المساعد الشخصي الرقمي

مشاهدة النسخة كاملة : خواطر و نثر )*)(... أهالينا ...)(


shjoonal3in
22-04-2008, 10:13 PM
----
صوت مبحوح
مقهور
يخرج بصعوبة ليدرك أن في هذه الدنيا
حتى الأصوات قد تُقتل
تحية لمن علمنا هذه الحقيقة ...!

----

أهالينا
..
ظلمتونا ... جرحتونا
نسيتوا انا نحن منكم ... قتلتوها أمانينا
...
أهالينا
..
وش اللي باقي فينا

...
قبايل
والنعم فيها
على هالراس ونغليها
ولكن
ليه بأفكاره تعاكسنا و تشقينا
قبايل
ليه بأعرافه تحاربنا و تبكينا
...

أهالينا
..
من اللي يعوض الماضي
من اللي
بهالغلط راضي
من اللي ينسأل فينا
...
أهالينا
..
وش اللي يا أهل قولوا بينسينا
...
سألكم مبتلي بالعشق !
و شوفوا ... واحكموا ... و قولوا إذا ودكم تزيدونه !
..
-- يبيني ..... وما أناسبكم !!
-- أبيه ..... وما هو عاجبكم !!
..
و ميتكم ... !
عقب ما مات قلبه من سبب همه...
تخلونه !
..
و ذبايحكم تزيدونه ... ذبايح ما تعدّونه
نحن منها نحن فيها
دخيل الله ... عدّونا ... إذا جيتوا تعدّونه ...!
...
أهالينا
..
تمشّون اللي تبغونه
غصب عنا تزوجونا
تجيبونا ... تضيعونا ... تكبرونا ... تخلونا
و عقب هذا تلومونا

...
أهالينا
..
بكينا الدم ... ما قلنا
شِعرنا يشتكي منا ... و دفاترنا .. و ليالينا
...
أهالينا
وش اللي يصير لو قلنا عن اللي ساكنٍ فينا
..
أهالينا
...
نناديكم
و لا كنّا حواليكم
نناديكم
و ميت صوتنا فيكم

...
أهالينا
..
تحملونا خطاياكم
تدفعونا ... ثمن ماضي سواياكم
و كل اللي قبل جاكم
...
أهالينا
..
تركتونا وأهملتوا
أهالينا ... ولا زلتوا !
ولكـــن ...
كم ورا هـ (العيب) ضيعتوا

...
أهالينا
..
قلوب من الزعل شالت
و ناسٍ قالت وقالت
و عين ... كم وكم
سالت !

...
أهالينا
..
يتيم وما لقى أمه
و ثاني يشتكي عمه
وحيد
تايه
ومحتاج
أحد يسمعه ويضمه

...
أهالينا
..
مريض تاهت دروبه ... و ذنب يرتجي توبه
و عنيد يداري عيوبه
لاجلهم ويش سوينا !
...
وجوه كلها لواحد
و قلب للعطا جاحد ... و حنا فالبشر واااجد
ولا رحنا ولا جينا !

...
أهالينا
..
سكتنا وليتها فادت
كتمنا ... زادت و زادت
عماكم ارتضيتوا به
و غصب عنا ...
عميتونا
...
طقوس و لازم نعيشه
وغصب نرضى بهالعيشه
نغني وقبلنا غنوا
...
كما الريشه
كما الريشه
...
و فيه قلوب من ثقله
تمنت لو غدت ريشه !
...
أهالينا
..
نبيكم أذن تفهمنا ... نبيكم قلب يرحمنا
نبيكم عقل ينصحنا
..
نبيكم حضن يكفينا

...
أهالينا
..
أبسأل وش هو واقعنا أبسأل وش هو ماضينا
أبسأل وين أمانينا
أبسأل لو بغينا نحب ... من اللي بيزرعه فينا ..!
أبسأل لو يضيع الدرب من اللي ياخذ ايدينا ...!
أبسأل و مدري وش كثر بسأل !
...
أهالينا
..
وش اللي باقي فينا
....

..

.
أخيراً
تحية لكل أهالينا !
...
ولا يهونون
نحن مالنا غيرهم وهم مالهم غيرنا
و..... تحية أخرى لمن علمنا هذه الـ (شبه) حقيقة !
...


فجأة لقيتني أكتب هالكلمات
موقف زائــد تراكمات
كلها كانت سبب !
...
و السموحة منكم ومن أهالينا
Anisovic
23-04-2008, 01:25 AM
اااااااه.........
قطعتي نفسي............
والله روعه روعه و ما اجامل...... و ما ابالغ.......... و بكامل قواي العقلية:p
رووووووووووووعة
ما شاء الله تبارك الله
وصف عميق
احساس فياض
مشاعر جياشة
شتحبّ نزيد نقول....لو عندي كلام خير كنت نقولوا..........
ارشحها افضل خاطره............ و الله..........
Anisovic
23-04-2008, 01:37 AM
و ميتكم ... !
عقب ما مات قلبه من سبب همه...
تخلونه !
..
و ذبايحكم تزيدونه ... ذبايح ما تعدّونه
نحن منها نحن فيها
دخيل الله ... عدّونا ... إذا جيتوا تعدّونه ...!
...
أهالينا
..
تمشّون اللي تبغونه
غصب عنا تزوجونا
تجيبونا ... تضيعونا ... تكبرونا ... تخلونا
و عقب هذا تلومونا

...
أهالينا
..
بكينا الدم ... ما قلنا
شِعرنا يشتكي منا ... و دفاترنا .. و ليالينا
...
أهالينا
وش اللي يصير لو قلنا عن اللي ساكنٍ فينا
..
أهالينا
...
نناديكم
و لا كنّا حواليكم
نناديكم
و ميت صوتنا فيكم

...
أهالينا
..
تحملونا خطاياكم
تدفعونا ... ثمن ماضي سواياكم
و كل اللي قبل جاكم
...
أهالينا
..
تركتونا وأهملتوا
أهالينا ... ولا زلتوا !
ولكـــن ...
كم ورا هـ (العيب) ضيعتوا

...
أهالينا
..
قلوب من الزعل شالت
و ناسٍ قالت وقالت
و عين ... كم وكم
سالت !

...
أهالينا
..
يتيم وما لقى أمه
و ثاني يشتكي عمه
وحيد
تايه
ومحتاج
أحد يسمعه ويضمه

...
أهالينا
..
مريض تاهت دروبه ... و ذنب يرتجي توبه
و عنيد يداري عيوبه
لاجلهم ويش سوينا !
...
وجوه كلها لواحد
و قلب للعطا جاحد ... و حنا فالبشر واااجد
ولا رحنا ولا جينا !

...
أهالينا
..
سكتنا وليتها فادت
كتمنا ... زادت و زادت
عماكم ارتضيتوا به
و غصب عنا ...
عميتونا
...
طقوس و لازم نعيشه
وغصب نرضى بهالعيشه
نغني وقبلنا غنوا
...
كما الريشه
كما الريشه
...
و فيه قلوب من ثقله
تمنت لو غدت ريشه !
...
أهالينا
..
نبيكم أذن تفهمنا ... نبيكم قلب يرحمنا
نبيكم عقل ينصحنا
..
نبيكم حضن يكفينا

...
أهالينا
..
أبسأل وش هو واقعنا أبسأل وش هو ماضينا
أبسأل وين أمانينا
أبسأل لو بغينا نحب ... من اللي بيزرعه فينا ..!
أبسأل لو يضيع الدرب من اللي ياخذ ايدينا ...!
أبسأل و مدري وش كثر بسأل !
...
أهالينا
..
وش اللي باقي فينا
....

..

.
أخيراً
تحية لكل أهالينا !
...
ولا يهونون
نحن مالنا غيرهم وهم مالهم غيرنا
و..... تحية أخرى لمن علمنا هذه الـ (شبه) حقيقة !
...
[/CENTER]

شفت انو المشاهدات 11.....ما عندهم ذوق....لو اقدر اكتب 100 تعليق كنت كتبت...
تعبير خيالي....فعلا لما اقرأ مثل هذه المواضيع احس بالضآلة و اعزف عن الكتابة.....
كل ما هو بالاحمر فعلا اذهلني...كفاك هذه الخاطره فخرا...صدقيني
قيصر الكلمات
23-04-2008, 01:38 AM
دائما رائع يا شجون العين
سطرت فأبدعتِ
سلمت على هذا النبض الرائع
وسلمتِ على هذه الكمات الراقية والمعبرة
والتي تدل على مدى روعة إحساسك
و رقة مشاعرك الدافئة
تجاه اهاليك
تحياتي لك
سيف الكلمة
23-04-2008, 03:47 PM
----
صوت مبحوح
مقهور
يخرج بصعوبة ليدرك أن في هذه الدنيا
حتى الأصوات قد تُقتل
تحية لمن علمنا هذه الحقيقة ...!

----

أهالينا
..
سكتنا وليتها فادت
كتمنا ... زادت و زادت
عماكم ارتضيتوا به
و غصب عنا ...
عميتونا
...
طقوس و لازم نعيشه
وغصب نرضى بهالعيشه
نغني وقبلنا غنوا
...
كما الريشه
كما الريشه
...
و فيه قلوب من ثقله
تمنت لو غدت ريشه !
...






سجع متقن واختيار موفق للموضوع
ومن الناحية الأدبية أعتبره قمة في الإبداع والوصف
وأعتبره الأفضل بسبب التطرق لموضوع قلّ ماذكر في المحافل الأدبية
ومميز لأنه كتب بصدق مشاعر وبقلم مميز ويمكن من تجربه شخصية ( وأكيد مافي دخان من غير نار )
ومن ناحية المعاني وهدف الموضوع فهي ليست ظاهرة ولا مواقف معدودة أو صور متغيرة
بل هي عادات وتقاليد نتناقلها من جيل لآخر تتأثر بشكل طفيف مع متغيرات الحياة
يمكن بعضنا قد خرج وتمادى عليها لوقت أوانتقدها صغيرا
لكن نعود ونتمسك بها ونطبقها كبارا
موضوع له تشعبات كثيرة ولاأريد الإطالة

أحببت أن أسجل إعجابي في هذا الإبداع للكاتبة المميزة الأخت شجون
تقبلي مروري
تحياتي
,,,,,,,,,,,,,,
,,
ابتسامــــــه
23-04-2008, 03:58 PM
يبون مصلحتنا :09:

أحس الخاطره طالعه من القلب ...:ds002: ..

تفننتي بالكتابه و رسم الواقع بطريقة جرئية و واضحه

يمكن واقع أليم لكن فيه مصلحتنا :أفكر:
و لو حطينا نفسنا بمكانهم تصرفنا ما اعتقد رح يختلف :)


تسلمين شجونه و فالج التوفيج يا رب
:)
غالي الساهر
24-04-2008, 11:47 AM
نقول أهالينا لهم الحق في 1 + 1 = 2
لكن مالهم حق في 1 + 1 = 10

وأتمنى وصلت فكرتي للمعادلة :)

عموماً أبهجتي خاطري بهذه الخاطرة الرائعة لأنّهُ أهم شي في الكتابة الصدق
وبالطبع كانت حقيقة وواقع لا يسهل على البعض تفهّمه ولكن مع مرور الوقت سوف نفهمه .

يعطيــــــكـِ العافيــــــــة

تحياتي
غالي الساهر
أنــفــاسـ
25-04-2008, 04:05 AM
يكفي اللي حصل نصه
نضيق وتصيبنا غصه
ولا احد(ن) درا فينا
/
اهم جابوا .. اهم ربوا
حرام إنا نخالفهم ... او بالرأي نقنعهم
كذا نكون عقينا ...
/

////////////////////////////

قبايل
والنعم فيها
على هالراس ونغليها
ولكن
ليه بأفكاره تعاكسنا و تشقينا
قبايل
ليه بأعرافه تحاربنا و تبكينا
...

أهالينا
..
من اللي يعوض الماضي
من اللي
بهالغلط راضي
من اللي ينسأل فينا
هذا اقرب مقطع حسيته لي


لي كم يوم اقرا نفس الخاطره كل ما بغيت ارد ما القى رد فأجلها لليوم الثاني.......
ونفس الطريقه كل يوم ... مدري ليه ..!

بس ما اقول غير مبدعه دايم شجون .... الله يحفظك

والله يصلح اهالينا ... ويصلحنا



تحيااااااااااااااااتي
عاشقة الخيال
25-04-2008, 05:22 PM
السلام عليكم و رحمة الله و بركاته

مرحبا أختي الغالية شجون العين
من أول ما وضعتي خاطرتك
و أنا في نيتي الرد لكن الله ما أراد
بس بصراحه ماشاء الله روعة روعة
في قمة الإبداع
سجع جميل و معاني بسيطة و خفيفة
فيها كلمات حكم
و أهالينا ... ينظروا إلى مستقبلنا
قد تكون صائبة و لكن من بعضها خاطئة و هي القليل منها
أهالينا أحترمناكم و أحبيناكم
مثل ما أنتم أحترمتونا و حبيتونا
يعطكِ الله ألف عافيه
أمتعتنا جداً جداً
و صح لسانك
و سلمت كتاباتك
و شكراً لك :)
الوهم الجميل
26-04-2008, 02:55 PM
اولا هذا مو خاطره هذا شعر وشعر جميل طبعا لاكن اود ان اعرف ليش هاى النضره على الاهل طبعا يعنى اهالينا وياريت اسمع الرد منك لان زاد فضولى بالرد لان الكلام لا على حبيب ولا على شى تانى الكلام كان على الاهل
shjoonal3in
27-04-2008, 07:43 AM
السلام عليكم

رووووووووووووعة
ما شاء الله تبارك الله
وصف عميق
احساس فياض
مشاعر جياشة
شتحبّ نزيد نقول....لو عندي كلام خير كنت نقولوا..........
ارشحها افضل خاطره............ و الله..........
تسلم أخوي على كلماتك ... شكراً جزيلاً


دائما رائع يا شجون العين
سطرت فأبدعتِ
سلمت على هذا النبض الرائع
وسلمتِ على هذه الكمات الراقية والمعبرة
والتي تدل على مدى روعة إحساسك
و رقة مشاعرك الدافئة
تجاه اهاليك
تحياتي لك
شكراً على وجودك هنا ... حياك الله

أحببت أن أسجل إعجابي في هذا الإبداع للكاتبة المميزة الأخت شجون
تقبلي مروريمثل ما قلت هو موضوع له تشعبات كثيرة ...
حياك الله أخوي ... شكراً على مرورك و ردك الكريم

يبون مصلحتنا أي مصلحة و أي خوف علينا يا بنت الحلال ... هذا عين التخلف !
فيه أحد يرمي عياله كذا تحت مسميات العادات و التقاليد والتشدد... أي تشدد أي خرابيط ...
بكره يوم يتعقد الولد أو تصير له مشاكله ويطيح في اللي يطيح فيه ....
والله لا أهله ولا قبيلته ... كلهم ما يفيدونه


و لو حطينا نفسنا بمكانهم تصرفنا ما اعتقد رح يختلفالله لا يبلانا بس ... وإذا مردها على كذا ما أبي نجيب عيال ونظلمهم
حياك ابتسامه


وأتمنى وصلت فكرتي للمعادلة
تبي الصراحة هي ما وصلت لكن عموماً إن شاء الله خير
تسلم أخوي غالي على تواجدك حياك

حرام إنا نخالفهم ... او بالرأي نقنعهم
كذا نكون عقينا ...
لا آسفة ... اللي يخالف الدين والعقل يسمحون لي
ما دخلوني مدرسة وعلموني عشان بالنهاية اتبعهم على عمى وأقول حاضر من باب الطاعة
فيه منطق وفيه دين وبعد هذولي تجي العادات والتقاليد ما أجازته المعايير أجزناه والبقية ديليت ...!
و المشكلة ان كل شي صار يعتبر عقوق ... و حتى كلمة الحق تعتبر عقوق ...

والله يصلح اهالينا ... ويصلحنا
آآآميييين ...
حياك صالح ...


قد تكون صائبة و لكن من بعضها خاطئة و هي القليل منها
أهالينا أحترمناكم و أحبيناكم
مثل ما أنتم أحترمتونا و حبيتونا
يعطكِ الله ألف عافيه
أمتعتنا جداً جداً حياك الله حبيبتي ... يسعدني ردك و تواجدك
تسلمين لي الغالية ^^


اولا هذا مو خاطره هذا شعر وشعر جميل طبعا لاكن اود ان اعرف ليش هاى النضره على الاهل طبعا يعنى اهالينا وياريت اسمع الرد منك لان زاد فضولى بالرد لان الكلام لا على حبيب ولا على شى تانى الكلام كان على الاهلهلا فيك أخوي ... شكراً على ردك
بالنسبة لسؤالك ... أولاً ... مجتمعاتنا ليست مثالية ... !! إذا ً لم التعجب من كلامي ..؟!
ما كتب هنا لا يشترط أن يكون صوتي ...
ولكنها أصوات مختلفة سمعتها ولامستني و سكنت في زوايا قلبي
وكان لزاماً أن تمر إلى هنا من خلال قلمي ... لا يشترط أن يفهم الجميع ما أقصد ولا يشترط أن يكون الصوت هو صوت الجميع ...
يكفيني إن عبرت بصدق و شفافية عن مشاعر شخص واحد فقط ...!
مع أنني أدرك تماماً انه لم يكن ... ولن يكون الوحيد أبداً ...
شكراً لكل من أضاف حرفاً هنا ..
و شكري الكبييييير والعميق إلى من ألهمني احساسه في حروفي !
شكراً جزيلاً
غالي الساهر
27-04-2008, 03:49 PM
تبي الصراحة هي ما وصلت لكن عموماً إن شاء الله خير
تسلم أخوي غالي على تواجدك حياك


يبدو أنني كبرت قليلاً :o

عموماً .. المقصد هو أن لايجب مجارات القرارات الغير صائبه من الأهل بحجّة أنهم الأهل !

أتمنى وصلت :أفكر:
shjoonal3in
27-04-2008, 05:59 PM
يبدو أنني كبرت قليلاً :o

عموماً .. المقصد هو أن لايجب مجارات القرارات الغير صائبه من الأهل بحجّة أنهم الأهل !

أتمنى وصلت :أفكر:

ايه وصلت وأخيراً ... توها تحط الشنط عند الباب :D
لكن من التجارب اللي شفتها ... شخص عانى من قرارات أو عادات أهله مثلاً
تلقاه لو يطلع من شورهم ... يسمونه عقوق
وغالباً لو كانت بنت ما راح تقدر تطلع ...
أما إذا تبعهم بياكلها بياكلها ... بيظلمونه وبيظلمون أنفسهم
...
و أغلب هالقرارات يتخذونها مو لمصلحة ابنهم لكن يقدمون فيها عاداتهم و سلومهم و نظرة الناس لهم وبقية القبيلة وغيره حتى لو فيه ضرر على ولدهم !
والله يعين المظلومين من ظلم الأهل...
تسلم أخوي غالي على توضيحك...
هــمـسـة
27-04-2008, 06:12 PM
السلام عليكم ورحمة الله وبركاته
أختي الكريمة
خاطرة أجمل ما فيها أنها مزدانة بالأحاسيس والمشاعر التي تصل إلى القلب من غير سابق إنذار
دمت ودام نبض قلمك
والسلام
أبو نائل
27-04-2008, 07:28 PM
السلام عليكم
والله كلمات في غاية الروعه يا شجون العين
أتمنى أن أهلنا كلهم يروا كلمات هذي
لأنها معبره عن حالتنا كلنا
أشكرك أخوي وتقبل مروري
أخوك دوم جلوي
shjoonal3in
30-04-2008, 10:38 PM
خاطرة أجمل ما فيها أنها مزدانة بالأحاسيس والمشاعر التي تصل إلى القلب من غير سابق إنذار



و عليكم السلام و رحمة الله وبركاته
هلا فيك أختي همسة ... تسلمين و شكراً على كلماتك :)




والله كلمات في غاية الروعه يا شجون العين
أتمنى أن أهلنا كلهم يروا كلمات هذي
لأنها معبره عن حالتنا كلنا


وعليكم السلام و رحمة الله وبركاته
و أنا أتمنى بعد ...
حياك الله أخوي
و اشكرك على تواجدك :)