المساعد الشخصي الرقمي

مشاهدة النسخة كاملة : أحدث فنون النصب من مجمع الرحاب بالكويت !!


SFS
30-03-2008, 06:25 AM
السلام عليكم :)

قبل كم يوم كنت رايح مجمع الرحاب عشان أشوف ميتل جير كولكشن نزل والا لأ ..
http://ecx.images-amazon.com/images/I/51%2BrI8lN4XL._AA280_.jpg

رحت وشفته معروض بمحل الأقصى ولما سألته عن السعر قالي 40 دينار !!

وبجيم سنتر 35 !!

للعلم سعره بالآمازون الامريكي 30 دولار يعني 9 دنانير !!

وهذه الوصلة :

http://www.amazon.com/Metal-Gear-Solid-Essential-Collection/dp/B001383L36/ref=sr_1_1?ie=UTF8&s=videogames&qid=1206847219&sr=1-1

هذا الكولشكن وشعره 40 دينار فما بالكم اذا نزل ميتل جير الرابع !!

جم بيوصل 50 والا 60 دينار !!
not yet
30-03-2008, 06:42 AM
الله شنو هالمبلغ هذا وهذا هو قديم عيل شلون لو يديد يعني ماكو امل الا انا ننطر شهرين على ماينزل سعر ميتل جير 4 تتوقع جم يصير سعره؟ بغيت اسئلك اخوي متى ينزل الجزء الرابع؟
Ps3:player
30-03-2008, 08:22 AM
أخوي نوت يت 19/6/2008 ينزل الجزء الرابع

متل جير كولكشين حق بلاي ستيشن3 ؟ ويعني شنو متل جير كولكشين؟

ممكن تووضيح
xpresscell
30-03-2008, 11:29 AM
Metal Gear collection تحتوي على كل اجزاءاللعبة التي اصدرت على PS1 و PS2 .........

بالنسبة للسعر ....... انصحك مالك الا حماية المستهلك...... لأن من شهر تقريبا صار في كنترول من قبل وزارة التجارة على اسعار الالعاب الالكترونية من حيث اذ اي محل يبي ينزل لعبة جديدة بالاسواق ملزم انه يدفع مبلغ رمزي للوزارة لترخيص اللعبة و بيعها بالاسواق "بسعر معقول" لا يختلف جدا عن السعر المعلن في امريكا او اوروبا ....
ROSWELL
30-03-2008, 12:47 PM
^^^^^^^^^^^^^^^^^^^^^^
زيين والله


يامعود هذاك اليوم اتصل على جيم سنتر على لعبة Patabon
قاللي ب15 و اهيا بأمازون اذا طقة ب8 دنانير! (مكتوب عندها 6دنانير)

و ولد عمي سأل عنها بمحلات ثانيه كلهم يقولون على 12


شي يعور القلب :)
Kunio-Kun
30-03-2008, 01:50 PM
لا تنسى رسوم الشحن اثناء طلب العبه على العموم عندك الإدارة تقتدر تتصل عليهم ( انا ما جربة هذا الرقم )
http://64.233.183.104/images/dot.gifالهاتف: 2483832~2483826 العنوان: وزارة التجاره والصناعه-مجمع الوزارات
ROSWELL
30-03-2008, 03:07 PM
^^^^^^^^^^^^^^^^^^
اييه كتبتلك مع رسوم الشحن حسبتها على الاراميكس اذا طق طق و بزياده ما يعدي 9

و لا تنسى انهم ياخذونها جمله و قاعدين يحاولون بأي طريقه علشان تييلهم رخيصه
هذول مو قديمين في السوق عالفاضي...يعرفون شنو يشتروون
البيكهام هام
30-03-2008, 03:24 PM
توك تدري انهم نصابين هذا مو شي جديد انا غاسل ايدي منهم من زمان الاجهزه اشتريها من اماكن غير الرحاب مثل الغانم ويوريكا وغيرهم والالعاب الكوبي 360 بالبدايه كنت اشتريها من الرحاب اللعبه الوحده على5 دنانير<<شوف النصب وين وصل وقلت ليش ماانزل العاب الكوبي والحمدلله اني عرفت انزل العاب كوبي:fest30:نصيحه اشتر ميتل غير كولكشن كوبي لعبه عالبلاي2 يعني من امه ماله داعي تشتريها اصليه:)
ToUaReG
31-03-2008, 08:16 PM
السلام عليكم :)

قبل كم يوم كنت رايح مجمع الرحاب عشان أشوف ميتل جير كولكشن نزل والا لأ ..
http://ecx.images-amazon.com/images/I/51%2BrI8lN4XL._AA280_.jpg

رحت وشفته معروض بمحل الأقصى ولما سألته عن السعر قالي 40 دينار !!


من صجك ..
مالت علي وانا قايل بشتري منهم -_-" ..
بشتريها اصليه علشان العب فيها على PS3 ..

شباب تعرفون مكان يبيعها بسعر معقول ؟؟
ROSWELL
01-04-2008, 09:45 AM
اطلبها من امازون :)
ماكو فايده هني إلا اذا كانت فلوسك زايده :)
joker_zambrotta
01-04-2008, 01:53 PM
انا طلبته من امازون لا ومع
boondock saints :limited edition
korn: live on the other side
طلع ب18 دينار
من غير مصاريف الشحن
ToUaReG
01-04-2008, 07:29 PM
انا طلبته من امازون لا ومع
boondock saints :limited edition
korn: live on the other side
طلع ب18 دينار
من غير مصاريف الشحن


ياخي شلون تطلبون ؟؟
وثانيا بعد جم يوم يوصلك ؟؟
joker_zambrotta
02-04-2008, 12:26 AM
تروح ارامكس (شركة بريد عالمية)
موجود مكانهم بمجمع البستان الطابق الثاني
تفتح عندهم صندوق بامريكا ب10 دنانير وراح يعطونك عنوان صندوقك اللي بامريكا
وبعدين تبي تطلب من الانترنت على العنوان اللي عطوك
وتقدر انت تسرع ارسال الطرد بس راح يكلفك اكثر طبعا
بعد ما سوصل الطرد بصندوق بريدك بامريكا راح يندز اللي فيه حق عنوانك اللي بالكويت
طبعا لازم يكون عندك فيزا عشان تدفع بالانترنت والسعر غير سعر التوصيل اللي راح تدفعه حق ارامكس بعد توصيل الطلب لك
فوق المستحيل
06-04-2008, 07:31 PM
هل في تحسين على الجزء الاول بالرسوم..او هو كما هو ؟
ToUaReG
07-04-2008, 04:52 PM
تروح ارامكس (شركة بريد عالمية)
موجود مكانهم بمجمع البستان الطابق الثاني
تفتح عندهم صندوق بامريكا ب10 دنانير وراح يعطونك عنوان صندوقك اللي بامريكا
وبعدين تبي تطلب من الانترنت على العنوان اللي عطوك
وتقدر انت تسرع ارسال الطرد بس راح يكلفك اكثر طبعا
بعد ما سوصل الطرد بصندوق بريدك بامريكا راح يندز اللي فيه حق عنوانك اللي بالكويت
طبعا لازم يكون عندك فيزا عشان تدفع بالانترنت والسعر غير سعر التوصيل اللي راح تدفعه حق ارامكس بعد توصيل الطلب لك

مشكور اخوي عالرد ..
و الفيزا من اي بنك اخذها ..
لانه ما امدحولي بنك التمويل ..
قالولي بنك برقان افتح حساب فيزا من عندهم ..
وتعرف جم سعر توصيل العاب PS3 من موقع أمازون أو e-bay ؟؟
فوق المستحيل
07-04-2008, 05:38 PM
اخوي حاليا مع هبوط الدولار..اللعبه توصل لك لي باب بيتكم تقريبا 13 دينار

شتبي بعد :)
فوق المستحيل
07-04-2008, 05:41 PM
بالاضافه الى ان امازون يعطونك توصيل مجاني..اذا العنوان امريكي...وارامكس يعطونك عنوان امريكي

بهالحاله تقدر تطلب بالتوصيل المجاني

ولا انصح بالتوصيل السريع..لان نفس المده لما يوصلون للكويت..لانك انت مرتبط مع رحلات ارامكس
barca-ps3
07-04-2008, 06:02 PM
شباب ..

بس بقولكم شغله

انا عندي صندوق بريد بامريكا

ودايم اشتري من امازون ..

وانصحكم بـ فيزا انترنت من البنك الوطني .. ^_~

لان تطلعها ببلاش .. مو مثل باجي البنوك .. لازم 50 دينار !!

.
.

بس نصيحه حق كل واحد .. لا تستعجلون عليها !!

لان اللي بامازون فيرجن امريكي !

اللي عنده PS3 غير الامريكيه .. لا يشتري .. لان الـ DVD مو مثل الـ Blu-ray ..

الـ DVD راح يربطك بالنظام القديم اللي هو نوع جهازك !

يعني اللعبه من امازون رخيصه .. بس اذا جهازك ما يشغلها .. راح تطيح بجبدك !

الا اذا عندك PS2 امريكيه !!


ومشكورين على الموضوع ..

والله يعينا على الحراميه !
فوق المستحيل
07-04-2008, 06:30 PM
عزيزي برشا

ارامكس يفتحون لك صندوق في بريطانيا..وهي متوافقه مع اجهزة PAL

بعدين انا فاتح فيزا انترنت من بنك الاهلي..مو 50 دينار..بس 10 دنانير..وتقسط على مدى سنتين..
ToUaReG
07-04-2008, 06:39 PM
اخوي حاليا مع هبوط الدولار..اللعبه توصل لك لي باب بيتكم تقريبا 13 دينار

شتبي بعد :)

بالاضافه الى ان امازون يعطونك توصيل مجاني..اذا العنوان امريكي...وارامكس يعطونك عنوان امريكي

بهالحاله تقدر تطلب بالتوصيل المجاني

ولا انصح بالتوصيل السريع..لان نفس المده لما يوصلون للكويت..لانك انت مرتبط مع رحلات ارامكس

يا الحبيب كلامك يغري "^^ ..
شكلي خلال هالأسبوع بفتح حساب في اراميكس ..
لاني ناوي اشتري MGS Special Edition و GTA Special Edition من بره لانه اعتقد سعرهم بالكويت نار ..


شباب ..

بس بقولكم شغله

انا عندي صندوق بريد بامريكا

ودايم اشتري من امازون ..

وانصحكم بـ فيزا انترنت من البنك الوطني .. ^_~

لان تطلعها ببلاش .. مو مثل باجي البنوك .. لازم 50 دينار !!

يعني زين البنك الوطني !!!؟؟؟


بس نصيحه حق كل واحد .. لا تستعجلون عليها !!

لان اللي بامازون فيرجن امريكي !

اللي عنده PS3 غير الامريكيه .. لا يشتري .. لان الـ DVD مو مثل الـ Blu-ray ..

الـ DVD راح يربطك بالنظام القديم اللي هو نوع جهازك !

يعني اللعبه من امازون رخيصه .. بس اذا جهازك ما يشغلها .. راح تطيح بجبدك !

الا اذا عندك PS2 امريكيه !!


ومشكورين على الموضوع ..

والله يعينا على الحراميه !
آنا جهازي أمريكي يعني يمشي مع أشرطة امازون :D ..



عزيزي برشا

ارامكس يفتحون لك صندوق في بريطانيا..وهي متوافقه مع اجهزة PAL

بعدين انا فاتح فيزا انترنت من بنك الاهلي..مو 50 دينار..بس 10 دنانير..وتقسط على مدى سنتين..

اللي اعرفه اراميكس تفتح صندوقين واحد بأمريكا و واحد ببريطانيا ..
و مافهمت عليك تقسط على سنتين >> تراني ما اعرف بهالسوالف "^^ ..
barca-ps3
07-04-2008, 06:52 PM
عزيزي برشا

ارامكس يفتحون لك صندوق في بريطانيا..وهي متوافقه مع اجهزة PAL

بعدين انا فاتح فيزا انترنت من بنك الاهلي..مو 50 دينار..بس 10 دنانير..وتقسط على مدى سنتين..

اراميكس تفتح صندوقين بـ امريكا وبريطانيا بـ 11 دينار تقريباً

اما سالفة فيزتك ..

ماني فاهم شكو يقاصدونك !

لان فيزا انترنت نظامها تعبئه .. انت تحط المبلغ اللي تبي ..

بيت التمويل تطلع الفيزا عندهم بـ 50 دينار ^_~


آنا جهازي أمريكي يعني يمشي مع أشرطة امازون :D ..

شغلك ماشي :D
فوق المستحيل
07-04-2008, 06:57 PM
انت افتح وماعليك..لا تشيل هم..وراح تدعي لي...تشتري من امازون شغلات كثيره للبي اس 3

بس حط في بالك تطلب اليوم مثلا..بعد 10 ايام يوصل الطلب..سواء طلب سريع او مجاني..عشان جذي انصحك بالمجاني
ToUaReG
07-04-2008, 07:06 PM
بس حط في بالك تطلب اليوم مثلا..بعد 10 ايام يوصل الطلب..سواء طلب سريع او مجاني..عشان جذي انصحك بالمجاني
مو شي 10 ايام ..
يعني اشتري لعبة GTA توصلني بعد 10 ايام من تاريخ اصدارها 29-4 ؟؟

و محد عنده فكره عن فيزا بنك برقان ؟؟
لانه في جم واحد مدحلي اياها ..
ballamco
07-04-2008, 08:18 PM
انا الحمد الله بعدت عن الرحاب والنصب الي فيه كل الاشرطه الي اشتريها من امازون حيث اشرطة PS3 و360 يطلعون علي مع اراميكس 17 دينار تقريبا والWII يطلع علي 15 دينار مع اراميكس بس اذا يبت كميه يطلع علي اقل حتى لو العاب جديده والPSP ما يعدي 6ونص مع الارامكس والدي اس شغال عليه كوبي ما له داعي اصلي :) وعلى قولتك الكوليكشن طلع علي 8 وربع مع ارامكس النصابين خلوه لى 40 و35 دينار ما يخافون ربهم على الاقل قولوا 18 تنبلع 22 دينار نشتري بس 35 شغل نص واحتيال انا اتمنى انكم تفتحولكم اكاونت ارامكس وتشترون من امازون ترى بتاريخ اليوم الدولار وايد نازل يعني الدولار الواحد = 0.266 فلس يعني 60 دولار=15.650 دينار

وسلامتكم , ومشكور لطرحك الموضوع اخوي

والسلام ختام

اخوكم بلامكو
فوق المستحيل
07-04-2008, 08:24 PM
للاسف اخوي هذا العيب الوحيد هو وقت التوصيل..دايما يكون بحدود 10 ايام

واللعبه سعرها الحين مع التوصيل ..يمكن 15 دينار كااقصى سعر لما يكون السعر بالدولار 59.99 دولار

12 دينار تقريبا 54 دولار
Soviet
07-04-2008, 08:35 PM
للتذكير فقط ، اللعبة لن تعمل على اجهزة PS3 ذات النظام الأوربي
9mm
07-04-2008, 08:38 PM
انا اللي اعرفه من كلام الاعضاء بالمنتدى
ان مافي نسخه اوربيه
بس ياباني وامريكي

يعني يبيلك جهاز امريكي >_<

مدري عاد اذا في اخبار جديده قولولي
فوق المستحيل
08-04-2008, 12:54 PM
قصدكم ميتل جير الكوليكش

يلا الله يعين اصحاب الاوربي
joker_zambrotta
08-04-2008, 06:15 PM
اللي يبي يسال عن فيزا بنك برقان يتصل على 804080 ويسالهم
MiNOoOoON
10-04-2008, 05:18 AM
يعطيكم العافيه

وصج محلات الرحاب نصابين من قلب

قبل جم يوم رحت اشتري مراوح تبريد حق السوني 3

ورحت حق واحد صاحبي دايما اشتري من عنده

قلت له ها جم السعر ؟

يقولي 25 دينار !!!!!!!!!!!!!!!!!!!!!!!!!!!!!!!

وانا شايفها بالانترنت ب 7.5 دينار !!!!!!!!

فرق كبير بالسعر والمحلات الرحاب همهم شفط الجيوب (الفلوس)


ونصيحه للي يبي يشتري اشرطة سوني 3

راح تحصلونها رخيصه حيل بالانترنت

مثلا لعبة Warhawk معا سماعة البلوتوث
جديده بـ $59.99
مستعمله بس نظيف كالجديد بـ$24.99 يعني تقريبا 6.67658 دينار معا سعر الشحن تقريبا 2.5 دينار والله بلاش ههههههههههه
SFS
12-04-2008, 06:32 AM
زين شباب اذا ابي اسوي فيزا شنو تنصحوني ؟؟ شنو أحسن بنك طلع من عنده فيزا ؟؟

وتسلمون على ردودكم وتفاعلكم مع الموضوع :)
ToUaReG
12-04-2008, 01:25 PM
شباب VISA العاديه ولا VISA Electron ؟؟
ROSWELL
12-04-2008, 04:23 PM
^^^^^^^^^^^^^^^^^^^^^^
فيزا عاديه أعتقد
بالنسبه لنا هني في الكويت في فيزا خاصة بالانترنت تحصلها بالبنك الوطني أو بيت التمويل و ما أدري عن ياجي البنوك يمكن برقان عندهم

هذا موقع أراميكس للي يستفسر عن خدمة Shop&Ship

http://aramex.com/shopandship/what_is_shopandship.aspx
Kunio-Kun
12-04-2008, 05:05 PM
زين شباب اذا ابي اسوي فيزا شنو تنصحوني ؟؟ شنو أحسن بنك طلع من عنده فيزا ؟؟

وتسلمون على ردودكم وتفاعلكم مع الموضوع :)

خطوات بسيطة للحصول على صندوق بريد + كرديت كارد


1- الذهاب إلى شركة أرامكس فتح صندوق 10 د.ك في أمريكا وبريطانيا ( هناك الكثير من مكاتب البريد لكن بريدي الشخصي أرامكس )
2- الكرديت كارد هناك الكثير منها لكن استعمالي الشخصي هيا بنك برقان لكن لا تأخذها من البنك نفسه جرب فيرجن في المارينا أو دبن هامس في المطار فوق
أسألهم عن الماستر كارد ( الـVIP ) التكاليف 10 د.ك + صورة البطاقة المدنية ياخذ كل هذا 5 دقائق بالكثير إذا كنت حاب تأخذ منهم اسألهم عن طريقة تعبئتها وهيا سهلة جداً
3- الشراء عن طريقة الأنتر نت في شي اسمه موقع أوربي و أمريكي مثل عندك أمزون
www.amazon.com (http://www.amazon.com/) - هذا الموقع الأمريكي
www.amazon.co.uk (http://www.amazon.co.uk/) - هذا الموقع الأوربي
كل ما يحمل co.uk فهو سيرفر أوربي ان كان جهازك أوربي اشتر من الأوربي او أمريكي أشتر من الأمريكي الطريقة سهلة لكن تحتاج تجربة

وأنتهت السالفة .. :)
SFS
12-04-2008, 05:34 PM
^^

قواك الله :)

يعني الحين فيزا فيرجن اقدر استخدمها حق النت ؟
ToUaReG
12-04-2008, 06:22 PM
Kunio-Kun
يعطيك العافيه اخوي ..
وعندي سؤال فيزا بنك برقان شلون طريقة استعمالها ؟؟
لانه رحت بنك التمويل قالولي الفيزا اذا استخدمتها يطالبونك بعدين البنك اذا ما سددت ولازم يكون عندك معاش !!
بقبق
12-04-2008, 07:58 PM
أنا حاب أستفسر visa electron ما تنفع علشان أشتري فيها ؟؟

شنو الإجراءات علشان آخذ visa من بيت التمويل والمتطلبات

؟؟؟؟؟؟؟؟؟؟
Kunio-Kun
12-04-2008, 11:34 PM
^^

قواك الله :)

يعني الحين فيزا فيرجن اقدر استخدمها حق النت ؟

نعم تقدر تستخدمها لشراء في الإنترنت وأيضا داخل الكويت ككرديت كارد عادية
فيرجن عندهم ماستر كارد لنا فيزا غير عنها ( Visa ) و MasterCard
ولي عند فيرجن هيا الماستر كارد ( Master Card )




يعطيك العافيه اخوي ..
وعندي سؤال فيزا بنك برقان شلون طريقة استعمالها ؟؟


لانه رحت بنك التمويل قالولي الفيزا اذا استخدمتها يطالبونك بعدين البنك اذا ما سددت ولازم يكون عندك معاش !!

انا أتكلم عن الماستر كارد الـVIBـ (Master Card ) هذي من فيرجن ما تحتاج إلى معاش ( حساب في البنك ) بس روح لفيرجن وأهم يعطونك الـVIB كارد


أنا حاب أستفسر visa electron ما تنفع علشان أشتري فيها ؟؟

شنو الإجراءات علشان آخذ visa من بيت التمويل والمتطلبات

؟؟؟؟؟؟؟؟؟؟
إلكترون تحتاج إلى حساب في البنك وتحط فيها مبلغ معين وقدره الإجراءات بسيطة