مشاهدة النسخة كاملة : الجهاز و القطع أفظل شاشة للـ 360 ,, السامسونج ؟ السوني ؟ غيرها ؟؟
السلام عليكم
عندي شاشة سوني 32 بوصه تدعم حتى 1080i موديل 32V200A
بس صراحه ودي ابيعها واشتري شاشة من سامسونج لأني قريت كثير انها افظل من شاشات السوني ,, هذا غير انها ارخص بكثير وتدعم حتى 1080p يعني كل المواصفات متوفرة فيها وبسعر اقل من سعر شاشات السوني تقريباً سمعت ان سعرها 2500 ريال ,, فما ادري انتو وش تنصحوني فيه ؟؟ وكم معدل الكونتراست لشاشتي الحالية لأني سمعت ان الكونتراست هو من اهم الاشياء لمقاييس الشاشات ,, وكم معدل الكونتراست لموديل شاشة سامسونج اللي تدعم حتى 1080p ؟
yawelle
10-04-2008, 10:51 AM
شف حبيبي أحسن شاشات lcd على مستوى العالم هي شارب والسبب أن عندها أعلى زمن أستجابه وهو 4 ثواني وهو مهم جدا للألعاب وأفلام الأكشن:)
SN!PER WOLF
10-04-2008, 12:08 PM
لك هالموضوع فيه تلفزون سامسونج
و ردي موجود هناك لك وله
http://montada.com/showthread.php?p=6057185#post6057185
واسمحلي ع القصوور
SN!PER WOLF
10-04-2008, 12:09 PM
وعليكم السلام
لك هالموضوع فيه تلفزون سامسونج
و ردي موجود هناك لك وله
http://montada.com/showthread.php?p=6057185#post6057185
واسمحلي ع القصوور
قريت الموضوع وفادني لكن بغيت اسئل وش الفرق بين "FullHD" و "HDReady" ؟؟
فوق المستحيل
10-04-2008, 12:37 PM
نصيحه اخوي انا مجرب سوني ومجرب سامسونج..واسأل مجرب ولا تسأل طبيب
بالالعاب مالاحظت فرق كبير..لكن ان كنت مهتم بالافلام..فاانصحك وبشده انك تاخذ سوني...لانها افضل بكثير من ناحيه الافلام
وشاشات 1080p ماتكون اقل من حجم 40 بوصه..وسعرها مايكون اقل من 700 دينار
اما الفرق بالسعر بين سوني وسامسونج ترى مو كبير...يعني ان كثر 200 دينار
وسالفه التباين ترى الشركه تتلاعب فيه وماتعطيك الرقم الحقيقي للتباين
في تباين اسمه
dynamic contrast وهذا هو الي تتلاعب فيه الشركات وكبر حجمه مو مهم
المهم هو
contrast on screen والشركات اغلبها ماتكتبه..لكن سوني تكتبه...ولك الخيار
قريت الموضوع وفادني لكن بغيت اسئل وش الفرق بين "FullHD" و "HDReady" ؟؟
full هو عباره عن شاشة تدعم دقة 1920 على 1080 p
hd ready هو عباره عن شاشة تدعم دقه 1920 على 1080 i
الفرق بين p وال i هو سرعه تحديث الشاشه
وال p اسرع من i
بالالعاب مالاحظت فرق كبير..لكن ان كنت مهتم بالافلام..فاانصحك وبشده انك تاخذ سوني...لانها افضل بكثير من ناحيه الافلام
وشاشات 1080p ماتكون اقل من حجم 40 بوصه..وسعرها مايكون اقل من 700 دينار
اما الفرق بالسعر بين سوني وسامسونج ترى مو كبير...يعني ان كثر 200 دينار
وانا اصلاً ما بأبيعها إلا لأنها من الأساس بأبيعها لواحد بـ 2000 ريال ,, واتذكر ان الاعضاء يقولون ان شاشة سامسونج بنفس مواصفات سوني لكن ارخص يعني سعرها تقريباً 2500 ريال
فقلت ليه ما ابيع شاشتي بـ 2000 ريال وازود عليها 500 واشتري اللي احسن منها اللي هي شاشة سامسونج او SHARP
وبالنسبه لي انا بأستعمل الشاشة للـ PS360 وانا احمل افلام التورنت DVDRip.. R5 واخزنها بالـ PS3 واشوفها منه .. يعني مشاهدة الأفلام شيء يهمني لكنه بالمرتبة الثانيه بالنسبه لي .. انا ابغى اشتري شاشة تدعم حتى 1080p علشان MGS4 GT5 FFXIII لأنها كلها تدعم حتى هالوضوح .
وشاشات 1080p ماتكون اقل من حجم 40 بوصه..وسعرها مايكون اقل من 700 دينار
اتذكر مره قريت عن شاشه من سامسونج حجمها 37 بوصه وتدعم 1080p وسعرها ما اعرف كم هو لكن اكيد انه اقل من 7000 ريال
Wonder1
10-04-2008, 05:43 PM
سامسونق وتوكل على الله
فوق المستحيل
10-04-2008, 06:02 PM
اول شي ميتل جير لحد الان يقولون انها تدعم 720p
على العموم انا اقولك السوني بالافلام يفرق عن السامسونج بمراحل..وانت وشورك
وتأكد اخوي
شركه لها استديوهات العاب ولها استديوهات افلام
اكيد شاشاتها قويه
وبالتوفيق
انا عندي سامسنج ومرتاح معه
قبل امس طالع مع ولد خالي لأكسترا على اساس ناوي يشتري تلفزيون
لقينا lcd سامسنج 37 بوصه بـ 4500 ريال ... السعر ممتاز اشوفه
الافضل اخوي تروح يا اكسترا او الكترو
وكل العالم تشتري تلفزيوناتهم من هناك
meshale
11-04-2008, 12:45 AM
full هو عباره عن شاشة تدعم دقة 1920 على 1080 p
hd ready هو عباره عن شاشة تدعم دقه 1920 على 1080 i
الفرق بين p وال i هو سرعه تحديث الشاشه
وال p اسرع من i
مشكوور اخوي بس عندي جم استفسار ... اخوي انا عند ولد عمتي lcd سوني او hdready او لما اشغل العاب ال1080p يطلعله مكتوب فوق بالزاويه 1080p هل معناتها صج قاعد يلعب على وضوح 1080p ؟؟ او شالفرق بين الlcd العادي (32بوصه) او الhdready او علما بان العادي اشغل 1080i ؟
او ارجو انك توضحلنا معنى دقة 1920 ؟؟
etoo q8
11-04-2008, 02:36 AM
انا عندي توشيبا 47 بوصه ويدعم 1080p شريته بوقت التنزيلات 1360 علما ان سعره الحقيقي كان 1660 وانا اشوفه احسن حتى من السوني والسامسونج
فوق المستحيل
12-04-2008, 12:03 AM
مشكوور اخوي بس عندي جم استفسار ... اخوي انا عند ولد عمتي lcd سوني او hdready او لما اشغل العاب ال1080p يطلعله مكتوب فوق بالزاويه 1080p هل معناتها صج قاعد يلعب على وضوح 1080p ؟؟ او شالفرق بين الlcd العادي (32بوصه) او الhdready او علما بان العادي اشغل 1080i ؟
او ارجو انك توضحلنا معنى دقة 1920 ؟؟
مادري ..شلون يكتب 1080p والشاشة hd ready
على العموم يمكن الشاشه full hd او تقبل الfull وتنزله لدقه 1080i
LCD تقنيه عرض
HD دقه عرض
1080 اختصار لدقه 1920 على 1080 ..يعني ريزليوشن عالي..وهذا هو HD
RE Hunter
12-04-2008, 04:48 AM
يعطيكم العافيه شباب على النقاش والاجابة على الاسئله
عندي كم سؤال
شباب لقيت شاشة سامسونج موديلها R81 وحجم الشاشه 40 بوصه
والكونسترات 8000:1 وسرعة الاستجابة 8ms
FullHDوهي ليست
هل تنصحوني فيها
فيها 3 مداخل HDMI والشكل انيق اتوكل على الله شباب واخذها لاني شفتها متفوقه حتى على الـFullHD من توشيبا
ياريت الاجابة شباب
فوق المستحيل
12-04-2008, 06:03 AM
R81 افضل تلفزيون ليس Full hd ..طبعا بالساسمونج
انصحك فيه بشرطين
1- اذا ماتبي full hd
2- اذا كانت مزانيتك ماتسمح لسعر اعلى
RE Hunter
12-04-2008, 12:34 PM
يعطيك العافيه اخوي فوق المستحيل عالمساعده
وانشالله ناوي عليه لاني مافي ميزانية حق FullHD وهذا عجبني وايد ومقتنع فيه وبعد رايك انشالله بتوكل على الله وباخذه
RE Hunter كم سعرها ؟؟ و وين لاقيها ؟
RE Hunter
12-04-2008, 04:22 PM
والله ياخوي لقيتها في الللولو (( قطر ))
بــ 6500 ريال قطري وعليها ضمان اعتقد سنتين مع التوصيل لين البيت والتركيب على الطوفه اذا تبي
انِشالله ناوي عليها الاسبوع الجاي
فوق المستحيل
12-04-2008, 04:51 PM
قبل ماتشتريها..روح وشوف السوني فئة D لانها افضل..لكن اكيد اغلى...
وتستاهل ماسوينا شي
RE Hunter
12-04-2008, 07:18 PM
انشالله اخوي بس يعني بينهم فرق كبير ولا لأ ؟
فوق المستحيل
12-04-2008, 08:19 PM
والله من ناحيه الفرق الله اعلم
لكن سوني فئة D فيها ميزة motion flow
على العموم كلا الشاشتين روعه للالعاب
لكن السوني للافلام افضل..
eob717
13-04-2008, 07:48 PM
سامسونج أقوى وأفضل للألعاب والكمبيوتر..أما سوني..يمدحونه للستلايت والأفلام.
سيكتور
19-04-2008, 07:30 AM
السلام عليكم
رحت اكسترا هالاسبوع وشفت Benq 32 بوصة ب2500
و LG 32 ب2600
وثنتينهم الوضوح حقهم ممتاز
عطونا رايكم ال جي لو بينكيو ولا شي ثالث مع العلم اني باخذها للجيم;)
Anubis
20-04-2008, 01:59 PM
أنا جربت السوني والسامسونج حتى 52 بوصة
السوني شاشات ممتازة بس حسب الفئة والحجم + السعر أغلى
مثلاً فئة 32 بوصة
الأفضل السامسونج وبلامنازع
حيث بها ميزة Game Mode
أيضاً الـ Movie Plus لأفضل أستمتاع بلافلام
إلى جانب أن الكونتراست لها 8000 والسوني 5000 وال جي 2500 أو أقل والبقية أقل بالنسبة للماركات الأخرى
وتقريباً الوحيدة بثلاث مداخل HDMI
وتدعم حتى 1080i فقط
بالنسبة لل Full HD
بيكون من 40 بوصة وأنت طالع
وعشان تعرف أكثر عن هذه الشاشة :
http://www.samsung.com/ph/products/tv/lcdtv/la32r81b.asp (http://www.samsung.com/ph/products/tv/lcdtv/la32r81b.asp)
وسعرها تقريباً 3450 ريال
بالنسبة لفئة الأربعين بوصة لو كنت تفكر فيها عشان الـ Full HD
عندك في السوني فئة الأكس ، Full HD و الكونتراست 15000
سعرها تقريباً 11000 ريال تقريباً
والسامسونج بنفس المميزات ، Full HD والكونتراست 15000
سعرها تقريباً 10000 ريال تقريباً
وترا عامل مهم جداً أنك تستخدم نوعية ممتازة من كيابل HDMI
لتحصل على صورة رائعة وعلى أن يكون المصدر هاي ديفنيشن
عن نفسي أشوف السامسونج الأفضل سواءاً للجميز أو الأفلام حتى
ولعلمك سامسونج ماخذة جائزة أفضل أداء ، ولو تلاحظ حتلاقي كل مواقع الجيمز
شغلهم وأختباراتهم كلها للجيمز بتكون على شاشات السامسونج
السوني حلوة لو يسيبوهم الغرور ورفعت السعر ، متخيلين أنهم الأفضل بينما العلم يتطور ومافي شئ يبقى زي ماهو
فوق المستحيل
20-04-2008, 02:32 PM
عزيزي هذا التباين دعايات من الشركه
على العموم سوني فئة D هو افضل تلفزيون 32 بوصه بلا منازع لان فيه motion flow
التباين الحقيقي هو contrast on screen وليس الي يذكرونه لنا ويغشونا فيه
فوق المستحيل
20-04-2008, 02:45 PM
عزيزي سالفه التباين اكبر خدعه تقوم به الشركات وبالتحديد سامسونج
التباين المطلوب معرفته هو
contrast on screen وهذا تخفيه سامسونج على عكس السوني الي تظهره
وسالفه ان سامسونج افضل من سوني بالافلام...فااقولك يستريح السامسونج وانا مجرب اقوى تلفزيونين لسامسونج وسوني
مجرب سامسونج m81 الفل اتش دي
ومجرب السوني اكس الفل اتش دي
الفرق بالافلام كبير لصالح السوني ويضحك على السامسونج
لكن بالالعاب في فرق لصالح السوني لكن مو كبير
اما سالفه المواقع
لا تروح بعيد ياخوي..دش موقع Cnet وشوف بنفسك منو افضل شاشة LCD لحد الان عندهم..وراح تعرف انه السوني X
وتصحيح لمعلوماتك ياحضره المجرب..السوني x تباينه 18000 وليس 15000
اما المداخل hdmi فاايضا السوني تمتلك ثلاث مداخل
اخي انت معلوماتك تحتاج update
وسالفه السعر ترى ضخموتها على غير داعي..كلها 200 دينار كويتي..والي يسمعكم يقول الفرق بالسعر الضعف او الضعفين
اتمنى يوصل ردي لان المنتدى يعلق !
Anubis
21-04-2008, 12:39 PM
أنت متخيل أني بتكلم من فراغ
لعلمك الشاشتين موجودة عندي ، وأنا بتكلم من تجربة الأثنين وبشكل دائم
وفرق الأفلام الي بتتكلم عليه مش بالطريقة الي أنت صورتها ، الصورتين متساوية
إذا حتقلي السوني عندها نظام الـ Motion Flow السامسونج عندها كمان نظام الـ Movie Plus
وإذا حتقلي الألعاب أقلك معليش حبيبي السامسونج أفضل من السوني
جرب تلعب بالسامسونج على نظام الـ Game Mode بمدخل الـ HDMI وبعدين أحكم
وترا هذا الكلام والله مش من فراغ ، أنا من عشاق الجيمز وجربت الكثر من شاشة حتى استقريت على هذا الأختيار
دخلت الموقع زي ماقلت ، وكانت السامسونج أفضل من السوني زي ماسبق وقلتلك :
http://reviews.cnet.com/best-hdtvs/ (http://reviews.cnet.com/best-hdtvs/)
ما أدري أنت معلوماتك تاخذها من فين ، جرب أدخل على هذا اللنك لموقع سوني الرسمي وشوف كم الكونتراست ، أوكي
وشوف كم مدخل كمان HDMI ، بعدها تقدر تنزل السوق بنفسك وتروح لوكيل السوني وتتأكد من المواصفات
http://www.sony-mea.com/product/klv-40x200a/sku/klv-40x200a%2Be32?site=hp_en_ME_i (http://www.sony-mea.com/product/klv-40x200a/sku/klv-40x200a%2Be32?site=hp_en_ME_i)
ما ادري معلومات مين تحتاج أبديت !!!!!
فرق السعر ::: ليه أنا أدفع 800 أو 1000 ريال عشان اسم فقط ؟ مع أنه موجود نفس المواصفات وبجودة لاتقل عن السوني
فئة الدي الي ذكرتها بالنسبة لسوني للأثنين وثلاثين انش
سعرها 4599 ريال - تمام
السامسونج
3499 ريال
وما تقل بأي شكل من الأشكال عن السوني ، المسألة مش مسألة فلوس حبيبي ، بس ليه الأستغلال هذا وبفرق 1100 ريال ، وكثير من الناس ما تسمع في شئ اسمه سوني تفتكر أنه الأفضل دائماً و إلى الأبد
مثال : سعر فئة الفي من سوني مساوي أو زيادة شوية عن سعر السامسونج LA32R81B
لاكن المواصفات لايوجد أي مجال للمقارنة بين الاثنين وبفرق كبير لصالح السامسونج
أنا لست ضد شركة سوني أو غيرها من الشركات ، وأنما ضد الأستغلال ولازم تحسب حساب المستهلك وأنه الوضع الحالي ليس مش زي أيام زمان وأنها الأفضل على الساحة
فوق المستحيل
21-04-2008, 03:58 PM
لاحول ولا قوه الا بالله...بعد الصيانه صار المنتدى اسوء !!
المهم ماعلينا
عزيزي كفاك تلفيق وتزوير على القراء
السوني الي عطيتنا رابطه هو x200 وليس x350 صاحب تباين 18000 وفيه ثلاث مداخل hdmi..وتجرأ وتقول انك جربت الشاشتين ؟
وهذا رابط x350 الي اهو احدث موديل للسوني
http://www.sony-mea.com/product/klv-40x350a?site=hp_en_ME_i
المشكله ان هالشاشه عندي وكاهي قدامها اشوفها ...يعني بتقول انت المجرب وانا ماجربت !
بخصوص افضل شاشات..الافضليه الي انت جبتها ياحضرة المجرب..من موقع يخص امريكا وليس اسيا
هناك موقع Cnet asia الي يخصنا احنا
واخذ فيه سوني x350 اعلى تقييم على الاطلاق وهو 8.7..الي ماحصل عليه ولا واحد من السامسونج حتى بطلهم المعتوه f81 صاحب تباين 25000 ماحصل نفس تقييمه
وهذا رابط التقييم من الموقع
http://asia.cnet.com/reviews/home_av/tvs/0,39037585,41054335p,00.htm
وشوف وين سامسونج بهالرابط اذا حصلته لك جائزه
http://asia.cnet.com/reviews/home_av/tvs/0,39037594,61970590,00.htm
عزيزي انت بحاجه ماسه لــــformatting
وبخصوص السعر ..بما انك لا تعرف السوني اكس الجديد..فمازلت اعتبرك غير مجرب...فالحكم منك ماراح يكون صحيح
لما تجرب سوني x350 تعال وقول السامسونج افضل
بخصوص الجيم مود..تقول لي هالكلام وكأن ماكان عندي شاشة سامسونج....عزيزي مبين عليك حديث في هالمجال
والاستغلال يرجع للسامسونج الي يحطون لك التباين الديناميكي..ولا يحطون التباين on screen مثل ماحطته سوني وكان لسوني x
2200 وهذا هو الاهم..التباين لما تتحرك الصوره وليس التباين الثابت
Anubis
21-04-2008, 04:26 PM
تلفيق وتزوير !!!!!!!
ماشاء ردك حلو ويبين روح أخلاقك العالية في الحوار وأحترام أراء الناس ومعرفة أنتقاء الألفاظ
Anubis
21-04-2008, 04:30 PM
تلفيق وتزوير !!!!!!!
ماشاء ردك حلو ويبين روح أخلاقك العالية في الحوار وأحترام أراء الناس ومعرفة أنتقاء الألفاظ
أسلوبك عالي في الحوار ، الله يعينك على نفسك
فوق المستحيل
21-04-2008, 04:31 PM
update
السوني D لحد الان لم يتم تقييمه...وهو افضل من R81 باامور
اهمها انه فيه ميزة motion flow
والاخ يقارن motion flow بال movie plus
وللعلم الفرق بين الميزتين
ان motion flow ذات تردد 100 هرتز
بينما شاشة سامسونج r81 ماتوصل لهالتردد
تحياتي
فوق المستحيل
21-04-2008, 05:00 PM
مود السينما للسوني تم تصمميه من sony pictue entertainment
وهالشي يعرف معناه محبي الافلام
فوق المستحيل
21-04-2008, 05:07 PM
انا اعتذر من الاخ العزيز..اسف واسمح لي...بعتبر الي حصل منك مو تزوير..ولكن خطأ غير متعمد او سهو
وانا اسف على كلامي الشديد
تقبل اسفي
فوق المستحيل
21-04-2008, 05:09 PM
انا اعتذر من الاخ العزيز..اسف واسمح لي...بعتبر الي حصل منك مو تزوير..ولكن خطأ غير متعمد او سهو
وانا اسف على كلامي الشديد
تقبل اسفي
سيكتور
22-04-2008, 10:49 AM
السلام عليكم مرة ثانية
مايحتاج مشاكل ياشباب الصلح زين :biggthump
انا أشوف ان السامسونج زين ولكن الناس تذم فيه من خرابته :28: أنا شخصياً عندي سامسونج CRT كبير، بعد ما أنتهى الضمان يمكن بشهر اخترب بدون ما حد يلمسه واحتجت إلى قطعة غيار أصلية كلفني مع التركيب 500 ريال :bigeyes:
بينما عندي السوني (الي الحين قاعد العب عليه) طاح المكتبة حقته وانشلخ نصين ما اختربت فيه الا الالوان وصلحته ب100 ريال:D
أظن ان سوني أفضل وانا راح اشوف ال32 بوصة :33:
KING3ZIZ
12-05-2008, 10:07 PM
والله الموضوع خطير اول ماقريته حسيت اني ندمت اني شريت شاشتي
بس بعد ماكملت في الموضوع خف الندم شويه هههههههههه
نوع شاشتي sony فئه V 32
اش رايكم فيها ؟؟
خالد اكريم
15-05-2008, 02:23 PM
شباب شالفرق بين التلفزيون والشاشة انا عندي تلفزيون ونسا وهاذي صوره :
http://file5.9q9q.net/Download/38521212/15052008080.jpg.html
وهاذي صورت المخارج الي فيه :
http://file5.9q9q.net/Download/84293493/15052008085.jpg.html
هل هو مناسب للPS3 لا تقولولي افلام ولا غيرو لاني ما اهتم بالافلام بس اهتم باللعب يعني مثلا العاب مثل :
MSG 4 او GTA: IV تكون فيهم ترجمة كيف راح تتطلع ومو بس ترجمة
وشكرا
EXTREME GAMER
05-06-2008, 09:22 PM
شاشة سامسونج ... وبس واصلا هية داعمة للاكس بوكس
وحتى لما تحط الشاشة على نظام GAME MODE بيطلع على اليسار جهاز الاكس بوكس
وانا عندي شاشه سامسونج 100 HRTZ
نسبة التركيز 25000:1
و FULL HD
46"
ماشي زي الحلاوة
geece
05-06-2008, 11:02 PM
انا يعجبني كل واحد يقعد ينصح بالشاشة اللي اشتراها ؟
وبعدين توشيبا من اتعس شركات ال lcd
انا استغرب من اللي يقللك المهم زمن الاستجابة ؟ ليش ترا التلفزيون العادي 24 وومكن اكثر ؟
من النهاية علشان ما اكثر كلام الترتيب كالتالي :
سامسونج
سوني
فليبس
شار ب
واذا تبي التوب خذ m8 من سامسونج , لانه سامسونج اكبر مصنع lcd في العالم وسوني تشتري منها شاشاتها من الاخير ؟
وترا المهم هو جودة ال lcd ونقاءه وقرب الالوان من الحقيقة وعمق اللون الاسود
فوق المستحيل
06-06-2008, 07:51 AM
انا ماامدح كل شاشه اشتريها لكن شريت m8 الي تتكلم عنه
سيئ للغايه مقارنة بالسونيx
فاشل بالافلام ديفيدي
عاكس للضوء
وسالفه ان سوني تشتري LCD من سامسونج فهذي قديمه..الحين المصنع مقسم للاثنين..ومشتركين فيه اثنينهم...وفي ناس تقول ان هالكلام من اكبر الكذبات على سوني
بلا سوني بلا سامسونج بلا بطيخ ^^
هالشاشات بالرابط اقضل منها كلها !!
http://www.montada.com/showthread.php?p=6133992
geece
06-06-2008, 04:54 PM
المصنع ملك لسامسونج وابحث في النت تعرف ؟
وبعدين انت قاعد تتكلم على افضل شاشة lcd موجودة وتقلي سوني x معليش بس انا مش مصدقك انها عندك وانا اتحداك اذا حطيت الاثنين جنب بعض راح تعرف الفرق درجات الاسود في السوني ضيقة والوانه باهتة مقارنة بm8وبعدين كل التقاييم تقلك انه ال m8 افلضل شاشة انت تقول اسواء على اي اساس ؟
geece
06-06-2008, 04:56 PM
وعلى فكرة شاشات نوكيا وhtc وهلم جرا كلها من سامسونج
فوق المستحيل
06-06-2008, 08:47 PM
الله يهداك ماتوصل لهدرجه انك تشكك فيني ..ليش جذاب انا ؟
يايبه الشاشه عندي m8 وبعتها وشريت x350 سوني..والافضليه لسوني وبمراحل
وشنو شايفني اصور لك الشاشتين يم بعض..وريث بيل جيتس !
على العموم الصوره موجوده بالمرفقات لشاشة m8
وراح اصور لك السوني x لعل وعسى تقتنع :)
والمصنع..معلوماتك شوي قديمه..قبل كان لسامسونح حصه فيه..الحين متساوين فيه سوني وسامسونج
وشدخل صناعه Lcd بالجوده :33:
المحرك وين راح ؟
هندسه الجهاز وين راحت ؟
الالوان ..التباين...الخ
اما التقاييم ..فاامر مضحك جدا..من قال ان تقييم m8 افضل من x350 سوني
يلا نحدث لك معلوماتك وندخلك هالرابط المختص بموديلات اسيا والي يبين افضل شاشات full hd تم تقييمها بالموقع....ودور لي وين m8 بالترتيب :)
http://asia.cnet.com/reviews/home_av/tvs/0,39037594,61970590,00.htm
معلش..تحتاج update
solid619
08-06-2008, 10:34 AM
إذا شاشتك برافيا V لا تفرط فيها ابدا انت بكم اشتريتها ؟؟
والشاشه اللي من سامسونج ونفس هذي الفئه من سوني هي R81 سعرها 3499
جميع حقوق برمجة vBulletin محفوظة ©2025 ,لدى مؤسسة Jelsoft المحدودة.
جميع المواضيع و المشاركات المطروحة من الاعضاء لا تعبر بالضرورة عن رأي أصحاب شبكة المنتدى .