خلااص كفاااية! [الأرشيف]

F4bry

24-03-2008, 02:01 PM

.

.

.

.

.

السلام عليكم ورحمة الله وبركاته :أفكر:

بدون مقدمات او اي شي انا بدخل في الموضوع مباشرة , خلاص كفاية لاق وتعذيب

يمكن تقولون لي لو بحثت في المنتدى شوي بتلقى حلول , لكن صراحة مافي حل واحد

ينفع , انا مواطن سعودي :blackeye: من اهل الرياض DSL/256 كل شهر اغير الشركة

لعلي القى وحده ممتازه لكن بكل اسف لم اجد شي ينفع , كلها متقاربه جدا يعني مافي

فايده من التغيير , جربت Proxier اللي حطه اخوي العوق ودخلت بروكسي الشركة

proxy.shabakah.net.sa وهو بروكسي الشركة لكن يقول انه لا يمكن استعمال

proxier عن طريق البروكسي حقي , جربت YF لكن للاسف معقد ولا فهمته بعد ويقولون

كل شوي DC , جربنا طريقة في الـ Youtube اللي تنقصه 100 بس :D ما درينا عنها

كاني اخذ من شعر راسي شعره , ما نقص شي , وجربت Fasterping ما سوا شـي

الحين انا استسلمت صراحه ولا ادري وش الحل لهالاق الفضيع , هاللاق جاي بعد ما خربو

كيبلاتنا وحاسو الدنيا , اللي عنده حل ولا شي يكتبه هنا لعل تنفع طريقه من

الطرق وينفع به اخواننا الموجودين في المنتدى وفي الخليج اللي متاكد من انهم يعانون مثلي

والسلام عليكم ورحمة الله وبركاته :أفكر:

M.A.X.M

24-03-2008, 02:09 PM

السلام عليكم

شف انا ماقدر اساعدك بس انشاء الله الاخوان مايقصروون
بس اذا كان عندك تقطيييع اتوقع انك لازم تغير كرت الشاشه
وكم الاج يصك عندك بالعاده ؟...

.:: Expert ::.

24-03-2008, 02:11 PM

المشكلة الظاهر من اشتراكك
لانه انا عن نفسي من بعد مشكلة الكابلات صار البنق احسن حته من قبل المشكله
150-300 وقبل المشكلة كان يثبت على 400-500

وماقول غير الله يعينك...كلنا العرب نعاني من هالمشكله وترا والله حته لو 150-300 البنق ماتهنينا بحلاوه اللعب
شوف عند الاجانب اذا وصل 80 عدنهم لاااااااااااق
تحصلهم يلعبون على 20-50 واللعبه احلى من الحلاوه عندهم...اول مايضغطون عالسكل على طول يحمل كاست بار
ونحن التاخير ذابحنا
ومثل ماكتبت في التوقيع
حـتـى فـي الـنـت
تـخـلـف!

Smart Player

24-03-2008, 02:12 PM

غريبه معه اني اعرف ناس من السعوديه يلعبون بدون اي مشاكل
واشتراكهم نفسك 265 -_-" , الله يعينك اخوي
وسامحني والله ماعندي اي طريقه غير طريقة اليوتوب :S

Rocky29

24-03-2008, 04:44 PM

والله اخوي انا كنت اعاني مثلك الاق عندي كان من اسبوع 10000 20000 ويصير 1000 و700 بس كل سبارك لاق وكل تفصل طبعا جربت كل شي ما نفع بس صار لي كم يوم الاق 400 في الريد 600 نادر اذا جا ني لاق انا استخدم اشتراك نسما 256 الله يعينك اخوي والله يفكنا من شركة الاتصالات الحرامية المتخلفين المشكلة من عندهم مش من الشركات..

iloik

24-03-2008, 05:10 PM

بكل بساطة ارفع السرعة وريح نفسك

انا سرعتي 1 ميجا وفي لاق اجل انت كيف

F4bry

24-03-2008, 07:10 PM

Stormstriker

24-03-2008, 08:09 PM

والله لو اللاق تحت 1000 مو مشكلة نتحمل
كل 1000ms = ثانيه وحدة تأخير اللعب
وكرت الشاشه ممتاز واللعبه مافيها تقطيع بس اللهم هاللاق
اذا جيت تظغط على NPC ياخذ 3-10 ثواني عشان يلتفت
يعني حاله صعبه
ههههههههههههه... والله حاسس فيك... النت عندنا سئ بمعنى الكملة :D
وأذكر مرة يوم اني في الأرينا... متحمس مرة.. لن الـqueue طولت -_-"
يوم نادونا... عاد انا قلت جاك الفرج يوم دخلت الأرينا ماأمداهم يفتحون الأبواب... الا DC على وجهي -_-"... من ذيك المرة حقدت على النت... مع العلم انه مو اول مره تصير لي :أفكر:
والمشكلة يوم شبك معاي ولقيت اننا خسرنا جيم واحد... طلع عندي النت احسن من الأجانب نفسهم... -_-"
اتمنى يصلحون هذي المشكلة في اقرب وقت -_-"
وانا عن نفسي مشكلتي نفس مشكلتك. :boggled:

F4bry

24-03-2008, 10:52 PM

والله قهر انا بعرف دولة بهالميزانية الهائلة وش ناقصها عشان ما تصلح

الانترنت ؟ الحين وانا قاعد اكتب رد , احمل ملف ما يجي 20 ميقا سرعة

التحميل 7 بس ! خيير

والله حرامية كلاب نصابين بس الله يعيننا وخل يخلص اشتراكي بدور لي شي

يا قمر صناعي خاص ولا اي شي يفكنا من اتصالاتنا جعلها تحترق

Azerothian

24-03-2008, 11:11 PM

الحل الوحيد عندي وهو انك تهاجر ،،،،
تعال البحرين P:

Taidan

25-03-2008, 09:31 AM

اخوي مشكلتك غير طبيعية وما أظنها من الإتصالات او من مزود الخدمة
كلم 904 واطلب منهم يجون يقيسون الاشارة عند بيتكم إذا كانت سليمة معناه المشكلة من عندك مب من عندهم
وفي هذي الحالة عندك خيارين
1- جيب كهربائي يشيك على توصيلات البيت

2- جرب انك تغير المودم
مب لازم تشتري مودم جيد لكن جرب خذ واحد من احد تعرفه
اما في حالة انقراءة طلعت غير سليمة فمعناه المشكلة من عندهم مب من عندك وهم راح يحلونها لك

اللي خلاني اقول لك هالكلام لأني مريت بنفس مشكلتك مرتين وكل مرة طلعت الإتصلات بريئة من المشكلة
مرة كان الانترنت يقطع والتحميل دمار والاتنسي عالي جداً وكنت لما اشبك التلفون على نفس الخط اسمع تشويش مب طبيعي وطلعت المشكلة من التمديدات داخلها ماء
المرة الثانية كان الاتنسي فوق 20000 وإنحلت مشكلتي يوم غيرت المودم
اتمنى انك تستفيد من كلامي
واهم شي كلم 904 وبعد كذا بتعرف كيف تتصرف

The Persuader

25-03-2008, 09:40 AM

الحل الوحيد عندي وهو انك تهاجر ،،،،
تعال البحرين P:

:D:D:D
70
ms here in agypten

urca

25-03-2008, 10:53 AM

جرب اتصال الwimax:)

S h i h a a b

25-03-2008, 12:13 PM

السلام عليكم
اخوي كلم الانفصالات وقول لهم انه في مشكلة بالنت عندك وترا الكيابل في المقسم عند البيت لها دور كبير في النت
يعني قللهم يرسلون فني يفحصها ويتأكد من الاسلاك وجودتها يمكن هذي المشكلة ولا كيف البعض منا عنده لاتنسي اقل منك
انا مشترك سيبيريا 512 واللاتنسى بعد الساعه 9 بالليل يوصل 500 عشان الزحمه
اما بالفجر وغير 350 تقريبا
و موفق ان شاء الله

F4bry

25-03-2008, 01:49 PM

والله انا كنت اسمع تشويش بالتلفون بس دقيت عليهم

وارسلو لي فنيين عندي وصلحوه على كلامهم وكل شي

سليم والوشوشه راحت من التلفون , وقتها كانت النت

زفت ما يفتح شي الا نااادرا , وبالذات بعد مشكلة الكيبلات

ظهرت هالمشكلة ..... عموما انا وراهم وراهم لين يصلحون

كل شي ولا بهاجر من جد :D

lucifersama

25-03-2008, 09:08 PM

أول شي لا تشترك ستلايت ولا موبايلي أو الجوال
الوايرليس بعملك مشاكل إذا صار زحمة و ما تقدر تتحكم بالبورتات
دي إس إل عادي أحسن شي للألعاب
الله أعلم في مشكلة اليومين الداون لود سليم بس المواقع ما تفتح
ممكن المشكلة تكون من مزود الخدمة أو مشكلة عامة
في أي خبر إذا صلحوا الكيابل اللي بالبحر؟

Silver Wolf

25-03-2008, 10:34 PM

:D:D:D
70
ms here in agypten

مالقاها في مصر الا اللي يلعبون اونلاين .. التحميل محدود عندكم لذلك مافيه ضغط على الشبكة ..

بس على الرغم من ذلك هذا لا يشفع لاتصالاتنا ... سكان مصر ضعفنا 3 مرات :D

Fright Master

26-03-2008, 12:11 AM

مشكلتك سهله وحلها عندي ^^_

اخوي انا كنت العب واو بإتصال dsl 64kb

وكان الاق ما يعدي عندي ال 500 وأصلاً كانت تيجيني ايام ما يعدي ال 200

اول شي لازم يكون الأتصال عندك من شركة يكون ال باندوث حقهم عالي ومن أفضل الشركات هي

صحارىDSL
ثاني شي نوعية ال ويندوز عندك أصلاً هل هي xp بروفيشنال ولا Xp هوم إيدشن

لأن هوم ايدشن هي الأفضل

وأيضاً نوع ال Anti virus الي تستخدمة اذا كان ثقيل زي نارتون وماكفيي

انا انصح ب NOD32 خفيف ورائع ويسوي UPDATE كل يوم

وانا مستعد احلفلك اني اترك مقاهي سرعتهم 4ميجا بايت واقعد العب في البيت على 64 كيلو بايت والاتينسي عندي ولا أطلق =)

هذا الكلام الي عندي واتمنى اني افتك

detoxtion

26-03-2008, 02:29 AM

الحل الوحيد عندي وهو انك تهاجر ،،،،
تعال البحرين P:

كم اللاق معاكم وين ؟

oOalex10Oo

26-03-2008, 03:09 AM

والله انا طالب في بريطانيا هناك كنت العب كان تمام
هني يوم جيت نفس الشي اللاتنسي بين 300-400 بس بعد يعلق الي تحت اللاتنسي مادري وش إسمه بحرف F ينزل يصير 1
واسمحلي والله خبرتي قليلة يمكن ماقدر افيدك

Azerothian

26-03-2008, 03:37 AM

كم اللاق معاكم وين ؟
والله انا صارلي شهر موقف لعب،
بس اللاتينسي عندي كان 150-190
ونادرا جدا انه يوصل 200-220 ومايطول عليها دقايق ويرجع تحت الـ 200
واشتراكي مع batelco dsl 2mb

الي تحت اللاتنسي مادري وش إسمه بحرف F ينزل يصير 1

اللي تحت اللاتينسي frame rate per second او fps = frames per second
هذا لازم يكون عالي عشان تصير الصوره ناعمه وانت تلعب يعني بدون تقطيع او تعليق في الصوره خلال اللعب
وهذا ما له دخل في الانترنت،
وانما من الجهاز نفسه وامكانيات الجهاز مثل، كرت الشاشه وكثرة الرام ... الخ
بس قول لي انت شلون تلعب وعندك fps 1 :blackeye:

X_MAD

26-03-2008, 05:21 AM

من فين أبدأ و الله ما أدري أحد أهم الأسباب اللي خلتني أوقف ما أدخل مع gulids هاردكور قوية الاق و الـ DC تخيل عند keal'thas . و DC طبعا راح يمشوها لك أول مره بس مو كل مره و في النهاية KICK و أقول شكراً للإتصالات السعودية اللي لا أنترنت و لا جوال و لا تلفون بيت و لا الخدمة و لا ( أنا شوي و راح أسب ) . يعني ياناس أصيح فين المشكلة في شباب كثير أعرفهم جير ممتاز و سكل ممتاز بس اللاق هادا مخلينا أخر الناس و موقف ثاني صار لي تخيل باقيلي 2 win و يصير ال raiting 1850 عشان أخذ ال mace و يصير لي DC و أخسر 19 points .... أأأأأأأه لو أتكلم من دحين لبكرا مايكفي الله ما أقول غير الله يكافي شركة الأتصالات و الفلوس اللي ياخذوها مو حلال

أسف شباب بس حاجة من جد تقهر .

h-online

26-03-2008, 02:20 PM

يا خوي انصحك بصحارى dsl انا عندي الاق من 150-350

demonedge

26-03-2008, 02:44 PM

السلام عليكم

اخوي انا مثلك شربت كل شي

كان عندي البنق 800 - 2000

بس اكثر شي فادني
اشتريت مودم سبيد تش الجديد ونزلت له التحديث من النت
ورفعت الرام لـ 2 جيجا
وبصراحة هذي اكثر شي فادتني اني رفعت الرام
واشتراك سيبيريا 512

والاق صار مع الجروب العادي او كرزان 400-600 وفي الريد بالكثير 700 بس شغال وتقدر تلعب تمام

الالهامي

26-03-2008, 03:29 PM

اولا اهلين اخوي ...والله يعينك على الاق وكلنا نشتكي منه والله وانا من السعوديه كمان والنت مثل سرعتك بس عندي يكون 300-500 وبعض الاحيان يكوون عالي...وعلى فكره ترى احس الاق عندنا في العرب خيره لنا لاانا الحين ندخل الارينا والاق 600 ونقابل التيم الي قدامنا وتلاقي الاق عندهم 100 ونكسر روووسهم لوول

الله يعينك اخوي

DARK WOLF

29-03-2008, 05:14 PM

lucifersama

29-03-2008, 06:14 PM

حاول تعمل petition
ناسي والله المواقع اللي تقدر تعمل فيها واحد
بس أحسن و أسرع طريقة، المهمتم بالموضوع بوقع، اللي ماهو مهتم رح يطنش ^^

F4bry

30-03-2008, 11:49 PM

واحد يشرح لي YF ولا اي شي
ماااا اتحمل !! خلاص

Tinish

31-03-2008, 02:19 AM

والله أخوي أنا عندي نفس مشكلتك بس المشكلة إنه اللاتينسس عندي 200-400 بس لااااااااااااااااااااااغ بشكل خيالي ><

قبل مشكلة الكيبلات اللي في البحر كان كل شي عندي زي العسل!

مع العلم إني من عمان وجربت كل أنواع البرامج وبدون فايدة!!!

urca

31-03-2008, 02:29 AM

جربوا الWiMax ,اعتقد فضائي براسين <<حسب اعتقادي

Tinish

31-03-2008, 05:46 PM

جربوا الWiMax ,اعتقد فضائي براسين <<حسب اعتقادي

بليزرد ما تنصح لإسعمال الفضائي حتى لو كان 2way

بالإضافة انه في عمان ممنوع تستعمل الفضائي لأنه شركتنا الموقرة اللي محتركة السوق راح تخسر >__<

urca

31-03-2008, 05:48 PM

بليزرد ما تنصح لإسعمال الفضائي حتى لو كان 2way

بالإضافة انه في عمان ممنوع تستعمل الفضائي لأنه شركتنا الموقرة اللي محتركة السوق راح تخسر >__<

اهاا
الله يعين اجل
بس شكله كويس على مااعتقد
لو كان الاتصال 256
يكون الابلود 128
:) وزي كذا

F4bry

01-04-2008, 07:14 PM

والله لو تجلسون هنا وتصيحون من اليوم الى بكرة ماحد داري عنكم

وبعدين لاتلومون الإتصالات السعودية ... ترى حنا في السعودية والسيرفرات في أوروبا ..
يعني لو عندنا سيرفرات خاصة فينا هنا وهم حاولوا يشبكون عليها حتى هم بيصيحون لاااق لاااق

هذا أحسن مثال .. لاعبين روسيين تجمعوا في منتديات Blizzard وجلسوا هناك وصلحوا زي المظاهرات وفي النهاية فتحوا سيرفرات خاصة بالروس وبلغتهم بعد ...

ممكن أحد منكم يفهمني وش المانع انه تفتح سيرفرات خاصة فينا ؟ بالشرق الأوسط ؟

انا فتحت موضوع بخصوص فتح سيرفرات عربية والردود كانت كالآتي :
عندنا أمية .. مافيه لاعبين كافين .. العرب كلهم Ninjas .. العرب متخلفين

ماأقول إلا الله يخلف عليكم ..

اذا ما الوم الاتصالات السعودية مين الوم ؟ والسيرفرات اذا كانت في اوروبا
يصير لاق بشكل غير طبيعي ؟ هو لازم يكون لاق بس ما يزيد عن 800 على الاكثر
لكن للاسف الان يزيد عن 2000+ طبيعي ! .. هم سوو NERF للـupload
حسب المعلومات اللي اعرفها , بعدين لا تقارن اتصالك مع اتصال واحد من اوروبا
لو تحط سيرفر في المريخ ويشبكون عليه بيصيحون لاق .. بس تلقاه ما يتعدى 300
هم متعودين على 100 واقل ,
وفكرة السيرفرات العربية خلها ما بنتكلم فيها

:wave: