمن الاميرات اللي يجها كل شي الين حدها

بس هالقرار الجديد حلو وفي نفس الوقت شين ..
ممكن

بطاقه الاحوال بحد ذاتها غربيه لان إحنا غير كل الدول..
احنا كذا دايم ترا ... نخاف من الشي الجديد... لانه غريب على عاداتنا

وشلون اتغطى ومعي بطاقه فيها وجهي كاشف وشعر
البطاقه ما يطلع فيها الشعر ... تكوني متحجبه بس
وعادي ترا لو طلعتي بطاقه بس تستخدمينها في قسم نسائي
يعني بنوك فرع نسائي او دوائر حكوميه فيها فرع نسائي ان وجد
بس في اماكن فيها رجال ...اكيد لا

فهم انه انا مثل ماقال انفاس في البدايه..
وراح يستغلونها الصغار والمراهقات بذات بأمور يندمون عليها بعدين..
هذي المشكله دايم تستغل القرارات في الاشياء السلبيه
بس مو معناه اننا نعارض هذي القرارات لان فئه سخيفه من الناس راح تستغلها في اشياء مو كويسه

انا ضد هالقرار صراحه ..
اللي تشوفينه ^^ ... رغم ان القرار تم ونزلت الموافقه


ويسلموو اخوي على الموضوع..




حيااك خيتووو نورتي



تحياااااااااااااااااااااااتي

[G Girl]

باك لتوضيح بعض النقاط..

بس خيتوو الموضوع تم الموافقه عليه وانتهى ^^

انا اقصد في المجتمع وحديث الناس الحين عن ذا الموضوع ومعروف انه تم وانتهى من مده
بس مفتي المملكه طالب باعاده النظر في هالموضوع..


البطاقه ما يطلع فيها الشعر ... تكوني متحجبه بس
وعادي ترا لو طلعتي بطاقه بس تستخدمينها في قسم نسائي
يعني بنوك فرع نسائي او دوائر حكوميه فيها فرع نسائي ان وجد
بس في اماكن فيها رجال ...اكيد لا

خخخخخخخ
اكيد انه بتكون متحجبه ذا كلام مايبيله علم..
انا اقصد وش عرفهم راجع ردي وبتعرف ..

ممكن تكون كذا ... بس مو كل النساء اميرات عندنا بالسعوديه.... خصوصا اللي مالها اخوان
واتمنى تكوني من ضمن الاميرات اللي يجها كل شي الين حدها

الاخوان مب كل شي ..
اكيد في حياة كل مرأءه رجل سواء اب او زوج او عم او خال..

[أنــفــاسـ]

باك لتوضيح بعض النقاط..
حيااك ..اقلطي ^^

انا اقصد في المجتمع وحديث الناس الحين عن ذا الموضوع ومعروف انه تم وانتهى من مده
بس مفتي المملكه طالب باعاده النظر في هالموضوع..
صراحه مدري عن مفتي المملكه ... بس مدام جات موافه من صاحب السمو... ما اتوقع فيها رجعه

خخخخخخخ
اكيد انه بتكون متحجبه ذا كلام مايبيله علم..
انا اقصد وش عرفهم راجع ردي وبتعرف ..

جي وربي راجعت ردك مره ثاني ... ونفس اللي كتبته قبل هو اللي فهمته ^^"

الاخوان مب كل شي ..
من يقول ! <<< واحد مكروف

اكيد في حياة كل مرأءه رجل سواء اب او زوج او عم او خال..
الاب احيان اما مشغول او مسافر او يمكن مو عايش
الزوج يمكن الحرمه باقي ما تزوجت والباقي بنات
اما العم والخال .... وربي لو فضولك يوم او يومين وما راح يفضلوك بعدين اما عندهم عيال وزوجات ومشاغل
وراح تحسين بعد فتره انك عاله عليهم حتى لو ما قالو هذا الشي
والله لا يجيب هالاحساس لك اختي

نورتي للمره الثانيه ^^


تحيااااااااااااااااااااتي

[راعي كبر]

نسأل الله ان يستغله الشعب في الخير....
وبالنسبة للأخ اللي يقول اننا خرفان حسب عاداتنا وتقاليدنا فأنا اختلف معه بشده...
ياخي مو شرط عشنا ما ننزل الشارع ونسوي زحمة مالها داعي بالمظاهرات اننا امعات او ديويثين او خرفان على قولك
ياخي يجي مليون قرار بعد هذا والدنيا ماشيه
بإمكانك تتقيد بتعاليم دينك اولا وتبتعد عن محظوراته وتلتزم بتعاليمه....وفي نفس الوقت ترضي عاداتك وتقاليدك الصحيحة التي يدعمها الدين اصلا....مو شرط يسوقون اهلك...مو شرط يسافرون من دون محرم...((بعدين تأكد من تحديد الشارع في السكن والسفر من غير محرم))((وخصوصا السفر ليوم واحد))
وترى على قولك....الطواري تحصل...والرجل الحصيف الحكيم يعلم ذلك جيدا...
الزبدة.....................
................................الموضوع مهو سيئ تماما يا أخوان....تحياتي.

[راعي كبر]

موضوع قيادة المرأة وسكنها بهويتها مهو سيئ تماما يا اخوان
بعدين ما حنا خرفان ياخوي اللي تقول خرفان....
((راجعوا تحديد الشارع فعلا في سكن المرأة وفي ركوبها الراحلة وفي سفرها ليوم واحد او اكثر من ذلك عند الضرورة))
والرجل الحصيف يعلم ان الموضوع له حاجة.....تحياتي.

[أنــفــاسـ]

هد اعصابك اخوي راعي كبر ^^ ... احنا كلنا هنا نسولف وكل واحد يقول رايه بوجهة نظره
وكل واحد على حسب طريقتة بتوصيل المعلومه اللي براسه ^^


يعني اختلاف توصيل المعلومه لا يفسد للود قضيه <<<< ابو التحريف


حيااك اخوي وشكرا على مرورك وتعليقك ^^



تحياااااااااااااااااتي