المساعد الشخصي الرقمي

مشاهدة النسخة كاملة : الشبكة فقط لسكان الامارات (( مشكلة دخول شبكة البلاي ستيشن )) PSN >> ادخلو هنا


the_sniper
03-03-2008, 06:35 PM
سلام عليكم ...

هذا المشكله صايره في الامارات ... و طبع مو كل مكان .. مناطق معينه من الدوله .. و سبب المشكله .. هي انه اتصالات في الفتره الاخيره .. سكرت بعض من الـPorts ... و هذا سبب في انه بعض من سكان دولة الامارات مايقدرون يدخلون شبكة البلاي ستيشن ...

انا اليوم اتصلت في sony customer service الي هي في الامارات و هذا رقمهم 8007669

و قالولي طرش على هذا الإميلcicsony.sogul@ap.sony.com

معلوماتك .... و هي

ip address
(( الي مايعرف يطلع الـIP للـps3 ))

ادخل من السوني على البراوزر نت ... و اكبت هذا الموقع ..
http://whatismyip.com/
و شوف الرقم لي بيطلعلك هو الـIP address للجهازك PS3

المهم هذه هي المعلومات الي هم يبونها

ip address
نوع الاتصال (( cable or wireless ))
سرعة الاتصال
المنطقه و مكان السكن .. (( يعني الشارقة و اسكن في سمنان ))
نوع الراوتر


يفضل انك تكبت المعلومات باللغه الانجليزيه ...
و هم بيكلمون اتصالات و بيعطونهم المعلومات عشان يحلون المشكله ...


اتمنى تنحل المشكله بسرعه


و مشكورين


^_^
soul_UAE
03-03-2008, 09:31 PM
يعطيك العافيه اخوي سنايبر .................

انا اليوم سويت اب غريد للشامل من 1 ميجا للــ 4 ميجا وبانتظر اذا مانحلت المشكله بطبق الخطووات الي ذكرتها ....

لاني بصراحه مليت لا اون لاين ولا استورررر صارلي كم اسبوع على ها الحال ............

وان شاء الله بوافيك باخر اخباري مع ها المشكله ............
the_sniper
03-03-2008, 09:42 PM
العفو اخوي ....

المشكله مو من السرعة النت ..

انا عندي 4 mb ...
و عندي 2 mb ...

و نفس المشكله على الاثنين .... المشكله من الـPort

لازم اتصالات اتعرف الـIP مالك عشان يفتحون الـPort


^_^
Cador-Knight
03-03-2008, 09:47 PM
السلام عليكم

انا عندي نفس المشكله

عندي 2MB وهو فيه المشكله

اما خط اخوي شغال بدون مشاكل وهو عنده 1MB

الايبي عندي يبدأ بـ 92 اما خط اخوي اللي هو شغال فيه الـ PS3 يبدأ بـ 84

فـ المشكله من الايبي 92

وانا الحين اللعب على خط اخوي :)

السكن ( الشارقه - غافيه )
soul_UAE
04-03-2008, 06:14 AM
يعني ما بيتغير الــIP في حال تغيرت سرعت النت ....... لانهم بيعملون للخط تحديث ........

من اول مايتحول الخط الجديد عندي بتاكد من الــ IP اذا تغير ولا لا لانه الي عندي حاليا يبدأ 92 ..........

وان شاء الله خير .....
Cador-Knight
07-03-2008, 07:03 AM
اليوم جربته وهو شغال

جربوا الحين وشوفوا
ahat45
08-03-2008, 07:13 PM
يعطيك العافيه اخوي سنايبر .................

انا اليوم سويت اب غريد للشامل من 1 ميجا للــ 4 ميجا وبانتظر

..........

أخي خلك على 1ميجا ابرك لك ما في فرق بين السرعتين كلام فاضي بس 450درهم شهريا:12: على الفاضي.......اناسويت اب غريد نفسك وما لحظت فرق بين السرعتين الشي الوحيد ان سرعة الدونلواد تزيد في الفترة الصباحية فقط وزيادة عدد البريد الاكتروني الى خمسة(الهوتميل+الياهو يكفو وويفو)...........بالنسبة لي احسن سرعة 1ميجا :biggthump
soul_UAE
08-03-2008, 08:58 PM
مبروووك ياشباب المشكله انحلت ........... بس كيف لحد يسالني ............

اليوم جربت واشتغل وكل شي اوكي .........

اخوي ahat انا اشتركت وتم تحويل السرعه من 1 لــ4 خلني بس اتعامل معاها كم يوم واعرف اذا في فرق يستاهل او لا ......... ولي عوده
وصلاوي2
25-03-2008, 09:31 PM
تسلم أخوي ع الموضووع ويعطيك العافيه ^^

بس يا أخوي أحس انه المشكله من اتصالات .. لأني أنا أول ماخذت البلاي ستيشن
كان يعطيني NAT2 وبعد كم يوم عطاني NAT3 وبعدين قلت بغير في الآي بي من الروتر
وتغير ورد NAT2 , بس في اليوم الثاني نفس الحاله رد يعطيني NAT3 .

واعتقد انه الخلل يمكن من اتصالات.
وصلاوي2
25-03-2008, 09:34 PM
تسلم أخوي ع الموضووع ويعطيك العافيه ^^

بس يا أخوي أحس انه المشكله من اتصالات .. لأني أنا أول ماخذت البلاي ستيشن
كان يعطيني NAT2 وبعد كم يوم عطاني NAT3 وبعدين قلت بغير في الآي بي من الروتر
وتغير ورد NAT2 , بس في اليوم الثاني نفس الحاله رد يعطيني NAT3 .

واعتقد انه الخلل يمكن من اتصالات.
fall out boy
28-03-2008, 09:30 AM
و صلاوي ممكن ايميلك
fall out boy
28-03-2008, 11:25 AM
انا يوم اسوي
conection test يطلعلي nat 3
تطلعلي رساله اتقول
the router in use may not support IP fragments