ماهي افضل شركة انترنت للعب الاون لاين في الكويت

[BRAZILIYA]

السلام عليكم ورحمة الله وبركاته:)

اتمنى من كل الاعضاء يشاركونا في الموضوع خاصة الاعضاء الذين يلعبون اون لاين..:AR15firing:......:silly:
اتمنى التفاعل في الموضوع لاهميته....وهذا الموضوع ليس دعاية للشركات لكننا نريد الافضل من ناحية السرعة وعدم الانقطاع في الخط ....فاحنا سمعنا الكثير من الكلام لكن نريد نسأل الاولى والي عندهم الاجابة والي مجربين...

واتمنى من كل شخص يلعب اون لاين ومرتاح من الخدمة والنت يجواب علينا :biggthump

يذكر لنا ماهي الشركة الي مشترك فيها ؟
وماهي سرعة النت؟
وماهو السعر في الشهر؟

يعني يعطينا اكثر قدر ممكن من المعلومات؟

واكون شاكرة لكم تفاعلكم

[بلا ميعاد]

كواليتي نت اخوي احسن شركة

[Grand Marshal]

انا عندي فاست تلكو ,, حلو بس انا اقولك كواليتي ابرك واحسن والكل يمدحه

[Black.3ye]

اخوي لا كواليتي ولا فاستبطيخ
انا مشترك يونايتد نتورك و السرعه عندي عسل وللحين ولا حاشني لاق انا سرعتي 256 و البلود عندي بين 150 و 190
و ادفع 12 دينار شهريا
اخوي انصحك تشترك بيونايتد نتورك سعر افل و خدمه افضل

[joker_zambrotta]

يذكر لنا ماهي الشركة الي مشترك فيها ؟
يونايتد نتوورك
وماهي سرعة النت؟
512
وماهو السعر في الشهر؟
اعتقد 20 شيء جذي .. بس بالسنة 220 دينار

وبصراحه شغل عدل مدل

[PremaFrost]

انا مشترك اول بيونايتد نتورك وكانت زينه بس تفصل
الحين مشترك بكيمز وخطيره الشركه بالعاب الاون لاين ماكو لا ولا شى ولا هم يحزنون
512 اشتراكى خذيته 3 اشهر ب 64اذا تدفع شهر بروحه 30
الحين مسوين عروض بعد ب8 نانير العروض تبدا
يعنى تبى الزبده كيمز واقطع :)

[Haseo Terror]

انا مشترك بشركة كيمز

وسرعة اشتراكي 256

واللعب بالاونلاين ماشي معاي 100%

وبخصوص السعر اخذته وهم عندهم عرض

ان السنه ب96 دينار فلحق عليهم قبل لا يطوفك عرضهم

[BRAZILIYA]

اكثر شركتين لحد الحين يمدحونهم يونايتد نتورك وكيمز

يلا بعد عطونا خيارات اكثر شاركونا..... :))

[PS Player]

من اقدم الشركات في الكويت والاولى في مجال الانترنت

كواليتي نت الافضل من كل النواحي

انا كنت مشترك يونايتد نتورك
السرعه 1Mb
السعر 35 بالشهر

لكن كان دايما يفصل معاي النت وكان في تقطيع دايم تركت الشركة

واشتركت بكواليتي نت بسرعه 1Mb بسعر 40 بالشهر

وكان الفرق واضح

يونايتد كان يعطيني سرعه داونلود 120 وتحت

كواليتي يعطيني سرعه داونلود 120 وفوق

وانصح بشركة كواليتي نت

وشكرا

[ZACK]

ابعد عن يونايتد نتووركس ! بطييييييييئ وخدمة العملاء جدا تعبانة .. انا مجربها

كيمز وكواليتي تمام ... شوف الأسعار .. اللي يناسبك اخذ منه

[فوق المستحيل]

الشباب طايحين له ردود اخوي واخوي..ياجماعه هذي اختنا برازيليه

المهم ماعلينا :)

لا تحطين امال بعدين راح تنصدمين

الكويت مشكلتها ان سيرفرهم مرتبط بالسعوديه

يعني مهما كانت سرعتك عاليه..لا تظنين انج راح تتفادين اللاق في بعض الاماكن لان الاساس هو السيرفر الي يخدم الاون لاين

المهم كوالتي نت سرعه 512...Perfect في نظري

بالشهر 32 او 35 دينار

وحطي الف خط تحت هالجمله : مستحيل تحصلين خدمه عملاء مثل كوالتي نت................حسب التجارب

يوناتيد يلزمونك باامور منتي في حاجه لها...لكن مااذكرها بصراحه

لا تفكرين بااعلى من 512..راح تواجهج مشاكل بسبب سوء السنترالات بالكويت

تيك كير

[MAXI2]

من صجك كيمز واقطع 512 تصير هوست الالعاب ما في لاق اخوي في عرض عندهم سرعة 512سعره 156 بنتهي بعد 5 ايام

ارخص شركه واحسن شركهز ما انصح بيونايتد كلش لاااااااااااااااااااااااااااااااق وايد حتى ما الكويتيين وكاوالتي زين بس يقطع وايد!!!! وحوشه بعض المرات لاق

[BRAZILIYA]

شكرا اخواني الكرام على الردود ماقصرتوا والله كفيتوا ووفيتوا بالمعلومات:)

واشكرا خاصة اخوي فوق المستحيل;) على النصايح الرائعة والشرح لاني بصراحة استفدت من كلامك وشكرا للتوضيح باني اخت مو اخو بس خفت احرجهم اذا قلتلهم :Dبس ماعلي الشباب ماقصروا

لانه ودي اشترك dsl السبب :ميتل غير ياية بالطريج وفيها الاون لاين:AR15firing::AR15firing::AR15firing::AR15firing::AR15firing:

هههههههههه :D

بالاخير شركة كواليتي هي الافضل من كلام اغلبية الاعضاء والله العالم

تليها كيمز و يونايتد نتورك......:33:
واي احد عنده معلومات اكثر وتجارب في الشركات يشاركنا..:biggthump

[فوق المستحيل]

تستاهلين اختي اكثر وماسوينا شي

وياسلام على الذوق الرفيع..عشان ميتل جير...تستاهل اللعبه دي اس ال وفوق الدي اس ال

يلا بالتوفيق

تبين نصيحه قويه

بالبدايه لا تاخذين اشتراك سنه...والله يصير معاج النت بطئ او مشكله تتبهدلين بهدله على الفاضي

جربي شهر مع كوالتي ولما يخلص جربي الشهر الثاني من كيمز وبعدها نتورك ( لكن نتورك مااعتقد يعطونج شهر لازم اكثر ) مجرد اعتقاد

هذي ثلاث شهور من شهر 2 لي غايه شهر 5 تكونين مجربه كل الشركات

وشهر 6 تنزل ميتل جير ...ووقتها تكونين عارفه اي شركه افضل للنت

لكن مازلت اصر على ان السيرفر اهم شي..احنا محكومين بسيرفر سعودي...يعني اللاق سببه الرئيسي السيرفر...وبعد مسافة السيرفرات الي نلعب معاهم

واكرر لا تجازفين وتشتركين سنوي بالبدايه..جربي شهر بعدين اشتركي سنه

وديرلي بالج ترى سرعه 1 ميج..بعض مناطق الكويت ماتتحملها..حتى ولو قالوا لج تتحمل..ترى ماتتحمل يقعد يفصل معاج كل فتره...فعشان جذي اقولج افضل شي جربي شهر بعدين حددي الشركه بعدين اشتركي سنوي

ترى نصيحتي فيها منطق لحد يضحك علي :)

[delpiero89]

كوالتي 512

كنت قبلها مشترك عند الشوتايم ( يونايتد نيتوورك ) على نفس السرعه

بعد ما غيرت اشتراكي على كوالتي كان الفرق واضح لمصلحه كوالتي خصوصا بموضوع الـ Ping

بالاضافه الى النقطه الي ركز عليها الكل ( خدمة عملاء ) بلا منافس

34بالشهر


بالتوفيق

[البيكهام هام]

انا الحين مشترك بيونايتد<<معنهم على اسم ناديي مانشستر يونايتد:biggthumpبس اخذلوني من بعد ماجت مشكلة الكيبل البحري وحلوها الحين صارت عندي مشكله غريبه اللي هي تصفح النت مع الماسنجر يفصلون من غير مايفصل المودم ماادري ليش<<بعطيهم فرصه لنهاية الشهر;)

بس نصيحه ابتعدي عن يونايتد لانه النت يفصل وفوق هذا خدمة العملاء زفت مالهم خلق يتكلمون:31:

شركة كيمز احسن خيار بسبب:
1-يمدحونها
2-رخيصه

[Q8 Gamer]

بسم الله الرحمن الرحيم

انا باقول رايي من واقع التجربة

انا جربت كل شركات الكويت

الاسوء طبعا ومن دون منازع هي يونايتد نتوركس

فاست تلكو جيد لكن غالي

الاختيار حاليا يكون بين كيمز وكوالتي

انا توني مشترك بكييمز سرعة 1mb اشتراك سنوي بـ300 دينار وهو الارخص بالكويت

اختياري وقع على كيمز لعدة اسباب وهي مرتبة حسب اولوياتي :

1- سرعة الـupload والتي تصل الى 768k (كوالتي يعطيك 521 للـ1 ميقا )
لان لعب الـonline يعتمد على سرعة الـupload بشكل كبير

2- عدد المشتركين اقل حاليا مقارنة مع عدد مشتركين كوالتي مما يخفف الضغط على الشركة في اوقات الذروة

3- السعر وهو الاقل في الكويت

كلام اخوي فوق المستحيل صحيح بالنسبة للاشتراك السنوي لكن انا ما انصح بالاشتراك الشهري لعدة اسباب واهمها

عند تغيير اشتراكك من شركة الى شركة لازم الشركة الاوى ترسل مندوب علشان يشيل جمبر الشركة الموصل على خط البيت من المقسم وهذا يبيله اسبوع تقريبا وبعدها الشركة الثانية ترسل مندوبها يركب الجمبر على خط البيت بالمقسم وهذا يبيله اسبوع بعد

يعني اسبوعين من دون نت <<<<---- احتمال انتحر

المثل يقول اسأل مجرب ولا تسأل طبيب

[ABATCHy]

انا مشترك اول بيونايتد نتورك وكانت زينه بس تفصل

الحين مشترك بكيمز وخطيره الشركه بالعاب الاون لاين ماكو لا ولا شى ولا هم يحزنون
512 اشتراكى خذيته 3 اشهر ب 64اذا تدفع شهر بروحه 30
الحين مسوين عروض بعد ب8 نانير العروض تبدا

يعنى تبى الزبده كيمز واقطع :)



اخوي وين حصلت هالعرض ثلاث اشهر 512 ب 64؟ العرض بموقعهم لثلاث اشهر ب85

[فوق المستحيل]

فوق كل هذه النصايح..لا اريد ان احبطكم

فالبلايستيشن 3 بالاون لاين لا تقدم خدمات بجودة عاليه..

[barca-ps3]

انا اشتراكي فاستيلكو ..

1MBps

مشترك 3 اشهر ب 150 دينار !

والسنوي اظن ب 350 !!!

بس الحمدلله مافيه لاق ولا شي .. وممتازل للـ اونلاين ^_~

[PremaFrost]

اخوي وين حصلت هالعرض ثلاث اشهر 512 ب 64؟ العرض بموقعهم لثلاث اشهر ب85
هذا الحجى من شهر عشره الى طاف كانت عروضهم حلوه

[BRAZILIYA]

اشكر الجميع على المشاركة بالموضوع بصراحة لاني وايد استفدت من كلامكم واتوقع غيري بعد استفد او ياخذ فكرة على الاقل :)

ان بهالاختيار ماخذة حذري لان ادري لعب الاونلاين ممتع جدااا ويكون ادمان بعد خاصة العاب حلوة بالطريج ياية وملينا من اللعب بروحنا :bawling:
نبي مشاركة مع الغير بكل انحاء العالم:swordfight: لوووول

اخي الكريم فوق المستحيل شلونك عساك بخير:ciao:


..عشان ميتل جير...تستاهل اللعبه دي اس ال وفوق الدي اس ال


صدقت والله ان من كبار العشاق بهاللعبة من الجزء الاول :silly:


تبين نصيحه قويه

هههههههههه ابي نصيحة تكسر الدنيا


بالبدايه لا تاخذين اشتراك سنه...والله يصير معاج النت بطئ او مشكله تتبهدلين بهدله على الفاضي

جربي شهر مع كوالتي ولما يخلص جربي الشهر الثاني من كيمز وبعدها نتورك ( لكن نتورك مااعتقد يعطونج شهر لازم اكثر ) مجرد اعتقاد

هذي ثلاث شهور من شهر 2 لي غايه شهر 5 تكونين مجربه كل الشركات

وشهر 6 تنزل ميتل جير ...ووقتها تكونين عارفه اي شركه افضل للنت

لكن مازلت اصر على ان السيرفر اهم شي..احنا محكومين بسيرفر سعودي...يعني اللاق سببه الرئيسي السيرفر...وبعد مسافة السيرفرات الي نلعب معاهم

واكرر لا تجازفين وتشتركين سنوي بالبدايه..جربي شهر بعدين اشتركي سنه

وديرلي بالج ترى سرعه 1 ميج..بعض مناطق الكويت ماتتحملها..حتى ولو قالوا لج تتحمل..ترى ماتتحمل يقعد يفصل معاج كل فتره...فعشان جذي اقولج افضل شي جربي شهر بعدين حددي الشركه بعدين اشتركي سنوي


مشاءالله اخوي انا راح اخذ كلامك بجد والله ومشكور عالخطة بصراحة رائعة ومشكور عالمعلومات الي مادري عنها وتفجأت على نقطة ال1 ميجا انه بعض مناطق الكويت ماتتحمل شي غريب ومخيب للامال بصراحة


ترى نصيحتي فيها منطق لحد يضحك علي

لا اخوي شدعوا اكيد فيها منطق:) وانا راح ادرس خطتك واشوف باذن الله الكريم
واشكرك على مبادرتك الطيبة ومتابعة الموضوع بس صدقني تعلمت كثير منك ومن المشاركين لان الامور تتضح خاصة مع المجربين

يعني صار اختياري بين كيمز وكواليتي

[BRAZILIYA]

اشكر اخواني الكرام كلهم عالمشاركات الطيبة

الشركتين الي قاعد يتصارعون على رضا الزباين

اهما كواليتي VS كيمز ======>:AR15firing: :p

كواليتي خدمة ممتازة ..قد تكون غالية
كيمز رخيصة.. خدمة مقبولة

[ShRsHr]

السلام عليكم

من واقع تجربتي الاوله في الانترنت اشتركة اولا في شركة كوالتي وسبب قوة دعاية والاعلام على هل شركه
ولكن صادفة مشاكل لاق يمكن لان المنطقة الي انا فيها ضغط وخدمة العملاء يبيلهم خمس دقايق او اكثر على مايردون عكس كيمز الي ماتاخذ معاهم دقيقه

ومن واقع تجربتي ثانيا شتركة في شركة كيمز وسبب كان رخص السعر وكنت متوقع انها ماراح تكون مستوى
شركة كوالتي وسبب الرئيسي كان الرخص ولكن تفاجئة في نهاية ان شركة كيمز هي اقوى من كوالتي

من كل نواحي خدمة العملاء السرعه اسرع من كوالتي الاشتراك مايفصل معاك ابدن ولاق مايوجهك الا لحظات ويمكن ماتذكر وفوق هذا كله فرق السعر لان كيمز اسعاره ارخص

وفي النهاية احب اقول ان كوالتي دعاية وبس
وهاذي من تجربتي الخاصه للشركتين ومع حترامي للجميع

[PremaFrost]

السلام عليكم



من واقع تجربتي الاوله في الانترنت اشتركة اولا في شركة كوالتي وسبب قوة دعاية والاعلام على هل شركه
ولكن صادفة مشاكل لاق يمكن لان المنطقة الي انا فيها ضغط وخدمة العملاء يبيلهم خمس دقايق او اكثر على مايردون عكس كيمز الي ماتاخذ معاهم دقيقه


ومن واقع تجربتي ثانيا شتركة في شركة كيمز وسبب كان رخص السعر وكنت متوقع انها ماراح تكون مستوى
شركة كوالتي وسبب الرئيسي كان الرخص ولكن تفاجئة في نهاية ان شركة كيمز هي اقوى من كوالتي


من كل نواحي خدمة العملاء السرعه اسرع من كوالتي الاشتراك مايفصل معاك ابدن ولاق مايوجهك الا لحظات ويمكن ماتذكر وفوق هذا كله فرق السعر لان كيمز اسعاره ارخص


وفي النهاية احب اقول ان كوالتي دعاية وبس

وهاذي من تجربتي الخاصه للشركتين ومع حترامي للجميع


ماازيد من هالكلام اكثر خدمه عملاء محترمه جدا
والاشتراك ماعليه كلام ممتاز من جميع النواحى

[FARES360]

انا مرتاح مع فاست تلكو :)

[joker_zambrotta]

انا مشترك بالخمطة بربع

[FARES360]

انا مشترك بالخمطة بربع

على طاري دعاية فاست تلكو الي يقول " انا فاست تلكوا وانا خمطة بربع "
اهما شنو قصدهم لأنه الي فهمته من هالدعايه انه قصدهم
واحد حاطله Dsl والثاني نظام كروت dailup ..

هذا قصدهم لول؟

[Black.3ye]

اخوان شنو هي اسعار كيمز حق اتصال 256&512
و ريت تحطولي رابط الشركه شكلي بسحب سيفون علي يونايتد نتوركس

[فوق المستحيل]

اختي برازيليه بالتوفيق يارب وبصراحه اخجلتيني بكلامج الطيب واحنا ماسوينا شي وانتي تستاهلين اكثر

والي اشوفه ان الخيار بقى لكوالتي وكيمز

لكن من باب الفضول قلت بجرب كيمز الشهر الجاي

بصراحه من يومين وانا ادق عليهم...ولا احد يرد..كله يقولون لي الخطوط مشغوله لاعت جبدي

فقلت في نفسي...شلون لو يصير معاي عطل او خراب...وادق عليهم ويقولون لي الخطوط مشغوله وتستمر المده ليومين بعد..اعتقد راح يجن جنوني !

خصوصا لما يقولون number busy please wait ويقولون You are number 1 in line حفظتها من كثر مايقولونها !

هذا وانا number 1 in line شلون لو الثاني او الثالث !ّ

بصراحه اول انطباع لي عن هالشركه...سوء خدمه العملاء !

رقمهم 822822

بالخط العريض : مستوى شركات الانترنت بالكويت متدنى جدا..وهذا واضح من الاختلاف الكبير بين اراء الاعضاء في افضل شركه

بالعاميه : مالك الا خشمك ولو انه اعوج !

[BRAZILIYA]

اخوي فوق المستحيل كيف حالك

شنسوي ماكو شركة perfect او سنعة نفس الدول الي بره الي 24 ساعة اونلاين بدون لايفصل ولا شي مادري متى الشركات تتطور ويحلون خدمه السرفرات على قولتك ملينا

بالنسبة لي راح اسال اكثر عن كواليتي وكيمز لكن شكلي بتجه لي كيمز عشان اسعار مقبولة ومافيها زباين كثر كواليتي لاني احسها غالية علا ولا شي والله كريم ونجرب ونشوف...

واخوق فوق المستحيل انت اول واحد راح اضيفه بلائحة الاصدقاء عشان العب اونلاين معاك بعد اذنك طبعا :)

انا قاعد افكر باسم id حقي من الحين من كثر ما انا متحمسه هههههههه

[فوق المستحيل]

من دواعي سروري..واهلا سهلا فيج ..بالعكس ماعندي مانع في الاضافه وهذا شرف لي

لكن كيمز خدمه عملائهم ان كانت بهالطريقه.....فالطريقه راح تفشل !!!!

جربي كوالتي وجربي كيمز..كلهم شهرين او اقصى حد ثلاث شهور..واحكمي بنفسج

التجربه افضل معلم

[الحب المستحيل ج]

يا اختي وضحي شنو تبين بالضبط؟

ماني فاهمااه عليج؟؟

[ShRsHr]

السلام عليكم شباب

اذا بنسوي مقارنه بين خدمة الانترنت عندنا وخدمة الانترنت في اوربا
ودول ثانيه اكيد مافي وجه مقارنه لان الفرق واضح

والسبب ان في اوربا ناس يشبكون بدون كنترول وبدون اي مراقبه على شبكه والاي دي مالك عكس هني الي يحتم عليك المراقبه وحجب بعض المواقع والسبب
ان منطقة الشرق الاوسط والعرب بنظرهم منطقه ارهابيه ولازم يحطون كنترول عليها وهذا شي الي مخلي الانترنت عندنا متدني المستوى

وبخصوص شركات انا مستغرب من كلامك والله يافوق المستحيل انا شتركة مع كوالتي سنه اسعارهم خياليه وعروضهم وايد ودعاياتهم وايد والاشتراك ضعيف
وخدمة العملاء اضعف كيمز الحين مسويه عرض وباقيله ثلاث ايام 256kp سنه كامله 96 دينار يابلاش وفوق هذا كله خدمة الانترنت لاباس فيها

وفي النهاية كل واحد وله وجهة نظر

[فوق المستحيل]

اهلا فيك عزيزي

صدقني انا لم اقل ان كوالتي افضل شركه ولكن قلت مالك الا خشمك ولو انه اعوج

صحيح هناك من يقول ان كيمز جيده

لكن هل يعقل اني اتصل عليهم من ثلاث ايام ولا احد يرد !

اما خدمه عملاء كوالتي نت..فااسمح لي ان اختلف معك...لان الكل مجمع انها افضل خدمه عملاء

كل الشركات سيئه فالبتالي اصبحت العمليه هي عمليه اختيار افضل الاسوء

[BRAZILIYA]

هلا اختي الحب المستحيل ج


يا اختي وضحي شنو تبين بالضبط؟

ماني فاهمااه عليج؟؟


ابي سلامتج اختي الكريمة ;)

انا مابي شي لكن الموضوع يتكلم عن شنو افضل شركات الانترنت في الكويت من ناحية اللعب بالاون لاين ...من ناحية السرعة عدم التقطيع والسعر....الخ
وشكرااا

[BRAZILIYA]

هلا اخي shrshr وعليكم السلام



اذا بنسوي مقارنه بين خدمة الانترنت عندنا وخدمة الانترنت في اوربا
ودول ثانيه اكيد مافي وجه مقارنه لان الفرق واضح


كلامك صح 100%

والسبب
ان منطقة الشرق الاوسط والعرب بنظرهم منطقه ارهابيه ولازم يحطون كنترول عليها وهذا شي الي مخلي الانترنت عندنا متدني المستوى


اول مرة اسمع هالمعلومة بصراحة تفاجأت ...والسبب محزن جدااا
شكراا اخي الكريم عالمعلومات وعلى المرور
وبالنسبة لكلامك بخصوص شركة كيز كلامك صح اسعارهم بلاش
لكني متفاجة من كلام اخي فوق المستحيل من انه صارله 3 ايام يتصل لكن ماحد يرد هممممم شي غريب...

[joker_zambrotta]

والله انا عندي يونايتد نتوورك 1000% ممتاز جدا حتى بلعب الاونلاين والمنافسة بصراحه اشوفها بين كواليتي وينايتد نتوورك .. انا جربت الاثنين بس يونايتد احسن ولا مره افصلت .. والمودم مالها احسن خصوصا كواليتي اذا الواحد شال الراوتر وحطه وشغله ينطر 5 دقايق يلا يشتغل هذي المشكلة دها بايخه

[الحب المستحيل ج]

ماي سسترسوري

ما فهمت عليج

انتي شنو تقولين

سوووري تكلمي انقلش افهم

اند ثانكيووه

[BRAZILIYA]

Hi sis الحب المستحيل ج ;)

well as you see am asking about which internet company in kuwait
is the best in online playing

am asking the players (who is playing online) if their are happy and comfort with the company that they register to??

am asking them,,,,,
1-what is the company your registed to?
2- what is your speed?
3- how much is the payment in one month or 3 or....etc

and thats all
plz forgive my spelling and grammer i know its horrible :silly:

[الحب المستحيل ج]

..........

[الحب المستحيل ج]

اها
يس يس

فهمت الحين

سوري انااه ما اعرف بالشغلات

اند ثاانكيووه

باي

[البيكهام هام]

8888
هههههههههههههههههههه
والله انك جبتها:biggthump
انا اللي يقهروني خدمة العملاء مالهم خلق يتكلمون:12:
ناويلهم على نيه بس خلهم يصبرون شويه:Dبغير شركتي:birthday:

[MiNOoOoON]

هههه
اهم شي اني بردة جبدك :)

انزين اخوي بيكهام شلون السرعه بشرنا

جم سرعة اشتراكك ؟

والاون لاين ps3 شلونه ؟؟؟

[D.D.S]

فاست تلكو

خلك عن السعر .. ولو اشوفه مناسب ..

الخدمه 100%

وكل شىء ماشي تمام

[البيكهام هام]

هههه
اهم شي اني بردة جبدك :)

انزين اخوي بيكهام شلون السرعه بشرنا

جم سرعة اشتراكك ؟

والاون لاين ps3 شلونه ؟؟؟
سرعتي 512
الاونلاين زين بس المشكله مو هذه المشكله انه مستحيل يمر عليها 5 ايام وماتفصل هذا اذا كان مافيه مشاكل اما اذا فيه مشاكل تكره نفسك كل 10دقايق يفصل وزيد عليهم خدمة العملاء زفت مالهم خلق يتكلمون كأني اطر منه:28:بغير شركتي شكلي بس متى ماادري بعطيهم اخر فرصه اذا فصل معاي هالمره بغيرها:2in1:

[فوق المستحيل]

انصحكم بكوالتي...

[q8pro]

السلام عليكم

انا اشتركت قبل بيونايتد نيتورك سرعتي كانت 512 ب 25 دينار
الصراحة سئ جدا جدا
ماهقيت السنه تخلص وكنسلتهم
ورحت لكوالتي صرراحة فرق السما عن الارض جربت عندهم 512 ورفعته بعد سنه الى 2 ميقا
بس للاسف الخط مايستحمل رجعته الى 512
وعيال عمي عندهم 2 ميقا من كيمز يمدحونه

[P S]

هذا يمدح شركة :33:والثاني يكسر فيها :wow:

والشركات الباقية نفس الشي هذا يمدح وهذا يكسر:boggled:

زبدة الكلام شنو احسن شركة:12:

اشتريت ps3 صارلي شهر ومحتار شنو dsl احط :o

و300 دينار قطيتهم على الاشرطة :bigeyes: غير سعر الجهاز 220 مع اربع العاب :(

كل هذا عشان الاون لاين يستاهل :biggthump

والخوف من الشركات اللي قاعد اسمعها منكم تشكون وتونون شكلي ببيع الـ ps3 :ponder:

أخاف باجر بدال ما استانس وانا العب اون لاين كل اشوي يفصل واقوم انكد على نفسي عاد انا اذا شي بسيط نكد علي خلاص ما انام الليل :yuck:

شكلي بشتري x box 360 واقزرها كوبي لين الله يفرجها والعرب يتطورن وتصير شركات الـdsl نفس الدول المتقدمة :bigok:


بعدين نلعب اون لاين واحنا مرتاحين :D


فــ please يا شباب وصبايا اي شركة تشوفونها تستاهل للاون لاين لحد يمدح شركة على اساس مشترك فيها :28: على طول شوف اللي تستاهل ما نبي نندم على شي ناخذه

ابي شركة تستاهل لاني بشترك سنة على طول :)

وينك يا مجرب نبي نسألك ولا نسأل طبيب ;)

[FARES360]

fasttelco !! =] والباقي خمطة بربع ! ..