المساعد الشخصي الرقمي

مشاهدة النسخة كاملة : أسئلة عن الاكس بوكس 360


snake_x86
28-04-2008, 08:42 PM
السلام عليكم و رحمة الله و بركاته

شبااب أنا شريت أكس بوكس Premium أصلي مو معدل من eMAX
و شريت معه Assassins Creed و Bully و لعبة بايخة

المهم...
الجهاز pal و كل الالعاب اللي شريتها NTSC
أول شي ما اشتغلو قال بده أبديت ... وصلته بالروتر و سوا ابديت
و كل شي اشتغل تمام....
و السؤال ... هل هذا يعني اني اقدر اشتري أي لعبة؟ (طبعا أصلية)
لاني لاحظت ان NTSC أرخص

ثاني شي ليش العاب الاكس بوكس اغلى بكثير من البلايستيشن 3! هل هو نصب
من عندنا؟ ولا من مايكروسوفت ولا انا ما افهم!
العاب البلاي ستيشن 3 تبدأ من 100 درهم
أرخص لعبة اكس بوكس كانت ب170 درهم (لعبة سخيفة)
Assassins creed و Bully اخدهم كل وحدة ب 300 درهم!
اخر شي بينخرب بيتي :D

أهم سؤال هو ان الجهاز احيانا يعلق خاصة لم العب Assassins creed
فهل هذا طبيعي؟

و شكرا مقدما
PrinceOfSorrow
28-04-2008, 09:55 PM
وعليكم السلام ورحمة الله وبركاته
مرة ثانية ^_______^ لاتاكل فول ياسنيك اوكي

تم نقل الموضوع
سامي.خ
28-04-2008, 10:04 PM
انتبه
مو كل مرة تسلم الجرة
ممكن ما يصيدونك إلحين، لكن راح يصيدونك بعدين ويخصون جهازك
snake_x86
29-04-2008, 09:21 AM
:wow: انا حطيته بمنتدى الاكس بوكس!!!!!!!!!!!
شكلي كنت فاتح منتدى الاكس بوكس و البرمجة بنفس الوقت و صارت خربطة :D
snake_x86
29-04-2008, 09:23 AM
:wow: انا حطيته بمنتدى الاكس بوكس!!!!!!!!!!!
شكلي كنت فاتح منتدى الاكس بوكس و البرمجة بنفس الوقت و صارت خربطة :D
سامي.خ
29-04-2008, 08:08 PM
شكلك تحشش ملوخية -_-
خفف أرجيلة أحسلك <_<
Mr.Xbox
29-04-2008, 08:20 PM
وعليكم السلام ورحمه الله وبركاته .

في بعض الالعاب تكون Free-Region يعني تقدر تشغلها على اي نظام , طبعاً مو كل الالعاب فري ريجن فتقدر تتأكد من اذا كانت هذي الالعاب فري ريجن ولا لأ , في مواقع متخصصه في هالشي بس ما اتذكرها للأسف ومواقع بيع الالعاب يكون فيها هالشي مثل www.play-asia.com

اما بالنسبه للألعاب فهو للأسف نصب من المحلات , العاب الاكس بوكس والبي اس 3 بنفس السعر , وكل ما قدمت الالعاب ينزل سعرها بأمريكا , اما هني لو كانت اللعبه قبل سنه ولا سنتين نفس السعر ما تتغير , طبعاً بعض المحلات اسعارهم تكون نفس سعر اللعبه الاصلي مع زياده السعر شويه ويقللون سعر اللعبه كل ما تصير اقدم , بس قليله هالمحلات .

اي استفسار ثاني انا جاهز :) .
سامي.خ
29-04-2008, 08:31 PM
اما بالنسبه للألعاب فهو للأسف نصب من المحلات , العاب الاكس بوكس والبي اس 3 بنفس السعر , وكل ما قدمت الالعاب ينزل سعرها بأمريكا , اما هني لو كانت اللعبه قبل سنه ولا سنتين نفس السعر ما تتغير , طبعاً بعض المحلات اسعارهم تكون نفس سعر اللعبه الاصلي مع زياده السعر شويه ويقللون سعر اللعبه كل ما تصير اقدم , بس قليله هالمحلات .
والله حرام
إلحين صارت لعبة إكس بوكس سعرها بسعر جهاز جيم بوي T_T
والله المفروض نشتكي الشركة نفسها، ويلومونا ليش نقرصن الأشرطة
هذي مو اسعار هذي قلة حيا
Mr.Xbox
30-04-2008, 03:56 PM
^
فعلاً -_-" , المفروض يكون في رقابه اكثر من الحكومه على الاسعار لكن لا حياه لمن تنادي :(
سامي.خ
30-04-2008, 05:02 PM
فعلاً -_-" , المفروض يكون في رقابه اكثر من الحكومه على الاسعار لكن لا حياه لمن تنادي
عندنا رقابة على أسعار الغنم والنياق والبعارين بس <_<
ramizak
01-05-2008, 05:15 PM
يوجد نوعين م الألعاب

الأمريكي - سعرها في أمريكا 60 دولار(حوالي 220 ريال) ولكن سعرها في الخليج بحدود 250 الى 280 يعني تقريبا 70 دولار فأنت تدفع أغلى من سعرها الأصلي بحدود 30 ريال.

ألاوروبي - سعره في أرضه 60 يورو (يعادل 350 ريال) ولكن سعرها في الخليج حوالي 280-320 ريال فأتت توفر 20-40 ريال.

السبب في هذه الفوضى هو المستخدم والمحلات الصغيرة والوسط.

انت عندما تشتري أمريكي وتوفر 20 ريال عن الاوروبي فانت تدعم الفوضى القائمة، خاصة في سوق السعودية والكويت بعكس سوق الامارات اللي قائم على البال والأسعار أرخص.

الموزع الرسمي حاليا تحت ضغط سعر اليورو المرتفع جدا جدا.

أنا اتكلم من تجربة حيث أننا نوزع للعديد من شركات الالعاب في الخليج.

بالنسبة لاكسبوكس والps3 فاسعار العاب الاكسبوكس أغلى من ال PS3 (سعر الشراء من الناشر) وذلك بسبب قلة كمية العاب الاكسبوكس مقارنة بالبلايستايشن 3 (تقريبا اللعبة على البلاي تبيع 4 مرات أكثر من الاكسبوكس لوجود القرصنة)

أرجو أن أكون قد أفدت.
Mr.Xbox
01-05-2008, 07:49 PM
خاصة في سوق السعودية والكويت

المشكله انه في سوق الكويت مافي دعم كامل من مايكروسوفت والقليل من المحلات اللي تنزل اشرطه PAL , اتمنى مايكروسوفت تسرع في نشر وكالاتها في كل دول المنطقه وليس مجموعه قليله منها .

اعتقد انه السبب هو انه مايكروسوفت تأخرت كثير في اصدار الاكس 360 في المنطقه والناس كانوا يشترون اجهزه NTSC فصعبه الناس تبدل اجهزتها الامريكيه وتشتري بدالها اوروبيه فقط للدعم , اذا استمر دعم مايكروسوفت وازداد بعد ان شاء الله بيتحسن الوضع كثييير بعد اصدار الجيل الجديد من الاكس بوكس .
ramizak
02-05-2008, 12:04 AM
نعم صحيح.
لا تنسى ان مايكروسوفت بيدها بس العابها ومش العاب كل الشركات مثل EA , Actvision و غيرها ترى هذه عندها توزيعها الخاص.