المساعد الشخصي الرقمي

مشاهدة النسخة كاملة : عام الى من يسكن و يقطن في الامارات


Resident Evil
21-12-2001, 08:23 PM
الى من يسكن في الامارات العربيه المتحده و في امارت راس الخيمه

ارجو منه ان يضع البريد بتاعه

او يجاوب على سوالي و هو يقول

اين اجد لعبت متل قير الكامله في راس الخيمة

تحياتي
Resident Evil
22-12-2001, 07:04 PM
فوق وفق

للرفع
DARK HDUKEN
22-12-2001, 07:43 PM
مرحبا Resident Evil ... طلبك موجود.. انا من أم القوين وانت من وين في راس الخيمة .. عندنا في
أم القوين محل موجود عنده ميتل جير DVD كوبي .. بـ60 درهم ... بس المشكة تحتاج القطعة الي تشغل جميع الانظمة .. ما تقدر تعتمد على S-BOX .. بس سمعت واحد من ربعي أنه سأل صاحب محل في ستي سنتر دبي عن القطعة قاله حاليا متوفرة قطعة NEO-KEY 2.5 ... تشغل الـCD و الـDVDالكوبي وما تشغل الاصلي لأي نظام غير عن نظام الجهاز نفسة .. لكن هالقطعة ما تنفع ( هو بنفسة قال هالكلام ) وبعدين ذكر شي عن قطعة ممتازة تشغل الاصلي والكوبي من كل نوع لجميع الانظمة وبتكون متوفرة بعد أسبوع .. على ما أظن أنها متوفره حالياً ... وإذا حبيت تشتري اللعبة المطلوبة فهي موجودة ومحجوزة لك وبعد إذا حبيت تشتري لعبة سايلنت هيل2 DVD كوبي .. أنصحك تشتري الالعاب قبل ما تروح عليك حتى ظهور القطعة وأنا منتظر ردك... سلاااااااااااااااااااااااااام :D :) ;)
Resident Evil
22-12-2001, 08:21 PM
اخي DARK HDUKEN

انا ابي اعرف المحل و ارجو منك ان تضع بريدك لكي نتفاهم بالموضوع على المسنجر

تحياتي
DARK HDUKEN
22-12-2001, 08:34 PM
للأسف ما أقدر أتكلم على المسنجير .. سالفة طويلة ما أقدر أتكلم فيها الحين... شوف انا حجزتلك اللعبة المطلوبة ... وهذي معلومات عن المحل :
أسم المحل : ميكي ماوس .
أسم صاحب المحل : زمير
رقم المحل : 7662367/06
ما جاوبتني .. أنت من وين في رأس الخيمة .. يعني من الظيت من النخيل من الرمس أو من الجولان .............. وأنا منتظر ردك ... سلاااااااااااااااااااااااااام ( ملاحظة: إذا شفت أن الموضوع حساس
أستخدم الرسأل الخاصة ) ... :D :) ;)
Resident Evil
22-12-2001, 08:48 PM
اخي

انا من العريبي يعني عند النخيل المسافه خمس دقايق

اخوي ممكن توضح عمل القطعه و ليش s-box ما تنفع مع التوضيح

تحياتي
Resident Evil
23-12-2001, 06:04 PM
:o :o :o :o
DARK HDUKEN
23-12-2001, 07:15 PM
آسف على التأخير .... وبخصوص الطلب أنا حاضر لو انشألله تطلب عيوني ترخص لك .. وهذا شرح بالتفصيل الممل ... :
شوف s- box .. ماتنفع ليش بسبب أنها مصممه لتشغيل الـCD الكوبي .. يمكن تستغرب وتقول ليش بالذات
الـCD ؟؟!! .. لان في فترة تصميم الـS-BOX كان وجود DVD كوبي صعب أو بالاحرى لا يوجد .. علشان هذا السبب كانوا القراصنة ينسخون اللعبة على CD حتى لو كانت اللعبة DVD يتم نسخها على CD بحذف بعض المشاهد بسبب كبر مساحة أو سعة الـDVD إلا بعد معرض جيتكس 2001 ظهر الـDVD كوبي .. بأختصار الـS-BOX مصمم لتشغيل الـCD فقط .
ألحين عمل القطعة الجديدة :
القطعة الجديد ظهرت مع ظهور الـDVD الكوبي وهي تركب على أي جهاز مهما أختلف نظامه وتكون داخل الجهاز لأنها chip بعكس الـS-BOX واللي هي مجرد قطعة تركب في فتحة الـUPS .. وعملها أنها تقدر تشغل الاصلي والكوبي أياً كان DVD أو CD . ولاي نظام .. يعني لو كان عندك PS2 نظام ياباني بتقدر تشغل عليه دسك أو لعبة أصلية أو كوبي من نظام أمريكي أو أوروبي .. وبعد في الـS-BOX تاخذ وقت حتى تشغل لعبة وحده يعني يمكن تاخذلك من دقيقتين لثلاث.. هذا لو أشتغل .. يعني فيها سالفة ( على الله لو أشتغل ) .. يعني تيلس تدعي يارب يشتغل .. يالله تخلي الدسك يشتغل .. لكن في القطعة الجديدة هذا الشي أنتها .. كل اللي عليم تحط اللعبة في الجهاز وتقول الله المستعان وتلعب ولا تشل هم التبديل ولا تعنى ... ومن الميزات الحلوة هو صدور الكوبي بسرعة بوجود هذي القطعة الجديدة .. شو سبب صدور الالعاب الكوبي بسرعة و شو علاقتها مع القطعة الجديدة ؟؟؟؟؟؟؟؟؟!!!!!!!!! شوف على الـS-BOX كانوا القراصنة يحتاجون مثل كود خاص أو مثل ما يسمى PATCH .. والملزوم يكون لكل لعبة كود خاص ومن دونه ما يقدرون يشغلون اللعبة المنسوخة وهذا الكود ياخذ فترة للبرمجته .. لو تلاحظ بتشوف أنه ألعاب الكوبي للـPS2 تنزل بعد فترة من وجود الاصلي عندنا .. على عكس السابق على الـPS1 .. وهذا لأن الكوبي يعتمد على الكود الرئيسي الموجود في النسخة الاصلية وتاخذلهم فترة حتى يبرمجون ويفكون الكود الاصلي وخولنه للكوبي .. ( شوف التعب) بس على القطعة الجديدة ما يحتاجون هذي اللخبطة والمشاكل أو ما تظهر النسخة الاصلية للعبة معينة يتم نسخها وطوالي على الاسواق .. يعني مثلاً عندك لعبة أصلية وأنا حبيت أخذلي منها نسخة تقليدية .. كل المطلوب مني أخذ هذي اللعبة الاصليه من عندك و أنسخها ورجعلك نسختك الاصلية .. وهذا من غير أنك تقدر تشغل الافلام والمسيقى لأي نظام أمريكي أو أوروربي أو ياباني .. شوف أكثر من هذا .. يعيني كأنك أشتريت ثلاث أجهزة من كل نظام .. يا سلام :D :D .. سعر هذي القطعة مب متأكد منه بس على حسب كلام صاحب المحل في السيتي سنتر - دبي قال أنها بتكون بحوالي 400 درهم .. هذا الي عندي من معلومات وأنا آسف على الاطالة .. وإذا تحب تستفسر أكثر أسأل .. ترى ما يردك إلا ألسانك ... سلاااااااااااااااااااااااااااام :D :) ;)
Resident Evil
23-12-2001, 07:31 PM
مشكور اخوي على التفصيل الممل

لاكن استانست وايد

و عندي سوال انت تقول القطعه تركب في البلي ستيشن يعني ((جب)) لاكن هل باثر على البلي ستيشن


==========
و انت طلعت تعرف راس الخيمه بذكر المناطق كلها ما تركت الا البعض المعدوده على الاصابع هل يمكن ان اتعامل مع محل في راس الخيمه يعني فرع من المحل الي ذكرته

لاني ما اقدر اي ام القوين السبب اني صغير و ما عندي ليسن (رخصة قيادة )

تحياتي
DARK HDUKEN
23-12-2001, 10:25 PM
العفو و انا حاضر لأي شي ثاني .. بخصوص فرع المحل فما بتلقى له فرع غير الموجود في أم القيوين
لأنه محل صغير على قدحاله بس تقدر تسأل أي محل يبيع الكوبي عندكم في رأس الخيمة وتطلبة منه ... بخصوص معرفتي لمناطق رأس الخيمة فلأنه لي أهل في الجزيرة الحمراء و أنساب و ربع في الجولان ..
وبخصوص القطعة ومدى تأثيرها على الجهاز .. فحتى هذي اللحظة يعتبر هذا الشي في علم المجهول ... بس
أنشألله من تتوفر القطعة بتأكد منها وبنشر كل التفاصيل عنها في أقرب وقت .. وأنا تحت أمرك لأي خدمة ثانية :D :) ;)
ميكي ماوس
24-12-2001, 12:01 AM
انا من ام القيوين وسرت عند محل ميكي ماوس الي في الشعبية البيضاء وسالته اذا كان ايبيع سايلنت هيل2 كوبي ديفيدي .......................................فقال لي انا ما عندي غير اشرطة تقليد مال السوني2 ولاكن مافي العاب تقليد على الديفيدي...................وعلى فكره انا عندي هذي القطعه الي تشغل الدفيدي و النقلي والاصلي البال والانتي س والياباني ومشترنه من محل في ام القيوين ب350درهم بس راعي المحل قالي الاتخبر حد اني ابيع هذي القطعه:واو:
DARK HDUKEN
24-12-2001, 12:19 AM
مرحبا ميكي ماوس .. ماشألله أول مرة أعرف أنه واحد ثلاث من أم القيوين موجود معانا في المنتدى .. على فكرة نسخة اللعبة المطلوبة موجودة عند المحل المذكور .. بس هو ما يبيع إلا لزباينه المعروفين .. إذا تبغي شي من هذي الالعاب أنت قولي وانا بوصيه عليك .. وبالمناسبة القطعة اللي عندك .. أشتريتها من عند السهم الفضي ..أقصد من عند خيري ... ؟؟؟!!!! منتظر ردك باسرع وقت .. سلااااااااااااااااام :D :) ;)
Resident Evil
24-12-2001, 04:21 PM
مشكور اخوي DARK HDUKEN

على الرد على موضوعي
و اذا كان عندي اي سؤال ما بلاقي حد يجاوبني غيرك

تحياتي
براد بن بت
25-12-2001, 12:06 AM
أنا كنت مستانس .. من يومين .. راد من ماليزيا و نافخ الشنطه من كثر الالعاب ومن هالالعاب كم لعبه دي في دي كوبي .. بس قالولي ما بتشتغل الا بالقطعه اليديده ... يا خساره ... وين هالقطعه .. انا بسأل في دبي .. في محل كنت مركب عنده الاس بوكس
DARK HDUKEN
25-12-2001, 11:29 AM
مرحبا براد ... والله شوف على حسب الكلام المذكور كل المعلوات المتوفرة عن القطعة الجديدة سمعتها من واحد من ربعي وهو بدورة سأل صاحب المحل في سيتي سنتر دبي وقاله كل الكلام المذكور في رأس الموضوع
... إذا انت من دبي سر عند أي محل في الستي سينتر و أسأله عن القطعة ... لا نخاف لأنه هذي المحلات ما تهتم لكلام الوكيل ( جامبو ) و خبرنا بعدين شو اللي صار معاك:) ... على فكرة أنت قلت ( راد من ماليزيا و نافخ الشنطه من كثر الالعاب ومن هالالعاب كم لعبه دي في دي كوبي ) شو من ألعاب الـDVD كوبي عندك ؟؟ وبكم بنباع في ماليزيا ؟؟؟ سلاااااااااااااااااااااااااام :D :) ;)
براد بن بت
25-12-2001, 02:18 PM
اولا يا خي لا تعتمدون على محل الستي سنتر .. هذا حرامي .. غالي بشكل .. في محلات عندنا في الكرامه .. تركب القطعه .. وعن أسعار الالعاب في ماليزيا .. الدسك العادي 4 دراهم ... الديفدي الكوبي 20 وعلى فكره كل ما تشتري أكثر تحصل خصم أكثر .. والفيلم ب7 .. والنسخه الكامله 13 ...

وبعد خذيت جيم كيوب بألف .مع جويستك ولعبه .. اللعبه يابانيه معدله تصلح للعبه اليابانيه والامريكيه عن طريق مفتاح صغير .. واذا عندكم فكره وين بلقى العاب الكيوب رخيصه وبكم في دبي قولولي ؟؟
DARK HDUKEN
25-12-2001, 02:57 PM
في دبي والله ما أدري .. بس من فترة يعني حولي سنتين كنت أشتري من دكاين بتلقاهم عند سوق الوصل في نايف ... أول وقفوا يبيعون الكوبي بسبب الرقابة لكن الحين سمعت أنهم ردوا يبيعون الكوبي .. أقول ما جوبتني شو من ألعاب الـDVD اللي عندك ??? سلااااااااااااااااااااااااااام :D :) ;)
براد بن بت
25-12-2001, 09:57 PM
هلا في محل في الكرامه .. ياب القطعه .. وبيركبها .. بس ما عنده العاب .. باكر بسيرله وبجرب الالعاب اللي عندي

الالعاب اللي عندي
fifa 2002
ssx triky
tony hawks3
ace compact 4
grand theft auto 3
gt3
متيل جير
ما ادري هالالعاب اللي اذكرهم بس كان في حوالي 50 لعبه ... الوحده ب 20
DARK HDUKEN
25-12-2001, 10:47 PM
يا سلاااااااااااااااااااام على الالعاب الحلوة ... اللهم لا حسد .. أنا بس عندي ميتل جير وسايلنت هيل 2 .. على فكرة انت قلت أنه المحل يركب القطعة الى تشغل الالعاب الـDVD كوبي هل أسم القطعة neo key 2.5 .. او إن القطعة المذكورة تشغل جميع الانظمة .. وألله يخليك عطني رقم هاتف المحل لو سمحت .
و مشكووووووووووووور على الخبر الحلو ... سلااااااااااااااااااااام :D :) ;) :D :D :D
براد بن بت
26-12-2001, 06:29 AM
المحل في مركز الكرامه ما اعرف رقمه .. ولا اسمه ..
ميكي ماوس
27-12-2001, 12:46 AM
اسف اني مارديت عليك بسرعه ...........على العموم انا كنت اكذب عليك يوم قلت انه عندي هذي القطعه بس كنت ابى اشوف انته شو بتسوي....................هاذي القطعه اول واحد قالي عنها خيري مال النجم الفضي من اربع شهور بس كلمره اسيرله يقولبدورلك هذي القطعه .................ابى اعرف انته عندك سايلنت هيل2 كوبي والااصلي .............انا عني بس شريط واحد اصلي هو ميتل جير سولد2ويم شريته فلست تقريبا لالنه كان ب250 درهم وانى ما اشتغل ولاشي فصعب اني اشتري اشرطه الصليه وايد...............اقواك محل ميكي ماوس يبيع شريط دارك كلاود DVDاسألي عنه لوسمحت لالنه انا عندي واحد نقلي بس بلياباني مشترنه من ماليزيه ب4درهم وشفت الفرق بينه وبين الاصلي عند واحد ربيعي..لوشفت الفرق بتتخبل اتقول فرق السماء و الارض انقلي مقطع الين ما تقول بس .....................لوسمحت اذا عرفت اي معلومات عن القطعه قولي......وابى اعرف وين الكرامه هذي




:": :": :":
ليث
27-12-2001, 09:54 AM
أنا سمعت أن في قطعة جديدة يبيعها هذا الموقع http://www.ps2covers.nu/MC_order.asp و هي من مصنع تايواني أو من هونج كونج و هي تحمل نفس مزايا قطعة Messiah بس يمكن ما تتركب إلا على النظام الأوروبي لكن هل يوجد موقع يشرح هذي القطعة من مصنعها اللي في تايوان أو هونج كونج؟ لا ندري حتى أنهم لم يذكروا اسم القطعة.
DARK HDUKEN
27-12-2001, 01:36 PM
مرحبا شباب كيف الحال وهذي ردودي :
براد بن بت : مشكور على المعلومات .. و أنشألله بسير مركز الكرامة وبتأكد وبوافيكم بالاخبار .

ميكي ماوس : لا..لا خذ راحتك وبخصوص القطعة هي حقيقتاً ماوصلت وأنا متابع أخبارها يوم بعد يوم .. وأنشالله أول ما توصل بنشر عنها خبر في المنتدى .. وبخصوص الالعاب المطلوبة أنا عندي ميتل جير و
سايلنت هيل 2 DVD كوبي .. وأنا شارنهم من محل ميكي ماوس بـ60 درهم .. وبتلقى شي من النسخ موجودة عندة.. بس الالعاب هذي ما تشتغل على الـ S-BOX لازم تركب القطعة الجديدة وأنا سمعت أن قطعة متوفرة حالياً تشغل الـDVD الكوبي لكن بطريقة الجيم شارك وأسمها neo key 2.5 لكن حتى الحين الخبر مب أكيد ويمكن تكون أشاعة و بخصوص دارك كلاود إذا أنت تبغي اللعبة الاصلية تقدر تطلبها من صاحب المحل .. وبتلقاها في أقل من ثلاثة أيام .

ليث : مشكور على الوصلة .. وإذا كانت القطعة من أنتاج تايلند أو هونكونج( الصين) أو أي دولة من دول نمور آسيا .. فهذي مقدور عليها وسهل أنها توصل عندنا .. على عكس قطعة Messiah لانه أنتاج أوروبي وأنها موجه لدول أوروبا وامريكا فقط على عكس الاسيوي واللي هم يراعون الدول العربية ويعروفن كثرة الناس اللي تحب تشتري الكوبي في بلاد العرب .
هذي كل ردوردي على مشاركاتكم وإذا في اسألة ثانية فأنا حاضر ....... سلااااااااااااااااااااااااام :D :) ;)
ليث
28-12-2001, 11:21 AM
إلى الأخ براد بن بت ها خبرنا شو استوى معاك اشتغلت القطعة و لا إيش؟
براد بن بت
28-12-2001, 05:55 PM
والله صاحي المحل الحبيب قالي بيتصل .. بس ما شي خبر الى اليوم انا بمر عليه باكر انشاء وبشوف ..
ليث
31-12-2001, 04:05 PM
يا براد كيف ما رحت عنده خبرنا.
براد بن بت
01-01-2002, 01:21 AM
كل عام واالكل بخير انا كنت مريض من يومين وانا اليوم طلعت من المرض احتفل بالعام الجديد .. بقولكم الاخبار حال ورودها واسمحولي