انا ليا حقوق

[طارق شرقاوى]

مين يوصل صوتى لفوق
ويخرج حسى المخنوق
كل شىء فينا مسروق
عايز اعيش انا ليا حقوق
منايا اكون عصفور واطير
اعدى واجرى من الصندوق
كله يهون وتانى اغنى
تعبت خلاص من المسلوق
رجال اعمال ربا شغال
بقينا فى سوق
وملانا الغش
والخلق ياعالم مش لاقيه المش
ولاعهد فاروق
وتقول الحق
تتهان تتدق
وفى لحظه تفوق
ارجع ياحمار
ماسك مزمار
مجنون محقوق
خاين غدار
خليك محتار
نضربو باالنار
لقيناه مشنوق
عايز توصل يابنى لفوق
استنى فجر شمس شروق
خليك صغير
مش عايزك تكبر
عايزك حندوق
وتشم نشوق
طفح الكيل وطال بينا الليل
وطريقنا طويل
كلنا محروق
ومرار بندوق
كلمة حق بقولها بصدق
انا ليا حقوق
وبقول للعالم بعلنها ياظالم
اصلك مش ذوق
وايادى خفيه بتلعب بيا
حاطين مسحوق
وجناب الوالى
والباب العالى
سلطان عثمانى
اهدى يازرزار
بديك انزار
اتخرب الدار
وملكش حقوق
معرفش هزار
قضيها خضار
وانسى الجزار
خليك واد ذوق
فرفش حتروق

[غالي الساهر]

هلا أخوي طارق ،،

وكما تعودنا منكَ الجميل دائماً ومميزة لغتكَ الرائعة
فقط لدي ملاحظة وهي التنسيق



وفى لحظه تفوق
ارجع ياحمار
ماسك مزمار



وإختيارك لكلمة لا يجوز أن تُكتب في الأدب وقد أقتبستها لك فحاول تفادي مثل ذلك .

دمت بخير وفي إنتظاركَ دوماً

تحياتي
غالي الساهر

[مهاجرة إلى الله]

مرحباً بكلماتك من جديد أخي طارق..

لهجتك المميزة بات لها وزنٌ هنا..

قد أحسست بكلماتك وبحرقتك فيها..

أرجو ألاّ تصادف القهر والحزن أبداً..

ننتظر من قلمك المزيد..

تحية

[طارق شرقاوى]

هلا أخوي طارق ،،

وكما تعودنا منكَ الجميل دائماً ومميزة لغتكَ الرائعة
فقط لدي ملاحظة وهي التنسيق


وإختيارك لكلمة لا يجوز أن تُكتب في الأدب وقد أقتبستها لك فحاول تفادي مثل ذلك .

دمت بخير وفي إنتظاركَ دوماً

تحياتي
غالي الساهر


اخى الغالى غالى الرائع
معك فى كل ماتقول او تعلق
واسمحلى هذا يعتبر من الشعر الحر الساخر
تحياتى لك صديقى

[طارق شرقاوى]

مرحباً بكلماتك من جديد أخي طارق..

لهجتك المميزة بات لها وزنٌ هنا..

قد أحسست بكلماتك وبحرقتك فيها..

أرجو ألاّ تصادف القهر والحزن أبداً..

ننتظر من قلمك المزيد..

تحية


اشكرك اختى الاميره
على تنويرك الصفحات
تحياتى لكى