الايغو والاكس بوكس 360

[rare games]

السلام عليكم ورحمه الله وبركاته


طبعا قطعه الايغو عباره عن قطعه متنقله للانترنت وهي من شركه زين

واكيد كل الي بالكويت سمعوه فيها وهي سريعه جدا وسرعتها تصل7.2 ميغا بايت

وانا انصدمت من السرعه الهائله الي تقدمها القطعه وممكن اشتريها اليوم او باجر

الله يخلي المطار مبطل 24 ساعه:biggthump


طبعا الموضوع ما يتكلم عن القطعه بل هو

مجرد سوال هو ان استطيع ان اشبك بالانترنت على الاكس بوكس 360

طبعا سالت شركه زين ويقولون اذا الاكس يدعم الاتصال عن طريقusb

راح يشبك لذا السوال هنا

هل يدعم الاكس بوكس الاتصال عن طريق usb


ملاحظه:انا منزل موضوع بنفس المضمون في قسم البلاي شتيشن لنفس السوال

[rare games]

غريبه شباب محد يعرف اي معلومات عن الاتصال عن طريق USB

[azooz25]

هلا اخوي

انا اللي اعرفه انه ما يصير تشبكها دايركت بالاكس بوكس لأنها تحتاج تعريف خاص بالويندوز ولا يتعرف عليها الاكس بوكس لكن تقدر تشبكها بكمبيوتر لابتوب أو بكمبيوتر عادي وتسحب واير نتوورك للاكس بوكس وتشبك
او الطريقة الثانية انك تشتري قطعة وايرلس للاكس بوكس وتشبك من خلاله بوايرلس الكمبيوتر
والطريقة الاخيرة انك تشتري Ego راوتر وتشبك من خلاله :)

[bader686]

سلام عليكم...

اخوي انت متأكد انة سرعتها 7.2 جيجا
المعروف 4 جيجا

مااظن في انترنت لاحد الان 7.2 جيجا اهو 5 ماصلنا

هاي قبل لا تدخل الصفحة بيدخل من السرعة

اخوي ياريت تتأكد الانة اذا طلع كلامك صح باجر اخذ وحدة

و شكر ا

[zoro1412]

السلام عليكم

بالنسبه للقطعه يا اخي الكريم عندي لك مجموعه من الاساله المبهمه ارجوا ان تتأكد منها قبل الاشتراك في هذه الشركه

1-بالنسبه للتنزيل هل هو محدود ام لا لانه انا سمعت انه التنزيل محدود في الشهر الاول او مده معينه بعدها لا تستطيع التنزيل

2-بالنسبه لسرعه 7 ميقه هذه السرعه لم اسمع احد من اصدقائي الذين اشتركوا بها قال انه سرعته وصلت الى على الاقل 400 كيلو بالثانيه بالتنزيل معنه الكلام انه السرعه اقل من هذا طبعا بفرضيه انك تشبك في المناطق السكنيه وليس في البر وعلى كل حال يعني لا تستغرب اذا رأيت سرعتك توصل 200 او 240 ولم تصل 500 اذا فعلا كان القطعه 7 ميقه

وبالنهايه نرجوا لك التوفيق : )

[rare games]

هلا اخوي بدر

السرعه 7.2 ميغا على حسب كلام الشركه مو كلامي والصراحه انا اشوفها بطيئه جدا اما من الكيبلات

او جذوبو علينا ودق على 107 وتاكد بنفسك عن السرعه

هلا اخوي زورو

1- التنزيل مفتوح بس يقولون لو حملت اكثر من 30 قيقا في الشهر راح يصير بطيء التحميل

2-بالنسبه للتنزيل في برامج التورنت عندي التحميل ما يوصل 50 كيلو لووووووووووول وكثر شي يكون 20 و30

بس في برنامج داونلاود مانجر للتحميل من غير التورنت يوصل التحميل مرات 500 كحد اقصى واكثر الاوقات يكون بين 100 و200

[TIZEN]

ما أنصحك تاخذه لأنهم مصممين حق التصفح والتنزيل المشكله راح تكون بالأبلود انا عندي راوتر الوطنيه ساعات أقدر ألعب على الايف وساعات يعلق بس اذا بنزل شي بالكمبيوتر طياره بس حق جيمز نصيحه لا تاخذه اذا تبي اخذ دي اس أل وايد أحسن من فاست تلكو أو كواليتي نصيحه لأني عانيت وايد

[JasemQ8]

الرد على سؤالك اخوي كلش الإيقو ماينفع حق الأكس بوكس .. و اخذلك دي اس ال شوتايم 256 .. 12 دينار وزي الفل وسريع واللعب وانشاءالله خير

[سلماوي]

مراح تقدر تلعب لاسباب عده واكيد

اول شي القطعه بس تنزيل الرفع مالها مواكثر من 40 كيلو

يعني حق الجيمز ماينفع نهائيا بالعاب البي سي والاكس بوكس والبلاي ستيشن


القطعه حق التصف وتنزيل التورنت والوصلات المباشرة

حتى مالت الوطنية نفس الشي

اذا تبي حق الجيمز مالك غير شركات الثابته كوالتي نت و كيمز وفاست

وانت تقدر تسألهم للتاكد


اللهم بلغت

[rare games]

الرد على سؤالك اخوي كلش الإيقو ماينفع حق الأكس بوكس .. و اخذلك دي اس ال شوتايم 256 .. 12 دينار وزي الفل وسريع واللعب وانشاءالله خير


لوووووووووووووووووووووووووووووووووووووووول

اخوي انا عندي الاشتراك الي قلته بالضبط وهو 256 شوتايم ومشترك من شهر9
الي طاف ولمده سنه كامله وهي سريعه باللعب والاق خفيف بس الديمو ياخذ مني حوالي 9 الي 10 ساعات
بس اخذت القطعه زياده اساسا مو حق الغيمز ماخذها لانها سريعه ومتنقله

بس حبيت استسفر اذا تصلح للغيمز او لا لان سرعتها على كلام زين اضعاف الدي اس ال الي عندي

شباب تراعندي اشتراك دي اس ل 256 من شوتايم يعني لاحد ينصحني ويقولي اشترك:biggthump

[MR.FIRE]

شكلها مو حلوه><"

[محامي الفيلسوف]

اخوي لازم تتحقق من موضوع مهم غير السرعه

اللي هو الـ Ping

يعني عندك مثلاً زي موبايلي تقدم خدمة اتصال عن طريق الـ USB ( موبايلي كونكت ) ،

وتقريبا نفس سرعة زين ، لكن بالاون لاين جداً سىء لان الـ Ping يكون مرتفع ،

وعندك مثلاً الاتصال عبر الدش والقمر الصناعي..

طبعا معروف مثل نوع من هالاتصال تقدم سرعات عاليه تصل الى 20 ميجا وفوق وحتى فيه نوع منه يكون الاب لود مساوي للداون لود ، ودايم نحتاج للاب لود في الاون لاين ..

لكن يأتي من خلاله لاق رغم السرعه الهائله ... لان الـ ping يكون مرتفع


وانا اتوقع الخدمه راح تشبك مع الاكس بوكس .. لان موبايلي كونكت تشبك عن طريق الـ usb وناس كثير جربوها في موبايلي وضبطت معهم

بس لازم تتحقق من موضوع الـ ping

السرعه مو كل شي

تحياتي

[RE4]

شفيكم شباب ؟

مشت عليكم بعد ؟؟
المعروض في زين ( Mega Bet ) والسرعة اللي انتوا فهمتوها هي ( Mega Byte )

لوووووول

سرعة زين هي بالحقيقة 7.5 ميجابت ( وليس ميجا بايت ) = 512 كيلوبايت :)

بيضحكون على الناس

[كنزان88]

شوف أخوي أنا عندي إيغو
اهو بالألعاب يمشي الحال بس بتنزيل الديمو طلقة بالكثير ساعة وربع واسأل مجرب ولا تسأل طبيب

[q8pro]

السرعه الجديده معنها 750 مو 7 ميقا
لو 7 ميغا المفروض يكون الدوان لود بعد التقسيم على 8
875

والايقو ماينفع حق القيمز
انا دائما العب معا ناس عندهم
كله لاق
وانحاشو من شوتايم كان عندي 512 والله انه زباله حشاكم خط البيت مرات اسرع منه
لما حطيت كوالتي افضل منه بمليون مره
اسئل مجرب الشركتين

[KLD]

كل عضو قال رايه اهم شي هو السوال هل تقدر تشبك الاغو علي x box 360 هذا اهو شي ؟ وشلون الطريقه

[rare games]

كل عضو قال رايه اهم شي هو السوال هل تقدر تشبك الاغو علي x box 360 هذا اهو شي ؟ وشلون الطريقه


لوووووووووووووووول:biggthump

اكثر الاعضاء نسوا النقطه المهمه في الموضوع وبدوا في ابداء رايهم في احسن اشتراك للانترنت بس في كذا عضو اجاب بالنفي او انها مو زينه في الشبك مو الغيمز

[K-i-l-u-a]

شفيكم شباب ؟

مشت عليكم بعد ؟؟
المعروض في زين ( Mega Bet ) والسرعة اللي انتوا فهمتوها هي ( Mega Byte )

لوووووول

سرعة زين هي بالحقيقة 7.5 ميجابت ( وليس ميجا بايت ) = 512 كيلوبايت :)

بيضحكون على الناس


اول مرة اسمع فيها !! وين شفت هالمعلومة ؟ :bigeyes:

عالعموم rare games الكلام الي قلته عن الايغو اليديده صح شفنا التنزيل مالها يوصل 600 كيلو الموظف شغلها والتصفح سريع بس بالغيمز ما اقدر اقولك عنها اوكي لاني ما جرتها

انا جربت ايغو القديمة 3 ميغا يوصل داونلود 80 كيلو لي 100+ وانت وحظك بس لما لعبت فيها اونلاين لعبة world of warcraft كانت بطيئه ولاق حتى لما شغلت تورنت عليها بطيئه نفس الشي كان حتى الوطنية نفس حالتها ما يمشون مع الغيمز عندي

دي اس ال كوالتي نت الي استخدمه 256 كيلو اسرع منهم بالغيمز + تورينت بس

[zoooba]

مشكوووووووووووور على المعلومة

[rare games]

اول مرة اسمع فيها !! وين شفت هالمعلومة ؟ :bigeyes:


عالعموم rare games الكلام الي قلته عن الايغو اليديده صح شفنا التنزيل مالها يوصل 600 كيلو الموظف شغلها والتصفح سريع بس بالغيمز ما اقدر اقولك عنها اوكي لاني ما جرتها


انا جربت ايغو القديمة 3 ميغا يوصل داونلود 80 كيلو لي 100+ وانت وحظك بس لما لعبت فيها اونلاين لعبة world of warcraft كانت بطيئه ولاق حتى لما شغلت تورنت عليها بطيئه نفس الشي كان حتى الوطنية نفس حالتها ما يمشون مع الغيمز عندي



دي اس ال كوالتي نت الي استخدمه 256 كيلو اسرع منهم بالغيمز + تورينت بس


اهم شي التورنت واقدر اقول ان 70% من احتاجات للسرعه بالنسبه لي من اجل التورنت بس:biggthump وراها الغيمز

+الشي الوحيد المستفيد من الايغو حاليا هي تنزيل حلقات ناروتو (الله يخلي مكسات يعطيونا روابط مباشره لا تورنت ولا هم يحزنون) وحملت حلقتين حجم الوحده 170 ميغا حملتها بحوالي 10 الى 15 دقيقه

واسف نسيت يوتبي شي ثاني مخليني مستفيد من الايغو

[محامي الفيلسوف]

اكثر الاعضاء نسوا النقطه المهمه في الموضوع وبدوا في ابداء رايهم في احسن اشتراك للانترنت




^

^




اخوي في ردي السابق كانت هناك اجابه شافيه للنقطه المهمه في الموضوع





اتوقع الخدمه راح تشبك مع الاكس بوكس .. لان موبايلي كونكت تشبك عن طريق الـ usb وناس كثير جربوها في موبايلي وضبطت معهم






وموظف زين قال لك اذا الجهاز يدعم الاتصال عن طريق الـ usb فسوف يكون فعـّال مع الجهاز ويتم تشغيله ،



والـ xbox 360 تم تجربته من خلال اتصال usb مثل موبايلي كونكت وتم الاتصال عن طريقه بنجاح ،




تحياتي

[rare games]

مشكور اخوي وما تقصر

بس اشلون الطريقه اوصلها توصيل مباشر يعني ولا اشلون

[محامي الفيلسوف]

بس اشلون الطريقه اوصلها توصيل مباشر يعني ولا اشلون

^
^

انا ماعندي خلفيه عن التفاصيل لاني ماقد جربتها في موبايلي كونكت ، لكن اللي اعرفه ان خدمة ( الايغو ) متقاربه من خدمة موبايلي كونكت ،

وجميعها يكون الاتصال فيها للأنترنت عن طريق ابراج الجوال

ومن هذا المـُنطلق قلت لك ( اتوقع ) والعلم عند الله ان خدمة الايغو ستنجح مع الـ xbox360 لان موبايلي كونكت نجحت بالاتصال على اللايف ،


على العموم اخوي اذا كنت تبغى التفاصيل بكيفية الشبك عندي لك موضوع شخص يشرح كيفية الشبك عن طريق موبايلي كونكت وهي الخدمه المشابهه لـ الايغو ، بس الموضوع من منتدى اخر واخاف احط الرابط هنا وتكون مخالفه لشروط المنتدى ، راح ارسل لك الرابط بالخاص.. وان شاءاله يفيدك ،

[محامي الفيلسوف]

^
^


حاولت ارسل الرابط بالخاص بس ماسمح لي لان مشاركاتي ماتعدت الـ 300 ...!!

[rare games]

مشكور اخوي محامي فليسوف

موضوع من منتدى اخر:33:

اعتقد ما فيها شي لانها مفيده لي نتنظر احد مراقبينا الاعزاء يعطينا الاذن

مع اني اشوفها عاديه

[KLD]

وانا بعد يا اخ محامي فيلسوف ممكن دزلي الرابطه علي الختص لانه مشكلتي نفس اخو اشلون اشبك الايغو علي x box360 ,a;vh

[محامي الفيلسوف]

^
^
اخوي مشكلتي ماقدر ارسل رساله خاصه لان مشاراكاتي ماتعدت الـ 300

وماكتشفت هالشي الا يوم جيت ارسل الرساله للأخ rare طلعت لي رساله تقول لازم مشاركاتك تتعدى الـ 300 عشان ترسل رسائل خاصه

على العموم اذا تبغون ارسلها كـ رساله على الايميل ماعندي مشكله

[azooz25]

اخوي انا اعطيك الزبده واقولك اذا تبيها حق الالعاب لا تشتريها

اخوي عنده وحده نفس اللي تبيها بالضبط سرعتها 7.2 وحاولنا كثير وما نفعت واللي صار معانا :

- شبكناها بلاتوب ووصلناها بالاكس بوكس قدرت ادخل الاكس بوكس لايف لكن حاولت العب call of duty 4 لكن للاسف ما قدرت اشبك مع اي لوبي فقط شبكت باللايف وان حاولت اشبك مع شباب كويتيين تعطيني اللعبة رسالة unable to connet to host .

- عندي نسخة call of duty 4 خاصة بالبي سي حاولت العب فيها ونفس المشكلة تقدر تدخل اونلاين ويطلع لك كل السيرفرات لكن لما تحاول تدخل على أي سيرفر يفصلك ويطردك .

- اتصلنا بالشركة وقلنا لهم نبي طريقة نلعب فيها وقالنا الموظف الحين اضبطها من عندي وانطر 10 دقايق وجرب ادخل وألعب وانتظرنا ونفس المشكلة ما قدرنا نلعب وكلمناهم يمكن 3 او 4 مرات ونفس الكلام يتكرر ومافيه فايده .

مثل ماقالوا الشباب القطعة فقط للتصفح والتحميل سريعه جداً لكن باللعب مافيه أي نتيجه .

مع العلم ان عندي اشتراك فاستلكو 512 واللعب فيه ممتاز وبدون اي مشاكل سواء بالاكس بوكس او بالكمبيوتر .